نماذج تنموية رائدة البرازيل جغرافيا تانية ثانوى الترم التانى

السلام عليكم ورحمه الله وبركاته اهلا بكم طلبه الثانيه ثانوي ادبي في كل مكان معكم مستر محمد فتحي وتعالوا بقى نكمل كلام عن الدرس الثالث جغرافيا الترم الثاني في الوحده الثالثه بعنوان نماذج تنمويه رائده الجزء الثاني اللي هنتكلم فيه عن التجربه البرازيليه ونشوف بقى دوله البرازيل هتعمل ايه عشان تعمل تنميه ده بقى موضوع حلقتنا ويلا بينا بقى نبدا ونقول بسم نقول بقى بسم الله ونبدا نتكلم عن ثانيا التجربه البرازيليه ده عالم البرازيل على فكره نطلع بقى فوق شويه كده ونعرف شويه معلومات عن دوله البرازيل هي اكبر دول امريكا الجنوبيه من حيث المساحه وعدد السكان يعني لو انت رحت كده دي خريطه دوله البرازيل هي اكبر دوله من حيث المساحه وعدد السكان في قاره امريكا الجنوبيه طب وايه كمان هي خامس دول العالم من حيث المساحه مساحتها 8.نص نص مليون مربع العاصمه برازيليا نروح تاني للخريطه كده اهو اهي العاصمه في نص البلد برازيليا وكمان العمله ريال برازيلي وده شكله اهو لو عايز تحوله لدولار ف 6 ريال بيساوي دولار وكمان عدد السكان 194 مليون نسمه ونظام الحكم جمهوريه دستوريه فيدراليه والدول اللي بتمشي بالنظام الفيدرالي بتكون دول كبيره المساحه زي ما انت شفت كده مساحتها كبيره جدا قد ايه 8.نص نص مليون مربع يعني قد مصر ثمان مرات ونص يعني مساحه ضخمه جدا فلازم تمشي بالنظام ايه الفيدرالي هكلمك عليه في الاخر بس اصبر بس شويه والديانه الرسميه هي المسيحيه واللغه الرسميه هي البرتغاليه ودوله البرازيل هي اكبر دوله في العالم ناطقه للبرتغاليه كده احنا خلصنا شويه معلومات كده عن دوله البرازيل جميله جدا بس تعال نروح كده للخريطه نطلع بشويه معلومات هي عندها مسطح مائي طويل جدا على المحيط الاطلنطي هنا اهو العاصمه بتاعتها مدينه برازيليا لكن عندها مدن مهمه جدا زي مدينه هنا كده اسمها ريودي جانيرو تمام بس كده نطلع بقى فوق شويه كده وتعال نشوف البرازيل كانت عامله ازاي زمان ونتكلم عن معالم التجربه البرازيليه في ثمانينيات القرن الع اللي هو القرن اللي فات واجهت البرازيل مثل اغلب دول العالم الثالث اللي هي الدول النم الضعيفه ازمه ديون طاحنه كان عندها ايه ديون عماله تاخد ايه قرود وبتاخد قروض هيبقى عليك فوايد مش هتخلص وحاولت الخروج من الازمه دي فغالت في الاقتراد من الخارج لتنفيذ مشروعات تنميه عملت ايه كده عليها ديون كتير فعايزه تدفع مش عارفه فراحت تاخد كروت ثاني اقتراض ثاني من الخارج عشان تعمل مشروعات وتاخد فلوس من المشروعات اللي هتعملها تسدد الديون القديم مما خلف ديونا اقتصاديه كبيره شكلت عبءا على الاجيال اللاحقه اوبا فشلت فشلت الخطه بتاعتها دي راحت تستلف تعمل مشروعات على اساس انها تكسب فتسدد الديون القديمه لكن الموضوع فشل خلف ديونا اقتصاديه كبيره ومين اللي هيدفع الكلام ده الاجيال اللاحقه اللي جايه قدام شويه فقالوا لا الموضوع كده محتاج وقفه طب وهيحصل ايه تعالى نكمل في عام 1995 ميلاديا ارتفع الدين الخارجي للبرازيل الى 250 مليون دولار عليها قد ايه ديون 250 مليون دولار وترتب على ذلك ايه وترتب على ذلك ايه بقى انعدام الثقه في الاقتصاد البرازيلي سواء من الجهات الدوليه المانحه او من المستثمرين خلاص ما بقاش في ثقه في الاقتصاد البرازيلي انه يرد الديون اللي عليه فخلاص كده ما حدش هيسلفهم ثاني من الدول المانحه اللي هي بتديهم قروض او من مستثمرين ولو في رجال اعمال هيخافوا ياخدوا فلوسهم ويروحوا البرازيل يعملوا مشروعات دي دوله مفلسه ممكن تستولي على فلوسك في اي وقت هتحصل مشكله فابتدى بقى رجال الاعمال المستثمرين ما يروحوش البرازيل وكمان الدول المانحه اللي كانت بتديهم قروض بطلت طب وهيترتب على كده ايه مشاكل سودا زادت مشكلات الفقر وارتفعت معدلات البطاله وساءت احوال التعليم وانتشرت الجرائم طبعا وظهر تفاوت بين طبقات ات المجتمع بقى في ناس غنيه جدا جدا وناس تحت خط الفقر جدا جدا في القاع طب وايه الحل هنا بقى لازم يتدخلوا ويروحوا لجغرافيه التنميه عشان يحطوا خطه خلال العقدين الماضيين نجحت البرازيل في تحقيق استقرار اقتصادي وظهر ذلك في ايه ده خلي بالك بيقول لك خلال ايه العقدين الماضيين يعني خلال 20 سنه نجحت البرازيل انها تعمل تحقيق استقرار اقت اقتصادي خطه خلال 20 سنه تحول البرازيل من دوله فقيره فيها مشكلات منيله بنيله زي ما انت شايف كده لدوله غنيه ايه بقى الخطه دي هقول لك عليها كمان شويه لكن تعالى نشوف ايه نتائج الخطه تحقيق نمو اقتصادي مرتفع وانخفاض نسبه الديون الى اجمالي الناتج المحلي نسبه الديون بقت قليله قوي قصاد الانتاج اللي هم بينتجوه وكمان الحد من التفاوت في الدخول وحدوث انحصار نسبي للفقر ما بقاش بقى في ناس بتاخد خد مرتبات عاليه قوي وناس بتاخد مرتبات قليله والفقر ابتدى يقل شويه واصبحت البرازيل رسميا سادس اكبر اقتصاد في العالم متقدمه على بريطانيا ده كده زي الفل قوي قوي قوي البرازيل بقت رقم كام؟ البرازيل بقت رقم سته كاقوى اقتصاد على العالم متقدمه على دوله بريطانيا اللي هي القويه جدا اللي في اوروبا دي ده كده البرازيل عدت خلاص تعال بقى ناخد سؤال نحبس بيه ونكمل نشوف هيحصل ايه ثاني يعد اخطر ما واجه البرازيل في النصف الاخير من القرن الع الميلادي ايه ايه اخطر حاجه واجهت البرازيل ان كان عندها ديون والديون دي جابت لها بلاوي سودا انعدام ثقه في الاقتصاد البرازيلي فالمستثمرين خافوا ما راحوش عندهم وحصل بقى عندهم مشكلات كتيره جدا زياده فقر ومشكلات بطاله وتدهر التعليم وجرايم ودنيا يعني صعبه جدا فنروح بقى للاختيارات وندور على حاجه شبه الكلام ده ا انخفاض متوسط الاجور لا طبعا غلط ب ارتفاع معدلات الاميه لا دي مش اخطر حاجه غلط ج زياده الديون الخارجيه ايوه هي دي اللي وصلت لكام 250 مليون دولار عملت مشكله كبيره في البلد د قله الاستثمارات الخارجيه لا دي مش اخطر حاجه اخطر حاجه هي ديون بس كده تعال بقى نكمل ونتكلم عن مجالات التنميه في البرازيل التنميه البشريه والتنميه الاقتصاديه نبدا باول حاجه رقم واحد مجالات التنميه البشريه ونشوف هتعمل ايه البرازيل عشان تتحول من دوله فقيره لدوله غنيه اتبعت الحكومه البرازيليه عده خطوات هي ايه اول حاجه مبدا المكاشفه يعني ايه يعني كل حاجه على المكشوف لاعلام مواطنيها بالموقف المالي بكل صراحه وذلك للبدء في تطبيق سياسه للتقشف يعني ايه الكلام ده عرفوا المواطنين البرازي زليين ان الوضع يا جماعه المالي بتاع البلد صعب جدا خلاص الخزنه ما فيهاش فلوس تكفي زياده فهنعمل ايه بقى سياسه جديده اسمها تقشف يعني ايه التقشف ده تبقى مقشف يعني لا لا حاجه ثانيه خالص ده حاجه في الاقتصاد تقشف اقتصادي يعني ايه يعني الحكومه مش هتصرف كتير هتقلل نفقاتها جدا جدا طب هي ليه الحكومه بتقول لهم عشان هم اللي هيتحملوا معاها الكلام ده يعني ما حدش يقعد يقول للحكومه الخدمات وحشه قوي ما هي هتقلل النفقات مش هتصرف كتير ليه؟ لان في ديون متلتله عايزه تسددها فلازم تعرف الناس عشان يستحملوا معاها فسياسه التقشف دي فبيعتبروا سياسه التقشف دي هي الطريق الاول والامثل لحل مشكلتها الاقتصاديه طب تمام قالت للمواطنين الحل سياسه التقشف بس كده تمام واتبعت برنامج التقشف وفقا لخطه صندوق النقد الدولي اوبا مين اللي عمل لهم الخطه دي صندوق النقد النقد الدولي صندوق النقد الدولي وده منظمه تابعه للامم المتحده راحوا له قالوا له الحقنا احنا خلاص البلد بتفلس ايه الحل؟ قال لهم الحل تعملوا سياسه ايه؟ تقشف تقللوا النفقات بتاعتكم جدا لحد ما تسددوا الديون اللي على الحكومه فطلعوا قاللوا للناس الكلام ده وده بنقول عليه مبدا المكاشفه كل حاجه عن المكشوف وادى ذلك الى ايه اللي حصل في النهايه بعد ما عملوا سياسه التقشف ادى ذلك الى خفض عجز الموازنه وساهم بقوه في القضاء على ازمه انعدام الثقه في الاقتصاد البرازيلي جميل الفلوس بتاعتهم كفت ما اخدوش ديون ثاني ولا قروض خالص وبدات تعود الثقه في الاقتصاد البرازيلي انه ينفع يكمل ومش هيفلس فابتدى بقى المستثمرين يرجعوا مره ثانيه والدول المانحه تبص على البرازيل كده هل ينفع نعمل مشروعات هناك وبناء عليه حصل ايه بقى تلقت البرازيل نحو 200 مليار دولار استثمارات مباشره من عام 2004 وحتى عام 2011 ركز معايا كده هم كان عليهم كام ديون 250 مليون دولار ده الديون طب جالهم قد ايه بقى استثمارات 200 مليار دولار مبلغ ضخم جدا جدا اكت من الديون فكده الموضوع اتحل كله بسبب ايه نجاح سياسه التقشف نجحت اللي قال لهم عليها مين؟ صندوق النقد الدولي حلو قوي كده جت لهم استثمارات ضخمه جدا 200 مليار دولار مما ادى الى ايه؟ الدنيا بقت زي الفل زياده دخل اكثر من نصف سكان البرازيل خلال السنوات العاشره الاخيره بنسبه 68% اكث من نص الشعب البرازيلي المرتبات بتاعتهم زادت بنسبه 68% يعني المرتب بتاعهم زاد النص واكت من النص كمان يعني حاجه زي الفل قوي قوي قوي قوي انهم كانوا عايشين في تقشف مره واحده المرتب يزيد النص ده كده زي العسل طب وايه كمان دعم الطبقات الفقيره ووصل عدد المستفيدين من الدعم الى نحو 11 مليون اسره 11 مليون اسره يعني مش 11 مليون واحد لا 11 مليون اسره بتتكون بقى من اربع افراد خمس افراد فهتلاقي العدد كبير جدا ال 11 مليون اسره دول قد ايه من الشعب البرازيلي ما يعادل 33% من الشعب البرازيلي يعني تقدر تقول ان ال 11 مليون اسره دول يعملوا لث الشعب البرازيلي ليتمكنوا من العيش بشكل افضل وبكده هيوصل الدعم الى المستفيدين مين بقى المستفيدين اللي هي الطبقات الفقيره جميل وزي الفل لحد دلوقتي طب هيعملوا ايه كمان ربط خطط التنميه الصحيه والاجتماعيه بالتعليم ازاي يعني عملوا خطه كده ونجحت اصبح الالتحاق بالتعليم والحصول على الامصال واللقاحات للاطفال بشكل منتظم شرط اساسي لحصول الاسره الفقيره على الدعم بص بقى اللعبه عملوا ايه عشان تاخد الاسره الفقيره الدعم بتاع الحكومه لازم يعملوا ايه يودوا اولادهم يلتحقوا بالتعليم وكمان اطفالهم ياخدوا ايه الامصال واللقاحات بشكل منتظم فكده يتعلموا وبكده صحتهم تكون حلوه جميل قوي كده عملوا ايه كمان نطلع فوق شويه عداله توزيع الصرف يعني عداله اجتماعيه طب وهيعملوها ازاي؟ وضعت الحكومات البرازيليه المتعاقبه خطط استراتيجيه لمحاربه الفقر والحد من التفاوت في الدخل الناس بقى اللي بتاخد مرتبات عاليه قوي وناس ثانيه بتاخد مرتبات قليله قوي كده ما فيش عداله في التوزيع ولا في عداله اجتماعيه فقالوا لازم نقضي على الموضوع ده مع مراعاه حمايه حقوق المستثمرين ورجال الاعمال المحليه ليين والاجانب بيطمنوا المستثمرين اللي هم رجال الاعمال سواء محليين يعني ناس من البرازيل او اجانب من بره البرازيل بيقولوا لهم ما تقلقوش خالص مش هتتاثروا بالموضوع ده فما حدش بقى يقلق ويمشي ويقول في نعدام ثقه والكلام القديم ده خلاص ما تقلقش خالص مما ادى الى ايه؟ انتعاش الاسواق وزياده فرص العمل الناس مرتباتها زادت بنسبه 68% فكده هيعملوا ايه بقى معاهم فلوس فييروحوا ايه يشتروا من السوق فكده ادى الى انتعاش الاسواق وكمان وفروا فرص عمل للناس اللي مش لاقيه شغل بس كده التنميه البشريه في البرازيل بقت تمام و1 م حصل ايهاني كده تعالى كده قالوا للناس هنعمل مبدا المكاشفه عشان في سياسه تقشف هنمشي عليها وسددوا الديون بتاعتهم فجت لهم استثمارات قد ايه 200 مليار دولار عملوا بيها مشروعات وفروا فرص عمل وكمان دعم الطبقات الفقيره اللي بيمثل له قد ايه من الشعب البرازيلي الشعب البرازيلي وكمان ربط خطط التنميه الصحيه والاجتماعيه بالتعليم قالوا للفقراء عشان تاخد الدعم بتاع الحكومه تعمل ايه اولادك يروحوا التعليم وياخدوا الامصال واللقاحات وكمان عملوا عداله في توزيع الثروه يعني عداله اجتماعيه عشان يحاربوا الفقر وكمان الحد من التفاوت في الدخل وفي نفس الوقت طمنوا المستثمرين ورجال الاعمال المحليين واجانب قالوا لهم ما تقلقوش خالص وترتب على كده انتعاش الاسواق الناس بقى معاها فلوس تشتري وزياده فرص العمل والتنميه البشريه بقت زي الفل تعالوا بقى نطلع فوق شويه كده ونتكلم على ثاني حاجه وهي رقم اثنين مجالات التنميه الاقتصاديه في التنميه الاقتصاديه بقى اهتموا بايه؟ مجال الصناعه ده رقم واحد كده عايز الاقتصاد بتاعك يبقى قوي لازم تهتم بايه؟ صناعه فقامت البرازيل في السنوات الاخيره بخطوات واسعه لتنميه وتطوير الصناعه من خلال ايه؟ التركيز على سياسه التصنيع بدلا من الاعتماد على الاستيراد يعني هيقللوا الاستيراد ويعملوا ايه؟ تصنيع طب وايه كمان؟ الاهتمام بالصناعات التقنيه المتقدمه لان دي اكث صناعات بتجيب فلوس اللي هي الصناعات التقنيه بتاعه التكنولوجيا فشهدت البلاد تطور في صناعه السيارات والطائرات وحاليا تمتلك البرازيل شركه من اكبر شركات العالم في تصنيع الطائرات التجاريه زي ما انت شايف كده ده مصنع تصنيع طائرات تجاريه داخل دوله البرازيل طب اهتموا بايه كمان الاهتمام بتنميه الصناعات البسيطه الحاجات بقى الصغيره اللي متوفر المواد الخام بتاعتها داخل دوله البرازيل فالصناعات دي قائمه على مواد خام زراعيه وحيوانيه في البرازيل زي الصناعات الغذائيه والجلديه والنسيجيه كلها حاجات سهله وبسيطه قوي غذائيه وجلديه ونسيجيه طيب اهت اهتميت كده بالصناعه تهتم بقى بايه؟ بالزراعه مجال الزراعه هيعملوا فيها ايه؟ تحسين سبل ووسائل الانتاج الزراعي والتوسع في بعض الزراعات اللي هم شاطرين قوي فيها عشان يوفروا انتاج ضخم ويصدروا ويكسبوا مثل محصول البن طبعا البن البرازيلي من اشهر المحاصيل في العالم وكمان بعض انواع الفاكهه ابتدوا يزرعوها ويصدر ويكسب طب وايه كمان اهتموا بمجال السياحه بتمتلك البرازيل العديد من مقاومات الجذب السياحي فيها شويه حاجات بتجذب السياح زي ايه كده الطبيعه الخلابه مثل شلالات نهر اجوازه تعالى كده بص الشلالات الجميله قوي دي اسمها شلالات ايه نهر اجوازه موجوده في دوله البرازيل فاللي عايز يتفسح بقى ويتفرج على حاجات شكلها جميله يروح دوله البرازيل يتفرج على شلالات نهر اجوازه اللي شكلها جميل قوي دي اهي طب وايه كمان ابتكارها نوع خاص من السياحه يعرف بسياحه المهرجانات ده كده بقى هيعملوا ايه؟ تنويع سياحي اخترعوا نوع جديد في السياحه اسمه سياحه ايه؟ المهرجانات وكمان قامت البرازيل بتنظيم كاس العالم سنه 2014 مما زاد من نسبه السائحين في هذا العام تعالى بقى نطلع فوق شويه كده ونشوف ايه موضوع سياحه المهرجانات في البرازيل بتمتلك البرازيل تراث شعبيا شديد الخصوصيه في الاحتفال بيقوم على ايه المهرجانات الجماهيريه التي تشهد حاله من الاحتفال الجماعي في الشوارع وبيصاحبها رقصات الصمبه والموسيقى والالوان والاستعراضات المبهره عندهم مهرجان هناك في البرازيل ينزلوا يرقصوا كلهم في الشارع زي ما انت شايف اهو كل واحد يعمل له فرقه وينزل بالفرقه بتاعته يرقصه في الشوارع عشان كده بيقول لك ايه احتفال جماعي وبيصاحبها رقصات الصمبه بيقعدوا يرقصوا رقصه كده هناك اسمها الصمبه ويشغلوا موسيقى بقى ويقعدوا يرقصوا عليها وكل واحد بقى بيلبس الوان معينه كده مبهره وشكلها حلو يعني وبيعملوا استعراضات اللي هي الرقصات يعني ويقعدوا يرقصوا بقى وتحصل حاجات بقى مش تمام يعني ونجحت في جذب 5 ملايين سائح سنويا في 5 مليون سائح بيحبوا يروحوا وقت المهرجان بتاع الصمبه يتفرجوا على الراس والحاجات دي واسهم ذلك في انعاش اقتصاد الدوله وحقق مزيدا من النمو ما ال 5 مليون سائح دول جايين البرازيلي يدفعوا فلوس دولارات متخيل 5 مليون واحد بيدفعوا فلوس مره واحده كده هيعمل ايه انعاش اقتصاد الدوله فلوس داخله بالهبل في الخزنه فحاجه جميله جدا طب مين بقى اللي عمل نهضه اقتصاديه وبشريه كده في دوله البرازيل الرئيس بتاعها اللي اسمه ايه لولا دا سيلفا في لام في الاخر اهي تقريبا مش بينطقوها لان بسمعهم في الاخبار بيقولوا لولا ده سيلفا تمام فماعرفش هي بتتكتب كده وبينطقوها كده فانت انطقها كده واكتبها كده عادي تمام هو ده شكله اهو لولا دا سيلفا ده عمل نهضه اقتصاديه وبشريه في دوله البرازيل وتولى لولا دا سيلفا رئيس البرازيل السابق من سنه 2002 لحد 2011 كان بيقول كلمه مؤثره بيعلق يعني على ان بلاده فازت بتنظيم الاولمبيات فكان بيقول ايه بقى سعاده روح البرازيل مدينه ريو دي جانيرو على الفوز بالاولمبياد في مواجه واجهه مدريد وشيكاغو وتوكيو طبعا بقى لما بيكون في مسابقه رياضيه زي الاولمبيات او كاس العالم كل دوله بتقدم تقول لك هات انا انظمها عشان طبعا السياح يجوا فبتكسب منهم فلوس فكان مقدم دول كتير منهم البرازيل وقصادها دول بقى تقيله قوي فالبرازيل هي اللي كسبت فلولا دا سيلفا كان بيقول كلمه بيقول لهم اللي خلانا نكسب مين روح البرازيل يقصد ايه بروح البرازيل الشعب البرازيلي اللي عمل تنميه بشريه واقتصاديه بنفسه واستحمل سياسه التكشف والحاجات الوحشه دي كلها عشان في النهايه الدوله تكون قويه واقتصادها حلو وبيقول في الاخر اعترف لكم بانني لو مت فان حياتي ستكون ذات معنى وقيمه يعني بيقول لهم انا عملت حاجه خلاص مش عايز اعمل حاجه ثاني بقى كفايه كده اعملوا انتوا بقى وبيقول لهم ما حدش هيقدر دلوقتي يشكك في قوه الاقتصاد البرازيلي وعظماتنا الاجتماعيه وقدرتنا على تقديم خطه ناجحه يقصد يعني السياسه التكشف بتاعه زمان بس كده خلصت كده التجربه البرازيليه الحمد لله وتمت والناس نجحوا وزي الفل تعالى بقى ناخد شويه اسئله نحبس بيها ونرجع نكمل مره ثانيه يلا بينا لكي تقوم دوله ما بالاقتضاء بالبرازيل لتحسين اوضاع سكانها يجب عليها انها تعمل ايه؟ يجب عليها انها تعمل تنميه بشريه واقتصاديه فتعالى بقى نروح للاختيارات نشوف ايه اللي معناه تنميه بشريه او اقتصاديه ا زياده واردات السلع الانتاجيه واردات يعني يستورد اورده لا غلط طيب ب تقليص الفوارق الاجتماعيه ايوه ده معناه ان يكون في عداله اجتماعيه او عداله في توزيع الثروه ج الاقتراد من الخارج لا طبعا غلط مش عايزين قروض دي بتعمل مشكله د الاهتمام بالصناعات الاستخراجيه لا طبعا غلط احنا عايزين صناعات تحويليه مش استخراجيه ناخد سؤال كمان استطاعت البرازيل ان تصبح سادس اكبر اقتصاد في العالم من خلال ايه؟ انها ابتدت تهتم بالتصنيع خصوصا الصناعات اللي هي متقدمه او تكنولوجيه فنروح للاختيارات وندور على حاجه شبه الكلام ده ا الاعتماد على القروض الاجنبيه لا طبعا غلط ب التركيز على القطاع الزراعي لا طبعا غلط ج الاعتماد على الصناعات البسيطه لا غلط د اكيد هي دي الاجابه ما فيش غيرها تطوير القطاع الصناعي التقني اللي هو بيعمل نا صناعات متقدمه تكنولوجيه لانها بتجيب فلوس كتير سؤال كمان استطاعت البرازيل ان تحقق تنميه في القطاع الاقتصادي من خلال عده اجراءات منها ايه؟ منها انها تهتم بالصناعه والزراعه وكمان السياحه اخترعت فيها نوع جديد اللي اسمه مهرجانات تمام نروح بقى للاختيارات وندور على حاجه شبه الكلام ده ا الاعتماد على المنح الدوليه لا غلط ب تنويع الانماط السياحيه يكون في نمط جديد من السياحه اسمه مهرجانات اللي جذب كام سائح؟ 5 مليون سائح ج تصدير المواد الخام لا طبعا غلط تصدير المواد الخام ده مشكله كبيره لازم يصنعوها الاول بعد كده يبيعوا منتج د الاستمرار في سياسه الاقتراد ياخدوا قروض يعني لا طبعا غلط سؤال كمان استطاعت دوله البرازيل جذب الاستثمارات الخارجيه اليها من خلال ايه البرازيل نجحت تجذب المستثمرين من الخارج من خلال ايه؟ انها طبقت سياسه التقشف وسددت الديون بتاعتها فجالها 200 مليار دولار استثمارات. نروح بقى للاختيارات ونختار حاجه شبه الكلام ده. ا تطوير نظامها التعليمي. لا طبعا غلط هي ما طورتش نظام التعليم هي قالت للفقرا تعلمه بس. ب ضبط معدلات النمو السكاني لا ما فكروش خالص انهم يقللوا السكان غلط ده هم اعتمدوا على السكان هم اللي يعملوا تنميه ج تنفيذ خطه احد اجهزه الامم المتحده ايوه هي دي الاجابه الصح الخطه يقصدوا بيها سياسه التكشف اللي قال لهم عليها مين صندوق النقد الدولي ده تبع الامم المتحده د دعم الطبقات ات الفقيره لا غلط بس كده نكون خلصنا كلام عن التجربه البرازيليه تعالوا بقى نرجع لمرجوعنا ونكمل كلام عن الدرس اللي بيتكلم عن ايه التجربه الماليزيه والبرازيليه لازم تفهمها لما تطلع من الحلقه دي فهم كل حاجه مظبوط وم هنتكلم على ايه دلوقتي ايه العوامل التي ساعدت على نجاح التنميه في كلا من ماليزيا والبرازيل تعال بقى ناخد الخلاصه الناس دي عملت تنميه ازاي يلا بينا رقم واحد الاستق التقرار السياسي ان البلد عندهم مستقره والاستقرار السياسي حاجه مهمه جدا جدا للدوله عشان تعمل تنميه لان زي ما بيقول لك الاقتصاد والسياسه الاثنين وجهان لعمله واحده اقتصادك حلو اكيد السياسه بتاعتك حلوه ومستقره ولو السياسه مستقره فاكيد الاقتصاد يكون حلو الاثنين مرتبطين ببعض جامد جدا فيلعب هذا الاستقرار دور مهم في دفع عمليه التنميه للامام حيث ايه تعال بقى نتكلم على ماليزيا وبعد كده البرازيل ونشوف قاد ماليزيا خمسه رؤساء وزاره فقط خلال 50 عاما في الفتره من 1957 ل 2007 وهو ما يشير الى حاله الاستقرار النسبي الذي عاشته ماليزيا ماليزيا خلال 50 سنه حكمها كام رئيس وزاره خمسه فده معناه ايه ان في استقرار وضع ماشي كده مستقر وهادي وزي الفل قوي طب وايه كمان كان للتدخل الحكومي دور مهم في زياده الدخول الحقيقيه من السلع والخدمات ومعالجه التفاوت في الدخل النقدي بين جميع فئات المجتمع خاصه في ماليزيا بيقول لك يعني في ماليزيا بما ان في استقرار سياسي فالحكومه بقى بدات تتدخل عشان تقضي على ايه التفاوت في الدخل النقدي ما يكونش في حد بيقبض مرتبات عاليه قوي قوي قوي وناس ثانيه بتقبض مرتبات قليله قوي لا لازم يكون في عداله في توزيع الثروه وعداله اجتماعيه وبسبب كده الدخول يعني اللي هي المرتبات سواء بقى من السلع والخدمات ومرتبات والدنيا بقت زي الفل في ماليزيا طب تعال بقى نتكلم عن البرازيل اقرار البرازيل للنظام الفيدرالي وتحولها الى النظام الديمقراطي وترسيخ دوله المؤسسات والقانون شكل الاساس والارضيه الصلبه التي قام عليها اقتصاد البرازيل ايه الكلام ده واحده بيقوللك البرازيل دوله كبيره المساحه جدا 8 ونص مليون كيلو متر مربع الدول كبيره المساحه قوي دي ما ينفعش تمشي ان واحد بس هو اللي يحكمها ويطبق كلامه عليها كلها كده تكه واحده مش هينفع ده مساحه ضخمه جدا فالدول دي بتمشي بنظام اسمه الفيدرالي يعني ايه اهو ايه النظام الفيدرالي نظام سياسي بيعتمد على تقسيم الدوله الى وحدات اداريه قد تكون ولايات او مقاطعات يعني البلد كبيره جدا فما ينفعش تتقسم محافظات زي مصر كده بتتقسم ايه؟ يا اما ولايات يا اما مقاطعات وتكون لهذه الوحدات نوع من الاستقلال الذاتي في ما عدا النواحي الماليه والدفاعيه يعني هيقسموا البرازيل نظام فيدرالي هتتقسم الى ولايات وكل ولايه لها استقلال ذاتي الحاكم بتاع الولايه يمشيه على مزاجه لها قوانين خاصه بها لكن في النهايه كلهم بيتبعوا حكومه برازيليه كبيره موجوده في العاصمه في النواحي الماليه الاقتصاد بتاعهم كلهم واحد ودفاعيه ليهم جيش واحد بس بتاع البرازيل كلها طب هم هيستفادوا ايه من الموضوع ده ان حاكم كل ولايه عارف الولايه بتاعته محتاجه ايه او شاطره في ايه شاطره في الزراعه يبقى يهتم بالزراعه ولايه ثانيه شاطرين في السياحه يبقى يهتم بالسياحه ولايه ثالثه شاطرين في الصناعه يبقى يهتم بالصناعه والرئيس بقى بتاع الحكومه اللي قاعد في العاصمه برازيليا عمال يتابع كل واحد بيعمل ايه فالنظام ده حلو قوي قوي قوي قوي في الدول كبيره المساحه غير كده كمان عملوا ايه نظام ديمقراطي يكون في انتخابات واللي يكسب هو اللي يحكم تخلص الفتره بتاعته يعملوا انتخابات ثاني اللي يكسب هو اللي يحكم الديمقراطيه دي بتشجع المستثمرين انهم يجوا لان معناه كده ان الوضع عندك في البلد في استقرار سياسي وانتخابات والدنيا هاديه قوي في امن وامان يعني فبيجوا ما فيش مشكله وكمان وفر استقرار السياسات الاقتصاديه في ماليزيا والبرازيل باموال مواتيه مواتيه يعني مناسبه السياسات الاقتصاديه في ماليزيا والبرازيل فيها استقرار يعني مش كل شويه قانون جديد يطلع وقانون يتلغى وتلاقي ضرائب زادت وعملوا ضرايب جديده لا في استقرار فده بيشكل ايه بيئه مناسبه لنمو المدخرات المحليه وجذب الاستثمارات الاجنبيه لو حد عنده فلوس بيتوكل على الله كده يفتح مشروع صغير وواحده واحده يكبر ده اللي اسمه نمو المدخرات المحليه وكمان جذب الاستثمارات الاجنبيه بيشجع رجال الاعمال يجيبوا الفلوس بتاعتهم يعملوا مشروعات في البلد ويستثمروها وفلوسهم تكتر والبلد كمان فلوسها تكتر ودخلها يزيد ويوفروا فرص عمل للشباب كل ده بسبب ايه؟ الاستقرار السياسي طب ايه كمان نطلع فوق شويه كده وفي سؤال ناخده نحبس بيه ونكمل ادى التدخل الحكومي في السنوات الماضيه لتحقيق التنميه في ماليزيا والبرازيل الى ايه؟ التدخل الحكومي بيعمل ايه؟ بيقضي على التفاوت في الدخل. يعني ما حدش ياخد مرتبات كتيره قوي وناس تانيه بتاخد مرتبات قليله قوي. لازم يكون في عداله في توزيع الثروه وعداله اجتماعيه وده اللي معناه ايه؟ ا تحقيق العداله الاجتماعيه انما ب زياده معدل الواردات استورده يعني لا غلط. ج تدني معدلات الاستهلاك عاملين تقشف يعني لا غلط. د زياده الاقتراد بياخدوا قروض لا غلط بس كده نطلع بقى فوق شويه كده وتعال نتكلم على تاني حاجه الاندماج في التكتلات الاقتصاديه واحده واحده بس عايزك تفهم يعني ايه تكتلات اقتصاديه يعني كذا دوله ودوله هنا اهي ودوله هنا ودوله هنا ودوله هنا ان الدول دي تشتغل مع بعض كده اللي بيعرف يزرع يزرع واللي بيعرف بقى يصنع يصنع واللي معاه فلوس يجيب الفلوس بتاعته عشان نصنع واللي عنده عمال يبعت العمال عشان نشتغل بالصناعه واللي عنده بترول يبعت وكل واحد يكمل اللي ناقصه من الثاني ويشتغلوا كلهم مع بعض في النهايه وينتجوا فكلهم يستفيدوا مره واحده كده ده اسمه ايه؟ تكتل اقتصادي ويبيعوا مع بعض بدون جمارك فكده بيبيعوا بسعر المصنع فالاسعار طبعا هتبقى قليله والناس هتنبسط جدا فماليزيا والبرازيل هم الاثنين اندمجوا في تكتلات اقتصاديه دخلوا في تكتلات اقتصاديه واشتغلوا مع دول تعال بقى نشوف ايه الكلام ده الاندماج في التكتلات الاقتصاديه يعد ضروره لتحقيق التنميه مما يؤدي الى فتح الاسواق وتدفق الاستثمارات حيث نجد ان بيقول لك يعني ان انت تخش في تكتلات اقتصاديه ده مهم قوي بيفتح الاسواق للمنتجات بتاعتك هتبيع بقى للدول اللي داخله معاك في التكتل انت هتبيع لهم وهم يبيعوا لك وبسعر المصنع بدون جمرك وكمان بيشجع على تدفق الاستثمارات رجال الاعمال بقى لما يلاقوا السوق شغال عندك كده وبي بتبيع اكتر هيجوا بقى يشتغلوا عندك ويعملوا مصانع وشركات تمام فنجد بقى ان ماليزيا شاركت في تكتل اقتصادي اسمه ايه منتدى التعاون الاقتصادي