الدرس 3 و 4 الطقس القاسي وأدوات التنبؤ علوم 6 الترم الثاني 2026

ازيكم يا اصحابي اونا؟ اهلا بيكم في قناه الشطار. لو عايزين تشوفوا كل الفيديوهات الجديده ما تنسوش تضغطوا على لايك وسبسكرايب ودلوقتي يلا نبدا درسنا الجديد يا اصحابي. يا اهلا بيكم يا شطار. النهارده احنا مش مجرد هنشرح درس احنا هنطلع في رحله استكشافيه خطيره جدا. هنبقى فيها محققين طقس. هنكشف كل الاسرار من اول جهاز صغير بنقيس بيه الحراره لحد ما نفهم ازاي العواصف العملاقه بتتكون فاستعدوا كويس قوي لاننا هنتحول النهارده لخبراء ارصاد جويه شطار سؤال عبقري وهو ده بالظبط اللغز اللي احنا جايين نحله النهارده فكروا فيها كده ممكن تكون قاعد في امان الله والسماء صافيه وزرقاء والشمس طالعه وفجاه تلاقي نشره الاخبار بتقول تحذير في عاصفه شديده هتضرب المنطقه بكره طب ازاي عرفوا هل معاهم كوره سحريه بيبصوا فيها؟ لا طبعا السر كله في العلم وفي شويه ادوات وادله هنجمعها مع بعض دلوقتي عشان نبقى احنا كمان بنعرف نتوقع العاصفه قبل ما تيجي السر ده مش سحر ولا شعوزه ده علم ممتع جدا ومغامره كبيره هنعيشها مع بعض عشان نفهم العالم اللي حوالينا ده شغال ازاي يلا بينا نبدا رحلتنا في عالم الارصاد الجويه دي الخريطه بتاعتنا اللي هنمشي عليها في مغامرتنا النهارده اول حاجه هنبدا بلغز الطقس كبير بعدين هنتعرف على شنطه الادوات بتاعه المحقق بتاعنا اللي هي ادوات خبير الارصاد الشاطر بعدها هنغوص في العمق ونكشف اسرار حركه الهواء والمطر وبعد ما نبقى اقويه هنتعلم نواجه الظواهر خطيره وفي الاخر خالص هنختبر نفسنا ونشوف مين المحقق الاشطر في حل تدريبات كتاب الشطار وتحدي الابطال النهائي يلا بينا على اول محطه في رحلتنا تمام اي محقق في الدنيا عشان يحل لغز لازم الاول يفهم هو بيدور على ايه بالظبط الطقس ده عامل زي ما يكون مسرح جريمه كبير وغامض وخبراء الارصاد دول هم المحققين اللي لابسين البلطو بتاعهم وبيجمعوا الادله من كل حته عشان يعرفوا ايه اللي هيحصل بالظبط تعالوا نشوف ايه هي الادله دي العلم بقى اللي بيحل اللغز ده كله اسمه علم الارصاد الجويه والناس الابطال اللي شغلتهم هي دراسه العلم ده والتنبؤ بالطقس اسمهم خبراء الارصاد الجويه دول هم اللي بيستخدموا العلم والادوات الخطيره بتاعتهم عشان يقولوا لنا بكره نلبس جاكيت ولا تيشيرت وننشر الغسيل ولا نشيله احسن شغلهم مهم جدا وبيحمينا من احطار كتير دول بقى اهم ثلاث ادله المحقق بتاعنا بيدور عليهم في مسرح الجريمه بتاع الطقس اول دليل وكلنا عارفينه هو درجه الحراره يعني الجو حر ولا برد بسيطه ثاني دليل هو الرطوبه ودي معناها الهواء اللي حوالينا ده شايل بخار ميه قد ايه كل ما الرطوبه تزيد نحس بالجو ملزق ومخنوق كده زي في الصيف على البحر اما الدليل الثالث وده بقى دليل خطير ومهم قوي فهو الضغط الجوي يعني ايه ضغط جوي تخيلوا كده ان الهواء اللي فوق راسنا ده ليه وزن اه والله ليه وزن زي ما تكون شايل كتب ثقيل فوق دماغك فالهواء اللي فوقنا ده كله ليه وزن وبيضغط علينا وعلى كل حاجه حوالينا ده هو الضغط الجوي ببساطه