المحاضرة 24 مستضدات العامل الريسي

طلابنا طالباتنا السلام عليكم شلونكم شو اخباركم ان شاء الله تكونون تمام طلابنا داده وصلنا وياكم اليوم ان شاء الله للمحاضره رقم 24 من محاضرات علم الوراثه واللي ان شاء الله حاوضح لكم بها او حاشرح لكم بها المثال الثاني من امثله الاليلات المتعدده وهو مستضت العامل الرئيسي اختصاره بالانجليزي الار اتش لكن طلابنا وكالعاده قبل لا نبدا بدرسنا او محاضرتنا اليوم خلي نرجع نراجع اني وانتم سوا درسنا او محاضرتنا السابقه بشكل سريع وبشكل مختصر ثم نرجع ندخل بدرس او محاضره اليوم او موضوع اليوم لذلك طلاب على السريع هسه نرجع لدرسنا او محاضرتنا السابقه واللي هي تحديدا المحاضره رقم 23 من محاضرات الوراثه واللي شرحت لكم بها عمليه نقل الدم واتفقنا حتى تنضبط عمليه نقل الدم شنو يعني تنضبط عمليه نقل الدم يعني حتى نعرف كل فصيله المن تقدر تنطي او المن تقدر تتبرع وكل فصيله من يقدر ينطيها او يتبرع لها حتى نقدر نضبط هاي العمليه واللي عمليه نقل الدم شنو لازم نحفظ عافيه لازم نحفظ المستردد والجسم المضاد لكل فصيله المستضد وين موجود؟ على سطح خلايا الدم الحمر الجسم المضاد وين موجود؟ في مصل الدم حتى نقدر نضبط عمليه نقل الدم لازم اني احفظ المستضاد والجسم المضاد لكل فصيله حتى ملاحظه صغيرونه بسيطه تخليها ببالك تنضبط عندك عمليه نقل الدم باكملها راح تقول لي استاذ بما انه ضبط هاي العمليه معتمد على حفظ المستدد ونوع خلينا نرجع نحفظهم لا ما تحفظ ما تحفظ تستنتج شلون الشخص اللي فصيلته اي يعني شنو المستد ماله يعني المص المستد ماله اي ليش لان احنا اسم الفصيله معتمد على نوع على نوع المستد فاللي فصيلته اي هذا يعني المستضد ماله اي لد ليش سمينا اي لان مستضد اي فانا من اسم الفصيله قاعد احزر نوع المستضد انت بس حزرت نوع المستضد الجسم المضاد عكسه اذا فصيله اي المستضد اي اذا الجسم المضاد شوف باو من اسم الفصيله اطلع المستضد ومن المستضد عكس المستضد الجسم المضاد فاذا المستضد عندي اي الجسم المضاد فصيله يعني المصرد بي يعني الجسم المضاد بالعكس اي زين واللي فصيلته اي وبيضته اي وبي اجسام مضاده اللي عنده المستضدين يعني ما عنده اجسام مضاده زين واللي فصيلته يعني لا عنده مستضد اي ولا مستد 0 او يعني هذا عنده الجسمين المضاد الاي والبي طلاب هاي ملاحظه خليها ببالك اللي عنده مستضدين يعني ما عنده اجسام مضاده والفصيله اللي ما بها مستضدات يعني عندها كلا الجسمين المضاد الاي والبي حفظناهم هسه حفظنا هاي حفظنا المستضد والجسم المضاد مال كل فصيله هسه ملاحظه بسيطه اختم الموضوع واللي هي الملاحظه الماسيه الماسيه وهي عند نقل الدم ركز على مستضت الواهب يعني الشخص اللي حيتبرع بالدم زين تركز على مستضته اما الشخص اللي محتاج الدم المستلم هذا نركز على الجسم المضاد ماله فاذا تشابه يعني اذا تشابه المستضد مال الواهب مع الجسم المضاد مال المستلم يعني اذا المستضاد اي مال كان بالواهب واما المستلم باوعنا على الجسم المضاد مال شفناهم اي هذا تشابه فهذا يعني تفاعل وتجلط وموت المستلم اذا بهيك حاله ما يصير انقل الدم بهيك حاله ما يصير انقل دم زين اما اذا ركزت على مستضت الواهب وركزت على الاجسام المضاده للمستلم وشفتهم يختلفون مثلا المستضاد ب مال الواهب مع جسم المضاد مثلا صار اي مال المستلم مختلفات اذا يصير انقل دم لان ما راح يصير تفاعل بالتالي ما يصير تجالط اذا الخلاصه طلاب عند نقل الدم دير بالك يتشابه مستض الوب مع الجسم المضاد مع المسلم في حال تشابه هلا تنقل دم لان اذا نقلت قتلت المريض في حال ما تشابه هلا عادي تنقل زين وهاي هي هسه جرب تنقل انت هسه هذا هو انا راجعت لك الموضوع ككل هسه انت جرب نقل من يصير تشابه اكتب لا يمكن النقل واذكر للسب تقول لي ان مستضت الواهب سوف تتفاعل مع الاجسام المضاده الموجوده في مصل الدم للمستلم فبالتالي يحدث تكتل وموت المستلم ف فلا يجوز النقل اما اذا مختلف قول انت تقول يمكن النقل اذكر للسب تقول لي ان المستضادات الموجوده على سطح خلايا الدم الحمر للواهب سوف لا تتفاعل مع الاجسام المضاده الموجوده في مصل الدم للمستلم بالتالي يجوز نقل الدم هي بس هذا الموضوع راجعت لك اياه حرفيا باكمله وهاي التعاليل اصلا ما يحتاج احكيها لان حرفيا اناي من راجعت لك الموضوع راجعت لك كل هاي التعاليل يعني حرفيا اختصرت لك كل المحاضره زين هسه طلابنا نجي لدرسنا او محاضرتنا اليوم داده هسه بعد ما راجعنا درسنا او محاضرتنا السابقه هسه نجي ان شاء الله لموضوع درسنا او محاضرتنا اليوم واللي هو عافيه المثال الثاني من امثله الاليلات المتعدده وهو مستض العامل الريسي او الريسي البعض يقولون الريسي لكن اللفظ الاصح هو بصراحه بفتح الراء فتقول العامل الريسي زين واذا تقول الريسي ترى عادي يعني هو مجرد اختلاف باللفظ لكن المقصد واحد اختصار هذا الموضوع او هذا العامل بالانجليزي هو الار اتش طلابنا قبل لا ابدي بشرح هذا الموضوع واللي هو موضوع العامل الرئيسي خلي ببالكم شغله انه هذا الموضوع وهو العامل الرئيسي او الريسي بكيفك يلا اي لفظ يعجبك استخدمه المهم المقصد واحد هذا الموضوع هو موضوع مهم جدا جدا جدا يعني ايش قد ما اقول عليه مهم فهو كذلك واكثره طبعا لمن دا اقول مهم او لمن دا لمن انا قاعد اوصف لك اهميته بهالشكل مو لان هو مهم بالوزاري هسه هي سالفه مال مهم الوزاري هذا الموضوع هاي سالفه منتهي منها هاي شغله هاي الشغله اصلا منتهي من عندها طلاب لان اناي سابقا حكيت لكم اي شيء تابع للاليلات المتعدده فهذا يعني انه ابو الوزاري يحبه ويموت عليه ويعشق ويجيب اسئله منه والعامل الريسي هذا مو اي شيء لا هذا المثال الثاني من امثله الاليلات المتعدده واصلا جاي بالوزاري كشرحيات جاي كمسائل يعني حرفيا جاي بكل الصور فهو مهم بالوزاره هاي السالفه من عندها اصلا ما نتناقش بها وما نحكي بها انا من اقول لك هو مهم هالشكل مو لان هو مهم بالوزاري لا اصلا هاي سالفه خليها على صفحه ها منت من عندها انا دا اقول لك هو مهم هالشكل لان هذا الموضوع مهم بحياتنا العمليه بحياتنا المهنيه بحياتنا الاجتماعيه اكو ارتباط مباشر لهذا الموضوع بحياتنا لذلك دا اقول لك هو مهم جدا جدا جدا جدا بسبب اتصاله او ارتباطه المباشر بحياتنا لذلك هو هشكل مهم راح تقول