المحاضرة 4 التضريب الرجعي أ قاسم آل ذيب

هسه نرجع للمخطط اللي سويناه بالبدايه لهنان احنا خلصنا التهجين الاحادي والتضريب الاختباري يتبقى عندنا نوع واحد ويعتبر هو الاهم وبنفس الوقت الاحلى والاسهل اللي هو التضريب الرجعي شنو هذا التضريب الرجعي وشلون يصير تعال انا اشرح لك باوع لي هنان هاي الحديقه مالتكم وعندكم بها نباتين بازاليا الحجيه لقحت بينهن وطلع طلع بالافراد الناتجه نبته بزاليه شايله صفات تخبل تخبل تخبل مو شلون ما كان الحجيه عجبتها هاي النبته وجتي عليك ركض قالت لك يمه لك قحت نباتين بزاليه وطلعت لي نبته شايله صفات تخبل مو شلون ما كان اريدك تكاثر لي هاي النبته بشرط تحافظ لي على هاي الصفات الحلوه يعني بين قوسين تريدك تكاثر هاي النبته بدون ما تخرب اي صفه بها اوكي انت هنان راح تصفن تقول انا شو اسوي هنان هل اخذ هاي النبته واضربها بنبات جديد لا هاي مخاطره ممكن تخرب عندي الصفات وامي تشمرني للشارع راح تظل صافن وحاير ومباشره راح تتصل علي تقول لي استاذ امي لقحت نباتين بازاليا وطلعت نبته بازاليا شايله صفات تخبل وهاي النبته اريد اكاثرها بس اريد احافظ على هاي الصفات راح اقول لك سهله سوي لها تضريب رجعي راح تقول لي هو شنو التضريب الرجعي بكل بساطه هو تضريب الفرد الهجين من الجيل الاول باحد الابوين او في كلاهما راح تقول لي ليش استاذ ببساطه انت طلعت صفه حلوه من ابوين تمام لان شايلين صفات حلوه فانت بدال ما تخاطر وتجيب نبته جديده من مشتل الله يعلم هذا المشتل شنو او شلون مربي النباتات مالته بدال هاي الهوسه اخذ النبته مالتك وضربها باحد الاباء لهالسبب اسمه التضريب الرجعي لان راح تاخذ الفرد وترجعه للاصل انه الضربه باحد الاباء او في كلاهما بالنباتات كلش عادي نضرب الابناء بالاباء ماكو اي مشكله اما بالحيوانات الوضعيه تختلف بالحيوانات راح نضرب الابناء بافراد مشابهه للاباء مشابهه طبق الاصل لان بالحيوانات ما ترهم ابد انه تزاوج الابناء بالاباء فلازم تزاوجهم بافراد مشابهه للاباء هسه نرجع للحديقه مالتكم اكيد ببالك فت سؤال ليش من نريد نسوي تضريب رجعي لازم ناخذ الفرد الهجين من الجيل الاول ليش ما ناخذ مثلا الفرد المتنحي او ليش ما ناخذ مثلا الفرد السائد النقي السبب شويه غريب يعني باوع الفرد الهجين من الجيل الاول هو يحتوي على عاملين واحد متنحي وواحد سائد طبعا المسؤول على هاي الصفات الحلوه هو العامل السائد اوكي لعد العامل المتنحي شنو فائدته هنان فائدته للايام السوداء يعني شنو للايام السودا باكر عقبه احتاجيت فرد متنحي منين احصله احصله من هذا العامل المتنحي اجي اضربه بفرد ثاني يحتوي على عامل متنحي مثلا فرد همين هجين بالتالي راح ترجع تطلع لي الصفه المتنحيه بس لهذا السبب واصلا وجوده هنان ما راح يضرنا لان اكو بصفه عامل سائد وهذا العامل السائد راح يخليه خانس وساكت ما يقدر يحكي لان احنا متعودين العامل او القليل السائد يخفي تاثير العامل او الاليل المتنحي فهو هذا الجواب الوحيد المنطقي والبسيط اللي يخليك تفهم ليش احنا دائما بالتضريب الرجعي لازم ناخذ الفرد الهجين من الجيل الاول وممنوع ناخذ الفرد المتنحي او السائد النقي كله على مود نحافظ على العامل المتنحي حتى اخاف باكر عقبه نحتاج صفه متنحيه ليش سموه