جبل الجن وليد قصص

يقولون الاولين لا تغرك الجمعه لا طاحت الشمس بانت ه قويهم وعلى ما يبدو عزيزي المشاهد بان هذا المثل كان يحاكي واقع قديم جدا عاشته العرب في حقبه من تلك الحقب لدرجه انه صار صعب جدا جدا جدا انك تميز مين الشخص اللي واقف بصفك ومين اللي يودك الحاجت في نفس يعقوب الين ياخذ حاجته ثم يبيعك في اقرب موقف حقيقي راح يصير بينك وبينه تخيلوا انه مثل هذه المواقف اللي ذكرتها لكم صعب جدا يميزها الرجل كبير السن والواعي والعاقل فما بالك اذا كان المستهدف هو مجرد طفل عمره ما تجاوز ال 17 سنه والادهى من هذا وذاك انه مصلحتهم ما كانت لاجل فلوسه او على الاقل سيارته لا لا لا لا الامر كان اشد خطوره وبمراحل عزيزي المشاهد لان وصاحبنا اللي بنتكلم عنه اليوم كان امام موعد مع اسطوره من اساطير جزيره العرب واللي بالمناسبه قد تعتبر اولى تلك الاساطير رحله استكشاف كانت متجهه الى احدى اخطر جبال المملكه العربيه السعوديه ومنذ اكثر من 70 عام يعني عزيزي المشاهد بدون اي احتياطات للسلامه عن جب الحرفه اتحدث فخلونا مع القصه ولكن قبل لا نبدا قصتنا هذه عزيزي مشاهد اعتقد انه من الواجب علي تجاهكم انه ما ابدا القصه قبل تعرفون عن اي اسطوره اتحدث وليش هذه الاسطوره بالذات كانت اول اسطوره مثلا فعل شان اجاوب على اسئلتك هذه خليني اتكلم بنبذه بسيطه عن هذه الاسطوره واللي من خلالها راح تدخل معي بجو القصه فعرس معك عزيزي المشاهد حتى تنتبه الاسطوره اللي بتكلم عنها اليوم تعتبر واحده من اكثر الاساطير اخافه منذ ان خلق الله عز وجل الارض والسبب بكل بساطه عزيزي المشاهد هو انه اقدام هذه الاساطير كانت اولى الاقدام التي وطات هذه الارض ايوه نعم انا اتكلم لك عزيزي المشاهد عن اسطوره الحن او مثل ما تسمى عند البعض باسطوره اقزام الجبل طبعا انت لازم تعرف ان الاسطوره هي الشيء اللي يتداوله الناس في ما بينهم البين الا انه ما في واقع وما في دليل ملموس على صحه وجودها ولكن الحن لا يا صاحبي في دليل وفي دليل صريح ومع ذلك ما زلنا نسميها اسطوره لان الكلام اللي يشاع عنها ما ثبت لا في الكتاب ولا في السنه الا انه من الاسرائيليات الاسرائيليات التي قال عنها الرسول صلى الله عليه وسلم لا تصدق ولكن بنفس الوقت لا تكذب وانما تروى للفائده واذا تبي الصدق علىشان كده تعتبر مخيفه فحينما خاطبت الملائكه ربها فقالت ات اجعلوا فيها يقصدون الارض من يفسد فيها ويسفك الدماء لما خلق الله عز وجل الارض جعل فيها قومين قوم يقال لهم البن وهذول يقال بانهم بشر بدائيين لابعد درجه ما يفكرون ولا عندهم عقول زيهم زي الحيوانات تكرمون وخلق كذلك اقوام اخرون يقال لهم الحن ويقال بان الحن هم اللي يعتبرون الان اجداد الجن الموجودين لان الجن جميع خرجوا من نسلهم واللي يعزز مقوله انه البن يعتبرون بشر لما قالت الملائكه ويسفك الدماء والمعروف ان الجن ما لهم دم فهكذا الاسرائيليات قالت ولكن لو نبي ننتقل كلامهم بعد راح نعرف تفاصيل كثيره عن الحن يقال انه الحن كانوا يسكنون في السهول وين ما تبغى الحن دورهم في السهول بتلقاه فلما كانت تنشب معارك بينهم وبين البن البن لما كانوا يبحثون عنهم ما يتعبون يروحون لاي ارض سهله ويحصلون هناك الا ان الحن اسرفوا في دماء البن الين جاء الامر الالهي بانهم يفنون عن بكره ابيهم الا من رحم ربي ومن ابقاه لحاجه فنزلت الملائكه فصارت حرب عظيمه جدا في بدايه تكوين الارض ابادت جميع من كان موجود عليها الا فئه قليله جدا من الحن اللي اللي عرف واحد منهم بان الملائكه تبحث عنهم في السهول فخرج بفكره ذكيه جدا وهي انهم يتوجهون الى رؤوس الجبال واللي نفعهم في هذه الخطه انهم كانوا سريعين جدا وكانوا اقزام فما يلاحظون بل ويقال انه ابطهم كان يحتاج عشان يقطع الارض بشكل كامل قرابه الاسبوع يا لطيف والسرعه ومثل ما قلت لكم قبل شوي كانوا كذلك اقزام وكانت اشكالهم بشعه بشي عالي ابعد درجه ولهذا السبب الله عز وجل اعطاهم قدره عاليه جدا في الت شكل للكائنات اللي من حولهم لدرجه انه لما خلق الله عز وجل ادم اقدروا انهم يتشكلون على صورته وعلى صوره كذا شخص من البشر ولكن اللي يدقق صح راح يعرف انهم انهم جن والسبب ان الله عز وجل قال لقد خلقنا الانسان في احسن تقويم عارف شش اللي يخوف بالموضوع هو لما تشوف شخص قدامك يسالك عن حاجه ثم يسكر الباب ويروح فتكتشف انه هذا الشخص ميت ايوه نعم ما يتشكلون على صوره احياء ولو انك كنت نبيه وذكي ودققت في هذا الرجل اللي كنت اعلم انه ميت ش جابه الحين يعني ترى انا اقول كلامي هذا اذا انت لسه منت خايف فبتلاكي شعره اللي بتكون غريبه نوعا ما بالنسبه لك بتلاحظ كذلك انه ما راح يطالع فيك بشكل مباشر لانه عيونه فيها عيب ولو ما انتبهت على هذا كله شفه اذا جايب يسكر الباب ويمشي بتلاحظ انه مشيته كذلك فيها عرج وانت عارف صاحبك الاول ما كان يعرج واما اذا شفت نوع معين فسلم لي على روحك عزيزي المشاهد اذا كنت جالس في يوم من الايام ومرك رجل وانت تعرف هذا الشخص فسالت عن حاجه وبديت ادقق فيه ولا ولا الرجال هذا ميت شو الاجابه عندي انا اتوهم ولا ولا هذا جن نصيحتي لك في هذا الموقف طالع يدينه اذا شفت انه مخبي يد كامله تحت رداءه حتى انك ما تطالع فيها فاعرف انك امام اخطرهم وادها ذكاء بل ويقال انه هذا الشخص من احفاد ذاك اللي اللي نصحهم يروحون للجبال ولكن علشان تطمن عزيزي المشاهد اذا انت تعيش في ارض ما فيها جبال فيعني ترى نسبه انك تشوفهم ضئيله جدا واما بالنسبه للناس اللي ساكنين حولهم جبال فيعني الله يعينك والله نصيحتي الوحيده لك حاول لا تطالع في رؤوس الجبال