Islamic conquests during the Abbasid Caliphate Second year of secondary school history First

تخيل اقوى دوله اسلاميه حصلت في التاريخ هي الدوله الامويه كانت قوه عظمى بتمتد من الصين شرقا الى الاندلس غربا وبتضم شعوب متنوعه عرب وفرس واتراك وبربر ولكن بعض الخلفاء هيعتمدوا على العرب في تولي المناصب المهمه وده هيخلي الشعوب الثانيه تحس بالتهميش وهنا بقى تحصل مشكله اجتماعيه فتنطلق فكره في مدينه خرسان على يد رجل فارسي اسمه ابو مسلم الخرساني بتنادي دي باحقيه احفاد العباس عم الرسول صلى الله عليه وسلم بالخلافه صلي بقى على النبي عشان اللي جاي جامد جدا ومع الوقت هيزداد اتباع الفكره دي وتظهر برده شويه افكار ثانيه وناس ثانيه بتطالب باحقيتها في الخلافه وده كله هيتسبب في سقوط الدوله الامويه و طب ما بقوللك ايه ما تيجي بقى احكيلك ويلا بينا بقى نبدا ونقول بسم السلام عليكم ورحمه الله وبركاته اهلا بكم طالبه الثانيه ثانوي ادبي وعلمي في كل مكان معكم مستر محمد فتحي وتعالوا بقى نتكلم على الدرس الرابع في الوحده الثانيه تاريخ الترم الاول الفتوحات الاسلاميه في عصر الدوله العباسيه وعلى فكره ده اخر درس في المنهج لو انت بقى كنت مركز في المقدمه هتفيدك جدا جدا في الحلقه نشيل بقى العنوان الجميل الجميل ده ويلا بينا نكمل بعد انتشار الدعوه العباسيه وزياده اتباعها ده ادى لسقوط الدوله الامويه سنه 132 هجريه الموافق 750 ميلاديا وانتقلت عاصمه الخلافه من مدينه دمشق في الشام الى مدينه بغداد في العراق وورثت الدوله العباسيه ميراثا ضخما عن الدوله الامويه ارض واسعه جدا زي ما انت شايف كده ولكن الموضوع ما خلصش لحد هنا في شويه مشاكل لسه ففكر خلفاء الدوله العباسيه في تاسيس بعض الدول المستقله ومنحها الحكم الذاتي مع الولاء التام للدوله العباسيه. الخلفاء العباسيين فكروا في استراتيجيه دفاعيه كده فكره جديده يعني انهم يعملوا دول مستقله ناحيه الحدود. الخليفه العباسي هيقوم بتعيين والي على منطقه. الوالي ده هو واولاده وعيلته هيحكموا الولايه ويفضلوا يتورثوا الحكم فيها. اكنها فعلا دوله مستقله. والدوله المستقله دي مش مستقله استقلال تام. لا ده ليها حكم ذاتي مع الولاء التام للدوله العباسيه يعني تبع الخليفه العباسي بتاخد الاوامر منه طب وليه الخلفاء العباسيين عملوا الكلام ده من اجل مواجهه اعداء العباسيين الذين تنام دورهم انذاك في شويه اعداء للعباسيين ظهروا في الفتره دي مثل الزيديه في المشرق والادارسه في المغرب ده ايه بقى الحكايه دي بص بقى في شويه ناس عجبتهم الدعوه العباسيه فقالوا طب ما نعمل زيها احنا كمان وابتدوا يطالبوا باحق بقيتهم في الخلافه زي الزيديه في المشرق والادارسه في المغرب وعلى فكره الاثنين دول مش بيعترفوا بالخليفه العباسي يعني مستقلين استقلال تام عن الدوله العباسيه تمام المهم الدوله العباسيه هيستمر حكمها حوالي خمس قرون يعني 500 سنه هنقسمهم لعصرين العصر العباسي الاول سنه 132 هجريه لحد 232 هجريه يعني 100 سنه كان الخلفاء العباسيون اقو ويه جدا لديهم القدره على فرض ارادتهم السياسيه على الدول المستقله يعني الخليفه بيقول للوالي بتاع الدوله المستقله اعمل كذا فيعمل كذا ما تعملش كذا ما يعملش كذا بيسمع كلام الخليفه انما بقى في العصر العباسي الثاني اللي بيبدا من سنه 232 هجريه