لدول اسيا والمحيط الهادي هو اسمه كده كبير قوي كده منتدى التعاون الاقتصادي لدول اسيا والمحيط الهادي الاختصار بتاع الجمله الطويله قوي دي ابيك اهي ده الاختصار بالانجليزي ماليزيا بقى شاركت في التكتل الاقتصادي اللي اسمه الابيك لتشجيع التجاره الحره اللي هي بدون جمارك والتعاون الاقتصادي في منطقه اسيا ودول المحيط الهادي التكتل ده يا جماعه ضخم جدا بيضم دول في اسيا ودول المحيط الهادي اي دوله تطل على المحيط الهادي داخله في التكتل ده يبقى كده ماليزيا شاركت في تكتل اقتصادي واحد اسمه ايه ابيك طب بالنسبه بقى للبرازيل لم تعتمد على السياسات الاقتصاديه الداخليه فقط للنهوض بالاقتصاد البرازيلي بل سعد على مستوى السياسات الاقتصاديه الخارجيه من خلال الانضمام الى التجمعات الاقتصاديه مثل ايه؟ ملخص الكلام ده بيقول لك البرازيل ما اعتمدتش على الخطط الاقتصاديه بتاعتها بس ده لجات الى ايه؟ السياسات الاقتصاديه الخارجيه انها تنضم لتكتلات اقتصاديه زي ايه بقى؟ تكتل الميركسور تكتل الميركسور هو رابع اكبر قوه اقتصاديه في العالم يعني ترتيبه رقم اربعه على العالم اقتصاديا بعد الاتحاد د الاوروبي يعني الاتحاد الاوروبي ده رقم واحد وتجمع دول جنوب شرق اسيا ده رقم اين والتكتل الاقتصادي لدول امريكا الشماليه ده رقم لاثه يجي رقم اربعه الميركسور اللي انضمت ليه البرازيل وده بيضم الدول بتاعه قاره امريكا الجنوبيه كمان انضمت لتكتل ثاني اسمه البريكس ايه البريكس ده هو مجموعه اقتصاديه شكلتها البرازيل مع روسيا والصين والهند هند سنه 2009 ثم انضمت لهم مين؟ جنوب افريقيا يعني بقى كده عددهم خمس دول في تكتل البريكس البرازيل رقم واحد روسيا اين الصين لاثه الهند اربعه دخلت معاهم مين؟ جنوب افريقيا والكلام ده سنه 2010 خلي بالك بقى كلمه بريكس ده الاختصار بتاع اسامي الخمس دول تمام واخدين اول حرف من اسم كل دوله فجمعهم مع بعض بقى بريكس بس كده نطلع بقى فوق شويه ونشوف ايه ثاني رقم لاثه المشاركه الشعبيه بيعد التاييد الشعبي من اهم عوامل تحقيق التنميه في ماليزيا والبرازيل طب ايه دليلك على كده حيث ماليزيا حرصت حكومتها على التاييد الشعبي وتعميق الشعور بان المواطن هو المستهدف من عمليه التنميه بيعرفوا الناس يعني خلي بالك احنا عاملين تنميه عشانك انت فاستحمل بقى معانا واشتغل وان تقدم البلاد يقوم عليه كفرد قبل كل شيء يعني الحكومه حاطت خطه انت بقى اشتغل وانتج عشان البلد تتقدم مش هتشتغل الخطه مش هتنفع ما انت اللي بتنفذ الخطه زي فريق الكوره المدرب بيحط الخطه مين اللي بينفذ الافراد اللي هم اللاعيبه مش هتنفذ الخطه ولا ليها اي لازمه ده بالنسبه لماليزيا طب تعال نشوف دوله البرازيل لم تكن تجربتها تجربه حكومات يعني الموضوع مش خطه وبس وانما قامت التنميه فيها على اراده شعبيه حقيقيه ووعي جماهيري باهميتها فلما قالوا للناس هنعمل سياسه تقشف لازم بقى تستحملوا معانا المرتبات مش هتزيد وكمان مش هننفق كتير كل ده عشان الدوله تسدد الديون والقروض اللي عليها المتلتله فالشعب البرازيلي بطبقاته الفقيره هو من تحمل اعباء سياسات التقشف حتى تعافى الاقتصاد البرازيلي وبقت دوله قويه جدا ومن سادس اقوى اقتصاد في العالم متقدمه على مين؟ بريطانيا طب اخر حاجه بقى ساعدت على نجاح تجربه ماليزيا والبرازيل رقم اربعه التعايش السلمي التعايش السلمي ده بيكون في المجتمع لما يكون بيتكون من كذا فصيل فطبعا البرازيل ما فيهاش اي مشكله اللي فيها مشكله هي مين ماليزيا بيعد احد عناصر نجاح التجربه الماليزيه وتم ذلك من خلال ايه ماليزيا عندها عناصر كتير جدا في المجتمع فبسبب التعايش السلمي نجحت التنميه انما لو كانوا ماسكين بيفرموا في بعض ويقطعوا في بعض ويضربوا بعض ما كانش هيبقى في استقرار ولا هتنجح التنميه. المهم هم عملوا بقى تعايش سلمي ازاي؟ الاعتراف بالتنوع العرقي والديني. طبعا دوله ماليزيا فيها سكان اصليين اللي هم الماليزيين وفيهم بقى صينيين ماليزيين وهنديين ماليزيين. فطبعا في تنوع عرقي وفي تنوع ديني. في مسلمين وفي الصينيين اللي هم بيعبدوا بوذه بوذيين يعني وفي مسيحيين كده حاجات كتيره قوي فكانوا عايشين مع بعض تعايش سلمي والدنيا هاديه جدا كمان. الاقرار بوجود اختلالات حقيقيه في مستويات الدخل والتعليم بين فئات المجتمع يعني هم عارفين ان في ناس بتاخد مرتبات عاليه قوي وناس ثانيه بتاخد مرتبات قليله قوي والتعليم بالنسبه للناس الغنيه حلو عشان معاهم فلوس انما الناس الفقيره التعليم وحش قوي طب وايه كمان التوافق على ضروره علاج هذه الاختلالات بشكل هادئ وواقعي وتدريجي اتفقوا مع بعض كده لازم نحل المشكلات اللي فاتت دي ما يكونش في اختلال في الدخل ناس بتاخد مرتبات عاليه وناس قليله لازم نحل الموضوع ده تماما بشكل هادي واحده واحده كده وواقعي وتدريجي وفي نفس الوقت حفظ حقوق الجميع والمشاركه في المسؤوليه ما حدش يقلق خالص كل واحد حقه محفوظ من رجال الاعمال والمستثمرين والفئات بتاعه المجتمع كل واحد حقه هيتحافظ عليه ولكن لازم كلهم يعملوا مشاركه في المسؤوليه يعني كلهم يشتغلوا وينتجوا عشان البلد تتقدم قدم بس كده الحمد لله نكون خلصنا الدرس بتاعنا الطويل قوي ده تعال بقى ناخد سؤالين نحبس بيهم ونخلص الحلقه بتاعتنا يلا بينا استطاعت ماليزيا التغلب على بعض المعوقات الداخليه التي واجهتها اثناء تحقيق التنميه الاقتصاديه ومنها ايه المشكله اللي كانت عند ماليزيا وتغلبت عليها عشان تعمل ايه تنميه اقتصاديه وبشريه ايه هي ان عندها عناصر كتير في المجتمع فعملت ايه تعايش ش سلمي ايه بقى اللي موجود في الاختيارات معناه الكلام ده ا انها تغلبت على ا التنوع الثقافي انما ب تعدد الوزارات لا غلط ج قله الموارد الطبيعيه لا طبعا غلط د كثره عدد السكان لا طبعا غلط تعال ناخد سؤال كمان ساعدت بعض دول امريكا الشماليه ماليزيا في تحقيق التنميه الاقتصاديه من خلال ايه افتكر كده عشان ماليزيا تعمل التنميه لجات انها تنضم الى التكتلات الاقتصاديه فدخل التكتل اسمه ابيك تمام ابيك ده بيضم كل الدول اللي بتطل على المحيط الهادي تمام فاكيد هيكون في الدول اللي هي موجوده في امريكا الشماليه تمام كده يلا بينا نروح للاختيارات وندور على حاجه شبه الكلام ده وجودها في تجمع البريكس لا غلط هي ما راحتش البريكس خالص ب انها دخلت التعاون الاقتصادي المشترك ابيك ج رفع قيمه الواردات يستورده يعني لا غلط د ربط خطط التنميه بالقروض لا ما اخدوش قروض غلط ناخد سؤال كمان تعد المشاركه المجتمعيه احد اسباب نجاح التجربه التنمويه في البرازيل وقد قامت على اساس ايه فاكر بقى سياسه التقشف اللي عملتها دوله البرازيل لما طلعوا كلموا الناس على المكشوف على المكشوف ده اسمه سياسه ايه مب ابدا المكاشفه دعم الطبقات الفقيره لا ج الحد من التفاوت في الدخل لا د ربط خطط التنميه بالتعليم لا ناخد سؤال كمان يعد العامل الرئيسي في نجاح التجربه الماليزيه والبرازيليه هو ايه؟ ايه العامل الرئيسي عشان التجربتين دول ينجحوا فاكر لما قلت لك اقتصاد وسياسه الاثنين واجهان لعمله واحده هو ده بقى العامل الرئيسي لنجاح التجربه الماليزيه والبرازيليه ان يكون في البلد ايه؟ استقرار سياسي نروح بقى للاختيارات وندور على حاجه شبه الكلام ده ا الديمقراطيه والاستقرار السياسي انما ب الاندماج في التكتلات الاقتصاديه هو من احد العوامل بس ده مش عامل الرئيسي غلط ج الاهتمام بالقطاع الزراعي لا هم اهتموا بالصناعه رقم واحد د الاعتماد على صندوق النقد الدولي لا طبعا غلط. ناخد سؤال كمان بس نطلع فوق شويه تشابهت ملامح التجربتين التنمويتين الماليزيه والبرازيليه في ايه الاثنين كده متشابهين في ايه تعال نشوف بقى في الاختيارات ونطلع التدخل الخارجي في سياسات الدولتين لا ما حصلش تدخل خارجي غلط ب كثره الوزارات التي تشكلت لانجاح التجربتين لا ما فيش كثره وزارات غلط ج المشاركه الدوليه في التكتلات الاقتصاديه ايوه صح ماليزيا دخلت في تكتل واحد البرازيل دخلت في اثنين تمام فخليك فاكر د التحول الى النظام الديمقراطي الفيدرالي لا اللي عمل كده هو البرازيل بس عشان مساحتها ضخمه وكبيره بس كده نكون خلصنا كلام وحلينا اسئله حبسنا بيها على الدرس الطويل قوي ده لو انت بقى كنت مركز من اول الحلقه لحد دلوقتي وفهمت كويس جدا حط لايك وتعال بقى عشان تحل سؤال الحلقه اللي بيقول رغم حدوث تنميه شامله في كلا البلدين في مختلف المجالات الا ان ماليزيا تتفوق على البرازيل في ايه؟ في حاجه كده تفوقت فيها ماليزيا على البرازيل والبرازيل ما فكروش فيها قوي كده ايه هي الحاجه دي مستوى التنميه البشريه ولا الاهتمام بالتعليم ولا الاعتماد على التعاون الدولي ولا القوه الاقتصاديه فكر بقى كده ومستني اجاباتكم في التعليقات وبس كده اكون خلصت ل عند سؤال او استفسار اكتبه في كومنت ورد عليك ان شاء الله وانتظروني الحلقه اللي جايه باذن الله وكان معكم مستر محمد فتحي والسلام عليكم ورحمه الله وبركاته.