بعد الساعه 12 بالليل لانك اذا لمحت نار سلام عليكم واما الان وبعد ما عرفنا بعضا من تفاصيلهم خلونا نتجه تحديدا الى النماص لانه تفاصيل قصتنا راح تكون هناك فيلا نبدا يروي لنا هذه القصه عزيزي المشاهد رجالا يقال له طلال طلال يقول وليد انا الان عمري يقارب ال 30 سنه والله اني جالس اكتب لك الرساله وانا بالضبط امام منزلنا القديم في النماص وتحديدا بعد ما وقعت على ورقه البيع لاني خلاص ابارح للرياض ولا عاد لي رجعه هنا الا اني لما طلعت للجبل اللي صاير قدامي بالضبط اتكلم عن جبل حرفه او مثل ما يسمى عند البعض بجبل حرفه ولكن راوي القصه قال لي حرفه فانا بمشي مع راوي القصه يكمل طلال ويقول يا وليد ابروي لك القصه اللي بدات تحديدا من لما كان عمري 15 سنه كنت ساكن في هذا البيت اللي انا موجود الحين قدامه انا وابوي وامي عيشتنا لطيفه جدا يقول نطلع مع الجماعه اللي حولنا وكل مشغول في نفسه يقول نرعى حلالنا مع فجه الضوء وعند مغيب الشمس قبل ما تغيب بشيء بسيط احنا راجعين ولامين حلالنا ومضبوط يا وليد قبل انك تكلمت عن انه الناس في في الليل ما تطلع لا لا لا احنا نطلع ولكن ما يطلع فينا الا الرجال البالغ اما اللي تو صغير فكنا نحرص كل الحرص انه ما يطلع حتى انه ما يضيع ما يضيع او سبب ثاني ما ادري ولكن كده شيباننا قايلين لنا انه لا احد يطلع لانه ببساطه را يضيع واحنا يا شباب يعني ندري ان الجبل هذا يخوف ونسمع من سوالفه ولكن ما اعتقدنا انه هذا السبب الرئيسي اذكر ان كنا مستمرين على وضعنا هذا ولا عندنا من الشيطان طاري الين جا يوم من الايام اذكر في ذاك اليوم كنت توني راجع انا وابوي ونسوق الحلال نبي نرجعه للبيت والعالم اللي حولنا اللي رجع حلاله واللي ورانا توه ما وصل وانا قاعد اسولف مع ابوي ولاعندي من الشيطان طاري لين سمعنا صرخه والله لو زادت نبرتها شيء بسيط يمكن اخترقت طبلات اذاننا صرخه صرخه كانت عاليه ومخيفه لدرجه ان بدينا نتلفت ومع كثره تلفتنا عرفنا انها طالعه من واحده من البيوت اللي صايره جنب بيتنا فلما دققنا ولا والله هذه الحرمه يوم طلعت من البيت وهي تصيح تصيح وتنادي وتقول ولدي ولدي وينه احد شاف ولدي ولدي ضاع يا ويلي ولدي ضاع هي قالت كلمتها ذي ولا ما قالتها العالم كلها اختب وكل قام يدور من عنده وين اخر مكان شفتيه ما شفتيه الوالد عزيزي المشاهد لما سمع هذا الكلام شبص اي بي معنا يقول صلب جسمه ولف راسه جهه الجبل وبدا يطالع فيه انا طلعت بالوالد وطلعت بالحرمه وطلعت بالناس يقول عقلي مندوش والله ما ادري ايش اسوي لدرجه اني قلت يبا يبا الولد ضايع شش فيك ابوي ما كان يرد علي وكل اللي مسويه انه مصلب جسمه ويطالع جهه الجبل وتحديدا الى راس الجبل والشمس عزيز المشاهد كل ماالها تغيب اكثر واكثر واكثر انا يا جماعه من ربكه الموقف ما كان مني الا اني اترك ابوي واتوجه مع الناس وابحث عن ولدها جلسنا قرابه النص ساعه الجميع مستنفر ويبحث عن هذا الطفل الطفل اللي بالمناسبه عمره ست سنوات واللي ولله الحمد والمنه لقيناه خلف شبك ورا حد البيوت واول ما لقيناه حنا اللي ننادي امه وامه تركض وتضمه وتضربه وترجع تضمه وينك وليش طلعت وخايفه عليه طلال يقول هذه اول مره في حياتي اشهد فيها حاله اختفاء والحمد لله انها عدت على خير الا انه المشهد كان بشكل عام يعني مربك نوعا ما مالكم بالطويله انا قررت في ذيك اللحظه اني ارجع للوالد وبشره واول ما وصلته ولا على نفس وقفته ويطالع في جهه الجبل وانا اللي اقول له يبا يبا يبا رد علي يبا تحسبون انه محاولاتي هذه خلته يلتفت علي لا يا صاحبي هو ما زال يطالع في الجبل الين قررت اني اقول له يبا لقينا الولد بالشرك لقيناه وهو اللي يصحصح ويطالع فيني يقول لقيتوه فقلت الله الله فقال وين لقيتوه فقلنا ورا شبك ابو فلان رجال شايب حولنا فقال الحمد لله الحمد لله الحمد لله يقول عينه على الجبل ثم قال يلا يلا نسوق الحلال واحنا اللي نسوق حلالا ونوصله للبيت وندخل داخل انا واشم من الموضوع الا انه يعني ما كان عندي ذاك الفضول فما سالت الشاهد اني لما تعشيت وخلصت من العشاء قررت اني اطلع كالعاده مع اخوياي نطلع برا نسمر يقول مسوي لنا جلسه بسيطه نجلس فيها يوميا بحكم انه يعني ما نتقابل الا كل يوم بالليل يعني الصباح مشغولين مع هالينا انا يا جماعه طلعت معهم ورجعت زي كل مره تقريبا على الساعه 10 بالليل 10:30 واول ما فتحت الباب والصدمه العظيمه انه انه ابوي كان موجود وجالس وفرش له فرشه في الحوش وماسك فنجاله يقول ويحركه يقول احفظ الى الان تفاصيل وجهه يحركه بيده زي كذا وعينه على الجبل فطلعت فيه وقلت يبا ما نمت انت للحين ابوي ما رد علي يا جماعه فرجعت وسالت السؤال هذا مره ثانيه وطالع فيني وقال لا يا ولدي ما نمت وانا اللي اتقدم بشويش لين جلست معه في نفس الفرشه وطالعت فيه وقلت يبا ودي اصارحك بحاجه فطالع فيني وقال ش يا ولدي فقلت يبا في موضوع يعني ودي اسولف لك عنه انك تزعل علي فقال قل يا ولدي فقلت يبا انا تراني واعي للي صار يبا انا صار اليوم كذا وكذا وكذا فبديت اعدد له الحاجات اللي هو سواها واعتقد انه ما كان منتبه لنفسه انه سواها الين وصلت لنقطه انه ترى يا يبا بالعاده انا احصلك نايم زي هذا الوقت ولكن انت كنت قاعد ومع ذلك كنت طالع في الجبل يبا يعني ش العلم علمني ابوي في ذيك اللحظه قرر انه ما يرد علي لانه يعني ما لكم بالطويله تجي مرات حاله ما يبغى يرد على حد فيها فتفهم ت هذا الموضوع وانا اللي اسحب نفسي بشويش واتوجه لفراشي وانام ويعدي ذاك اليوم على خير لدرجه ان اليوم اللي بعده قمت والوالد نشيط واعاونه ويعاون ونشتغل