درس فرض انجلترا سيطرتها على الخليج الدرس الأول الفصل الخامس تاريخ تالتة ثانوي 2026

السلام عليكم ورحمه الله وبركاته طلبه وطالبات الثانويه العامه اهلا بكم مع درس جديد من دروس ماده التاريخ النهارده ان شاء الله هنبدا مع الفصل الخامس الفصل الخامس فصل سهل وجميل الدرس الاول بيتكلم عن فرض انجلتراسيطرتها على الخليج وجنوب شبه الجزيره العربي على بركه الله مع السؤال الاول بيقول لك تغيرت سياسه انجلترا تجاه بلاد المشرق العربي بعد وصول نابليون الى مصر حيث قامت به المقصود بكلمه بعد وصول نابليون الى مصر يعني مجيء الحمله الفرنسيه على مصر اللي جت سنه 1798 اللي هو الفصل الاول تمام لما وصل نابليون الى مصر انجلترا عملت ايه في بلاد الخليج هل قامت بتحريم نشاط القرصنه البحريه لامارات الخليج طبعا تحريم نشاط القرصنه ما كانش سببه مجيء نابليون او مجيء الحمله الفرنسيه ده كان بسبب ظهور محمد علي عند راس الخليج بامر من السلطان العثماني للقضاء على الحركه الوهابيه يبقى ده مالوش علاقه بالحمله الفرنسيه ب تدعيم وجودها العسكري في تلك المناطق ممكن وهنفهم ليه القضاء على تجاره الرقيق في لحج وعدن تجاره الرقيق اصلا ما كانتش في لحج وعدن ده كانت في عمان وانجلترا جدت عليها في معاهده الصلح العامه اللي كان سببها برض محمد علي احتلال عدن وجزيره بريم احتلال عدن كان بسبب محمد علي وظهوره ناحيه اليمن 1837 لكن احتلال جزيره بريم كان له علاقه بالحمله الفرنسيه لما كانت رايحه لبلاد الشام لما خاف الانجليز ان الفرنسيين ينزلوا في البحر الاحمر ويقطع عليهم طريق المواصلات الى الهند كده يبقى فاضل معايا اجابه واحده بس اللي هي رقم ب ودي ان شاء الله اجابه صحيحه واوضح لك ليه تمام تدعيم وجودها العسكري في تلك المناطق المقصود به انجلترا عملت معاهده مع سلطان عمان في اكتوبر 1798 خد بالك اكتوبر اللي هو شهر كام؟ شهر 10 تمام عقدت معاهده مع سلطان عمان نصت ان سلطان عمان يتعهد بعدم السماح باقامه وكالات فرنسيه او هولنديه في بلاده طرد جميع رعايه فرنسا من بلاده ويسمح بوجود حاميه عسكريه بريطانيه في بلاده ومن خلال المنهج ككل احنا خلاص بندرس المنهج كله على بعضه نعتبر ان المعاهده دي اللي نصت على وجود حاميه عسكريه في عمان تعتبر ثاني رد فعل انجليزي على مجيء الحمله الفرنسيه طب ايه اول رد فعل انجليزي يعني اول حاجه عملتها انجلترا لما جت الحمله الفرنسيه على مصر كانت معركه ابو قير البحريه اللي تحطم فيها الاسطول الفرنسي على على يد القائد الانجليزي نيلسون. السؤال الثاني تاثر المشرق العربي بنزول الحمله الفرنسيه على مصر مما نتج عنه وقوع اضرار اقتصاديه على دوله نقط في دوله اتاثرت سلبيا بسبب الحمله الفرنسيه. هل كانت هولندا ولا بريطانيا ولا ايطاليا ولا النمسا؟ طبعا هولندا ليه؟ المعاهده اللي احنا لسه بنتكلم فيها اللي كانت ما بين انجلترا وسلطان عمان نصت على عدم السماح بانشاء وكالات فرنسيه او هولنديه فبالتالي اضرت هولندا بسبب الحمله الفرنسيه طب هولندا داخله اهي برده كان في تنافس بينها ما بين انجلترا كان في تنافس استعماري قديم ومستمر مر حتى الان السؤال رقم لاثه تغير شكل التواجد البريطاني في المدخل الجنوبي للبحر الاحمر بدايه القرن ال 19 بدايه القرن ال 19 يعني احنا بنتكلم في سنه 1800 مثلا او 1801 نتيجه ايه اللي خلى شكل التواجد البريطاني تغير هل فشل حمله نابليون على الشام ولا تحطم الاسطول الفرنسي في خليج ابي قير ولا تعهد سلطان لحج وعدم بطرد رعايا فرنسا ولا انتهاء الوجود الفرنسي بمصر؟ الاجابه ان شاء الله هتكون رقم د انتهاء الوجود الفرنسي بمصر ونوضح ليه انت عارف ان الحمله الفرنسيه على مصر كانت سبب في انجلترا تحتل لمدخل البحر الاحمر الجنوبي المقصود به جزيره بريم تمام وتم احتلال جزيره بريم في مايو 1799 لما كان الحمله الفرنسيه على بلاد مين؟ الشام طيب بعد ما رحلت الحمله الفر فرنسيه من مصر ورحل من مينو وعاد الى فرنسا سنه قررت انجلترا ترك جزيره بريم يبقى انتهاء الوجود الفرنسي كان مرتبط بتغير شكل التواجد البريطاني في المدخل الجنوبي للبحر الاحمر اللي هي جزيره بريم بعد ما كانوا محتلينها سابوها السؤال الرابع يعد التواجد العسكري الانجليزي في شبه الجزيره العربيه سابقا على احتلالها لمصر عام 1800 82 وظهر ذلك فيه المقصود ان انا عاوز منطقتين انجلترا كانت موجوده فيهم عسكريا قبل هذا التاريخ قبل هذا العام هل الكويت ولحج و لا امارات الخليج العربي ولا عدن وبريم ولا مسقط والكويت مين المنطقتين اللي كانت انجلترا متواجده فيهم عسكريا قبل مصر طبعا عدن وبريم طب ازاي يا استاذ كانت موجوده فيهم عسكريا اول واحده هنتكلم عليها عدن انجلترا عملت اتفاقيه مع سلطان لحج وعدن سنه 1802 نصت على بقاء حاميه عسكريه انجليزيه هناك عشان تامن طريق مواصلتها الى الهند اما بالنسبه لجزيره بريم احتلوها سنه 1799 بسبب الحمله الفرنسيه ومجيء نابليون ثم ذهاب نابليون الى بلاد مين؟ الشام الكلام ده كان سابق على احتلالها لمين؟ لمصر طبعا الكويت الوجود فيها ما كانش عسكري اذا كانت اتفاقيه او معاهده تحولت الى معاهده حمايه نفس الكلام امارات الخليج لما وقعت معاهم معاهده الصلح العامه مسقط والكويت كان فيهم معاهدات واتفاقيات لكن الوجود العسكري بمعنى كلمه وجود جيوش او قوات بريطانيه كان موجود في عدن وبريم قبل ما توجد في مصر السؤال الخامس ظهر تاثير الحمله الفرنسيه على مصر في اواخر القرن ال 18 على المنطقه المطقه العربيه من خلال المقصود ان الحمله الفرنسيه لما جت على مصر المنطقه العربيه ااثرت ازاي؟ هل التواجد العسكري الفرنسي في منطقه الخليج العربي ولا عقد معاهدات الصلح العامه مع مشيخات الخليج العربي انت عارف ان معاهده الصلح العامه دي 1820 يعني بعد الحمله الفرنسيه بكثير مالهاش علاقه يبقى دي غلط تمام احتلال بريطانيا عدن في جنوب غرب شبه الجزيره العربيه برده ده كان ليه علاقه بمحمد علي مالهش علاقه بالحمله الفرنسيه تامين الوجود الانجليزي في جنوب شبه الجزيره العربيه دي اجابه كويسه كده فاضل معايا الاجابه الاولى والاخيره طيب الاجابه الاولى بيقول لك التواجد العسكري في منطقه الخليج العربي منطقه الخليج كانت فرض عليها سيطرتها باتفاقيات ومعاهدات يفضل الاجابه الاخيره تامين الوجود الانجليزي في جنوب بشبه الجزيره العربيه وايه المقصود بكده ان لما ظهرت الحمله الفرنسيه انجلترا سيطرت على عمان وحطت فيها حاميه عسكريه وبعدين عملت اتفاقيه مع لحج وعدن وكمان خدت جزيره برين تمام السؤال السادس الوقايه خير من العلاج مقوله شهيره طبقتها بريطانيا لمواجهه الاهداف الفرنسيه من خلال يعني انجلترا