تعلم كتابة موضوع تعبير باللغة الانجليزية كورس الكتابة المستوى الاول 1

اهلا بيك في الكورس الاول من نوعه الكورس الخاص بالكتابه الكورس ده طويل وممل وانت ما عندكش وقت فما تضيعش وقتك معانا وبعدين دي حلقه المقدمه فمش هيفوتك كتير السلام عليكم ورحمه الله وبركاته بما انك لسه موجود فخليني اقول لك ان المقدمه اللي فاتت دي وان كانت بايخه فهي علشان الناس اللي بتستعجل ما بتتعلمش معظم الناس على يوتيوب بيبقى بيتفرج على فيديو وفي دماغه عاوزه يخلص بسرعه علشان في فيديو ثاني عاوز يتفرج عليه الناس دي ما بتتعلمش حاجه والمقدمه اللي فاتت دي علشانهم لو تفتكر عملت نفس المقدمه دي في كورس الصوتيات لانه محتاج ناس جاده في التعلم وعندها صبر والناس اللي كملوا معانا فيه حسوا بالفرق والحمد لله وبقوا بيكتبوا جمل بمجرد سماعها بكلمات غريبه عنهم ما درسوهاش قبل كده نفس الموضوع بالظبط في الكتابه اذا كنت بتدور على حد يعلمك ازاي تكتب مقدمه البراجراف وازاي تنهيه ويقول لك على كم اسطمبه كده تستعملهم والكلام ده فهتلاقي فيديوهات من دي كتير على النت بتدي لك فوتات ومش هتعلمك اي حاجه اما اذا كنت عاوز تكتب مواضيع باللغه الانجليزيه ويكون مستوى كتابتك فيها افضل من مستوى كتابتك في اللغه العربيه اذا فاهلا بيك معانا ده المستوى الاول من كورس الكتابه اللي هياخدك من الاساسيات من الصفر مرورا بمستوى الكتابه الاكاديميه للطلاب وبعدين بمستوى الكتابه الصحفيه للمقالات وبعدين بمستوى الكتابه الادبيه للكتب والروايات هتتعلم في الكورس ده كلمات كتير القواعد هتكون مفهومه اكث لانك هتطبقها عمليا في كل حلقه وهتكون بيها جمل ومواضيع كامله طبعا مش هنشرح القواعد تفصيلا لاننا مخصصين كورس لده اظنك متابعه كمان في كورس الكتابه هتتعلم ازاي تسلسل الافكار وازاي تخلي كلامك مبني على بعضه بحيث يقود الى نتيجه معينه عن طريق نوعين اساسيين من التكتيكات البرين ستورمين ومابين ايدياز هتتعلم كمان ازاي تاثر اللي بيقرا بحيث انك تغير قناعته عن شيء معين وتضمه الى صفك وعلى فكره في كورس جاي في مستوى متقدم شويه ان شاء الله اسمه كورس المناظرات هكلمك عنه في وقته لان المناظرات من اهم الحاجات اللي هتتعلمها كبني ادم والمفروض تدرس للطلبه ابتداء من الاعدادي وهي كمان من اهم المحفزات لتحسين لغتك وتوصيلك لانك تتكلم بدون تفكير ده هنوصله بعدين في مستوى مستوى متقدم شويه في كل مستوى من مستويات كورس الكتابه ده هنبني مهاره جديده عندك علشان نكمل عليها في المستوى اللي بعده اذا كل حلقه مبنيه على اللي قبلها وكل مستوى مبني على اللي قبله وده نفس النظام اللي بنتابعه هنا في كل الكورسات على القناه الكورس ده مفيد جدا ليك لو انت واحد طالب سواء اعدادي ثانوي او جامعه لانك هتكتب كتير ومحتاج تعرف ازاي تكتب وتحل في الامتحان اثنين لو عاوز تعرف ازاي ترتب افكارك علشان تنقل فكرتك لشخص او تشرح حاجه معينه باللغه الانجليزيه ثلاثه لو انت بتتكلم قدام جمع من الناس سواء على مسرح او بتعمل عروض تقديميه في شركتك او اي مكان بتضطر فيه تشرح فكرتك شفويا لجمع من الناس هتحتاج الكورس ده لانك في العاده بتكتب وبتتمرن الاول قبل ما تخرج تقول للناس في كل حلقه من حلقات الكورس ده هنكتب موضوع كامل عن حاجه مختلفه اذا كنت متابع كويس وبتعمل الواجب اللي بديه لك مع كل حلقه هكلمك عن موضوع الواجب ده بعد شويه لو بتعمل كده اذا مع نهايه المستوى