الموارد المعدنية ومصادر الطاقة وأساليب إدارتها 2026 الجزء 1 تانية ثانوى الترم الأول

من اكتر من 5000 سنه الانسان عرف المعادن وبدا يستخدمها ومع استخدامها بدات تطور حياته صنع ادوات وبعدين الات ووسائل مواصلات انا عاوز اقول لك انه لولا نعمه المعادن كان زمانا لسه بنركب خيول وجمال وبنحب بالسيوف والسهام ها هتقول بقى الحمد لله على النعمه دي ولا لسه بتفكر قول بقى الحمد لله المعادن بقى زيها زي اي نعمه الانسان اساء استخدامها في الحلقه دي بقى هنتكلم عن المعا واماكنها ومشاكلها وطبعا ازاي نحلها ويلا بينا بقى نبدا ونقول بسم الله السلام عليكم ورحمه الله وبركاته اهلا بكم طلبه ثانيه ثانوي في كل مكان معاكم مستر محمد فتحي وتعالوا بقى نتكلم عن ثالث درس في الوحده الثانيه جغرافيا الترم الاول بعنوان الموارد المعدنيه ومصادر الطاقه واساليب ادارتها يلا بينا نقول بسم الله وقولوا انتم كمان بسم الله واكتبوا في التعليقات بسم الله مش هتخسروا حاجه وتعودوا كده قبل ما تبدا في اي حاجه قول بسم الله ويلا بينا نبدا الحلقه اي دوله في العالم دلوقتي عشان تعمل نمو اقتصادي يعني يبقى معاها فلوس كتير تعمل ايه بقى تشتغل في الصناعه والصناعه اللي بتجيب فلوس بتعتمد على حاجتين اساسيتين المعادن ومصادر الطاقه وبكده بقى الدوله يبقى معاها فلوس كتير لا كتير كمان كمان بكده بقى تقدر تعمل حاجه اسمها التنميه الشامله يعني تعمل مشروعات وتوفر فرص عمل وتزود مرتبات وتعمل خدمات وبكده بقى يزيد مستوى المعيشه ويقل الفقر ولكن المعادن ومصادر الطاقه موارد غير متجدده يعني ممكن تخلص ومع زياده عدد السكان واتجاه معظم الدول نحو التصنيع الموارد دي كده هتقل وتبقى نادره وهنا بقى تحصل مشكله لازم نفكر ليها في حل تعالوا بقى الاول نتكلم عن المعادن وبعد كده نتكلم عن مصادر الطاقه ونبدا اولا المعادن المعادن تعتبر ثروه قوميه بتعتمد عليها الدول في زياده دخلها يا اما تستخدمها في الصناعه وتكسب منها فلوس او لو الدوله دي فقيره والصناعه فيها ضعيفه فتضطر تبيعها مواد خام ومش بتكسب منها كتير في الحاله دي تعالوا بقى نعرف كل حاجه عن المعادن ونبدا باول حاجه خصائص الموارد المعدنيه ايه المميزات اللي بتميز المعادن رقم واحد انها مورد غير متجدد وقابل للنفاد يعني مش بيتجدد كل ما تاخد منه بينقص يعني في يوم من الايام الناس هتصحى بكل اسف مش هنلاقي معادن ثاني في باطن الارض خلصت طب ايه الحل بقى نعمل ترشيد استهلاك ونحافظ عليها من دلوقتي طب وايه كمان رقم اثين يمكن اعاده استخدام بعضها بعض المعادن ممكن نستخدمها مره ثانيه بس مش كلها ده بعضها ايه بقى المعادن اللي ينفع نستخدمها مره ثانيه خاصه المعادن الفلزيه المعادن الفلزيه اللي هي لما تحطها في الفرن في درجات حراره عاليه جدا بيحصل لها عمليه سهر يعني بتسيح دي بنقول عليها معادن فلزيه زي الحديد الخرده ده اشهر حاجه معادن تم استخدامها ومش محتاجينها بقى زي العربيات اللي عامله حوادث الالات القديمه فبن ويها الفرن يتعمل لها عمليه سهر تسيح ونستخدمها مره ثانيه طب وايه كمان رقم لاثه توجد اغلبها في باطن القش الارضيه والقليل منها فوق سطح الارض معظم المعادن هتلاقيها في باطن القشره الارضيه يعني عشان توصل لها محتاج تحفر على اعماق كبيره وده طبعا هيعمل تكلفه فهيكون سعر المعادن غالي انما في شويه معادن كده قليله فوق سطح الارض فهيكون التعدين بتاعها مش غالي ما فيهوش تكلفه عاليه فسعر المعادن في الحاله دي هيكون قليل وهنا نقدر نقول معلومه مهمه جدا يا ريت تكتبها عندك ان سعر المعدن بيعتمد على تكلفه التعدين وبتكون المعادن مختلطه بالصخور وبيتم تنقيتها عن طريق السهر يعني بنطلع