طرق التكاثر في الكائنات الحية التكاثر اللاجنسي أحياء 3 ثانوي 2026

بكتيريا نبدا بواحده بكتيريا ونصبح اثنين بكتيريا ونصبح اربعه بكتيريا ونصبح اقوى بكتيريا ونحملها بكتيريا الانتظار لن يطول بكتيريا سننفذ الخطه بكتيريا سوف نغس العالم اهو الفيديو بتاع جمبول ده هيلخص لنا حاجات كتير من اللي عايزين نقولها في درس النهارده ازيكم يا دكاتره عاملين ايه ان شاء الله تكونوا جميعا بخير هنكمل مع بعض باقي دروس التكاثر زي ما وعدتكم وهنبدا دلوقتي نتكلم عن طرق التكاثر في الكائنات الحيه دلوقتي بقى عايزين نعرف الكائنات الحيه عموما بتتكاثر ازاي بص يا سيدي اي كائن حي على وجه الارض بيتكاثر بطريقه من اثنين ما لهمش ثالث اما التكاثر اللاجنسي او التكاثر الجنسي وفي كائنات في النص كده بتعرف تعمل الاثنين سواء تكاثر لاجنسي او تكاثر جنسي فبنسميها حاجه اسمها تعاقب الاجيال لكن الاساس هو التكاثر اللا جنسي والتكاثر الجنسي قبل ما نخش في تفاصيلهم تعالوا نقارن مقارنه سريعه كده ونفهم الفرق الفرق ما بين الاثنين اول حاجه التكاثر اللاجنسي او الاسكشوال ريبرودكشن من اسمه تكاثر لا جنسي يعني لا يتطلب وجود جنس يعني ايه جنس يعني ذكر وانثى فالتكاثر اللا جنسي ممكن يحصل من خلال فرد واحد بس يتقسم اثنين فيعمل كائنين زي الفيديو اللي لسه شايفينه دلوقتي البكتيريا الواحده ما فيهاش لا ذكر ولا انثى مالهاش نوع فهي تنقسم ميتوزيا بمجرد ما تنقسم ميتوزيا كده خلصت التكاثر عكس التكاثر الجنسي التكاثر الجنسي من اسمه يتطلب وجود جنس يعني يتطلب وجود ذكر وانثى يحدث بينهم اتصال ويخلطوا جيناتهم على بعض ويعملوا لنا كائن جديد اذا اول فرق هو عدد الافراد اللي تقدر تعمل التكاثر اللا جنسي او التكاثر الجنسي التكاثر اللاجنسي محتاج فرد واحد بس هو يقدر ينقسم ميتوزيا ويعمل فرد جديد اما التكاثر الجنسي فغالبا بيتطلب وجود فردين ذكر وانثى وبقول غالبا ليه بقول غالبا هل ممكن يحصل بفرد واحد احيانا لو الفرد ده خنثى زي ما هنشوف في بعض الازهار يقدر فرد واحد ان هو يتكاثر جنسيه طيب ثاني نقطه برده اللي هي كيفيه الحدوث احنا فهمناها التكاثر اللاجنسي بيحصل عن طريق ايه ان الفرد ده جزء منه بينفصل سواء كانت هي خليه واحده فالخليه دي هتنقسم اثنين تعمل فردين او لو كان كائن فيه خلايا كتير هينفصل جزء من الجسم بتاع الكائن ده ويكون فرد جديد انما التكاثر الجنسي بيتطلب وجود ذكر وانثى الذكر يطلع الامشاج بتاعته والانثى تطلع الامشاج بتاعتها الاثنين يندمجوا ويحصل اخصاب ويكونوا الزايجوت زي ما كلنا عارفين زي في الانسان بيروح الحيوان المنوي ن مع يتحد مع البويضه ن علشان يكونوا زايج اين نون والزايج ده يبدا ينقسم بقى ميتوزيا عادي جدا عشان يحافظ على الاثنين نون زي ما هم ويكون الفرد الجديد بس لو لاحظت بقى هتلاقي ان في التكاثر اللا جنسي زي الفيديو اللي احنا شايفينه دلوقتي البكتيريا اللي بتنقسم دي بتعمل بكتيريا شبهها بالملي يعني الفرد الجديد بيشبه الاصل تماما نسخه طبق الاصل ليه؟ لان ده انقسام ميتوزي يعني الخلايا الجديده بتكون شبه الخلايا الاصليه بالظبط عكس بقى التكاثر الجنسي التكاثر الجنسي انت بتخلط الجينات بتاعه الفردين بتاعه الاب مع بتاعه الام نخلطهم على بعض فيعملوا لنا فرد جديد مختلف تماما عنهم فعلشان كده التكاثر اللا جنسي بيحافظ على ثبات الصفات الوراثيه انما تنوع الصفات الوراثيه يحصل في التكاثر الجنسي طيب بالنسبه لنوع الانقسام التكاثر اللا جنسي يعتمد كليا فقط لا غير على الانقسام الميتوزي هو مجرد انقسام ميتوزي للخليه حصل التكاثر اما التكاثر الجنسي بيعتمد على الاثنين اول حاجه عشان تكون الامشاج لازم يحصل اصلا انقسام مايوزي عشان نقلل عدد الكروموسومات للنص في البويضه تبقى ن وفي وفي الكروموسوم يبقى ن وبعد كده نجمعهم على بعض يبقوا اثنين نون الزيايجو ده بقى هينقسم ايه ميتوزي يبقى هو بيعتمد على الاثنين المايوزي والميتوزي المايوزي عشان تكوين الامشاج والميتوزي علشان انقسام الزيايجوت بعد التكوين طيب في حاجه بقى اسمها التكلفه البيولوجيه يعني ايه تكلفه بيولوجيه تكلفه يعني انا هدفع حاجه هدفع ايه بقى او انهي مكلف اكتر التكاثر اللا جنسي ولا التكاثر الجنسي اكيد طبعا المكلف اكث هو التكاثر الجنسي ليه؟ اول حاجه بالنسبه لاستهلاك الطاقه والوقت اللي هيحصل فيه التكاثر بالنسبه للتكاثر اللا جنسي الموضوع بيحصل في ثواني مجرد ما انقسمت الخليه حصل التكاثر لا استهلكنا طاقه ولا وقت ولا اي حاجه انما في التكاثر الجنسي انت محتاج الاول تعمل انقسام مايوزي للامشاج وبعد كده الامشاج تتحد مع بعضها وبعد كده يكونوا لي الزيايجوت وبعد كده الزيجوت ينقسم ميتوزيا علشان يكبر ويكون الاعضاء بتاعته فبيستهلك وقت اكبر بكثير من التكاثر اللا جنسي وكمان في طاقه كبيره بنستهلكها في التكاثر الجنسي في رعايه الابناء عكس التكاثر اللاجنسي التكاثر اللاجنسي بمجرد ما الكائن الجديد ده اتكون خلاص الاب مالوش دعوه بيه كلهم زي بعضهم ما فيش حد هيرعى الثاني انما في التكاثر الجنسي انت محتاج ان انت بعد ما بتكون الزايجوت ده يكبر سواء في البيضه او سواء في الرحم فبيستهلك من غذاء الام وبعد كده بعد ما يكبر سواء البيضه تفقس او يتولد لازم رعايه من الام لفتره كبيره لغايه ما يبقى قادر ان هو يعتمد على نفسه فده بيستهلك طاقه كبيره جدا وتكلفه بيولوجيه اعلى بكتير من التكاثر اللا جنسي والتكلفه اعلى في التكاثر اللا جنسي ليه برده او في التكاثر الجنسي ليه؟ لان انت رغم المجهود الكبير اللي انت عملته ده الناتج بتاعك او المنتج بتاعك بيكون غالبا اقل في العدد من التكاثر اللاجنسي التكاثر اللاجنسي بينتج اعداد كبيره جدا وبمجهود قليل جدا انما التكاثر الجنسي بينتج اعداد اقل وبمجهود اكبر فده معنى كلمه التكلفه البيولوجيه في التكاثر الجنسي اعلى من التكاثر اللاجنسي اخر حاجه بقى الامثله اكيد التكاثر اللاجنسي بيكون اكث في الكائنات البدائيه انما التكاثر الجنسي في الكائنات ا الراقيه وفي النباتات في نوع بقى هنتكلم عليه في وقته حاجه اسمها تعاقب الاجيال وتعاقب الاجيال ده ان كائن بيعرف يتكاثر بالطريقين سواء كان بالتكاثر الجنسي او بالتكاثر اللا جنسي علشان ياخد مزايا كل واحد فيهم احنا بقى في الفيديو ده هنتكلم عن التكاثر اللا جنسي وكل الامثله بتاعته بالتفصيل ان شاء الله ملخص التكاثر اللاجنسي ان لو الفرد اللي قدامك ده عايز يتكاثر كل اللي بيعمله ان في شويه خلايا من جسمه تنفصل عنه وتبدا تنق تنقسم ميتوزيا تنقسم ميتوزيا لغايه ما تكون فرد شبهه بالضبط والاثنين بيكونوا طبق الاصل من بعض طيب ايه هي بقى صور التكاثر اللاجنسي اللي هنتكلم عنها حاجه اسمها الانشطار الثنائي او الباينري فيشن والتبرعم بدين والتجدد الريجينريشن والتكاثر بالجراثيم او الاسبروجوني والتوالد البكري البارثينوجينسيس واخر حاجه زراعه الانسجه او التيشو كالتشر نبدا بقى بسم الله باول صوره من صور التكاثر اللاجنسي وابسطها على الاطلاق اللي هي الانش الانشطار الثنائي بس قبل ما نخش على الانشطار الثنائي هيكون في امثله كتير قوي في التكاثر ده ممكن تلخبطنا فاحنا قبل ما نخش على الامثله والكائنات اللي موجوده تعالوا نبص كده بصه على تصنيف الكائنات الحيه بيكون عامل ازاي علشان ما نتلخبطش لما نخش في تفاصيل الامثله اي كائن حي بينقسم الى يا اما يكون من اوليات النواه او من حقيقيات النواه يعني ايه اوليات النواه يعني انت لو فتحت السيتوبلازم بتاعه كده هتلاقي ان الكروموسومات بتاعته او الدي ان ايه بتاعه موجود كده في السيتوبلازم ساي رايح على بعضه ما هواش متحوط بغلاف او في نواه انما حقيقيات النواه بيكون الدي ان ايه بتاعها موجود داخل غلاف محوطها بنسميها النواه يبقى اوليات النواه يعني ما عندهاش نواه او النواه بتاعتها اوليه او بدائيه وحقيقيات النواه يعني النواه بتاعتها حقيقيه موجود نواه فعلا وجواها الدي ان ايه او الكروموسومات طيب الكائنات بقى اللي هي اوليات النواه دي كلها بتكون وحيده الخليه يعني الكائن كله على بعضه بيكون خليه واحده زي ايه زي البكتيريا البكتيريا هي كلها على بعضها اللي قدامك ده هو ده الكائن الكائن عباره عن خليه واحده فقط انما بقى حقيقيات النواه ممكن تكون يا اما وحيده الخليه يا اما تكون متعدده الخلايا وحيده الخليه زي حاجه اسمها الاوليات الحيوانيه والطحالب البسيطه والفطريات اوليات حيوانيه يعني ايه وايه الفرق ما بينها وما بين اوليات النواه اوليات حيوانيه عشان ما تتلخبطش بينها وبين اوليات النواه اوليات حيوانيه من اسمها حيوانيه يعني اقلب الكلام كده هيبقى اسمها الحيوانات الاوليه وهي الفكره ان هي حيوانات بسيطه جدا جدا جدا لدرجه ان هي بتتكون من خليه واحده ده معنى كلمه الاوليات الحيوانيه يعني كائن او حيوان بيتكون من خليه واحده ولكن الخليه دي بقى الفرق بينها وما بين البكتيريا ان البكتيريا من اوليات النواء يعني لو فتحت السيتوبلازم بتاعها هتلاقي الدي ان ايه سايح على بعضه انما الاوليات الحيوانيه خليه واحده برده بس لو فتحتها هتلاقي ان جواها نواه والنواه دي جواها الكروموسومات او الدي ان ايه فالاوليات الحيوانيه دي بقى زي حاجه اسمها الاميبا وحاجه اسمها البراميسيوم الاثنين دول من الاوليات الحيوانيه وفي انواع من الطحالب اسمها الطحالب البسيطه بتتكون برده من خليه واحده وفي الفطريات زي فطر الخميره الخميره دي برده عباره عن خليه واحده الكائنات بقى متعدده الخلايا زي معظم الكائنات اللي انت تعرفها زي بقى الديدان والقواقع وال والنباتات والحيوانات والانسان كل دول متعددين الخلايا يبقى سريعا الكائنات الحيه يا اما تكون اوليات النواه يا اما تكون حقيقيات النواه اوليات النواه اللي هي البكتيريا خليه واحده ما فيهاش نواه حقيقيات النواه ممكن تكون خليه واحده ممكن تكون خليه كتير لو خليه واحده يا اما اوليه اوليات حيوانيه يا اما طحالب بسيطه يا اما فطريات اوليات حيوانيه زي ايه؟ الاميبا والبراميسيوم فطريات زي ايه؟ زي الخميره ايه الفرق بين وحيده الخلايا هنا ووحيده الخلايا هنا وحيده الخلايا اللي هنا اللي هي البكتيريا ما عندهاش نواه وحيده الخليه اللي هنا عندها نواه خريطه بسيطه كده عشان تلخص بس الكائنات اللي هناخدها بعد كده نبدا اول حاجه بالانشطار الثنائي او الباينري فيش ما هواش محتاج اي شرح الانشطار الثنائي الثنائي ما هو الا انقسام ميتوزي للخليه الانقسام الميتوزي اللي احنا خدناه الحصه اللي فاتت بتيجي البكتيريا زي ما انت شايف كده قدامك تنقسم انقسام ميتوزي الى خليتين شبه الاصل بالظبط فالخليه اصلا عباره عن كائن فما تنقسم الى خليتين يعني عمليه فردين بس كده خلصنا التكاثر او الانشطار الثنائي بس في نقطه بيقول لك ان الانشطار الثنائي ده بيحصل في الظروف المناسبه يعني ايه الظروف المناسبه يعني درجه الحراره مظبوطه يعني درجه مروحه