الدرس 4 قانون اليمين الجزء الأول

اصدقائي السلام عليكم ورحمه الله وبركاته معكم محمد زعرب واليوم جيتكم بفيديو جديد اليوم ان شاء الله بهذا الفيديو راح نشرح موضوع مهم جدا جدا جدا جدا جدا الا وهو موضوع تقاطع يطبق في قانون اليمين التقاطع اللي بيكون يفتقر للشرطي لاشارات المرور الضوئيه ولشواخص المرور راح نتعلم كيف لازم نسوق هناك ومين لازم يسوق قبل مين طبعا راح ناخذه في جميع حالاته لما يكون في عندي اربع سيارات في التقاطع لما يكون عندي في ثلاث سيارات في التقاطع ولما يكون في عندي سيارتين في التقاطع وراح نطبق بهذا الفيديو كل الحالات اللي ممكن نتعرض لها وكل الحالات اللي ممكن تجينا في اختبار النظري والحالات اللي ممكن نتعرض لها في اختبار العملي راح نبلش باول حاله معنا لما يكون عنا اربع سيارات في التقاطع وكلهم بدهم يستمروا للامام يعني كلهم بيتقاطعوا مع بعض نقدر نطبق قانون اليمين عليهم لان اذا كل حدا راح يستنى اللي على يمينه راح يضلوا واقفين سنه كامله وما حدا راح يمشي لان كل حدا منهم في على يمينه وبالتالي لما يكون في اربع سيارات في التقاطع بهذا الشكل بنحاول ننسق مع بعض ونترك واحد منا يمشي وبعد هيك بنطبق قانون اليمين على ثلاثه سيارات اللي بضل راح نعتبرها انه نحن نسخنا مع بعض وتركنا السياره الحمراء هي تمشي اول شيء هيك بضل عنا ثلاث سيارات وبهيك راح نطبق عليهم قانون اليمين وهان بنيجي نسال حالنا هل السياره البيضاء ملزمه تعطي الاولويه لحدا طبعا لانه للسياره الزرقاء اللي على يمينها طيب هل السياره الزرقاء ملزماتات الاولويه لحدا اكيد طبعا للسياره السوداء لانها كمان على يمينها طيب هل السياره السوداء ملزماتات الاولويه لحدا اكيد لا لانه ما في حدا على يمينها ويمينها فاضي وبالتالي هي بتمشي اول شي بعد الحمراء بضل عنا البيضه والزرقاء مين منهم على يمين الثاني الزرقاء على يمين السياره البيضاء وبالتالي اللي تمشي الاول هي السياره الزرقاء لانها على يمين السياره البيضاء واخيرا بتمشي السياره البيضاء راح نيجي هون لما يكون في ثلاث سيارات في التقاطع وكمان كلهم بدهم يكملوا للامام وها انا عشان نعرف مين راح يمشي اول شيء وبسرعه بنشوف مين فيهم يمين وفاضي وما مجبور انه يوقف ويلاويه لحدا فبلاقي انه السياره الزرقاء يمينها فاضي ومش ملزمه توقف لحدا وكمان بدنا نسال حالنا سؤال هل السياره البيضاء ملزمه تعطي الاولويه لحدا اكيد للسياره الزرقاء لانها على يمينها طيب هل السياره الحمراء ملزمه تعطي الاولويه لحدا اكيد للسياره البيضاء لانها على يمينها وبالتالي السياره البيضاء والسياره الحمراء ما بيقدروا يمشوا هلا تمشي اول شيء السياره الزرقاء لانه يمينها فاضي بضل عنا السياره البيضاء والسياره الحمراء مين منهم على يمين الثاني البيضاء على يمين الحمراء وبالتالي بتمشي اول شيء السياره البيضاء لانها على اليمين واخيرا بتمشي السياره الحمراء كمان نفس الحاله ولكن اماكن السيارات اختلفت نفس الشيء في عندي ثلاث سيارات