درس السكان في وطننا العربي – الصف السادس الابتدائي دراسات اجتماعية المنهج الجديد 2026

عمرك سالت نفسك في يوم ليه في دول عربيه فيها سكان كتير وفي دول ثانيه فيها سكان شويه لو سالتني وقلت لي ليه يا مستر هرد عليك واقول لك السلام عليكم حبايب قلبي واخواتي ابطال ابتدائي عاملين ايه وحشتوني قوي قوي قوي جايلك النهارده يا حبيب قلبي بالدرس الاول في الترم الثاني بعنوان سكان في الوطن العربي يلا بينا نبدا حبيب قلبي وما تنساش تصلي على النبي وتنزل دلوقتي تعمل لنا اشتراك لو انت مش عامل اشتراك وشير لاصحابك عشان كله يستفاد وزي ما كنت معاك في الترم الاول لحد باب الامتحان برده معاك في الترم الثاني لحد ما دخلك باب الامتحان الدرس بيتكلم معاه في الاول عن السكان اللي انا عندي نمو سك سكاني يعني ايه نمو سكاني يعني زياده سكانيه السكان بتبدا تزيد بشكل كبير قوي فده هيعمل مشكله ايوه هيعمل مشكله طب وليها حلول الدول العربيه بتحط حلول مقترحه للمشكله دي فيلا بينا نتكلم مع بعض عن النمو السكاني في الوطن العربي بيقول لك ان السكان تضاعفت تسع مرات من عام 1900 لحد 2024 24 يعني السكان لو كان في 1900 مليون في 2024 بقوا 9 مليون يبقى تضاعف عدد السكان قد ايه؟ تسع مرات من امتى لامتى؟ من 1900 الى 2024 تعال بقى نشوف ايه هي اسباب النمو السكاني السؤال بيجي لي بما تفسر اسباب النمو السكاني في الوطن العربي ممكن يجي لي بصيغه ثانيه وهي شهد الوطن العربي خلال العقود الاخيره زياده سريعه في عدد السكان ليه؟ اقول له بسبب ارتفاع معدل المواليد بقى عندنا اطفال كتير مواليد كتير بتتولد ثاني حاجه الهجره الوافده خاصه الى دول الخليج اللي بيسافروا للسعوديه للامارات للكويت عشان يشتغل فهنا هيحصل في الدوله دي ايه زياده في عدد السكان هيقول لك بيهاجروا بسبب بحثا عن فرص عمل عايزين يروح يشتغل ثالث حاجه انخفاض معدل الوفيات الوفيات معدلها بقى قليل ما فيش ناس كتير بتموت ده بسبب اقول له بسبب تحسين مستوى المعيشه وارتفاع جوده الخدمات الصحيه يبقى تاني مع بعض من 1900 ل 2024 تضاعف عدد السكان كم مره تسع مرات طب ليه بقى اسباب النمو السكاني ده ليه عدد السكان زاد قال لك بسبب ارتفاع معدل المواليد رقم اين الهجره الوافده خاصه الى دول الخليج بيروحوا هناك ليه بيقول لك بحثا عن العمل ثلاثه انخفاض معدل الوفيات ده بسبب ايه مستوى المعيشه تحسن وكمان جوده الصحيه الخدمات الصحيه بقت كويسه تعالى بعد كده عندي تعريفين وحلوين وسهلين جدا وهما معاد معدل المواليد ومعدل الوفيات يعني ايه معدل المواليد؟ قال لك نسبه المواليد الى اجمالي عدد السكان في فتره معينه مش فاهم تعال مثلا نتكلم من خمس سنين فاتوا انا هتكلم عن الخمس سنين دول عندي في مصر مثلا كنا 100 مليون دلوقتي بقينا 108 مليون يبقى في الخمس سنين دول زدنا كام؟ 