مراجعه دراسات الصف السادس الابتدائي دراسات الصف السادس الابتدائي الترم الثاني 2026

السلام عليكم ورحمه الله وبركاته طلابنا وحبايبنا في كل مكان حبايبي الحلوين وحشتوني جدا جدا ربنا يا رب يحفظكم خلاص بقى النهارده مراجعتنا النهائيه عايزين نركز عايزين يعني ايه نفتكر كده النقط الرئيسيه تمام كده سريعا عشان نبدا نحضر نفسنا للامتحان بتاع اخر السنه ا مراجعتنا هتقسم انتم عارفين قسم اللي هو الشرح وبعد كده هنعمل مراجعه شامله تدريبات وبعد كده هنحل ا محافظات يعتبر يعتبر او نماذج يعتبر شبيهه لنماذج الوزاره ان شاء الله تعال بقى بينا نفتكر كده النقط الرئيسيه مستر انت لو حضرتك يا استاذنا عايز التفاصيل التفاصيل عندك المنهج الخطه التعليميه منزلا لك المنهج جزء جزء وكلمه كلمه وحرف حرف شرحين المنهج كله من اوله لاخره حلو الكلام النهارده هناخد فكره سريعه سريعه عن المنهج تمام للي ما يعرفش حاجه عن المنهج ولا يعرف اي حاجه عن الصف السادس الابتدائي ابعت الفيديو ده لصاحبك الحقه حلو الكلام يلا بينا يلا كده نبدا بسم الله اولا عندنا السكان في وطننا العربي حلو الكلام طبعا السكان في وطننا العربي تضاعفوا باعداد كبيره جدا جدا جدا يا درجه ان هم بيقول لك تضاعفوا تسع مرات يعني تسع اضعاف يعني كانوا عدد ما من واحد مثلا بين تسعه يبقى تضاعف عدد سكان الوطن العربي تسع كام تسع مرات حلو الكلام طيب التضاعف ده يعني الزياده زياده عدد السكان دي بترجع ليه؟ بص معايا اسباب النمو يعني الزياده السكانيه بترجع اسباب الزياده الى ارتفاع معدل المواليد وانخفاض معدل الوفيات يبقى لما اجي اقول لك ايه نتيجه ارتفاع معدل المواليد اقول له ادى ذلك الى زياده النمو السكاني انخفاض معدل الوفيات يبقى زياده النمو السكاني طب اسمع معايا وخلي بالك ارتفاع المواليد والوفيات انخفضت ليه يعني المواليد ارتفت والوفيات انخفضت يبقى السبب بسبب ايه؟ ارتفاع الرعايه الصحيه. تمام؟ بقى في رعايه صحيه في الوطن العربي. طيب في بعض الدول بتزيد بسبب الهجره الوافده. الهجره الوافده يبقى اسباب النمو السكاني ثلاثه ارتفاع معدل المواليد وانخفاض معدل الوفيات. ولو جه قال لك المواليد زادت ليه؟ تقول له بسبب وجود رعايه صحيه. ولو جه قال لك انخفاض معدل الوفاه تقول له برده بسبب وجود رعايه صحيه. طيب في دول بتزيد بسبب الهجره عدد سكانها بيزيد بسبب الهجره زي كده دول الخليج العربي دول بيزيدوا بسبب الهجره ليهم الشباب عندنا بيسافروا الى دول الخليج العربي بحثا عن فرص العمل فلما الشاب بيسافر بيزيد دول الخليج العربي بيبقى لو جيت قلت لك بما تفسر دول الخليج العربي سكانها في نمو لمتزايد او سكان الوطن العربي سكان دول الخليج العربي في زياده بسبب الهجره الوافده طيب تعالى معايا ايه نتيجه النمو السكاني؟ ايه اللي يحصل لما السكان عندنا بتزيد؟ قال لك والله زياده الضغط على الموارد كل ما يزيد عدد السكان نحتاج موارد اكت وزياده الضغط على الخدمات الخدمات اللي هي الكهرباء والميه والغاز ووسائل المواصلات بيزيد الضغط عليها والمدارس كل ما عددنا يزيد كل ما الضغط يزيد على الخدمات والبنيه التحتيه طيب كمان بيقل الغذاء نقص الغذاء لما عدد السكان يزيد نصيب الفرد مننا بيقل في الميه وفي الاكل تمام طيب تعال نشوف توزيع السكان يعني ايه توزيع يعني اين يوجد سكان الوطن العربي السكان في الوطن