الخامات المعدنيه تلاقي المعدن مختلط بالصخور طب نعمل له تنقيه ازاي نوديه الفرن على درجات حراره عاليه جدا وفي الحاله دي المعادن هي اللي هتسيح انما الصخور لا مش بتسيح وهنا بقى بيتم تنقيه المعادن وفصلها عن الصخور طب وايه كمان رقم اربعه يرتبط تكوينها وانتشارها حسب طبيعه الحركات الباطن للقشره الارضيه الحركات بتاعه القشره الارضيه بينتج عنها انكسارات يعني تتكسر او التواءات وفي الحاله دي في اجزاء من القشره الارضيه بترتفع لاعلى وهي بترتفع لاعلى بيحصل ايه بقى بيصاحبها بروز بعض المعادن يعني المعادن اللي كانت في باطن الارض بترتفع مع القشره الارضيه لاعلى لما بيحصل ايه انكسارات والتوق لما المعادن بقى ترتفع لاعلى هيكون سهل بقى علينا اننا نعمل تعدين مش محتاجين بقى نحفر في باطن الارض ونكل في نفسنا لا وعلى فكره الالتواءات والانكسارات دي بتحصل في المناطق اللي هي فيها الجبال دلوقتي فنوح بس نكسر في الجبل ونطلع المعادن يعني الحركات الباطنيه بتسهل الوصول الى المعادن واستثمارها وده بيكون له اثر على اسعارها طالما عمليه التعدين مش مكلفه فهيكون سعر المعادن مش غالي خد بقى معلومه عندك بيرتبط توزيع المعادن حسب نوع الصخور يعني في انواع من صخور بيكون فيها معدن حديد ونحاس بس وفي انواع ثانيه من الصخور بيكون فيها ذهب وفضه بس وهكذا بقى يعني على سبيل المثال في دوله روسيا في جبال هناك اسمها جبال اورال غنيه جدا الصخور بتاعه جبال اورال بمعدن الحديد ومعدن النحاس تروح بقى دوله الولايات المتحده الامريكيه في جبال هناك اسمها روقي صخور الجبال دي غنيه جدا بمعدن النحاس ومعدن الدهب ومعدن الفضه خد معلومه ثانيه كمان جبال البحر الاحمر في مصر اتكونت نتيجه انكسار طب نرجع بقى لمرجوعنا ثاني ايه اني من خصائص الموارد المعدنيه رقم خمسه ودي حاجه بقى جميله جدا اجمل من اللي فات ده كله يمكن تخزنها بكميات كبيره والفترات طويله ممكن بقى تخزن المعادن دي بكميه كبيره والفتره طويله مش هيحصل لها حاجه خالص يعني مالهاش مده صلاحيه مش اكل هو طول ما انت مخزنها عادي ما فيش اي مشكله نهائي بس كده طب احنا بقى عشان نستخرج المعادن دي من باطن القشره الارضيه او من فوق سطح الارض لازم نعمل تعدين فتعالوا بقى نتكلم عن العوامل المؤثره في الانتاج المعدني يعني في شويه عوامل بتخلينا ننتج بكميات كبيره او ممكن تخلينا ننتج كميه قليله ايه بقى العوامل دي رقم واحد نسبه المعدن في الخام والتي تختلف من معدن لاخر ايه بقى الخام ده اصلا الخام ده اللي هو اوعى تنسى لسه قايل لك من شويه المعادن بنستخدم باطن الارض او من فوق فوق سطح الارض وبتكون مختلطه بالصخور المعدن بقى لما يكون مختلط بالصخور في الحاله دي بقول عليه خام فبن ايه بقى بناخد الخام نوديه المصنع في درجات حراره عاليه جدا في الفرن بيتم عمليه السهر نسيح يعني المعادن بتسيح انما الصخور لا مش بتسيح وهنا بقى يتم فصل وتنقيه المعادن عن الصخور نلاقي بقى نسبه المعادن جوه الخام بتختلف من معدن لاخر يعني مثلا معدن الحديد بالله نسبته في الخام لا تقل عن 60% ده حاجه جميله جدا انما معدن ثاني زي النحاس نسبته الاقتصاديه في الخام بتوصل ل 3% طبعا قليل جدا جدا بمعنى ثاني بقى اسهل من اللي فات جدا لو انا جبت خام حديد وزنه 100 كيلو واديته لمصنع عملت له عمليه سهر هنطلع منهم في الاخر ب 60 كيلو معدن حديد صافي طب لو جبت بقى 100 كيلو خام نحاس واديتهم المصنع عملت لهم عمليه سهر هنطلع منهم في في الاخر ب 3 كيلو معدن نحاس صافي شفت بقى الفرق قد ايه وده بيفسر ليه سعر النحاس غالي في السوق اكث من معدن الحديد لان تكلفته عاليه جدا ونسبته قليله جدا في الخام اكيد طبعا