وطننا العربي المناخ النبات الطبيعي الصف السادس الابتدائي 2026 دراسات اجتماعية

اهلا بكم حبايبي ه ابتدائي في الدرس الثالث في منهجنا السنه دي بعنوان وطننا العربي المناخ والنبات الطبيعي يعني ايه المناخ؟ يعني الجو في وطنا العربي عامل ازاي طب احنا كنا خدنا تعريف زمان للمناخ وقلنا عليه ايه هو وصف حاله الجو في فتره زمنيه طويله قد ايه يعني قد تكون فصلا او سنه يعني مثلا اوصف فصل الشتاء كله اوصف السنه كلها لو وصفت حاله الجو في فتره زمنيه طويله كنا بنقول عليه ده ايه؟ ده المناخ. طب انا لما باجي اوصف المناخ بوصفه من حيث ايه؟ من حيث ثلاث حاجات ايه هم؟ حراره رياح امطار يبقى انا لما اجي اوصف الجو بتاعي من حيث الحراره والرياح والامطار في فتره زمنيه طويله انا كده اتكلمت عن حاجه اسمها المناخ. طب لو جينا تابعنا النشره الجويه في بعض المدن العربيه هل هنلاقي المناخ واحد في جميع الدول العربيه؟ اكيد طبعا الكلام ده مش حقيقي امال هنلاقي ايه؟ قال لي هنلاقي اختلاف في درجات الحراره وكميات المطر من دوله لدوله ده مش بس كده ده احنا كمان هنلاقي اختلاف من مكان لمكان اخر طب ايه هي العوامل اللي بتخلي المناخ عندي مختلف من دوله لدوله او من مكان لمكان تعالى نشوف قال لي عندي بعض العوامل المؤثره في مناخ الوطن العربي يا ترى ايه هي العوامل دي اللي تاثر في المناخ بتاع الوطن العربي وتخليه يختلف من دوله لدوله عندي ثلاث عوامل اول حاجه الموقع الفلكي ثاني حاجه الموقع بالنسبه للمسطحات المائيه ثالث حاجه قال لي مظاهر السطح تعالوا بقى نمسك عامل عامل ونتكلم عنه بالتفصيل بس قبل ما نتكلم على العوامل دي لو لسه ما اشتركتش في القناه انزل واعمل لايك للفيديو ويلا نكمل درسنا مع بعض طب ايه اول عامل هناخده من العوامل المؤثره في مناخ وطنا العربي الموقع الفلكي الموقع الفلكي ده الموقع بالنسبه لخطوط الطول ودوال العرض زي ما انت عارف ان علماء الجغرافيا رسموا على الخرائط شويه خطوط واقفه بالطول وسموها خطوط الطول وشويه خطوط نايمه بالعرض بشكل افقي وسموها دوال العرض اهي خطوط الطول ودوال العرض دي اسمها الموقع الفلكي بيحدد لي المكان بالضبط فين على الخريطه طب لما اجي اقول لك انهي فيهم اللي ليه علاقه بالمناخ خطوط الطول ولا دوائر العرض برافو عليك هي دوائر العرض طب ازاي دوائر العرض والموقع الفلكي هياثر عندي في مناخ الوطن العربي تعال نشوف تعالى الاول نراجع الموقع الفلكي بتاع وطنا العربي كان ما بين كام دائره عرض 37.5 نص شمالا واثنين جنوبا ده مش بس كده ده انا كمان عندي دايره الاستواء بتمر في جنوب الوطن العربي طيب برده ازاي دوال العرض دي هتتحكم في المناخ هقول لك لو جيت بصيت على الشمس اللي قدامك دي هتلاقيها متسلطه ونازله بشكل عمودي على دائره الاستواء يعني هي قريبه جدا من دائره الاستواء معنى كده ان المناطق اللي هتكون جنب دائره الاستواء هترتفع عندها درجه الحراره ليه عشان الشمس نازله عليها بشكل عمودي يعني ايه يعني متركزه على دائره الاستواء يعني ايه؟ بصي بيقول لي ايه؟ ترتفع درجات الحراره في المناطق القريبه من دائره الاستواء طب هي مش هتنخفض؟ قال لي لا هتنخفض هتنخفض تدريجيا كلما اتجهنا شمالا بعيد عن دائره الاستواء وبرده هتنخفض تدريجيا كلما اتجهنا جنوبا بعيد عن دائره الاستواء طب بص السؤال ده بيقول لي ايه؟ بيقول لي بما تفسر ارتفاع درجه الحراره في المناطق الجنوبيه للوطن العربي للمناطق الجنوبيه في الوطن العربي ترتفع عندها الحراره را هتقول لي ليه؟ بسبب مرور دائره الاستواء جنوب الوطن العربي عشان دائره الاستواء بتعدي عندي في جنوب الوطن العربي فطبيعي ترتفع فيها درجه الايه؟ الحراره يلا بقى هعرض عليكم سؤال واشوف مين هيعرف يحله لو قال لي بما تفسر ارتفاع درجه الحراره في المناطق الجنوبيه للوطن العربي احنا لسه حلين السؤال ده لو انت مصحصح ومركز انزل اكتب لي الاجابه بتاعته في الكومنتات طب لو جاللي سؤال زي ده وقال لي يؤثر ثر الموقع الفلكي في المناخ دلل يعني ايه دلل يعني العباره صح اديني دليل او بما تفسر يعني ليه ليه الموقع الفلكي بياثر عندي في المناخ هنقول له ليه اول حاجه ترتفع درجات الحراره فين في المناطق القريبه من دائره الاستواء طب امتى هتنخفض هتنخفض درجات الحراره تدريجيا كلما ابتعدنا عن دائره الاستواء شمالا او جنوبا انت عارف ان انت ممكن تقول نفس الاجابه دي لو جالك كمان السؤال بالشكل ده وقال لك ايه؟ ما العلاقه بين الموقع الفلكي والمناخ؟ يبقى انت عندك ثلاث اسئله بنفس الاجابه عايزه بسرعه ورقه وقلم وسجل السؤالين دول والسؤال الثالث كمان وسجل الاجابه بتاعتهم يبقى الثلاث اسئله هيكونوا بنفس الاجابه لو قال لي دلل او بما تفسر يؤثر الموقع الفلكي في المناخ او ما العلاقه بين الموقع الفلكي والمناخ الثلاثه هنحط له نفس الاجابه اللي احنا شايفينها قدامنا دي طب لو جاب لي سؤال وقال لي ما النتائج المترتبه على الموقع الفلكي للوطن العربي؟ يعني الموقع الفلكي ده اللي هو ايه؟ اللي هو ما بين 37.5 نص شمالا واثنين جنوبا وان دائره الاستواء بتمر عندي في الجنوب ايه النتيجه اللي ترتبط على الموقع ده هتقول له ايه اصبح يسود المناخ الحار معظم انحاء الوطن العربي يعني المناخ الحار بقى موجود في معظم انحاء الوطن العربي ما عدا ما عدا ايه ما عدا حته واحده ايه هي الاجزاء الشماليه مالها تتميز بالمناخ المعتدل يعني معظم الوطن العربي في المناخ الحار ما عدا حته واحده الاجزاء الشماليه منخ ماله معتدل عايزاك كمان في الورقه والقلم اللي معاك تسجل السؤال ده والاجابه بتاعته احنا كده خلصنا اول عامل من العوامل المؤثره في مناخ الوطن العربي تعالى نشوف العامل الثاني بيقول لي الموقع بالنسبه للمسطحات المائيه يعني ايه المسطحات المائيه يعني زي البحار وزي المحيطات ايه اللي بيحصل بقى عندي مناطق قريبه من المسطحات المائيه وبقول عليها مناطق ساحليه وبقى عندي مناطق بعيده عن المسطحات المائيه وبقول عليها مناطق داخليه طب ازاي المناخ هيتاثر بالمسطحات المائيه دي اللي هي البحار والمحيطات ايه اللي هيحصل هنلاقي المناطق القريبه من المسطحات المائيه المناخ بتاعها ماله معتدل وجميل زي مين زي مدينه الاسكندريه عندنا على البحر المتوسط طب المناطق البعيده عن المسطحات المائيه اللي بنقول عليها داخليه هنلاقي المناخ بتاعها ماله يكون شديد الحراره صيفا وشديد البرو بروده شداء يبقى حر قوي في الصيف وبرد قوي في الشتاء زي مدينه مين؟ الرياض بالسعوديه يبقى هنقسم المناطق لنوعين مناطق قريبه من المسطحات المائيه ومناطق بعيده عن المسطحات المائيه طب بص السؤال ده بيقول لي بما تفسر مناخ مدينه الاسكندريه اكثر اعتدالا من مدينه الرياض بالسعوديه هنقول له ايه الاجابه هنقول له لان الاسكندريه مدينه ساحليه اما الرياض مدينه داخليه او ممكن نقولها بشكل ثاني لان الاسكندريه قريبه من المسطحات المائيه والرياض بعيده عن المسطحات المائيه يلا هعرض عليك سؤال واشوف مين هيعرف يحله لو جه قال لي اكمل تتميز المناطق القريبه من المسطحات المائيه بمناخ نقط يلا لو عرفت الاجابه انزل بسرعه اكتبها لي في الكومنتات تعالوا بقى نشوف العامل الثالث من العوامل المؤثره في مناخ الوطن العربي وهو ايه مظاهر السطح هي ايه مظاهر السطح دي الجبال والهضاب والسهول اللي احنا كنا بنقول عليها شكل الارض طب ازاي يا مش شيماء ايه علاقه مظاهر السطح اللي هي الجبال بالمناخ هقول لك استنى عندنا قاعده مهمه قوي اسمها قاعده الارتفاع بما اني بتكلم على مظاهر السطح زي الجبال فعندي اول قاعده في مظاهر السطح هتاثر عندي على المناخ اسمها قاعده الارتفاع ايه اللي بيحصل يعني تعالى نشوف شايف الجبل اللي ظهر قدامك ده لو تخيلنا ان انت واقف تحت على الارض جنب الجبل ده هتلاقي درجه الحراره مرتفعه والجو حر اول ما هتطلع لفوق وتبعد عن الارض درجه الحراره هتقل طب ايه اللي خلاها تقل هو ده سحر يعني لا هقول لك ده لا سحر ولا شعوز امال ايه اللي حصل بسبب قاعده عندي في الجغرافيا اسمها قاعده الارتفاع بتقول ايه القاعده دي بتقول كلما ارتفعنا 150 متر عن سطح البحر تنخفض درجه الحراره درجه مئويه واحده يعني ايه كل ما هنطلع يطلع 150 متر الحراره تقل درجه 150 كمان تقل درجه لغايه ما نوصل لقمه الجبل يبقى انا عندي قاعده الارتفاع بتقول ايه كلما ارتفعنا 150 متر عن سطح البحر البحر يا ميس قصد حضرتك عن سطح الارض هقول لك لا انا قصدي سطح البحر ليه يا سنه لان انا الارض عندي مش مقياس انا ما بقسش الارتفاع بالنسبه للارض لان الارض اصلا فيها حتت مرتفعه وفيها حتت منخفضه هي مش مقياس بالنسبه الارتفاع ايه اللي مستواه واحد ومستوي وبقيس من خلاله الارتفاع بتاعي هو البحر يبقى هقول له كلما ارتفعنا 150 متر عن سطح البحر تنخفض درجه الحراره درجه مئويه واحده طب تعال نشوف السؤال ده بيقول لي ايه ما النتائج المترتبه على على ايه على ان احنا كل ما نرتفع 150 متر عن سطح البحر الحراره تقل درجه مئويه ايه اللي حصل قال لي تغطي الثلوج بعض قمم الجبال مثل جبال لبنان قعدنا نطلع نطلع نطلع طلع فدرجه الحراره نزلت جدا فاصبح الجو برد قوي فبقى عندي فوق قمه الجبال ثلج زي جبال ايه؟ جبال لبنان في الورقه والقلم اللي معاك يلا سجل لي السؤال ده بالاجابه دي انا كده اتكلمت عن اول قاعده في مظاهر السطح بتاثر على المناخ بتاعي تعالى نشوف ايه القاعده الثانيه اللي هتاثر عندي على المناخ بتاعي خاصه بمظاهر السطح بتقول القاعده اتجاه الكتل الجبليه وتوزيع كميه المطر ا هو ايه الكلام ده؟ ده شكله كلام صعب قوي بيقول ايه تاني كده يا مشيماء اتجاه الكتل الجبليه وتوزيع كميه المطر هي ايه يعني الكتل الجبليه دي يعني اتجاه الجبال كل جبل ليه جانبين جانب من الشرق وجانب من الغرب وبالمناسبه الجوانب دي هنقول عليها في درسنا سفوح اسمها ايه سفوح يبقى يعني ايه سفوح يعني جوانب الجبال طب مالها القاعده دي بتقول القاعده دي عايزاك هنا بقى تركيزك يعلى جدا جدا القاعده دي بتقول لو احنا مثلا هنمسك الجانب بتاع الجبل اللي من جهه الشرق بيقول لي ايه؟ لو الجانب ده جنبه مسطح مائي زي البحر ايه اللي هيحصل؟ هلاقي الجانب بتاع الجبل ده بتنزل عليه امطار غزيره طب ايه السبب؟ هقول لك شايف الشمس اللي موجوده فوق البحر دي الشمس دي بتطلع لي حراره فابتدت حراره الشمس تسخن الميه بتاعه البحر فالميه سخنت قوي فطلع منها ايه؟ ايه طلع منها بخار بس البخار ده مش طالع لوحده طالع وشايل معاه بعض قطرات المياه بعض قطرات الايه المياه بقى اسمه ايه بقى اسمه بخار الميه طب ايه اللي هيحصل لو جت شويه رياح من ناحيه البحر هتاخد بخار الميه ده وتمشي بيه ناحيه الجبل فهيبقى اسمها ايه رياح محمله ببخار الماء طب ايه اللي هيحصل قال لي الرياح المحمله ببخار الماء السخن ده هتصطدم بالجبل هتخبط بالجبل فلما هتخبط في الجبل هتطلع لفوق طب ايه اللي هيحصل للرياح المحمله ببخار الميه؟ بخار الميه ده سخن لما هيطلع لفوق هيبرد فهيحصل له عمليه تكثيف يعني ايه تكثيف؟ يعني هيكون سحب مليانه ميه هتنزل السحب دي على هيئه ايه؟ على هيئه امطار تعالوا نعيدها ثاني الجانب بتاع الجبل اللي من جهه الشرق جنبه بحر ايه اللي بيحصل؟ بينزل على البحر الشمس بتعمل ايه الشمس بتسخن الميه بتاعه البحر بيبتدي البحر يطلع بخار ميه ليه بخار ميه عشان شايل بعض غطرات الميه بيطلع لفوق تيجي شويه رياح جايه من ناحيه البحر تشيل بخار الميه ده وتمشي بيه ناحيه الجبل تقوم تصطدم بالجبل يقوم ايه اللي يحصل يطلع بخار الميه ده لفوق فيبرد ويتكثف على شكل سحابه تنزل على هيئه مطر عشان كده هلاقي الجهات دي اللي ناحيه البحار فيها امطار غزيره عشان كده بيقول لي ايه؟ تسقط امطار غزيره على سفوح يعني جوانب الجبال المواجهه للرياح المحمله ببخار الماء يبقى الناحيه بتاعه الجبل اللي هتبقى ناحيه البحر اللي هتخبط فيها الرياح المحمله ببخار الماء هلاقي عندها بتسقط امطار غزيره طب زي مين؟ قال لي زي جبال اطلس بيحصل معاها الموضوع ده طب الناحيه الثانيه بقى الغربيه من الجبل بيحصل معاها ايه؟ قال لي لا دي مش جنبها بحر ايه اللي بيحصل اولا بسميه يها السفوح الداخليه يعني ايه؟ يعني غير مواجهه للرياح فبالتالي تقل فيها كميه المطر يبقى السفوح الداخليه غير المواجهه للرياح تقل فيها كميه المطر طب تعال نشوف السؤال ده بيقول لي ايه دلل او بما تفسر على ايه يؤثر اتجاه الجبال في توزيع كميه المطر تعال نقرا السؤال تاني دلل او بما تفسر يعني اديني دليل او ليه يؤثر اتجاه الجبال في توزيع كميه المطر هنقول له الاجابه حيث تسقط امطار غزيره على سفوح قلنا يعني ايه سفوح جوانب الجبال المواجهه للرياح مالها الرياح دي المحمله ببخار الماء اما السفوح الداخليه الغير مواجهه للرياح تقل فيها كميه الايه الامطار يبقى احنا كده عرفنا ان احنا عندنا ثلاث عوامل بتاؤثر في مناخ الوطن العربي ايه هي الموقع الفلكي والموقع بالنسبه للمسطحات المائيه وكمان مظاهر الايه السطح هيظهر معنا سؤال ونشوف شوف مين هيعرف يحله لو قال لي اكمل من العوامل المؤثره في مناخ الوطن العربي نقط ونقط يلا بسرعه انزل اكتب لي الاجابه بتاعتك في الكومنتات عايزاك بقى توقف الفيديو وترتاح شويه وتفصل شويه وبعدين ترجع تكمل ثاني معايا بس لو لسه ما عملتش اشتراك في القناه انزل اعمل اشتراك واعمل لايك للفيديو وتعالى كمل معايا الدرس ايه الجزء الثاني اللي هنتكلم عنه في الدرس الاقاليم المناخيه في الوطن العربي يعني ايه الكلام ده هسالك سؤال هو كل حته وكل مكان في الوطن العربي المناخ فيه واحد هتقول لي لا طبعا يا مش شيماء المناخ مختلف طب المناخ بتاعي بيختلف من حيث ايه؟ قال لي بيختلف من حيث الحراره ومن حيث المطر يعني مش كل حته في الوطن العربي زي الثانيه لا ده بيختلف فيها المناخ من حيث الحراره والامطار من حته لحته ثانيه طب لو عايزين ندي تعريف للاقليم المناخي ما المقصود بالاقليم المناخي هيقول لنا ايه مساحه من الارض لها نفس الخصائص المناخيه يعني مساحه من الارض شبه بعضها في الصفات المناخيه اللي هي ايه؟ قال لي من حيث الحراره والمطر يبقى يعني ايه اقليم مناخي مساحه من الارض لها نفس الخصائص المناخيه من حيث الحراره والمطر يبقى شبه بعض من حيث الحراره والمطر طب هي مساحات الارض دي لازم تكون جنب بعضها؟ قال لي لا مش لازم طب احنا هنعرف كام اقليم مناخي في الوطن العربي؟ قال لي هنعرف ثلاث اقاليم اول اقليم اسمه اقليم البحر المتوسط ثاني اقليم اسمه الاقليم الصحراوي ثالث اقليم اسمه الاقليم المداري يبقى احنا هنعرف كم اقليم؟ ثلاث اقاليم مناخيه طب هلاقي فين اقليم البحر المتوسط؟ قال لي هلاقيه هنا كده في الشمال في شمال الوطن العربي الحتت اللي معموله باللون الاخضر دي يبقى في شمال الوطن العربي هلاقي اقليم البحر المتوسط طيب اما في جنوب الوطن العربي الحتت اللي متعلمه من البني دي قال لي دي اسمها الاقليم المداري يبقى الاقليم المداري هلاقيه في جنوب الوطن العربي طب في النص هلاقي ايه؟ قال لي هلاقي الاقليم الثالث اسمه ايه؟ الاقليم الصحراوي يبقى احنا هنتكلم على كم اقليم؟ ثلاث اقاليم مناخيه طب هنتكلم عنهم في كام حاجه برده هنتكلم عنهم في ثلاث حاجات ايه هم الموقع يعني مكان كل اقليم المناخ يعني عامل ازاي في الصيف وفي الشتاء طب ايه كمان قال لي النباتات الطبيعيه والحيوانات البريه اللي موجوده في كل اقليم هي ايه النباتات الطبيعيه دي النباتات اللي بتنموحدها دون تدخل من الانسان بقول عليها نبات طبيعي طب ايه هي الحيوانات البريه دي؟ قال لي الحيوانات اللي بتعيش في الطبيعه دول دون رعايه او تدخل من الانسان يعني عايشه برده لوحدها يبقى هنتكلم عن كام حاجه في كل اقليم ثلاث حاجات تعالوا بقى نتكلم عن اول اقليم وهو اقليم البحر المتوسط قلنا كل اقليم هنعرف عنه كام حاجه ثلاث حاجات الموقع المناخ النباتات والحيوانات البريه طب احنا قلنا اقليم البحر المتوسط موجود فين؟ في شمال الوطن العربي برافو عليكموا يبقى اول حاجه هقول له يمتد في الاجزاء الشماليه للوطن العربي ده المكان بتاعه ده الموقع بتاعه طب موجود في مدن زي ايه من الوطن العربي؟ قال لي موجود في بعض المدن العربيه مثل بيروت وطرابلس وتونس يبقى بيمتد فين؟ في الاجزاء الشماليه للوطن العربي ويشمل بعض المدن العربيه مثل بيروت وطرابلس وتونس طب تعالوا نشوف المناخ بتاعه عامل ازاي سواء في الصيف سواء في الشتاء تعال نشوف الاول المناخ في الصيف عامل ازاي في اقليم البحر المتوسط بيقول لي ترتفع في درجات الحراره يبقى الصيف بتاعه ماله حر طب والش الشتاء قال لي تعتدل في درجه الحراره المناخ عندي معتدل وعندي في سقوط امطار يبقى الصيف درجه الحراره عاليه والشتاء درجه الحراره معتدله مع سقوط امطار طب تعالوا نشوف النباتات الطبيعيه اللي هلاقيها موجوده في اقليم البحر المتوسط قال لي عندي اسم غابات اسمها الغابات المعتدله اسمها ايه الغابات المعتدله بلاقيها فين فوق المنحدرات الجبليه يعني على الجوانب بتاعه الجبال طب هي ايه اللي خلاها موجوده هناك ما تفسر وجود الغابات المعتدله فوق المنحضرات الجبليه قال لي ليه بسبب غزاره الامطار يعني ايه لغزاره الامطار عشان في امطار غزيره طب زي اشجار ايه زي اشجار الزيتون واشجار الارض شجر الارض اللي موجود في لبنان يبقى اول نوع من النباتات الطبيعيه الليلاقيها في اقليم البحر المتوسط قال لي الغابات المعتدله طب هلاقي نباتات زي ايه كمان قال لي هلاقي نوع من انواع الحشائش اسمها برده الحشائش المعتدله او الاستيبس ايه الاستربس لا الاستبس مالها الحشاش المعتدله دي او زي ما بيقولوا عليها حشاش الاستيبس قال لي تزدهر في الشتاء وتجف في الصيف يعني في الشتاء بلاقيها كتيره كده وخضراء اما في الصيف بيحصل لها ايه جفاف طب ايه الحيوانات اللي هنلاقيها عندنا في اقليم البحر المتوسط قال لي هنلاقي الاغنام والماعز طب موجوده فين موجوده في حشائش الاستبس بترعى يعني ايه ترعى يعني بتاكل وتطرب تربى في المكان ده يبقى ايه هي الحيوانات اللي هنلاقيها في اقليم البحر المتوسط هتقول لي ايه الاغنام والماعز طبلاقيها فين موجوده جنب حشائش الاستبس او ليها اسم ثاني الحشائش المعتدله طب يلا تعالوا نراجعاني الخصائص بتاعه اقليم البحر المتوسط فين مكانه في شمال الوطن العربي طب ايه المناخ بتاعه في الصيف ترتفع في درجه الحراره طب في الشتاء لا تعتدل مع سقط امتار طب ايه النباتات اللي هنلاقيها هناك هنلاقي الغابات المعتدله وهنلاقي الحش الحشائش المعتدله اللي هي اسمها الاستبس طب ايه الحيوانات اللي هنلاقيها هنلاقي الاغنام والماعز وبتتربى فين في الحشايش المعتدله تعالوا بقى نشوف ثاني اقليم مناخي اسمه ايه الاقليم المداري قلنا كل اقليم هنعرف عنه كام حاجه ثلاثه الموقع والمناخ والنباتات والحيوانات البريه تعالى الاول نشوف الموقع بتاعه موجود في جنوب الوطن العربي يبقى اول حاجه هقول له يقع في جنوب الوطن العربي طب تعالوا نشوف المناخ بتاعه عامل ازاي في الصيف وفي الشتاء ماله في الصيف اللي ترتفع فيه درجه الحراره مع سقوط امطار ايه ده عكس اقليم مين البحر المتوسط المطره عنده بتنزل في الشتاء لكن الاقليم المداري المطره عنده بتنزل في الصيف طب الشتاء بتاعه ماله؟ قال لي اعتدال درجه الحراره وجفاف المناخ يعني الشتاء عندهم ما فيهوش مطره ودرجه الحراره معتدله يبقى المناخ عندي في الاقليم المداري عكس اقليم البحر المتوسط اقليم البحر المتوسط بتسقط الامطار في الشتاء لكن الاقليم المداري بتسقط الامطار في الصيف طب درجه الحراره قال لي في الصيف درجه الحراره مرتفعه وفي الشتاء درجه الحراره معتدله طب ايه النباتات الطبيعيه اللي هلاقيها عندي في الاقليم المداري؟ قال لي هلاقي غابات من اسم الاقليم اسمها ايه؟ الغابات المداريه مالها اللي تكثر بها اشجار الصنط يبقى الغابات المداريه دي فيها نوع من الاشجار اسمه اشجار الصنط طب لو جيت قلت لك بما تفسر اهميه اشجار الصنط مهمه ليه الاشجار دي؟ قال لي عشان بيتصنع منها وبيستخرجوا منها حاجه اسمها الصمغ العربي يبقى لو قلت لك بما تفسر اهميه اشجار الصمت هتقول لي ايه نستخرج منها الصمغ العربي طب ايهاني النباتات اللي هلاقيها قال لي هلاقي نوع نباتات اسمها حشائش السافنه اسمها ايه حشائش السافنه قال لي دي متدرجه في الطول يعني مش كلها طول واحد طب بما تفسر ليه حشائش السافنه متدرجه في الطول بيقول لي حسب كميه المطر لو المطر زاد طول الحشاش دي هيزيد لو المطر قل الحشائش دي هيقل يبقى بما تفسر حشائش السافنه تتدرج في الطول هتقول لي ليه حسب كميه المطر فكلما زادت زاد الطول بتاع الحشائش كلما قلت الامطار قل الحشائش طب ايه الحيوانات اللي هلاقيها في الاقليم المداري تعال نشوف قال لي هلاقي الاسود والنمور وهلاقي الزراف والافيال يبقى هلاقي ثاني اسود ونمور وزراف وافيال لكن في اقليم البحر المتوسط كنت بلاقي ايه؟ اغنام وماعز بلاقيهم فين؟ تتربى فين؟ في حشائش المعتدله او حشائش الاستبس برافو عليك كده اتكلمنا عن اقليمين مناخيين تعالوا بقى نتكلم عن الاقليم الاخير وهو اسمه ايه؟ الاقليم الصحراوي قلنا كل اقليم هنعرف عنه كام حاجه؟ ثلاثه الموقع والمناخ والنباتات والحيوانات البريه تعالى نشوف الموقع موجود فين الاقليم الصحراوي قال لي موجود في النص وسط الوطن العربي يبقى الموقع بتاعه يقع بين اقليم البحر المتوسط شمالا والاقليم المداري جنوبا يبقى فين الاقليم الصحراوي يقع بين اقليمين البحر المتوسط شمالا والاقليم المداري جنوبا يعني في النص مش بس كده ده بيقول لي ان الاقليم ده يسود معظم انحاء الوطن العربي يعني معظم الوطن العربي في انهي اقليم مناخي هتقول له ايه الاقليم الصحراوي لو قال لك في البحر المتوسط تقول له غلط لو قال لك المداري تقول له غلط امال الاجابه الاقليم الصحراوي طب تعال نشوف المناخ بتاعه عامل ازاي في الصيف وعامل ازاي في الشتاء تعال نشوف الصيف الاول بيقول لي ايه ارتفاع شديد في درجه الحراره خاصه بالنهار طب الشتاء انخفاض شديد