الثروة المعدنية ومصادر الطاقة خامسة ابتدائى الجزء الأول

السلام عليكم ورحمه الله حبايب قلبي ابطال خمسه ابتدائي في كل مكان في مصر منورين الدنيا بص يا حبيب قلبي بقى كده في الدرس بتاعنا الجميل اول درس من الوحده الثالثه بص يا حبيبي الدرس بيقول ايه الثروه المعدنيه ومصادر الطاقه يلا نفهم كده يعني ايه العنوان شوف يا حبيب قلبي في المكان اللي انت قاعد فيه لو بصيت حواليك كده في الاوضه او المكان اللي انت قاعد فيه هتلاقي في الاوضه اللي انت فيها معادن معادن هي ايه يا مستر المعادن دي معادن زي الحديد او زي النحاس او زي الفضه او زي الذهب المهم انك هتلاقي في المكان اللي انت فيه معادن طب يا مستر المكان اللي انا فيه دلوقتي ده فيه معادن حبيب قلبي عارف الجهاز اللي قدامي ده او السبوره او الشاشه اللي قدامي ده حبيبي جواها اكيد في معادن في حديد وفضه وحاجات من دي مصنوعه منها حلو قوي فانت لو بصيت حواليك في اي مكان هتلاقي المعادن موجوده لو نزلت الشارع هتلاقي العربيات والعواميد بتاعه الكهرباء كل دي عباره عن معادن موجوده حوالينا فاحنا بقى يا حبيب قلبي الايام دي بنعتمد على المعادن بشكل اساسي في الصناعه اي حاجه بنصنعها لازم تلاقي داخل فيها معادن لازم نصنعها من المعادن عربيه بقى طياره مش عارف ايه مروحه تكييف اي حاجه هتلاقي فيها معادن فعلشان كده يا اد المعادن دي مهمه قوي فاحنا النهارده جايين نتكلم عن الثروه المعدنيه عايز اعرف حاجه يا مستر هو احنا بنجيب المعادن منين يعني الحديد او الذهب او النحاس انا بجيبه منين؟ اتفقنا اتفقنا تعال بقى يا عم كده نبدا الدرس بتاعنا واحده واحده حته حته هنتكلم اولا عن الثروه المعدنيه في مصر يلا بقى ركز كده معايا ركز بقى كده معايا بيقول لك هنا ايه بص يا حبيبي تمتلك مصر كميات هائله يعني كبيره قوي من الثروه المعدنيه قلت له لا استنى عليا انا مااررفش اصلا يعني ايه اللي انت بتقوله ده قال لي بص يا مستر الارض بتاعه مصر لو انت حبيبي دورت وفحرت فيها هتلاقي معادن تحت الارض او هتلاقي معادن في الصخور بتاعه الجبال فارض مصر بتاعتنا مليانه معادن مليانه ايه معادن يا مستر المعادن دي زي ايه زي الحديد النحاس الدهب الفوسفات المنجنيز انواع كتير جدا من المعادن حلو بص لي بقى هنا كده يبقى اول حاجه في الدرس تمتلك مصر ايه كميه كات هائله من الثروه المعدنيه كميات كبيره من ايه؟ من المعادن اهو كمل بقى يا عم وتتوزع في مصر بشكل غير متساوي ايوه عايز افهم بقى الحته دي يعني ايه تتوزع في مصر بشكل غير متساوي يعني مصر فيها معادن اه صح ايوه صح بس انت ممكن تيجي تحفر في مكان ما تلاقيش معادن كتير تلاقي كميه قليله تروح مكان ثاني علشان تحفر تلاقي كميه كبيره جدا من المعادن فكده المعادن متوزعه في مصر بشكل غير ايه غير متساوي في مكان فيه كميه قليله مكان ثاني فيه كميه كبيره من المعادن يبقى اذا توزيع المعادن بيكون بشكل غير ايه؟ غير متساوي يعني مثلا يا مستر انا سمعت كده ان الدوله بتروح الصحراء الشرقيه عشان تستخرج من هناك معدن اسمه معدن الذهب ذهب المعدن ده بيجيبوه منين؟ من الصحراء الشرقيه حلو قوي طب انا يا مستر لو جيت فحرت جنب البيت بتاعنا هلاقي ذهب؟ اقول لك ممكن ما تلاقيش بنسبه كبيره ما تلاقيش علشان ايه يا مستر مش دي برده ارض مصر؟ ايوه دي ارض مصر لكن المعادن متوزعه في مصر بشكل غير متساوي يعني مكان تلاقي فيه معدن كتير قوي مكان ما فيهوش يبقى احنا عارفين يا اد ان مصر فيها كميات هائله من المعادن لكن المعادن دي بتتوزع بشكل ايه؟ غير متسا ساوي اهو بص بقى كده واذا تم استثمارها بشكل جيد فسوف يرتفع مستوى الدخل والمعيشه ممكن نفهم بقى الكلمتين دول يعني يا حبيب قلبي المعادن اللي عندنا في مصر دي لو احنا طلعناها يا اد واستفدنا منها صح وصنعنا منها حاجات صح واستثمرناها بشكل صحيح هيبقى معانا فلوس كتير قوي وهنبقى دوله غنيه والافراد اللي في مصر يبقوا اغنياء حلو يبقى الراجل هنا بيقول لك ايه اذا تم اذا تم استثمارها بشكل جيد لو قدرنا نستفاد من المعادن دي يا مستر بشكل كويس وبشكل جيد ايه اللي هيحصل يا عم ما النتائج قال لك فسوف يرتفع مستوى الدخل والمعيشه فسوف يرتفع مستوى الدخل والمعيشه يعني هنبقى اغنياء يا مستر ودوله غنيه ومش محتاجين حاجه كل اللي احنا محتاجين نعمله ايه ان احنا نهتم شويه بنشاط التعدين ايه ده هو يعني ايه نشاط التعدين انت قلت لي يعني ايه معادن لكن ما قلتليش يعني ايه تعدين بص يا حبيبي التعدين ببساطه معناه ان احنا نحفر نطلع المعادن او مصادر الطاقه من تحت الارض ده نشاط اسمه ايه؟ اسمه نشاط التعدين خلاص يعني انا يا مستر لو انا ماشي في الشارع ولقيت حد قاعد بيحفر في الارض وبيطلع من تحت الارض معادن يبقى ده كده بيشتغل في نشاط التعدين هو ده نشاط التعدين تعالى يا عم وركز معايا بقى ما المقصود بالتعدين يعني ايه تعدين قال لك التعدين ده عمليه استخراج اهو استخراج المعادن المعادن بس يا مستر لا ومصادر الطاقه ايوه بس احنا ماتكلمناش عن مصادر الطاقه ما هي دي بقى في الجزء الثاني احنا النهارده هنتكلم عن المعادن بس باختصار مصادر الطاقه اللي هي زي البترول والفحم والغاز الطبيعي تمام البترول اللي بنعمل منه البنزين والحاجات دي اتفقنا يا بطل يبقى دي مصادر الطاقه طيب تاني بقى يعني ايه التعدين عمليه استخراج المعادن ومصادر الطاقه من باطن الايه الارض يعني من تحت الايه الارض او بالقرب من سطحها يعني ممكن نطلع الحاجات دي من تحت الارض يا مستر من باطن الارض او بالقرب من السطح يعني مش نفحر كتير او مثلا من الجبال او كده فدي عمليه اسمها عمليه التعدين يلا قو لي كده حبيب قلبي يعني ايه تعدين هتقول لي بالبلدي اهو بالبلدي التعدين يعني نحفر في الارض ونطلع المعادن او مصادر الطاقه هو ده التعدين هو ده طب قول لي كده ما المقصود بالتعدين عمليه استخراج المعادن ومصادر الطاقه منين من باطن الارض او بالقرب من ايه او بالقرب من السطح طيب يلا بينا بقى يا حبيبي نكمل كده مصر دولتنا حبيبتنا ها اللي هي قدامنا دي مليانه ايه مليانه معادن ولكن بتوزعها بشكل غير متساوي بتوزعها بشكل غير ايه يا حبيبي غير متساوي انا عايز اعرف بقى يا مستر ايه هي المعادن اللي في مصر ومكانها فين يلا بينا يلا بينا بص يا عم هنبدا الاول بمعدن الحديد هل في حد فينا ما يعرفش ايه هو الحديد لا كلنا عارفين الحديد ده منتشر قوي ده ده اشهر معدن اصلا موجود ده موجود في كل مكان تعالى بقى يا عم الحديد ده يا هو اساس الصناعه الحديثه اساس الصناعه استنى يا مصر انت ليه بتقول على الحديد ان هو اساس الصناعه ليه ما بتقولش ان الذهب مثلا هو اساس الصناعه يا عم استنى الذهب مش موجود منه كتير لكن الحديد هو اللي منتشر وموجود منه كتير يا حبيبي انت لو بصيت لاي حاجه جنبك هتلاقيها مصنوعه من الحديد صدقني يا عم في كرسي اهو اهو كرسي اهو بخبط لك فيه اهو مصنوع من الحديد جنب اهو كل حاجه مصنوعه من الحديد حواليا فالحديد هو اساس الصناعه فانت لو عايز تعمل عربيه هتصنع العربيه من الحديد ولا من الذهب؟ من الحديد لان هو اللي موجود كتير هو اللي منتشر حلو يبقى الحديد هو ايه؟ اساس الصناعه الحديثه اي حد عايز يصنع حاجه بيصنعها من ايه؟ من الحديد قول معايا من الحديد طيب يا عم الحديد انت معدن اه طب بيطلعوك منين؟ قال لي يا مستر المعدن ده بيستخرج من الواحد حات البحريه ايه بقى يا اخويا الواحات البحريه دي ماعرفهاش لا نعرفها الواحات البحريه منخفض البحريه في الصحراء الغربيه ده احنا اخدناه في الوحده الاولى افتكر حلو بنطلعه منين من الواحات البحريه بالصحريه الغربيه معلش ثانيه واحده هي فين الواحات البحريه بص لي يا حبيبي على الصحرايه الغربيه كده ها شفتها يبقى الواحات البحريه هنا يبقى من الحته دي يا بابا بنستخرج معدن الحديد يبقى احنا بنطلع الحديد منين من الواحات البحريه في الصحراء الايه الغربيه تعالى يا عم الحديد هو احنا لما بنطلعك بنعمل بيك ايه؟ يعني ايه اهميتك؟ قال لي يا مستر اهميه الحديد انه بيدخل في عديد من الصناعات صناعات كتير قوي بتعتمد على الحديد ومن غير الحديد ما تشتغلش تمام ومنها ايه بقى؟ قال لي عندك مثلا السكك الحديديه السكك الحديديه بتاعه القطارات دي يا مستر بتبقى معموله من الحديد لازم حديد لازم ايه؟ لازم حديد الحديد اهو دي حاجه من الحاجات رقم اثنين الالات الثقيله الالات الثقيله ونش بقى عربيه مش عارف ايه ايه الات بقى ثقيله بتتصنع برده من ايه من الحديد يبقى انا عندي الحديد ده مهم ايوه مهم ليه بيدخل في عديد من الصناعات يعني صناعات كتير طب ما تقول لي كده زي ايه اديني مثالين بس زي السكك الحديديه وزي الالات الثقيله يلا يا حبيبي كده كلمني عن الحديد الحديد الحديد هو اساس الصناعه اساس الصناعه الحديثه اجيبه منين المعدن الحلو ده من الواحات البحريه في الصحراء الغربيه طب هو الحديد بيتعمل منه ايه بيدخل في صناعات كتير ايوه زي ايه زي السكجك الحديديه او الالات يا عم او الالات التقيله طيب سيبك من الحديد تعالى على النحاس يا مستر النحاس ده بقى انا ماعرفوش انا اعرف الحديد لا يا حبيبي استنى انا اراهنك ان المكان اللي انت فيه دلوقتي فيه نحاس فين ده يا حبيبي ده النحاس ده جوه اسلاك اسلاك الكهرباء عارف اسلاك الكهربا جواها بقى جوه السلك كده او السلك من جوه بيبقى عباره عن نحاس يعني انت لو جبت سلك كهربا بس مش توصل بالكهرباء لو جبت سلك كهربا وقشرته هتلاقي جوه نحاس تعالى يا عم اهو بيقول لي ايه النحاس ده من اقدم المعادن التي عرفها المصر القديم فاكر فاكر عصر المعادن عصر المعادن بدا لما المصر القديم اكتشف ايه النحاس ده معدن قديم قوي يبقى النحاس من اقدم المعادن التي عرفها المصر القديم حلو اجيب منين النحاس يستخرج منين من محافظه البحر الاحمر محافظه البحر الاحمر تقصد الصحراء الشرقيه يعني طب ما توريني كده تعالى يا عم فين محافظه البحر الاحمر اهي المنطقه اللي جنب البحر الاحمر دههي اسمها محافظه البحر الاحمر تمام كده يعني جنب البحر الاحمر فهنا بقى يا حبيبي هتلاقي معدن ايه هتلاقي معدن النحاس يبقى النحاس اهو النحاس اهو في مفتاح الخريطه اللي هو المربع الاحمر ده اهو النحاس بتطلعه من هنا من محافظه البحر الايه؟ من محافظه البحر الاحمر يبقى يستخرج النحاس من محافظه البحر الاحمر كمل يا عم بقى معايا لما بطلع النحاس بعمل بيه ايه اهميته ايه يستخدم في صناعه اسلاك الكهرباء والسبائك زي ما قلت لك صناعه اسلاك الكهرباء سلك الكهرباء جواه نحاس والسبائك اللي هي سبيكه النحاس سبيكه الايه قطعه النحاس يعني سبيكه النحاس طيب تعالى يا عم رقم لاثه الذهب ايوه بقى حبيبنا بقى بص الذهب لما بيطلع من تحت الارض بيبقى عامل كده عشان تبقى فاهم كتله ذهب اهي طالعه من تحت الارض تعالى بقى الذهب ده من المعادن النادره يعني ايه المعادن النادره يا مستر يعني هو موجود بس مش بكميات كبيره يعني الدهب موجود ايوه موجود لكن مش منتشر فعشان كده بقول عليه من المعادن النادره حلو قوي طيب بنجيب منين الدهب يا مستر قال لك يستخرج من منجم اسمه منجم السكري يعني ايه منجم؟ منجم ده يعني مكان مليان بالدهب وهم شغالين فيه وبيطلعوا منه الذهب فده بسميه منجم حلو اسمه منجم السكري في الصحراء الايه؟ الشرقيه يبقى انت لو رحت الصحراء الشرقيه على منجم اسمه منجم السكري هتلاقيه مليان بايه؟ بالدهب والدوله هناك بتطلع منه ايه؟ الذهب اوعى تروح انت تطلع الدوله بس هي اللي بتطلع فبص لي هنا يا عم كده ادي الصحراء الشرقيه هنا كده بقى يا حبيبي موجود مانجا من الايه؟ موجود منجم السكري يبقى من هنا بيتم استخراج الذهب طب وانت هنا في الخريطه كده يا حبيبي ما تقول لي كده يا بطل الابطال قو لي كده هو النحاس بنطلعه منين افتكر معايا ايوه ايوه سامعه ها من هنا من محافظه البحر الاحمر طب الحديد بنطلعه منين ايوه من الواحات البحريه ايوه كده جدع طب الذهب منين من الصحراء الشرقيه عند مناجم الايه السكري عند مناجم السكري طيب يا عم الدهب احنا لما بنطلعك بنعمل منك ايه؟ اهميتك ايه؟ يستخدم في صناعه الحلي ويدخل في علاج بعض الامراض الحلي الحولي اللي هو ايه يا مستر؟ الحولي يا حبيبي زي ما بيقول كده بباد الشبكه بقى غوايش خواتم حلقان سلاسل دي الحاجات دي اللي هي ادوات الزينه دي اسمها الحولي اتفقنا فبنصنع الحلي من الذهب وبيقول لك ان الذهب كمان بيدخل في علاج بعض الامراض زي مثلا امراض السرطان امراض السرطان دي يا حبيبي اكتشفوا لها علاج من خلال الدهب بيجيبوا ها الذرات الصغيره جدا بتاعه الذهب وبيحقنوها في جسم المريض وبيعملوا عمليه كده يعني انا مش عايز اشرحها لك طويله عليك قوي فبيحقنوا بقى الذرات في جسم المريض وكده فالمهم في النهايه بتعالج امراض وحشه زي مرض السرطان يبقى الذهب برده بيستخدم في علاج بعض الايه؟ بعض الامراض حلو يبقى احنا كده خلصنا الحديد والنحاس والدهب تعالى بقى يا عم المعدن رقم اربعه الفوسفات طيب بنجيب منين؟ الفوسفات يا مستر بيستخرج منين؟ من منطقه اسمها منطقه ابو طرطور في الصحراء الغربيه. من منطقه اسمها منطقه ابو طرطور في الصحراء الغربيه. اضحك اضحك. تعالى بقى يا عم كده واحده واحده. ادي الصحرائيا الغربيه عندي فين منطقه ابو طرطور؟ اهي يبقى اذا من هنا بيستخرج معدن اسمه معدن الايه؟ الفوسفات يبقى معدن الفوسفات يا مستر بيستخرج من منطقه ابو طرطور في الصحراء الايه؟ الغربيه. طيب انا بعمل ايه بالفوسفات ده؟ الفوسفات يا اد بيستخدم في صناعه الاسمده الكيماويه والمبيدات الحشريه واحده واحده الاسمده الكيماويه دي اللي الفلاح بيرشها في الارض او بيديها للارض علشان الارض تبقى خصبه اكتر والنباتات تطلع بسرعه كده وتبقى حلوه وجميله فدي اسمها اسمده كيماويه بنصنع الاسمده من ايه؟ من الفوسفات طيب طب ايه هي بقى المبيدات الحشريه؟ قال لك يا حبيب قلبي المبيدات الحشريه شفت يا عم مثلا لما يبقى عندك ايه؟ ايوه ثانيه واحده اهو لما يبقى عندك حشره وحشه زي الدبانه فتقوم ايه ترشها كده علشان تقوم مموته فده اسمه مبيد حشري ده اسمه ايه مبيد حشري فهي دي يا عم المبيدات الحشريه بتتصنع من ايه يا عم بتتصنع من الفوسفات طيب كده احنا خلصنا كام معدن؟ اربع معادن يلا نفتكرهم تاني الحديد اشهر المعادن النحاس اقدم المعادن الذهب المعادن النادره زي الذهب والفوسفات اللي بنصنع منه الاسمده الكيماويه والمبيدات الحشريه تعالى بقى يا عم رقم خمسه المنجنيز يلا معايا بقى كده طيب معدن المنجنيز ده بنجيبه منين؟ قال لك بنجيبه من منجم اسمه منجم ام بجمه في شبه جزيره سيناء بنطلع المنجنيز من ام بجمه تعالى ادي شبه جزيره سيناء قدام اهي فين ام بجمه هنا كده فخد بالك يا حبيبي في الخريطه لو حط لك رقم هنا وقال لك واحد يستخرج معدن نقط قول له المنجنيز لان المنجنيز بنطلعه من شبك زير السيناء من منجم ام ايه ام بجمه يبقى احنا بنطلع المنجنيز منين يا اد من ام بجمه في شبك زل سيناء طيب لما بنطلع المنجنيز بنعمل منه ايه يعني اهميته ايه يدخل في صناعه الصلب والدهانات الصلب الصلب ده معدن اقوى وانشف من الحديد احنا بنعمله بنعمله من ايه من المنجنيز تعالى الدهانات ايه هي الدهانات دي؟ دهانات الجدران يا حبيبي شفت الشقه كده لما نيجي ندهنها تمام لون احمر لون اصفر لون اخضر زي ما بتدهنها الدهانات دي بقى نفسها بتتصنع من المنجنيز يبقى المنجنيز اهميته ايه؟ اقول له يدخل في صناعه الصلب والدهانات يدخل في صناعه الصلب والدهانات يدخل في صناعه الايه؟ الصلب والدهانات طيب دي يا مستر كده الخمس معادن المشهورين اللي عندي احفظهم بقى زي اسمي طب اعمل ايه تاني؟ بص يا حبيبي لازم تبقى فاهم حاجه دولتنا حبيبتنا بتطلع المعادن من تحت الارض عمليه اسمها عمليه التعدين فاحنا بنطلع المعادن دي وبنستخدمها ونستفاد بيها طب احنا بنستخدم المعادن في ايه يا مستر؟ بنستخدم المعادن في الصناعه تعالى بقى كده اهو فلو قال لك بما تفسر اهميه المعادن اقول له تدخل المعادن في صناعه عديد من الادوات والاجهزه ادوات واجهزه كتير قوي زي ما قلت لك منتش شري حواليك في كل حته ها بتتصنع من المعادن يبقى تدخل المعادن في صناعه عديد من الادوات والايه والاجهزه التي نحتاجها في حياتنا اليوميه صدقني يا حبيبي انا مش عارف ايه الحاجات اللي حواليك بس انا عايزك تمشي كده في الشقه هتلاقي اغلب الحاجات اللي موجوده عندك في شقتك مصنوعه من معدن سواء نحاس سواء حديد سواء المونيا هتلاقي معادن كتير يا عم طيب يبقى لو قلت لك اهميه المعادن ايه هتقول لي يا مستر المعادن دي بتدخل في الصناعه طب صناعه ايه صناعه عديد عديد من الادوات والاجهزه طيب اللي بنحتاجها في ايه في حياتنا اليوميه انا اللي فهمته منك بقى دلوقتي يا مستر ان انا المفروض اجي بقى ايه اطلع كل المعادن اللي في الارض وافضل بقى استخدمها في الصناعه صناعه صناعه صناعه صناعه علشان نبقى معانا فلوس ونبقى دوله غنيه اقول لك استنى يا حبيبي لازم نستخدم او نطلع المعادن من تحت الارض بس بالراحه ما نخلصهاش يا مستر ما نخلصهاش ليه واحنا هنعين المعادن اللي تحت الارض دي لمين؟ اسمع يا حبيبي بيقول لك ايه؟ لاحظ ان ترشيد استهلاك المعادن حق من حقوق الاجيال القادمه لانها من الموارد غير المتجدده ولا فهمت منك كلمه قصدك ايه؟ قصدي اقول لك ان المعادن بتخلص المعادن ايه؟ بتخلص يعني ايه بتخلص يعني حضرتك كل ما هتطلع المعادن من تحت الارض المعادن دي مش هتتعمل تاني انت كده بتخلصها طب وايه يعني لما اخلصها ما اخلصها واستفاد واكسب فلوس وابقى مرتاح وجميل لا يا حبيبي طب والاجيال اللي لسه هتيجي الدنيا ها والناس اللي لسه هيتولدوا ولسه هيجوا اللي هم الاجيال القادمه يجوا مصر ما يلاقوش فيها معادن انت كده بتيجي عليهم انت كده بتضيع حقهم فعلشان كده انا هنا بقول لك اهو ان احنا لازم نرشد استهلاك المعادن ما نطلعش المعادن ونخلصها لازم نرشد استهلاك المعادن ليه؟ لان ده حق من حقوق الاجيال الايه؟ القادمه يعني ببساطه يا حبيبي احنا نستخرج المعادن اه ونستخدمها في الصناعه لكن ما نقعدش بقى نطلع المعادن كده عمال على بطال ونرميها في كل مكان لا لازم نرشد ايه استهلاكها ليه؟ لانها حق من حقوق الاجيال القادمه وان الموارد المعدنيه ديت يا اد هي موارد غير متجدده يعني ايه؟ غير متجدده يعني بتخلص غير متجدده يعني ايه؟ يعني بتخلص طيب يا حبايبي احنا كده عرفنا كل حاجه عن المعادن ما تيجي بقى نحل السؤالين دول مع بعض وانت تحاول تحل قبلي وتشوف فهمتوا ولا ما فهمتش تعالى يا عم اول حاجه صح وغلط يلا يستخرج المنجنيز من منجم السكري انا مش هحل حل انت يلا ها المنجنيز بنطلعه منجم السكري صح ولا غلط ايوه غلط غلط ليه لان منجم السكري ده يا مستر اللي بنطلع منه الذهب يبقى بدل المنجنيز هنكتب الذهب كمل يرتبط الفوسفات بنشاط الزراعه يلا فكر وحل يرتبط معدن الفوسفات بنشاط الزراعه ايه رايك؟ ايوه صح ليه؟ لان الفوسفات بيصنع منه الاسمده الكيماويه والمبيدات الحشريه اللي بتستخدم في الزراعه تعالى يا بطل اكمل العبارات التاليه بما يناسبها من كلمات يلا كده نكمل يستخرج معدن الذهب من الصحراء الايه الذهب ايوه انا عارف ان احنا بنطلعه منناجم السكري من الصحراء الايه بقى من الصحراء الشرقيه جميل يلا يدخل في صناعه الصلب والدهانات معدن ايه معدن ايه اللي بنستخدمه في صناعه الصلب والدهانات ايوه معدن المنجني برافو تعالى يا عم بما تفسر اهميه كلا من اهميه معدن النحاس احنا بنستخدم النحاس في ايه؟ في صناعه ها الاسلاك الكهربائيه والسبائك برافو طيب فسر اهميه منجم السكري منجم السكري مهم ليه؟ يستخرج منه ايوه قول بقى معدن الذهب برافو عليك يستخرج منه معدن الذهب يبقى كده حبايب قلبي احنا خلصنا الجزء الاول الخاص بالمعادن. في الجزء الثاني بقى يا عم هنتكلم عن مصادر الطاقه. وعلشان يوصل لك الجزء الثاني لازم تكون عامل اشتراك للقناه وتعمل لايك للفيديو علشان يوصلك الجزء الثاني. اشوفكم في الجزء الثاني على خير يا حبايب قلبي. جود باي. ‏H