العربي بيقعدوا فين تعال نشوف في مناطق بيعيش فيها السكان يزيد زي السهول الفيضيه زي نهر النيل ونهر دجله والفرات طيب وزي زي السهول الساحليه بسبب اعتدال المناخ ووجود مياه عازبه سهول فيضيه بسبب تربه خصبه وميه عازبه تمام وبعض مناطق المرتفعات عشان اعتدال المناخ طب مين اللي بيسكن على مناطق المرتفعات هم دولتين لبنان واليمن تمام طيب كمان الناس بتسكن او بيتواجدوا السكان في مناطق التعدين والصناعه بسبب العمل في التعدين يبقى الناس ليه بتقعد في حته المنطقه اللي فيها تعدين يعني استخراج البترول او مصادر الطاقه بسبب ها العمل في التعدين والصناعه ها بسبب وجود فرص العمل يبقى السكان هتلاقيهم موجودين في مناطق التعدين والصناعه طيب مناطق يقل بها عدد السكان المناطق اللي بيقل بها عدد السكان هي المناطق الجبليه والصحراويه طيب ليه المناطق الجبليه والصحراويه بيقل ب عدد السكان بسبب ندره المياه الميه في المناطق ديت بتكون قليله اللي بعد كده خصائص يعني ايه هي مميزات السكان في الوطن العربي اول حاجه عندنا الهرم السكاني عندنا هرم سكاني اللي متقسم ثلاث نقط الحاجه الاولى اللي هنا القمه دي بيكون كبار السن وعندنا الوسط بيكون فئه الايه الشباب او سن العمل تمام كده واخر حاجه صغار السن قال لك الوطن العربي ذو قاعده عريضه ليه عندنا الهرم السكاني ذو قاعده عريضه بسبب زياده اعداد صغار السن في الوطن العربي تعالى معايا يبقى التركيب العمري تمام كده العمري اللي هو الصغير والفئه العمل اللي هو سن العمل اللي هو الشباب تمام يبقى فئه صغار السن وعندي قوه العمل وعندي كبار السن تمام اقل نسبه طبعا هي كبار السن اكتر نسبه عندنا سن العمل يجي وراها على طول صغار الايه السن طيب التركيب النوعي انا عندي نوعين يا اما ذكور يا اما اناث ومن الملاحظ ان نسبه الذكور اكتر من نسبه الاناث وعلى فكره في دول بالوطن العربي نسبه الذكور عندهم اكبر من الاناث بسبب الهجره زي مين؟ الدول الخليج يبقى لو جه قال لك دول الخليج العربي ليه نسبه الذكور ليه الولاد اكت من البنات عندهم اقول له بسبب الهجره عندهم هجره بنروح هناك عشان ندور على فرص عمل فخلى البحث عن فرص العمل خلى الولاد هناك او الذكور هناك اكتر من البنات. طيب تعال نشوف خصائص السكان. انا عندي خاصيتين التعليم شوف عامل ازاي والصحه. التعليم بيرتفع في دول زي الاردن ومصر والامارات يبقى ترتفع نسبه المتعلمين والتعليم في مصر والامارات والاردن وتنخفض نسبه التعليم في دوله زي الصومال بتقل عدد المتعلمين هناك وتنتشر الاميه. الخصائص الصحيه قال لك يقل عدد الوفيات في مصر والامارات والسعوديه طب ليه؟ بسبب وجود لو قال لي ليه اقول له بسبب وجود رعايه صحيه عشان في رعايه ايه؟ صحيه وبيزيد عدد الوفيات بسبب في السودان والصومال هعكس يبقى لعدم وجود رعايه ايه يا شباب؟ رعايه صحيه تمام اللي بعده ايه التحديات اللي بتواجه سكان الوطن العربي او ايه المشاكل اللي بتواجه الوطن العربي مشكلتين البطاله طبعا بسبب زياده عدد السكان وقله فرص العمل اهو السبب ايه السبب بما تفسر اقول له بسبب زياده عدد الشباب وقله فرص الايه العمل ما فيش فرص عمل طيب عندنا مشكله ثانيه نقص الغذاء بسبب زياده الاستهلاك او وتقول له زياده عدد السكان بناكل كتير ما شاء الله بنصحى الصبح نفطر ست 8 ت 10 ترغيفه وتقول لي ماما فين الفطار حبيبي انت رازع