في درجه الحراره خاصه بالليل يبقى بالصيف ارتفاع شديد في درجه الحراره خاصه بالنهار اما في الشتاء انخفاض شديد في درجه الحراره خاصه بالليل طب تعال نشوف ايه النباتات اللي موجوده عندي في الاقليم الصحراوي بيقول لي يختلف النبات الطبيعي حسب كميه المطر يعني النباتات اللي هتكون موجوده في الاقليم الصحراوي مختلفه حسب ايه المطر طب دلل تعال نشوف يعني دلل يعني اثبت ليه واكد لي بيقول لي هتنمو الاعشاب القصيره في المناطق قليله المطر يبقى المناطق اللي المطره فيها قليله هلاقي اعشاب قصيره طب والمناطق بقى نادره المطر قال لي هلاقي فيها انواع نباتات اسمها نباتات الشوكيه يعني ايه النباتات الشوكيه؟ زي التين الشكي كده يبقى لو قال لي دلل يختلف النبات الطبيعي حسب كميه المطر هقول له ايه حيث تنمو الاعشاب القصيره في المناطق قليله المطر وتنمو النباتات الشوكيه في المناطق نادره المطر يلا في الورقه والقلم سجل لي كمان السؤال ده عشان مهم قوي طب ايه الحيوانات اللي احنا هنلاقيها في الاقليم الصحراوي قال لي هلاقي زواحف وابل وغزلان هلاقي ايه زواحف وابل وغزلان يبقى احنا كده اتكلمنا على الثلاث اقاليم المناخيه في الوطن العربي هم مين اقليم البحر المتوسط والاقليم الصحراوي والاقليم المداري طب تعال نشوف السؤال ده مع بعض بيقول لي ايه ما النتائج المترتبه على تنوع المناخ او الاقاليم المناخيه في الوطن العربي لما بقى عندي تنوع في المناخ والاقاليم المناخيه ايه اللي حصل اول حاجه بقى عندي تنوع في كل حاجه في النبات الطبيعي والحيوانات البريه وكمان المحاصيل الزراعيه مختلفه من مكان لاخر يبقى واحد هقول له تنوع النباتات الطبيعيه والحيوانات البريه والمحاصيل الزراعيه طب ايه كمان بقى عندي تنشيط لنوع من انواع السياحه اسمه السياحه البيئيه يبقى ثاني حاجه تنشيط السياحه البيئيه طب ثالث حاجه بقى عندي تكامل ما بين الدول العربيه كل دوله بتكمل الثانيه بيتبادلوا مع بعض المحاصيل والمنتجات ما هو البلاد دي مختلفه في المناخ وطالما مختلفه في المناخ هيبقى عندهم حاجات مختلفه كل واحد هيدي الثاني الحاجه اللي مش عنده فهيبقى ما بينهم حاجه اسمها ايه تكامل يعني ايه تكامل يعني هيكملوا بعضهم البعض يبقى لاثه تحقيق حقيق التكامل بين الدول العربيه من خلال تبادل المحاصيل والمنتجات عايزاك كمان تسجل في الورقه والقلم السؤال ده عشان مهم طب بص بقى السؤال ده بيقول لي ايه بما تفسر تنوع الاقاليم والمناخيه في الوطن العربي وحضرتك لسه قايلاه لا انا من شويه قلت لك ما النتائج المترتبه يعني ايه اللي حصل من ورا التنوع ده انا هنا بقول لك اصلا بما تفسر ليه بقى عندي تنوع في الاقاليم المناخيه في الوطن العربي هتقول ليه الاجابه بسبب اتساع مساحه الوطن العربي ليه؟ بسبب اتساع مساحه الوطن الايه؟ العربي سجل كمان السؤال ده عندك وبكده يا سنه نكون وصلنا لاخر درسنا اللي كان بعنوان وطننا العربي المناخ والنبات الطبيعي واللي فضل معايا لاخر الفيديو فهو من الابطال ويوريني نفسه يلا بكومنت ويعمل لايك لو لسه ما عملش ويستناني الدرس الجاي والدراسات احلاه مع مس شيماء احمد