الميه مظبوطه البي اتش بتاعها مظبوط والدنيا جميله والكائن قاعد يتغذى ويتكاثر ولكن بقى لو كانت الظروف غير مناسبه زادت درجه الحراره جدا ا جافه ال الميه اتغيرت درجه الملوحه بيحصل تغيير بسيط كده في الانشطار الثنائي بس تعالوا نشوف بس هي مين اصلا الكائنات اللي بتتكاثر بالانشطار الثنائي كل الكائنات وحيده الخليه بتتكاثر بالانشطار الثنائي سواء كانت اوليات النواه او سواء كانت في حقيقيات النواه ما عدا حاجه واحده بس فطر الخميره يبقى مين بيتكاثر بالانشطار الثنائي البكتيريا الاميبا والبراميسيوم والطحالب ال البسيطه الاميبا بالذات بقى التكاثر فيها في الظروف المناسبه مختلف عن الظروف غير المناسبه لو الظروف مناسبه والد الدنيا تمام تنقسم بالانشطار الثنائي عادي جدا من غير اي مشاكل ولكن لو الظروف غير مناسبه ساعتها عشان الاميبه دي تحمي نفسها بتقوم مغلفه نفسها بغلاف سميك جدا اسمه غلاف كايتيني بيتكون من ماده اسمها الكايتين ماده صلبه بتحمي الاميبا دي طيب هي حامت نفسها دلوقتي من الظروف غير المناسبه بس في نفس الوقت عايزه تتكاثر تعمل ايه بقى بدل ما الاميبا كلها تنقسم النواه بتاعتها بس هي اللي بتنقسم تقعد تنقسم داخل الاميبه دي داخل الغلاف الكايتيني ده عده مرات مرات متتاليه بحاجه اسمها الانقسام الثنائي المتكرر يعني تقعد النواه النواه بس هي اللي بتنقسم كده جوه الاميبا كل شويه لغايه ما الظروف تتحسن فيقوم كل نواه من دول تاخد شويه سيتوبلازم وتغلف نفسها بغلاف وتبقى اميبايه صغيره فبيقول لك اهو تتحرر من الحوصله فور تحسن الظروف المحيطه وتنتج العديد من الاميبات الصغيره ويبقى كده احنا خلصنا الانشطار الثنائي او الباينري فيشن ما هو الا ابسط انواع التكاثر بيحصل في الكائنات وحيده الخلايا كلها ما عدا الفطر الخميره الاميبا فيها حاجه مميزه ان هي في الظروف غير المناسبه بتلف حوالين نفسها غلاف من ماده صلبه اسمها الكايتين فبنسميه غلاف كايتيني وعلشان تتكاثر وهي جوه الغلاف ده النواه بتاعتها بس هي اللي بتقعد تتكاثر وتنقسم لغايه ما الظروف تتحسن وتقوم خارجه النواه بشويه سيتوبلازم حواليها وتلف حواليها غلاف ويبقى هي لوحدها كده اميبه صغيره واخر حاجه عايزك تلاحظها في الانشطار الثنائي ان العدد بيزيد بطريقه مهوله لانه بيتضاعف في كل مره انقسام ما هواش بيزيد زياده ثابته لا بيزيد زيد زياده متضاعفه او حاجه اسمها النمو الاسي او الاكسبوننشيال جروث يعني ايه؟ يعني في كل مره العدد بيتضاعف فده عشان لو جاللك مثلا مساله بتقول لك مثلا ان قدامك بكتيريا البكتيريا دي كل دقيقه بتنقسم انقسام ففي الدقيقه الواحده انت ممكن تحسبها ازاي؟ ان في الدقيقه الواحده هي انقسمت عمليه خليتين لو قلت لك بقى في خمس دقاق هتعمل لي كام خليه فانت ممكن ببساطه تقول ان هي في الدقيقه الواحده عملت لي خليتين ففي خمس دقائق اضرب في اثنين تعمل لي 10 خلايا غلط جدا ليه؟ لان البكتيريا بتتضاعف الاثنين دي هتتضاعف في الخمس دقاق خمس مرات يعني انت تضرب الاثنين في نفسها خمس مرات فيديك 32 بكتيريا جديده في الخمس دقاق فما تضرب الاثنين في نفسها خمس مرات يعني 2 اس خ مش 2× 5 اتمنى تكون مفهومه يعني لو قلت لك لو هتنقسم ثلاث انقسامات يبقى 2 اس 3 ست انقسامات 2 اس س يعني اضرب الاثنين في نفسها ست مرات يبقى يبقى عشان تجيب عدد البكتيريا اللي هتنتج من الانشطار الثنائي بتشوف البكتيريا دي هتنقسم كام مره وتحط عدد الانقسامات ده فوق الاثنين يبقى اثنين اس عدد الانقسامات يديلك عدد البكتيريا الناتجه بعد الانقسام اتمنى ان هي تكون مفهوم طيب كده احنا خلصنا الانشطار الثنائي نخشاني حاجه بقى على حاجه اسمها التبرعم التبرعم ده يا سيدي او البودينج يعني ان الكائن الحي يتكاثر عن طريق تكوين برعم يعني ايه برعم برعم يعني نتوء او بروز ماعرفش انتوا حضرتوا خربشات ولا لا خبش ده كان كرتون وكان ده اسمه مستر بليك مستر بليك ده مره المرات كان عنده حاجه كده زي حبايه فضلت تكبر تكبر على رقبته وبعد كده كونت شخص زي مستر بليك والراجل ده انفصل عنه تماما وبقى فرد جديد اهو بالظبط هو ده التبرعم التبرعم ده بيحصل في كائنات وحيده الخليه زي فطر الخميره هو ده اللي كان ناقص من الكائنات وحيده الخليه اللي اتكلمنا عنهم الباقيين دول كانوا بينقسموا بالانشطار الثنائي ومن الكائنات متعدده الخلايا اثنين من الحيوانات اسمهم الهيدرا والاسفنج هنتكلم اكلم عنهم دلوقتي ونشوف بيحصل فيهم ازاي التبرع. اول حاجه نبدا باول مثال عندنا اللي هو فطر الخميره. طيب فطر الخميره ده عباره عن خليه واحده بس خليه حقيقيه النواه يعني عندها نواه. هتنقسم ازاي او تتكاثر ازاي فطر الخميره ده؟ والله لو عايز يتكاثر فطر الخميره كل اللي بيحصل اول حاجه الخليه اللي قدامك دي يطلع فيها بروز على الجنب كده على الخليه الاصليه بعد كده البروز ده يكبر شويه وتقوم النواه تنقسم ميتوزيا لنواتين نواه تفضل في الخليه الاصليه والنواه الثانيه تهاجر وتروح للبرعم اللي طلع جديد ده بعد كده البرعم ده ينفصل ويبقى فرد جديد بس كده هو ده التبرعم في فطور الخميره يبقى اول حاجه يطلع بروز صغير كده تنقسم النواه ميتوزيا تهاجم جر نواه للبرعم البرعم بيفضل متصل بالخميره لغايه ما يكتمل نموه ويكمل كل العضيات اللي جواه بعد كده ينفصل او عنده اوبشن ثاني بدل ما ينفصل من فطر الخميره ده ويبقى لوحده طب ما نخلينا لازقين فيها كده ونتغذى عليها ولما نعوز نتكاثر نعمل احنا كمان برعم ويكبر والبرعم يعمل برعم ويكبر وكلنا نفضل متصلين ببعض ونتغذى على بعض ويبقى دي كده اسمها مستعمره خلويه يبقى الخميره بتتكاثر بالتبرعم واما ان البرعم يفضل متصل مع الخميره ويكون مستعمرات خلويه يا اما ينفصل ويعمل فطر جديد لوحده ده كده بالنسبه للكائنات وحيده الخليه زي فطر الخميره عرفنا التبرعم بيحصل فيها ازاي ثاني حاجه بقى الكائنات متعدده الخلايا اثنين من الحيوانات لكن حيوانات بسيطه جدا اسمها الهيدرا والاسفنج الاثنين كائنات بحريه الهيدرا دي يبان عليها طحلب او يبان عليها ان هي نبات ولكن في الحقيقه الهيدرا دي هي عباره عن حيوان عادي جدا وبياكل وبيتحرك زي ما انت شايف قدامك كده هو بس عشان اخضر فيبان ان هو نبات ولكن هو من الحيوانات المهم ان الها الهيدرو والاسفنج دول يقدروا هم كمان يتكثروا بالتبرعم ازاي بقى؟ رغم ان هم فيهم خلايا كتير ما هياش خلايا واحده زي الخميره سهله جدا في اجزاء من الخلايا او في اجزاء من الهيدرا دي فيها بعض الخلايا القادره على الانقسام وتكوين فرد جديد اسمها الخلايا البينيه الخلايا البينيه دي بيكون فيها نوع من الخلايا حاجه كده زي الخلايا الجذاعيه في الانسان او الخلايا الجذاعيه عموما الخلايا الجذعيه دي عندها القدره ان هي تكون انواع مختلفه من الخلايا فالخلايا البينيه دي بتقعد تنقسم تنقسم فتكون بروز كده اللي هيبدا من عنده البرعم بعد كده تفضل تنقسم ميتوزيا تنقسم ميتوزيا لغايه ما تعمل فرد شبه الام تماما وبعد كده الفرد ده ينفصل ليبدا حياته مستقله ببساطه جدا بروز بينمو على جانب البرعم او على جانب الهيدرا في مكان الخلايا البينيه بتنقسم انقسام ميتوزي تكون فرد جديد الفرد الجديد ده ينفصل ويبدا حياته مستقلا عن الام الكلام ده برده نفسه بيحصل في الاسفنج وهو من الحيوانات البحريه ويبقى احنا كده خلصنا الانشطار ثنائي والتبرعم خلينا كده نشوف فرق كده بسيط ما بين الانشطار الثنائي والتبرعم ان في الانشطار الثنائي ان الفرد الابوي او الخليه الاصليه دي لما بتنقسم لخليتين الخليه الاصليه نفسها ما بقتش موجوده يعني الخليتين اللي طلعوا دول ما فيش واحده اقدر اقول عليها الخليه الاصليه انما في التبرعم الخليه الاصليه بتفضل موجوده وبينفصل عنها خليه ثانيه فلسه الخليه الاصليه محتفظه بذاتها والخليه الجديده دي اقدر افرقها عن الخليه الاصليه فالانشطار الثنائي بيكون الخليتين الجداد كلهم قد بعض انما في التبرعم لان الخليه الاصليه فضلت زي ما هي فبقى في خليه كبيره وخليه صغيره دي كانت ملاحظات بسيطه كده ما بين الفرق ما بين الانشطار الثنائي والتبرعم نخش على ثالث حاجه بقى او ثالث شكل من اشكال التكاثر اللا جنسي وهو التجدد او الريجينريشن طيب هو ايه التجدد ده اصلا التجدد دي حاجه بتحصل في كائنات كتير جدا وهي عباره عن ان الكائن لما يفقد جزء من جسمه سواء في حادثه بقى او حد قطعه له الجزء ده يرجع ينمو ويكبر من ثاني طيب وايه مشكله يعني ايه علاقه ده بالتكاثر؟ هو كده رجع جزء من جسمه فين التكاثر في الموضوع؟ ما عملش كائن زيه يعني فعلا ده مش تكاثر ولكن الغريبه بقى انهم لقوا ان في كائنات لو انت مسكت سكينه كده وقطعتهم كذا جزء كل جزء من اللي اتقطعه دول يقدر يتجدد وينمو ويبقى فرد جديد زي اللي انت قطعته بالظبط وبكده بدل ما كان عندنا فرد واحد قبل التقطيع بقى عندنا كذا فرد بعد التقطيع وهو ده اللي فعلا يعتبر تكاثر اذا فالتجدد ده مستوى مستويات والقدرات كل الكائنات اللي في الدنيا عندها شيء من التجدد ولكن قدره التجدد دي تختلف باختلاف نوع الكائن يعني الكائنات الراقيه زي الفقريات اللي هو الانسان والثاديات عموما لو اتقطع منهم جزء كبير ما يقدروش يرجعوه اخرهم مثلا لو اتعور تعويره الجلد يتجدد ويقفل التعويره وهكذا انما حتى لو صباع اتقطع مش هيرجع ثاني ده بالنسبه للكائنات الراقيه زي الفقريات تنزل بقى للكائنات الاقل رقي شويه زي القشريات والبرمائيات دول قدرتهم على التجدد تزيد شويه دول ممكن فعلا لو اتقطع منهم جزء يقدروا يرجعوه القشريات دول زي سرطان البحر اللي هو مستر سلطع ده لو شديت المخالب بتاعته دي وقطعتها هترجع له تاني البرمقيات زي السلمندر مثلا ده لو قطعت له ديله هيرجع برده تاني فالتجدد هنا قاصر على ايه؟ قاصر بس على انه يعوض الاجزاء اللي اتقطعت منه انما تنزل بقى للكائنات الاقل والاقل رقي اللي هي الكائنات البسيطه زي الهيدرا والاسفنج اللي احنا لسه قايلين عليهم دول مثلا دي كائنات بسيطه جدا يعني دول بدايات الهيدرا دي بدايات الكائنات متعدده الخلايا وعندك مثلا الديدان وعندك نجم البحر كل الكائنات دي كائنات بسيطه فالتجدد فيهم مش بس يقدر يعوض الاجزاء اللي فقدوها لا هو يقدر يعوضها وبالاضافه لكده الجزء اللي اتفقد ده نفسه يقدر هو نفسه يعمل كائن وفرد جديد شبه الاصل بالظبط وهم دول الكائنات اللي التجدد فيها يعتبر تكاثر لان من خلال التجدد ده تقدر انك تعمل فرد جديد انما الكائنات الراقيه والاقل رقي التجدد فيها لا يعتبر تكاثر تعالوا نبص بصه بقى على التجدد ده بيحصل ازاي في الكائنات اللي ممكن تتكاثر بيه وهناخد مثال عليهم من كائنات مائيه كلها اثنين بيعيشوا في الميه العزبه اللي هم الهيدرا ودوده كده كيوت اسمها دوده البلاناريا وكائن بيعيش في البحر اللي هو نجم البحر تعالوا نبدا بقى باكث كائن اتعمل عليه تجارب للتجدد ده وهو دوده البلاناريا دوده البلاناريا دي يا