لي استاذ شنو هو هذا الارتباط راح اقول لك اناي اسف ما راح اجاوبك على هذا سؤالك راح اخلي المحاضره او الدرس راح اخلي الدرس او المحاضره زين بعد ما تنتهي هي اللي جا اصلا تلقائيا بعد ما تكمل المحاضره وياي راح انت تفهم الارتباط المباشر فلا تستعجل العافيه درجات واضح طلاب واضح وطبعا اني تعمدت تعمدت بهاي المقدمه قبل لا ابدا اشرح ليش حتى اوضح لك لي قدام انه محاضره اليوم محاضره حرفيا تلامس حياتنا وتلامس واقعنا واحنا عاده نحب الماده العلميه اللي تلامس حياتنا وتلامس واقعنا لان مثل هيك مثل هيك ماده او مثل هيك محاضرات اولا ما نمل منها ثانيا نستمتع بها ثالثا نتمناها ما تخلص فلذلك حكيت هاي المقدمه لان حرفيا حتى انطيك لقدام ايعاز لعقلك الباطن انه محاضره اليوم حرفيا محاضره نستمتع بها حرفيا راح تتونس وما راح تتمناها تنتهي واضح طلاب واضح زين طلاب خلي بالكم انه هذا الموضوع راح اشرحه باسلوبي يعني راح اعتذر من الكتاب راح اقول للكتاب انا اعتذر لان للاسف الكتاب بالوراثه ككل يعني كطرح غير موفق ابدا ابدا يعني ما اعرف شلون كتبوه هالشكل خصوصا بهاي المواضيع يعني هاي المواضيع لو تقراها بالكتاب اولا ما تفتهم ما تفتهم الموضوع ثانيا هسه احنا مو قلنا هاي المحاضره كلش تلامس بواقعنا لو تقرايها بالكتاب تحس ما لها علاقه بواقعنا او ما تحس اكو علاقه قويه فلهذا راح اقول للكتاب اني اسف وراح اشرح الموضوع بطريقتي وباسلوبي بحيث راح اخليك تفهم وتتونس وتستمتع وحرفيا ما تحس بالوقت وايضا راح اقول لك شنو الاشياء اللي لازم تحفظها والاشياء اللي مجرد تطلع عليها وبس لان الكتاب هاي الاشياء كلها ما يقدمها واضح طلاب واضح فهسه نقول بسم الله مستضت العامل الريسي واللي يقول الريسي عادي يتدلل ماكو اي اشكال المهم المقصد واحد زين طلاب لان هي باللفظ ممكن تنقرا بشكلين لكن تنكتب بشكل واحد وهو الرئيسي على كل حال طول طلع هسه نقول بسم الله وراح اشرح الموضوع باسلوبي وبطريقتي بحيث او ما يحتاج يعني راح تعرف انه ما راح اخليك ما تمل ابدا وتستمتع حرفيا وبالاخير راح اعطيك حرفيا الصافي اقول لك هاي الاشياء احفظ لي اياها وهاي الاشياء اللي تحفظ لي اياها حاليا استمتعوا حاليا تونسوا شكو شيء راح احكي لا تحفظه ابدا طلاب لما الشيء المطلوب للحفظ راح اقول لك هذا احفظ لي اياه الشيء المطلوب منك للحفظ راح اقول لك هذا احفظ لي اياه فهسه بس استمتع بس الشيء اللي اقول لك هذا احفظ لي احفظ لي اياه الشيء اللي ما اقول لك احفظه يعني لا تحفظه يعني للاطلاع يعني تونس به استمتع به اطلع عليه واضح طلاب واضح وشغله اللخ محاضره اليوم لا تعتبرها محاضره ومحاضر السادس ودرجه وامتحان وزاري لا كانه فيديو باليوتيوب شفته عجبك تطمش عليه بالضبط هالشكل اريد اجواء الموضوع اصلا راح اسوي الاجواء هالشكل تريد ما تريد زين نقول بسم الله العامل الرئيسي طلاب بال بال 1940 اكتشف العالمان لاند شتاينر وواينر مستضت العامل الريسي ايش وقت بال 1940 اكتشف العالمان منو لاندشتاينر وواينر هاي المستضدات او هذا النوع من المستضدات طلاب اعيد هسه لا تحفظ شيء استمتع بس مجرد استمتع انا راح اخليك تفتيهم وتحفظ غصبا عنك هسه بس استمتع وياي اطلع فقط زين اكتشفوهم زين اوكي افتهمنا هاي المعلومه زين ليش سميت بمستض العام الريسي وليش اختصارها ار اتش ليش مو غير اسم ليش هذا الاسم لان العلماء اللي هم لاندشتاينر وواينر اول ما اكتشفوا هذا النوع من المستضدات وين شافوه على سطح خلايا الدم للقرد الريسي اذا اول ما اكتشفوها هذا النوع من المستضدات وين؟ بالقرد الريسي قرد يعني نوع اسم السلاله مالته او اسم النوع ماله الريسي لذلك سميت بمستضادات العامل الرئيسي او الريسي بكيفك شوف مرات انا داقو الريسي مرات اقول داقو الرئيسي نفسه الاصح هي الرئيسي فسموها مستضدات العامل الرئيسي لان اول ما اكتشفوها بالقرد الرئيسي طبعا بعدين شافوها بالانسان والى اخره لكن اول اكتشاف كان يعني بالقرد الرئيسي لذلك سموها بمصدات العامل الرئيسي زين ليش اختصارها ارش ليش مو غير حرف لان القرد الرئيسي طلع بالانجليزي ينكتب بهالشكل ريسوس مونكي فاخذوا اختصار كلمه الريسوس واللي هي الار ايج واعتبروها اعتبروها هي اختصار اصلا يرمزون رمز هذا العامل بالانجليزي لما نجي نكتب الطرز الوراثيه راح نرمز له بالار ايج فعرفت المصدر شنو من كلمه ريسوس وهو القرد الريسوس مونكي وهو القرد الرئيسي فاخذوا ها فاخذوا هذا الاختصار من كلمه الريسس واضح حتى هسه راح تع شوف طلاب انا قلت لك مره انه راح اطلعك يعني بمستوى مدرس لا 90% من المدرسين ما يعرفون هاي المعلومات فانا حرفيا دي اعطيك معلومات يعني معلوماتي كلها دي انطيك اياها مو كلها يعني بس اغلبها اللي اللي يفيدك دا انطيك اياه بحيث تطلع انت حرفيا اعلى من مستوى الطالب مستوى مدرس واعلى من هوايه ومدرسينها زين واللي يريد يتاكد خليه يشوف شرح باقي الاساتذه ويقارن زين هاي المعلومه استفتهمنا هاي معلومات للاطلاع شغله معلومه اللخ يعني اعتبرها يعني حرفيا اعتبرها يعني محاضره معلومات عن هذا العامل المعلومه اللخ وهي وجود مستضت العامل الرئيسي زين واللي نرمز لها بالحرف ارش او بالاختصار ار اتش افتهمنا ليش ار اتش زين هسه مفتهمينه من موجوده هذه المستضدات على سطح خلايا الدم الحمراء هذا يعني ان الفصيله موجبه ولمن ما موجوده وعدم وجود هاي المستضدات هذا يعني ان الفصيله سالبه ما افتهمنا استاذ حقك باش راح اخليك راح اخلي المعلومه هيك تدخل ركض يعني ركض حتى لو انت ما تتدخل لا راح اخليها تدخل ركض على دماغك زين شوف جا شخص مثلا على سبيل المثال جاء شخص زين قال جا للمختبر قال يابا انا مادي اعرف فصيله دمي اريد تسوي لي فحص تعرفوا لي شنو فصيله دمي اوكي تمام اخذنا عينه من الدم فحصناها زين بالفحص ايش طلع عندي طلعت خلايا الدم الحمراء مالته هالشكل زين هاي يا فصيله يا شاطر يعرف هاي يا فصيله راح تقول لي استاذ بما انه موجود على سطح خلايا الدم الحمراء المستضد اي اذا هاي الفصيله هي اي بالضبط صح هذه فصيله اي هاي الفصيله شنو هاي فصيله اي زين هاي الفصيله شكو بها بعد شكو بها مستضت باوع بها المستضاد اي وبها مستضاد الار اتش هذا منو مستضت العام الريسي اذا بها الاي بما انه مستضد اي اذا اسم الفصيله اي وبما انه بها مستضت العامل