لحد 656 هجريه يعني حوالي كده تقدر تقول اربع قرون وشويه ايه اللي هيحصل بقى الخلفاء ضعفاء فضعف الخلفاء ادى الى قيام عده دول مستقله ده من غير ما الخليفه يقول لهم ده هم هيعملوا كده دوله مستقله مع نفسهم وكان ليها دور مهم في الفتوحات باسم الخلافه الاسلاميه يعني الخليفه هيعين والي على اي منطقه فالوالي ده هيعمل من دماغه كده دوله مستقله وهيعمل شويه فتوحات من غير ما ياخد راي الخليفه ولا الخليفه يقول له اصلا بس عشان ما يزعلش الخليفه هتكون الفتوحات دي باسم الخلافه الاسلاميه تمام الكلام تمام تعالى بقى نشوف اهم الفتوحات الاسلاميه في عصر الخلفاء العباسيين ونبدا باول فتوحات وهي الفتوحات العباسيه في بلاد المشرق اعتمد العباسيون في فتوحاتهم على الفرس مثلما اعتمدوا عليهم من قبل في اقامه دولتهم فاكر بقى ابو مسلم الخرساني اللي كان في المقدمه ده كان فارسي فقام بتثبيت اقدام الدوله العباسيه في المشرق الاسلامي وقد تتابعت عده دول مستقله في اقليمي خرسان هنا اهو وبلاد ما هو وراء النهر كان في شويه دول مستقله في المنطقتين دول بالترتيب كده الدوله الطاهريه بعد كده الدوله الصفاريه بعد كده الدوله الثمنيه واللي عمل الدول دي عناصر فارسيه هم بقى اللي هيقوموا بالفتوحات ناحيه المشرق طب تعالى ننزل تحت شويه ونتكلم على فتح بلاد الهند والسند حمل لواء الفتح الاسلامي في بلاد الهند والسند في اواخر القرن الرابع الهجري دولتان مهمتان في تاريخ الاسلام مين بقى الدول بقى اللي هتعمل فتوحات بلاد الهند والسند الدوله الغزنويه والدوله الغوريه يعني كده عندنا ناحيه المشرق الاسلامي خمس دول مستقله ليهم حكم ذاتي وليهم ولاء تام للدوله العباسيه ثلاثه ناحيه بلاد ما وراء النهر وخرسان هيقوموا بالفتوحات في المنطقه دي بالترتيب راجع معايا الدوله الطاهريه بعد كده الصفاريه بعد كده الساميه انما ناحيه بلاد الهند والسند دولتين الدوله الغزناويه بعد كده الدوله الغوريه تعال بقى نروح لمنطقه ثانيه ونتكلم عن الفتوحات العباسيه في منطقه اسيا الصغرى كانت الفتوحات الامويه وصلت لحد منطقه اقليم الصغور والعواصم ايه بقى اللي هيحصل اتسمت العلاقات بين الدوله العباسيه والدوله البيزنطيه بالعداء ولم تحاول الدوله العباسيه التوسع وانما الحفاظ على مكتسبات المسلمين في الاطراف الشماليه والحفاظ على الوجود الاسلامي عن طريق عده اجراءات للسيطره على مناطق الصغور والعواصم واقاليم اسيا الصغرى ايه بقى الاجراءات اللي هيعملوها عشان يحافظوا على الوجود الاسلامي والحدود في المنطقه دي؟ رقم واحد تقويه اقليم الثغور والعواصم يظبطوا الدنيا هناك عشان يكونوا مسيطرين رقم اثنين الحرص على استمرار نظام الصوائف والشواتي اللي كان عامله الخليفه معاويه بن ابي سفيان ايام الدوله الامويه حمله في الصيف وحمله في الشتاء وده بهدف تامين الحدود والاستطلاع يعني يجيبوا اخبار ورقم لاثه خروج الخلفاء العباسيين بانفسهم لحرب الروم وده طبعا لما يكون الروم عاملين حمله كبيره قوي فهيضطر الخليفه العباسي يخرج بنفسه في الحمله ورقم اربعه تبادل الاسرى بين المسلمين والبيزنطيين واكيد طبعا اثناء المعارك والحملات والحروب دي بيكون في اسرى من الطرفين فبيتم تبادل الاسرى مسلمين مع بيزنطيين بس كده نقف لحد لحد هنا تعال بقى ناخد سؤالين نحبس بيهم ونرجع نكمل مره ثانيه يلا بينا ونبدا بالسؤال الاول تم تاسيس بعض الدول المستقله في المشرق والمغرب الاسلامي خلال العصر العباسي الاول لاسباب ايه؟ بص بقى الخلفاء بتوع الدوله العباسيه في العصر العباسي الاول كانوا بيساعدوا على قيام الدول المستقله ناحيه المشرق عشان يحموا نفسهم من الاعداء زي اللي بيطالبوا بالحكم زي مين؟ الزيديه يه ناحيه المشرق وناحيه المغرب مين؟ الادارسه كل ده عشان يحافظوا على ايه؟ الحكم الحكم ده بقى تصنفوا اسباب ايه؟ سياسيه تعال بقى ندور عليها اجتماعيه لا دينيه لا اقتصاديه لا سياسيه تعال بقى نطلع فوق ونخش على السؤال الثاني حمل لواء الفتح الاسلامي على سواحل المحيط الهندي في العصر العباسي الدوله مين بيقول لك مين اللي حمل لواء الفتح الاسلامي ناحيه ايه سواحل المحيط الهندي المحيط الهندي ده فين ناحيه بلاد الهند والسند جميل قوي الكلام مين بقى اللي كان بيحمل لواء الفتح في المنطقتين دول هم دولتين الغزنويه وبعديها الدوله الغوريه تعال بقى ندور على حد من الاتنين دول اكيد هتلاقي واحد منهم في الاختيارات الطاهريه لا ده عند بلاد ما وراء النهر الصفريه لا الثمنيه لا الثلاثه دول عند بلاد ما وراء النهر انما الغزنويه دي اللي فين اهو ناحيه بلاد الهند والسند تعال نطلع فوق وناخد سؤال كمان يرجع خروج الخلفاء العباسيون بانف انفسهم لمحاربه الدوله البيزنطيه الى ايه؟ الخلفاء بتوع الدوله العباسيه كانوا بيخرجوا بنفسهم في حملات لمحاربه الدوله البيزنطيه وده وقت لما يلاقوا الخطر شديد جدا فبيخرج بنفسه فتعال ندور على حاجه شبه الكلام ده ا الرغبه في توسيع حدودهم لا بص الخلفاء العباسيين ما كانوش بيفكروا في توسيع حدودهم ناحيه الشمال هم عايزين يحافظوا على حدودهم اقليم الصغور والعواصم بس فتبقى غلط ب اشعار الروم بسيطره الخلفاء على الحكم مالوش علاقه يعني الروم هيعملوا ايه لما يحس ان الخليفه مسيطر على الحكم ولا حاجه خالص دي حاجه داخليه طيب ج خطوره هجمات الروم على مناطق الحدود ايوه لما الهجمه تكون خطر بيخرج الخليفه بنفسه انما دال الاهميه الاقتصاديه لمناطق الحدود مع الروم لا طبعا مالهاش اهميه اقتصاديه هي ليها اهميه ايه استراتيجيه امنيه يعني بس كده تعال بقى نرجع لمرجوعنا ونكمل كلام عن الفتوحات العباسيه في جزر البحر المتوسط وجنوب اوروبا سعى العباسيون للحفاظ على الارث البحري الذي ورثوه عن الامويين يعني بيحافظوا على نفس المناطق اللي ورثوها عن الامويين وذلك منذ خلافه هارون الرشيد وده من الخلفاء العباسيين الاقويه في العصر العباسي الاول هيعمل ايه بقى؟ سعى الى استعاده السياده البحريه الاسلاميه على البحر المتوسط وتم ذلك على مرحلتين المرحله الاولى ضم جزيره كوبرس انا عارف ان في واحد هيشغل البصله ويقول طب ما جزيره كوبرس المسلمين فتحوها ايام الخلفاء الراشدين عثمان بن عفان ازاي الخليفه هارون الرشيد هيضمها ما كده مع المسلمين يا حبيب قلبي ما انا هقول لك اثناء الفوضى اللي حصلت في الدوله الاسلاميه اهل كوبرس عملوا تمرد وراحوا وقفوا في صف الروم فارسل هارون الرشيد قائده على راس اسطول لفتح كبرس ففتح اجزاء منها فاهل كبرس قالوا له بس خلاص ما تدخلش الجيش بتاعك وما تكملش الفتح هنعمل صلح وشوف الجزيه اللي انت عايزها وهندفعها وفعلا ابرم معه اهليها صلحا لم الجزيه منهم ومشى اول ما مشى من هنا