سيدي ما تقدرش تعيش الا في الميه العزبه زي البحيرات ومياه الانهار يعني وكده ودي دوده صغنونه كده وكيوت وشغلت العلماء جدا لقدرتها على التجدد بطريقه غريبه يعني لو جبت موس وقطعت الدوده دي بالعرض كده كذا جزء والدوده دي بالمناسبه صغيره جدا برده حوالي مثلا 15 ملي ولا حاجه فلو جبت موس وقطعت الدوده دي بالعرض كذا جزء كل جزء من الثلاثه اللي اتقطعه دول هينقسم ميتوزيا ويكمل باقي الاجزاء اللي ناقصه دي ويعمل فرد جديد يعني الجزء اللي فوق ده هيكون باقي الجسم والديل الجزء اللي في النص ده هيكون من فوق الراس ومن تحت الديل الجزء اللي تحت ده هيكون كل الاجزاء اللي فوقيه وبكده لما قطعت البلاناريا ثلاث حتت ماتتش لا ده بالعكس كل حته كونت لي بلاناريا جديده وبقى عندنا ثلاثه بلاناريا قالوا يمكن التجدد ده لما نقطعها بالعرض بس قالوا طب نجرب نقطعها بالطول كده الى جزئين قام برده كل جزء كون الجزء اللي فاضل وعمل فرد جديد بقى عندنا اثنين بلان ناريا قال لك طب ما بدل ما نقطعها بالطول في النص بالظبط كده نقطعها من على الجنب شويه برده كل جزء كون فرد جديد يعني البلاناريا دي قدرتها على التجدد رهيبه جدا طيباني مثال اللي هو الهيدرا نفس الكلام الهيدرا برده قطعوها كذا جزء بالعرض فحصل نفس الكلام كل جزء كون فرد جديد اخر حاجه بقى اللي هو نجم البحر وده كلنا عارفين القصه بقى بتاعه ان هو بياكل المحار والمحار ده جواه لؤلؤ والناس اللي بتتاجر في اللؤلؤ كانوا عاوزين يموتوا فقطعوه ورموه في البحر فلقوه كتر ثاني والقصه الفاكسانه دي المهم تعرف ان نجم البحر ده بيتغذى على المحار وتعال نشوف بقى بيتجدد ازاي نجم البحر ده حيوان زي ما قلنا عنده حاجه كده اسمها قرص وسطي او سنترال ديسك وده اللي فيه البق بتاع نجم البحر ده والجهاز الهضمي بتاعه حتى في فيلم نيمو كانت بتتكلم بقها موجود في القرص الوسطي ده وعنده الازرع بتاعته وبتختلف من فصيله للثانيه بس في الغالب خمس ازرع يعني فسيبك من بسيط اللي هم حاطين بق بقه في دراعه ده مش مظبوط نيمو هم اللي كانوا مذاكرين كويس وعاملين نجم البحر صح المهم نجم البحر ده عنده قدره على التجدد عادي جدا زي القشريات كده انك لو شلت منه جزء يعني يقدر يرجع ثاني يعني لو قطعت دذراع هيقوم الذراع ده يرجع وينمو من جديد امال امتى بقى ممكن الذراع اللي اتقطع ده هو نفسه يعمل فرد جديد ده ممكن يحصل فقط في حاله ان الذراع ده اتقطع ومعاه حته من القرس الوسطي عشان القرص الوسطي ده اللي فيه الجهاز الهضمي زي ما قلنا والفم وكده فالدراع ده يقدر يعيش شويه لغايه اما يكون فرد جديد ويكون باقي النجم لان الموضوع بياخد وقت مش بيحصل في ساعتها يعني انما لو الذراع لوحده كده من غير القرص الوسطي فمش هيقدر يتجدد ساعتها ويعمل فرد جديد والدراع اللي اتقطع ده هيموت ولكن نجم البحر نفسه هيقدر يرجع الذراع ده ثاني يعمل دراع جديد انما الذراع اللي اتقطع مش هيعرف يعمل نجم بحر جديد فيبقى نجم البحر شرط التجدد بتاعه ان يكون في جزء من القرس الوسطي موجود في الحته اللي اتقطعت يعني لو هو في خمس دراعات خدت انا كل ذراع مع حته من القرس بتاعه يبقى هيعمل لي خمس نجوم بحر وبكده يبقى احنا كده خلصنا التجدد وزي ما قلت لكم دي مجرد امثله يعني هل نجم البحر ده بيتكاثر بالتجدد بس لا ممكن يتكاثر مثلا جنسيا برده عادي بجانب قدرته على التجدد بس ممكن تفكر برده يعني هو التكاثر بالتجدد ده لازم يستنى لما حد يجي يقطعه علشان يتكاثر لا هو سبحان الله ممكن هو يقطع نفسه بنفسه كده ويفصل ذراع بالقرص الوسطي بتاعه عشان الذراع ده ينمو ويعمل له فرد جديد بس المهم تعرف اللي في الكتاب عندك وكده احنا خلصنا اول حاجه الانشطار الثنائي اللي بيحصل في الكائنات وحيده الخلايا زي البكتيريا والاوليات الحيوانيه والطحالب البسيطه ثاني حاجه التبرعم اللي بيحصل يا اما في كائنات وحيده الخليه زي فطر الخميره او متعدده الخلايا زي الهيدرا والاسفنج والتجدد وعرفنا الامثله بتاعته اللي لسه متكلمين عليها دلوقتي تعالوا نشوف بقى الشكل اللي بعد كده وهو التكاثر بالجراثيم يعني ايه بقى التكاثر بالجراثيم؟ يعني هيتكاثر بالميكروبات يعني ولا هيعمل ايه؟ لا الجراثيم هنا مش معناها البكتيريا والميكروبات زي ما احنا عارفين نقصد بالجراثيم هنا ان هي حاجه صغيره جدا بص يا سيدي مش النباتات عندها حاجه كده اسمها بذره والبذره دي احنا بنزرعها فتتشقق وتكبر وتعمل نبات جديد اهو الجرثومه دي حاجه كده شبه البذره بالظبط ولكنها عباره عن حاجه اصغر من البذره بكتير وعباره عن خليه واحده فهي حاجه ميكروسكوبيه اصلا لا ترى مش زي البذره كبيره لا الجرثومه دي عباره عن خليه واحده فقط متحوطه بغلاف سميك برده واول ما تلاقي وسط مناسب في ميه تقوم الجرثومه دي تنقسم ميتوزيا وتكون فرد جديد يبقى تعريف الجرثومه ان هي خليه وحيده متحوره للنمو الى نبات كامل يعني ايه متحوره يعني شكلها بيتغير من جرثومه بتتحور وتنبت بقى الى فرد ثاني سواء كان نبات او فطر فالجرثومه خليه وحيده متحوله بيكون فيها كميه سيتوبلازم قليله وحواليها غلاف سميك طيب احنا كده عرفنا ايه هي الجرثومه تعالوا نشوف بقى مين الكائنات اللي بتتكاثر بالطريقه دي وازاي وليه الطريقه دي بتتكاثر بيها معظم الفطريات اغلب الفطريات يقدروا يتكاثروا بالجراثيم وشويه طحالب زائد نوع من النباتات كده اسمه الصراخ وده على سبيل المثال يعني فتعالوا نمسك فطر زي فطر مثلا عفن