إزاي البرمجة بتغير شخصيتك بدون ما تحس

تخيل معايا كده انك صحيت من النوم وقفت قدام المرايه عشان تغسل وشك وفجاه بدل ما تشوف ملامحك العاديه شفت رساله خطا بتقول الصفحه غير موجوده حاول مره اخرى لاحقا اهلا بيك في حياه المبرمج كثير من الناس فاكرين ان البرمجه مجرد وظيفه شويه اوامر بتكتبها للكمبيوتر عشان ينفذها وتعمل برنامج او موقع وتقبض بالدولار وتعيش ملك بس الحقيقه اللي ما حدش بيقولها لك في كورسات التعليم البرمجه للمبتدئين ان الشغلانه دي مش بس بتغير طريقه شغلك دي بتغير نظام التشغيل بتاع مخك بالكامل بتعمل تحديث لشخصيتك وانت مش حاسس النهارده انا مش جاي اكلمك عن الجافا سكريبت ولا البايثون انا جاي اكلمك عن النسخه الجديده منك الانسان الاصدار الثاني بعد ما البرمجه تعيد تشكيلك ازاي بتتحول من انسان عاطفي لكائن منطقي بزياده وازاي بتتعلم الصبر اللي يعجز عنه الجبال وهل فعلا المبرمجين بيشوفوا الدنيا زي فيلم ذا ماتركس جهز قهوتك يا صديقي وركز معايا عشان النهارده هنحلل شخصيتك سطر سطر الفقره الاولى المنطق القاتل لوجيك فيرسز ايموشن اول حاجه بتضرب في دماغك وتتغير تماما لما تدخل المجال ده هي المنطق. انت كانسان طبيعي لما حد بيحكي لك مشكله المفروض تتعاطف معاه وتطبطب عليه لكن المبرمج لا. المبرمج بيشوف اي مشكله في الحياه عباره عن خطا برمجي او بج محتاج تصليح. يعني مثلا لو والدتك جت تحكي لك انها متضايقه من جارتكم انت في دماغك الرد مش عاطفي انت بتفكر بمعادله شرطيه لو الجاره دي مزعجه اذا الحل هو التجاهل. ولو الموضوع زاد عن حده اذا الحل هو المواجهه. البرمجه بتعلمك التفكير الخواريزمي كل حاجه في الدنيا ليها خطوات ولها سبب ونتيجه وده بيخليك في الحياه العمليه شخص حاسم جدا ما بقاش عندك وقت للدراما يا صح يا غلط يا ابيض يا اسود ما فيش مكان للون الرمادي في حياتنا وده بيفكرني بمقوله الفيلسوف الشهيره ريني ديكارت انا افكر اذا انا موجود بس المبرمج بيعدلها لا احل المشكلات اذا انا مبرمج بس خد بالك العقليه دي بقدر ما هي مفيده في الشغل وانك تكون شخص منتج بقدر ما هي ممكن تخليك تبان روبوت وقاسي قدام الناس اللي بتحبهم عشان كده بنحاول دايما نفتكر ان البشر مش كائنات مبرمجه البشر كائنات معقده مالهاش كتالوج وهنا بيجي المعنى الجميل اللي في دنا وهو التوكل مع الاخذ بالاسباب البرمجه هي قمه الاخذ بالاسباب والمنطق لكن النتيجه دايما بايد ربنا سبحانه وتعالى زي ما بنقول اعقلها وتوكل انت بتكتب الكود صح وتعمل اللي عليك بس نجاح المشروع وتوفيقه دي حاجه بتاعه ربنا نيجي بقى للصفه الثانيه اللي لو ما كنتش عندك البرمجه هتزرعها فيك غصب عنك وهي مدرسه الصبر انت ممكن تفضل ست ساعات ست ساعات كاملين يا مؤمن بتلف حوالين نفسك عشان فصل منقوطه ناقصه او حرف مكتوب غلط الست ساعات دول هم اللي بيبنوا شخصيتك الحقيقيه في الاول كنت بتتعصب وتخبط الكيبورد وتتخانق مع الكمبيوتر بعد سنه برمجه بيطلع لك رساله خطا حمراء كبيره جدا وانت بتبص لها بكل برود وهدوء وبتقول تمام ما فيش مشكله هنشوف الموضوع ده بعد كوبايه الشاي البرمجه بتعلمك ان الفشل مش نهايه الطريق الفشل هو مجرد محاوله وخطوه ضروريه لحد ما توصل للحل الصحيح ستيف جوبس كان بيقول الفرق بين الشخص الناجح وغير الناجح هو المثابره الباحته وعندنا مفهوم ايماني عميق جدا بيلمس الحته دي وهو الرضا انك ترضى ان في مشكله وتهدى وتبتدي تحلها البرمجه