وثلاث سيارات بدها تروح بشكل مستقيم بنسال حالنا سؤال هان هل البيضه ملزمه تعطي الاولويه لحدا لا ليش لانه يمينها فاضي طيب هل الحمراء ملزمه تعطي الاولويه لحدا نعم للسياره البيضاء لانه السياره البيضاء على يمينها طيب هل السياره السوداء ملزمه طلعت الاولويه لحدا نعم للسياره الحمراء لانها على يمينها اصبح السوده ملزمه طلعت الاولويه للحمراء الحمراء ملزمه تعطي الاولويه للبيضه البيضه مش ملزمه تعطي الاولويه لحدا لانه يمينها فاضي وبالتالي بتمشي اول شيء السياره البيضاء لانه يمينها فاضي بضل عندي السوده والحمراء مين منهم على يمين الثاني بنلاقي انه الحمراء على يمين السوده وبالتالي الحمراء بتمشي بعد البيضه واخيرا تمشي السياره السوداء راح نيجي لهاي الحاله كمان لكن لاحظوا انه كلهم راح ينعطفوا ما راح كلهم يستمروا بشكل مستقيم مثل الحالات اللي قبل وهون راح يختلف الموضوع شوي بس يمكن ما راح يختلف في هاي الحاله بس ممكن راح يختلف في حالات تانيه طبعا حسب وين راح نعطفوا السيارات يعني موضوع انه امشي السياره البيضاء بعدين الحمراء بعدين السوداء هذا مش دائما ينطبق وخلوا بالكم من هذا الموضوع هذا ينطبق وقت كل السيارات راح تروح بشكل مستقيم تعالوا نشوف الان في عندي كل السيارات راح تنعطف على نفس الطريق اللي هو على يمين السياره البيضاء هاي راح نسال حالنا نفس السؤال هل البيضه ملزمه تعطي الاولويه لحدا لا هل الحمراء ملزمه تعطي الاولويه لحدا نعم للسياره البيضاء هل السوده ملزمه تعطي الاولويه لحدا نعم للسياره الحمراء اصبح السوداء لازم تعطي الاولويه للسياره الحمراء الحمراء لازم تعطي الاولويه للسياره البيضاء البيضاء ما في حدا تعطي الاولويه اله وبالتالي بتمشي اول شيء السياره البيضاء بضل عندي السياره السوداء والسياره الحمراء مين منهم على يمين التاني بلاقي انه الحمراء على يمين السوده كما بتمشي الحمراء واخيرا بتمشي السياره السوداء وراح نيجي على هاي الحاله واللي راح تكون شوي مختلفه عن الحالات السابقه والسبب انه راح تكون مختلفه انه حاله الانعطاف اللي راح تعملها ثلاث سيارات راح تكون مختلفه عن كل انواع الانعطاف اللي من قبل لا تنسوا قبل شوي قلت لكم انه في هاي الحاله لما يصير فينا اضافات راح يتغير الوضع كيف راح يتغير الوضع تعالوا نشوف مع بعض في عندي ثلاث سيارات البيضاء راح تستمر للامام عندي الزرقاء راح تكمل للامام بينما السوداء راح طفل لليسار راح تقطع طريق التنتين الان باجي بسال نفسي هل البيضه ملزمه تعطي الاولويه لحدا نعم للسياره الزرقاء طيب هل السياره الزرقاء ملزمه تعطي الاولويه لحدا نعم على السوده خلاص هيك خلصنا وخلص لازم تمشي السياره السوداء بعدين الزرقاء بعدين البيضه مثل ما تعودنا لا ليش لا لانه هان احنا اذا قارنا بين السياره البيضاء والسياره السوداء بس لحالهم راح نلاقي ان السياره البيضاء لازم تمشي قبل السياره السوداء ليش لانه السياره السوداء راح تنعطف قدام السياره البيضاء وبهيك بين السياره السوداء