مفكرة رمضان تصميم طباعة تكلفة خطوات بالتفصيل Ramadan to do نسخة مجانية

اهلا بكم في فيديو جديد عن تصميمات شهر رمضان بنجهز لشهر رمضان بتصميماته مطبوعات بطريقه سهله جدا تصميم النهارده هيكون مفكره رمضانيه او تدور رمضان هنصمم المفكره مع بعض بخطوات بالتفصيل هنتكلم عن التصميم الطباعه التكلفه الورق كل حاجه هنتكلم عنها في الفيديو ده فتابعوا كل الخطوات بالتفصيل علشان هتستفادوا جدا وهنقول على تريكات كده في التصميم واحنا شغالين وازاي كمان نعمل التصميم ونطبعه باقل تكلفه ففيديو مهم جدا للمهتمين بالتصميم كمان المشاريع البلانرز فهندخل على طول علشان ما نضيعش وقت تصميم هيكون عن طريق الهاتف باستخدام تطبيق كانفا وهو تطبيق مجاني بتحملوه من متجر التطبيقات الخطوه الاولى التصميم بنفتح تطبيق كانفا ودي الصفحه الرئيسيه اول حاجه احنا هنحدد مقاس الصفحه اللي هنشتغل عليها فبنضغط على علامه البلاس الموجوده في الاسفل بتظهر قايمه كده هنختار منها اي 5 دوكومنتس ولو مش موجوده بنكتبها في السيرش فوق هتظهر بتفتح معي الصفحه الفارغه بنفس المقاس اللي حددته ودي هتكون اول صفحه في المفكره بتاعتنا هنخصص طبعا اول صفحه بتكون للغلاف او كفر المفكره النهارده هنعمل تصميم بسيط جدا وباشكال رمضانيه سهله وبسيطه لاضافه العناصر اللي هنزين بها الصفحه بضغط على علامه البلس بختار من الاسفل تاني اختيار وهواء الالمنتس او العناصر هكتب في السعر رمضان بتظهر كل الاشكال الرمضانيه اللي انا محتاجاها ممكن ازين بها الصفحه تختاروا بقى زي ما انتم عايزين هختار هنا اشكال كده للهلال ونجوم واضيفها في اعلى الصفحه كتزيين كده في اشكال كتيره جدا تختاروا منها اللي انتم عايزينه هنضيف مثلا هنا فانوس اعمل منه كده نسخه في الجهه المقابله والجانب التاني مغير البحث في واكتب اسلمك علشان اضيف اطار كده اسلامي النجمه دي من الاشكال الاسلاميه بختارها واضيفها كده في منتصف الصفحه وازبط المقاس علشان يكون مزبوط اختار من الانيمينتس كمان اشكال ورود واظبط مكانها تكون في الكورنر النجمه هضيف الورود دي في اربع جوانب للنجمه كمان هزين الصفحه باطار زخرفي هثبت المكان كده على اطار الكفر بنفس الطريقه دي بتقدروا تختاروا اي شكل يعني انا بعمل ديزاين لشكل الكفر بعد كده ببحث عن الاشكال من تكتبوا في السيرش لاي حاجه انتم بتبحثوا عنها وعايزين تزينوا بها فاول خطوه عملناها ان احنا بنزين الكفر هضيف بقى النص من البلس بختار تكست ثم او اضافه عنوان هكتب طبعا العنوان اللي انا عايزاه على الكفر المفكره وهكتب to do واعمل نص تاني واكتب رمضان ممكن نعمل مفكره بالعربي يعني نكتب مفكره مكان تدو او تعملوها تدوب براحتكم يعني سواء بالعربي او بالانجلش بعدل على النص من الادوات الموجوده في الاسفل تقدروا تعملوا كل التعديلات اللي انتم عايزينها على النص بختار لون للنص بختار نوع كمان الخط في خطوط عربي كثيره جدا موجوده تقدروا تبحثوا