تضريب رجعي لان دي اخذ الفرد الهجين وارجعه بالاصل يعني اضربه باصله اللي هم اهله شايف من واحد يقول لك فديت اصلك يعني فديت اهلك هسه نجي جي نشوف شلون ابو الكتاب شارح او معرف التضريب الرجعي فنقول يا الله ونبلش التضريب الرجعي هو تضريب يجري بين افراد هجينه من الجيل الاول مع احد الابوين او مع فرد يماثل احدهما وحده وحده اللي يقول لك هو تضريب يجري بين افراد هجينه من الجيل الاول وركز لي على افراد هجينه يعني اي كابيتل اي سمول منين من الجيل الاول اللي هو الافان تاخذ هذا الفرد الهجين الضربه مع احد الابوين واذا ما ترهم راح الضربه مع فرد يماثل احدهما يعني الكائنات اللي تره متزاوج بها الابناء والاباء مع بعض فكلش عاد تسويه اما بالنسبه للكائنات اللي ما ترهان بها هاي الفكره فراح تجيب الفرد الهجين من الجيل الاول وتزاوجه مع فرد يماثل احد الاباء زين شلون راح نعرف المساله هي تضريب رجعي خلي ببالك مسائل التضريب الرجعي غالبا تبدا كمساله اعتياديه يعني تهجين حاد اعتيادي مثل اللي اخذناها سابقا بس يضيف لك بالنهايه مال السؤال وحده من هاي العبارات واذا شفت وحده من هاي العبارات اللي هي اولا ثانيا ثالثا رابعا مباشره نقول هنان لازم اسوي تضريب رجعي يعني مسائل التضريب الرجعي هي عباره عن دمج فكرتين تهجين احاد اعتيادي وتضريب رجعي شنو هاي العبارات العباره الاولى يقول لك ثم اجري تضريب رجعي احد الافراد الناتجه يعني شو اسوي هنان اخذ فرد هجين من الجيل الاول واضربه في احد الاباء او مع فرد يماثل احد الاباء العباره الثانيه ما يقول لك تضريب رجعي لا يبسمرك يعني مثلا يقول لك ضرب احد الافراد الناتجه مع احد الابوين او مع الاب او مع الام او يقول لك ضربه احد الافراد الناتجه مع فرد يماثل احد الابوين او مع فرد يماثل الاب او فرد يماثل للام او ممكن يقول لك اياها مباشره قم باجراء التضريب الرجعي ذن العبارات كلهن معناهن انه راح تاخذ الفرد الهجين من الجيل الاول والضربه مع احد الابوين او فرد يماثل احدهما وفد ملاحظه كلش مهمه في حال بالسؤال ما حدد ويا منو نسوي التضريب الرجعي مثلا مباشره يقول لك اجري تضريب رجعي او تضريب مع احد الابوين ويسكت بدون ما ينطينا اي معلومه ثانيه بهاي الحاله راح ناخذ خذ احتمالين مره نضرب الفرد الهجين مع الاب ومره نضرب الفرد الهجين مع الام يعني اذا حدد لي ويا منو نسوي التضريب الرجعي من الاباء نسوي واذا ما حدد ويا منو ناخذ احتمالين مره نعتبر الفرد الهجين ذكر ونضربه ويا الام ومره نعتبر الفرد الهجين انثى ونضربه ويا الاب اوكي زين شنو خطوات حل المسائل مال التضريب الرجعي قلت لك المساله هي عباره عن مسالتين ببطن مساله حده والحل يصير عباره عن مرحلتين المرحله الاولى اللي هي مساله التهجين الاحادي الاعتياديه تحلها طبيعي ترميز استنتاج تضريب وتطلع الافراد الناتجه و100% راح يكون اكو فرد بيهم هجيم براها راح تسوي التضريب الرجعي اللي هي المرحله الثانيه هنان راح ناخذ الفرد الهجين من الجيل الاول ونزاوجه مع احد الاباء وعندنا حالتين اذا حدد بالسؤال مع منو نزاوج الفرد الهجين بشكل مباشر او من خلال فد معلومه يذكرها فنسمع كلامه وناخذ الفرد الهجين من الجيل الاول ونزاوجه ويا الاب او ويا الام حسب المطلوب بالسؤال او حسب المعلومه