الاول من الكورس ده هتلاقي نفسك بقيت بتعرف تكتب انجليزي بشكل افضل بكتير وبتسلسل افكار واضح هيزود ثقتك بنفسك وم ومع نهايه المستوى الثاني من الكورس ده هتلاقي نفسك بقيت بتكتب مواضيع كامله بدون تفكير وبدايه من المستوى الثالث هتلاقي نفسك بتكتب مواضيع بالانجليزي كان صعب عليك انك تكتبها بالعربي ونبدا من هنا بقى ندرس مهارات ثانيه في الكتابه هكلمك عنها في وقتها طيب الكورس ده هيمشي ازاي وايه موضوع الواجب ده كل مستوى من مستويات الكتابه انا مقسمه ل 12 وحده ب 12 موضوع مختلف وكل حلقه من الحلقات ال 12 هتتقسم لاربع اجزاء القسم الاول التمهيد وده للتسخين هناخد فيه بعض الكلمات في اسئله علشان ادربك على استعمال الكلمات دي في الموضوع النهائي. القسم الثاني الكتابه على غرار وده هنتدرب فيه على تكوين جمل منفصله هنستخدمها كلها في الموضوع النهائي والجزء ده اللي هيكون منه الواجب. الواجب في كورس الكتابه مش في نهايه الحلقه زي بقيه الكورسات. الواجب في كورس الكتابه هيكون في منتصف الحلقه في القسم الثاني. القسم الثالث في الحلقه هيكون خاص بتجميع الافكار. القسم ده متكون من جزئين. جزء هتجاوبه معايا في الحلقه على هيئه تمارين وجزء هتكتبه عندك في الدفتر علشان هيساعدك في كتابه الموضوع النهائي. هكلمك عن موضوع الدفتر ده بالتفصيل بعد شويه. القسم الرابع الكتابه الموجهه وده الجزء اللي هيبان فيه الشكل النهائي للموضوع اللي ادربنا عليه وحلينا عليه تمارين وكونونا بيه جمل هيتضح الصيغه النهائيه للموضوع في الجزء الرابع ده. وبعد ما نخلص الاربع اقسام دول في الحلقه هيكون دورك انت انك تكتب الموضوع بالكامل وهتكون متفاجئ انك مش قادر تغلط في كتابه الموضوع مش هتعرف تغلط اصلا ومن اول حلقه ان شاء الله. خلي بالك من حاجتين مهمين بقى. اول حاجه لو لقيت نفسك عارف كلمات كتير مثلا في الحلقه الاولى ما تجريش الفيديو ولا تقلل تركيزك اصلا ده مش كرس كلمات فقط ده كورس كتابه في المقام الاول التركيز فيه على تقنيات الكتابه ولكن طبعا هتتعلم فيه كلمات كتير وجرامر زي ما قلنا وهتلاقينا بنعلى بيه تدريجيا زي كل الكورسات الثانيه دي الحاجه الاولى الحاجه الثانيه انك تحاول تركز معايا في اللي بقوله بس وما تعديهوش يعني ما تحاولش تعلي عن اللي موجود حاليا صدقني انا بقىي كتير جدا بدرس الكتابه وعارف امتى ادي لك حاجه معينه معينه وامتى امرر لك معلومه في النص من غير ما تاخد بالك علشان اخاطب منطقه معينه في دماغك فخلي كامل تركيزك فيه اللي بديه لك وهتلاقي ان الموضوع بقى منطقي في دماغك وبقيت بتكتب بشكل طبيعي طيب نظام المذاكره في الكورس ده ازاي وايه موضوع الدفتر هنا خليني اختفي لك واوري لك عرض توضيحي لطريقه المذاكره انت هتجيب دفتر وتخصصه فقط لكرس الكتابه ممكن تكتب عليه من بره مثلا كورس الكتابه ويا ريت يكون لونه مختلف عن بقيه الدفاتر اللي عندك علشان اول ما تمسكه عقلك اوتوماتيك يتحول لمود معين ضروري جدا طيب في اثناء الحلقه بتاعه الكتابه قد يرد ان في كلمه جديده انت ما تعرفهاش او قاعده معينه عاوز تتاكد انك هتفتكرها اثناء كتابه الموضوع كل موضوع من كورس الكتابه هياخد معاك اربع صفح في الدفتر هتخلي اول صفحه على الشمال بالمناسبه خلي الدفتر بتاعك كتبته من على الشمال دي لغه ثانيه فما تعدش اختراع العجله هتخلي اول صفحه على الشمال خاصه بالمفردات الجديده اللي اتعلمتها في الحلقه والقواعد