الممنوع من الصرف بطريقة سهلة جدا

درسنا النهارده هو الممنوع من الصرف وقبل ما نتكلم عن الممنوع من الصرف لازم نفهم يعني ايه الاسم المنصرف ولازم نفهم يعني ايه الاسم الممنوع من الصرف الاسم المنصرف هو الاسم الذي يظهر على اخره التنوين يعني هو الاسم الذي ينون يعني يكون في تنوين بالفتح او بالضم او بالكسر زي مثلا لو قلنا اصبح محمد محبوبا فين هنا الاسم المنون محمد ده اسمه اسم منصرف يعني اسم منون وكلمه محبوبا ايضا اسم منصرف ليه؟ لانه منون يبقى معنى الاسم المنصرف هو الاسم الذي ينون طيب يعني ايه الاسم الممنوع من الصرف احنا قلنا المنصرف يعني المنون يبقى الممنوع من الصرف ايوه يا سيدي هو الممنوع من التنوين يبقى كده الاسم الممنوع من الصرف هو ما لا يجوز ان يلحقه التنوين يعني احنا درسنا النهارده خاص بالاسماء التي لا تنون يعني الاسماء اللي ما ينفعش ننونها طيب الاسماء اللي احنا هنذكرها دي اتمنعت لوحدها من التنوين ولا في سبب منعها من التنوين ممكن يكون الممنوع من الصرف ممنوع من الصرف لعله واحده يعني ايه يعني ممكن يكون في سبب واحد هو اللي خلى الكلمه دي لا تنون وده اول نوع هنتكلم عنه طيب لو عندي سببين منعوا الكلمه من التنوين منعوا الاسم ده من التنوين وده القسم الثاني من درس النهارده وهو الممنوع من الصرف لسببين او لعلتين يعني في سببين خلوا الكلمه دي او خلوا الاسم ده يتمنع من التنوين يبقى درسنا النهارده هو الممنوع من الصرف اول نوع يسمى بالممنوع من الصرف عله واحده يعني ايه الكلام ده؟ يعني دلوقتي هندرس كلمات منعت من الصرف لسبب واحد يعني سبب واحد هو اللي خلى الكلمه دي لا تنون اول حاجه في الممنوع من الصرف لعله واحده هو الاسم المختوم بالف التانيث المقصوره او الف التانيث الممدوده يعني ايه الكلام ده؟ يعني اي اسم ختم بالف التانيث المقصوره اذا هو ممنوع من الصرف والسبب انه مختوم بالف التانيث المقصوره طيب لو مختوم بالف التانيث الممدوده اذا هو ايضا ممنوع من الصرف طيب السبب سبب واحد فقط لانه مختوم بالف التانيث الممدوده طيب يعني ايه الف التانيث المقصوره الف التانيث المقصوره زي مثلا لو قلنا كلمه سلمى وكلمه حبل وكلمه مرضى ركز معايا كده في الاسماء دي كلمه سلمى ركز ختام الكلمه يعني الكلمه تنتهي بايه؟ الكلمه تنتهي بالف لينه. هذه تسمى بالف التانيث المقصوره. اذا الشكل ده كده هو الف التانيث المقصوره. وايضا الكلمه الثانيه تنتهي بالف التانيث المقصوره. وايضا الثالثه تنتهي بالف التانيث المقصوره. اذا ده شكل الف التانيث المقصوره. الف لينه. طيب شكل الف التانيث الممدوده الف التانيث الممدوده زي كلمه اصدقاء وكلمه اشياء وكلمه اسماء ركز معايا كده في نهايه كلمه اصدقاء هتلاحظ ان النهايه همزه على السطر وقبل الهمزه دي الف اذا ده شكل الف التانيث المقصوره الف وبعديها همزه على السطر وايضا كلمه اشياء برده همزه على السطر قبل الهمزه دي الف وكلمه اسماء ايضا همزه على السطر وقبلها الف اذا شكل الف التانيث الممدوده كده وبعديها همزه على السطر اذا اي اسم ينتهي بالف التانيث المقصوره او الممدوده اذا هو ممنوع من الصرف طيب في كلمات ثانيه تمنع من الصرف لعله واحده لسبب واحد ايوه يا سيدي في صيغه منتهى الجموع صيغه منتهى الجموع هي كل جمع اوسطه الف بعدها حرفان او ثلاثه اوسطهما ساكن بنقول كلمه جمع ثالث حرف من الكلمه دي الف بعد الالف حرفان او ثلاثه حروف ولكن وسط الثلاث حروف دول ساكن ازاي؟ زي مثلا لو قلنا كلمه مساجد ومصانع ومنابر ومصابيح ركز معايا كده في كلمه مساجد ثالث حرف من هذه الكلمه ا م س وبعد بعدين الالف هي الحرف الثالث بعد الالف حرفان اذا الكلمه دي ممنوعه من الصرف لسبب واحد وهو انها جاءت على صيغه منتهى الجموع وايضا كلمه مصانع ثالث حرف الف بعد الالف حرفان وبرده كلمه منابر ثالث حرف الف بعد الالف حرفان طيب كلمه مصابيح لا استنى ثالث حرف من الكلمه الف بس الالف بعدها كم حرف ثلاثه حروف حروف طيب ركز معايا كده هتلاقي في ثلاث حروف بعد الالف ولكن وسط الثلاث حروف وسط الثلاث حروف اللي بعد الالف وسطهم ساكن اللي هو الياء اذا الكلمه دي ايضا جاءت على صيغه منتهى الجموع ولو عايز تعرفها بالوزن هتلاقي الكلمه على وزن مفاعل او مفاعيل او فواعل او فواعيل يعني صيغه منتهى الجموع تاتي على هذه الاوزان والاوزان دي برض هتلاقي ثالث حرف منها الف بعد الالف حرفان او ثلاثه حروف اوسطهما ساكن طيب تمام خلصنا من الممنوع من الصرف لعله واحده دلوقتي هنتكلم عن الممنوع من الصرف لعلتين اول سبب من منع هذه الكلمات من الصرف انها علم يعني ايه الكلام ده يعني العلم يمنع من الصرف يمنع من التنوين اذا كان رقم واحد اذا كان علما مؤنثا تانيسا حقيقيا او لفظيا يعني الكلمه لو كانت علم وكانت مؤنثه تانيسا حقيقيا او لفظيا اذا هي ممنوعه من الصرف لسببين اول سبب انها علم وتاني سبب انها مؤنثه تانيث حقيقيا او لفظيا زي مثلا كلمه امنه وكلمه مريم وكلمه زينب وحمزه ومعاويه ركز معايا كده كلمه امنه تنتهي بتاء التانيث وكلمه امنه تدل على المؤنث طيب هل الكلمه دي مؤنثه تانيث حقيقي او مؤنثه تانيث لفظي طب يعني ايه تانيث حقيقي تانيث حقيقي هو ان الكلمه تدل على المؤنث يعني لو الكلمه اللي قدامك دي تدل على المؤنث اذا هي مؤنثه تانيث حقيقي طيب كلمه مريم اذا هي مؤنثه ولكن حقيقيا وليس لفظيا طيب كلمه زينب ايضا مؤنث حقيقي طيب كلمه حمزه لا استنى كلمه حمزه تدل على المذكر ولا المؤنث لا يا سيدي ده اسم راجل تدل على المذكر ولكن تنتهي بتاء التانيث يعني هي مؤنثه في اللفظ مؤنثه في الكتابه ولكن مش مؤنثه في الحقيقه اذا ده مؤنث لفظي وليس مؤنث حقيقي وايضا كلمه معاويه تنتهي بتاء التانيث ولكنها تدل على مذكر يعني الكتابه مؤنثه والمعنى مذكر اذا ده مؤنث لفظي مؤنث كتابي وليس مؤنث حقيقي يعني خلاصه الكلام كده ما دام الكلمه اللي قدامك مؤنث يعني لو بتدل على المؤنث في الحقيقه اذا هي ممنوعه من الصرف وايضا لو بها تاء تانيث اذا هي ممنوعه من الصرف ايضا لانها مؤنث لفظي اما اذا كان العلم المؤنث ثلاثيا ساكن وسط زي مثلا كلمه هند ومصر وشمس وحسن كلمه هند عدد حروفها كام؟ ثلاثه طيب ركز في الحرف اللي في المنتصف كده ساكن اذا هو علم مؤنث ساكن الوسط مكون من ثلاثه حروف وايضا كلمه مصر علم ومؤنث وثلاث حروف وسط الثلاث حروف ساكن وايضا كلمه شمس وايضا كلمه حسن هذه الكلمات يجوز ان تصرف ويجوز ان تمنع منص الصرف يعني يجوز انها تنون او لا تنون ثاني حاجه اذا كان علما اعجميا يعني ايه علما اعجميا يعني اسماء اصلها غير عربي زي مثلا كلمه ابراهيم واسماعيل واسحاق ويعقوب هذه الكلمات ليست كلمات عربيه يعني عندك كلمه ابراهيم اسم غير عربي اسماعيل اسم غير عربي اسحاق اسم غير عربي وايضا كلمه يعقوب اسم غير عربي اي اسم غير عربي اذا هو اعجمي طيب يعني كده كل العالم