اللي ذكرها اذا ما حدد بالسؤال مع منو نزاوج الفرد الهجين وسكت وما ذكر اي معلومه تفيدني فبهي الحاله راح ناخذ احتمالين الاحتمال الاول راح نعتبر الفرد الهجين ذكر ونسوي تضريب ويا الام والاحتمال الثاني راح نعتبر الفرد الهجين انثى ونضرب ربويه الاب طبعا كلش عادي تقدم وتاخر يعني تبدا بهذا الاحتمال او بهذا الاحتمال تمام نجي على هذا المثال حتى نشوف شلون تنحل المسائل مال التضريب الرجعي مثال واحد ضرب خنزير غيني خشن الشعر بانثى ناعمه الشعر فكان ناتج الجيل الاول بعضه ناعم الشعر وبعضه خشن يقول لك ضرب خنزير غيني خشن الشعر هاي صفه سائده بانثى ناعمه الشعر هاي صفه متنحيه فكان ناتج الجيل الاول بعضه ناعم وبعضه خشن ركز لي على الناعم صفه متنحيه سائد في متنحي وظهره متنحي اذا الصفه السائده راح تكون هجينه براها شو يقول لك يقول لك ثم اجريتها ضريب بين انثى من الجيل الاول مع ذكر يشبه الاب في الطراز الوراثي تجي تباوع لها يمنه تباوع لها يسره تقلب دقله بالهواء وتباوع لها قاعد تشوف هنان انه راح يضرب انثى من الجيل الاول مع ذكر يشبه الاب هذا شنو هو هذا تضريب رجعي يعني مو شرط يقول لك سويت ضريبه رجعي ممكن يبسمرك بهالطريقه تيجي تكمل السؤال يقول لك ما هي الطرز الوراثيه لجميع الافراد وما نوع التضريب في هذه الحاله قاعد تشوف انه اكو تضريب رجعي وقاعد تلاحظ انه السؤال هو عباره عن جزئين الجزء الاول هو تهجين احادي اعتيادي والجزء الثاني تضريب رجعي فاحنا خلينا نشخبط على الجزء الخاص بالتضريب الرجعي وبعدين نرجع له لان ما راح يفيدني حاليا خلي نحير بس بالجزء الخاص بالتهجين الاحادي الاعتيادي اول خطوه للحل هي الترميز ونزلت الكليشه مال الترميز تجي تباوع شنو الصفه اللي قاعد يسولف بها بالسؤال عافيه صفه الشعر للخنزير الغيني اللي بها السائد اللي هو الخشن وبيها المتنحي اللي هو الناعم احنا المن راح نرمز عافيه راح نرمز لذو فتصير عندنا نرمز لعامل صفه خشن الشعر السائده بالرمز ار كابيتل ونرمز لعامل صفه ناعم الشعر المتنحيه بالرمز ار سمول خلص الترميز نروح على الاستنتاج بما انه اذا بما انه كان ناتج الجيل الاول بعضه ناعم الشعر وبعضه خشن اذا صفه خشن الشعر السائده راح تكون هجينه نكتبها مثل ما هي بما ان كان ناتج الجيل الاول بعضه ناعم الشعر وبعضه خشن اذا صفه خشن الشعر السائده راح تكون شنو؟ هجينه تيجي تكتب الطرز الوراثيه للاباء نزلت الكليشه مال الطرز الوراثيه الاب شنو الصفه مالته خشن الشعر شو استنتجناه هجيم فراح نكتب الطراز الوراثي مالته ار كابيتل ار سمول الانثى شنو الصفه مالتها ناعمه الشعر شنو طرازها الوراثي ما دام صفه متنحيه فحرفين صغار وبعد شو نسوي عافيه راح نسوي التضريب الذكر هو خشن الشعر والانثى ناعمه الشعر الذكر استنتجناها جين والانثى هي متنحيه فحرفين صغار مشابهات ناخذ واحد مختلفات ناخذهم اثنينهم تسوي توزيع يطلع ار كابيتل ار سمول ار سمول ار سمول اللي هو 50% ناعم و50% خشن هجين هسه نجي على الجزئيه اللي خاصه بالتضريب الراجعي نسوي انبوكسين للسؤال طلع عندنا السؤال يقوللك ثم اجري تضريب بين اونثى من الجيل الاول مع ذكر يشبه الاب فل الطراز الوراثي يعني يريد منك تسوي تضريب برجعي منو الانثى اللي موجوده بالجيل الاول هاي لو هاي