عن خط معين لو عاوزين او تبحثوا عن خطوط الموجوده بالعربي وتختاروا منها وفي خطوط عربي وخطوط انجلش اختار نوع خط الكلمه رمضان اكمل بقى باقي التعديلات اللون يكون ازرق واعمل عليه كده كل التعديلات هنا موجوده والتنسيق الخاص بالخط هضيف بقى نص اخير هكتب هلا شهر الخير واعمل نفس التعديلات على الخط بنفس الطريقه اللي عملناها مع كلمه رمضان في النهايه بختار لون الصفحه هختار درجه فاتحه كده جدا من اللون الازرق وده شكل الكفر النهائي للمفكره مفكره رمضان سهله جدا وتصميم بسيط بسحب بايدي كده على الشاشه بتظهر صفحه تانيه بنفس المقاس وكمان بنفس اللون الخلفيه اللي انا اخترته للكفر دي الورقه اللي احنا هنصمم بها الكفر وهي بتكون ورقه واحده بس وبنكررها طبعا لان هي عباره عن تدو بتتكرر كل يوم فبيكون التصميم واحد قبل التصميم كده بعمل تصور مبدئي لشكل المفكره يعني بعمل تخطيط كده بالورقه والقلم بشوف احدد الاقسام اللي انا عاوزاها في المفكره بتاعتي علشان وانا بصمم تكون الفكره جاهزه في دماغي وما استهلكش وقت كتير وانا بصمم خلاص عملت تصور مبدئي وحددت كل حاجه عايزاها في التصميم بعد كده ابدا التصميم المفكره في الصفحه دي التصميم هيكون بالعكس ان انا هضيف النصوص في الاول وبعد كده في النهايه هنضيف التزيين ونعمل التنسيق على الخطوط اضيف فقط هنا في الاعلى نفس الزينه اللي استخدمتها اللي هي زينه رمضان النجوم والهلال واثبتها في اعلى الصفحه نبدا بقى التصميم اول حاجه هضيف نص واكتب رمضان ومنز بختار شيبس او اشكال هختار الشكل ده واثبته هنا علشان يكون مخصص لكتابه التاريخ اليوم في رمضان يعني واحد رمضان اتنين رمضان تلاته رمضان وهكذا اقسام المفكره اول حاجه هضيف اول جزء وهو مهامي واختار من الشيبس من الاشكال شكل الدائره بقلل الحجم علشان الصفحه تكفي باقي الاقسام بعمل منها نسخه اسفل منها ودائما يا جماعه نساوي بالمسطره الموجوده في التطبيق علشان يكون كل الاشكال متساويه زي الخط اللي بيظهر ده المسطره اللي بتظهر دي اللي بساوي عليها الخط وبساوي عليها الاشكال كمان بتظهر كده رقم المقاسات الموجوده ما بينهم في تلاته في اتنين بحيث اخلي المسافه متساويه من كل عنصر وعنصر بعد ما ضفت كل الدوائر هضيف كمان هنا الخطوط الخط ده بختاره بقلل السمك حاجه بسيطه وده هعمل منه سطور كده علشان اكتب عليها المهام اليوميه وبعمل دوبلكيت نسخه منها بنفس الطريقه واساوي ما بينهم كويس بالمسطره علشان شغلكم يكون بروفيشنال كده اول قسم في الصفحه خصصناها للمهام اليوميه بعمل كوبي من النص واكتب القسم التاني يكون مخصص للصلاه ونص تاني هنضيف فيه النوافل بظبط المقاس والمكان بعد كده بكتب باقي الصلوات الفجر الظهر العصر المغرب العشاء باكتبهم كده متتاليين ومتساويين بقلل حجم الخط واساوي ما بين النصوص هعمل متتبع للصلوات باستخدم نفس الشكل ده واضيفه كده امام كل صلاه وامام كل نافله ودايما اساوي بالمسطره دي