ليش الذهب غالي

مره فكرت ليش بني ادم يشوف الذهب غالي ش المهم في معدن ما تقدر تاكله او تشربه ولين بزياده فما ينفع تصنع منه عده او سلاح لونه حلو وتقدر تسوي منه مجوهرات وذا ممكن يخليه شيء مرغوب بس هل اللون لوحده يكفي بان يخلي الذهب العمله اللي الكل يقبل فيها بغض النظر عن موقعهم او معتقدهم لو تسال العربي المسلم تبي ذهب اي ابي ذهب لو تسال الاسيوي البوذي تبي ذهب اكيد ابي ذهب الاوروبي المسيحي تبي اوكي خلاص فهمت الفكره هالاشخاص على مر التاريخ اختلفوا في اشياء كثيره بس كلهم يتفقون ان الذهب له قيمه فليش البشر في بدايتهم ما كان عندهم فكره الفلوس اقتصادهم كان قائم على المعروف والتبادل بشكل رئيسي تعطي جارك قطعه لحم بمقابل ان يروح يجمع لك حطب علشان تشغل النار وتدفي بيتك تعرف تسوي نعال ممتازه عط بنت عمك جوز لانها قصت شعر اختك قبل اسبوع هالنظام ما كان الاحسن لكن كان معيشهم نظام المعروف والتبادل يمشي الحال دام المجتمع صغير والكل يعرف بعض لكن لما تزداد اعداد الناس وتتحول القرى الى مدن الوضع يصير اعقد سهل ان تقدم خدمه لولد عمك او جارك لانك تدري انهم بيردون الجميل في يوم من الايام لكن الناس اللي ما تعرفهم ما عندك ضمان ما تقدر تعطيهم لحم من مزرعتك على امل ان يردون المعروف في يوم من الايام لان يمكن ما تشوفهم مره ثانيه اصلا مشكله ثانيه في نظام التبادل هي شلون تقدر تعرف سعر الصرف للبضائع المختلفه ركز معي انت تصنع سكاكين ممتازه الاحسن في المدينه جاك شخص ما تعرفه سمع عن جوده شغلك ويبيك تعطيه واحده طبعا اكيد ما بتتصدق على كل واحد يطلب منك سكين لانه بتفلس سالته عندك شيء تبادله معاي قال لك عندي سله تمر السؤال كم سكين تعطيه مقابل سله التمر واحده اثنتين اوكي لو جاك احد ثاني وعرض عليك ثوب كم ثوب تسوى السكين نظام التبادل كان يجبرك ان تحفظ سعر الصرف لكل منتج او خدمه متوفره في المدينه مقابل بضاعتك الثوب يساوي سكين كبيره او سلتين تمر كيلو اللحم يساوي حزمتين حطب او خشين قمح او اسم اوكي لازم في طريقه احسن تخلي التبادل اسهل هنا يجي دور الاختراع العظيم العمله العمله اخترعت في اماكن واجد عبر التاريخ ويبدو انها تظهر بشكل طبيعي بمجرد ما يكبر التعداد السكاني في منطقه الفكره منها ان يكون عندنا شيء يمثل قيمه معينه علشان نسهل الحسابات بيننا بدال ما نحفظ سعر الصرف لكل بضاعه في الوجود وندخل في معاملات معقده نقدر نحفظ السعر لشيء واحد بس اشياء واجد استخدمت ك عملات ذهب فضه بذور اصداف زقاير اللي تبيه بس ش يخلي عمله احسن من عمله في شوي شروط الشرط الاول سهوله الحمل لازم لازم تكون العمله سهله الحمل والنقل والتخزين مثلا ما تقدر تستخدم سكاكين كعمله لان اح وما تقدر تستخدم مخلوقات حيه لانه من يقدر يجر سبع خرفان معاه طول اليوم وهو رايح السوق فدائما تشوف العملات الناجحه صغيره الحجم وممكن رصهم بطريقه ما علشان يسهل نقلهم الذهب يستوف هالشرط لانه تقدر تسوي فيه اللي تبي صهره وصبه على شكل دوائر او الشكل اللي يعجبك حطه في كيس او مرر خيط من النص والحين بصير جاهز للنقل الشرط الثاني لازم تكون العمله مقبوله لازم المجموعه اللي تتعامل مع العمله تقبل العمله ممكن انت تشوف ان صورتك تسو الدنيا كلها لكن لو تحاول