والله ما ادري بس ما دام هو تضريب رجعي يعني لازم تكون الانثى هي الفرد الهجين فيعني هاي راح ناخذها يقول لك اخذ هاي الانثى اللي هي الفرد الهجين اللي من الجيل الاول وضربها مع فرد يشبه الاب في الطراز الوراثي وبس مباشره تجي تكتب ثم اجري تضريب رجعي او تكتب بس تضريب بالحالتين صح بين انثى من الجيل الاول وذكر يشبه الاب في الطراز الوراثي التضريب ينزل قانون التضريب وتيجي تكتب الانثى اللي هي الفرد الهجين من الجيل الاول اللي طرازها المظهري انه هي خشنه طبعا هجينه الذكر هو يشبه الاب في الطراز الوراثي الاب شنو الصفه مالته خشن هجين فتجي تكتب هنان خشن والطراز الوراثي اكيد هجين اني استاذ قاسم من المستقبل اجيت اقول لك على فد شغله هنان لازم نكتب بي 2 جي 2 اف 2 لان هذا يعتبر الجنريشن الثاني يعني الجيل الثاني من الاباء مختلفات ناخذهم اثنينهم الاول بالاول ار كابيتل ار كابيتل الاول بالثاني ار كابيتل ار سمول الثاني بالاول ار كابيتل ار سمول الثاني بالثاني ار سمول ار سمول هذا الناتج هو عباره عن شنو 25% ناعم ذول اثنين ف 50% خشن هجيم و25% خشن نقي وبهالشكل يخلص حل السؤال ها هي تهجين حادي طبيعي وتضريب رجعي هل ضروري تكتب هاي العباره؟ يعني هو مو ضروري بس الافضل حتى تفصل الجزئيه الاولى من السؤال بالجزئيه الثانيه زين هي هاي العباره منين جبناها نصا من السؤال باوع وياي ثم اجري تضريب بين انثى من الجيل الاول مع ذكر يشبه الاب في الطراز الوراثي نجي ناخذ مثال ثاني ضرب ذكر ذبابه فاكهه طويل الجناح انثى اثريه الجناح طاول الجناح هي الصفه السائده اثريه الجناح هي الصفه المتنحيه فكانت جميع الافراد الناتجه ذكور طويله الجناح سائد في متنحي والناتج كله سائد هذا معناه انه الصفه السائده راح تكون نقيه يعني طويل الجناح راح تكون نقيه ثم اجري تضريب رجعي ما الطرز الوراثيه والمظهريه لافراد الجيل الثاني علما بان صفه طويل الجناح سائده طبعا قاعد تلاحظ ان السؤال عباره عن مسالتين المساله الاولى تهجين احادي اعتيادي المساله الثانيه تضريب رجعي طبعا راح نختصر شويه لان حلينا هوايه اسئله على التهجين الاحادي الاعتيادي فتعال نبلش بالترميز راح نرمز لعامل صفه طويل الجناح السائده بالرمز ال كابيتل واثر الجناح المتنحيه ال سمول الاستنتاج بما ان اذا بما ان كانت جميع الافراد الناتجه ذكور طويله الجناح اذا صفه طويله كل الجناح السائده مال الذكر راح تكون شنو؟ عافيه راح تكون نقيه الطراز الوراثي لصفه طويله الجناح او لصفه الذكر هو ال كابيتل ال كابيتل لان استنتجناها نقيه بالنسبه لصفه اثريه الجناح اللي هي صفه الانثى ال سمول ال سمول راح تسوي تضريب بينهن طبيعي وراح يطلع لك الناتج 100% طويل الجناح هجين ترجع على السؤال يقول لك ثم اجري تضريب رجعي حلو هذا السؤال بلوفه كلش قويه انت من راح تقرا تشوف انه قال لك سوي تضريب رجعي راح تصفن تقول ما ذكر لي معلومه تخليني اعرف هل اضرب الفرد الهجين من الجيل الاول مع الاب لو مع الام فانت مباشره راح تروح تسوي احتمالين مره ويا الاب ومره ويا الام وهنان احب اقول لك امك هلهلت من جابتك ليش هو منطيني معلومه تخليني اعرف الفرد الهجين مال الجيل الاول اضربه ويا الاب لو ويا الام شنو المعلومه اللي معطيني اياها قال لك الافراد الناتجه كلهم ذكور طويله الجناح فانا عرفت انه هذا الفرد الهجين هو شنو؟ هو ذكر الذكر ما تقدر تضربه بالذكر لازم تضربه بالانثى شوف هنان الافضل انه نكتب استنتاج حتى نبين للمصحح ليش اخذنا الفرد الهجين وضربناه بالام ليش ما ضربناه بالاب او ليش ما اخذنا احتماليا فتجي تكتب الاستنتاج قبل لا تبلش بالتضريب الرجعي راح تقول له بما انه اذا بما انه كانت جميع الافراد الناتجه ذكور طويله الجناح او تقدر تقول له بما ان كانت جميع الافراد الناتجه ذكور اذا يتم اجراء التضريب الرجعي بين ذكر هجين من الجيل الاول مع الام اللي هي شنو صفتها؟ الانثى الاثريه طبعا تقدر تختصر ايش قد ما تريد هنان بس المهم الفكره بس المهم تقول له ما دام الناتج كان بس ذكور اذا انه ضرب رب الفرد الهجين من الجيل الاول بالام الانثى الابنوسيه تجي على التضريب راح تكتب بي 2 جي 2 اف 2 ليش هذا الجنريشن رقم اثنين يعني شنو يعني الجيل الثاني الذكر هو من هو الفرد الهجين من الجيل الاول طويل الجناح اللي الطراز الوراثي مالته هو ال كابيتل ال سمول الامثا هي اثريه الجناح اللي الطراز الوراثي مالتها ال سمول ال سمول مشابهات ناخذ خذ واحد مختلفات اثنينهن الاول بالاول ال كابيتل ال سمول الاول بالثاني اي ال سمول اي ال سمول الناتج 50% اثري و50% طويل هجين نجي على السؤال الوزاري ضرب نبات بازالي احمر الازهار باخر ابيض الازهار فكانت جميع النباتات الناتجه حمراء الازهار شوف وياي سائد في متنحي والناتج كله سائد اذا الصفه السائده راح تكون شنو نقيه ثم اجري تلقيح لاحد افراد الجيل الاول مع احد الابوين ناخذ الفرد الهجين ونضربه مع احد الابوين هل منطيني معلومه هنان؟ ما ادري خلي اكمل قرايه السؤال ما هي الطرز الوراثيه والمظهريه لافراد الجيل الثاني وما نوع التضريب في هذه الحاله ما منطيني اي معلومه يعني هنان راح ناخذ احتمالين مره نضرب الفرد الهجين مع الاب ومره نضربه ويا الام بهالبساطه طبعا لا تنسى من يقول لك ما نوع التضريب تذكر له اسم التضريب اللي هو التضريب الرجعي فبالنسبه للجزئيه الخاصه بالتهجين الاحادي الاعتيادي ترميز طبيعي للصفه السائده وللصفه المتنحيه الاستنتاج مثل ما هو بما ان كانت جميع النباتات الناتجه حمراء اذا صفه احمر الازهار نقيه الطرز الوراثيه مثل ما هي وتسوي التضريب مال الاباء بشكل اعتيادي الاب اعتبرناه هو الاحمر والام بيضاء طبعا الاحمر نقي استوك استنتجته نقي والابيض صفه متنحيه من الشبهات تاخذ واحد وتسوي تضريب اعتيادي والناتج راح يطلع ار كابيتل ار سمول احمر هجين نجي على الجزئيه اللي خاصه بالتضريب الرجعي ما منطيني اي معلومه فهنان راح ناخذ احتمالين راح نضرب هذا الفرد الهجين مره بالاب ومره بالام فاول شيء تكتب هاي الجمله حتى تعزل التهجين الاحادي الاعتيادي عن التضريب الرجعي تقول له ثم اجري تلقيح لاحد افراد الجيل الاول مع احد الابوين نفسها بالسؤال تنزلها هاي وينها وما دام هو محدد فناخذ احتمالين وعندك هاي هي مجرد زياده خير تريد تكتبها او لا ما يهم هاي زياده الخير تقول بما انه ذكر في السؤال تلقيح احد افراد الجيل الاول مع احد الابوين ولم يحدد ايهما اذا ناخذ الاحتمالين الاحتمال الاول مع الام يعني نعتبر الفرد الهجين ذكر ونضربه ويا الام هذا وين الفرد