هنحتاجها في كل تصميم احنا بنعمله ده شكل القسم الخاص بالصلاه والنوافل ومتتبع للصلوات القسم الثاني بختار من واكتب في السيرش اسلمك موجود في الاشكال الاطار ده هستخدمه واضيفه على التصميم هضيف بداخله نص وهيكون مخصص لصلاه النوافل الصلوات السنه يعني زي صلاه التراويح الضحى قيام الليل بكتب النصوص واساوي ما بينهم وبختار الشكل ده لعمل متتبع امام كل صلاه وده القسم الخاص بصلات النوافل القسم اللي بعد كده اعمل كوبي للاطار الاصفر ده واكتب القسم الرابع نخصصه في المفكره هيكون للاذكار بنفس الطريقه اللي عملتها في الاقسام اللي قبل كده اذكار الصباح المساء الصلاه على النبي الاستغفار واضفت متتبع امام كل ذكر هي طريقه سهله جدا وبتتكرر في باقي الاقسام القسم التاني هيكون للاعمال الصالحه عملت نسخه من الاطار الاصفر وضفت فيه اعمال صالحه الاعمال بقى الصالحه مستحبه في شهر رمضان هنضيف الصدقه اطعام صله الرحم مساعده الغير وطبعا الدعاء اساوي بين الصفوف واضيف المتتبع امام كل عمل بالتساوي ما بينهم باستخدام المسطره قسم اخر هيكون داخل الاطار الاصفر هنضيف قسم القران شهر رمضان طبعا شهر القران ولازم يكون نخصص ورد للقراءه والاستماع وتفسير وتدبر الايات المتتبع اللي هنضيفه هو الشكل اللي انا استخدمته قبل كده بس هيكون اسفل كل نص القسم الاخير من المفكره هيكون لوجبات اليوم بختار من الاشكال الشكل ده شكل مربع قائمه للفطار وقائمه للسحور هنا طبعا بحدد الاطباق بقى اللي انا هحضرها كل يوم فيها الوجبات والاطباق بتاعتي شهر رمضان واغير لونها للون الاصفر كده انت هنا من خطوه التصميم خلاص حددت الاقسام بتاعتي واضفت العادات والعبادات الدينيه كده خطوه التصميم انتهينا منها الخطوه التانيه تنسيق التصميم بعد ما عملنا التصميم لازم طبعا انسق يكون نوع الخط واحد الالوان تختاروا نوع الخط اللي انتم عايزينه بعدك بعد كده بنضغط على بيتغير كل الخطوط الموجوده في المفكره ودي خطوه بتسهل علي كتير جدا بدل ما اغير كل خط على حاجه هعدل كمان على النص هناخد بالنا ان في نص بخط سميك نص بخط خفيف فالنصوص اللي بيخط الخفيف دي هنعدلها هنعملها بولد من الفورمات في الاسفل ونضغط عليها بولد عشان تبقى الخطوط كلها سميكه هنزين الصفحه بقى بالعناصر اللي استخدمتها في صفحه الكفر هنضيف نفس الاطار ده على جوانب الصفحه هضيف في الاعلى كده جانب رمضان هلال رمضان من الالمنس بختار كلمه رمضان كريم واضيفها هنا ثبتها في منتصف صوره لامراه كده بتصلي وصوره كمان للدعاء كل ده بنعمل بحث في الانمينت عن كل ده نكتب مثلا قران بنكتب رمضان تختاروا من الاشكال وتزينوا بها الصفحه هختار كده السبحه واضيفها جانب الاذكار اعدل على لونها علشان اللون يظهر اكتر وامام الوجبات كده هنضيف صوره لتمر وفنجان كده قهوه تكون موجوده برضو في سيرش خاص برمضان كده انتهينا من التنسيق واخترنا العناصر وعدينا على الخط هعمل بس تعديلات بسيطه على المقاسات