لك 12 رغيفه اللهم صل على النبي تمام نيجي الغداء ضارب لك ثلاث اطباق كشري تمام كده وبعد كده بتروح تقول لي يا ماما انتوا ما عملتوش غدا ولا ايه ما انت لسه واكل مع اصحابك انتوا بتقول دي نقنقه بسلك زوري بس تمام طيب ما شاء الله يعني مش بحسد انا برده عامل دايت زيكم يبقى نقص الغذاء بسبب زياده الاستهلاك تمام وزياده عدد السكان يلا عندنا كمان كل ما يزيد عدد السكان يبقى في ضغط على خدمات الخدمات اللي هي التعليم عدد السكان في عدد الشباب او عدد الطلاب والب البنات اللي موجودين في المدارس بيزيد وكمان الضغط على المستشفيات يزيد لان عدد السكان بيزيد وارتفاع معدل الاميه كل ما يزيد عدد السكان كل ما يزيد الاميه تمام كده طيب خلي بالك ايه نتيجه ادت يعني نتيجه ايه نتيجه الحروب والصراعات في المنطقه العربيه في القرن اللي هو يعتبر القرن الماضي اللي هو القرن الع ده ادى الى ايه اهو عدم قدره الوطن العربي ما بقاش قادر يعمل ايه يحقق الامن الغذائي والمائي ما كناش قادرين ننمي النشاط الزراعي او ما لحقناش ننمي النشاط الزراعي مع زياره السكان اللي عندنا للاسف احنا كنا بنزيد سكان والمستعمر والمحتل كان بيحتل ديواننا العربيه فما كناش عارفين ننمي النشاط الزراعي والوطن العربي للاسف كان محتل فالدول المحتله كانت بتستغلنا لصالحها هي تمام يبقى لما اجي اقول لك ايه نتيجه الصراعات والحروب في القرن يعتبر الماضي والله عدم قدره الوطن العربي على تحقيق امنين امن مائي وامن غذائي بشكل بسيط درسنا الاولاني اللذيذ خالص يلا بينا الصناعه تمام كده والتكنولوجيا في وطننا العربي اولا عشان اصنع لازم يكون في حاجه اسمها مقاومات يعني عوامل يعني اسباب ايه الاسباب اللي ساعدت على قيام الصناعه والله عندنا مقاومات طبيعيه وعندنا مقاومات بشريه المقاومات الطبيعيه زي الموقع والماده الخام ومصادر الطاقه دي المقاومات الطبيعيه طب والمقاومات يا مستر البشريه اللي الانسان بيعملها الايدي العامله ورؤوس الاموال وسائل النقل والمواصلات تمام حلو الكلام طيب ايه هي اهميه الصناعه ليه الصناعه مهمه بما تفسر يجيلك سؤال فسر بما تفسر والله بتوفر احتياجات السكان من المنتجات الشيبسي والبيبسي والبسكوت والكرسي كل حاجه بنستهلكها حولنا يبقى احتياجات السكان المختلفه من المنتجات صناعه تمام وتساهم في تحسين مستوى المعيشه كل ما نصنع اكتر كل ما نبيع اكتر كل ما نكسب فلوس اكتر فمستوى المعيشه عندنا بيتحسن تمام وبتوفر كمان فرص عمل كل ما نصنع يبقى محتاجين مصانع وكل ما ابني مصنع وابني مصنع وابني مصنع كل مصنع محتاج عمال يبقى الصناعه بتوفر احتياجات السكان وبترفع مستوى المعيشه وبتوفر فرص العمل تمام ده غير كمان الحاجه اللي انت بتحبوها زياده الدخل القومي كلام جميل دي اهميه الصناعه طب ايه هي انواع الصناعه عندنا صناعه استخراجيه اللي هي استخراج المعادن ومصادر الطاقه عندنا صناعه تحويليه زي الغزل والنسيج والصناعات الغذائيه دي اسمها تحويليه تمام استهلاكيه الحاجات اللي احنا بنستخدمها اللي هي الادوات المنزليه والاساس تمام كده وعندنا الصناعات الحديثه اللي هي السيارات والاجهزه الكهربائيه دي اسمها او الاجهزه اللي هي الموبايلات والتكييفات والحاجات دي دي اسمها حديثه السيارات منهم والالات منها طيب هنا بيقول لك اين توجد مناطق الرئيسيه اين تتركز يعني المناطق الرئيسيه في