انت فهمت دلوقتي برده ليه معدن الدهب سعره اغلى من النحاس في السوق اكيد طبعا تكلفه انتاجه عاليه وكمان نسبته في الخام قليله جدا جدا جدا طب ايه ثاني بقى بياثر في عمليه التعدين رقم اثنين كميه الاحتياطي للمعدن يعني كميه الخام الموجوده في القشره الارضيه والخام عرفناه اللي هو المعدن لما يكون مختلط بالصخور سواء بقى في باطن القشره الارضيه او فوق سطحها بيهتم العلماء والاقتصاديون بتقدير كميه الاحتياطي من كل معدن عايزين يعرفوا بقى كميه الخام من كل معدن في القشره الارضيه قد ايه طب ليه بقى قاعدين فاضيين يعني لا طبعا اكيد في حاجه مهمه ايه هي بقى اول حاجه التعرف على الكميات المخزونه منه يعرفوا كميه كل معدن قد ايه زي انت كده لما بتقعد تعد الفلوس اللي معاك هم كمان عايزين يعرفوا الثروات المعدنيه قد ايه كل دوله معاها قد ايه من الثروه المعدنيه طب وايه كمان تحديد عمرها الافتراضي يشوفوا بقى الاستهلاك بتاعنا كل سنه قد ايه فيعرفوا المعادن دي هتكفينا كا سنه قدام وعلى اساس كده هيعملوا الحاجه اللي جايه دي تحديد الكميات المقرر استخراجها سنويا حتى لا تستنزف في وقت قصير المعادن موارد غير متجدده يعني قابله للنفاد في يوم من الايام هتخلص فالعلماء بقى بيحطوا خطه يقولوا لنا نستخرج قد ايه من المعادن كل سنه عشان طبعا ما تخلصش بسرعه وده اسمه ترشيد استهلاك وترشيد الاستهلاك بيحقق مبدا الاستدامه ايه تاني بقى من العوامل بياثر في عمليه التعدين رقم لاثه اهميه المعدن بتختلف الاهميه النسبيه من معدن لاخر حسب استخداماته يعني انت لو بتستخدم المعدن كتير هيكون مهم مهم مش بتستخدمه كتير مش هيكون مهم طب ادينا مثال طيب ماشي مثلا قديما زمان قوي كان بيتم استخدام الذهب والفضه على نطاق واسع يعني بيستخدموا الذهب والفضه كتير جدا خاصه في سك العملات المعدنيه كانت العمله زمان معدن ذهب وفضه والناس بقى كانت بتمشي تشخلل ومع اكتشاف مناجم غنيه بالذهب قل الاعتماد على الفضه فجاه كده اكتشفوا مناجم مليانه ذب كتير فقالوا طب خلاص نسهل الموضوع على نفسنا نخلي العملات دهب بس فقل الاعتماد على الفضه وطالما مش بيستخدموا الفضه هتقل الاهميه بتاعتها هينتج جوها ليه بقى وفعلا ده اللي حصل فتراجعت اهميتها الاقتصاديه وقل انتاجها لما ما بقوش يستخدموها ما حدش بقى يطلبها فقل لوا الانتاج بتاعها لان هينتج جوها ليه ما ما حدش محتاجها اصلا خد بقى معلومه على جنب كده يا ريت تكتبها عندك اكبر منجم ذهب في مصر هو منجم السكري وموجود في جبال البحر الاحمر ايه تاني بقى من العوامل المؤثره في عمليه انتاج المعادن رقم اربعه الموقع الجغرافي للخام يعني مكان الخام فين واوعى تنسى افتكر بقى الخام اللي هو المعدن لما يكون مختلط بالصخور المكان بقى بتاع المعدن بياثر في عمليه الانتاج يعني عمليه التعدين ازاي بقى يعني مثلا قرب المعدن من سطح الارض بيسهل استثماره ان احنا نحفر ونستخرج لان مش هنحفر كتير هو كده كده قريب من سطح الارض كمان قرب المعدن من وسائل النقل يعني يكون قريب من المواصلات فتكلف النقل هتكون قليله كمان قرب المعدن من مناطق النشاط الصناعي يعني قريب من المصانع فتكلف النقل هتكون قليله في المجمل في النهائي سعر المعدن هيكون قليل مش غالي فده بيسهل عمليه استثماره نستخرجه بقى ونقول بسم الله ونشتغل والناس هتبتدي تشتري العكس بقى لو مكان المعدن بعيد جدا عن سطح الارض وفي اعماق باطن الارض هنحفر كتير جدا فالتكلفة ازاي بقى المناخ بياثر في عمليه التعدين في البدايه كده انا عايزك تعرف ان المناجم نوعين في مناجم تحت سطح الارض دي مش بتتاثر خالص بالمناخ انما المناجم اللي فوق سطح الارض اللي بنقول عليها مكشوفه لان