علامات مثالية تثبت أن هدفك هو الذي اختارك وأنت تعتقد أنك انت الذي اخترته درس 464

السلام عليكم ورحمه الله وبركاته. الطبيعي لما انت بتفكر في هدف بشده بتبقى معتقد بمنتهى الهدوء كده والمنطق انك انت اللي اخترت الهدف ده. امال يعني فكرت فيه ليه؟ انت اللي محتاجه. مش كده؟ لكن المفارقه العجيبه بقى ان في بعض الناس لما بيوصلوا للهدف بتاعهم بيكتشفوا ان الهدف ده هو اللي كان مختارهم. ارواحهم من البدايه قررت ان الهدف ده لازم يكون موجود وهم كانوا بعقلهم الواعي المنطقي الارضي البسيط مفكرين ان هم بس كانوا عايزين الهدف ده وعشان كده هقول لك بعض العلامات اللي تخليك تعرف ان الهدف هو اللي اختارك اول علامه ان الهدف بيرجع لك حتى بعد ما تسيبه بارادتك مش مجرد ان انت فكرت فيه كتير لا احنا بنتكلم عن حاجه اعمق بكتير جدا فكره بتخرج من حياتك تماما تحلف انك قفلت صفحتها ويمكن كمان بقيت مقتنع انها نزوه او وهم وبعدين فجاه ترجع تلاقيها واقفه قدامك ثاني بنفس الشكل او بشكل مختلف بس بنفس الاحساس كانها بتقول لك انا لسه هنا على فكره ومش ناويه اسيبك اللي بيختار هدفه بنفسه عاده بيقدر يستبدله بسهوله يعني لو تعب ب منه او زهق بيلاقي بديل وبيمشي انما الهدف اللي مختارك بيبقى عنده قدره غريبه انه يعيد تقديم نفسه في حياتك مهما حاولت تهرب منه تلاقي نفسك بتقفل الباب من هنا فيدخل لك من الشباك من هنا تسيبه فتره يرجع لك ثاني على هيئه فرصه مثلا او شخص او فكره او حتى حلم او موقف عابر يصحي نفس الشعور جواك والاغرب ان الرجوع ده مش بيبقى عشوائي بيبقى غالبا في لحظات مفصليه ومحوريه مهمه جدا وقت ما تكون تايه او وقت مثلا بتعيد ترتيب نفسك او حتى فاقد الشغف فجاه بيظهر الهدف ده تاني كانه الخيط الوحيد اللي لسه واضح وسط الضباب ده كله وده مش صدفه زي ما العقل بيحب يفسر ده اقرب لنداء روحي متكرر في الحاله دي انت مش اللي بتجري ورا الهدف الهدف هو اللي بيعيد استدعائك كل شويه كانه بينادي على نسخه معينه منك لسه ما ظهرتش وكل مره بيرجع بيختبرك هل انت جاهز دلوقتي ان انت تاخدني هل انت اتغيرت كفايه عشان تمشي في الطريق بتاعي وانتبهوا قوي بقى في العلامه دي بين الهدف والدرس الهدف دايما بتكون غايته ساميه ومفيده وخير لكن ما حدش يقول لي كل مره بشوف قدامي سجاير كيلوباترا بعد ما بطلتها فكده ده مش هدف ده كده في الحال الحاله دي درس وامتحان وفي اهداف خفيه باينه من بره انها حلوه لكن داخلها نقمه ربنا طبعا بيدلك ثاني علامه انك بتتغير غصب عنك عشان الهدف ده في العادي لما انت بتختار هدف بكامل ارادتك انت اللي بتقرر تطور عشانه تتعلم مهاره تغير عاده تظبط وقتك الموضوع بيبقى فيه اراده انما هنا اللي بيحصل اغرب التغيير بيبدا يبدا يحصل حتى لو انت مش ناوي تتغير لما الهدف هو اللي يختارك تلاقي نفسك بتنجذب