مع بعض ونرجع يقول مرت عقب هالسالفه تقريبا يمكن ما ادري سبع سنين حلوه السبع سنين انا صحيح ما اذكر المده الا اني اذكر ان الوالد صار خلاص كبير فسن وعاد في حيل ففي يوم من الايام وانا طالع اسرح بال الحلال الحالي رجعت للبيت والصدمه العظمى ان الوالد كان تعبان تعب شديد فلزمته الا انه نهرني ونهاني الا اني ارجع وارعب الحلال من ثاني يوم فما كان مني الا اني اطبق وصه الوالد وارعب الحلال الا اني لما رجعت للبيت كانت هذيك يمكن اخر وصيه سمعتها من ابوي لانه شاء الله عز وجل ان الوالد يكون الوالد توفى عزيزي المشاهد انا يا جماعه كنت اعتقد يعني انها وفاه طبيعيه وانا توني شاب عمري تقريبا 22 سنه فصلينا عليه ودفناه وبديت استقبل الناس في بيتنا البسيط للعزاء الا انه الشيبان اللي كانوا يجون كانوا دائما يرددون كلمه ويقولون ايه راح الله يرحمه عز الله انه عان عز الله انهم اتعبوه يقول انا يوم قال اتعبوه طالعت في الشايب ولا في شايب جنبه لعله تنبه فندف بيده فقلت هاه بسم الله الرحمن الرحيم انا قلت يا جماعه ها شو السالفه مين اللي تعب ابوي انا عقلي راح الى منحنى ثاني تماما قلت ابوي كيف تعب يمكن ان ما تعب كبر سن يمكن في ناس كانت تاذيه وهي اللي تعبته وهي اللي كانت سبب موته وانا الليي امسك الموضوع هنا براسي وانتظري لين انتهى العزا وتحديدا بعد ثالث يوم وانا اللي ادخل على الوالده واقول يمه ش العلم فقالت ايش فيك ولدي فقلت يما هال العزا صار فيه كذا وكذا وكذا العلم يما وش من اللي تعب ابوي انا ادري والله والله ان ت سدرين عن العلم ف علميني الحين ولا تراني شكلي بلي رجال ما كنت هاضمه والظاهر انقضي عنده فبدات امي تهديني وتقول يا ولدي عين خير والله العظيم ان ابوك اجودي ولا بينه وبين الناس مشاكل يحبهم ويحبونه ولا عندهم من الشيطان طاري فلع اللي قلت يمه الكلام هذا ما يوكل عيش اللي ذى وابويا بعرفهم ولا والله العظيم اني لاعيد بهك الرجال ولاخلي دم ابوي ينشف الا والله وانا ماخذ ان قضاه ولا امي تحاول تهديني وتقول يا ولدي لا تنجن والله العظيم ان ابوك ما بينه وبين احد شي عين خير فقلت حلو حلو ما تبين تقولين لي ها وانا اللي اخذ الجنبيه واجيب اطلع من البيت وهي اللي تناديني وتقول داخله على الله ثم عليك انك ترجع ارجع تكفى ارجع وتسحبني الين رجعت وجلست وقالت بقول لك بقول لك خلاص عين خير ولكن ما راح اقول لك الحين بقول لك بعد ثلاث وكانت تقول لي تحديدا تراني بصوم ثلاث ايام وفي صباح اليوم الرابع بناديك وبعلمك العلم انا يوم فكرت بالموضوع وقلت هاه ثلاث ايام ما هي بعيده والرجال ماه برايح مير تم ابى انتظر الثلاث ايام وبسمع منس العلم فبديت اراقب الوالده خلال الثلاث ايام وهي اللي كانت تصوم طول نهارها وتستغفر فيه طول الليل وتصلي مرت عليها ذا الحاله يقول ثلاث ايام كامله وفي اليوم الرابع انا خلاص ماعد فيني دم ابي اسمع من امي وهي تقول لي هذا الشخص ولا هذا الشخص يقول انا افكر بهذا واقول لا يمكن موذا يمكن فلان انا باختصار حدت لي كذا رج الال قلت انا قضاي عندهم وانتظر الكلمه الاخيره من الوالده الا ان الوالده عزيزي المشاهد لما انتهى اليوم الثالث وفي بدايه اليوم الرابع كالعاده نادتني فجلست عندها وقالت يا ولدي والله ان العلم اللي بقول لك اياها الحين شايلته طول فتره زواجي من ابوك يعني يمكن ما يقارب ال 40 سنه ولا والله كنت ناوي اقوله لك الا يعني يوم شفت انك بتسوي لك مصيبه حسيت انك لازم تعرف الله يغفر لي الله يسامحني الله يغفر لي والله ما لي ذنب الا ان الولد هو اللي لزم علي انا برده عظام يوم سمعت كلام امي ذا فقلت يما ش العلم علميني فقالت الوالده يا ولدي انا وابوك قرايب وكنا نلعب مع بعض من لما كنا صغار نروح ونجي مع بعض فكان بيننا حب براءه حب طفوله حبينا بعض وكنت بامانه متوقعه انه راح يتزوجني وكنت متوقعه انه يحبني حب عظيم واعتقد انه فعلا كان يحبني الا انه يا ولدي ابوك لما صار عمره 15 سنه بدات تنتشر عنه سمعه وبدا يخوف الجميع لدرجه اني انا بنفسي خفت منه فما عاد نويت حتى اني اقبله واتزوج ودرجه انه تقدم لي اربع سنين ورا بعض وانا كنت ارفض الين قبلته بعد ضغط قوي مره من العائله ولقيته الحمد لله انه على نفس وضعه ونفس حبه ونفس طريقته والله ما نهرني ولا سبني في يوم من الايام لدرجه اني كذبت حتى ابوي وامي من الكلام اللي نسمعه عنه سالته وقلت له يا علي الكلام اللي اسمعه عنك من قبل اربع سنوات هل هو صحيح ولا كذب ولا وش السالفه ابوك يا طلال كان يحاول يتهرب مني يوم ويومين وثلاثه ويحاول في كل مره اجيب لهذا الطاري انه ينحاش عنه ويبعد عنه او ينشغل الين في يوم من الايام جلست عنده وقلت له اسمع يا علي انا زوجتك الحين على سنه الله ورسوله وانا ما راح اترك له ش ما يصير وانا والله ما اهتم ل سيرت كثر ما اهتم لتعاملك وانت تعاملك معي كان عالي جدا فتطمئن والله ان الفضول اللي فيني راح يذبحني تكفى تكفى علمني بس وش السالفه اذكر يا ولدي يا طلال ان ابوك علي طالع فيني وقالوا تعاهديني امام الله عز وجل انه الكلام اللي بقول لك اياه الان ما يطلع لاحد حتى لولدي اذا جاء فقلت لهها تم تم والله ما يطلع لاحد فقال لي ابوك ها اجلسي جنبي وخليني علمت السالفه كيف صارت بالضبط وانا الحين يا ولدي يا طلال برويل لك السالفه على لسان ابوك علي بنفسه فتعال معي عزيزي المشاهد خلينا نسمع علي و كان يقول علي يقول انا ابوي تزوج امي وساكنين في نفس هذا البيت بالضبط اللي انت جالسه فيها الان وبعد زواجهم بفتره بسيطه رزقهم الله فيني وبعدي بفتره احملت امي و لكنها سقطت في