لعب العيال بدا سرعان ما نقض اهل كبرس الصلح رجعوا ثاني وقفوا مع الروم فارسل الخليفه هارون الرشيد اليهم ثانيه بعت لهم الاسطول ثاني عام 190 هجريه 805 ميلاديا واخضعهم يعني بالعافيه بقى كده بقى واثر عدد كبيرا منهم اخد اسرى منهم كتير قوي وربطهم وحطهم في المراكب وقال لهم هاتهم لي هيعمل فيهم ايه بقى هيديهم علقه لا اسكنهم مع المسلمين عده اشهر جابهم كده فكهم يا ابني بقى خليهم يعيشوا وسط المسلمين ففضلوا عايشين مع المسلمين يشتغلوا ويروح الشغل يرجع من الشغل عايش مع المسلمين عادي طب ما المسلمين طلعوا حلوين اهو امال في ايه بقى يا جدعان احنا كنا واقفين مع الروم ليه بعد كده الخليفه قال لهم ايه رايكم ترجعوا ثاني كوبرس فقالوا له يا ريت العيال وحشتنا فقال لهم ماشي بس هاخد عليكم عهد قال لهم عايز عهد منكم ما تقفوش في صف الروم ثاني ما تساعدوهمش خالص ولو شفتوا كده الروم مجهزين سفن وجايين يهجموا علينا بلغونا قالوا له موافقين قال لهم ماشي يلا بقى اركبوا السفن ثم اعادهم الرشيد الى بلادهم بعد ان اخذ عليهم عهدا بالنصيحه للمسلمين وانذارهم حين هجوم الروم وانا لا يقفوا في صف الروم ونجحت فعلا سياسه الخليفه هارون الرشيد اللي حصل ده بقى نقدر نقول عليه قوه ناعمه تقدر تقول كمان انه شغلهم استخبارات مخبرين ده كده المرحله الاولى للسيطره على جزر البحر المتوسط تعالى نشوف بقى المرحله الثانيه وهي ضم جزيره ثقليه واللي هيقوم بقى بالمهمه دي دوله الاغالبه اللي قامت في شمال افريقيا عام 184 لحد 209 هجريه الموافق سنه 800 لحد 908 ميلاديا يعني تقدر تقول كده استمرت حوالي قرن والدوله دي قامت في عهد الخليفه هارون الرشيد وتنسب الى ابراهيم بن الاغلب ولعبت دوله الاغالبه دورا بارزا يعني مهم جدا في فتح جزيره ثقليه على يد القائد اسد بن الفرات عام 213 هجريه 828 ميلاديا ويتم كده بسط السيطره الاسلاميه على البحر المتوسط وهكذا استطاع الخلفاء العباسيون الحفاظ على قوه وهيبه الدوله الاسلاميه امام البيزنطيين طوال فتره العصر العباسي الاول كانوا قوه رهيبه ما حدش يقدر يهزر معاهم ولكن تغيرت سياسه الخلفاء العباسيين نسبيا في العصر العباسي الثاني حيث ضعف بقى الخلاف فاء فمش هيقدر الخليفه يدي اوامر للولاه والناس اللي عاملين دول مستقله فهيحصل ايه بقى؟ حيث قامت في الشام دول مستقله زي الدوله الطولونيه وبعدها الاخشيديه وبعدها الحمدانيه ودول بقى اللي هيقوموا بالموضوع الدول دي واجهت الدوله البيزنطيه في مناطق الصغور والعواصم واقاليم اسيا الصغرى واستطاعوا فرض وجودهم امام البيزنطيين طاره بالمواجهه المسلحه وطاره اخرى بالمعاهدات والصلح يعني اللي كان قايم باحميه الحدود مش الجيش بتاع الخليفه ده الجيش بتاع الدول المستقله في الشام طولونيه اخشيديه حمدانيه مره يفرضوا سيطرتهم على اقليم الثغور والعواصم بالقوه المسلحه يعني في حروب بتحصل ومره ثانيه بالمعاهدات والصلح ويفضل الحال على كده ما فيش فتوحات جديده وبيحاول العباسيين الحفاظ على الحدود الاسلاميه زي ما هي تعال بقى ناخد سؤالين نحبس بيهم ونخلص الحلقه بتاعتنا ونخلص المنهج كمان يلا بينا ونبدا بالسؤال الاول استطاع هارون الرشيد اسر عدد كبير من اهل كبرس وكان الغرض الاكبر استخدامهم في ايه؟ بص بقى الخليفه هارون الرشيد قام بسياسه القوه الناعمه انه هياثر عدد كبير من اهل كبرس ويجيبهم يعيشوا مع المسلمين بعد كده يتفق معاهم اتفاق هتروحوا هناك لو لقيتوا الروم جايين يهجموا علينا تبلغونا يبقى ده هيستخدمهم ايه؟ استخدام استخبارات مخبرين يعني تعال بقى ندور على حاجه شبه الكلام ده ا فرض السيطره على غرب البحر المتوسط لا قبرس ناحيه شرق البحر المتوسط فتبقى غلط ب امداد المسلمين بالمؤن لا هم عايزين اخبار مش مؤن ج اخضاع بلاد الروم لحكمه لا د الاستطلاعات الحربيه يعني ايه استخبارات يجيبوا معلومات تعالى نطلع فوق ونخش على السؤال الثاني فرضت الدوله العباسيه سيطرتها على جزيره ثقليه بفضل مين؟ بفضل دوله مستقله قامت في شمال افريقيا اسمها ايه؟ دوله الاغالبه بتاعه ابراهيم بن الاغلب تعالى ندور على اي حاجه في الاختيارات معناها الكلام ده ا قوه مناطق الحكم الذاتي بها ايوه نقصد بمناطق الحكم الذاتي هي دوله الاغالبه دوله مستقله لها الحكم الذاتي ولكن ليها ولاء تام مع الدوله العباسيه ب ميراثها الضخم من فتوحات الامويين لا ج كثره مواردها الاقتصاديه لا د حرص خلفاء على التحالف مع الروم لا ماتحالفوش مع الروم كانت السياسه بينهم عداء تعالى نطلع فوق ونخش على السؤال الثالث استطاعت الدوله الحمدانيه حمايه حدود الدوله العباسيه من جهه ايه؟ بص بقى الدوله الحمدانيه كانت بتحمي حدود الدوله العباسيه في اقليم ايه؟ الصغور والعواصم يعني ناحيه ايه؟ ناحيه الشمال. تعال بقى ندور في الاختيارات يلا بينا شرق لا غرب لا جنوب لا الشمال بس كده انا عايزك تكون حاطط في دماغك ان حدود الدوله العباسيه كانت عامله كده تمام اللي بيحمل حدود ناحيه بقى الشرق هنقسمها لجزئين هنا وهنا اللي ناحيه الشمال هنا لاث دول طاهريه سفريه سمانيه تمام طيب ناحيه بقى بلاد الهند والسند هما اتنين غزنويه وغوريه تمام تعالى اكتب لك هنا اهو الطاهريه والسفريه والثمنيه دول عند بلاد ما وراء النهر الغزنويه والغوريه عند بلاد الهند والسند تعال بقى نكمل ناحيه الشمال كان مين هم ثلاثه بالترتيب كده طولونيه بعد كده اخشيديه بعد كده حمدانيه تمام تعال بقى ناحيه الغرب كان في الدوله بتاعه ايه الاغالبه بقى هكتب لك اهو الطولونيه والاخشيديه والحمدانيه كانوا بيحموا حدود الدوله من ناحيه الشمال عند اقليم الصغور والعواصم بس كده نكون خلصنا الحلقه بتاعتنا والدرس كله الحمد لله والمنهج كمان اتمنى بقى ان انت تكون استفدت جدا كانت حلقه بسيطه جميله لذيذه فما تنساش بقى انزل اعمل لايك ولو كنت عامل لايك من اول الحلقه فما تنزلش على الفاضي الغيله واعمله تاني وتعالاني بقى عشان تحل سؤال الحلقه اللي بيقول واجهت الدوله العباسيه نفس الصعاب التي واجهت الدوله الامويه في ايه؟ في حاجه كانت صعبه قوي على الدوله الامويه برده كانت صعبه على الدوله العباسيه هي ايه الحاجه دي هل بلاد السند ولا اسيا الصغرى ولا شمال افريقيا ولا بلاد ما وراء النهر فكر بقى كده ومستني اجاباتكم في التعليقات وبالتوفيق ان شاء الله وانتهى منهج التاريخ الترم الاول دفعه الحمد لله خلصنا المنهج وبس كده اكون خلصت انا عندي سؤال او استفسار اكتب في كومنت وارد عليك ان شاء وانتظروني الحلقه اللي جايه باذن الله هتكون مراجعه وما تنساش تابعنا على جروب الواتساب هتلاقي لينك بصندوق الوصف تحت الفيديو وكان معكم مستر محمد فتحي والسلام عليكم ورحمه الله وبركاته.