الخبز ونشوف بيتكاثر ازاي عارف لما العيش يفضل بره شويه كده ويعفن او البرتقان لما تسيبه فتره بيعفن ويكون نقط كده سودا او خضراء اهو انه عفن ده يعني كده اتكون عليه كائن حي اسمه فطر عفن الخبز هو اللي عمل عليه كده ولو كبرت هتلاقيه عباره عن خيوط كده ونقطو سودا زي اللي في الصوره كده الفطر بقى بتاع عفن الخبز ده اصلا شكله عامل ازاي بيتكون من خيوط كده ملعبكه في بعض ومن تحت شويه خيوط ثانيين اسمهم اشباه جذور يعني شبه الجذور ولكنهم صغيرين بيقدر من خلالها ان هو ياخد الاكل بتاعه والغذاء وبيتكون على الخيوط من فوق كده اكياس الاكياس دي اسمها حوافظ جرثوميه او سبورانجيام ومن اسمها الحوافظ الجرثوميه دي هي اللي جواها الجراثيم طيب احنا كده عرفنا شكله وعرفنا يعني ايه الجراثيم تعال نشوف بقى التكاثر بيحصل ازاي؟ الحوافز الجرثوميه دي جواها جراثيم يعني خلايا وحيده متحوطه بغلاف سميك فلما الحوافظ دي بتتملي على اخرها فبتفرقع فالجراثيم دي تطير بقى في الهواء ودي بقول لك خليه واحده يعني غير مرئيه اصلا فتقعد تطير تطير تطير وتروح في كل حته لغايه لما تلاقي وسط مناسب حته عيش رطبه كده مثلا فدي زي الفل بالنسبه لها فيها الكربوهيدرات اللي هتتغذى عليها وكمان رطبه يعني فيها ميه فتقوم الجرثومه دي تمتص الميه وجدارها يتشقق وتنقسم النواه بتاعتها ميتوزيا وتقعد تكبر تكبر وتنمو الى خيوط فطريه والخيوط دي تقعد تنقسم ثاني فتكون حوافظ جرثوميه والحوافظ دي هتنقسم ميتوزيا ثاني فتعمل جراثيم جواها والجراثيم تطير وتنقسم ميتوزيا وتعمل فطر والفطر ينقسم ميتوزيا ويعمل جراثيم والجراثيم تنقسم ميتوز زيا وتعمل فطر والفطر ينقسم ميتوزيا وهكذا ونفضل في الدوامه دي بقى وحته العيش اللي كان عليها جرثومه بس واحده وقعت عليها دلوقتي بقى عليها الاف الجرثومات والاف الافراد من فطر عفن الخبز والجرثومه دي اتكونت عن طريق انقسام ايه؟ انقسام ميتوزي ده تكاثر لا جنسي فطبعا كل الانقسامات فيه انقسامات ميتوزيه بس فطر عفن الخبز ده يقدر يتكاثر جنسيا برده على فكره عادي بس مش عليك اللي عليك التكاثر بالجراثيم فقط والجراثيم اللي هتتكون هنا قلنا عن طريق انقسام ميتوزي هي الجرثومه اصلا عباره عن نون هتنقسم ميتوزيا وهتعمل لي فطر نون والفطر اللي هو نون ده هينقسم ميتوزيا ويعمل لي جراثيم نون والحوافظ الجرثوميه نون وكل حاجه في الدنيا في الموضوع ده نون لان كلها انقسامات ميتوزيه الموضوع سهل وبسيط وفي فطر برده ثاني اسمه عيش الغراب ده اللي كلنا عارفين الشكل ده بيبدا يتكاثر بنفس الطريقه بس مع اختلاف شويه تفاصيل ومين ثاني بيتكسر بالجراثيم بعض الطحالب وبعض النباتات ونبات اسمه الصراخ والصراس ده هنبقى نتكلم عنه في الفيديو اللي جاي او اللي بعده باذن الله ويبقى كده احنا خلصنا الانشطار الثنائي والتبرعم والتجدد والتكاثر بالجراثيم ندخل بقى على التكاثر اللي بعد كده او شكل التكاثر اللاجنس اللي بعد كده اللي هو التوالد البكري طيب بالنسبه بقى للتوالد البكري او البارسينوجينسيس طيب من اسمها كده يعني ايه اصلا توالد بكري التوالد يعني تكاثر والبكري يعني بكر يعني عذراء فالتوالد البكري ده حاجه غريبه جدا بيقول لك ان البويضه بتزهق من الرجاله فتقول انا خلاص هعتمد على نفسي ومش محتاجه مشيج مذكر وهكون فرد جديد بنفسي وجنين جديد بدون اخصاب فتعريف التولد البجري هو قدره البويضه على النمو لتكوين فرد جديد بدون اخصاب من المشيك الذكري ازاي بقى الكلام اللي احنا بنقوله ده طول عمرنا متعودين ان التكاثر الجنسي بيحصل في اندماج المشيج المذكر مع المشيج المؤنث لتكوين جنين دي سنه الحياه والفطره العامه ازاي بقى بتقول ان البويضه هتكون فرد جديد بدون اخصاب تعال نشوف التورد البكري ده يا سيدي نوع من انواع التكاثر اللا جنسي اللي بيحصل غالبا في الحشرات ممكن يحصل برده في بعض انواع من الديدان وبعض انواع من القشريات ولكن الاشهر هي الحشرات وخصوصا حشرتين مشهورين جدا بالتوالد البكري هم نحل العسل النحل العادي اللي احنا بنشوفه ده وحشره اسمها حشره المن اللي قدامك في الصوره دي تعالى نشوف بقى التوالد البكري الطبيعي ده بيحصل ازاي نبدا اول حاجه بالنحل النحل ده كائن عادي جدا فيه ذكور وفيه اناث والنحل عامه بيقسم نفسه لملكه وشغالات وذكور يبقى الاناث عباره عن ملكه وشغالات والذكور لوحدهم ما بنقسمهمش طيب عايزين نعرف بقى التكاثر بيحصل ازاي اول حاجه انت عندك الملكه اهي دي ملكه النحل عندها امشاج عادي جدا والامشاج دي بتنتج من الانقسام المايوزي عادي جدا ادي النحله اهي 2 نون هتنقسم الخلايا بتاعتها انقسام مايوزي فيعمل لي البيضه بتاعه النحله نون في اي مشكله طبيعي جدا البيضه بقى اللي نتجت بالانقسام المايوزي دي عندها سكه من اثنين يا اما الطبيعي ان هي تتخصب عن طريق ان مشيج مذكر يجي يندمج معاها ويكونوا لي جنين او زايجوت او بقى ان يحصل المعجزه اللي هنا دي اللي هي التوالد البكري وان البيضه دي تكون فرد جديد بدون ما يحصل لها اخصاب تعالوا نشوف الكلام ده ازاي ادي البيضه معانا اهي البيضه دي تعالى نشوف الاول لو حصل لها اخصاب اللي هو الطبيعي فادي البيضه نون ده المشيج المؤنث هيندمج مع المشيج المذكر نون ويكونوا لي زايجه اين نون يكبر ويكون لي ايه نحل جديد جميل لكن النحل الجديد اللي هيطلع ده اناث فقط ما فيش فيه ذكور خالص انما السكه الثانيه بقى للبيضه ان هي بدون ما يحصل لها اخصاب وبدون مشيج