منها للسماء مفتوحه على طول كده دي بقى اللي بتتاثر بالمناخ ازاي حيث تعوق الامطار الغزيره والثلوج والحراره الشديده عمليات التعدين يعني لو في امطار غزيره هتغطي المكان كله فالتدين هيقف الناس هتشت شغال ازاي وبرده لو في سلوك كتيره هتوقف عمليه التعدين لانها هتغطي المكان كله وبرده لو الحراره شديده جدا العمال مش هيعرفوا يشتغلوا اكتب بقى المعلومات اللي جايه دي اللي هقول لك عليها في منطقه على سطح الارض درجات الحراره فيها عاليه جدا طول السنه وبيسقط فيها امطار غزيره جدا طول السنه وهي المناطق الاستوائيه زي منطقه في قاره افريقيا اسمها حوض الكونغو وفي منطقه ثانيه في قاره امريكا الجنوبيه اسمها حوض الام المناطق دي بقى بسبب الحراره الشديده والامطار الغزيره ما ينفعش فيها عمليه التعدين انما بقى افضل المناطق لعمليات التعدين اللي بيكون مناخها معتدل دافي اللي بنقول عليه اقليم البحر المتوسط ده افضل واحسن مناخ على سطح الارض طب ايه اني بقى بياثر في عمليات التعدين رقم سته راس المال الفلوس الفلوس بتاثر في كل حاجه ده بتاثر في الناس مش هتاثر يعني في عمليه التعدين اكيد هتاثر ازاي ازاي بقى بتحتاج عمليه التعدين الى تقنيات حديثه جدا لان عشان نعمل تعدين لازم نعمل بحث وتنقيب نعمل بحث الاول عن المعادن نعرف اماكنها فين وده بيحتاج اننا نستخدم الاقمار الصناعيه وده عرفناه في الدرس الثاني في الوحده الاولى وبعد ما نعرف اماكن المعادن بنقوم بعمليه التنقيب يعني نحفر عشان نستخرج الخامات المعدنيه من باطن القشره الارضيه وده بيحتاج الات حديثه جدا التقنيه الحديثه دي كلها بتحتاج رؤوس اموال ضخمه فلوس كتير جدا لو مش معاك هتضطر بقى تخلي العمال يشتغلوا بايديهم زي الناس الحلوه دي وربنا بقى معاهم الموضوع طبعا هيبقى بطيء جدا فده هياثر على عمليه انتاج المعادن بكده بقى نكون خلصنا كلام عن العوامل المؤثره في عمليه التعدين تعالوا بقى ناخد سؤالين نحبس بيهم ونرجع نكمل مره ثانيه اي مما يلي يتعارض مع خصائص الموارد المعدنيه يعني في في حاجه في الاختيارات مش تبع خصائص الموارد المعدنيه ايه هي بقى نروح بقى للاختيارات واحده واحده ا قابليتها لاعاده التدوير يعني ينفع نستخدمها مره ثانيه اه ده من خصائص الموارد المعدنيه فتبقى ا غلط طب ب تباين توزيعها على سطح الارض يعني تلاقيها موجوده في مناطق ومناطق ثانيه لا اه ده من خصائص الموارد المعدنيه وعرفنا الكلام ده قبل كده في اول درس في الوحده الثانيه اللي اسمه البيئه نظامها وموارد فكده تبقى ب برده غلط طب ج يمكن استخدامها مستقبلا اذا احسن تخزينها يعني لو احنا خزنها كويس في باطن الارض اللي هو الاحتياطي يعني هنقدر نستخدمها بعد كده في المستقبل اه عادي ايه المشكله لان طالما موجوده لسه في باطن الارض ما خلصتش نقدر نستخدمها فتبقى غلط طب دال عدم تعرضها للانتهاء يعني مش هتخلص اه ده بقى مش تبع خصائص الموارد المعدنيه لان الموارد المعدنيه من خصائصها انها موارد غير متجدده قابله للنفاد ممكن تخلص في اي وقت تعالوا بقى نحل سؤال كمان في توقعاتك اكثر المناطق التي يصعب بها عمليه التعدين هي ايه يعني انه مناطق صعب جدا الناس تشتغل بالتعدين فيها هي ايه افتكر بقى في معلومات كده قلت لك اكتبها مهمه جدا اصعب مناطق في التعدين هي المناطق الاستوائيه فيها حراره شديده جدا وكمان امطار غزيره طول العام فالموضوع صعب جدا في عمليه التعدين زي ايه بقى المناطق دي حوض نهر الامازون هي دي الاجابه انما باقي المناطق ما فيهاش اي مشكله خالص في موضوع التعدين زي شمال افريقيا واقليم البحيرات الخمس العظمى ودول الخليج العربي تعالوا بقى نحل سؤال كمان اي مما يلي يساهم في