الاعجمي لا استنى اما اذا كان العلم الاعجمي ثلاثيا ساكن الوسط فيجب صرفه زي كلمه نوح وكلمه هود وكلمه لوط يعني ايه الكلام ده بقى يعني اي علم اعجمي مكون من ثلاث حروف الحرف اللي في المنتصف بين الثلاث حروف دول ساكن اذا يجب صرف هذا العلم الاعجمي يعني العلم الاعجمي ده مش ممنوع من الصرف فكلمه نوح مصروفه منونه وليست ممنوعه من الصرف وايضا كلمه هود وايضا كلمه لوط هتقول لي انت تقريبا كل اللي ذكرتهم دول اسماء انبياء يعني تقصد تقول ان كل اسماء الانبياء ممنوعه من الصرف ما عدا الثلاثه اللي انت قلتهم دول لا استنى يعني مثلا ماذا نقول في محمد وصالح وشعيب لو كانت عربيه اذا هي مصروفه اما لو كانت اعجميه اذا هي ممنوعه من الصرف ولكن هذه الكلمات يا جماعه كلمات عربيه وليست اعجميه اذا صحيح تقبل التنوين لانها اسماء عربيه وليست اعجميه طيب كده هتقول لي انا ماتش عارف اسماء الانبياء دي يا ترى ايه الممنوع من الصرف من ايه اللي مصروف بص يا سيدي اسماء اسماء الانبياء المصروفه هتلاقيها مجموعه في كلمه صن شامله اي اسم نبي يبتدي بالحروف دي اذا هو مصروف وليس ممنوع من الصرف نقول تاني صن شامله الصاد والنون والشين والميم واللام والهاء نوح هود لوط محمد صالح شعيب ثالث حاجه اذا كان علما مركبا تركيبا مذجيا يعني ايه اذا كان مركبا تركيبا مذجيا هي اسماء مكونه من كلمتين زي مثلا كلمه حضرموت وبعلبك ونيويورك ركز كده هتلاقي الكلمات دي عباره عن كلمتين مذجت فتكونت كلمه واحده يعني كانوا كلمتين ضميت الكلمتين لبعض وعملتهم كانهم اسم واحد او كلمه واحده ده معنى مركب تركيب مزج فكلمه حضرموت مكونه من جزئين ده الجزء الاول وده الجزء اني وكذلك كلمات بعلبك مكونه ايضا من جزئين ونيو يورك رابع حاجه اذا كان العلم مختوما بالف ونون زائدتين يعني ايه الكلام ده يعني لو نهايه العلم ا ونون زائدتان على العلم يعني لو شلت الالف والنون دول يتبقى لي اسم عادي زي مثلا كلمه عثمان ورضوان وايضا كلمه عمران كل هذه الكلمات لو انا شلت الالف والنون هيتبقى لي اسم طيب اذا اي علم مختوم بالف ونون زائدتين اذا هو ممنوع من الصرف السبب الاول انه علم والسبب الثاني انه منتهي بالف ونون زائدتين يعني كلمه عثمان نهايتها الف ونون وايضا كلمه رضوان وايضا كلمه عمران خامس حاجه اذا كان العلم على وزن الفعل يعني ايه الكلام ده يعني هتلاقي كلمه تصلح ان تكون اسم وفي نفس الوقت تصلح ان تكون فعل زي مثلا لو قلنا كلمه احمد واشرف وكلمه يزيد وكلمه تغلب كل هذه الكلمات تصح ان تكون اسم وتصح ان تكون فعل ازاي؟ فمثلا كلمه احمد لو هستخدمها كفعل هقول احمد الله مثلا على التفوق اذا كلمه احمد انا بحمد ربنا على التفوق احمد اذا هي في الجمله دي فعل طب لو هستخدمها كاسم هقول مثلا احمد اخي احمد اخي اذا كلمه احمد هنا اسم وليست فعل لانها تدل على شخص سادس حاجه والاخيره في العلم اذا كان العلم على وزن فعل يعني اي علم على وزن فعل اذا هو ممنوع من الصرف لسببين السبب الاول انه علم والسبب الثاني انه على وزن فعل زي مثلا كلمه عمر وكلمه ذحل وكلمه هبل وكلمه جحى الاول مضموم الثاني مفتوح الثالث ساكن عمر وايضا كلمه ذحل وكلمه هبل وكلمه جحا كده وصلنا لنهايه الفيديو عشان الفيديو ما يكونش طويل عليك وتمل والفيديو الجاي ان شاء الله هنكمل فيه الممنوع من الصرف لسه قدامنا الصفه الممنوعه من الصرف وايضا هنتكلم عن اعراب الممنوع من الصرف