لحاجات عمرها ما كانت على بالك بتفهم معلومات كانها سهله بشكل غير منطقي او بتتسحب تدريجيا من بيئه او ناس كانوا عاديين بالنسبه لك قبل كده كان في اعاده تشكيل بتحصل لك من جوه من غير ما تاخد القرار بشكل صريح والاحساس بقى اللي بيبقى مع كل ده مهم جدا ما فيش ضغط ما فيش اجبار تقيل لكن في حاجه كانها بتشدك شد هادي كده زي مثلا تيار ميه بياخدك معاه على السكه حتى مقاومه التغيير بتبقى مرهقه لو حاولت ان انت تعكس الاتجاه بتاع الهدف ده بتلاقي نفسك تعبت قوي ببساطه لو لقيت نفسك بتتبدل وبتتظبط داخليا تلقائيا من غير مجهود منك عشان تمشي في طريق معين يبقى بنسبه كبيره الطريق ده مش اختيارك انت لوحدك ده اختيارك واتفرض عليك في نفس الوقت كانه عارفك قبل ما انت تعرفه ثالث علامه انك بتحس ان الهدف ده عارفك اكتر ما انت عارف نفسك يعني ايه الكلام ده يعني تلاقي الهدف ده مناسب ليك بشكل مريب مش بس مناسب لمهاراتك الحاليه لا كمان مناسب لنقط ضعفك للعقد اللي جواك لحاجات انت اصلا بتحاول تهرب منها كانه جاي مخصوص يضغط على نقط الضعف اللي عندك عشان تتفك جواك لو انت اللي مختار الهدف غالبا هتختار حاجه تريحك او على الاقل شبهك دلوقتي انما الهدف اللي بيختارك بيبقى فيه جزء كده مستفز شويه يوريك نفسك على حقيقتها يخليك تواجه حاجات مش حابب تشوفها وفي نفس الوقت بيفتح لك ابواب انت ما كنتش متخيلها في نفسك الغريب بقى في الموضوع ده انك رغم التحدي والجزء المستفز في الهدف ده انت مش قادر تكرهه او تبعد عنه تماما بتحس انه ثقيل اه بس مناسب صعب ماشي بس بتاعك كان في علاقه غامضه بينك وبينه فيها شد وجذب اون اوف بس فيها فهم عميق من طرف واحد على الاقل اللي هو انت فلو لقيت هدف بيكشفك لنفسك وبيفهمك حتى في الحاجات اللي انت لسه مش فاهمها غالبا هو مش مجرد اختيارك انت لا ده متفصل عليك جايلك كده بدور معين لازم تعيشه. رابع علامه ان الطريق للهدف ده بيتفتح لك في اخر لحظه ودي انا جربتها شخصيا. مش معنى كده ان كل حاجه سهله بالعكس اوقات بيبقى في تعطيل وتاخير غريب تحس ان الدنيا مقفوله وانك كل ما تقرب خطوه حاجه توقفك لدرجه انك ممكن تقتنع ان خلاص مافيش امل وبعدين فجاه في توقيت غريب جدا قبل ما تستسلم بشعره تلاقي باب اتفتح فرصه تظهر شخص يدخل حياتك فكره تنور في دماغك حاجه صغيره بس كفايه انها تنقلك نقله كامله اللي بيختار هدفه غالبا بيمشي له بخط مستقيم نسبيا يعني مجهود مقابل قيمه او مقابل نتيجه انما هنا الايقاع مختلف في توقيت محسوب الهي كان الهدف مستنيك توصل لنقطه معينه الاول وبعدين يبتدي يفتح لك السكه الاحساس هنا بيبقى غريب شويه مش حظ عادي ومش تخطيطك انت بس لا في ترتيب بيتعمل من وراك عند ربنا سبحانه وتعالى وكل حاجه بتتحط في مكانها صح في اللحظه اللي المفروض تظهر فيها فلو لاحظت ان طريق هدف معين