لما الثلاث ادله دول بقى الحراره والرطوبه والضغط يتغيروا الطقس كله بيتغير وبيحصل العواصف والمطر والرياح ودلوقتي بما اننا عرفنا الادله اللي احنا بندور عليها يبقى لازم نعرف المحقق بتاعنا بيستخدم ادوات ايه عشان يقيس ويجمع الادله دي كل محقق شاطر معاه شنطه ادواته الخاصه بيه وخبير الارصاد كمان معاه ادواته العبقريه يلا بينا نفتح الشنطه دي ونتعرف عليها اداه اداه بصوا بقى على اول اداه معانا اسمها الانيموميتر شكلها مميز قوي عامله زي مروحه بكوبايات بتلف القصه بتاعتها سهله جدا لما الهواء يجي بيزق الكوبايات دي ويخليها تلف وتدور طيب لو الهواء جه سريع قوي وقوي الكوبايات دي هتعمل ايه بالظبط؟ هتلف بسرعه الصاروخ ولو الهواء ضعيف وهادي هتلف بالراحه خالص فالجهاز ده بيحسب سرعه دوران الكوبايات دي وبيترجمها لرقم يقول لنا سرعه الرياح كام بالظبط يبقى لما نشوف جهاز بكوبايات بيلف في اي مكان نعرف على طول انه الانيمومتر وانه بيقيس سرعه الرياح سهله الاداه الثانيه بقى دي بطله اسمها الباروماتر ودي الاداه اللي بتقيس الدليل الخطير اللي اتكلمنا عنه من شويه اللي هو الضغط الجوي تخيلوا معايا ان في قبطان سفينه في نص المحيط ومعاه الجهاز ز ده لو بص فيه ولقى المؤشر بتاعه عمال ينزل بسرعه ده معناه ان وزن الهواء فوق السفينه بيقل ودي علامه خطر كبيره جدا بتقول ان في عاصفه مرعبه جايه في الطريق فالبارومتر ده عامل زي جهاز الانذار المبكر بالظبط بينبهنا للعواصف قبل ما توصل يبقى بارومتر يعني ضغط جوي وده بقى كلنا عارفينه وحاببنا كلنا الترمومتر بنستخدمه في البيت لما حد فينا يبقى سخن لا قدر الله وخبراء الارصاد بيستخدموه عشان يقيسوا درجه حراره الهواء وظيفته بسيطه ومباشره جدا بيبصوا فيه يعرفوا الجو حر ولا برد ده يمكن اول وابسط دليل خبير الارصاد بيجمعه في قضيته يبقى الترمومتر بيقيس ايه؟ درجه الحراره ممتاز طيب ركزوا معايا قوي في الجدول ده عشان ده خلاصه الادوات كلها والنقطه دي بتيجي منها اسئله كتير في الامتحانات خصوصا سؤال التوصيل يلا نراجعهم بسرعه الانيمومتر ابو كوبايات ده بتاع ايه؟ سرعه الرياح البارومتر بتاع قبطان السفينه ده بتاع ايه قياس الضغط الجوي الترمومتر صاحبنا كلنا ده بتاع ايه؟ قياس درجه الحراره طيب في ادوات ثانيه زي مقياس المطر ده من اسمه واضح قوي بيقيس كميه المطر اللي نزلت وعندنا بقى الادوات الحديثه والمتطوره زي رادار الطقس وده جهاز بيرسم خريطه للمطر ويقول لنا هو فين بالضبط وحجمه قد ايه وبيتحرك ازاي واخيرا عندنا البطل الكبير اللي شايف كل حاجه من فوق القمر الصناعي ده بيصور لنا الارض من الفضاء فبنشوف السحب والاعاصير وهي بتتكون وبتتحرك والجدول ده لازم نحفظه صم تمام قوي دلوقتي احنا جمعنا الادله وعرفنا الادوات اللي بنستخدمها عشان نجمعها المرحله اللي جايه بقى هي مرحله تحليل ليه الادله دي ازاي التغير في درجه الحراره والضغط بيخلي الهواء يتحرك والمطر ينزل هنا بقى بيبدا الشغل العلمي بجد وهنكشف اسرار الطبيعه نفسها دي اهم قاعده في حركه الهواء على كوكب الارض كله الموضوع بسيط قوي لما