لما كانت خايفه من الحمله الفرنسيه عملت ايه عشان تامن نفسها هل توقيع اتفاقيه حمايه مع الكويت طبعا غلط لان اتفاقيه الحمايه مع الكويت كانت سنه 1899 تمام يعني بعد الحمله الفرنسيه ب 100 سنه توقيع اتفاقيه حمايه مع مسقط برض غلط لان دي كانت 1891 ج محاصره نفوذ الحركه الوهابيه الحركه الوهابيه مالهاش علاقه بالحمله الفرنسيه فاضل دال قيامها باحتلال جزيره بريم عشان يامنوا طريق مواصلاتهم للهند ويقطعوا الطريق على الفرنسيين لو فكروا ان هم ينزلوا في البحر الاحمر ويروحوا لفين؟ للهند السؤال السابع فقدت فرنسا مصالحها في منطقه جنوب الخليج اواخر القرن ال 18 منطقه جنوب الخليج اللي هي سلطنه عمان نتيجه ايه؟ طبعا هي فقدت مصالحها هناك لما جت الحمله الفرنسيه على مصر الاجابه واضحه جدا بس نفصل باقي الاجابات هل ظهور محمد علي على راس الخليج العربي ده مالوش علاقه اصلا بالحمله الفرنسيه كانت الحمله الفرنسيه انتهت ورحلت حملتها على مصر والشام دي اجابه صحيحه لان لما جه نابليون على مصر قامت انجلترا بعقد معاهده مع سلطان عمان وقلنا النصوص بتاعتها اكث من مره طيب احتلال انجلترا لجزيره بريم دهتم سنه 1799 تمام وما كانتش بريم موجوده في منطقه جنوب الخليج بريم موجوده في مدخل الجنوبي للبحر الاحمر د سيطره انجلترا على لحج وعدن ده مالوش علاقه برض برده بالمصالح الفرنسيه اللي في جنوب الخليج اذا الاجابه بسبب الحمله الفرنسيه على مصر والشام السؤال الثامن صل على رسول الله ارتبط التوا التواجد الاجنبي نهايه القرن ال 18 بالمنطقتين المشار اليهما طب لازم اشوف فين المنطقتين المشار اليهم اول واحده المنطقه دي اللي هي جزيره سلطنه عمان تمام اللي هي جنوب غرب الجزيره العربيه ثاني منطقه هنا لو ركزت هتلاقي جزيره بريم اللي هي في المدخل الجنوبي للبحر الاحمر طب التواجد الاجنبي هنا مرتبط ب هل الصراع الاستعماري الاوروبي في الشرق ولا نشر مبادئ الثوره الفرنسيه خارج اوروبا ولا سيطره الهولنديين على التجاره في الهند ولا محاوله العثمانيين السيطره على عمان طبعا احتلال انجلترا للمناطق دي او تواجد انجلترا في هذه المناطق يعتبر جزء من الصراع الاستعماري الاوروبي في الشرق تمام احنا عارفين الصراع الاستعماري ده واخدين ان هو في الفصل الاول خالص بدا في القرن ال 17 واستمر طوال القرن ال 18 تمام فجت انجلترا المنطقه دي ياتي كرد فعل على الحمله الفرنسيه على مصر وراحت انجلترا احتلت جزيره بريم كرد فعل على الحمله الفرنسيه في بلاد الشام وخوفها من ان الفرنسيين ينزلوا في البحر الاحمر ويقطعوا طريق موصلاتهم الى الهند السؤال التاسع عقدت بريطانيا معاهده مع سلطان عمان 1798 من اجل هل السيطره على اقتصاد عمان هل بريطانيا كان هدفها السيطره على اقتصاد عمان لا طبعا دي اجابه خاطئه تامين الطرق لمستعمرتها الى الهند صح تمشي بس لازم نكمل هل حصار الحمله الفرنسيه في مصر طب ازاي هحصر الحمله الفرنسيه اللي موجوده في مصر وانا بعيد عنها تماما برده غلط تحريم تجاره الرقيق بريطانيا ما كانش هدفها كده حتى لو كان في نصوص المعاهدات بعدين تحريم تجاره الرقيق لكن هنا معاهده 1798 مع سلطان عمان ما كانش فيها نص خاص بتحريم تجاره الرقيق ده كان في معاهده الصلح العامه يبقى الاجابه تامين الطرق لمستعمراتها الى الهند بسبب خوفها من مين؟ من فرنسا السؤال العاشر من خلال الصوره التي امامك هدفت انجلترا من الاجراء الموضح بالصوره وطالما كاتب لك اجراء موضح بالصوره يبقى يبقى لازم تروح للصوره وتفهم ايه اللي موجود فيها اول شيء هتقرا اللي تحتيها احتلال انجلترا جزيره بريم في مايو 1799 ادي جزيره بريم مرفوعه عليها العالم البريطاني ايه الهدف انجلترا احتلت جزيره بريم ليه هل تامين بعثتها الدبلوماسيه في اليمن ولا الاستيلاء على مناطق استراتيجيه ولا فتح اسواق في هذه المنطقه ولا التصدي لاطماع واليصر العسكريه طبعا احتلال بريم كان مرتبط بالحمله الفرنسيه وخوف انجلترا على مصالحها اذا الاجابه هتكون الاستيلاء على مناطق استراتيجيه عشان تتحكم في طرق التجاره السؤال رقم 11 تمثل الهدف الحقيقي خد بالك الهدف الحقيقي لان في اهداف حقيقيه واهداف معلنه لعقد انجلترا معاهده الصلح العامه مع مشايخ الخليج العربي عام 1820 طبعا انجلترا في المعاهده ديت اللي اتعملت نصت على تحريم القرصنه وتحريم تجاره الرقيق التي تقوم بها سلطنه مين؟ عمان فلو جينا نسال على الاهداف المعلنه هتكون الحفاظ على حقوق الانسان او الاهتمام بحقوق الانسان لكن الاهداف الحقيقيه الدفينه اللي موجوده عند بريطانيا هل القضاء على القرصنه ولا تدعيم نفوذها في الحجاز ولا فتح اسواق جديده في الشرق ولا تامين مستعمراتها في الشرق طبعا انجلترا لا تقيم وزنا الا لمصالحها فهدفها كان تامين مستعمراتها في الشرق سؤال رقم 12 انتهجت بريطانيا سياسه عقد المعاهدات مع مشايخ الخليج العربي في الربع الاول من القرن ال 19 من اجل ثاني انتهجت بريطانيا سياسه عقد المعاهدات مع مشايخ الخليج العربي في الربع الاول من القرن ال 19 لازم تفك التاريخ ده قرن ال 19 يعني هتكتب 1800 الربع الاول يعني من اول 1800 الى تمام كل المنطقه دي او كل الفتره دي اسمها الربع الاول من القرن الع طب ايه اللي حصل هنا معاهده الصلح العامه يبقى ايه الهدف بتاع معاهده الصلح العامه هل القضاء على تجاره الرقيق التي تقوم بها عمان هو كان موجود نص كده بس هل هو ده الهدف ولا التصدي لمد نفوذ الدوله المصريه هناك ولا القيام بدور التحكيم في المنازعات بين المشايخ ولا منع انشاء وكاله فرنسيه او هولنديه في المشرق طبعا اللي خلاها عملت معاهده الصلح العامه التصدي لنفوذ الدوله المصريه هناك لما خشيت من محمد علي اللي وصل الى راس الخليج العربي لما كان رايح هناك يقضي على الدوله السعوديه الاولى فلما وصل الى الخليج تشككت انجلترا في نوايا محمد علي وان ليه طموحات توسعيه فقررت انها تفرض على مشايخ الخليج معاهده الصلح العامه خد بالك من كلمه فرضت انج انجلترا على مشايخ الخليج معاهده الصلح العام تمام 13 يتضح الارتباط بين الاحداث التي ادت الى ارتفاع قدر محمد علي من تابع الى حاكم مستقل طب انت لو مذاكر الفصل الثاني ايه الحاجه اللي ترتب عليها ان محمد علي ارتفع قدره من مجرد والي تابع الى حاكم مستقل كان نجاحه في القضاء على الحركه الوهابيه واعاده الحجاز الى نفوذ السلطان العثماني فكفى فاه السلطان وعطاه مشيخه الحرم المكي وعطى ابراهيم ابن ولايه جده وارتفع قدره من تابع الى حاكم مستقل تمام يبقى نجاح محمد علي في القضاء على الحركه الوهابيه ماشي ترتب عليه يا او مرتبط بي هل افتقاد عمان معظم مصادر قوتها الاقتصاديه ولا طرد رعايا فرنسا من جنوب شرق الجزيره العربيه جنوب شرق الجزيره العربيه اللي هي منطقه عمان تمام لازم تبقى فاهم الكلام ماشي ازاي؟ جنوب شرق الجزيره العربيه مقصود بها منطقه مين؟ عمان انشاء وكالات فرنسيه او هولنديه في عمان ولا وجود حاميه بريطانيه جنوب غرب الجزيره العربيه دي برده لازم تبقى عارف ان هي مين؟ اليمن تمام يبقى الكلام على محمد علي محمد علي لما قدر يقضع الحركه الوهابيه فيه ارتباط في حاجه حصلت ساعتها هل افتقاد عمان معظم مصادر قواتها الاقتصاديه يعني حرمانها من القرصنه وتجاره الرقيق ايوه حصل بالفعل لما توقعت او بريطانيا فرضت عليهم معاهده الصلح العامه اللي نصت على تحريم القرصنه ومنع تجاره الرقيق دي اللي مرتبطه بمين؟ بمحمد علي طب طرد جميع رعايا فرنسا من جنوب شج الجزيره العربيه ده مرتبط بالحمله الفرنسيه انشاء وكالات فرنسيه هولنديه في عمان غلط لانها كانت بتقول عدم دال وجود حاميه بريطانيه جنوب غرب الجزيره عربيه ده مالوش علاقه ب سيطره محمد علي على الحجاز سنه 1818 لما قضع الحركه الوهابيه انما اللي حصل تحت هنا كان سنه 1837 لما محمد علي راح اليمن باسم السلطان العثماني ملخص السؤال سؤال مهم فكرته حلوه خالص ركز فيه ثاني يتضح الارتباط بين الاحداث التي ادت الى ارتفاع قدر محمد علي يعني يتضح الارتباط بين الحركه الوهابيه وقضاء محمد علي عليها وافتقاد عمان معظم مصادر قوتها الاقتصاديه اللي هي تجاره الرقيق والقرصان صل على النبي السؤال رقم 14 توجد علاقه بين سياسه مصر الخارجيه في النصف الاول من القرن ال 19 النصف الاول من القرن ال 19 لحد 1850 تمام من اول 1800 ل 1850 وتدعيم بريطانيا لنفوذها فيان هل في امارات الخليج العربي والحجاز ولا جنوب غرب شبه الجزيره العربيه والحجاز ولا امارات الخليج العربي واقصى جنوب اليمن ولا شمال غرب شبه الجزيره العربيه ولحج تمام محمد علي لما حاول ان هو يتوسع في الجزيره العربيه سواء عند راس الخليج او عند اليمن كل ده حصل في النصف الاول من القرن ال 19 ترتب على ايه؟ دعمت بريطانيا نفوذها في امارات الخليج العربي لما عملت معاهده الصلح العامه واقصى جنوب اليمن لما احتلت عدن خوفا من مين؟ من محمد علي تمام السؤال بيتكلم على فترتين تاريخيتين والاثنين موجودين في النصف الاول الفتره الاولى بتتكلم في الحرب الوهابيه اللي بدات من 1811 تمام الى 1819 19 الفتره الثانيه من 1837 لما محمد علي راح احتل او راح الى اليمن باسم السلطان العثماني ادي الفترتين اللي انا بتكلم عليهم في 1811 لما وصل محمد علي لحد اما قضع الحركه الوهابيه سنه 1818 بريطانيا عملت ايه؟ عملت اتفاقيه مع امارات الخليج طيب محمد علي سنه 37 وصل الى اليمن فراحت انجلترا دعمت وجودها في اقصى جنوب اليمن. سؤال رقم 15. شعرت انجلترا ان التوسع المصري بشبه الجزيره العربيه في النصف الاول من القرن 19 يمثل تهديدا ليه. تاني شعرت انجلترا ان التوسع المصري بشبه الجزئه العربيه في النصف الاول من القرن ال 19 برضو الكلام على محمد علي وتوسعاته ده يهدد قوتها العسكريه ولا مصالحها الاقتصاديه ولا مكانتها السياسيه ولا علاقاتها الدوليه طبعا مصالحها الاقتصاديه لان محمد علي هيكون خطر على طرق التجاره سواء راس الخليج او في اليمن 16 نستنتج من خلال تحليل مضمون النص المقابل ان هناك