والبيضه راح يطبق قانون اسمه قانون الانعطاف اللي راح ينطف قدام التاني راح يفقد حق الاولويه تمام اصبح كمان مره صحيح انه البيضه راح تعطي الاولويه للزرقاء والزرقاء راح الاولويه للسوداء ولكن السوده هان لما انا اجي اسالك اقول لك هل هي ملزمه تعطي الاولويه لحدا هتقول لي نعم ليش عشان البيضه راح تكمل الامام ولكن هي راح تنعطف قدام المركبتين وهاد بنفعش نترك السياره السوداء تمشي اول شيء وبعدين الزرقاء واخيرا دمش البيضه اصبح بنطبق بين البيضه والسوده القانون الانعطاف لما يكونوا قبال بعض فبنلاقي انه البيض لازم تمشي قبل السوداء اصبح البيضاء هان راح تعطي الاولويه للسياره الزرقاء الزرقاء لازم تعطي الاولويه للسياره السوداء وكمان السوداء لازم تعطي الاولويه للسياره البيضاء وبما انه السياره السوداء لازم تعطي الاولويه للسياره البيضاء معناها السياره الزرقاء تقدر تمشي قبل السياره السوداء وبالتالي بتمشي اول شيء السياره الزرقاء بضل عندي السياره البيضاء والسياره السوداء البيضه راح تستمر للامام السوده راح تنعطف نحو اليسار يعني السوداء راح تنعطف قدام السياره البيضاء معناها البيضه بتمشي اول شيء واخر شيء بتمشي السياره السوداء كمان لنفس الحاله عنا السياره البيضاء راح تروح على اليمين وعندنا السياره السوداء كمان راح تروح على نفس الطريق اللي راح تروح عليه السياره البيض وعندنا السياره الزرقاء راح تروح بشكل مستقيم هون كمان نفس الشيء بقول السياره البيضاء هل هي ملزمه تعطي الاولويه لحدا اذا كانت رايحه للامام او اذا كانت رايحه لليسار فهي بتتقاطع مع السياره الزرقاء وبالتالي لازم تعطي الاولويه للسيارات الزرقاء ولكن هذه بدها تروح لليمين يعني هي ما راح تقطع طريق السياره الزرقاء وبالتالي مش بحاجه انها تعطي الاولويه للسياره الزرقاء قبل ما تنعطف لليمين فبتقدر تنعطف لليمين في نفس الوقت اللي تقدر تمشي فيه السياره الزرقاء ولكن المهم انها ما تكون بتشكل خطر في انعطافها على السياره الزرقاء اصبح البيضاء مع ملزمه تعطي الاولويه لحدا بيجي عنا الزرقاء الزرقاء ملزمه الاولويه للسياره السوداء ولكن السياره السوداء كما ملزمات الاولويه للسياره البيضاء ليش لانه السياره البيضاء والسياره السوداء راح يروحوا على نفس الطريق فاحنا بنسال حالنا مين منهم اقرب لهذا الطريق اللي راح ينعطفه عليه السيارتين فبلاقي ان السياره البيضاء اقرب وبالتالي السياره البيضاء بتنعطف قبل السياره السوداء راح يصير كالاتي السياره الزرقاء والسياره البيضاء راح يمشوا بنفس الوقت لانه التنتين ما بيتقاطعوا مع بعض فمش ملزمين يوقفوا لبعض وبعدين بتمشي اخيرا السياره السوداء وهلا راح اترك لكم سؤال تجاوبوا عليه في تعليقات على الفيديو هان من سيقود اولا من سيقود ثانيا ومن سيقود اخيرا بعد كان اخر شيء معنا لليوم وطبعا هذا هو الجزء الاول ولسه في جزء ثاني راح نكمل فيه لما يكون في سيارتين في التقاطع اتمنى ان شاء الله تكونوا استفدتوا اكتبوا لي رايكم في التعليقات