بيشتغل معاك بالاسلوب ده يتقفل ويتفتح بطريقه محسوبه قوي خصوصا في اخر لحظه بيبقى غالبا الهدف ده له توقيت معاك مش مجرد اختيار عشوائي خامس علامه انك بتحس انك راجع لحاجه قديمه مش رايح لحاجه جديده وده برده غريب جدا يعني بدل الاحساس المعتاد انك بتدخل بقى على تجربه لاول مره وبيجيلك شعور كده غريب الفه كانك عارف الاحساس ده قبل كده هقول لك ازاي يعني مثلا انت خلاص لو وصلت لهدف انت مختاره بتحس كده انك داخل تجربه لاول مره لان انت اللي مختار الهدف ده مش هو اللي اختارك العكس صحيح بقى لو الهدف هو اللي اختارك وانت كنت مفكر نفسك انت اللي مختاره بمجرد ما بتحصل عليه بتحس انه ما فيش حاجه جديده حصلت في حياتك وكان الموضوع ده معاك من قبل كده ومش مستغرب غرب الطريق الجديد اللي انت دخلته رغم انه نظريا جديد عليك لكن شعوريا انت حاسس انك كنت هنا قبل كده مش بالمكان بالحاله الشعوريه كان الهدف ده مش بيبنيك من الصفر هو بيفكرك بحاجه كانت موجوده فيك واتغطت مع الوقت الفرق مهم جدا لان الهدف اللي انت اخترته بيحتاج مجهود عشان تتعلمه انما الهدف اللي بيختارك محتاج منك ان انت تفتكره وعشان عشان كده التعلم فيه بيبقى اسرع واعمق وفي احساس داخلي بالصح حتى لو الطريق لسه مش واضح بالكامل فلو هدف معين بيجي لك معاه احساس رجوع مش بدايه كانك بتستعيد نسخه منك كانت مستخبيه يبقى بنسبه كبيره ده ما كانش اختيارك الواعي ده حاجه اقدم منك هي اللي رجعت لك دلوقتي سادس علامه ان الهدف ده بيخليك اهدى من جوه حتى لو هو صعب خلي بالك بقى من النقطه دي كويس. مش بنتكلم بقى عن حماس البدايات ولا اندفاع ولا نشوه. بالعكس احيانا الهدف اللي بيختارك بيبقى ثقيل وفي تحديات زي ما قلنا. لكن الغريبه بقى ان جواك بيبقى في هدوء برود كده كانك متاكد في ارض صلبه انت واقف عليها. الهدف الغلط حتى لو شكله حلو وكل الناس بتعمله غالبا معاك انت لو مش مختارك بيعمل لك توتر مستمر. قلق مقارنه احساس انك لازم تثبت نفسك طول الوقت وكانك بتجري عشان تلحق حاجه هتهرب منك انما الهدف اللي بيختارك حتى في اصعب مراحله بيديك احساس انت في مكانك يا عم اي نعم مش مرتاح 100% لكن مش متشتت ومش متلخبط وده برده فرق مهم قوي لان السلام الداخلي ده مش سهل انه يتصنع لو حاولت تقنع نفسك بهدف مش بتاعك هتفضل من جواك في شد وعصبيه حتى لو من بره شكلك ثابت فلو لقيت هدف رغم صعوبته بيخليك هادي من جوه ومش بيستنزفك نفسيا بشكل فوضوي يبقى غالبا ده طريق اختارك مش اختيار عشوائي ولا ضغط خارجي العلامه السابعه ان الهدف ده مش بيشبع غرورك لكن بيشبع احساس ثاني اعمق بكتير يعني ايه الكلام ده يعني ممكن لا يعطيك هذا الهدف الشك شكل اللي الناس بتنبهر بيه ولا يخليك تحس انك احسن واحد في الدنيا ولا بيلمع صورتك قدام حد ولا حتى قدام نفسك بالعكس احيانا بيخليك