تدفع للمطعم ب 50 صوره لك يمكن راع المطعم يحبك بزياده ويقبل بس غالبا بيرفض ويطلب منك فلوس صجيه فالعم علىشان تنجح لازم تكون شيء الكل يقدره لون الذهب نادر في الطبيعه ما تحصل اي صخره او معدن بلون مشابه فشكله يلفت النظر هذا خلى البشر يقدرونه ويتزين فيه فهو مرشح ممتاز كعمله الشرط الثالث المقاومه للتلف في معادن واجد تستوفي الشرطين السابقين الحديد والنحاس تقدر تسرهم وتشكل بالطريقه اللي تبيه ونوعا ما لهم قيمه بس فيهم عيب قاتل الصد طالع حولك وبتشوف واجد حديد ونحاس عفى عليهم الزمن الحديد والنحاس يتفاعلان مع الاكسجين في الجو اسرع بواجد من الذهب الذهب معدن خامل ما في اشياء واجده يتفاعل معها في الطبيعه طبيعته الكيميائيه تخلي تخزينه سهل تدفنه في الارض يتحمل يحترق بيتك الذهب اللي تحت السرير ما يتاثر بالنار فيضان يدمر القريه الذهب ما عنده مشكله مع الرطوبه الشرط الرابع المحدوديه العمله لازم تكون مصنوعه من شيء كميتها محدوده علشان تصير له قيمه سابقا كان ممكن استخدام الاصداف كعمله لان مو بالكل يعيش من البحر وهذا يخلي الوصول لهم محدود لكن الحين بسبب ذلين الكل يدر يروح يم البحر ويجمع اللي يبي فما في شي يميزهم عن غيرهم خلاص كل ما كثر الشيء قلت قيمته الذهب نادر في القشره الارضيه واستخراجه صعب مو بس صعب صعب صعب يحتاج تحفر وتحفر وتحفر وتحفر وتحفر وتحفر وتحفر وشوي تحفر علشان تطلع شوي غبار ذهب فايه ندره الذهب تخليه مناسب لان يكون عمله صعوبه الحصول عليه تضمن لك ان قيمته ما بتنزل بشكل مفاجئ فهذا شروط العمله لازم تكون محموله مقبوله مقاومه محدوده في مواد قليله تنطبق عليهم الشروط الاربع الفضه الياقوت الذهب الزمرد مثلا بس ليش الذهب بالذات هو اللي انتصر في النهايه وصار عمله العالم السبب هو العرض والطلب مناطق مختلفه في الشرق الاوسط والبحر المتوسط صارت تتداول الذهب كعمله للبيع والشراء زياده على كونه زينه بسبب الشروط الاربعه لكن باقي العالم ما كانوا مهتمين فيه لذيك الدرجه الان تخيل انك هندي الذهب ممكن ما تكون له قيمه في بلدك لكنك تدري انك تقدر تشتري اشياء واجد من عند الفرس لو جبت لهم شوي من المعدن الاصفر فصرت تجمع الذهب اللي تقدر عليه من حولك وتروح عند الفرس فكره ذكيه صح اشتر برخيص من عندك وبع على مناطق اقتصادها قوي الان بيصير في طلب عالي على الذهب في الهند لان الكل يبي ياخذ منه ويروح يكشخ عند الفرس طلب عالي يعني السعر يرتفع وبذي الطريقه يصير سعر الذهب مرتفع في الهند نفس القصه تنعاد في اماكن كثيره في العالم كون ان عندك جيران يقدرون الذهب ذا يخلي سعره يرتفع عندك وهذا السبب الرئيسي اللي يخلي سعر الذهب عالي مو ب علىشان شكله او لونه جميل او لان استخراجه صعب او لان له فائده مباشره هال الاسباب ممكن ترفع وتنزل من سعره لكنها مو بالسبب الفعلي سعر الذهب مرتفع لان البشر يعتقدون ان له قيمه وممكن تستبدله بخدمات او بضا مفيده وهذا يخلي في طلب مستمر عليه حتى لو ما صرنا نستخدمه اليوم كعمله بشكل مباشر دام ان في ناس يشوفون انه فيه قيمه والعرض والطلب مستمر الذهب بيبقى المعدن نفيس اللي نعرفه قوه معكم حسين اذا عجبك الفيديو اضغط على زر اللايك واشترك في القناه بتشوف فيديوهاتنا الجديده قريب باي باي