اللي عاوز تتاكد انك هتفتكرها وتاني صفحه المقابله ليها على اليمين هتكون خاصه بفقره تجميع الافكار اللي قلنا عنها من شويه هتكتب هنا جمل عن نفسك انت هتستعملها في الموضوع النهائي طبعا الفقره دي هيبان اكث ايه المقصود بيها الحلقه الجايه ان شاء الله ثالث صفحه هتقلب بقى الورقه على الشمال الصفحه دي هتكون خاصه بالمسوده النهائيه اللي هي فقره الكتابه الموجهه اللي اتكلمنا عنها في الصفحه دي الموضوع النهائي هيكون اجتمع في ذهنك وبقيت تعرف تكتبه من غير اخطاء طيب والصفحه الرابعه والاخيره الصفحه الرابعه دي هتكون في اليوم التالي لسنه سماع الحلقه انت سمعت الحلقه النهارده وكتبت الصفحات الثلاثه اللي فاتوا ووقفت لحد هنا اليوم الثاني هتيجي تراجع اللي انت كتبته وبعدين تقلب الورقه وتكتب في الصفحه الرابعه الموضوع كامل من ذهنك انت هتتفاجئ انك كتبته صح بتسلسل سليم وبدون اخطاء في التهجي والموضوع مش سحر هي بس طريقه ربنا وفقني ليها وتركيز والتزام من عندك هنعمل كده لمده 12 درس وبعد الدرس ال 12 اقول لك مبروك احنا خلصنا دروس المستوى الاول بالنسبه لنا اللي هي المستوى الرابع في الكورسات المدفوعه وانت دلوقتي تقدر تمتحن علشان تاخد شهاده المستوى الثاني او تبدا تذاكر المستوى الثاني مباشره لو مش عاوز الشهاده طبعا اذا كنت خلصت كل كورسات المستوى الاول حاجه اخيره عاوز اقولها للناس اللي بتفضل تسال امتى هنخلص المستوى الاول سهله ايه رايك اغير عناوين كل الحلقات واخليها المستوى التاسع هل بكده هتكون مبسوط الاجابه لا ليه لان القيمه ماتغيرتش اه اذا انت بتهتم بالقيمه مش بالقسمه طيب ما انت كويس اهو ركز في القيمه بقى شوف في كل حلقه انت بتتعلم حاجه جديده ولا لا؟ لو بتتعلم حاجه جديده يبقى اذا احنا ماشيين صح لو واقف مكانك يبقى اذا في خلل ومحتاج يتعالج الحاجه الثانيه ان على عكس الكورسات اللي انت متعود عليها انا مش هدفي اني اسلق لك كم حلقه على السريع وافضل اقول لك انت دلوقتي بقى مستواك كذا وبعد شهرين اقول لك انت دلوقتي عيت للمستوى كذا ده اسمه نصب وانت هنا علشان انت عانيت من الموضوع ده كتير فما تطلبش مني اعمل كده لان مش هدفي اسوق لك نصب هدفي انك توصل لمرحله النيتف سبيكر وتتكلم انجليزي كانك مواطن امريكي فللاسف مش هقدر اضحك عليك ولا اقدمك الجوده الرديئه النت مليان واذا كان عقلك بيقول لك ان احنا ماشيين بطيء فاعرف ان المستوى الاول هنا بيساوي المستوى الرابع في الكورسات وسيبك من كلامي انا اذا كنت ماشي مع الخطه بتاعتنا بالترتيب وملتزم بالنصائح حط نفسك في مقارنه مع اي حد في المستوى الرابع في اي كورس وشوف انت الافضل ولا هو النهارده اعمل كده مع اننا لسه ما بداناش في كورس الكتابه لان هو اصلا بره ما بيدرسش كتابه اعمل كده النهارده وشوف انت الافضل ولا هو اذا كان هو الافضل فاذا الشخص اللي انت بتستمع له دلوقتي نصاب الغي اشتراكك بسرعه وما تضيعش وقتك معاه ولكن لو اكتشفت انك الافضل وانك عارف اكتر اذا اعرف انك في ايد امينه التزم واعمل اللي عليك واسمع النصائح وطبق وسيب الباقي على الله ثم عليا اتمنى يكون مسار الكرس بقى معروف وطريقه لو شفت اي حد في التعليقات الجايه بيسال عن ده يا ريت تبقى تعرفه ان احنا عملنا حلقه شرحنا فيها طريقه المذاكره ومسار الكورس وقول له يتفرج عليها شكرا مشاهده اشوفك الحلقه الجايه ان شاء الله شكرا والسلام عليكم ورحمه الله وبركاته