تحقيق استدامه الموارد المعدنيه يعني نستفيد من الموارد المعدنيه دون استنزاف ونستفيد منها وكمان الاجيال القادمه تستفيد منها انهو حاجه في الاختيارات بتقول الكلام ده ا تحديد نسبه المعدن في الخام لا مالهوش علاقه تبقى غلط طب ب مراعاه الكميه المقرر استخراجها سنويا يعني نستخرج الكميه اللي احنا محتاجينها على قدنا كل سنه عشان ما يكونش في استنزاف عند استخدام المعادن اه ده بيحقق مبدا الاستدامه يبقى ب هي الاجابه ج تطوير شبكه النقل بين مناطق الانتاج والتصنيع لا غلط مالهاش علاقه د استخراج الخامات القريبه من سطح الارض برده مالهوش علاقه خالص بموضوع الاستدامه تعالوا بقى نرجع لمرجوعنا ونكمل كلام عن الموارد المعدنيه وهنتكلم دلوقتي عن التوزيع الجغرافي للموارد المعدنيه اماكنها بقى فين على خريطه العالم دي بقى خريطه العالم متوزع عليها اهم المعادن نركز بقى واحده واحده ان المعادن مش متوزعه بالتساوي على خريطه العالم هتلاقي في مناطق غنيه جدا بالمع معادن يعني متروسه معادن ومناطق ثانيه على الله حكايتها فقيره جدا في المعادن فاضيه ما فيهاش حاجه زي هنا اهو وهنا كمان في افريقيا والمنطقه دي كمان في افريقيا وكمان في امريكا الشماليه فوق فاضيه خالص طيب نروح بقى لمفتاح الخريطه هنلاقي اهم المعادن والرموز بتاعتها عايزين نعرف بقى اهم الدول اللي بتنتج المعادن نبدا باول حاجه الفوسفات الرمز بتاعه مثلث ازرق اولى الدول في انتاجه الصين اهي وبعد كده رقم اثنين دوله المغرب اهي المعدن الثاني وهو البوكست الرمز بتاعه دايره خضراء اولى الدول في انتاجه استراليا اهو رقم انين الصين اهي عرفنا بقى مكانها خد بقى معلومه مهمه جدا عن البوكست او المعادن عموما عباره عن مركبات كيميائيه عشان تتكون محتاجه شويه حاجات كده تتفاعل مع بعض معدن البوكس بقى عشان يتكون في باطن الارض محتاج حرا حراره شديده وكمان امطار غزيره مش شرط يعني الكلام ده يكون طول السنه ممكن يكون في فتره من السنه في حراره شديده وامطار غزيره فيتكون بقى معدن البوكست في باطن الارض عشان كده لما نروح عند حوض الامازون هنا في قاره امريكا الجنوبيه في حراره عاليه وكمان امطار غزيره فتلاقي اكثر معدن منتشر هناك في حوض الامازون هو معدن البوكست تمام المعدن رقم لاه وهو المنجنيز اللي الرمز بتاعه نجمه خضراء اولى الدول في انتاجه جمهوريه جنوب افريقيا اهي ده مكانها رقم اين دوله الصين اهي حفظناها بقى خلاص المعدن رقم عه معدن الحديد الرمز بتاعه مربع احمر اولى الدول في انتاجه الصين برض اهي رقم انين استراليا اهي اخر معدن بقى هنتكلم عنه وهو معدن الكروم الرمز بتاعه علامه الاكس اللي هي الحمراء اولى الدول في انتاجه جمهوريه جنوب افريقيا اهي في افريقيا تحت خالص ورقم انين دوله كازاخستان اهي في قاره اسيا نلاحظ ان اكث الدول المنتجه للمعادن هي دوله الصين عندها معظم المعادن بكده بقى نكون خلصنا كلام عن التوزيع الجغرافي للموارد المعدنيه في العالم تعالوا بقى نتكلم عن اهم المعادن بالوطن العربي بيمتلك الوطن العربي ثروه معدنيه عديده يعني معادن كتير جدا تكونت معظمها في الزمن الجيولوجي الاركي الزمن الاركي والحاجات دي كلها انت درستها في السنه اللي فاتت اولى ثانوي تمام لكن هفكرك بيها لان انا عارف ان الذاكره بتاعتك الله يرحمها خلاص الكره الارضيه وهي بتتكون كانت بتمر بازمن وعصور وحاجات كده يعني اول زمن جيولوجي هو الزمن الاركي اتكونت فيه المعادن الفلزيه زي الدهب والحديد والنحاس والفضه والحاجات اللي هي المعادن الحلوه دي كلها اللي لما تحطها على النار يحصل لها عمليه انصهار تسيح يعني بعد الزمن الاركي جه عصر اسمه الكامبري اتكونت بعد بعد