عادي جدا من بره او حتى مش مفهوم بالنسبه للناس لكن من جواك في احساس اكتفاء وامتلاء غريب جدا كانك بتعمل حاجه ليها معنى حقيقي حتى لو ما حدش شايفها بتحس انك بتستخدم الهدف ده صح مش مجرد ان انت بتفتخر او عايز تثبت حاجه الاهداف اللي احنا بنختارها بعقلنا بس غالبا بيكون فيها نسبه كبيره من اثبات الذات والمقارنه والابهار انما الهدف اللي بيختارك مش مهتم ان هو يلمعك هو مهتم يشغلك في دور معين فلو لقيت هدف مش بيغذي غرورك لكن بيغذي احساس عميق بالمعنى حتى في الصمت يبقى غالبا ده اختيار ربنا سبحانه وتعالى ليك ده اقرب لدور انت تم مناداتك له حتى لو ما حدش سمع النداء ده غيرك ثامن علامه انك مش محتاج تحفز نفسك عليه كل شويه يعني ايه؟ يعني الهدف ده مش قائم على دفعات حماس مؤقته مش محتاج كل يوم بقى تشوف فيديو تحفيزي او حد يشجعك او تعمل له مثلا ورد ماعفش ازاي او تضغط نفسك عشان تتحرك حتى في الايام اللي طاقتك فيها قليله بتلاقي نفسك لسه راجع للهدف اللي مختارك بشكل طبيعي من غير ما تقعد تقنع نفسك كتير. الاهداف اللي احنا بنختارها بنفسنا بتعتمد على المزاج والحماس يوم فوق ويوم تحت. ولو الحماس اختفى تلاقي نفسك وقفت كل حاجه. انما الهدف اللي مختارك اللي هو بصله الروح او زي ما بنقول عليه كده في الفلك العقده الشماليه في استمراريه هاديه في نار كده على الواطي بتسوي الرز زي ما احنا بنعمل يعني وده برده حاجه مهمه جدا فرق يعني لانك مش بتكبر نفسك تمشي انت بترجع له تلقائيا كانه بقى جزء من روتينك الداخلي مش حاجه غريبه محتاجه بقى ان انت تبذل مجهود عشانها فلو لقيت هدف مش محتاج منك ك تحفيز مستمر عشان تشتغل عليه وبتلاقي نفسك بترجع له حتى في اضعف حالاتك يبقى غالبا ده مش مجرد اختيار لحظي دي حاجه متوصله بيك من جوه وبتشدك ليها بالتدريج كل مره تاسع علامه انك تلاحظ ان الصدف بتاعته والتزامنات بتاعته قليله عكس الاهداف الثانيه لكن نتائجك فيه بتبقى ثقيله ليها معنى يعني ممكن ما يكونش عندك واسطه ولا دعم كبير ولا علاقات بتسهل لك الطريق ولا بتظهر لك بقى علامات الواحد واحد والريش والكلام ده ولا الاحلام ولا عندك كمان حظ واضح زي بعض الناس بالعكس انت ماشي كده ببركه دعاء الوالدين ويمكن كمان ما فيش دعاء والدين اساسا وتحس انك ماشي لوحدك شويه لكن اول ما تعمل خطوه صح في الهدف اللي مختارك ده تلاقي فجاه كده كانك ضربت كرسي في الكلوب النتيجه بتيجي عميل قه واكثر من المتوقع مش شرط تكون سريعه لكن قويه حاجه واحده بس تعملها في الهدف ده مثلا تاخد منك شهر اثنين فجاه كده تلاقي طاقه القدر اتفتحت معاك وتفتح لك معاها فهم ونقله اكبر من حجمها الطبيعي كان كل مجهود صغير انت بتعمله بيتضاعف ويتضخم تاثيره في طريق الهدف اللي مختارك الهدف اللي انت مختاره انت بقى ممكن يعتمد على الحظ على العلاقات ا