الهواء بيسخن من الشمس الجزيئات بتاعته بتبعد عن بعض ويبقى خفيف يعني كثافته بتقل فيقوم طالع لفوق بالضبط زي البالونه اللي بنملاها هواء سخن عشان تطير او زي بخار الميه اللي بيطلع من حله بتغلي على النار والعكس تماما الهواء البارد جزي زيراته بتقرب من بعض وبيبقى ثقيل كثافته اعلى فبينزل لتحت الحركه دي بقى طلوع الهواء السخن لفوق ونزول الهواء البارد مكانه لتحت هي دي اللي بتعمل حاجه اسمها تيارات الحمل الحراري ودي المحرك الاساسي اللي بيحرك الرياح في كل حتى في العالم طيب والمطر بيتكون ازاي برده قصه جميله من ثلاث خطوات بسيطه اول خطوه اسمها التبخر الشمس بتسخن الميه اللي في البحار والانهار والبحيرات فالميه دي بتتحول لبخار ميه خفيف ويطلع فوق في السماء ثاني خطوه اسمها التكاثل لما بخار الميه ده بيوصل لطبقات الجو العاليه بيلاقي الجو فوق برد قوي فبيتكثف يعني بيرجع يتحول ثاني لنقط ميه صغيره جدا النقط الصغيره دي بتتجمع مع بعضها وتعمل السحب اللي بنشوفها في السماء ثالث خطوه والاخيره هي الهطول لما نقط الميه دي بتفضل تتجمع وتكبر جوه السحابه بتبقى ثقيله قوي لدرجه ان السحابه ما بتقدرش تشيلها اكث من كده فبتقع على الارض في شكل مطر او تلك ودي ببساطه دوره الميه في الطبيعه لو عجبكم شرح الدرس ده يا شطار ما تنسوش تضغطوا على لايك وتشتركوا في القناه واعملوا شير للفيديو ده لكل اصحابكم عشان المعلومه توصل للكل وتكونوا سبب في شطاره غيركم وتدل على الخير كفاعله وبعد ما فهمنا الاليات الاساسيه اللي بتحرك الطقس احنا دلوقتي مستعدين ننتقل للجزء اللي بعده هو الجزء الاكثر اثاره الظواهر الجويه المتطرفه والخطيره دلوقتي بعد ما فهمنا الاساسيات وبقينا محققين شطار هنستخدم كل معرفتنا دي عشان نواجه قضايا كبيره وخطيره هنتكلم عن الظواهر الجويه المتط مطرفه زي الفيضانات والجفاف والعواصف الرمليه هنفهم ازاي بتحصل بالظبط وايه هي الاضرار بتاعتها وليه مهم قوي اننا نتنبا بيها بصوا كويس على الصورتين دول هم فعلا وشين لعمله واحده هم عكس بعض تماما على اليمين عندنا الفيضانات دي بتحصل لما كميه مطر رهيبه بتنزل في وقت قصير اكت بكتير من اللي الارض او الانهار تقدر تستوعبه فالنتيجه ان الميه بتغرق كل حاجه حواليها وعلى الشمال عندنا الجفاف وده العكس بالضبط بيحصل لما المطر يقل جدا لفتره طويله قوي فالارض بتنشف وتتشقق والنباتات تموت وما بيبقاش فيه ميه كفايه فالمشكله في الحالتين هي خلل في كميه المطر مره زياده عن اللزوم ومره نقص عن اللزوم والاثار السلبيه للظاهرتين دول مدمره بكل معنى الكلمه الفيضانات بتسبب غرق البيوت والمصانع والمحلات والميه الملوثه بتاعه الفيضان بتختلط بميه الشرب النضيفه فممكن تسبب امراض خطيره وطبعا بتدمر المحاصيل الزراعيه وبتوقف حركه الحياه والاقتصاد تماما اما الجفاف فبيسبب نقص شديد في الميه اللي بنشربها وبنزرع بيها وده بياؤدي لموت النباتات والحيوانات وكمان تدمير الزراعه وممكن يسبب مجاعات عشان كده التنبؤ بالطقس مش رفاهيه ده شيء ضروري عشان نستعد للكوارث دي ونحاول نقلل من اضرارها ودلوقتي نيجي