الريسي اذا هذه فصيله اذا هذه فصيله موجبه بالض يعني استاذ هسه هاي فصائل الدم هاي اكو سالب اكو هسه مو اكو موجب اي سالب اي موجب هاني موجب زين الموجب من اشوف علامه موجب بمعنى انه اكو مستضت العامل الرئيسي على سطح الخلايا بالضبط الاي يعني مستضدات اي يعني اسم الفصيله من المد من المصدرد اي او بي اما الاشاره فهذه اذا موجب يعني موجود العامل الرئيسي اذا سالب يعني ما موجود راح اعطيك امثله اكثر تفتيهم هسه هذا الشخص اللي قدامك هسه هذا جا شخص مثلا قال يابا انا اريد اعرف فصل الدمي او ما يحتاج انت بالكليه راح بالمختبر برات زين راح انت تقدر تسوي نفس انا سويت لنفسي تيست المهم فحص خلايا الدم عندي طلع عندي مصد طلع عندي خلايا الدم هالشكل ايش بها بها المستضد به اذا شنو اسم الفصيله هذه حتكون اسم فصيلتي فصيله بي زين ابحث لي اكو مستضت العامل الرئيسي اكو لا ماكو اذا فصيلتي سالب واضح اذا السالب يعني العامل الرئيسي ما موجود على سطح خلايا الدم الحمراء اما الموجبه يعني الفصل صيله بها مستضدات العامل الرئيسي وهكذا اذا طلاب شوف الاي مستضدات الاي والبي تحدد اسم الزمره تحدد اسم الفصيله اما اشارته فالمستضدات العامله الرئيسي هي اللي تحدد اشاره الزمره زين هاي الفصيله شنو راح تقوللي استاذ هاي بستضد اي ومستضد بي اذا هاي الفصيله اذا اسم الفصيله هذه اي بي زين موجبه لو سالبه راح تقول لي استاذ هياته موجوده مستطدات العامل الريسي اذا بما انه موجوده اذا موجبه طبعا هاي علامه موجب بمعنى موجوده مستضت العامل الرئيسي زين هاي الفصيله تخيل جا واحد قال لك افحص لي فصيلتي فطلعت فصيلته هالشكل طبعا هاي الفصيله ناذره كلش طلع شوف بها مستضت الاي والبي لا اذا فصيله او زين بها مستضت العامل الريسي لا اذا سالب او طبعا هاي الفصيله كلش يعني هاي تقريبا اقل الفصائل انتشارا بالعالم واضح اذا افتهمنا اذا العامل مسدات العامل الرئيسي هي اللي قاعد تحدد هل الفصائل مالتنا موجبه لو سالبه والخلاصه منطيك اياها جوا ان المستضدات اي وبي تحدد اسم الزمره اما اللي يحدد اشاره الزمره فهي وجود وعدم وجود مستدات العامل الرئيسي فاذا موجوده موجبه الزمره واذا ما موجوده سالبه واضح واضح تمام الى هنا الكلام واضح داده هسه نجي نكمل وعندي هنا معلومه مهمه جدا عن مستضت العامل الريسي او الريسي شلون ما تلفظ الفضه المهم المقصد عندي هنا معلومه كلش مهمه عن هذا الموضوع زين شنو هي هي انه اي فصيله سالبه بغض النظر عن نوع الفصيله هل اي بي اي بي او ما يهمني نوع الفصيله المهم الاشاره اي فصيله سالبه شنو يعني فصيله سالبه الفصيله لمن يمها سالب ما معنى هاي السالب؟ شنو يعني هاي الاشاره؟ يعني هاي الفصيله سطح خلايا الدم الحمر مالتها لا يحتوي على مستضدات العام للريسي هذا معنى السالب المهم اي فصيله سالبه يعني اي فصيله لا تحتوي على مستضت العامل الريسي اعيد شنو يعني الفصيله السالبه ه ما يهمني هي سالب اي بي اي بي او ما يهمني اسم الفصيله المهم الاشاره علامه السالب شنو يعني يعني هاي الفصيله لا تحتوي على مستضت العامله الرسيف فعلامه السالب يعني لا يوجد معناها لا توجد مستضت العامل الرئيسي فالفصيله اللي يما سالب يعني هاي الفصيله لا تحتوي على مستدات العامل الرئيسي هاي الفصيله هذا النوع السالب هي فصائل او هي فصيله تكون حساسه ضد الفصيله الموجبه زين شنو الفصيله الموجبه يعني الفصيله اللي تحتوي على مستضدات العام الرئسيه فاي فصيله سالبه هي حساسه ضد الفصيله الموجبه استاذ احنا هسه حفظنا انه الفصيله السالبه هي حساسه ضد الموجب لكن شنو يعني؟ يعني طبعا حتى افهمك شنو يعني لازم اعطيك مثال ومثالي هو على سبيل المثال عندك شخص سالب يعني شنو فصيلته سالبه من تشوف شخص فصيلته سالبه يعني الدم مالته لا يحتوي على مستضدات العالم ما معنى السالب زين على سبيل المثال عندك شخص سالب وهذا الشخص مريض وحتى يتعافى من المرض لازم يحتاج له دم يحتاج له متبرع يتبرع له بدم وتخلص مشكلته زين دير بالك ديري بالك تروحين لشخص موجب وتجيبي له دم لهذا الشخص المريض اللي عندك واللي دمه سالب حتى لو كانوا نفس الفصيله حتى لو هذا اي وهذا اي لكن المريض سالب ورايح جايب له من متبرع موجب فاعلم انه حتما انت حتقتل هذا الشخص راح تقول لي استاذ حتى لو نفسي الفصيله ما يصير اجيب واحد ما يصير صير اجيب دم من شخص فصيلته موجب الشخص فصيلته ما يصير لان السالب حساس ضد الموجب وما يصير راح تقول لي اوكي استاذ حفظنا هسه اوكي احنا حفظنا شغلتين الفصيله السالبه حساسه ضد الموجبه وهذا الشيء يعني انه حتى لو اذا عندي شخص مريض فصيلته سالبه ما يصير اجيب له من شخص فصيلته موجبه حتى لو هم نفس الفصيله بالضبط راح تقوللي اوكي استاذ بس اناي ما مفتهم لحد الان ما عندي تفسير فهمني ليش ما يصير انا اقوللك ليش ما يصير تعال وياي خطوه خطوه الفصيله الموجبه بغض النظر اي بي اي بي او الفصيله الموجبه شنو يعني؟ يعني الشخص اللي فصيلته موجبه يعني الدم مالته يحتوي على مستضت العام للريسي زين والشخص السالب يعني الدم مالته لا يحتوي على مستضت العام للريسي يعني هذا ما بيه زين نفترض نقلنا دم من شخص موجب لشخص سالب ايش راح يصير انت منين قاعد شوف هم نفسيناتهم اثنيناتهم الدم مالته الفرق وين؟ انه هذا الشخص طبعا هذا الشخص هو الواهب يعتبر هسه زين والشخص المريض هو هذا الشخص المريض هو المسلم اللي فصلته سالبه با هم كنوع الدم نفس الدم معناتهم اي لكن وين الفرق انه هذا موجب وهذا سالب يعني هذا يحتوي مستداده العامل الريسي هذا لا يحتوي يعني انت من قاعد تنقل الدم زين من الشخص الموجب اي للشخص السالب اي قاعد تنقل اكو شيء اضافي قاعد تنقله اللي هو الار اتش ليش اضافي لان السالب ما عنده اياه فاشرح راح يصير طلاب ايش راح يصير كالاتي جهاز المناعه لهذا الشخص اللي فصيلته سالبه راح يكون اجسام مضاده ضد مستض العامل الريسي الموجوده بالدم اللي جا من الواهب فهذا راح يكون اجسام مضاده زين ليش يكون اجسام مضاده لان جهاز المناعه جهاز المناعه للشخص السالب ما يعرف شو اسمه مستضت العامل الريسي لان الجهاز المناعه موجود بجسم شخص دمه سالب الدم السالب يعني ماك مستدات العامه للريسي فجهاز المناعه ما يعرف هذا الشيء فمن دخلت من الشخص الواهب شخصها شخصها انه عدو لان هي اجسام غريبه