مثلا وصايط عشان يكبر انما الهدف اللي هو مختارك بيعتمد على جودتك انت روحك انت وكل ما تتحسن النتائج ترد عليك بشكل واضح حتى لو الطريق ده مش مزعوم بالفرص السهله فلو لقيت انك مش معتمد على صداف كتير ولا تزامنات ولا علامات ولا وسيط في الطريق ده لكن اي خطوه بتعملها بتطلع بنتيجه ثقيله ومؤثره يبقى غالبا ده مش طريق عادي ده طريق مرتبط بيك انت شخصيا مش بالظروف اللي حواليك عاشر واخر علامه عشان طولت عليكم ودي بيتلخبط فيها ناس كتير قوي وهقول لك ليه انك لما بتبعد عن الهدف اللي هو مختارك بتحس انك مش انت مش نفسك مش مجرد انك وقفت شغل او فقدت حماس لا الاحساس اعمق شويه تلاقي نفسك تايه مزاجك متلخبط حتى لو حياتك من بره ماشيه عادي كان في جزء اساسي داخلك اتسحب والغريبه انك ممكن تجرب بدايل ثانيه اهداف اسهل او مريحه اكتر بس الاحساس بتاع فقدان الهدف اللي كان مختارك ما بيروحش بيفضل منغص كده جواك تفضل حاسس ان في حاجه ناقصه زي مثلا قطعه بازل كده مش راكبه مهما غيرت الشكل مش موجوده اول ما ترجع تاني للهدف ده حتى لو بخطوه صغيره الاحساس بتاع الفراغ العاطفي اللي جواك ده يهدى مش لازم تحقق فيه انجاز ضخم بس مجرد الرجوع للطريق ده بيظبطك من جوه كانك رجعت مكانك الطبيعي الهدف اللي انت مختاره بس وهو مش مختارك بتقدر تستبدله لو مش مناسب بتسيبه وبتشوف غيره انما الهدف اللي مختارك غيابه بيعمل فرق واضح وفراغ كبير وجوده بيرجعك لنفسك ثاني طيب ليه الناس بتتلخبط فيه لان في في ناس بتبقى شايفه ان في هدف بتحس بفراغ في بعده فبتفتكر ان ده مكتوب لها زي مثلا واحده حبيبها غدر بيها وراح اتجوز غيرها فبتبقى مفكره انه هيرجعاني بعد حركه الغدر دي فهنا لازم يبقى في فلتر كده للعلامه العاشره دي تحديدا ممكن نقول عليه فلتر امان ان الهدف اللي مختارك بيرجعك لنفسك مش بيعلقك بشخص او بشيء ثاني يعني ايه يعني لو الاحساس بالفراغ ده مربوط بشخص معين او بشيء معين مسحوب بتعلق بانتظار بتفسير تصرفات الشخص الغايب او الشيء ده يا ترى مكتوب لي ولا لا وعندك امل يا ترى يرجع ولا لا ده مش هدف مختارك دي دايره استنزاف لانك في الحاله دي مش بتقرب لنفسك انت بتدور حوالين حد ثاني انما الهدف الحقيقي لما انت بترجع له بيركز فيك انت بيخليك اوضح واهدى واقوى مش محتاج حد يكملك حتى لو في ناس في الطريق وجودهم بيبقى اضافه مش شرط ان هم يكونوا اساسيين وفي فرق مهم جدا التعلق بيحبس طاقتك حوالين شخص او شيء انما الهدف اللي مختارك بيوسعك حتى لو في البدايه كان شكله ضيق او صعب فمثلا لو شفنا البنت اللي مستنيه حد رجع لها او لا دي او شايفه ان حياتها واقفه عليه دي مش علامه ان ده هدف اختارها دي علامه بتقول ان في حاجه جواها محتاجه تتحرر الاول وقيسوا بقى على المثال كتير اتمنى تكون المعلومات افادتكم واضافت لكم بالتوفيق وسلام