واساوي بين العناصر ده شكل المفكره النهائي انا كده غيرت الخط ده عجبني اكتر هسيب لكم اسم الخط بالتفصيل هو اسمه لازورد المفكره هتكون ورقه واحده للكفر والتانيه اللي صفحات المفكره كده المفكره انتهت وانتهينا من التصميم بعد كده بحفظ التصميم من علامه الابلود اللي موجوده في الاعلى بنختار طبعا صيغه البي دي اف في الجوده افضل في الطباعه ثم سيف وكده حفظنا المفكره بتاعتنا الخطوه الثالثه تجهيز التصميم للطباعه انا هنا عايزه اطبع المفكره على مقاس اي 6 طبعا انا لو طبعتها بالشكل ده هتطلع على ورقه ايه فور طبعا دي مش هتبقى حجم مفكره او تدور كده صغيره سهله الحمل انا عايزه مقاس صغير وكمان علشان نوفر في التكلفه الطباعه من خلال تطبيق كانفا بنفس الوجه الرئيسيه بنضغط على البلس ومن القايمه هنختار مقاس ورقه ايه فور ايه فور دوكومنتس ودي ورقه الطباعه اللي هنطبع عليها محتاجه هنا اضيف التصاميم اللي انا عايزاها تطلع على الورقه من علامه البلس بختار ابلوت او التحميلات ورقه للكفر وورقه لتصميم المفكره من الداخل هنضيف في اول واحده اربع تصاميم داخل الورقه الواحده بزبط المقاس هضيف هنا الكفر وازبط المقاس كويس بعمل منها نسخه كمان واضيفها في الاسفل وده لان انا محتاجه واجهه للمفكره وخلفيه باحتاج نسختين اهم حاجه في التصميم ده كمان ان انا ازبط المقاس بالمسطره علشان يبقى المقاس متساوي هستغل كمان الجزء الفارغ من الورقه وهضيف ورقه المفكره وهتكون بنفس المقاس بعمل منها نسخه اضيفها اسفل منها كده اول ورقه جاهزه عندي للطباعه اضفت فيها الغلاف الخاص بالمفكره واستغليت الجزء التاني واضفت جزء من ورقتين للمفكره كمان كلها طبعا متساويه ومقاس واحد وانا لازم اتاكد ان العلامه الزرقاء دي في المسطره بتظهر في السنتر بالضبط يعني كده المقاس متساوي هنحتاج ورقه تانيه بسحب بايدي كده بتظهر ورقه اي فور الورقه دي هضيف فيها ورق المفكره من الداخل الاربع تصاميم هيكون للورقه واضيفهم بنفس الطريقه وعلشان اتاكد ان المقاس هيكون بمقاس الصفحه الاولى بعمل كوبي من اول صفحه عملتها وبعد كده بمسح الورق الكفر ده واعمل نسخه من الورق ده هنا واضفت كده اربع تصاميم من ورق المفكره كده كده اضمن اكتر ان الورق متساوي في المقاس ودي تاني صفحه جهزناها للطباعه اول صفحه اللي موجود فيها الكفر دي هنطبعها مره واحده فقط علشان انا محتاجه نسخه واحده من الغلاف اما الورقه التانيه دي هطبعها سبع نسخ لها اطبعها سبعه نسخ علشان يكون عندي 30 ورقه الورقه الواحده فيها اربع ورقات للمفكره لاني اربعه في سبعه تمانيه وعشرين ورقه والورقتين اللي موجودين في اول صفحه الغلاف والكفر يبقى كده العدد عندي 30 ورقه بعدد ايام شهر رمضان وكده جهزت التصميم للطباعه بحفظ التصميم من الابلوت في الاعلى وطبعا بصيغه البي دي اف هننتقل بعد كده للخطوه التاليه الخطوه الرابعه الطباعه كده التصميم معي جاهز مطبع التصميم في مكتبه خاصه بالطباعه