تشابه بين دور مجلس الامن حديثا والدور الذي لعبته انجلترا في شبه الجزيره العربيه في القرن ال 19 ادي مجلس الامن طيب هي نفهم بس انجلترا عملت ايه في القرن ال 19 بناء على تحليل هذا النص قال لك يتحمل المسؤوليه الرئيسيه عن صون السلم والامن الدوليين بموجب ميثاق الامم المتحده تلتزم جميع الدول الاعضاء بالامتثال لقرارات المجلس ياخذ زمام المبادره في تحديد وجود تهديد للسلام او عمل عدواني ويضع اطراف النزاع الى تسويه النزاع بالوسائل السلميه ده جزء من مهام مجلس الامن المقصود ان مجلس الامن بيحل المنازعات ويحكم بين الناس تمام انجلترا لعبت هذا الدور لما قامت بالتحكيم بين شيوخ الخليج العربي حصل امتى هل نتيجه تجديد معاهده الصلح العامه ولا الاتفاق اتفاقيات مع سلطان عمان ولا المعاهده مع سلطان عمان ولا اتفاقيات الحمايه مع سلطان مسقط طبعا لما تجددت معاهده الصلح العامه مكنت انجلترا من قيام بدور التحكيم بين مشايخ امارات الخليج العربي ثم تجددت المعاهده مرات اخرى لتاخذ شكل الحمايه زي ما شفنا الحمايه البريطانيه على مسقط والحمايه البريطانيه على مين؟ الكويت السؤال رقم 17 قامت انجلترا بالقضاء على قوه محمد علي وقوه منطقه الخليج العربي من خلال هل تدعيم نفوذ السلطان ولا استخدام القوه العسكريه ولا اضعاف قوتهم الاقتصاديه ولا انشاء قواعد عسكريه الاجابه ج واوضحها لك ليه تمام انجلترا قضت على قوه محمد علي لما اضعفت اقتصاديا لما الغت نظام الاحتكار لما وقعت معاهده بلطمان اللي اطبقت في ظل تسويه لندن يبقى دي اضعاف اقتصادي لقوه محمد علي طيب منطقه الخليج العربي برضو اضعفتهم اقتصاديا لما منعت القرصنه ومنعت تجاره الرقيق. السؤال رقم 18 سجلت فصل الختام لدعم محمد علي للسلطان العثماني في مواجهه مناوي تحركات العسكريه الى نقط واحده واحده كلمه فصل الختام يعني النهايه يبقى سجلت نهايه دعم محمد علي للسلطان العثماني المقصود متى اخر مره محمد علي دعم السلطان العثماني في مواجهه مناوئيه يعني اعداؤه او معارضيه تحركاته العسكريه انت عارف ان محمد علي دخل حروب بامر من السلطان العثماني زي الحرب الوهابيه وحرب الموره وشفنا النهارده في الفصل الخامس محمد علي راح الى اليمن باسم السلطان العثماني باسم السلطان العثماني حتى ان كان مطيع لامر السلطان او غير مطيع لكن النهايه ان الجيوش المصريه رايحه هناك باسم مين؟ السلطان العثماني ده حصل فين؟ في اليمن يبقى ادور في الاجابات على كلمه اليمن ما لقيتهاش الاقي حاجه تعبر عنها هل جنوب شرق البحر المتوسط ولا غرب الجزيره العربيه ولا جنوب غرب الجزيره العربيه ولا شمال غرب الجزيره العربيه طبعا اليمن موجوده في جنوب غرب شبه الجزيره العربيه رقم 19 يرجع الهدف الحقيقي لعقد بريطانيا معاهده الصلح العامه 1820 الى ايه السبب الحقيقي او الهدف الحقيقي اللي خلى بريطانيا عملت معاهده الصلح العامه احنا متفقين ان هي مش هتدور غير على مصالحها بس تامين طرق مواصلاتها بس نشوف الاجابه هل خوفها من الاطماع التوسعيه لمحمد علي في اليمن طبعا معاهده الصلح العامه كانت في الخليج مالهاش علاقه باليمن خالص دي في الشرق ودي في الغرب اعتبارها الخليج العربي خط الدفاع الاول لمصالحها في الهند دي اجابه كويسه وتمشي بس لازم اكمل اتفاقها مع سلطان عمان على طرد الرعايه الفرنسيين