8 مليون صح هي دي بقى معدل المواليد النسبه اللي هي زادت في الخمس سنين دول يبقى معدل المواليد نسبه المواليد لاجمالي عدد السكان خلال فتره معينه طب تعالى بقى معدل الوفيات اشيل كلمه المواليد دي واروح حاطط كلمه الوفيات ونفس الكلام زي نسبه الوفيات الى اجمالي عدد السكان في فتره معينه يبقى شلت المواليد وحطيت مين الوفيات يبقى لما يعوز لي معدل المواليد اقول اقول له نسبه المواليد عايز معدل وفيات هقول له نسبه الوفيات تعالى بعد كده نتائج النمو السكاني في الوطن العربي لما بقى عندي نمو سكاني سريع ده هيادي الحاجه اه ادى الى زياده الضغط على الموارد والخدمات بمعنى انا دلوقتي لو معايا ازازه ميه دلوقتي الازازه الميه دي ممكن تكفيني اليوم كامل طب لو احنا 10 وشربنا من نفس الازازه هتكفي لا طبعا مش هتكفي فهنا بقى في زياده على الضغط على ايه؟ على الموارد اللي هو الاكل والميه وكمان الخدمات اللي هي المدرسه والمستشفيات وكل دهاني حاجه نقص في الغذاء اللي هو مثال الميه اللي انا عطيته لك يبقى تاني مع بعض لما بقى في نمو سكاني سريع عندي ده ادى المشكله وا هي زياده الضغط على الموارد والخدمات ونقص في الايه في الغذاء وعشان كده الدول العربيه لازم تضع حلول للمشكله السكانيه. تعال نتكلم بقى على التوزيع السكاني في الوطن العربي. هل السكان موجوده في الوطن العربي بشكل متساوي؟ اكيد لا غير متساوي. في دول فيها سكان كتير وفي دول ثانيه فيها سكان قليله. طب انا عايز اعرف الدول اللي موجود فيها سكان كتير موجوده في الجناح الاسيوي ولا موجوده في الجناح الافريقي؟ بيقول لك لا موجوده في الجناح الافريقي. طب تعال بنسبه كام؟ قال لك الجناح الاسيوي بيعيش فيها سكان حوالي 39% من سكان الوطن العربي طب والجناح الافريقي 61% يبقى تاني مع بعض الجناح الاسيوي 39% الجناح الافريقي 61% بص بقى بيقول لك توزيع السكان في الوطن العربي تختلف توزيع السكان في الوطن العربي من مكان الى مكان اخر فهناك منا مناطق مزدحمه بالسكان ومناطق ثانيه شبه خاليه من السكان وعرفنا ان المناطق اللي فيها سكان كتير موجوده في الجناح الافريقي بنسبه كام؟ 61% طب والجناح الاسوي بنسبه كام؟ 39% تعالى مع بعض اعرف الناس اللي بتقعد الحته دي فيها زحمه فيها سكان كتير بسبب ايه ايه اللي مخليهم يقعدوا هنا وما يقعدوش مثلا في الصحرا مع بعض بص بيقول لك المناطق اللي بيزيد فيها عدد السكان هيروحوا في السهول الفيضيه زي وادي النيل ونهري دجله والفرات وادي النيل اللي هي في مصر ودجله والفرات موجود في العراق طب ليه بقى؟ قال لك بسبب التربه الخصبه والميه العزبه هم قاعدين هنا بسبب موجود فيها تربه خصبه وميه عازبه يبقى دي السهول الايه الفيضيه زي وادي النيل ودجله والفرات جميل قوي طب تعالى بقى وبرده بيزدادوا في السهول الساحليه زي سهول البحر المتوسط قاعدين عند البحر المتوسط ليه؟ قال لك بسبب المناخ المعتدل ووفره مياه الامطار مناخ ايه؟ معتدل ووفره مياه الامطار وبص لي هنا السهول الساحليه مناخ معتدل ومياه امطار عشان بص معايا كده المرتفعات زي مرتفعات لبنان واليمن قاعدين فيها برده برده بسبب المناخ المعتدل ووفره مياه الامطار يبقى السهول الساحليه زيها زي مين؟ المرتفعات الاثنين في ايه مناخ معتدل ووفره مياه الامطار انما السهول الفيضيه بسبب قول معايا ايوه التربه الخصبه والميه العزبه زي سهول وادي النيل ودجله والفرار انما سهول الساحليه زي سهول البحر المتوسط بسبب المناخ المعتدل ووفره مياه الامطار طب والمرتفعات زي مرتفعات لبنان واليمن بسبب ايه؟ المناخ المعتدل ووفره مياه الامطار وبيقول لك برده في مناطق التعدين والصناعه مناطق الايه؟ التعدين والصناعه مناطق تعدين ايوه انا اخدتها يا مستر اللي انا بستخرج المعادن ومصادر الطاقه والصناعه اماكن فيها صناعه هيشتغل فهيسكن جنبها بيقول لك زي سواحل الخليج العربي والبحر الاحمر ده ليه بقى؟ قال لك عشان في فرص عمل بالتعديل واستخراج مصادر الطاقه احنا قاعدين في الحته دي ليه قاعد في الحته دي؟ قال لك عشان هنا بنستخرج مصادر طاقه وكمان منطقه فيها تعديل يعني فيها شغل يبقى تاني مع بعض مناطق التعديل والصناعه زي الخليج العربي والبحر الاحمر ليه قاعدين هنا توافر فرص عمل بالتعدين واستخراج مصادر الطاقه تعالى بعد كده مناطق يقل بها عدد السكان يعني حته بقى ما فيهاش سكان كتير ليه؟ قال لك المناطق الصحراويه والمناطق الجبليه مناطق صحراويه ومناطق الجبليه يقل بها عدد السكان قال لك عشان ندره المياه والظروف المناخيه هناك صعبه مش هنعرف نقش ما فيش ميه وكمان الجو وحش قوي وكمان قله الموارد والخدمات ولا في موارد ولا في خدمات زي مين؟ زي الصحراء الكبرى دي موجوده في افريقيا يا اما الصحراء الربع الخالي موجوده في اسيا يبقى مناطق يقل بها عدد السكان وهي المناطق الايه؟ الصحراويه والمناطق الجبليه بسبب ندره المياه والظروف المناخيه قله الموارد والخدمات مع بعضاني بسبب ايه ندره المياه الظروف المناخيه وكمان قله الموارد والايه والخدمات زي الصحراء الكبرى في افريقيا والربع الخالي موجوده في اسيا تعال بقى نتكلم على خصائص السكان في الوطن العربي خصائص السكان يعني هتكلم على خصائص تعليميه خصائص صحيه هتكلم على النوع اتكلم على العمر اتكلم على كل حاجه بتخص الانسان بص مع بعض يوضح الهرم السكاني تركيب السكان من حيث النوع النوع ده عندي حاجتين يا اما ذكور يا اما اناث ما عنديش حاجه ثالثه والعمر بنصنف العمر ده لثلاث حاجات اول حاجه كبار السن يا اما الشباب اللي هو سن العمل يا اما مين صغار السن يبقى بنقسم العمر لكما فئه ثلاث فئات كبار سن والشباب وصغار السن بص بقى بيقول لك ما المقصود بالهرم السكاني وركز معايا في الماقصود ده عشان مهم قوي بيقول لك ده شكل بياني يبقى هرم سكاني شكل بياني بيمثل توزيع السكان من حيث العمر والنوع خلال فتره زمنيه محدده يبقى هرم سكاني بيصنف من حيث العمر والنوع يعني مثلا هتكلم على ده نوع اهو ذكور وادي هنا ايئس يبقى اول حاجه قسمته لاثنين وكمان انا ممكن اقول القاعده دي اطفال اللي هي صغار السن واقول في النص هنا مثلا اللي هي الشباب فوق خالص على قمه الهرم اقول فيها مين كبار السن ده حسب كل دوله ودوله او كل منطقه ومنطقه يبقى تاني الهرم السكاني ده شكل بياني يمثل توزيع السكان من حيث العمر وحيث النوع خلال فتره زمنيه محدده تعال بقى نتكلم على التركيب العمري يا عمري التركيب العمري يا صغار سن يا كبار سن يا اما الشباب بيقول لك يتكون التركيب العمري لسكان الوطن العربي من فئات اللي هم ثلاث فئات صغار السن من اول ما يتولد لحد 15 سنه بنقول عليهم فئه صغار السن طب من 15 سنه لحد 64 سنه بنقول عليهم الشباب اللي هي قوه العمل اللي هم بيشتغلوا اللي هي الفئه المنتجه طب من 64 سنه وانت طالع دي فئه ايه كبار السن يبقى ادي الاطفال وادي الشباب وادي كبار الايه السن وبيقول لك معظم