ثاني شهر وبعد سنه من تسقيطها احملت مره ثانيه الا انها سقطت في ثالث شهر وبعدها في الشهر الاول وبعدها سقطت في ثاني شهر فصار الموضوع بالنسبه لها متعب جدا جدا اتكلم عن الحمل لانه في اخر مره سقطت فيها شافت الموت الا شيء بسيط هنا الوالد رحمها وقرر انه خلاص خلاص ما نبغى عيال احنا راضيين بولدنا وامي كانت تحاول بابوي وتقول له تزوج تزوج هو كان رافض تماما ويقول انا راضي بقسمه الله وراضي بنصيبه يمكن المشكله مني ما هي بمنت فلما رضوا بالقسمه والنصيب وانه ما لهم من ظنب هذه الدنيا الا انا ولدهم علي بدات الوالده تهتم فيني وابوي كذلك كان يوديني وياخذني ويجيبني معاه الوالد كان يعاملني معامله رجال رجال من لما كنت صغير لا مني تكلمت كان يطالع فيني ولا كان يسولف يسكت ثم يطالع فيني يعني رايي كان له قدر وقيمه عندهم والعالم وجيراننا والناس اللي حولنا كانت تق درني وكانت تسمع الراي لانه هذا كله بدا من عند الوالد فمن لما كنت صغير كانت كلمتي دائما تمشي ومسموعه ويعني احس اني كبير سن صحيح اني ما عشت الطفوله باصولها الا انه مبسوط بوضعي ولما كنت صغير كنت اسمعهم يسولفون عن حالات اختفاء الا اني يعني عقلي ما نضج ولا ادري شش يسولفون فيه بل الادهى والامر اني لما اطلع من المجلس اكون نسيت الكلام كله اللي سولفوا فيه مرت علي الايام ومرت علي السنه وانا مع الوالد ومع الجماعه ومع الشباب اللي صاروا بسني اروح واجي معهم مبسوط ولا عندي من الشيطان طاري نطلع ونلعب وننبسط ونضحك ولا من جت حزه مغيب الشمس حزه مغيب نرجع كل واحد لبيته وهذاك وجهك من الضيف لانه ما كان يطلع في ذيك الفتره تقريبا الا كبار السن او واحد شباب يبغى يطلع يكون ابوه يوصله معه قبل لا يروح ولما يرجع من عند رجال وهو راجع يمر ولده وياخذه ويرجعه يعني كان كذا وض الا انا انا الوالد مثل ما قلت لكم كان يعاملني معامله رجال فكان يقول لي تبي تروح يا ولدي رح وتبي تجي يا ولدي تعال امورك سليمه فمرت علينا الايام الى ان وصل عمري قرابه ال 15 الى ال 16 سنه يقول اذكر في ذيك السنه ان كنا مسوين زي الجمعيه الجمعيه يعني عزيزي المشاهد انه اليوم ببيتي بكره ببيت فلان الجمعه بعدها ببيت فلان يعني كنا نوزعها بين بعض في يوم من الايام هذيك كانت الجامعه عند واحده من خوياي فقررت اني اطلع من بيتي كالمعتاد واتوجه لهم الا انه انا ما طلعت بعد المغرب كالعاده انا طلعت حروه الساعه 9 تسع لانه اذا تبون الصدق انا كنت مشغول مع الوالد والوالد لما جت تسعه قلت يبب روح خوياي ودي اطلع لهم فقال لي ها رح الله يستر عليك يا ولدي وانا اللي اطلع من عندهم مع الباب واول ما سكرت باب البيت وتوجهت جهه الشارع ولا والله يا جماعه ه الطريق هدوء تماما ما تسمع نفس من قوه الهدوء لدرجه انه رجولي تكرمون لما توطى التراب يقول تسمع صوتها تسمع زي صوت الخشخشه فلعلي بديت امشي وانا تلفت ما بين البيوت يقول هذا بيت جنبي وعقبه براحه طويله فاضيه فيها شبوك وفيها غنم يقول الا انك تسمع اصوات الغنم ل انك شطفته يقول التحرك فيعني يريبك الامر شوي الا اني اكمل يقول وانا مرتنا طالع يمين ومرتن طالع يسار واذا بتسالوني ش فيه يسار ففيها الشيء اللي انت تفكر فيها الان ايوه بالضبط في جبل حرفه وتكفون لاحد يجلطني بالتعليقات ويقول وليت ترى اسمه حرفه تراك غلطان عادي في كذا وفي كذا ايش فيك المهم انه يقولوا بينما انا ماشي وباقي مسافه والله على خوياي الا اني في نص الطريق ولما قررت اني اطالع جهه الجبل وقشر ما علي ذك الناظره يوم والله اني شفت لي زي النار يقول شبه نار شبه نار الا والله شبه نار فبديت ادقق فيها واقول من المجنون ذا اللي قدر يطلع فوق وليه طلع تحس بان وقفنا هنا المصيبه الاعظم اني لقيت ورا النار زي الظل اللي قاعد يتموج وكانه في اكثر من شخص موجود وما ادري يتحرك يرقص ما ادري ش يسوي بس الظل ظل ما يبله كلام وظل ادمي انا يا جماعه وقفت وبديت ادقق فيه ما ادري و يدور حولي ولا اعرف عن اي شيء يصير حولي حاليا لانه انظري كله جهه الجبل وبينما انا جالس اراقب هذا الرقص وهذه النار ولا انتبهت الا يوم اليد اللي انحطت على كتفي وانا اللي التفت بسرعه واقول بسم الله بسم الله راتني ولا هك الرجال اللي لحيته بيضا ورجال جبر وقصير فلما دققت في ملامحه ولا والله هذا رجالا من نفس حارتنا ومن نفس الحي اللي احنا ساكنين فيه الا انها قريه زي ما تقولون والبيوت حول بعضها وهذا كان احد ساكنيها اعرف الرجال اعرفه زين وبالع له اعرف حتى عياله انا طلعت فيه وقلت خرعتني ابو فلان ها ايش فيك الرجل ما عطى اي رده فعل ل تحركاتي وكان حط يده على كتفي ثم وخر بشويش ويدقق فيني وكانت عيونه بعيوني ولا والله حتى رمش ثم طالع فيني وقال لي ش عندك هنا فقلت ها انا رايح رايح ال خوياي مجتمعين وودي اجلس معهم فقالوا ابووك يدري انك تطلع بالليل فقلت ايه يدري انا انا رجال انا يوم قلت له اني رجال لعله تبسم وطالع بعيوني ثم اقفى على ثره ولف وراح مع الظلام وكان كانه متجه لبيته وانا اللي احط يدي على صدري وارجع اطالع للجبل ولا والله النار موجوده للحين ما تحركت انا ايقنت هنا ان الوضع ما هو بطبيعي وانا اللي امشي المشي السريع ما لمها داعي يشوفني شايب زي هالشايب وبكره ينقل العلم عند الجماعه انه انا ترى شفت فلان وتر خايف يعني مو حلوه بحقي وانا الرجال الا اني بديت امشي مشي سريع مشي سريع يقول لين وصلت البيت واطق واطق بسرعه الا يوم فتح راعي البيت وقال لي ها ايش فيك تاخرت فقلت افتح واخر عني تكفى وانا اللي ادخل واجلس عند الشباب واريح ويطالعون فيني وانا طالع فيهم وقالوا ايش