عليه فشخصها انه عدو فكون اجسام مضاده فراح يهاج اجسام المضاده مال جهاز المناعه راح تهاجم هاي المستضدات زين هاي وين موجوده بخلايا الدم فحتى تقضي على هاي المستضدات ايش راح تسوي لازم تقضي على خلايا الدم بالتالي راح تقضي على خلايا الدم الشخص المريض بالتالي حيموت المريض افتهمنا هسه طلاب السالفه كلها بما فيها اوكي استاذ لحد الان عاشت ايدك حرفيا مستمتعاني ومتونس بس عندي سؤال واحد يصير اعكس الموضوع نفترض نفترض نعكس الموضوع انه الشخص الموجب زين خلينا نعكس الموضوع خلينا نعكس الموضوع نفترض انه الشخص الموجب هو المريض زين هذا هو المريض اذا هذا راح يصير المستلم وهذا راح يصير الواب نعكس العمليه زين يصير اني انقل من شخص فصيلته سالبه لشخص فصيلته موجبه الجواب شوف يصير انقل الجواب نعم يصير ليش ليش يصير لان طلاب جهاز المناعه للشخص هسه المستلم من هو الموجب جهاز المناعه مال الشخص الموجب زين هو عنده مستضدات العام الريسي فمتعرف عليهن اصلا قاعد يجيدم من شخص شوف اصلا ما عنده مصطدات عامل الريسي انما الفصيله نفسها اي باي يصير هذا ما يستغرب ما ي عادي اذا تطيه من سالب تعطيه من موجب ما يستغرب ليش؟ لان جهاز المناعه للشخص الموجب متعرف على متعرف على مستدات العامل الرئيسي فمن قاعد تجي عليه حتى لو من غير شخص عادي عنده لان هو متعرف عليه فما يعتبره عدو فما يهاجبها اذا يصير انا احول احول من السالب للموجب بس من الموجب للسالب ما يصير وعرفنا السبب شنو اذا طلاب الخلاصه خلاصه الكلام كله لا يمكن نقل دم من شخص فصيلته موجبه لشخص فصيلته سالبه اعتقد الكلام عرفنا ليش لكن يمكن نقل الدم من شخص فصيلته سالبه لشخص فصيلته موجبه عادي لان الشخص الموجب جهاز المناعه مالته عادي متعرف على كل شيء ما يهمه يجي من سالب يجي من موجب هو حاضر ليش لان جهاز المناعه للشخص الموجب متعرف متعرف على المصدات العامل الرئيسي فاذا ينطيه شخص فصيلته سالبه يتبرع له شخص فصيلته موجبه عادي عنده اصلا اللي ينطيه السالب اصلا ما عنده مستدات العام الرسيه فما يضرب اي شي المهم الفصيله من نفس يعني المهم عند النقل احنا نراعي المستضدات والاجسام المضاده بهيكش حاله واضح طلاب هذا حرفيا هاي المعلومه خلوها بالكم كلش مهمه وكلش تفيد داده هسه نجي نكمل محاضرتنا ونقول العلماء اعطوا لمستض العامل الريسي اهميه كبيره جدا طلابنا العلماء كلش اهتموا بهذا النوع من المستضدات واللي هي مستض الرئيسي زين ليش كلش اهتموا بها اكيد اكو سبب اكيد اكو ان بالموضوع صح لو لا صح زين شنو السبب اللي خلاهم يهتمون كل هذا الاهتمام بهذا النوع من المستضدات السبب هو العلاقه المباشره لمستضادات العامل الرئيسي بظهور السبب هو علاقه هذا النوع من المستضدات المباشره بظهور مرض فقر الدم شنو هو مرض فقر الدم يعني انه شخص معدل خلايا الدم الحمر عنده اقل من الطبيعي ف فنقول عليه هذا مريض بفقر الدم او يسمون هذا المرض مرض اليرقان او بالعاميه يسمونه ابو صفار في بالاطفال المولودين حديثا بسبب علاقه هذا النوع من المستضدات بظهور هذا المرض بالاطفال المولودين حديثا علماء اهتموا بهاي المستضدات واضح هسه راح تقول لي استاذ اوكي افتهمناها بس هل هذا تعليل نحفظه لو شنو لا طلاب هسه هسه لحد الان كل شيء لا تحفظ احنا بس بد نفتهم هسه احنا حاليا بد نفهم الماده بعدين الاشياء المطلوبه للحفظ راح اجي واقول لك ها هاي للحفظ هسه لا تحفظ اي شيء هسه بس تابع واستمتع وتونس وياي زين المهم لربما طالب يسال يقول استاذ شنو هو هذا المرض قلت لكم هذا المرض الشخص اللي يعني عدد كرات الدم عنده اقل من الحد الطبيعي هذا مريض يسمونه مريض فاقر دم او يسمون هذا المرض باليرقان او يسمونه ابو بحيث ايش قد ما قليله وشكله يصير على صفار يعني بسبب قله فيسمون هذا المرض بمرض فقر الدم على كل حال شنو هو هذا المرض وشلون يظهر هسه راح احكي لك شنو هو هذا المرض وباي حاله يظهر لا تستعجل العافيه درجات واعيد واكرر هذا اني هسه اللي راح احكيه واللي حكيته همينا يعني اللي حكيته من بدايه المحاضره لحد الان واللي هسه راح احكيه هاي اشياء بس اريدك تفتهمها ما ماكو اي شيء لحد الان للحفظ بعدنا ما وصلنا مرحله الاشياء المطلوبه للحفظ زين اوكي استاذ تمام طلاب هذا المرض واللي هو مرض فقر الدم او مرض اليرقان او ابو صفار سميها كما شئت نفس المقصد هذا المرض يظهر في حاله واحده وهي انه الاب بيكون موجب للار اتشنو يعني موجب للار اتش؟ يعني خلايا الدم الحمر مالته تحتوي على مستضت العامل الرئيسي يعني فصيلته موجبه بغض النظر عن نوع الفصيله يعني فصيلته موجبه يظهر هذا النوع لمن الاب موجب شوف والام سالبه للعامل الرئيسي يعني خلايا الدم الحمر مالته ما بها العامل الرئيس يعني فصيلته سالبه لمن الاب موجب والام سالبه وطلع الابن على الاب طلع موجب بهاي الحاله يظهر المرض بهاي الحاله يظهر مرض فقر الدم او اليرقان او ابو او ابو صفار يسمونه زين ليش بهاي الحاله يظهر شنو السبب اكيد اكو سبب تعال خلي اوضح لك شوف بهاي الحاله ايش حيصير الام عندي سالبه انت تعرف شنو يعني سالبه ما يحتاج اعد يعني كلش لحيت اني الام عندي سالبه زين زين حامل بابن موجب باوع الام سالبه الابن موجب هل اكو توافق مناعي بيناتهم لا لان انا ايش قلت لكم الفصيله السالبه شوف الفصيله شوف هسه الابن موجب هسه هاي ام حامل بابن موجب طالع على ابوه هذا على منو طالع طبعا طلع على ابوه لان ابوه كان طلع على ابوه لان ابوه كان موجب فطلع على ابوه عندي هنا الام سالبه زين هل اكو توافق مناعي لا لان الفصيله السالبه حساسه ضد الموجب ماكو اي توافق مناعي زين باوع خليه اكمل هسه راح تفتهم المعنى كله شوف فاذا صار ودخل دم الطفل الموج طبعا الطفل موجب اذا سلالته فصيلته موجبه فاذا صارت اكو خلل معين زين ودخل دم الطفل الموجب الى الام وين؟ عبر الى الام او عبر الى الدوره الدمويه للام او عبر الى دم الام زين دم الام سالب وهذا من الابن اللي دمه موجب قاعد يتسرب من الجنين على الام دم موجب وهي سالبه اكو حساسيه بيناتهم اكو عدم توافق مناعي زين طبعا شلون يتسرب بسبب المشيمه طلاب المشيمه هي عضو يتكون او هي جزء يتكون اثناء الحمل فقط يعني المشيمه موجوده اذا اذا المراه حامل هاي المشيمه عندها هوايه وظائف تنقل الغذاء للجنين تاخذ الفضلات من الجنين ايضا احد وظائفها انه تمنع اختلاط دم الجنين بدم الام تمنع اختلاط الدم مال الام ومال الجنين فاذا اذا بها مشكله ايش راح يصير؟ اذا بها مشكله هاي المشيمه زين طلاب ايش راح يصير؟ راح يتسرب طبعا المشيمه وينها انا بالرسم باوع هذا اللي داير ما يدور الجنين هذه كلها المشيمه زين فاذا بها مشكله راح يتسرب دم الجنين واللي هو موجب وين على دم الام السالب زين هنا اكو حساسيه بالموضوع صح لو لا صح هسه تسرب زين وعلى الاغلب انه المشيمه ما بها شيء لعد شلون يتسرب في ح عند الولاده اذا ما تسرب اثناء الحمل راح يتسرب الدم اثناء الولاده لان اثناء الولاده راح تختلط دمايات الام مع دمايات الطفل يعني ف لو اثناء الحمل يتسرب بسبب خلل بالمشيمه لو اثناء الولاده اثناء الولاده يختلطون يعني اول وثاني راح يتسرب زين فراح يتسرب دم موجب الى الام ايش راح يصير طلاب ايش راح يصير ايش اكو عند الام اكو جهاز مناعه زين جهاز المناعه اول ما يتسرب رب دم من الجنين الى الام راح يتحسس ليش؟ لان بدم الطفل ايش اكو؟ اكو مستضت العامله الريسي اللي ما موجوده بالام فهذه تسربت ويا دم الطفل دخلت على دم الام راسا جهاز المناعه راح يشخص على انها هي عدو ليش؟ لان الام سالب جهاز المناعه شنو يعني سالب؟ يعني ما عندها مستضت العامل الرئيسي زين جاها من ابنها مستضدات العامل الرئيسي جهاز المناعه مالتها شو معرفه هذا ابن وهذا جنين ما يعرف جا بما انه ما موجود بالجسم الاصلي اذا هو يعتبر عدو فراسا راح يشخص هذول عدو فشو يبدا يسوي يكون اجسام مضاده ضد هاي المستضدات ضد الار اتش زين لكن هاي العمليه طلاب تحتاج وقت كلش كبير ف ما بين افعل ما جهاز المناعه مال الام يكون اجسام مضاده زين ضد هاي المستضدات فراح يكون الطفل انقضت فتره الحمل ونولد اصلا وراح هذا الطفل الاول فالطفل الاول بكل الاحوال طلاب حتى لو هو موجب والام سالب وماكو توافق مناعي وحتى لو صار تشريب للدم فجهاز المناعه بين ما يكون اجسام مضاده ضد هاي المستضدات فالطفل راح تنقضي فتره الحمل الح الحمل وينولد فعلى الاغلب هو سليم زين لكن المشكله وين طلاب المشكله وين المشكله بالحمل الثاني شوف هذا الحمل الاول هسه بالحمل الثاني نفترض الام رجعت حمله حملت مرتخ زين والحمل هم كان موجب زين الحمل هم كان موجب اذا سالب ماله واحد اذا سالب ماكو اي مشكله زين سالب بسالب ماكو مشكله لكن اذا رجعت حملت مرتخ او بالعاميه يسو منها حملت ما اعرف والله حتى تهت عليه اقول هي حمل يعني هي حمل بس احنا خطا طباعي يقولون حبل هي ميم بدال الباء فاذا مرت طبعا اذا سالب ما ياثر اذا هي سالب وحملت ممكن تحمل بواحد سالب يعني فماكو مشكله لكن المشكله اذا هو موجب الحمل الثاني كان موجب زين اذا الحمل الثاني موجب ايش راح يصير هنا حرفيا هنا كارثه خطيه هنا على الاغلب راح يموت الطفل ليش؟ لان جهاز المناعه نفسه جهاز المناعه مال الام بسبب الحمل الاول كون هسه هوايه يكون اجسام مضاده لان هو من الحمل الاول يكون اجسام مضاده ضد الار اتش زين ضد الار اتش كون هوايه اجسام مضاده زين فمو حمله الام بطفل موجب ايش راح يصير خطيه هاي الاجسام المضاده واللي بسبب الطفل الاول جهاز المناعه تكون بكميات كلش كبيره هذه بالحمل الثاني اذا كان موجب ايش راح تسوي خطيه هاي راح تعبر على الجنين وتبدي شو تسوي به الاجسام المضاده تبدا تقضي على المستضادات الار اتش زين هاي وين موجوده موجوده بخلايا الدم مالته فخطيه الجسم المضاد حتى يقدر يحطم المستضد لازم يحطم كريه الدم الحمر باكملها فهذا يقعد يحطم خلايا الدم للطفل زين بالتالي هذا ايش راح ينولد راح ينولد بفقر دم لان شنو؟ لان جهاز المناعه للام فتت خطيه فتت خلايا الدم مالته فينولد بفقر دم او يسمونه اليرقان او ابو صفار ومرات اذا كان الهجوم حاد ممكن يقضي على الطفل ويموت واضح طلاب الفقره صارت واضحه كلش مو مبدي مبدع بطرح الموضوع مو هذا طبعا لو بالكتاب كل شي ما راح تفتهمون واضح طلاب هو هذا حرفيا كل ما يتعلق بهاي الفقره داده هسه نجي ان شاء الله للاشياء المطلوبه للحفظ من هذا الموضوع وشوف حتى اختصر عليك السالفه واختصر عليك الموضوع وما ادوهك اي شيء اي شيء راح انطيك اياه او راح اذكر لك اياه من هاي اللحظه او من هاي الدقيقه من المحاضره ولنهايه المحاضره لازم تضبط لي اياه يعني لازم تحفظ لي اياه واضح اي شيء راح انطيك اياه من هسه لنهايه المحاضره اي سؤال اي شيء لازم ينضبط يعني لازم ينحفظ زين لان اصلا ايش راح انطيك من هسه لنهايه المحاضره ايش راح انطيك لو انطيك الاسئله الوزاريه الخاصه بهذا الموضوع لو اسئله الفصل الخاصه بهذا الموضوع لو الاسئله المهمه والمرشح انه تجي من هذا الموضوع بالامتحان الوزاري فحرفيا كل الاشياء اللي راح انطيك اياها من هسه لنهايه المحاضره لازم ينضبطن يعني حرفيا جينا الاشياء اللي لازم نحفظها اما اي شيء انذكر قبل هاي اللحظه او قبل هاي الدقيقه يعني من بدايه المحاضره لحد الان اي شيء انذكر قبل هاي اللحظه فهو لغرض الفهم والاطلاع فقط بس كل شيء ما تحفظ لي منه راح تقول لي استاذ صدق تحكي هاي صار لك فوق النص ساعه من بدايه المحاضره لحد الان متعب نفسك ومدوخ نفسك ومتعبنا طلع كل هذه الاشياء مو مهمه كلها ما نحفظها وكلها اي كلها للاطلاع وكلها لغرض الفهم بس مو يعني مو مهمه ليش لان باوع الاشياء اللي تنذكر بعد هسه واللي قلت لك اللي بعد هسه مطلوب ما ممكن تقدر تضبطها بدون اللي كان قبل هسه يعني بدون الفهم اللي اخذناه يعني باوع اللي قبل هسه يخليك تضبط اللي بعد هسه بدون اللي قبل هسه ما راح تضبط اللي بعد هسه واضح يعني اناي من دا انطيك بالبدايه انطيتك الماده على شكل هيك فت قصه ودخلنا بالجو وفهمتك الماده ليش فهمتك اياها حتى لما نجي للاشياء المطلوبه تكون الاشياء المطلوبه المطلوبه مطلوب منه تكون علينا سهله وسهله الحفظ اصلا راح تكون مكرر لان اصلا انا ذكرت لك اياها بدون ما تحس افتهمنا يعني اللي قبل هسه يسهل عليك اللي بعد بدون اللي قبل هسه ما راح تقدر تضبط اللي بعده هسه حرفيه العباره صارت قبل وبعد هسه على كل حال طلاب هسه نجي للاشياء المطلوبه للحف طلاب مستض العامل الرئيسي وكاي صفه موجوده بالوراثه او اخذناها بالوراثه ما بعد مندل اكيد اكو بها طرز مظهريه وطرز وراثيه لازم نحفظها فهس سنجي ان شاء الله