ده ما كانش في معاهده الصلح العامه تصدها عسكريا لاتساع رقعه الدوله السعوديه الاولى لا طبعا بريطانيا لن تتصدى عسكريا يبقى الاجابه اعتبارها الخليج العربي خط الدفاع الاول لمصالحها في الهند وهي خايفه على مصالحها الاقتصاديه سؤال رقم 20 نستنتج من خلال تحليل معطيات الخريطه المقابله الخريطه بيقول اا توزيع المناطق اللي فيها احتلال بريطاني اللي من الكويت كده وانت نازل ده كله دي مناطق تحت الحمايه البريطانيه اللون الاخضر اللون البمب اللي هنا ده مناطق تحت الاحتلال والمعاهده اما الاصفر ده مناطق تحت السياده العثمانيه طب نستنتج من هنا هل هيمنه الدوله العثمانيه على شبه الجزيره العربيه معنى كلمه هيمنه يعني سيطره تامه دي غلط الصراع الاوروبي على شبه الجزيره العربيه ما فيش اوروبيين هنا غير الانجليزي يبقى ما فيش صراع امتداد النفوذ البريطاني الى شبه الجزيره العربيه ايوه لان انجلترا موجوده في الشرق وموجوده في الجنوب دي اجابه صحيحه د سعي انجلترا للسيطره على منطقه الحجاز منطقه الحجاز اهي ما راحتش عندها خالص تمام يبقى الاجابه معاي امتداد النفوذ البريطاني الى شبه الجزيره العربيه سؤال رقم 21 يرجع العامل المشترك الذي ادى الى فشل استقرار نفوذ محمد علي في الخليج العربي واليمن لماذا فشل محمد علي في البقاء في الخليج العربي واليمن؟ اكيد في حاجه حصلت قبل ما يستولى عليهم او قبل ما يسيطر عليهم هل موقف الدوله العثمانيه من نفوذه ولا تهديد المصالح الاستعماريه ولا رفض الحكم المصري هناك ولا تشكيل قوته من المرتزقه طبعا اللي عطل محمد علي وفشل في السيطره على المناطق دي انه هدد المصالح الاستعماريه فانجلترا خدت خطوه استباقيه تمام راحت الخليج العربي فرضت عليهم معاهده الصلح العامه وراحت اليمن عقدت معاهده نصت على بقاء حاميه عسكريه ثم بسبب ظهور محمد علي احتلت اليمن رقم 22 قامت بريطانيا بتدعيم وجودها في ساحل الخليج العربي في بدايه القرن ال 19 بدايه القرن ال 19 خد بالك يعني 1800 لما عملت معاهده مع سلطان عمان ايه اللي خلاها عملت معاهده مع سلطان عمان هل نتيجه سقوط الدوله السعوديه الثانيه غلط تماما ولا تخوفها من تهديد مصالحها الاستعماريه ايوه لما خافت من الحمله الفرنسيه ولا وصول محمد علي الى اليمن ده ما كانش في بدايه القرن تهديد الاسطول المصري لطرق التجاره ما كانش عندنا اسطول يهدد اصلا اذا الاجابه خوفها من تهديد مصالحها الاستعماريه بسبب الحمله الفرنسيه اللي جت على مين؟ على مصر 23 اتفقت اهداف معاهدات بريطانيا اللي هي معاهده الصلح العامه وتسويه لندن تاني اتفقوا فيها ايه الهدف منهم هل حمايه مصالح بريطانيا في الشرق ولا تغيير نظام الحكم في مصر ولا دعمها لمصالح الدوله العثمانيه ولاحد من التجاره الهولنديه طبعا انجلترا عملت معاهده الصلح العامه وتسويه لندن 1840 لهدف واحد حمايه مصالحها في الشرق واوضح لك ليه معاهده الصلح العامه دي اتعملت ليه عشان تفرض سيطرتها على امارات الخليج العربي عشان تامن طرق مواصلتها للهند تسوي سويت لندن كان هدفها اسقاط محمد علي والقضاء على نظام الاحتكار الاقتصادي اللي بيطبقه اللي عطل مصالح مين؟ بريطانيا. سؤال رقم 24 بالاستعانه بالخريطه المقابله يتضح ان الانجليز قاموا بتطويق يعني عملوا حصار او دايره سواحل شبه الجزيره العربيه بحلول نهايه القرن ال 19 من جهتين. طبعا انت لو بصيت في الخريطه هتلاقي الناحيه دي كده دي اسمها الشرق والناحيه اللي تحت دي كده اسمها الجنوب يبقى انجلترا طوقت سواحل الجزيره العربيه من ناحيتين مين هم الشرق والجنوب الاجابه ا الجنوب والشرق السؤال رقم 25 بملاحظه التواجد البريطاني بمنطقه الخليج العربي وجنوب الجزئه العربيه في العصر الحديث ا ان بريطانيا اتجهت في البدايه للسيطره على يعني اول منطقه بريطانيا راحت تسيطر عليها كانت فيان هل الجهات الساحليه ولا المواد الخام ولا القواعد العسكريه ولا المناطق الداخليه طبعا هي سيطرت على الجهات الساحليه ارجع معايا الخريطه اللي فوق كده هتلاقيها واخده الخط بتاع الساحل كده منطقه الخليج نزلت تحت البحر العربي او المحيط الهندي لحد اما وصلت الى مضيق باب المندب كل دي مناطق ساحليه سيطرت عليها مين؟ بريطانيا سؤال 26 ادى وصول محمد علي باسم السلطان العثماني الى جنوب شبه الجزيره العربيه خلال الثلاثينيات يعني تحديدا سنه 37 1837 من القرن ال 19 الى لما وصل محمد علي الى حدود اليمن ايه اللي حصل هل اتهام محمد علي بالقرصنه البحريه ولا تحالف انجلترا وفرنسا ضد محمد علي ولا تدعيم انجلترا نفوذها العسكري بها ولا بدايه تامين مين انجلترا وجودها بالخليج العربي طبعا الاجابه رقم ج تدعيم انجلترا نفوذها العسكري بها لما خشيت من خطوره محمد علي فقامت باحتلال عدن تمام في يناير 1839 السؤال اللي بعده اي من الاتي تميزت به لحج وعدن ودفع انجلترا للتفاوض مع حكامها في مطلع القرن ال 19 ايه الميزه اللي في لحج وعدن هل موارد اقتص اقتصاديه ولا اهميه اجتماعيه ولا اهميه استراتيجيه ولا قوه عسكريه طبعا لحج وعدن دول يشرفوا على المضيق اللي هو مضيق باب المندب اذا لهم اهميه استراتيجيه سؤال رقم 28 صلي على رسول الله هدفت بريطانيا من توقيع اتفاقيه مع سلطان لحج وعدن في بدايه القرن ال 19 الى ليه عاوزه تعمل اتفاقيه مع سلطان لحج وعدن ايه الهدف هل مد النفوذ البريطاني للخليج العربي ولا حمايه مواصلات الامبراطوريه البريطانيه ولا طرد الرعايا الفرنسيين هناك ولا التصدي لاطماع محمد علي زي ما قلت لك بريطانيا كل همها في الدرس ده حمايه مواصلات الامبراطوريه البريطانيه يعني كل الاجراءات اللي خدتها ضد الحمله الفرنسيه كانت عشان تحمي المواصلات كل الاجراءات اللي خدتها بسبب محمد علي برده عشان تحمي المواصلات تمام هسالك سؤال بسيط هنا جاوب لي عليه في التعليقات اجاب اجابه السؤال انا قلتها اثناء شرح الفيديو عاوزك تقول لي رد الفعل الانجليزي الاول على مجيء الحمله الفرنسيه على مصر تمام ماذا كان رد فعل انجلترا الاول على مجيء الحمله الفرنسيه على مصر انت لو وصلت هنا اكتب لي اجابه هذا السؤال سؤال رقم 29 عقدت بريطانيا اتفاقيه مع سلطان لحج وعدن بعد مرور عام من طب نفتكر بس اتفاقيه بريطانيا مع سلطان لحج وعدن كانت سنه كام؟ كانت سنه 1802 تمام 18002 طيب بيقول لك بعد مرور عام يعني بعد سنه ايه اللي حصل سنه 1801 هل عوده مينو الى فرنسا ولا رحيل نابليون من مصر ولا احتلالها لجزيره بريم ولا عقد اتفاقيه مع سلطان عمان طبعا اللي حصل سنه 1801 رحيل الحمله الفرنسيه يعني عوده مينو الى فرنسا. انتهت اسئله الدرس درس سهل وجميل اتمنى ربنا يكرمكم وتذاكروا. شد حيلكم يا شباب. سلام عليكم.