مذكر وبدون اي حاجه البيضه اللي هي نون دي تنمو وتنضج وتكبر وتكون نحله جديده ولكن النحله اللي هتتكون دي هتكون ذكور فقط يبقىاني نحل العسل الملكه نفسها اثنين نون كونت الامشاج بتاعتها عن طريق انقسام مايوزي عادي جدا فكونت بيضه نون البيضه دي اما ان هي تكبر وتندج كده من غير اخصاب فتبقى تعمل فرد جديد نون ودي عباره عن ذكور النحل يا اما ان هي يحصل لها اخصاب واندماج من المشيج المذكر فتعمل فرد جديد اثنين نون ودي الاناث بتاعه النحل فتحديد الجنس في النحل بيعتمد على المجموعه الصبغيه لو انت الكروموسومات بتاعتك نون هتبقى ذكر لو انت الكروموسومات بتاعتك اثنين نون تبقى انثى مش معتمده زي الانسان كده على الكروموسوم اكس اكس او اكس واي لا هي معتمده على عدد المجموعات الصبغيه لو انت عندك مجموعه واحده بس تبقى ذكر لو عندك مجموعتين تبقى انثى اذا فكل ذكور النحل ن وكل اناث النحل اين ن والاناث اللي طلعت دي بتبدا بقى تتقسم على حسب هي هتكون شغاله ولا هتكون ملكه على حسب نوع الاكل اللي بتاكله لو الناس اللي طلعت دي هتاكل اكل عادي كده من اكل عامه الشعب اللي هو العسل والرحيق العادي جدا ده هتبقى شغالات والشغالات بتكون عقيمه لا تنجب اما بقى لو اتغذت على غذاء خاص اللي هو غذاء ملكات النحل ساعتها بقى المبايض بتاعتها بتتحفز نموها وتكبر وتبقى دي الملكه بتاعه النحل وهي القادره على الانجاب فببساطه جدا ادي الملكه اين نون هتنتج البيضه بتاعتها نون عن طريق انقسام مايوزي لو حصل لها اخصاب تبقى اناث على حسب الاكل تبقى ملكه او شغاله لو ما حصلهاش اخصاب تبقى ذكور والذكور كل دورهم في الحياه ان هم يعملوا ايه يتكاثروا وبعد ما بيتكاثروا بيموتوا شكرا كده هو ده دورهم في الحياه طيب الملكه انتجت البيضه بتاعتها عن طريق انقسام مايوزي لان هي كانت اثنين نون وطلعت البيضه بتاعتها ن طب بالنسبه بقى لذكر النحل هينتج الامشاج بتاعته ازاي هو اصلا ن والامشاج بتاعته ن فساعتها الانقسام ده هيكون نوع انقسام ايه؟ انقسام ميتوزي يبقى دي اول مره هتشوف ان انقسام ميتوزي هو اللي بينتج الامشاج وليس انقسام ميوزي يبقى ذكر النحل عن طريق انقسام ميتوزي ينتج المشيج المذكر بتاعه نون وانثى اثنين نون اللي هي الملكه تنتج المشيج بتاعها عن طريق انقسام مايوزي نون لو الاثنين حصل لهم اخصاب مع بعض يبقى اناث لو البيضه ما حصلهاش اخصاب وكبرت هتعمل ذكور وبس كده احنا خلصنا التوالد البكري في نحل العسل في حاجه زيها بالضبط بقى اللي هي حشره المن ولكن مع اختلاف بسيط حشره حشره المنه دي برده حشره عاديه خالص 2 ن ادي الانثى بتاعتها اهي 2 نون هتكون البويضه ولكن البويضه بتاعتها بقى المره دي عندها سكه من اثنين يا اما تتكون عن طريق الانقسام المايوزي العادي جدا وتبقى بويضه ن يا اما يحصل لها توالد بكري بالانقسام الميتوزي وتكون فرد جديد 2 نون يبقى على العكس نحل العسل اللي كانت البويضه بتاعتها دايما نون نتيجه عن انقسام مايوزي لا البويضه بتاعه حشره المن حشره المنثى 2 ن فممكن تكون البويضه دي ن بالانقساميوزي عادي وممكن تكونها تكون البويضه 2 ن بالانقسام الميتوزي تقعد تكبر لغايه ما تعمل فرد جديد الاختلاف الثاني ان البويضه اللي كبرت وهتكون فرد جديد اثنين نون دي بالتوارد البكري هتبقى زي الام بالظبط ولازم تبقى انثى ما ينفعش تبقى ذكر اما البويضه نون اللي اتعملت بالانقسام الميوزي لما يحصل لها اخصاب مع المشيج المذكر نون هيكونوا فرد اثنين نون الفرد ده ممكن يكون ذكر وممكن يكون انثى طب والذكر في حشره المن الذكر هو اثنين نون عادي جدا فهيكون الامشاج بتاعته عن طريق انقسام مايوزي عادي جدا فيعمل مشيج مذكر نون يتحد مع المشيج المذكر اللي هنا المؤنث اللي هنا نون ويعملوا لي زجوت اثنين نون سواء كان ذكر او انثى يبقى تعال كده نقارن ما بين التوالد البكري في النحل والتوالد البكري في المن ادي الذكر وادي الانثى بتوع النحل الذكر الذكر اصلا كام نون والانثى اين نون الذكر لانه نون فلازم ينتج الامشاج بتاعته عن طريق انقسام ميتوزي ن اما الانثى اين ن فبتنتج البيضه بتاعتها عن طريق انقسام مايوزي وتبقى البيضه ن والله عندنا طريق من اثنين يا اما يحصل اخصاب ويكونوا فرد اثنين نون وطالما اين نون تبقىث او ان البيضه دي تفضل زي ما هي من غير اخصاب لكن تنمو وتكبر وتكون فرد جديد والفرد الجديد ده هيبقى نون وبالتالي يبقى من الذكور ده بالنسبه للنحل في حشره المن بقى كل الافراد اللي فيها اصلا اثنين نون سواء كان ذكر او انثى كلهم اثنين نون ما فيش حاجه فيها اسمها نون لوحدها وبالتالي عندنا ادي ذكر اثنين نون وادي الانثى اثنين نون الذكر هيكون البويضات او اللي هيكون المشيج المذكر بتاعه عن طريق انقسام مايوزي عادي فيكون لي مشيج مذكر نون الانثى عندها احتمال من اثنين يا اما تكون البويضات بتاعتها برده عن طريق انقسام مايوزي عادي نون ويعملوا لي اخصاب الاثنين مع بعض ويعملوا لي زود اثنين نون سواء كان ذكور او اناث او الطريق الثاني ان هي تعمل البويضه بطريق بتاعتها عن طريق انقسام ميتوز اثنين نون والبويضه تكبر وتعمل توالد بكري وتكون اناثنين نون يبقى التوالد البكري في النحل ينتج ذكور لانها بيضه نون هتكون فرد جديد نون فلازم يبقى ذكر اما التوالد البكري في انثى المن ينتج اناث فقط يبقى كده احنا خلصنا التوالد البكري واللي شفناه ده كان اسمه توالد بكري طبيعي يعني ده اللي بيحصل في الطبيعه وربنا هو اللي خلقه زي ما هو كده اما في حاجه ثانيه بقى اسمها تكاثر بكري صناعي ان الانسان بيتدخل وبيحاول ان هو يقلد التوالد البكري الطبيعي ده ازاي في بعض التجارب اتعملت على نجم البحر والضفضعه نجم البحر والضفضعه دول خدوا الانثى بتاعتهم وخدوا البويضات بتاعتهم وبداوا ان هم ينشطوا البويضات علشان تنقسم وتعمل فرد عرض جديد هينشطوها ازاي؟ يعرضوها بقى لصدمه حراريه صدمه كهربائيه اشعاع املاح رج وخذ اي حاجه حرفيا ممكن يعملوها في البويضه علشان تنقسم هتنقسم يعني هتنقسم ففعلا لقوا مع الوقت ان البويضات دي انقسمت وعملت افراد فعلا اين نون شبه الام بالظبط طب ازاي عملت افراد 2 ن والبويضه اصلا ن ما هو التنشيط الزياده ده خلى يحصل تضاعف في الصبغيات داخل البويضه فبدل ما كانت ن بقت اين ن وانقسمت ميتوزين كتير لغايه ما عملت فرد جديد شبه الامه بالظبط حاول حاولوا يعملوا الكلام ده في كائنات ارقى شويه زي الثديات اختاروا مثلا الارانب حاولوا يعملوا زيها عملت اه جنين ولكن الجنين ده ما كملش ومات يبقى ده الفرق ما بين التوالد البكري الطبيعي وتوالد البكري الصناعي وكده احنا خلصنا التوالد البكري طيب اخر سؤال بقى فكروا فيه وقولوا لي في الكومنتات بالنسبه للتوالد البكري في النحل وفي المني فيه تنوع وراثي اكتر هو الاثنين تكاثر لا جنسي بس انهي التواد البكري هينشئ ابناء شبه الاصل بالضبط وانهي هينش ابناء فيها تنوع وراثي وقول لي ليه اخر حاجه بقى هنتكلم عنها وهي شكل من اشكال التكاثر اللا جنسي اسمها زراعه الانسجه او التيشو كالتشر ايه بقى زراعه الانسجه دي مش التكاثر اللاجنسي قائم على انفصال جزء من الجسم وانقسامه ميتوزيا فيكبر ويبقى فرد جديد فالعلماء قالوا طب ما تيجي احنا نعمل الموضوع ده نجيب نبات وناخد منه حته ونخليها تنقسم وتنمو الى فرد جديد ازاي بقى يعني هنخليها تنمو هي في الطبيعه محتاجه ايه عشان تنمو محتاجه اول حاجه المعلومات الوراثيه كامله يعني الدي ان ايه كله لان الدي ان ايه ده هو اللي فيه الوصفه بتاعه تكوين النبات او تكوين الكائن ايا كان ده الكتالوج بتاعه يبقى محتاج اول حاجه المعلومات الوراثيه بتاعته ثاني حاجه محتاج اكل وميه وغذاء وثالث حاجه محتاج مواد كيميائيه تساعده على النمو اللي هي الهرمونات النباتيه او الاوكسينات يعني طيب فج عالم كده قال لك طب ما تيجي نجرب جاب جزره خد منها حته وحطها في انبوبه وقام حط عليها حاجه اسمها لبن جوز الهند عارف جوز الهند الكوكونات اللي هو بيجي في الافلام ده بيبقى صلب قوي في الافلام ده يجي يكسرها ويفتحها كده هتلاقيها من جوه بيضا فهو ياخد المكونات بتاعتها دي ويحط عليها شويه ميه وبتاع فيحولها لحاجه اسمها لبن جوز الهند عامل زي الصوبيا بالظبط على فكره هي الصوبيا اصلا عباره عن بودره جوز الهند فهي نفس الفكره يعني هو قطع حته من الجزرايه وحطها في انبوبه وحط عليها شويه صوبيا فالراجل لقاها فعلا بتكبر وكونت جذر وساق صغيرين اللي هي اسمهم بادره يعني نبات وهو لسه صغير كده فقام واخد البادره دي وزرعها في التربه فعملت له جزرايه ثانيه فهو ده زراعه الانسجه يعني ان اخد نزيج من نبات واحطه في وسط غذائي شبه طبيعي يعني شب شبه الوسط اللي في النبات اصلا بينمو فيه واستنى لما النسيج ده ويكبر ويبقى بادره اخدها وازرعها فتعمل لي نبات جديد الراجل بقى اما لقى الموضوع مشي معاه قال لك طب ما تيجي نجرب حاجه ثانيه احنا المره دي هناخد شويه خلايا بس مش هناخد حته كبيره من الجزر لا هناخد شويه خلايا فاخد شويه خلايا من الجزر وحطهم هم في الانبوبه وحط عليهم لبن جوز الهند قاموا انقسموا ميتوزيا وعملوا لي بادره برده قام خدها وزرعها في التربه فعملت له نبات جديد قال لك طب نغير النبات قام جاب نبات جديد اسمه الطباق وخد من الاوراق بتاعته المره دي بقى شويه خلايا وزرعها برده بنفس الطريقه فعملت نبات جديد فقالوا بقى حلو قوي الموضوع ده احنا ممكن نستفاد ازاي بقى منه احنا ناخد النباتات النادره او السلالات الكويسه اللي هي بتبقى مقاومه للامراض يعني والبكتيريا ونقعد نزرعهم بالطريقه دي ونكترهم مش لسه بقى هنستنى اما النبات يطلع ويثمر وبعد كده ناخد البذور بتاعته نزرعها فالموضوع متعب ومكلف لا احنا هناخد حته من النبات نفسه ونزرعها على طول وبالتالي يعمل لنا انتاج اكث بكتير وحتى لو مش عاوز ازرعهم دلوقتي انا ممكن الخلايا اللي هاخدها دي احافظ عليها في نيتروجين سائل يعني درجه حراره منخفضه جدا فالعمليات الحيويه اللي الخليه بتقوم بيها هتقل لان العمليات الحيويه بتقل في درجات الحراره المنخفضه فالخلايا دي تفضل عايشه لفترات طويله لغايه ما يجي الوقت اللي انا عاوز ازرعها فيه تتزرع وتنقسم ميتوزيا وتبقى شغاله عادي فبيقول لك يعلق العلماء امالا على تقدم هذه التقنيات لحل مشكله الغذاء واختصار الوقت اللازم لنمو المحاصيل المنتجه باكسارها بنفس الطريقه وحاليا هم شغالين على الموضوع ده في الحيوانات كمان وفي الانسان ويا عالم بقى ممكن يتوصلوا لايه لان الموضوع مثير جدا الصراحه يعني انت كده ممكن تزرع كبد او كلى بس تزرعهم حرفيا مش تاخدهم من واحد وتحطهم في واحد ثاني لا انت تاخد حته وتعملها في المعمل فتكبر وتعمل لك كبد فدينا هنشوف وبكده احنا خلصنا كل اشكال التكاثر اللاجنسي اللي موجوده عندك في الكتاب سواء كان الانشطار الثنائي او التبرعم او التجدد او التكاثر بالجراثيم او التوالد البكري او زراعه الانسجه ‏Yeah.