الهجين ضربناه ويا ام والناتج مالتنا طلع 50 ابيض و50 احمر هجين طبعا لا تنسى بي 2 جي 2 اف 2 الاحتمال الثاني مع الاب اعتبرنا الفرد الهجين انثى وضربناه ويا الاب وكذلك الناتج راح يكون 50 احمر هجين و50 احمر نقي طبعا هاي المفروض ورده حمراء تمام فخلي شويه الونها هسه تمام نوع التضريب هو رجعي ليش كاتب اختباري ما ادري تضريب رجعي سؤال لطيف ممكن يقول لك عرف التضريب الرجعي فتعرفه مثل ما اخذناه قبل شويه انه هو عباره عن شنو؟ تضريب يجري بين افراد هجينه من الجيل الاول مع احد الابوين او مع فرد يماثل احدهما هاي الواجبات فد شويه نرجع عليها مثال رقم اربعه ضرب ذكر ذبابه فاكهه رماد اللون بانثاء بنوسيه اللون فكان نصف الافراد الناتجه رماديه اللون ركز وياي سائد في متنحي السائد اللي هو الرمادي والمتنحي اللي هو الابانوسي فكان نصف الافراد الناتجه سائل اذا اكيد النصف الثاني ايش راح يكون؟ متنحي حتى لو ما ذكر لي بالسؤال بس هو قاعد يقول نصف الافراد سائد يعني النصف الثاني متنحي فراح يصير عندنا سائد في متنحي وظهر متنحي اذا الصفه السائده راح تكون شنو؟ هجينه رماد اللون راح تكون شنو؟ هجينه يقول لك ثم اجري تضريب رجعي ركز هنان ثم اجري تضريب رجعي فظهر ربع الناتج ابناس اللون ما هي الطرز الوراثيه والمظهريه لجميع الافراد علما ان رماد اللون هي السائده الترميز نرمز لعامل صفه رماد اللون السائده بالاي كابيتل وابانوس اللون المتنحيه اي سمول بما انه كان نصف الافراد الناتجه رماديه اللون اذا صفه رماد اللون السائده ايش راح تكون هجينه اذا الطراز الوراثي لصفه الاب رماد اللون هو اي كابيتل اي سمول اما للام الابنوسيه حرفين صغار هسه راح نجي على التضريب رماد اللون اللي هو الذكر وابنوسيه اللون اللي هي الانثى طبعا رماد اللون استوننا استنتجناه شنو هجين المهم تكمل التضريب وراح يطلع عندي الاف اللي هم افراد الجيل الاول نصهم ابانوسي ونصهم رمادي هجين اوكي ترجع تقرا السؤال يقول لك وثم اجري التضريب الرجعي وظهر من التضريب الرجعي ربع الناتج ابانوس اللون باوع وياي كلش زين يقول لك حبيبي سوي لي تضريب رجعي مبدئيا انت من سمعت تضريب رجعي عرفت انه لازم تاخذ الفرد الهجين من الجيل الاول اما الابنوسي تشيله من بالك زين هذا الفرد الهجين اضربه ويا الام لو اضربه ويا الاب نرجع نقرا السؤال بلكي اكو فد معلومه شي قال لي ربع الناتج راح يطلع ابانوسي باوع لي كل الزين يقول لك 1 على ا 25% من الناتج لازم يطلع ابانوسي اذا انت حال مسائل هوايه وياي راح تعرف انه تضريب الصفتين الهجينتين يطلع لي ربع الناتج ابنوسي فمباشره راح تاخذ الفرد الهجين من الجيل الاول والضربه ويا الاب بس اذا انت ما تحل وما تسمع الكلام وتتنقوج تنقوج حلوه خوش كلمه عجبتني المهم اذا انت تتنقوج هوايه ما راح تعرف تختار منو فراح تبدا تسوي مسوده على صفحه وتجرب راح تاخذ الفرد الهجين من الجيل الاول وراح تضربه بالام مختلفات ناخذهم اثنينهم مشابهات ناخذ واحد الاول بالاول اي كابيتل اي سمول الثاني بالاول اي سمول اي سمول هنان طلع عندي 50% ابانوسي و50% رمادي هجين ترجع على السؤال يقوللك الناتج لازم يطلع ربعه ابانوسي انت طلع عندك نصه ابانوسي فاذا مو هذا الاختيار تجرب الاختيار الثاني تاخذ الفرد الهجين