بتعلمك ان ما فيش مشكله مالهاش حل وان مع العسر يسرى المشكله هتتحل والبرنامج هيشتغل بس انت محتاج صبر. الفقره الثالثه الدقه ولعنه التفاصيل كلين كود ثالث حاجه البرمجه بتغيرها فيك الدقه والنظام زمان كنت ممكن تقول لصاحبك هات لي حاجه اشربها وتسكت دلوقتي كمبرمج الجمله دي بتعمل قفله في دماغك الكمبيوتر ما بيفهمش الكلام العايم لازم تحدد عايز حاجه ساقعه ولا سخنه شاي ولا قهوه سكر ولا ساده في كوبايه ولا مج البرمجه بتخليك تكون محدد جدا بتخليك تختار كلامك بدقه زي ما بتختار اسماء المتغيرات في الكود ما ينفعش تتكلم وخلاص لازم كلامك يكون ليه وظيفه ومعنى وده بيخليك شخص قليل الكلام بس لما بتتكلم بتقول المفيد ما بقتش بتحب الرغي الكتير والحشو عايز الخلاصه وسبحان الله الصفه دي بتتقاطع جدا مع مبدا اسلامي راقي وهو حديث النبي صلى الله عليه وسلم من كان يؤمن بالله واليوم الاخر فليقل خيرا او ليصمت الكود النضيف او الكلين كود في الحياه هو انك تمسح الكلام اللي مالوش لازمه وتشيل المجاملات الزياده وتخلي رسالتك واضحه وصريحه ومفيده البرمجه بتربي على الصدق لان الكمبيوتر ما بيفهمش التلميحات ولا النفاق يا صح يا غلط الفقره الرابعه والاخيره معانا النهارده التواضع والشعور المستمر بانك لسه بتتعلم في البرمجه كل ما تتعلم حاجه تكتشف ان في مليون حاجه ثانيه انت مش عارفها بتدخل المجال ده فاكر نفسك هتبقى عبقري وهاكر خطير بعد شهرين بتكتشف انك مجرد شخص بيعرف يعمل بحث كويس على جوجل الاحساس ده بيقتل الغرور جواك تماما بيخليك دايما عارف حجمك الحقيقي وان العلم بحر مالوش نهايه وده بيفكرنا بالايه العظيمه اللي لازم كل مبرمج بل كل انسان بيطلب العلم يعلقها قدامه دايما وفوق كل ذي علم عليم مهما وصلت ومهما عملت انظمه معقده انت لسه بتتعلم وهتفضل تتعلم لحد اخر يوم في عمرك البرمجه بتكسر الانا عندك وبتقول لك انت مش محور الكون انت مجرد جزء صغير في شبكه كبيره جدا الفقره الخامسه والاخيره معانا النهارده التحسين المستمر اوبتيمايزيشن البرمجه يا صديقي مش بس بتعلمك ازاي تكتب كود دي بتعلمك مبدا التحسين المستمر انك دايما تدور على النسخه الافضل من كل حاجه ازاي يومك يكون منظم اكث ازاي تضيع وقت اقل ازاي حياتك تكون انظف وارتب الهجس ده لو وجهته صح هيخليك انسان عظيم هيخليك تطبق مفهوم الاحسان في كل حاجه بتعملها ان الله يحبه اذا عمل احدكم عملا ان يتقنه والمبرمج الشاطر هو اللي بيتقن الكود بتاعه حتى لو ما حدش هيشوفه غيره البرمجه هتغيرك هتخليك اهدى واعقل قل وادق واصبر ممكن تخليك ساخر شويه من عدم منطقيه بعض الامور في الحياه بس في الاخر بتخليك انسان بيعرف يحل مشاكل مش بس يشتكي منها في الختام حابب اسمع رايكم يا شباب في المواضيع اللي بنفتحها مع بعض دي يعني كنوع من انواع التغير ولو حسيت ان الفيديو ده لمس حاجه جواك ما تنساش تعمل لايك وتشترك في القناه عشان لسه عندنا مواضيع كثير محتاجين نفتحها مع بعض ونفهمها سوا ولو عندك صفه غريبه اكتسبتها من البرمجه او موقف طريف حصل لك بسبب تفكيرك البرمجي اكتبه لي في التعليقات تحت يمكن نطلع كلنا في الاخر شبه بعض واحنا مش عارفين وبس كده يا شباب شكرا جدا على المتابعه كان معاكم صبري حسني من كورسات في البرمجه وفي الختام اللهم صل وسلم على خير الانام اشوفكم في فيديوهات ثانيه اجمل وامتع بمشيئه الله والى ذلك الحين استودعكم الله والسلام عليكم ورحمه ‏Ah.