للطرز المظهريه والوراثيه الخاصه بمستض العامل الرئيسي حتى نضبطها لان بدون ما نضبطها ما نقدر نحل مسائل عن هذا العامل هوايه مسائل وكثير مهمه مسائل هذا العامل زين طبعا احنا محاضره اليوم ما راح نروح للمسائل نكتفي بالشرحيات بالمحاضره تجي ان شاء الله راح ندخل بمسائل مستض العامل الرئيسي على كل حال طلاب شوف الشخص يا اما يكون موجب العامل الريسي او الرئيسي يا اما يكون سالب للعامل الرئيسي يعني لو عنده لو ما عنده الشخص اللي عنده هي صفه سائده يعني الموجب سائد على السالب السالب متنحي زين بما انه الموجب صفه سائده اذا راح تكون لو سائده نقيه ار كابيتل ايج ار كابيتل ايج يا اما تكون سائده جينا ار كابيتل ايج ار سمولج هذا موجب نقي وهذا موجب هجين هاي طرز مظهريه زين هسه باوع هذه طرز العفو هاي طرز مظهريه هذه طرز ايش تعتبر وراثيه وهذه مظهريه الشخص السالب صفه متنحيه اذا راح يكون ار سمولج ار سمولج بها احتمال واحد واضح طلاب اكو شي ما واضح حرفيا كل يوم سهل كلش زين اذا قلت لك من من الاليل المسؤول من الاليل المسؤول عن مستض العام الرئيسي اوج وجود مصدات العامل الرئيسي او او العامل الرئيسي الموجب كيفك منو المسؤول عن عن هذا الشيء الاليل السائد ار كابيتل اتش وعرفنا احنا ليش نستخدم هذا اكيد انت عرفت المصدر يعني اما المسؤول عن السالب فهو الاليل المتنحي ار سمول اتش وطبعا اذا قلت لك ما نوع الوراثه اذا قلت لك ما نوع الوراثه شو تقول لي عافيه نوع الوراثه بهاي الصفه او بهذا الموضوع اليلات متعدده واضح طلاب واضح هذه شوف هذه طرز هسه هاي طرز مظهريه وهذه الطرز الوراثيه شوف وهذه الطرز الوراثيه زين احنا بس حفظنا الطرز المظهريه والطرز الوراثيه احنا جاهزين ندخل بالمسائل بس ما راح ندخل بالمسائل بدرس اليوم على الدرس الجاي هاي اول شغله لازم نحفظ لها حفظناها ما يغادر شي حفظناها زين الشغله الاخرى لازم تنحفظ هي هذه با هذا سؤال وزاري كلش مهم وارشح انه يجي هاي السنه واللي هو شو يقول السؤال طبعا هذا جاي مرتين بالوزاري وايضا من اسئله الفصل يقول في اي من الحالات الاتيه تكون حياه الجنين حياه الطفل مهدده بالخطر موضحا السبب يعني اكو راح يعطينا حالات يقول لك يا حاله تكون خطر على الطفل وليش الحاله الاولى يكون الاب سالب طبعا هنا والام هنا خطا طباعي بالملزمه نظيفه والام تكون موجب هاي الحاله الاولى لو بالحاله الثانيه لمن الاب موجب والام سالبه بيا حاله يكون تكون حياه الطفل مهدده بالخطر باوع الجواب هذا الجواب اللي قدامك هو جواب وزاره التربيه شوف الجواب بالحاله الاولى اللي هي الاب سالب والام موجبه هذه اكو خطوره لا شوف في الحاله الاولى لا تشكل خطوره على حياه الجنين ليش لان الام موجب واذا حملت بطفل موجب ما يضرها شيء موجب موجب زين اذا حملت بطفل سالب عادي هي موجب جهاز المناعه مالتها قوي موجب وحامله بسالب ما يضرها شيء لان الموجب ما يتحسس من السالب بس السالب يتحسس من الموجب فبالحاله الاولى ماكو اي مشكله زين شوف الحاله الاولى تقول لا تشكل خطوره زين السبب تقول بسبب التوافق بسبب التوافق المناعي الكامل بين الام وجنينها فاذا الحاله الاولى ماكو اشكال هسه نجي للحاله الثانيه واللي هيمن يكون الاب موجب للعامل الرئيسي والام سالبه للعامل الرئيسي هل بهاي الحاله اكو خطر على حياه الجنين؟ نعم حتما اكو خطره ليش؟ لان على الاغلب ابن هذول الاثنين حيكون موجب يعني طالع على الاب زين ليش على الاغلب يكون موجب طالع على الاب انا اقول لك ليش باو بالمساله اثبت لك ما يحتاج احكي لك شوف الاب ايش ب قلنا موجب للعامل الرئيسي زين منو زوجته سالبه الزوجه تكون سالبه للعامل الرئيسي هذول يتزاوجون زين طراز الوراثي هذه واضح واحتمال واحد اما الذكر فاذا كان نقح يكون تراز الوراثي ار كابيتل ايج ار كابيتلش زين باوع هذه حتنطي قيل متنحي وهذا حينطي قيل سائد زين اكيد راح يتحدون بعمليه الاخصاب فش راح يطلع عندي طفل ار كابيتل ايج ار سمول ايج هذا شو ينقري هذا ينقري موجب هجين راح ينقري ايش؟ موجب للعامل الرئيسي هيجين اذا صارت الام حملت بطفل موجب ايش صار الام سالب والابن موجب السالب يتحسس ضد الموجب لو لا يتحسس اذا عدم توافق مناعي اذا اكو خطوره لو لا اكو خطوره راح تقول لي استاذ ايش دراك الاب يكون موجب نقي يجوز موجب هجين حتى لو هجين طلاب حتى لو هجين راح يكون طراز الوراثي هالشكل زين الانثى هالشكل هاي حتنطي قليل متنحي هذا حينطي قليل لان واحد منهم ساعد سائد وواحد منهم متنحي بنسبه 50% حيتحد هذا مع هذا فهم حيطلع يعني لو لو بنسبه 100% لو 50% حيطلع عندي طفل موجب يعني على الاغلب حيطلع الطفل على ابوه بهاي الحاله الام سالبه ايش راح تحبل هم بابن موجب هذا اكو خطوره لو لا طبعا اكو لان اكو عدم توافق مناعي الام سالب ابنها موجب هي حتكون حساسه ضد ابنها فاش راح يصير تتذكرون قبل شوي حكينا شوف الجواب الحاله الثانيه تشكل خطوره على حياه الجنين ليش لان الاب قد منح هذا الاليل يقصد الاليل السائد باوع شوف على المخطط على التضريب الاب انطى الاليل السائد الام تنطي الاليل المتنحي منو اللي يسود على منو هذا الاليل حيسود على هذا الال فيكون الطفل موجب لان الاليل المسؤول عن الموجب هو الاليل السائد فحيظهر الموجب يسود على الاليل الاخر المتنحي فحيطلع طفل شوف يقول وذلك لان الار موجب هذا ينطيه الابحه يكون سائد على الار اي السالب وهو الاليل المتنحل تنطيه الام فيصبح الجنين ذو تراز وراثي هيجين ار كابيت اش ار سمول اش هذا شو يكون يعني موجب ها صار هو موجب امه سالب اذا هذا الاتحاد الوراثي ينتج عدم توافق مناعي كامل بين الام والجنين شوف واذ صادف نفس الكلام اللي حكيته بالشرح واذ صادف جريان دم الطفل خلاله مشيمه معابه يعني ممكن بها مشكله بها خلل وراثي واذا ما بها خلل وراثي اول وتالي اثناء الولاده حيختلط الدم المهم اول وتالي حيختلط الدم الام سواء عن طريق المشيمه خلل بها او اثناء الولاده فراح يتسرب دم الجنين الموجب وين على الدوره الدمويه للام واللي دمها سالب جهاز المناعه راح يلقط هذا التسرب ليش لان بدم الطفل ايش اكو مستضت العامل الريسي هاي غريبه على الام لو مو غريبه غريبه اذا راسا جهاز المناعي شخص يبدي يكون اجسام مضاده شوف ودخل الدوره الدمويه الى الام فان النظام المناعي لتلك