من الجيل الاول وراح تضربه ويا الاب الناتج راح يطلع اي كابيتل اي كابيتل اي كابيتل اي سم سمول اي كابيتل اي سمول اي سمول اي سمول واحد على ا او 25% ابانوسي تمام فبوجهك تروح تبلش بالتضريب الرجعي راح تقول له بما انه ظهر ربع الناتج ابانوس اللون اذا نضرب الفرد الهجين من الجيل الاول مع الاب الرماد الهجيم ايش قاعد تقول له هنان قاعد تقول له ما دام لازم يطلع ربع الناتج ابينوسي اذا راح اضرب الفرد الهجين اللي من الجيل الاول مع الاب الرماد الهجين تمام طبعا راح تكتب بي 2 جي 2 اف 2 يعني شنو الجنريشن الثاني او الجيل الثاني راح تسوي التضريب طبيعي وراح يطلع الحل مالتك صح الحلو هنان انه ما ممكن تغلط تدري ليش لان اذا اختاريت الانثى الابنوسيه راح يطلع عندك الناتج 50% ابانوسي وبالسؤال طالب ربع الناتج ابانوسي فراح تعرف الحل مالتك غلط وراح تختار الاب الرماد الهجين تمام وخلص حل هذا السؤال الكلش مهم هسه نروح عليه من على الواجبات الواجب الاول ضرب نبات بازاليا طويل الساق باخر قصير الساق فكانت جميع النباتات الناتجه طويله الساق سائد في متنحي والناتج كله سائد اذا الصفه السائده راح تكون شنو نقيه ثم اجري تلقيح لاحد نباتات الجيل الاول مع احد الابوين ما هي الطرز الوراثيه لجميع النباتات وما نوع التضريب في هذه الحاله حاله قاعد تلاحظ انه ماطيني اي معلومه تخليني اعرف ويا منو اضرب الفرد الهجين من الجيل الاول ويا الاب لو ويا الام ما دام ما نحدد فناخذ احتمالين مره نضرب الفرد الهجين مع الاب ومره نضربه ويا الام الواجب الثاني ضرب ثور عديم القرون بانثى لها قرون فكان ناتج الجيل الاول بعضه له قرون وبعضه عديم القرون صفه سائده في صفه متنحيه والناتج طلع بصفه متنحيه اذا عديم القرون السائده راح تكون هجينه طبعا ايش مادريني هاي السائده لان هو قال لي بالاخير علما ان صفه عديم القرون هي السائده المهم تحل الجزئيه الاولى واكيد راح يطلع لك فرد هجين اللي هو اتش كابيتل اتش سمول يقول لك ثم اجري تضريب بين ذكر من الجيل الاول مع انثى تشبه الام في الطراز الوراثي يعني راح تاخذ هذا الفرد الهجين وتضربه ببقره لها قرون اللي هي الصفه المتنحيه اتش سمول اتش سمول وبس طبعا لا تنسى قال لك وما نوع التضريب في هذه الحاله اكيد تضريب رجعي واجب لاخر ضربه ذكر خنزير غيني اسود اللون بانثى بيضاء اللون صفه سائده في صفه متنحيه وكل افراد الجيل الاول كانت سوداء اذا الذكر الاسود نقي وعنده اجراءات ضريب رجعي لاحد افراد الجيل الاول مع احد الابوين ظهر نصف الناتج ابيض اللون هنان شو يريد منك تاخذ الفرد الهجين اللي هو البي كابيتل بي سمول تشوف ويا من لازم تضربه ويا الاب لو ويا الام حتى يطلع لك نصف الافراد الناتجه ابيض اللون تمام فكلش بسيط المهم ما هي الطرز الوراثيه والمظهريه لجميع الافراد وعلما ان صفه الاسود هي السائده واجب رقم اثنين اشرب لك مي وارتاح شويه لان خلصنا كل شيء يخص التهجين الاحادي مبروك عليك بالمحاضره الجايه راح نبلش باساسيات التهجين الثنائي حتى نطب المواضيع الخاصه بالتهجين الثنائي ناي فلهنان اقدر اقول لك حل الواجبات كلها بالدفتر شد لي حيلك ولا تسخر وسلامتكم طلاب هذا توقيع وهذا قلب كبير ها نسيت هاي الجزئيه ايش عندك ضال ماشي بعد احياء يلا مننا