Lesson on the factors that led to the rise of civilizations first secondary and baccalaureate

السلام عليكم ورحمه الله وبركاته حبايب قلبي مقاتلين الصف الاول الثانوي عاملين ايه؟ يا رب تبقوا زي القشطه حبايب قلبي اهلا بكم في شرح الدرس الثالث عندنا من الوحده الاولى درس كان بعنوان عوامل قيام الحضارات ولكن قبل ما تكلم اي كلمه انت اكيد عارف هتعمل ايه بعد اذنك حضر ملزمتك بعد اذنك لو معاك كتاب خارجي سواء كان الامتحان او الاضواء افتح الكتاب سمي يلا بينا الدرس الثالث عندنا يا جماعه في الوحده الاولى بعنوان عوامل قيام الحضارات بص يا ريس قدام عينك كده هنا في خريطه لقاره اسيا وقاره افريقيا وقاره اوروبا اسيا قال لك فيها حضارات قامت مثلا عندك زي حضاره بلاد العراق القديم او بلاد الرافدين يعني عشان نهر دجله والفراط وعندنا عندنا مثلا كمان حضاره بلاد فينقيا وحضاره اليمن دي في اسيا في افريقيا عندك هنا الحضاره المصريه القديمه اللي هي الفرعونيه في اوروبا عندك اليونانيه او الرومانيه طيب زي الفل كل هذه الحضارات بقى قامت لوحدها كده يعني اصحينا من النوم لانها موجوده ولا في عوامل ادت الى قيام هذه الحضارات طبعا لا يا باشا في عوامل ادت الى قيام هذه الحضارات يعني انا كحمد خليفه انت في يوم ده كده شفتني على اليوتيوب على طول ولا في بقى حد بيظبط لي الملزمه وحد بيصورني وحد بيعمل مونتاج وي وحد يرفع على اليوتيوب يعني من الاخر في عوامل ساعدتني على الظهور والانتشار نفس الكلام الدرس بتاعنا النهارده يا جماعه هنتكلم على العوامل اللي خلت الحضارات دي تظهر ونتكلم عليها دلوقتي بص يا ريس ربنا سبحانه وتعالى منح المنطقه العربيه العديد من المقاو مقومات سواء كانت الطبيعيه او المقاومات البشريه كمان للقيام بحضارات مزدهره علمت العالم ولكن سؤال الحلقه النهارده ان ان اه ما هي عوامل قيام الحضارات يا باشا ايه الحاجات اللي خلت الحضارات دي تظهر عندنا عوامل طبيعيه وعوامل بشريه طبيعيه يعني ايه طبيعيه دي بتاعه ربنا انا كانسان ما ليش دخل فيها نهائي مثلا زي الموارد الحجر او الحديد النحاس الذهب هل انا اعرف اخلق حديد او ذهب او نحاس لا مثلا عندك زي نهر النيل هل انا يا جماعه اعرف اعمل نهر زي نهر النيل طبعا لا دي طبيعيه اما البشريه اللي هو انا كانسان بقى طيب عندنا اول حاجه يا باشا من العوامل هي ايه بقى وجود الانهار اللي ساعدت على قيام الزراعه والاستقرار زي مثلا عندك ايه بقى عندك نهر النيل في مصر ودجلان والفرات في بلاد العراق اه فاكر في الدرس الاول يا باشا اللي كان بعنوان الحضاره والتاريخ لما قلت لك ان الانسان الاول ما كانش يعرف حاجه اسمها استقرار كان بيتنقل فوق الهضاب ولما حصل حاجه اسمها جفاف يعني ما فيش امطار بتنزل ساب الهضاب وفضل يمشي يمشي يمشي لحد ما وصل لوادي النيل ولما وصل لوادي النيل عرف الزراعه ولما عرف الزراعه عرف الاستقرار بدا يستقر في المكان ده دي الميه اللي هشرب منها وهزرع منها دي الارض اللي انا هزرع فيها ده الكوخ او البيت بتاعي بدا يستقر ولما بدا يستقر بدا يعمل ايه يعمل حضاره يبقى يا معلم اول حاجه واهم حاجه وجود الايه الانهار اللي ساعدت على قيام هذه الحضاره طيب الحضاره دي يا باشا قامت عن طريق الزراعه والاستقرار اديني مثال زي نهر النيل اللي في مصر ودجله والفرات اللي في العراق طيب ثاني عامل قال لك الموقع الجغرافي المتوسط للعالم القديم اه يعني ايه يا باشا بقى؟ بص العالم القديم اللي هم عندنا اسيا وافريقيا واوروبا اهو ده العالم القديم وسميناهم عالم قديم ليه بقى؟ لان الانسان ما كانش يعرف غير الثلاث قارات دول بس كان بيتنقل بين الثلاث قارات دول بس ما كانش لسه عمل سفينه كبيره ضخمه يروح لامريكا الشماليه او امريكا الجنوبيه او استراليا او ايا كان طيب فبيقول لك ان الحضارات دي كانت مكانها حلو اللي هي ايه في النص في الملتقى ما كانتش مطرفه لا بعيد بقى هنا ولا هنا ولا ايا كان طيب يبقى ثاني حاجه الموقع الجغرافي المتوسط للعالم القديم وقلنا عالم قديم يا جماعه زي اللي هو ايه وايه وايه ثلاث قارات اسيا وعندك كمان قاره افريقيا وقاره اوروبا طيب لاثه اعتدال المناخ الملائم للنشاط البشري المناخ يا جماعه عندنا لا هو بقى حر بقى ايه صه مش عارفين بيمشي يطلع من الشارع من كتر الشمس ولا هو ثلج بنطلع من بيوتنا نلاقي الثلج كده في في الشارع يعني لا المناخ ايه معتدل ملائم لاي نشاط سواء كان زراعه او صناعه او تجاره استخراج معادن ايا كان طيب اربعه عدم وجود حواجز او موانع طبيعيه بين اجزائها مما عزز التواصل بين الشعوب والحضارات اه ما عندناش اي حاجز او اي مانع طبيعي بين الاجزاء بتاعتها يعني انت لو في الحضاره المصريه القديمه عايز تروح فينقيا الموضوع سهل بلاد اليمن الموضوع سهل بلاد العراق الموضوع سهل وهكذا ما فيش عندنا حواجز او موانع طبيعيه تمنع التواصل ما بينا طب ده حلو في ايه حلو في ايه حلو جدا بنبدا نعمل حاجه اسمها تاثير وتاثير يعني ايه بقى؟ يعني شوف انتوا وصلتوا لايه وناخد يا باشا ونكمل على اللي انت وصلتوا عليه واحنا وصلنا لايه تقدم ايه وهم برده ياخدوه ويكملوا عليه وهكذا نبدا ناخد من بعض وصلنا لايه وصلوا لايه وهكذا ما تكونش منغالق على نفسك يعني خمسه وفرض الثروات المعدنيه من صخور ومعادن بالاضافه الى النبات والحيوانات مما اتاح الفرصه للاستثمار دي برده يا جماعه من العوامل الطبيعيه عندنا ثروات معدنيه حديد نحاس دهب فضه وغيره وغيره وكمان في نبات وفي حيوانات انت تربيها وتاخد بقى من الحيوانات دي الخير بتاعها او تاكلها او ايا كان طيب سته كفاح الانسان اهرو ده بقى بشري ده مش طبيعي ده بقى الانسان هو اللي بيكافح اهو هو اللي بيعمل هو اللي بيشتغل بايده كفاح الانسان وتكيفه مع البيئه الجغرافيه ومجهوداته العظيمه في بناء الحضاره الانسانيه من الاخر لو ما فيش انسان مش هتكون فيه حضاره وعلى فكره يا جماعه النواه الاساسيه للقيام الحضاره هو الانسان او الثروه البشريه من الاخر ليه بقى تخيل مثلا معايا كده في نهر النيل وفي ثروات وموقع متميز ومناخ معتدل وهق ومق وطبله ورق وشخاليل لكن ما فيش انسان هل هيبقى في حضاره طبعا لا يا جماعه يبقى العامل الرئيسي العامل المهم جدا هو ايه الثروه البشريه او الانسان الانسان هو اللي استغل ده كله واتكيف واتاقلم مع ده كله وعمل لي حضاره جميله جدا قال لك وبما ان مصر تعد صاحبه اقدم