الام سوف يشخص مستدات الار اتش كاجسام غريبه وبذا يقوم ببناء اجسام مضاده تجاهها لكن هاي عمليه البناء تحتاج وقت كلش طويل فراح ينولد الطفل اذا كان الطفل الاول في حال حمله مراه اللخ وكان الطفل هم موجب ايش راح يصير هسه جهاز المناعه كون كلش كميه كبيره راح ارتفع تركيز الاجسام المضاده بالحمل الثاني شوف فيرتفع تركيز هذه الاجسام المضاده داخل اللوم هذا وين في الحمل الثاني وعندما تمر تلك الاجسام خلال المشيمه اللي اكيد راح تعبر المشيمه راح تهجم من تعبر المشيمه وتهجم وين على الطفل الثاني الموجب ليش لان اكو بداخله مستدات العام الريسيف فهاي الاجسام المضاده اللي كونها الجهاز المناعه للام راح يفتت خلايا الدم للجنين وبالتالي يسبب فقر الدم او اليرقان واضح هذا هو جواب هذا الجواب كله الجواب النموذجي هسه شو اريد منك طلاب طبعا هذا شرحته قبل شويه انا هسه عدته شو اريد منك اريد منك توقف الفيديو وتضبط لي هذا الجواب تحفظ لي اياه ورقه وقلم يلا وقف الفيديو واحفظ لي اياه ورا ما تحفظ كمل الفيديو زين كملنا الفيديو هسه وين راح نروح عندي هنا تعليل جا مرتين بالوزاري علل تحقن الام التي دمها سالب بعد انجابها طفل موجب بماده مضاده للار اتش ليش يسوون هيك طلاب ليش اللي هي سالب زين و وتولد او يعني خلينا نقول تجيب العاميه طفل موجب ليش يضربونها ابره ضد الار اتش ليش؟ شوف الجواب لان هذا المضاد يحطم اي خلايا من نوع الار يعني اي خلايا اي مسدات عام الريسي تسربت على دم الام هاي الابره راح تحطمهم هاي الابره من حطمت خلايا الخلايا اللي بها مستضت فبالتالي جهاز المناعه ما راح يشخص اي جسم غريب بالتالي ما راح يكون اجسام مضاده حتى نحمي الطفل اللي بعده باوعيد تحقن الام السالبه بعد انجابها طفل الموجب بماده مضاده للارش يعني ضد المستضدات العامل الرئيسي ليش يحقنونها بهيك حاله لان هذا المضاد شو يسوي يحطم اي خلايا من نوع ار اتش موجب يعني اي خلايا بها مستضدات العامل الريسي هذا المضاد راح يحطمها طبعا يا هي اللي تتسرب لدم الام فهاي مو قاعد تتسرب يجي راسا هذا المضاد يحطمها فقاعد تتحطم فجاز المناعه مال الام ما راح يلحق يشخص اي شيء لان اللي قاعد يدخل الام قاعد يتحطم فلهذا جهاز المناعه مال الام ما راح يكون اي اجسام مضاده فالحمل اللي بعده راح يكون سليم واضح حتى فخاف طالب فخاف اكو شخص بكم يحب وحده دمها سالب زين وخايف لا تقتل ولده خلي يعرف انه لقوه له حل العلماء العلماء لقوا حل لهي الحاله انه اذا هي سالبه وولدت طفل موجب يطونها هاي الابره حتى اي شيء يتسرب من دم ابنها الموجب على دمها هاي الابره تحطم حتى جهاز المناعه مالتها ما يكون اجسام مضاده ضد ابنها اللي راح ممكن يجي تجيب المستقبل زين حتى تحافظ على ابناء التالي فهاي انحلت السالفه خاف واحد يحب وحده يعني دمها سالبه وهيكشي يعني لا يبطل استمر يا حبيبي استمر زين هسه هذا توقف الفيديو تضبط لي هذا التعليق اي شيء ناخذه وقف الفيديو اضبط لي اياه ورقه وقلم ورقه وقلم تضبط لي اياه نجي هسه لهذا التعليل ولا تنسى تضبط لي هذا التعليل اللي قبله ورقه وقلم بعدين تجي لهذا التعليل التعليل يقول فحص مجاميع الدم اي بي او يعني لازم نعرف اسم الفصيله والعام العمل الرئيسي للمقبلين على الزواج ليش لازم يعرفون اسم الفصيله وهل هي موجبه وسالبه للمقبلين على الزواج؟ الجواب وذلك لاستبعاد ظهور مرض اليرقان ابو صفار ولاخذ الاحتياط اللازم الاحتياطات اللازمه لذلك يعني شوف هسه من لما تكبرون ان شاء الله وتريدون تتزوجون اكو شيء احد اجراءات الزواج شيء اسمه فحص الدم فمن تروح سيف ياخذون منكم عينات بعدين تروح للنتيجه فاذا كانت شوف اذا كانت الام سالبه زين وانت سالب ماكو اي مشكله يقول يقول لك تطابق دم هو مباشره راح يقول لك مبارك دمكم متطابق زين اذا كانت الام موجبه اذا كانت الام موجبه وانت سالب فهذا ما ياثر راح يقول لك دمك متطابق لكن وين ايش وقت يقول لك دمك مو متطابق لم انت موجب وهي سالبه راح يقول لك الدم ما متطابق فيقعد يشرح يقول لك يابا ترى هذا الشيء ممكن ياثر على اطفالك ممكن يصير بهم يرقان ممكن حتى يصل مرحله الموت يعني لا سامح الله زين فتقول له الدكتور انت شنو الشخص الاستشاره تقول له شنو الحل؟ يقول لك الحل لازم لما هي تجيب اول طفل لازم تضرب ابره وانتهى الموضوع افتهمت فاحنا ليش لازم نسويش حتى هل اكو هل اكو احتمال لظهور مرض اللي قال لو لا واذا اكو ش الاحتياطات اللازمه ف هذاذا الغرض يعني من هذا الفحص فهذا التعليل ايضا تضبط لي اياه زين مهم اكو سؤال مرشح انه يجي هاي السنه شوف جا مره واحده بس بال 2015 قبل 11 سنه جاء هذا السؤال مرشح انه يجي هذا السؤال او فشي شي شابه واللي هو هذا لازم تركز به لازم تنتبه واللي هو يقول لك اذا احتاج شخص فصيلته سالبه شخص فصيلته سالبه احتاج دم فيقول لك منو الفصائل اللي تقدر تتبرع له واكتب لي طرزها المظريه هذا اول مطلب المطلب الثاني يقول لك اذكر الجسم المضاد في المصل لكل فصيله يعني محتمله يعني لكل فصيله قاعد تقدر تتبرع لهذا الشخص شوف سؤال شو يقول لك حتى افهمك انتبه هذا السؤال لازم تنتبه لي يقول لك شخص مريض فصيلته سالب اي اول مطلب قال لك منو اللي يقدر يتبرع لهي الفصيله وشنو الطرز المظهريه للفصائل اللي راح تتبرع من اللي يقدر يتفرع يتفرع شنو يتبرع للسالب اي اولا استبعد لشكو فصيله موجبه ليش لان ما يصير تنقل من موجب لسالب فالموجب اي والموجب بي والموجب اي بي والموجب او هاي كلهم تستبعتهن ليش لان ما يصير نقل من الموجب للسالب ما يصير صير هاي وضحت لك اياها زين هاي تستبعد لي اياها بقى منو عندي بقت الاحتمالات هي لو فصيله السالب اي لو السالب بي لو السالب اي بي لو السالب او نقدر ننقل منهم لهي الفصيله هسه نجرب نشوف منو يصير باو شوف انت ه شلون ترتب الحل خلي امسح هذولي احنا نرتب الحل المطلب الاول يريد منا الفصائل شلون ترتب الحل الفصائل الممكنه او المتبرعه زين اخلي لها خانه هذا المطلب الاول هي ب مطلبين زين المطلب الاول دي الفصائل والطرز مالتها والطرز الوراثيه للفصائل اللي راح تتبرع هذا المطلب الاول زين من اللي يقدر يتبرع للسالب اي اكيد اللي مثله يقدر يتبرع اذا اول فصيله تقدر تتبرع هي السالب اي نفسها زين طرازها الوراثي ايش راح يكون اذا كانت اذا شوف شلون