كده بقى المعادن اللافلزيه اللي هي لما تتحط على النار مش بيحصل لها عمليه انصهار خالص تمام يبقى الزمن الاركي بنقول عليه ما قبل الكامبري لان هو قبله تمام كده اتفقنا يلا بينا بقى نبدا الشغل بتاعنا دي خريطه الوطن العربي فيها توزيع المعادن في الوطن العربي اول ملاحظه كده نشوفها ان في دول عربيه فاضيه حكايتها على الله خالص في موضوع المعادن ما عندهاش معادن زي مين بقى دوله ليبيا ودوله السودان ودوله جيبوتي ودوله الصومال ده كده في الجناح العربي الافريقي يعني اللي ناحيه قاره افريقيا نروح بقى في الجناح العربي الاسيوي اللي ناحيه قاره اسيا نلاحظ ان دوله اليمن فاضيه دوله العراق برده فاضيه ودوله الكويت برده فاضيه ودوله البحرين ودوله قطر الاثنين فاضيين تمام كده دي كده اول ملاحظه اتمنى ان انت تكون كتبتها عندك نبدا بقى الكلام بتاعنا عن توزيع اهم المعادن في الوط الوطن العربي ونبدا باول معدن وهو الحديد الرمز بتاعه المربع الاحمر اولى الدول العربيه في انتاجه دوله موريتانيا لوحدها بتنتج ثلثين انتاج الوطن العربي من الحديد ولكن للاسف دوله موريتانيا دوله فقيره ما فيهاش راس مال فبتعمل ايه بقى بتصدر الانتاج كله خام بدون تصنيع واوعى تنسى معنى كلمه خام يعني المعدن مختلط بالصخور يعني حتى مش بتعمل له عمليه تنقيه معهاش فلوس خالص والدوله لما تبيع المعدن ماده خام ده تعتبر خساره كبيره كبيره كبيره لانها بتبيعه برخص التراب ثاني دوله مصر وثالث دوله الجزائر وعلى فكره الارقام للفهم ثاني معدن هو معدن المنجنيز الرمز بتاعه النجمه الخضراء اولى الدول العربيه في انتاجه دوله المغرب الدوله رقم اين مصر نروح بقى للمعدن الثالث الفوسفات الرمز بتاعه المثلث الازرق اولى الدول العربيه في انتاجه دوله المغرب بتنتج لوحدها 57% يعني اكت من نص انتاج الوطن العربي من الفوسفات والارقام للفهم ثاني دوله تونس وثالث دوله الاردن على فكره مصر مش واخده ترتيب في انتاج الدول العربيه من الفوسفات ولكنها بتنتج كميات كبيره جدا واكبر منجم فوسفات في مصر هو منجم ابو طرطور في الصحراء الغربيه وبيتم استخدام الفوسفات في صناعه الاسمده الزراعيه وال المبيدات الحشريه نروح بقى للمعدن رقم اربعه وهو معدن الرصاص والزنك اشمعنى بقى الاثنين مع بعض لانه بيتلا ازم وجودهما معا في الطبيعه الاثنين دايما نلاقيهم مع بعض يعني لو بتحفر لقيت رصاص اكيد هتلاقي زنك ولو انت بتحفر لقيت زنك اكيد هتلاقي معاه رصاص الاثنين دايما مع بعض والرمز بتاعه سمبوكسه سودا اولى الدول العربيه في انتاجه هي دول المغرب العربي اللي عماله تتكرر معانا كل شويه واولى الدول هي المغرب كمان موجود في دوله تونس ودوله الجزائر ودوله عمان اهو ده مكانها ودوله السعوديه على فكره بقى معظم اراضي الوطن العربي تقع ضمن اقليم مناخ الصحراوي اللي بيتميز بالحراره العاليه والجفاف يعني ما فيش امطار وده اثر على انتاج المعادن ازاي بقى يعني في معدن قلت لك عليه من شويه اسمه البوكست بيحتاج لتكوينه في باطن القشره الارضيه الى حاجتين حراره مرتفعه وامطار غز زيره الوطن العربي فيه ايه بقى حراره مرتفعه بس مافيش امطار غزيره فبسبب كده تخلو اراضي الوطن العربي من معدن البوكست بكده نكون خلصنا كلام عن توزيع المعادن في العالم وفي الوطن العربي تعالوا بقى ناخد سؤالين نحبس بيهم ونرجع نكمل مره ثانيه تعد اكثر الدول العربيه المناسبه لامكانيه الاستثمار في الصناعات الثقيله بها دوله ايه يعني انهو دوله عربيه ينفع اي رجل اعمال يروح يعمل فيها مشروعات صناعات ثقيله يعني الصناعات اللي بتعتمد على معدن الحديد اكيد طبعا هي اكت دوله عربيه بتنتج معدن الحديد دوله مين بقى بدون