انا باخد التصميم وبروح المكتبه وببعت له التصميم واعمل له شير بملف البي دي اف اللي انا صممته وحدد نوع الورق اللي انا هطبع عليه هطبع المفكره على ورق عادي ملون ورقه مقاس الورقه ايه فور وده شكل الورق بعد الطباعه شايفين شكله حلو جدا والالوان واضحه ونفس التصميم عملناه والورق متساوي حبيت تشوفوا الشكل على طول اول ما انطبع فانا صورت هناك في المكتبه الورقه فيها اربع تصاميم الالوان كويسه جدا بتطبعه طبعا عدد الصفحات اللي انتم عايزينها زي ما قلنا علشان نعمل 30 يوم هنطبع سبع ورقات من المفكره ونسخه واحده من الورقه اللي فيها الغلاف علشان اجمع المفكره هقص بقى الورق الاربع اجزاء من مقص او بالمسطره فالمسطره اللي كانت موجوده فعلشان انا استغل الوقت واكعبها عشان تشوفوها جاهزه في المرحله النهائيه انا كده قصيت ورقه الغلاف قصيتها لاربع اجزاء هكمل باقي الورق بنفس الطريقه دي انا كده خلاص قصيت كل الورق وسويت الورق مع بعض هكعبها بقى ونشوف شكلها في النهايه ونعرف التكلفه ده شكل تدوق او مفكره شهر رمضان العبادات انا كعبتها وعملت لها كمان غلاف كده ادي حاجه اختياريه بس علشان الغلاف مطبوع على ورق عادي فدي بتحافظ عليها اكتر هنتكلم دلوقتي عن التكلفه شايفين حجمها حلو جدا وصغير وينفع ان احنا ناخدها معنا في اي مكان طبعا احنا طبعنا على ورق عادي ملون وتكلفه الورقه الملون مقاس الورقه لايه فور هو اتنين جنيه في الورقه الواحده اربع ورقات من المفكره فدي هتوفر علينا كتير فاحنا هنطبع سبع ورقات من المفكره وورقه من الغلاف يعني عدد النسخه اللي هنطبعها تمن ورقات تمن ورقات في اتنين جنيه تكلفه ب 16 جنيه طبعا مع التكعيب والورق التغليف هتوصل 20 جنيه يعني احنا عملنا مفكره شهر رمضان ب 30 يوم بعشرين جنيه فقط طب موفره جدا وحلوه جدا وما فيش اوفر من كده والتصميم سهل وبسيط جدا ومستخدام الموبايل بس تقدروا تعملوا اي تصميم انتم عايزينه اي اقسام حابين تضيفوها هتعملوها بنفس الخطوات اللي عملناها مع بعض في الفيديو انا اسفه جدا طولت عليكم في الفيديو ولكن انا كل كلمه كنت عايزه اوصلها لكم عايزاكم تشوفوا كل الخطوات اللي احنا بنعملها من اول التصميم والوصول لمنتج نهائي ملموس بايدينا من تصميمنا احنا وتعرفوا كل التفاصيل خاصه بالطباعه والتكلفه والاشعار اللي انتم دايما بتسالوني عليها حبيت ان انا اوفي كل التفاصيل دي كلها في الفيديو ان شاء الله المفكره هتكون موجوده للاستخدام الشخصي موجوده بصيغه البي دي اف هسيب لكم اللينك في صندوق الوصف تقدروا تطبعوها تستخدموها على طول ولو حابين تعملوا الخاص بكم فتابعوا نفس الخطوات اللي عملناها مع بعض اشكركم جدا على المتابعه ما تنسوش لو الفيديو عجبكم يا ريت تعملوا لايك علشان الفيديو يوصل لناس كثير وتشتركوا في القناه لمزيد من الافكار والفيديوهات وابعتوا لي استفساراتكم او اكتبوا لي في الكومنت والى اللقاء في فيديو جديد وكل عام وانتم بخير