فيك وليش انت كذا فقلت ها لاي الربع شفت لي شوفتن والله ما ادري اعوذ بالله اعوذ بالله فقالوا ش فيك يا ولد اهرج ش شفت فقلت يا جماعه وانا جايكم بالطريق طالع جهه الجبل وان اللي يشوف لي نار وشوف حولها ظل الناسن يقول كنها ترقص كنها تلعب ما ادري ايش تسوي الرجال اللي يكون جاسن عندهم يوم طالعوا ببعضهم يقول بعمري بعمري هم الا انهم طالعوا ببعضهم تم طالعوا فيني وواحد منهم يبخ ضحك ويضحكون يقولون يا ولد ما لقيت لنا الا هالسالفه ييوم انك جاي تسوقها علينا تقنا بنخاف فقلت اقسم بجلال الله اني شايفها اشوف العين ولين دخلت عندكم والنار موجوده واذا ما انتم مصدقين امشوا معي هم ما صدقوا خبر وقاموا معي وقالوا يلا يلا نبي نمشي معك نبي نشوف الصدق فطلعوا معي وانا ادل لهم يقول هنا هنا واد لهم لين تبين لنا الجبل وانا اقول ها شوفوا ويوم طالعوا وانا اللي اطالع معهم يقول ولا ولا والله سوادن والله لا تشوف اخر الجبل عشان تشوف نارهم فيه وهم اللي يوقفون بالبراح وقدام بيتهم ويطالعون ببعض ويطالعون فيني وقالوا طيب الحين هو ايش عذرك فقلت يا جماعه لا ت جننوني ورب العزه والجلاله اني شايفها شوف العين قدامي اوه صح صح صح تذكرت تذكرت بالعلامه ابو فلان ترى كان موجود وسالني ش عندك هنا واشرت له على النار وشافها معي واذا ما انتم مصدقين الحين اخذكم البيته وتسالون ولا يوم طالعوا ببعضهم والله بدوا يضحكون ازود من ضحكهم اللي قبل شوي فقلت يا جماعه لا ت جننوني وليش تضحكون فقالوا نضحك عليك يا السفيه ابو فلان مسافر ولا جا للحين كيف قبلته وانا اللي اقول هاه مسافر طيب طيب يمكن رجع فقالوا ما عندنا مشكله ننتظر البكره ونشوف اذا رجع سالناه اذا ما رجع معناته فقلت للا والله ما تكذبون كذا عبث حطوا رهن فقالوا ذبيحه ان كانك صادق ذبحنا لك ذبيحه وان كانك كذاب تراك بتعشينا وواحد منهم نطق وضحك وقال لا لا لا ما تعشينا ترى عندك لا لا تعشينا عند الجبل عشان ن خرع صح انا الصدق اني خفت وبنفس الوقت ت طمنت قلت لا لا انا شايفه و مسولف معه لا لا لا الا بي عشون والله حنا اللي نرجع داخل البيت ونسمر سمرت ونسولف عن الجبل و بدينا نسولف عن ماضيه وعن اموره اللي كانوا يسولفون عنها الشيبان الا انها لما انتهت الجلسه توادعنا وكل واحد منا راح لبيته ولا احد شاف شيء ولا حتى نار ثاني يوم عزيزي المشاهد وتحديدا لما رجعنا من الرعي توجهت خوياي وقلت يلا على العهد يلا يلا واحنا اللي نتجه لذاك البيت اتكلم عن بيت الرجال اللي انا قبلته فط قيت الباب وهم موجودين ورا الباب يسمعون الا يوم فتح الباب ولد صغير فقلته ابوك وين فقال ها ابوي ابوي مسافر ولا جا للحين ش تبي فيه فقلت هاه كيف ابوك مسافر وانا ولا ينطق واحد من الموجودين ويسحبني وقاللي مجنون انت بت سولف اسكت فطلع للولد وقال لا لا احنا كنن بنساله عن حاجه وخلاص بداما مو موجود بننتظر لين يجي خلاص تمام يعطيك العافيه والولد مستغرب ويسكر الباب ويدخل وهم اللي يطالعون فيني ويضحكون يقولون ضمنا العشاء ضمنا العشاء الليله الليله عند الجبل عشان تسمع العلم فقلت يا ربي يا ربي اللي شفته انا وش كيف كيف يقول مسافر وانا شايفه و ماسكني فجلست اهوجس بالموضوع يا جماعه وانا اللي اسف اخوياي واتوجه للبيت اللي لمحني الوالد وحسن خاطري ما هو بطيب فقال لي يا ولد ايش فيك علي علي فطلعت فيه قلت سم يبا فقال ايش فيك فما حبيت اني اسولف له هذه السالفه حتى انه ما يكذبني مثل خوياي الا اني قلت له يبها تراه انت انا والشباب وصار علي طلي لازم اذبح لهم وما ادري والله يبا فقال لي بس هذه اللي مشغلك اخرح ادخل الشبك وخذ اطيب طلي وعشق وياك الامر بسيط وانا ابوك وانا اللي يعني نوعا ما ارتحت انه انه الرهن اللي صار بيني وبينهم تم ولعلهم ينسون السالفه ولكن انا ش ينسيني الشيء اللي صار لي وانا اللي ادخل الشبك واخذ لي ذاك طلي يقول ولا الشمس يوم غابت واحنا اللي نتوجه جهه الجبل وتخير ذاك المكان اللي يطل على الجبل بالضبط ما بينا وبين الجبل الا شيء بسيط يا جماعه واحنا اللي نسمي بسم الله ونذبح طلينا يقول نبدا نسخه ونطبخه وبدينا نسولف وقت الطبخ وناخذ ونعطي عن الجبلي الين تكلم واحد من الموجودين هذا الرجل يا جماعه كان اقرب الناس لي يعني احنا كنا كلنا قروب واحد الا انه هذا كان اقربهم لي فقال يا جماعه عاد اذا تبون الصدق فانا سمعت من الوالد سوالف واجد عن الجبل وانه فعلا الجبل خطير والجبل فيه جن فبدو يسمعون لشباب لان الرجل هذا يعني يسمع لها بشكل عام فجلسنا كلنا نسمع من سوالف هذا الجبل لي ظلمت الليله ولا عاد الواحد يشوف حتى يده واحنا اللي نغرف عشانه ونتعشى ونبدا نضبط لنا ذاك البراد ونشرب شاي ونسولف الين تكلم واحد من الموجودين وقال يا الربع ش قال الله بالتحدي فقلت هاه تحدي يلا بس و التحدي فقال خلونا نختبر شجاعتكم وا رايكم كل واحد منا يطلع لين هك مكان من الجبل ولا حددوا مكان ما كان عالي وبنفس الوقت ما كان نازل والدنيا يا جماعه ظلوم ما تشوف يدك فكل واحدين بدا يطالع بخويه ويختبر صملت الين انا قلت تم وانا بسبهم وبطلع اول واحد عشان تدرون اني انا رجال ما اخاف فقالوا ها قوك الله والله يقويك وعز الله ان سويتها انك قوي فلعلي يا جماعه قمت من عندهم يقول والنار وراي وهم جالسين يراقبوني ويسولفون وانا الى الان ماني بخايف ومتشبع انهم يعني ها ما بيني وبينهم مسافه الا اني اول ما قربت للجبل يوم ان الدنيا ا ظلمت ولا عاد اشوف النار ولا عاد اسمع وحيهم انا يا جماعه بديت اتسلق الجبل بشويش يقول وتسلقه يقول صخره صخره وكنت امشي مرات ومرات اتسلق لعوره المكان الا