ينكتب السالب اي شلون ينكتب الاي اي اذا كان الاي نقي زين اما السالب فهو ار ايج سمول ار ايج سمول هذا الاحتمال الاول هاي لمن تكون الاي نقيه اما السالب فهو باحتمال واحد واذا كانت الفصيله هيجينا فاذا اي اي سمول ارش سمول ارش سمول يعني باو هذا الطراز الفصيله هذا طراز الفصيله وهذا الطراز الار اتش وعندي الار اتش سالب اذا هذا الطراز الوراثي واضح افتهمناها طلاب هاي اذا كانت نقيه وهاي اذا كان الاي هيجي هجين الاحتمال الثاني افتهمنا شلون بد نكتب الطرز يعني اول شيء بد نكتب الطراز الوراثي لاسم الفصيله بعدين الاشاره يعني للعامل الرئيسي زين استاذ يصير اقدم واخر بالطرز يصير تقدم طراز الار ايج على طراز الفصيله عادي زين الفصيله الاخيه ممكن تتبرع يصير انقل من سالب بي للاي طلاب يصير انقل من السالب بي للسالب اي يصير شلون يصير لو لا باوع المستضد احنا لازم نركز على مستضد الواهب زين والجسم المضاد للمستلم المستضد الواهب هنا بي من اسم الفصيله الجسم المضاد بالفصيله المستلمه منو المستلم اي منو الجسم المضاد ماله يصير انقول لا شوف المستضاد والجسم المضاد متشابهين فهنا اذا نقلنا راح يصير تفاعل وتجلط بالتالي هذا ما يصير الاي بي للسالب اي نفس الحاله هم ما يصير زين السالب او الاو ما ب حتى الاو ما ب مستضت حتى نركز عليها فبالتالي اكيد يصير اذا الفصيله المحتمله الثانيه هي السالب او طراز الوراثي حيكون الاو اي سمول اي سمول والسالب هي احتمال ار اتش ار اتش هذا هو الاحتمال فقط هذا المطلب الاول المطلب الثاني شو يريد حسب السؤال يقول لي اذكر الجسم المضاد في المصل لكل فصيله يعني يريد الجسم المضاد لكل فصيله فانا كل فصيله محتمل يعني كل فصيله تبرعت انا الفصائل اللي تبرعت هي سالب اي والسالب او منو الجسم المضاد بالسالب اي هو بي والاجسام المضاد بالاو هي الاي والبي انتهى الحل باوع هذا السؤال فكرته كلش حلوه زين طلاب زين ايضا انا حليت لك سؤال اضافي يشبه هذا السؤال حتى اقويك هذا بالملزمه شوف موجود السؤال وموجود الحل حتى تتقوى وانطيتك واجبات باوع واجب 38 وواجب 39 هذول الواجبين تحلهم على نفس طريقه الحل الليي حليتها تفكر مثل ما اني فكرت طبق الكلام اللي اني طبقته وحل زين اذا كان حلك صح خير على خير واذا مو صح تتعلم من خطاك وتعرف الحل الصحيح وحتى تتاكد من حلك صح لو لا اكيد قناه التليجرام زين انزل بها حلول الواجبات زين ايضا عندي سؤال جاب ل 2025 دور ثاني يقول ما الطراز الوراثي ونوع الوراثه لطفل موجب وامه سالبه باوع الطفل موجب الموجب صفه سائده قال امه متنحيه عندي قاعده تقول لمن يجي شخص لمن كائن او فرد صفته سائده واحد ابويه كان متنحي اذا هو حيكون سائد هجين فاذا راح نختار اذا الطراز الوراثي هو الطراز الهجين نوع الوراثه ايلات متعدده او عن طريق التضريب الام شوف الام سالبه هذا ايش قال لي قال لي امه سالبه زين ابوه موجب ابوه موجب ابوه موجب هذه حتنطي يطيل المتنحي هذا حينطيل سائد ار كابيتل ايج ار سمول ايج ايش طلع موجب ايش طلع شوف موجبين اذا الطراز الوراثي لازم ناخذه هيجين واضح هذا شوف ت كاثبات رياضي او تعتمد على حفظك للملاحظه اثنيناتهم صحيح زين زين ه الطالب يقول استاذ يجوز هذا نقي هيجين يجوز هو موجب هيجين ايش عرفك انه يجوز الاب العفو على هو انطاني الام انا افترضت الاب موجب يعني ممكن يكون موجب هيجين نفس الحاله طلاب نفس الحاله هم حيطلع الابن موجب هجين يعني بما انه احد ابويه طلاب بما انه احد ابوه يحمل الصفه المتناحيه اذا راح يطلع ساعد عندي هيجين لازم جرب رياضيا جرب بالتضريبات جرب زين عندي هنا سؤال يقول لك مستضت العامل الريسي اعطيت قدر كبير من الاهتمام ممكن يقول لك علل او ناقش ذلك ليش اهتموا بها العلماء قلنا لعلاقتها المباشره بظهور حاله فقر الدم اللي بعض الاطفال الموليدين حديثا هاي حكيتها اصلا هاي يحفظ لي اياها طلاب كل سؤال احكي لك اياه وقف الفيديو احفظ لي اياه ورقه قلم وكمل سؤال من اسئله الفصل سؤال 17 من اسئله الفصل السؤال يقول اذكر باختصار اسباب فشل عمليات نقل الدم في بعض الحالات ليش في بعض الحالات نقل الدم فاشله بحيث يموت المريض السبب اكو سببين السبب الاول لو بسبب تفاعل المستضادات الموجوده على سطح كريات الدم الحمر للواهب مع الاجسام المضاده الموجوده في مصدم المستلم فهذا التفاعل يؤدي الى تكتلبالي موت المريض وببتالي فشل العمليه يا اما السبب الثاني انه قاعد ننقل دم من شخص واهب فصيلته موجبه لشخص فصيلته سالبه هذا يصير عدم توافق مناعي هم يؤدي الى موت المستلم بالتالي فشل العمليه فهذول السببين يؤدون يسببون فشل بنقل الدم لذلك لازم احنا نعرف فصائل الدم وتفاصيلها قبل لا نسوي عمليه تبرع واضح طلاب واضح هاي الاسئله لازم تضبط لي اياها عندي هنا طلاب عبارات منهجيه اطلع عليها بصراحه يعني ما اعتقد تجي هاي الكلمه شو سويتها؟ طلعتها من الكتاب يعني طلع عليها يعني ممكن تجيك فراغات واللي هي يقول لك لقد وجد بان خلايا الدم الحمراء لحوالي 85% من سكان النيويورك تحتوي على المستضد ارش يعني 85% منهم موجب و15% لا تحتوي يعني 15% سالب تجي فراغات يقول لك لقد وجد ان 93% من سكان البصره يحتوي الدم مالهم على مستدات العامل الرئيسي بينما 7% لا يحتوي اذا 93% منهم موجب و7% منهم سالب زين ثم يقول افترض العالمان في شر واريس بان هنالك نوعا بديلا من التورث يتضمن ثلاث من المورثات المتقاربه وهي اي دي سي هاي تجي فراغ على الطلاب يعني يقول ان مصطلح ارتباط يستخدم لوصف الجينات الواقعه على نفس الكروموسوم والذي هو الزوج الاول من الكروموسوم الجسمي بالنسبه طلب هذه يعني هذه حت حرام يخلونها هاي العباره الاخير حرامات يخلونها بالكتاب على كل حال طلاب ضبط لي هاي الاسئله وهذا البوكس او المستطيل هذا بس يجي قرا لي قراي زين طلاب هاي الاجب النموذجيه الخاصه بالاسئله الوزاريه شوف هذا جواب التعليل هذا مال نضرب الام مضاد بعد ما تولد طفل موجب وهي سالبه وهذا السؤال اذا شخص احتاج فصيله اذا شخص فصيلته سالب اي احتاج دم منو اللي يقدر يتبرع له وشنو الطرز الوراثيه للاشخاص اللي يتبرعوا له وايضا شنو شنو الاجسام المضاده للفصائل هذا الجواب قدامك الجواب النموذجي هذا النمط من الاسئله طلاب ركزولي عليه كلش مهم حرفيا ال طلاب انتهت محاضرتنا في امان الله