سكان الوطن العربي من فئه الشباب وصغار السن والنسبه الاقل في كبار السن طب دي حاجه حلوه ولا وحشه اقول لك حاجه حلوه ليه يا مستر حاجه حلوه اقول لك عشان ده هيؤادي الى وفره قوه عمل كبيره يمكن ان تساهم في التنميه مين اللي بيشتغل الشباب فكده هيعمل ايه هيعمل تنميه في البلد في الوطن العربي ذات نفسه كله يبقى مع بعض معظم سكان الوطن العربي من فئه شباب وصغار السن طب والاقل كبار السن دي حاجه كويسه ايوه حاجه كويسه السؤال بيجي لي ازاي ما النتائج المترتبه على ان معظم سكان الوطن العربي من فئه الشباب وصغار السن اقول له ادى الى وافرض قوه عمل كبيره يمكن ان تسهم في التنميه بعد كده نتكلم على التركيب النوعي النوعي يعني نوع يا اما ذكور يا اما اناث بيقول لك ترتفع نسبه الذكور على الاناث في منطقه الخليج العربي مش معنى منطقه الخليج العربي منطقه فيها شغل الناس بتهاجر ليها كتير عشان تروح تبحث عن فرص عمل بيقول لك بسبب العماله الوافده من الخارج الناس اللي هي رايحه تدور على شغل الناس اللي هي راحه عشان تشتغل هناك. طب ما تدينا يا مستر نسبه الذكور قد ايه ونسبه الاناث قد ايه؟ بيقول لك الذكور بلغت 51.4 يعني الذكور 51.4% طب والاناث 48.6 نسبه متفاوته يعني مش كتير قوي دي 51.4 والاناث 48.6 6 يعني مش كتيره قوي تعالى بعد كده نتكلم على التعليم بعد كده نتكلم على الصحه الخصائص التعليميه ترتفع نسبه التعليم في بعض الدول وتنخفض نسبه التعليم في بعض الدول في دول التعليم فيها مرتفع في دول التعليم فيها منخفض طب المرتفع ده زي مين؟ اقول لك مصر والااردن والامارات مين؟ مصر اردن والامارات دي ترتفع فيها نسبه التعليم طب تنخفض نسبه التعليم فين؟ هقول لك في الصومال يبقى تنخفض في الصومال ترتفع نسبه التعليم مصر والاردن والامارات وتنخفض في الصومال تعالى بعد كده نتكلم على الخصائص الصحيه بيقول لك هنا ملحوظه يرتفع نسبه الاميه بسبب الحروب والسراعات والفقر الاميه اللي هو ما بيعرفش يقرا ولا يكتب حلو تعالى بقى نتكلم على الصحه يزداد عدد الوفيات ويقل متوسط العمر في دول زي السودان والصومال مش فاهم يعني في ناس كتير قوي بتموت في الصومال والسودان ومتوسط العمر قليل يعني ايه متوسط العمر يعني عندي في مصر مثلا الناس بتموت من 60 ل 70 سنه ده متوسط العمر ان الحد الكتير قوي بيموت 64 65 يبقى ده متوسط العمر انما متوسط العمر في الصومال والسودان اقل ممكن 50 سنه يبقى كده قلل الايه متوسط العمر وبسبب ضعف الرعايه الصحيه يعني ما فيش مستشفيات ما فيش اجهزه طبيه حديثه ما فيش دكاتره متفوقه كل ده سبب في زياده عدد الايه الوفيات وكمان في سبب في ايه في قله متوسط العمر تعالى بعد كده يقل عدد الوفيات ويرتفع متوسط العمر في بعض الدول زي مصر والامارات والسعوديه مصر ومين مصر والامارات الامارات والسعوديه يبقى بص معايا كده يقل عدد الوفيات عند مصر والامارات يعني حاجه حلوه وبرده ترتفع نسبه التعليم يبقى برده مصر والامارات انا غيرت في التعليم حطيت الاردن انما في الصحه حطيت مين حطيت السعديه ده بسبب ايه اقول لك بسبب تقدم الخدمات الصحيه عندنا مستشفيات على اعلى مستوى عندنا اطباء شاطره جدا هم مريضين برده شطار جدا عندنا اجهزه حديثه كل ده سبب في ارتفاع متوسط العمر وانخفاض عدد الوفيات. تعال بعد كده نتكلم على التحديات السكانيه تواجه بعض الدول العربيه عديد من التحديات نتيجه الزياده السكانيه السريعه يعني بنواجه شويه مشكلات بس احنا هنا ما قلناش عليها مشكلات قلنا تحديات دخل تحدي ما بينك اللي انا مثلا عندي بطاله لا ده تحدي عشان اخلي ما فيش بطاله كتير اعمل مصانع كتير اعمل فرص عمل كتير فده اسمه ايه تحدي عشان كده قلنا عليها الايه؟ التحديات اول حاجه معايا وهي البطاله اول تحدي وهو ايه؟ البطاله ده بسبب زياده عدد الشباب مع قله فرص العمل عندي شباب كتير بس المصانع مش مستوعبه كميه الشباب دي ففي شباب كتير منهم عاطل قاعد على قهاوي فده اسمه ايه؟ البطاله طب وتاني حاجه نقص الغذاء بسبب زياده الاستهلاك ما عادش حد بيشبح كله عمال بياكل ياكل ياكل ياكل فهنا انا زودت الايه الاستهلاك يبقى كده ما عادش في غذاء فهنا بسبب الايه زياده الاستهلاك ثالث تحدي معايا وهو الضغط على الخدمات زي الخدمات التعليميه والخدمات الصحيه ورابع حاجه وهي الاميه وارتفاع معدل الاميه اللي هو انا قلت لك لانه ما بيعرفش اللي هم ما بيعرفوش ايه يقرا ولا يكتب بسبب الاميه دي بتزيد اكت بسبب الايه الحروب والسراعات اللي انا لسه واخدها فوق. تعال بقى بيقول لك كل هذه التحديات تجعل من الضروري ان تضع الدول العربيه خططا فعاله عشان تواجهها والتخلص من النتائج السلبيه اللي هي البطاله نقص الغذاء الضغط على الخدمات وكمان الاميه يلا بينا نرجع للزمن لورا وناخذ حقائق تاريخيه عاش البدو الرحل اللي هم الناس البدو اللي هم في الصحراء عبر التاريخ في المناطق الصحراويه حيث الاعتما اعتماد على الرعم والتنقل بحثا عن المال الناس البدوي دول كانوا بتنقلوا من مكان لمكان لمكان عشان يبحثوا عن ايه عن الميه بيقول لك ادت الحروب والسرعات بالمنطقه العربيه في القرن الماضي الى عدم قدره الدول العربيه على تحقيق امنها الغذائي والمائي ايه هي الحروف دي اللي هي ما بين فلسطين واللي ما يتسموش اسرائيل تعال بقى نبص ملخص الدرس بيقول لك تعلمت في هذا الدرس درس تضاعف عدد السكان بالوطن العربي وهو بما يعرف بالنمو السكاني يعني الزياده السكانيه تعرف باسم الايه؟ النمو السكاني اثنين اسباب النمو السكاني في الوطن العربي اقول له بسبب ارتفاع معدل المواليد انخفاض معدل الوفيات والهجره الوافده خاصه لدول الخليج ثلاثه مناطق يزيد بها العدد السكان زي السهول الفيضيه والسهول الساحليه وبعض المناطق المرتفعه اللي هي لبنان واليمن ومناطق التعادين والصناعه عندي مناطق يقل بها عدد السكان المناطق الصحراويه والمناطق الجبليه بسبب ندره المياه والظروف المناخيه الصعبه وقله الموارد والخدمات عندي بعد كده خصائص السكان في الوطن العربي قسمناها لتركيب عمري اللي هو العمر اللي هي الفئات كبار سن شباب صغار سن وعندي التركيب النوعي ان هم يا ذكور يا اما اناث الخصائص التعليميه عرفت ان هي تزيد في الدول العربيه او بعض الدول العربيه وتقل ببعض الدول العربيه الخصائص الصحيه برض نفس الكلام الخصائص الصحيه اللي هو عدد الوفيات يقل في دول ويزيد في دول وبكده يا حبيب قلبي نكون وصلنا لنهايه درسنا اتمنى تكونوا استفدتوا اخوك وحبيبك محمد الدسوقي سلام