انه وصلت المرحله خلاص انا بديت اتسلق بيديني ولو اترك شيء يمكن اطيح فجلست قرابه النص ساعه الين وصلت المكان السهل اللي صاير تقريبا في بدايه الجبل ويعني قلت بيني وبين نفسي انا وصلت للتحدي خليني اناديهم الا اني قلت يا ولد ليش اناديهم هنا اكيد انهم بيقولون هاه خلنا نسويها انا لازم اثبت لهم اني انا اقوى منهم عشان اوصل لمكان اعلى وهذا اللي خلى الشيطان يسهل لي هذا الموضوع ويخليني اطالع في الجبل ولا المكان موحش واشوف شجيرات على طرف يمين وعلى طرف يسار ويقول بالليل تسمع صوت هوا يقول يتخلل الشجر فالمشهد مرعب جدا جدا جدا الا اني وصلت المرحله ما ابغى اخاف قدامهم وهذا الشيء اللي خل اني ابدا اتسلق فبديت اسممي بسم الله يقول وتسلق واحط يد ورا يد ورا يد الين وصلت المرحله اني تعبت خلاص ما عاد فيني حيل عرقي بدا يزخ وحالتي حاله يقول وانا حاط يديني وتسلق يقول لعل عرقي صار يغطي على عيوني فلفيت راسي حتى اني امش العرق يقولوا اول ما حطيت راسي جهه اليمين وقشر ما علي يوم طالع ذاك المشهد اللي ما زلت اذكر تفاصيله الى روايه هذه اللحظه يقول طاحت عيني على حرمه اعطي طولها يقول طول الذراع تقريبا يعني طولها كذا وكانت متقوقعه على نفسها ولبسها مقطع وشعرها خشن وطويل مره يقول وفكها تحت صاير على تحت وطويل وسنون بيضه ناصعه البياض الا انه انيابها بارزه وكانت تطالع فيني ومبتسمه تخيلوا عاد المشهد انا يا جماعه من ه الموقف قلت ها ورجعت لفيت راسي الجهه الثانيه الا اني ما قررت ارجع واطالع لنفس الجهه ولا والله اللي قدامي شش جره ما عليها اي تفاصيل من تفاصيل المراه اللي شفتها قبل شوي فقلت في خاطري يا ولد بسم الله الرحمن الرحيم يمكني اتوهم فتعودت من ابليس وقررت اني اطلع الى ان وصلت الى النهايه ولكن الصدمه يا جماعه يوم اني وصلت وحطيت يديني ورقيت وطلعت فوق ويقولوا بديت اتلفت للمكان وانا في القمه ايوه بالضبط انا الان عند مكان النار اللي كنت اسولف لهم عنها الصدمه اني لقيت لقيت اثار النار عزيزي المشاهد الا انه اثار النار كانت طافيه وكانت مرمده فقلت يا ربي يا ربي مين اللي كان موجود و مولعن النار هنا وكيف اثبت الخويا هذا الكلام لا لا لقيت الطريقه لقيت الطريقه عرفتها عرفتها زين فقررت اني اخذ عود من اعواد الخشب الموجوده واللي مرمده حتى اني اخذها معي كدليل الخويا اللي تحت وانا اللي اتوجه للنار يقول والمغارات ماليت القمه ملي والمصيبه انه هذه المغارات كان كانت بعضها مكشوفه فلما يجي الهوا من مكان عالي كان يصدر زي الصوت الصوت اللي كان يدخل في القلب ويخرع خرع وهذا السبب اللي خلاني اخذ العود واحطه داخل صدري حتى اني اقدر انزل بسرعه وافتك من المشهد المرعب اللي انا فيه فاول ما حطيت العود في صدري يقولوا شديت عليه لبسي وقررت اني اطالع ورا ولا اوهو هذا هو نفسها الرجل اللي قلت لكم عليه واللي سالني ان طالع لحالك كان واقف قدامي اي والله كان واقف قدامي ويطالع فيني ويتامل وجهي وقال لي انت ابوك سمح لك انك تجي هنا بعد ما اعطاني يا جماعه حتى فرصه اني ارد عليه هو اللي يبدا يضحك بشكل هستيري يقول ضحكته غريبه ما هي نفس ضحكتنا الا انها كانت عاليه مره انا ما تحملت هذا الموقف وسقطت مغمى علي مباشره في هذه اللحظه خلوني انقل لكم المشهد الخويا اللي كانوا تحت ش كانوا يفكرون فيه وا صار على اخويا صاحبي جلسوا يراقبون لانهم متوقعين اني لما بيوصل للمكان اللي هم محددين ابي اناديهم بصوت عالي وبيسمع وي ثم ارجع انزل الا انه انا ما ناديتهم فخافوا وخافوا الين بدوا ينادوني وبدوا يقربون للجبل ويرفعون صوتهم وينادوني باعلى صوتهم وانا ما زلت ساكت ولا قاعد ارد وهذا اللي زاد خوفهم خوفي لين قرروا مباشره انهم ينطلقون لابوي ويعلمونه بالعلم فط قوا الباب و طقوا فطلع لهم ابوي فقالوا ايش فيه فقالوا له يا عم ولدك سالفته كذا كذا كذا وهو اللي يرضخ الباب ويطلع والله حتى نعوه ما لبسها انطلق مباشره جهه الجبل فاجلسوا عند بيته خايفين ولا واحد منهم يدري ش يسوي الا انهم قالوا احنا لازم نعلم اهلنا بالسالفه فانطلق كل واحد منهم لاهله حتى انه يعلمهم بالعلم اللي اللي اول معرفه بهذه السالفه بدوا ياخذون فوانيسه وشعل النار ويهوش عيالهم ويضربونهم ويتوجهون للجبل حتى انهم يبحثون عني وعن ابوي ابوي اللي بالمناسبه صار سابقهم بساعه كامله الين تجمعوا وطلعوا والادهى انهم يوم وصلوا الجبل بدوا يدورون حوله ويدورون في احد يقدرون يشوفون جره ولما ما شافوا شيء قرروا انهم يتسلقون الجبل الى قمته جماعه هو كثير واللي يصير يصير احنا جماعه ما هو بصاير لنا شيء فتسلق الى قمه هذا الجبل ولوني ايوه نعم عزيزي المشاهد لقوني طايح على الارض ومغمى علي ف خذتني مجموعه وودتني للبيت وجلستي عند امي اللي جلست تحط كمادات وتطب بني وحالتها حاله وعند راسي وبدوا يدورون ابوي ابوي اللي جلسوا يومهم الاول كامل يبحثون عنه وما له اي اثر اليوم الثاني كذلك ما له اي اثر اليوم الثالث ما له اي اثر اجلسوا يا جماعه اسبوع كامل يبحثون وابوي كان الارض انشقت وبلعته ما عاد شافوا له اي اثر فبدو جماعتنا يترحمون عليه ويقولون الله يرحمه ويغفر له ترى يا جماعه طول الاسبوع هذا انا ما ادري عن اي شيء تخيلوا انه صار العزاء وانتهى العزاء وانا ما اعرف اي معلومه عن الوالد لانه انا كنت في حاله اغماء وفي يوم من الايام بعد هذه الحادثه المريعه جدا شاء الله عز وجل انه انا اصحى من حاله الاغماء ولا والله هذه امي عند راسي وجالسه تقرا قران واول ما شافتني وهي اللي تضمني بكل حيلها وتبدا تصيح بكل ما عندها والله يا جماعه انها صاحت