تفكير كده وبدون نقاش تبقى الاجابه ا دوله موريتانيا لانها لوحدها بتنتج ثلثين انتاج الوطن العربي من الحديد على فكره بقى الصومال واليمن وجيبوتي دول عربيه خاليه من المعادن وقلت لك اكتب المعلومه دي لانها مهمه جدا تعالوا بقى نحل سؤال كمان من اكثر الدول العربيه تنوعا في انتاج المعادن الاقتصاديه دوله مين في دوله كده اتكررت معانا كتير جدا واحنا بنتكلم عن المعادن في الوطن العربي دوله ايه بقى ليبيا لا طب تونس لا طب موريتانيا لا موريتانيا ذكرت مره واحده بس في الحديد وتونس مرتين انما دوله المغرب فيها معادن كتير فيها منجنيز وفيها فوسفات وفيها رصاص وزنك بس كده نرجع بقى لمرجوعنا ونكمل كلامنا عن الم عادن هنتكلم بقى عن المشكلات التي تواجه عمليه التعدين في الوطن العربي لازم بقى نعرف المشكلات عشان نشوف لها حل اول مشكله انخفاض كميه الاحتياطي من الخامات المعدنيه في الدول المنتجه الدول العربيه اللي بتنتج معادن كميه الاحتياطي من الخام اللي لسه موجود في باطن القشره الارضيه قليل فمع قطر الانتاج هيخلص المشكله الثانيه قله رؤوس الاموال الفلوس قليله وارتفاع تكلفه التعدين نتيجه لارتفاع تكلفه التقنيات الحديثه المستخدمه الاقمار الصناعيه والالات بتاعه التعدين بتحتاج فلوس كتير والدول العربيه مش كلها فيها فلوس المشكله الثالثه افتكار القوه العامله في القطاع التعديني للتدريب المتخصص العمال اللي شغالين في التعدين بالوطن العربي مش قد كده مش متدربين كويس يعني مش شاطرين ايه بقى الحل بتاع المشكلات دي كلها في جغرافيه التنميه بنقول على الحل اساليب اداره وتنميه الثروات المعدنيه في الوطن العربي اول حل التوسع في البحث والتنقيب عن المعادن ندور يمكن ربنا يكرمنا ولا معادن اكتر واستخدام التقنيات الحديثه في التعدين نستخدم بقى تقنيات حديثه زي الاقمار الصناعيه في البحث وكمان الات حديثه عند الحفر والتعدين عشان الموضوع يبقى اسهل واسرع الحل الثاني البحث عن بدائل للمعادن يعني مش لازم نستخدم المعادن في كل حاجه ممكن نستخدم بديل لها يعني على سبيل المثال ف وحل البلاستيك محل كثير من المعادن في الصناعه كالصناعات الهندسيه والانشائيه يعني مثلا انت اكيد لما يكون في عماره بتتبنى قدامكم او انت معدي من جنبيها بتلاقيهم بيستخدموا اسياخ حديد زي دي اسمها حديد التسليح دي بتتكون من الحديد الجماعه الصينيين بداوا يستخدموا بديل لها بلاستيك اسمه فايبر جلاس طبعا هو مش بقوه الحديد ولكن بينفع في استخدام الانشاءات اللي هي الخفيفه مباني صغيره مش لازم نستخدم فيها حديد ممكن الفايبر جلاس اللي هو البلاستيك الحل الثالث رفع كفاءه الموارد البشريه العامله بقطاع التعدين من خلال الدورات التدريبيه المتخصصه العمال اللي شغالين في مجال التعدين ندربهم عشان يكونوا شاطرين الحل الرابع الحد من تصدير الخامات المعدنيه بشكل خام ما نصدر المعدن خام زي ما بتعمل دوله موريتانيا واوعى تنسى معنى كلمه خام يعني المعدن مختلط بالصخور طب نعمل ايه يعني الاتجاه نحو تصنيعها مما يزيد من قيمتها الاقتصاديه نصنع الاول بعد كده نبيع فنكس اكتر الحل الخامس اعداد خرائط تعدينيه استثماريه لكل دوله بحيث تحتوي على معلومات تفصيليه عن كل المنشات الصناعيه التعدينيه والتحويل نعمل خرايط يعني تبين اماكن المناجم بتاعه المعادن وكمان المصانع سواء بقى اللي هي بتاعه التعدين اللي هي بتقوم بفصل وتنقيه المعادن عن الصخور او المصانع التحويليه اللي هي بتاخد المعدن تحوله بقى لمنتج ثاني يعني مثلا تاخد الحديد تعمل لنا منه عربيه او الات دي اسمها صناعات تحويليه الحل السادس والاخير دعم انشطه البحث العلمي واعداد الدراسات الجيولوجيه والاقتصاديه