حضارات العالم القديم سوف ندرس عوامل قيامها ومن الاخر عشان انت يعني طالب مصري هندرس عوامل قيام الحضاره المصريه القديمه بص بقى زي ما قلت لك في اول الدرس عوامل طبيعيه وعوامل بشريه طبيعيه دي بتاعه ربنا انا كانسان ماليش دخل فيها نهائي خالص ده نهر النيل موارد مناخ معتدل موقع متميز وحاجات زي كده انا مش بتاعتي اصلا اما البشريه لا بتاعتي انا اللي بتحكم فيها انا اللي بقى يا ريس بظبط ده مع ده مع ده ابني هرم اعمل مسله اعمل ابو الهول اعمل معابد اعمل كتابه وهكذا شفت طيب عوامل الطبيعيه زي عندك نهر النيل اللي ساهم في وحدتها وتماسكها ايه ايه عندك يا باشا نهر النيل اللي ساهم على وحدتها وتماسكها ادي يا باشا نهر النيل اهو اللي خلى مصر كلها متحده مع بعض ومتماسكه مع بعض انا من المدينه دي من منف عايز اروح لطيبه بنهر النيل عايز اروح من هنا لهنا بنهر النيل وهكذا يبقى ساعد نهر النيل على نقط على الوحده وحده والتماسك الايه والايه الوحده والتماسك طيب اثنين الموقع الجغرافي المتميز اللي ساعد على التواصل مع جيران معلش بقى انا بحب اطبل لام الدنيا مصر بلدي بعشقها بحبها انت مالك يا غي انت مالك يا عم مصر يا باشا عندها بحرين ونار البحر متوسط في الشمال بيطل على بقى اوروبا وحته كده يعني من اسيا والبحر الاحمر في الشرق بيطل على ايه على اسيا وعندك نهر النيل بقى اوصل بالجنوب او الشمال او ايا كان بصراحه موقعها حلو جدا ده اول حاجه ثانيا مصر موجوده في الملتقى في النص بين قارات العالم القديم ازاي فين الخريطه بتاعتي اللي كانت موجوده من شويه يا ولا اهو الحته دي يا جماعه مصر في النص اهي في عندك يعني عند النص بين افريقيا واسيا واوروبا هي في النص الملتقى بين دي وبين دي وبين دي وده كده مكحب عايز تروح عند فينقيا ماشي اوروبا ماشي ايا كان ماشي كله كويس لان الموقع الجغرافي بتاعها حلو طيب ده ساعدها على ايه بقى؟ التواصل مع جيرانها يعني ما كانتش حضاره منغلقه على نفسها حضاره انطوائيه ما بكلمش حد لا ده كانت في مكان كويس جدا وده تساعدها على التواصل مع جيرانها طيب ثلاثه الثروات المعدنيه الثروات المعدنيه زي صخور ومعادن الصخور اللي عملنا بها الاهرامات وابو الهول والمسلات وغيره وغيره قال لك يا باشا الثروات المعدنيه اللي هي موجوده في مصر ومصر غنيه بالموارد الايه الطبيعيه طيب اربعه الحدود الطبيعيه الامنه التي كانت تحميها من الاعداء حدود طبيعيه يعني ايه بصوا يا جماعه في نوعين من الحدود في حدود طبيعيه وفي حدود صناعيه الطبيعيه اللي هو كان مثلا بحر او محيط او في جبال او مثلا في حاجه اسمها جنادل اللي هو صخور موجوده في نهر النيل او صحراء شاسعه العدو يتوه فيها او ايا كان دي اسمها حدود طبيعيه اما حد صناعي اللي هو بيكون عباره عن ايه بقى سلك شائك جدار عازل اي حاجه عملها الانسان فهنا بيقول لك عندنا الحمد لله حدود طبيعيه امنه وهندرسها بالتفصيل كمان شويه باذن الله ادت الى ايه بقى حمايتها من اي اعداء او اي اخطا خارجي طيب خمسه المناخ الذي تميز به مصر وهو مناخ معتدل عندنا الحمد لله رب العالمين مناخ معتدل ما يغرقش بقى حبه الحر ولا حبه البرد اللي احنا فيه لا ابدا الحمد لله مناخ مصر بالنسبه لدول كتير جدا مناخ معتدل مناخ جميل جدا ملائم للانسان واي نشاط بشري سواء كان زراعه او صناعه او تجاره رعي تربيه حيوانات الراي يعني او استخراج معادن ايا كان طيب دي العوامل يا جماعه الطبيعيه اما البشريه بقى هو الانسان المصري المحب الوطن الانسان اللي قدر ان هو يستثمر كل هذه العوامل الطبيعيه علشان يعمل حضاره عظيمه ابهرت العالم يبقى البشريه هي واحد بس اللي هو مين؟ الانسان المحب لوطنه اللي كان انسان اجتماعي زي ما قلت لك قبل كده ان الحضاره من مفهوم الديورانت هي ايه بقى؟ ها اجتماعيا يعني لازم يكون في علاقات يا جماعه مفهوم اجتماعي لان ايد لوحدها ما تسقفش لو كل انسان قال لك انا ماليش دعوه بغيري ما كانش هيبقى فيه حضاره طيب تعال ندرس دي وندرس دي اولا العوامل الطبيعيه نهر النيل اه بص بقى يا باشا قال لك يرجع سر عظمه نهر النيل واهميته الى ان هو يا باشا تكوينه الطبيعي بينحدر منين لفين فين بقى؟ حضر من الجنوب الى الشمال بيحمل معاه اه الماء والطمي الميه دي احنا عارفينها بيشرب منها عادي ميه نهر النيل ميه عزف مش ملحه يعني اما الطمي ده ايه بقى الطين اللي بيروح فرشه كده على الجوانب بتاعته الطين ده اللي بيكون خصب جدا وصالح جدا للزراعه فهمت بقىبيقوللك ان نهر النيل يا باشا تعال معلش نرسم النهر كده تاني بيقوللك ان نهر النيل ده بيكون جاي من الجنوب للشمال ايه ده يا مستر انا كنت بحسب ان هو جاي من ا الشمال للجنوب لا ده هو من الجنوب الى الشمال لان هي عامله كده البحر الاحمر هنا قصدي انا اسف البحر المتوسط هنا فهو جاي من الجنوب كده لايه للشمال طب افرض انت عايز تروح من الشمال للجنوب تعمل ايه بقى تروح عامل الشراع بتاعه اللي هو الكبير كده اللي الرياح بتحركه عباره عن قماشه كده كبيره تحرك الشراع ناحيه الشمال فالرياح الشماليه تيجي تحرك المركب لكن عايز تروح من الجنب للشمال تقفل الشراع هيتحرك لوحده اصلا يعني الميه يا جماعه بتجري من تعال نجيب قلم غير ده اهو كده تطلع اهو كده طالعه كده يا باشا طيب يبقى اول حاجه ان هو بينحدر من الجنوب للشمال بيحمل معاه حاجتين ايه هو ايه الماء والطرب اللي ساعد على قيام عمليه الايه؟ عمليه الزراعه ولكن المصريين اتعلموا من نهر النيل حاجات وبقى ليهم استاذ مستر معلش بالراحه هو ايه اللي والله المصريين اتعلموا من نهر النيل حاجات وكان لهم هم الاستاذ الاول علمهم قيم جميله جدا مستر انت شوقتني قيم ايه ده نهر ده ميه بشر لا ده مش مجرد ميه تعالى يا باشا اقول لك اول حاجه المصريين اتعلموا حاجه اسمها الوحده والتضامن يعني كلنا على قلب رجل واحد كلنا بنساعد بعض كلنا متكاتفين متطمنين مع بعض ازاي بص يا باشا قال لك كان فيضان النيل الفيضان اللي بيحصل نهر النيل الفيضان ده يا جماعه عباره عن ايه الفيضان اصلا تعريفه في الجغرافيا هو زياده في منسوب الماء عن المستوى الطبيعي يعني ايه فيضان فيضان يعني ايه الميه طبيعيه اهي لحد هنا مثلا لحد هنا اهو اقرب لك اهو لحد تمام طبيعي فالميه تعمل ايه بقى؟ تكتر تكتر تكتر تكتر تزيد اهو تروح مغرقه اللي في الشط ده واللي في الشط ده يحصل فيضان فناس كتير تموت واراضي كتير تبوظ وحاجات زي كده فقال لك ان الفيضان ده كان سبب في توحيد ركز توحيد جهود مين يا باشا؟ توحيد جهود المصريين لاقامه جثور والحفاظ على مياه الفيضان فعاشوا شعبا واحدا عبر التاريخ الله ايه ده يعني ايه يعني الفيضان ده بتاع نهر النيل ده علمهم يبقوا كلهم ايد واحده مع بعض اديك مثال دلوقتي يا جماعه انتم قاعدين في عماره تمام انت قاعد في شقه في عماره اهو والعماره دي نزل امطار كتير جدا فسطح العماره بقى مليان ميه كتير قوي المفروض ان كل السكان يطلعوا ينزحوا الميه دي على يحطوها في اي صرف صحي لان الميه تفضل فوق السطوح كده هتبوظ الدنيا والعماره ممكن تقع هتعملوا ايه بقى ساعتها؟ كل واحد هيقول يلا نفسي انا مالي بقى انا احمد حنتوسه اطلع اعمل ميه وكده وبتاع برستيجي تجي لك ا بوسي تقول لك انا بوسي بسبب اسيب ده وافريمانكير والباديكير واطلع اعمل كده ولا تعمل ايه بقى ساعتها؟ لا ساعتها لما تحس بالخطر وان العماره هتقع على دماغك هتطلع انت يا باشا حنتوسه وتجيب معاك الاخت اخت بوسي وتنظفه السطح من الميه اللي موجوده فيه ده علمك ايه بقى؟ التضامن والوحده هو التكافل ان كلنا يا باشا بقينا ايه؟ بين الوحده اهو الوحده والتضامن طيب فهنا بيقول لك ان كان فيضان النيل سبب رئيسي في توحيد جهود المصريين لاقامه الجسور والحفاظ على مياه الفيضان فعاشوا شعبا واحدا يبقى يا جماعه المصريين اتعلموا اول حاجه من الاخطار اللي في نهر النيل تعلموا منها ايه الوحده والتضامن طيب نيجي بعد كده للتكامل والتكافل التكامل ده اللي هو احنا بنكمل بعض ربنا يعني خلينا طبقات عشان نكمل بعض حيث ايه بقى قال لك ساعد نهر النيل المصريين على تبادل المحاصيل فالتجاره الداخليه بقت نشيطه جدا سواء كان في الشمال او الجنوب اه يبقىاني حاجه التكامل والتكافل يعني كلنا بنكمل بعض خد انت المحصول ده اللي هو القمح واديني الشعير خد انت المحصول ده واديني المحصول ده بنبدل مع بعض يبقى ثاني حاجه اتعلمناها التكامل والتكافؤ اللي هو ازاي بقى ساعد نهر النيل على تبادل المحاصيل يا باشا فالتجاره الداخليه اصبحت نشيطه جدا في الشمال وفي الجنوب طيب ثلاثه التواصل فيما بينهم ومع الاخرين ان احنا نوصل مع بعض نهر النيل عايز تروح مثلا من قريه لقريه مدينه لمدينه على طريق نهر نهر النيل تروح يا باشا الدنيا عادي وزي الفل ساعد وجود نهر النيل على الاهتمام ببناء السفن التي يحملها طياره نحو الشمال بتروح ايه الى الشمال وندفعها الرياح الشماليه السائده نحو الجنوب اهو اللي كنت بكلمك عليه يا باشا من شويه يعني ايه يعني دلوقتي مثلا معلش انا عمال ارسم لك بس انا عايز اوضح لك كل حاجه كده يا جماعه احنا اتفقنا ان نهر النيل بينجرف يعني بينحدر من فين لفين ها من الجنوب هنا اهو ج الى الشمال ميته بتجري كده طيب لو انا عايز بقى الشمال اجي الجنوب وانا هطلع بس مافيش اوبشن ان انا انزل لا في اوبشن انك تنزل ازاي بقى ان انا يا باشا عندي مركب كده وفي الشراع بتاعها اللي هو ده يا جماعه الشراع بتاعها اهو اما انا اوجهه كده ناحيه الرياح في الشمال فالرياح تيجي تروح محركه الشراء او المركب يمشي يا باشا الى ايه؟ الى الجنوب فهنا بيقول لك التواصل نتواصل مع بعض يعني عن طريق ان هو نهر النيل خلاه تم ببناء السفن واللي بيحملها التيار بتاعه من الجنوب للشمال وتدفعها الرياح من الشمال للجنوب وده ادى الى تواصل المصريين وتماسكهم مع بعضهم البعض ونشر حضاراتهم في البلاد المجاوره ننشر حضاره في البلاد الايه اللي جنبنا طيب ادي بالنسبه لنهر النيل يبقى علمنا وحده والتضامن التكامل والتكافل والتواصل مع بعض يا جماعه ومع الاخرين طيب اثنين الموقع الجغرافي المتميز اوه تعد مصر مثابه قلب العالم القديم زي ما قلت لك قبل كده وهنا اهو في خريطه اكبرها لك شويه اهو ادي افريقيا وادي اسيا وادي اوروبا وادي يا باشا ام الدنيا مصر موجوده فين بقى؟ في النص في النص بين قارات العالم القديم اللي هي اسيا وافريقيا واوروبا فبالتالي عارف انت هي الملتقى هي اللي في النص في مكانها بصراحه مميز جدا قال لك وحلقه الاتصال بين اقطارها وشعوبها ليه بقى لانها ملتقى القارات الثلاثه بعيد كلامي اهو اسيا وافريقيا واوروبا وكمان مصر فيها بحرين مهمين جدا ونهر عندك يا باشا بحرين زي بحر الاحمر والبحر المتوسط المتوسط ده في الشمال والاحمر على ايدك اليمين في الشرق والموقع ده ادى لايه بقى سهوله اتصال والتاثير والتاثر بالحضارات التي قامت في العالم القديم يعني ايه يعني يا جماعه الموقع ده خلانا يا باشا ان احنا نروح للحضرات الثانيه نعرف هم وصلوا لايه ونعمل زيهم وهم برده يجوا عندنا يشوفوا احنا وصلنا لايه ويعملوا زينا وهكذا ده اسمه ايه بقى؟ تاثير وتاثر خد وهات يبقى الموقع الجغرافي ادى الى ساعد ساعد مصر على سهوله الاتصال والتاثير والتاثر بالحضارات التي قامت في العالم القديم طيب في واحد كاتب جميل جدا يا جماعه اسمه جمال حمدان اه كتب كده عبقريه المكان من كتاب اسمه شخصيه مصر ده كاتب اسمه ايه اسمه جمال حمدان من الاخر الكلام ده كله هختصره لك في خمس ثواني هو بيقول كل اللي احنا قلناه ده ان مصر موجوده كحجر الزاويه او في ملتقى قارات العالم القديم وان هي يا باشا عباره عن بوابه افريقيا من الشرق وبوابه اسيا من الغرب وان هي بتطل على اوروبا بسهوله جدا وهكذا بس فانا مش هقول الحاجات دي واوجع دماغك طيب ثالث حاجه الثروات المعدنيه زي الصخور والمعادن ربنا سبحانه وتعالى يا جماعه انعم علينا يعني اعطانا الكثير من الثروات زي الصخور والمعادن الصخور مثل مثلا عندك الجرانيت الرخام الاحجار الكريمه صخور طيب المعادن معدن يعني بيسخن يتفكك اشكل بيه حاجه انا عايزها زي ذهب نحاس حديد وغيرها قال لك وكانت بقى الصخور والمعادن اغلى الثروات بالنسبه للمصر القديم واللي ساعدته في قيام هذه الحضاره مين يا جماعه اللي عمل الاهرامات مات ومين عمل مسلات وبلهول مين عمل حلي وعمل مجوهرات كده وعمل اواني وعمل اسلحه وعمل وعمل وعمل ربنا بيقول لك اهو في صناعه ادواته وبناء اهراماته وصناعه حلياته وتمثيلياته شفت بقى في صناعه ايه وايه وايه ادواته وبناء الاهرامات والتماثيل وصناعه الحلي فهل الصراعه المعدنيه دي مهمه؟ ايوه معدنيه مهم سواء كان صخور او كانت ايه او كانت معادن يا جماعه طيب تعال نشوف رابع حاجه الحدود الطبيعيه الامنه اوبا اوبا اوبا اللي اكلمتك عليها من شويه في اول الدرس خالص هنا بنفصص بالراحه في المقدمه وقلت لك كل ده بصراحه يعني ولكن يلا بينا تمتعت مصر يا جماعه بحدود طبيعيه امنه تمثل في ايه بقى البحر المتوسط اللي في الشمال وعندنا كمان الجنادل جنادل عباره عن ايه بقى مجموعه من الصخور موجوده في نهر النيل بتمنع اي سفينه جايه من الاعداء تحت في الجنوب تيجي تحت اللنا فقال لك اهو الجنادل وهي كتل ثريه ضخمه تعترض مجرى نهر النيل في الجنوب هنا كده يا باشا فانت بالنسبه لك هنا كده مؤمن ضامن ان ما فيش اي سفينه فيها اعداء تجي لك من الجنوب ليه في صخور همشي ازاي السفينه هتتكسر طبعا طيب ثلاثه البحر الاحمر في الشرق ممكن هنا يا باشا كده اوقف هنا كده اي حد من عساكر عشان لو في حد جاي يقف له على طول طب الصحراوات الايه الصحراوات اللي هي في الشرق والغرب اللي هي الصحراء الشرقيه والصحراء الغربيه عندك هنا صحراء شرقيه اهي وغربيه اهي وعهد الله لو حد جه يخش من الصحراء دي مش هيطلع منها ليه لان بيبقى فيها رمال متحركه وغير كده اصلا ممكن يتوه وغير في مخاطر كتير وغيره وغيره وغيره فده برده حد طبيعي امن لمصر الصحراوات طيب وتعد هذه الحدود الطبيعيه بمثابه الدرع الواقي للمصريين يبقى يا جماعه احنا عندنا حدود طبيعيه امنه حد طبيعي بس هو بيامنك الحمد لله رب العالمين بيخلي ان ما فيش اعداء تيجي عندك شمال بحر متوسط في الشرق البحر الاحمر جنادل صخور في الجنوب في نهر النيل وعندك صحراوات في الشرق الصحراء الشرقيه والصحراء الايه الغربيه وبيقول لك هنا تعد هذه الحدود بمثابه ايه بقى؟ مثابه الضلع الواقي للمصريين وساعدتهم على ايه؟ الدفاع عن بلادهم ومقاومه المتدن والطاميعين في خيراتها وتحقيق الامن والاستقرار طيب بعد كده عندي يا باشا المناخ اه اسمع بقى المناخ يا جماعه عندنا مناخ الحمد لله معتدل وملائم ومناسب لاي نشاط بشري فهنا بيقول لك كان المناخ كان مناخ مصري يعني اثر كبير في قيام الحضاره المصريه القديمه ازاي بقى تميز به اعتدال والشمس المشرقه والسماء الصافيه مما ساعد على نشاط المصريين اه با با با لا بقى نطلع من بيوتنا نلاقي ثلج فتكسل تطلع من البطانيه اساسا ولا الجو بقى حر موت 60 درجه ماويهش عارفين نطلع والدنيا بتسيح جنبنا لا الحمد لله عندنا جو متميز بالاعتدال والشمس المشرقه ده في بلاد اقسم بالله في بلاد تتمنى الشمس بتاعتنا دي ده الجو حر قوي لا يا حبيبي مش حر ده في بلاد تتمنى يبقى عندها الشمس المشرقه يعني لما تطلع شمس بيعملوا احتفالات واعياد زي مدينه فيها واحد صاحبي في كندا اسمها مونتريال دي يا جماعه لما بيبقى في شمس بيخرجوا في الشارع ويقعدوا يعزفوا بالجيتار وحفله شمس جميله طيب دي عندك اهو ببلاش يبقى اعتدال والشمس المشرقه والسماء الصافيه طيب اثنين الجفاف اوبا ركز بقى على حته الجفاف دي مهمه قوي الجفاف مما ساعد على حمايه وبقاء الاثار المصريه القديمه فالمناخ كان عامل مساعد للحفاظ على الاثار المصريه ليه بقى الجفاف ده يا باشا اللي هو يعني عكس جفاف الميه الكتير يعني لما جم يبنوا الاهرامات بنوا الاهرامات دي في منطقه فيها جفاف ولا منطقه تحتها ميه كتير منطقه فيها جفاف ليه بقى زي ما انت عارف ان لو في ميه كتير في بيتك بيعمل حاجه اسمها الرطوبه وبتاكل البيت