صاحت الين جفت دموعها وانا متهول وما بين الصاحي واللي ماني بواعث كانت غريبه مره الا اني ما اذكر من هالدنيا الا موقف واحد صار زي المنام اللي انا كنت اشوفه في كل يوم وانا كنت في حاله الاغماء يقول كنت اشوف اني موجود في ارض بيضا وكان موجود قدامي جبل يقول جبل اسود وبشع منظره يقول وكان يطلع منه نار شكله مقزز وبينما انا جالس اتامل هذا الجبل ولا والله يوم طلع لي ابوي من فوق الجبل وبدا يطالع فيني فقلت يبا يبا يبا وينك يبا اجيك فكان يطالع فيني الوالد وهو مبتسم ويقول لي لا لا تجي انجاك الله واول ما يقول كلمته ذي يقولوا تطلع زي الخطاطيف يقول خطاف من حديد يقول شكله مروع يقولوا هي اللي تعلق في صدره وتسحبه ورا جهه الجبل ثم يختفي وقوم علي يقول هذا الشيء الوحيد اللي كنت اذكره الين بدات تسولف لي امي وتعلمني عن اللي صار والشيء اللي قلت لكم اياه قبل شوي لا احكي لكم عن كميه الصدمه وكميه الندم وكميه الصياح اللي طلعت مني لما سمعت الخبر الا انه تعايشت تعايشت مع هذا الموضوع وخاصه انه انا اللي صرت لازم ادير امور البيت فصرت اسرع بالحلال وارجع مع مغيب الشمس وتعودت على هذا الوضع وحداني ما معي احد لاني كرهت اخوياي بامانه الين مرت الايام يقول ما طولت عقب هالسالفه تقريبا كلها بشهر وبدات ترجع علاقتي معهم شيئا فشيئا الين صرنا نقابل بعض ونطلع مع بعض ولكن الجمعه ما صارت عند الجبل الجمعه عزيزي المشاهد صارت عندي في البيت وفي يوم من الايام وتحديدا اذكر في ذاك اليوم اللي كنا مجتمعين فيه ل على دخلت واحده من اخويانا وهو يقول ما ا دريت اي صار يا عيال فقلنا لا ش صار فقال ابو فلان فقلنا من ابو فلان فقال ابو فلان اللي خوينا كان يقول انه جاه والرجال كان مسافر ايوه بالضبط الشايب نفسه اللي انا شفته تحت وشفته فوق الجبل انا قلته مباشره ش فيه فقال تذكرون سفرته اللي سافرها لعله هبطه على هله واخذ فوق الشهر ما جاهم فا اهله شكوا بالموضوع وراحوا يسالون عنه والصدمه انهم لما نصوا العرب اللي هو كان جايهم يقولون ما جانا ولا شفناه وهذا الشيء اللي خلى اهله ينصدمون ويبدون يدورونه الين لقوا لقوا فنيلته يا جماعه موجود عند الجبل وترى علمتكم السالفه ذي لانهم يصلون عليه صلاه الغايب باسر ان شاء الله الظهر الشباب اللي كانوا موجودين حولي كلهم كانوا يقولون الله يرحمه ويغفر له الله يرحمه لا حول الله يا قوي الحيل الا انا انا بديت افكر بالموضوع وبديت اربط المواضيع مع بعض وقول لها لا لا في شيء في شيء يا جماعه اللي شفته انا هو نفسه ولا ولا ولا جن انا لله وانا اليه راجعون في سر والله ما راح يحل الا انا وعز الله اني ماني بتارك فلعلي يا جماعه بديت اخطط للموضوع انه كيف اكشف هذا السر وكيف اعرف شش الحل شش السالفه ولكن تخطيطي راح هباء منثوره لما قرروا الجماعه انهم ينبهون الجميع ما احد يطلع بالليل لا كبير ولا صغير واضف على ذلك انه السفر من عند الجبل ممنوع رح يمين ثم رح شمال ابعد قد ما تقدر عن الجبل ولا تشطفه في السفر وان كانت المده ستطول الا انها امن لك وهذا الشيء اللي بيني وبينكم خرب مخططاتي لانه راح ينتبهون لاي شخص يقرب من الجبل انا في وجه الله شحل ادري انك تسالني عزيزي المشاهد وتقول اي حل وليش تدور حل وما في مشكله انا اعلمك المشكله المشكله هي انه انا اعتقد بنسبه 100% ان ابوي ما زال موجود في الجبل وما زال عايش وكذلك الشايب اللي سولفت لكم عنه ما زال موجود في الجبل وما زال عايش ولكن يمكن يكون متلبسه جن ووجودي عندهم راح ياكد هذه المعلومه وباذن الله اني بقدر ارجعهم لاهاليهم وعلشان كذا انا كنت ناوي اطلع هذا الجبل فطلعت لي في خطه محكمه تماما انه يا جماعه الوعد راح يكون في بيت من بيوتهم وقدرت عن طريق هذه الخطه اني استاذن من امي واطلع بعد مغيب الشمس مباشره وانا ما تواعدت مع خوياي ولا شيء ولا كنت ناوي اقابلهم اساسا انا كنت ناوي باختصار اطلع من بعد صلاه المغرب حتى يمديني اروح للجبل ولكن من ورا بدون ما ينتبه لي احد وابشركم انه خطتي نجحت لاني قدرت اوصل للجبل وقدرت احاول اتسل يقول اتسل بشويش ادري اني قدامي يمكن ساعتين لين اوصل قمته ولكن السر هذا لازم يطلع ولازم اعرف حقيقته فبديت اتسلق الجبل وتسلقه وتسلقه يا جماعه والله ان الموضوع كان متعب الين وصلت المرحله يقول امسك الصفاه فكانت تتفتت بيدي بحكم انها صخور وما هي ثابته زين يقول فكنت اعتبر ان الموضوع هذا طبيعي الين وصلت المرحله اني امسك الصفاه والتفتت ما يجيني معها نفسها اللي يجيني من فوق ادري انه مو مني ولكن من منه والله ما ادري ولازم تعرف انه انا كنت في قمه خوفي ورجولي ترجف ولكن يا اخي في شيء هنا يقول يكمل وهذا اللي خلاني اكمل الين وصلت الى نص الجبل وفي زي المغاره وارضا سهله قلت ابارح فيها شوي علشان بعدها اكمل وبينما انا جالس واريح واغلب نظراتي لا اخفيك انها كانت مرتن يمين ومرن يسار وادق في الشجر لا تطلع لي نفس صوره العجوز الا يوم بدي اسمع صوت الخرفشه اللي جايهم من تحت وكانه في شخص قاعد يتسلق انا خفت الصدق وبديت اترقب واقعد اطالع للجبل ولا انتبهت الا يوم اليد اللي انحطت على طرف الجبل وتسلقت وطلعت ولا والله هذا خويي شفتوا خويي اللي قلت لكم اقرب الناس لي واللي قال لكم الا يا جماعه في جن هو نفسه اللي تسلق فطلعت فيه وقلت ايش جابك خرا تيني الله يرجك كيف عرفت عني فقال لي انا ادري ادري انك منت بتارك ابوك وادري انك توقع ان ابوك عايش ويعني ترى انا اخويا ولا والله اني بتارك انا معاك معاك للموت وانا اللي اتعزو واتطمن ارتاحت جاني شخص على جوي وجاني شخص يعاوني في هذه