لوحش الصحراء المرعب العواصف الرمليه شوفوا المنظر المهيب ده تحس انه جدار عملاق من الرمل والغبار بيتحرك وبيبلع كل حاجه في طريقه الظاهره دي بتحصل في المناطق الصحراويه والجافه لما رياح قويه جدا بتهب على الارض الناشفه فبتشيل معاها كميات مهوله من الرمل والتراب وتطير بيها لمسافات طويله جدا والعواصف دي ليها اضرار كثير جدا ومباشره اولا خطر كبير على صحتنا لو استنشقنا الغبار ده لانه ممكن يسبب مشاكل في التنفس ثانيا حبات الرمل الصغيره دي ممكن تدخل في مواتير العربيات والطيارات والالات فتعطلها وتبوظها ثالثا بتملى قنوات الميه بالرمل والتراب فبتاثر على جوده الميه اللي بنستخدمها. رابعا بتحجب نور الشمس تماما وده بياثر على النباتات وكمان على محطات توليد الكهرباء من الطاقه الشمسيه. واخيرا وده خطر مباشر جدا. الرؤيه بتبقى الشبه منعدمه وقت العاصفه وده بيخلي سواقه العربيات خطر جدا وممكن يسبب حوادث. برافو يا شطار. احنا كده قطعنا شوط كبير وبقينا شبه خبراء الارصاد. دلوقتي جه الوقت اللي نختبر فيه كل المعلومات اللي اتعلمناها. هنحل مع بعض شويه تدريبات عشان نتاكد اننا بقينا محققين طقس حقيقيين جاهزين يلا بينا سؤال سهل جدا لو كنا مركزين جهاز الانيمومتر ابو كوبايات اللي بتلف فاكرينه تعالوا نفكر بصوت عالي هل هو بيسجل ا درجه الحراره لا ده الترمومتر طيب هل بيسجل ب الضغط الجوي برض لا ده البارومتر طيب د مقدار المطر لا ده اسمه مقياس المطر يبقى ما فيش غير الاجابه الصحيحه وهي ج سرعه الرياح الانيمومتر بيقيس سرعه الرياح ممتاز السؤال ده فيه خدعه بسيطه وعايز حد مصحصح بيقول ان حركه التيارات الهوائيه افقيه وحركه الرياح راسيه تعالوا نرجع للشريحه اللي شرحنا فيها حركه الهواء احنا قلنا ايه قلنا ان الهواء السخن بيطلع لفوق يعني حركه راسيه والهواء البارد بينزل لتحت يعني برده حركه راسليه الحركه الراسيه دي هي اللي اسمها التيارات الهوائيه طيب ولما لما الهواء ده بيتحرك من منطقه لمنطقه بشكل افقي على سطح الارض دي اللي بنسميها الرياح يبقى الجمله دي بتقول العكس تماما اذا الاجابه هي خطا والتصحيح بتاعها حركه التيارات الهوائيه راسيه وحركه الرياح افقيه وبكده نكون وصلنا للمحطه الاخيره والاهم في رحلتنا محطه تحدي الابطال ده السؤال اللي هيميز الخبير الحقيقي من الهاوي السؤال ده اجابته محتاجه تركيز وتفكير في كل كلمه قلناها في الشرح النهارده استعدوا للتحدي كبير ده هو التحدي هل خبراء الارصاد بكل العلم والادوات والاقمار الصناعيه اللي معاهم يقدروا يكونوا متاكدين بنسبه 100% من اللي هيحصل في الطقس بكره او بعده هل تنبؤاتهم دايما صحيحه وما فيهاش اي نسبه ولو بسيطه من الخطا فكروا كويس قوي اللي يعرف الاجابه يا شطار يكتبها في الكومنتات تحت واللي مش عارف يرجع يتفرج على الشرح ثاني وهو هيعرف الاجابه مستني اشوف اجابات الابطال ما تنسوش يا اصحابي لو عجبكم الفيديو النهارده عين اضغطوا على لايك وشير وسبسكرايب علشان يوصلكم كل الدروس الجايه ولو عايزين ملخص الدرس مجانا اضغطوا على اللينك اللي في الديسكربشن باي باي ‏Ah.