والحطان بتقع وهكذا لكن الجفاف ده ساعد على الحفاظ على بقاء الاثار المصريه حتى الان ربنا يخليها لنا يا رب طيب ثلاثه اختلاف درجه الحراره في الفصول مما ساعد على تنوع الغلات وكلمه غلات دي يا معلم يعني ايه محاصيل او المحاصيل يعني غلات يعني المحاصيل فادلد الرخاء ورغد العيش اه الحته دي حلوه جدا بيقول لك يعني ايه يعني انت عندك صيف شتاء ربيع خريف في فاكهه وفي خضار بيتزرع في فصل الصيف وفي في فصل الشتاء في في الربيع وفي في الخريف تحمد ربنا ان انت عندك تنوع في الفصول مش عندك فصل واحد بس وفاكهه واحده بس وغضار واحده بس لا انت عندك ايه تنوع وعندك حاجات كتير قوي مما ادى الى العيشه فيه رخاء ورغب من العيشه. طيب تعال نشوف بقى العوامل البشريه. اه اسمع بقى قال لك ايه؟ تمثل في الانسان المصري المحب الوطني. بصراحه يا جماعه انا لو خيروني اهم عامل اقول لك العامل البشري ده ليه بقى؟ لان الانسان ده لو ما كانش بيحب بلده لو ما كانش متكاتف ومتواصل ويعني محب لوطنه ما كانش يا جماعه يعمل حاجه اسمها حضاره من الاخر فهنا بيقول لك اهو تمثل في الانسان المصري المحب لوطنه حيث بذل المصريين القدماء مجهودا عظيما من اجل تسخير كل ما وهبه الله من موارد ومناخ لمصلحته وانفق المصريين القدماء الكثير من الوقت لانتاج اعظم حضاره عرفها التاريخ فكان الجهد والكفاح هما حجر الاساس اللذان قامت عليهما الحضاره المصريه القديمه ومن ا ومن ثم لم تكن مصر هبه النيل لا فقال لك يا باشا هردوت ذكر قبل كده في الكتاب بتاعه قال لك ايه بقى بل ان مصر هبه النيل والمصريين لان لولا المصريين ما كانش يا باشا هيبقى في مصر فهمت اهو فلولا جهد وكفاح المصريين لما ظهرت هذه الحضاره العظيمه التي اثرت في حضارات العالم القديم يلا بينا بقى يا باشا نحل كده حبه اسئله على السريع يلا قيم نفسك اخت الاجابه الصحيحه اتفق كل من الموقع الجغرافي ونهر النيل في تاثيرهما على قيام الحضاره المصريه القديمه من حيث نقط نهر النيل والموقع الجغرافي ها نهر النيل والموقع الجغرافي في الوحده والتضامن التواصل الحضاري تحقيق الامن والاستقرار والنشاط الانسان المصري القديم طبعا يا جماعه هيبقى التواصل الحضاري نهر النيل بيتواصل مع الاحدا وبرده عندنا نفس الكلام الموقع الجغرافي نفس الكلام برض اثنين مثلت الصحاري المصريه عنصرا هاما في قيام الحضاره نتيجه ايه بقى دورها في توفير الحمايه من اي اخطار خارجيه الحفاظ على الاثار طار المصريه ولا توجيه المصريه لاهميه الوحده ولا تاثير اكيد انت عرفت ده توفير الحمايه من الاخطار الخارجيه للصحراوات يا جماعه طيب لاثه العامل المشترك في قيام حضار حضارات العالم القديم مناخ ملائم موقع البحري الارض السهليه الثروه البشريه طبعا وانت مغمض الثروه البشريه لان لو ما فيش انسان مش هيبقى فيه اي حضاره من دول وهسيب لك انت بقى ايه تحل السؤال ده كده ان شاء الله باذن الله وبكده نكون خلصنا الدرس بتاعنا يا جماعه اللي كان بعنوان عوامل قيام الحضارات اتمنى اكون فدتكم بالقدر الكافي اتمنى تعمل لايك للفيديو ولو انت مش مشترك في القناه في القناه عشان يوصل لك كل جديد ربنا يوفقكم والسلام عليكم ورحمه الله وبركاته ‏Yeah.