الرحله اللي والله ما ادري اي بواجه فوق فطلعت فيه وقلت بك حيل قال انا اللي فيني حيل ثم بدينا نتسلق الجبل يقول جلسنا بالضبط يمكن والله ما ادري بس وقت طويل حنا نتسلق الى ان وصلنا قمته ولكن من وراء يقول انا حطيت يديني وبديت ارتفع الين ت سلقته فجيت الخويه قلت اعاونك فقال لا لا فتركته ورحت اتمشى على اساس انه هو وراي وبديت امشي يا جماعه الين جيت من قدام الجبل ولا اقشر ما علي يوم اشوف الرجال اللي كان جالس ومعطي ظهره انا بديت ادقق بظهره وبديت اطالع انا مكذب ومصدق الا يوم طالع فيه ثم ابتسم وقال هذا ظهر ابوك وبدا يضحك بدا يضحك بشكل هستيري نفس ضحكه الشايب اللي قبله وانا اللي انجن يا جماعه وعند الغماء عند الغماء وصلت حدي الا اني تذكرت خويي معي فقلت ي جريني فطلعت بخوي وقلت شف شفت انا ما قلت لك ولا خويي طالع فيني ويطالع بالرجال ثم رجع طالع فيني وقال هذا ظهر ابوك وبدا يضحك يضحك العم من ضحكه الرجال اللي كان جالسين قدامي وانا اللي ادقك فيه ولا والله العيون ما هي نفس العيون الا ان الظلام ما خلاني ادقق فيها وانا اللي خلاص يا جماعه ما عاد فيني حيل وانا اللي قلت لابوها لابوها الدنيا هذه كلها وطمر من فوق الجبل واتكس وكرفس يقول الين وصلت الارض السهله يقول ثم زحفت والله ما عاد احس برجولي يقول وازحف الين طحت من الارض السهله الين تحت الجبل يقولوا هذاك علمي بالدنيا ما عاد اذكر شيء فلعلي يا جماعه وعيت من حاله الاغماء لما شفت العالم عندي ومجتمعه وتحاول تشيلني يقول انا اللي وعاني لما شالوني يقول توجعت وانا والوجع وانا والوجع الين دخلوني البيت وبدوا يعتنون فيني وبدوا يطبب وي الا اني اسمعهم يقولون انتبهي وقفلي عليها الغرفه لا يطلع العلم عند الله ان الولد مسكون وان اللي فوق قاعدين ينادونه هذا والله العلم انا بديت اسمع كلامهم وتعبان ولاني بحوله فجلست فتره الي انت طبب بت وامي ما زالت تقفل علي الغرفه وهي والله تصيح وتقدم لي الاكل وتطلع وتقفلها فقلت يما لا تقفلين لا تقفلين والله ماني برايح فطلعت فيني ثم فتحت الباب فصرت اروح واجي معها ولا ابعد وهذا الشيء اللي خلى الناس تتوجس مني وتخاف تقول هذا اكيد انه مسكون الا اني يوم تعافيت بديت اهوجس بالمواقف اللي صارت لي وذول الناس ش السالفه فيه سر ان انا ماني فاهمه فلعلي توجه الشيخ لما بدا يتكرر علي نفس المنام اللي رويته لكم توجهت للشيخ واعطيتها المنام بشكل كامل وقلت له صار لي كذا كذا كذا ش السالفه اذكر لما رفع راسه وطالع فيني وقاللي يا ولدي احسن الله عزاك بابوك فقلت ها بس ابوي ما مات ابوي اكيد انه موجود بالجبل ومتلبس فقال لا يا عزيزي ابوك مات ان صدق منامك يا ولدي ف فترى ابوك مذبوح من الجن وتراك انت سلمت لان ابوك خذ بدالك وان صدق يا ولدي وصفك للعجوز افترك شفت قدام الجن واخبثهم هذه الجماعه يا ولدي اللي ما تتلبس الا الموتى وانا اللي يقول ببالي دقيقه دقيقه دقيقه الموتى انا افهم افهم يا جماعه انه الرجل اللي شفته اول مره قالوا ميت وافهم ان ابوي مات ولكن ولكن خويي اللي خواني في رحلتي الاخيره ما مات وانا اللي اطلع من الشيخ مستعجل واتوجه لقريتنا بسرعه وانص اخوا ياي واقول فلان وينه فقالوا فلان رايحين ال خواله بيجلس لكم يوم وبيجي وهانا اللي اتبسم واقول دوروه تراها تراه مات فطلعوا ببعضهم وطالعوا فيني و فقالوا عويض الله من شرك شو اللي مات تفاول على الرجال فقلت هذا علمي وعفاكم فلعلهم انقلوا العلم لاهله اللي راحوا يدورونه عند خواله والصدمه العظيمه انه خواله قالوا ما جا فدر والله انه ميت وميت من الجن الا انهم ما زالوا يتسائلون ليش الجن مخذ علي ليش علي درى عن المواضيع هذه كلها وشاف الناس هذول كلهم ولا خذوا ه الجن غريب تقول زوجه علي لولدها طلال الشيء اللي ما يدرون عنها الناس انه في كل ليله علي كانت تصيبه حاله من حالات الجنون نوعا ما ما يدري عن وضعه واغلب وقته جالسن في البيت ويطالع في الجبل هذا الشيء ما كانوا يدرون عنه الناس وهذا اللي اكد لي ان ابوك يا ولدي يا طلال متلبس من الجن اي بالاصح انه متلبس من اللي فوق المعلومه هذه ما دروا عنها اهل القريه الا متاخر يوم ابوك شارف على ال 60 ال 60 هالحلوه طلال راوي القصه يقول انا طلعت بامي قلت يما طيب ليه ما نقلتوا ليه ما رحتوا لاي مكان بعيد عن الجبل فقالت حاولت والله اني حاولت بابوك ولكنه رفض قال هذا مكاني ابى اعيش فيه واموت فيه يقول طلال وهذا الشيء اللي خلاني يا جماعه اكره الجماعه واكره البيت واكره الجبل خلاص ما عاد لي قدره على حتى اني انظر له بعد كل السوالف اللي سمعت عتها عنه فبعت البيت وقررت اني انقل انا والوالده للرياض قررت انقل لما عرفت انه الجبل انتشر صيته وعرفت الناس انه من ارعب الجبال في المملكه العربيه السعوديه ولهذا السبب الجبل الان عزيزي المشاهد محاط بشايك من حديد اعتقد انه يصعب تجاوزه فرحم الله علي ورحم الله من حاول حتى الاقتراب من هذا الجبل ولقي حتفه وصلنا عزيزي المشاهد الى نهايه هذه القصه اللي اتمنى انها نالت على رضاكم وانا اعتذر عن التاخير بسبب الايام الماضيه الا انه عزيزي المشاهد انا كنت جالس اجهز سيت اب كامل في غرفه اخرى وهذا الشيء اللي اخرني بكل امانه واعتقد انه وصلت الى التصميم المناسب والتنفيذ بياخذ وقت ولكن يعني كان ريفريش جميل غيبه اسبوع وان شاء الله اني راجع لكم على نفس العهد ونفس الوقت وكل ثلاث ايام واحاول اني ما انقطع ان شاء الله واتمنى انه قصه اليوم جازت لكم والى لقاء قريب عاجل جدا ان شاء الله في قصه اتمنى انها تعجبكم في هذه اللحظه استو دعكم الله في امان الله