تعرف على أنواع الصواريخ الخطيرة التي يشغلها المغرب على منظومة الدفاع الجوي SPYDER

السلام عليكم الخوت نتمنى تكونوا بخير في هذا الفيديو الجديد غادي نهضروا على انواع صواريخ منظومه سبايدر واللي خدا منها المغرب اعداد مجهوله وبدات كتسلمها قواتنا المسلحه الملكيه ابتداء من سنه 2025 يعني نقدروا نقولوا اننا حاليا في مرحله استيعاب المنظومه والتدرب عليها قبل ما يتم توزيعها على مختلف المناطق باش توفر لنا التغطيه الدفاعيه اللازمه لحمايه الاجواء المغربيه ومنظومه سبايدر فراه فيها اربعه ديال الانواع بالضبط واللي كتغطي المدايات ما بين القصيره والمتوسطه وبالتالي المغرب وغالبا غادي يكون خذ خليط منهم باش يقدر انه يغطي كل المدايات ويتصدى لكل انواع الاهداف لكن كيبقى الهدف الرئيسي من السبايدر هو في اننا ندعموا الطبقه المتوسطه واللي كتبدا تقريبا من 40 حتى ل 100 زائد المغرب اليوم كيخدم غير منظومه سكاي دراغون 50 الصينيه الصنع واللي عندها مدى اقصى 50 وبالتالي بالتالي هي الوحيده اللي عندنا في الطبقه المتوسطه ورا الصواريخ اللي كتستعملهم منظومه سبايدر فهما جوج ديال الانواع والاول هو صاروخ بايتون خمسه واللي هو صاروخ حراري كهربصري يعني كيعتمد على الحراره ديال الهدف باش كيبقى متبعو حتى يطيحه ورا الخطير بزاف هذا الصاروخ انه مجهز بباحث اخر كهربصري واللي كيصور الهدف وكيبقى مركز عليه يعني ماكيشوفش الهدف كنقطه حراريه فقط واللي خصه يتبعها ولكن راه كيصور حتى الطائره بشكل كامل وكيولي تابعها كطائره واللي عارف الشكل ديالها كيف داير وبالتالي الصاروخ كيبقى مركز على الهدف الحقيقي فقط وكيتجاهل المشاعل الحراريه اللي كطلقها الطائره واللي المهمه ديالها انها تخلي الباحث ديال الصاروخ ما يبقاش مركز على الحراره ديال الطائره ولكن يركز على الحراره ديال المشاعل الحراريه وبالتالي هذه واحده من عمليات خداع الصواريخ الحراريه واللي كتنفذها الطائره المقاتله واللي صاروخ بايتون خمسه كيتجاوزها وكيتبع الهدف الحقيقي لي هو الطائره المقاتله حيت راه طريقه عمل الصواريخ اللي عندها باحث حراري فهو في انها كتبع الهدف اللي الحراره دياله كبيره بزاف وبالتالي ملي كيتطلقوا الفليرز واللي الحراره ديالهم عاليه فراه كيتبعهم الصاروخ وكيتجاهل الطائره المقاتله وكخلاصه فراه هنا فين صاروخ بايتون خمسه ماكيتصيدش وكيبقى تابع الهدف الاول اللي صوروا الباحث دياله يعني كيتجاهل كل انواع الاهداف الاخرى اللي كتبان قدام قدام الصاروخ اما الصاروخ الثاني ديال منظومه سبايدر فهو ايديربي واللي هو صاروخ معاكس للصاروخ بايثون خمسه يعني هذا الصاروخ اي ديربي عنده توجيه راداري نشط وبالتالي كيعتمد على الرصد والتوجيه ديال الرادار وكيتعتبر من فئه الصواريخ اللي كنقولوا لها اطلاق ونسى وهذا الصاروخ الخطير فراه عنده سرعه كبيره بزاف كتوصل لاكثر من 4000 في الساعه زائد عنده مميزات اخرى جد خطيره واللي كتسمى ال او ا ال زائد ال او بي ال ورا الميزه الاولى واللي سميتها ال او بي ال فراها كتعني الاغلاق على الهدف قبل الاطلاق ديال الصواريخ يعني الصاروخ كيغلق على الهدف حتى قبل ما يتطلق وبالتالي كيضمن الاسقاط دياله لي كيكون مؤكد بنسبه 100% وراه هذ الطريقه كيتم استعمالها خصيصا في الاهداف اللي كتكون قريبه من المنظومه اما الميزه الثانيه واللي هي ال او ا ال واللي هي عكس الميزه الاولى واللي كتعني الاغلاق على الهدف من بعد الاطلاق يعني الرادار كيرس د الهدف ثم المنظومه كطلق الصاروخ وبالتالي الصاروخ كيبقى غاديطير والرادار كيصحح ليه الاتجاه ولكن مع كيقرب الصاروخ للمنطقه اللي فيها الهدف مع كيخدم الرادار الخاص دياله وهنا فين كيرصد الصاروخ بنفسه الهدف وكيغلق عليه ثم كيتوجه ليه بسرعه اللي كبيره بزاف وراه هذا الصاروخ ايدير بيف راه صاروخ اللي جد خطير واللي عنده محرك ثنائي النبض واللي كنقصدوا بها ان النبضه الاولى هي باش كيتم اطلاق الصاروخ وبالسرعه ديال النبضه الاولى واللي هي باش كيتطلق الصاروخ وباش كيطير حتى كيوصل عند الهدف ثم كاينه النبضه الثانيه واللي كتشعل في المرحله النهائيه يعني ملي كيقرب الصاروخ للهدف فهنا فين كيخدم المحرك مره اخرى وبالتالي كيعطيه واحد السرعه واحد الحركيه ومناوره اللي كبيره بزاف واللي كتخلي مستحيل على الهدف انه يهرب او يتفادى الصاروخ وراه هذ القدره هي اللي كتسمى نو اسكيب زون واللي هي منطقه عدم الهروب وهذ القدره فرا ماكيناش في كل الصواريخ ولكن كاينه غير في ايدير الاسرائيلي والمتيور الاوروبي وبالتالي هذ الصواريخ بجوج بايتون 5 الحراري وايدير بي الراداري فراه عندهم مدى كيوصل ما بين 20 حتى 80 وبالتالي كيديروا تغطيه للمدايات القريبه والبعيده في نفس الوقت وغالبا المغرب غادي يكون خذ الفئه المتوسطه واللي كتخدم بصواريخ بايتون الحراريه بمدى اقصى كيوصل ل 40 زائد صواريخ ايدير الراداريه بمدى اقصى كيوصل ل 80 وكخلاصه الخوت فرا منظومه سبايدر كتعتبر من اخطر الدفاعات الجويه اللي كاينه في العالم واللي الخطوره ديالها جات من هذ الصواريخ الخطيره اللي فيها واللي قادره باش تطيح كل انواع الاهداف القريبه والبعيده وبالتالي وبكل ثقه ممكن نعتبروها كاخطر منظومه دفاع جوي ولات كتخدمها قواتنا المسلحه الملكيه اليوم حتى لهنا غادي يكون الفيديو ساله نتمنى ان المعلومات تكون وصلاتكم بطريقه سلسه ونتمنى الخوت ديروا لايك وديروا متابعه للقناه حيت بزاف منكم مادايرينش متابعه وبالتالي حتى لهنا غادي يسالي الفيديو ديالنا مع السلامه