ندعم بقى العلماء او الناس بقى اللي هم لسه بيدرسوا يعملوا لنا دراسات جيولوجيه يشوفوا انواع الصخور والمعادن اللي بتحتو يمكن ربنا يكرمنا نلاقي معادن اكت زياده ونعمل بقى دراسات اقتصاديه نشوف المعادن دي تكفينا لكم سنه قدام ونحدد بقى كميه المعادن اللي هنستخدم استنزاف المعلومات دي كلها نعمل بيها ايه قواعد بيانات ونوفرها وجعلها متاحه للمعنيين في القطاعين العام والخاص يعني قواعد البيانات اللي هنعملها ينفع يطلع عليها الجماعه اللي هم بتوع الحكومه او رجال الاعمال بتوع القطاع الخاص يمكن كده يفكروا ويستثمر في مجال التعدين بكده نكون خلصنا كلام عن المشكلات اللي بتواجه التعدين في الوطن العربي والحلول المقترحه لها تعالوا بقى ناخد سؤالين نحبس بيهم ونرجع نكمل مره ثانيه تعد دوله موريتانيا اولى الدول العربيه انتاجا للحديد ما مقترحاتك لاستثمار موريتانيا خام الحديد الاستثمار الامثل ايه الحلول اللي تقترحها عشان دوله موريتانيا تستثمر الحديد افضل استثمار لانها بتبيعه خام مش بتستفيد منه بتبيعه برخصه تراب هنقول ايه بقى اول حاجه الحد من تصدير الحديد خام وتشجيع الاستثمار المحلي والاجنبي على الاستثمار في مجال تصنيع الحديد محليا يعني اي رجل اعمال عايز يستثمر في تصنيع الحديد لازم يصنع الحديد في دوله موريتانيا بعد كده يبيعوه فيكسبه اكتر الحل الثاني استخدام التقنيات الحديثه في مجال التعدين والتصنيع الحل الثالث رفع كفاءه الموارد البشريه العامله في قطاع تعدين وتصنيع الحديد تعالوا بقى نحل سؤال كمان اي مما يلي يعد سببا رئيسيا لقله عدد المستثمرين بقطاع التعدين في حاجه في الاختيارات تعتبر سبب رئيسي ان عدد المستثمرين في قطاع التعدين قليل طب قبل ما نروح للاختيارات عايز اقول لك معلومه تساعدك رجال الاعمال اللي هم الناس اللي معاهم فلوس عايزين لما يخشوا اي مشروع ما يصرفو كتير لكن عايز في نفس الوقت يكسب كتير يعني لو حط مليون يكسب خمسه او يكسب 10 انت متخيل فياي حاجه فيها صرف كتير بيبعد عنها تمام نروح بقى للسؤال بتاعنا اي مما يلي يعد سببا رئيسيا لقله عدد المستثمرين بقطاع التعدين ا ارتفاع تكاليف الانتاج يعني هيصرفوا كتير اه تنفع تكون سبب طب نشوف بقى الاختيارات يمكن نغير راينا ب قابليه المعادن للنفاد ان المعادن ممكن تخلص طب ما اي مشروع ممكن يخلص مش السبب يعني فتبقى غلط طب ج اختلاف الاهميه النسبيه للمعادن يعني في معادن مهمه ومعادن مش مهمه برده مش السبب ما يسيب المعادن اللي مش مهمه ويروح يشتغل في المعادن المهمه فتبقى غلط ما تنفعش طب دال انخفاض مستوى العاملين يعني العمال اللي شغالين في التعدين مش شاطرين طب ما يدربهم او يسيبهم خالص ويجيب عمال شاطرين فبرضه مش السبب ما تنفعش فتبقى الاجابه ا ارتفاع تكاليف الانتاج يعني هيصرف كتير فبيبقي التعدين ويروح يستثمر في الحاجات اللي مكسبها سريع و ريفها قليله يعمل كره سياحيه يشارك في افلام حاجات اللي هي اي كلام هقف معاكم لحد هنا عشان الحلقه ما تبقاش طويله وممله مش بحب الحلقات الطويله الا في المراجعات بس اتمنى بقى ان انتم تكونوا فهمتوا وانبسطت وفهمت كل حاجه ولو انت بقى كنت مركز معايا من اول الحلقه لحد دلوقتي فتعال بقى عشان تحل سؤال الحلقه اي من الاقاليم المناخيه الاتيه يتوقع ان تتم بها عمليات التعدين بسهوله اكثر ا الاقليم الصحراوي ب اقليم المرتفعات ج الاقليم المعتدل الدافئ د الاقليم المداري مستني بقى اجاباتكم في التعليقات وبس كده اكون خلصت ان عندي سؤال او استفسار اكتبه في كومنت وهرد عليك ان شاء الله وانتظروني الحلقه اللي جايه باذن الله وكان معكم مستر محمد فتحي والسلام عليكم ورحمه الله وبركاته ‏h