الصناعه شمال افريقيا دي منطقه رئيسيه تمام عندهم الغزل والنسيج والمنسوجات والصناعات الغذائيه الخليج العربي طبعا عنده الصناعات الكيميائيه والبترو كيميائيه وبلاد الشام برض عندهم الصناعات الغذاء الغذائيه والمنسوجات حلو الكلام كلام جميل خلي بالك ان دول الخليج العربي هي اللي فيها الصناعات البتروكيميائيه والكيميائيه والبترول وتكرير البترول طيب الصناعات الرئيسيه اللي الوطن العربي بيعتمد عليها زي صناعه تكرير البترول والغاز الطبيعي ودي موجوده في دول الخليج العربي كتير اكد عليك الكلمه دي الخليج العربي الصناعات الغذائيه موجوده يعتبر في كل الوطن العربي الغزل والنسيج بيعتبر في معظم الاثنين دول اكث اثنين موجودين في الوطن العربي صناعه الحديد والصلب وصناعه الاسمنت دي كده يعتبر الصناعات الرئيسيه اللي موجوده في الوطن العربي. طيب ايه بقى المشاكل؟ اهو تعال نشوف بقى المشكلات ايه المشكلات اللي بتواجه الصناعه اولا للاسف عندنا مشكله ان احنا بنصدر الماده الخام بشكلها الاولي يعني احنا بنصدر الماده الخام زي ما هي بنجيب الحديد من تحت الارض يا اد وبنصدره زي ما هو حديد مش بنصنعه ونبيعه لا ماده خام دي مشكله للاسف ضعف الاستثمارات في البحث العلمي مش بنحط فلوس واحنا الكلام ده قلناه بالتفصيل قلنا مش بنحط فلوس تمام كده عشان نعمل ابحاث علميه لتطوير النشاط الصناعي للاسف رجال الاعمال عندنا بيقول لك او معظم رجال الاعمال عن مش في مصر يعني في الوطن العربي بيقول لك انا ممكن اعمل مشروع استهلاكي يجيب لي فلوس اسرع بدل ما ادي عالم او ادي باحث لسه بقى هيشوف التجربه ناجحه ولا لا طب نعدل طب لا انا اعمل مشروع مضمون وخلاص فللاسف عندنا ضعف الاستثمارات عندنا كمان ضعف البنيه التحتيه في بعض الدول مش في كل الدول تمام في بعض الدول عندهم ضعف البنيه التحتيها فعشان كده مش قادرين ينموا الصناعه عدم القدره على منافسه المنتجات للاسف الاجنبيه المنتج الاجنبي اعلى جوده فانت مش قادر تقف قدامه ولا تنفسه تمام نقص العماله المدربه ما فيش عندنا اي عامله مدربه والايدي العامله دي من العوام البشريه على التكنولوجيا الحديثه تمام يلا بينا النقل والتجاره انا عندي انواع النقل عندي نقل بري ونقل بحري ونقل جوي البري اللي هو الطرق السريعه تمام وعندي كمان السكك الحديديه البحري اللي هو المواني زي ميناء الاسكندريه صح زي ميناء طنجه في المغرب تمام زي ميناء ابو علي في الامارات طب الجوي يعني المطارات ولا ايه يا اد المطارات زي مثلا كده مطار القاهره في مصر والرياض في السعوديه والرباط في المغرب صح الكلام ومطار بغداد في العراق تمام ماشي تعالى نشوف اهميه النقل هل النقل مهم اه مهم طب النقل مهم ليه؟ بيسهل حركه التجاره ما هو لو ما فيش نقل ما فيش مواصفات انا مش هعرف انقل البضاعه من مكان لمكان صح ولا انا غلطان يبقى طول ما في وسائل نقل انا هقدر انقل البضاعه من مكان لمكان بطريقه سهله وسلسه تمام كده حلو ركز معايا ربط الدول العربيه ببعضها هو ايه اللي بيخليني اروح من دوله لدوله هي وسيله النقل ايه اللي بيخليني انتقل من مدينه لمدينه وسيله النقل فطول ما في وسائل نقل بيسهل عليا ينتقل من دوله لدوله يبقى كده عندي تسهيلين ممكن اقول سهوله سهوله التنقل بين الدول العربيه وسهوله التجاره لو عايز احفظ الاثنين بطريقه بسيطه تقويه العلاقات الاقتصاديه والاجتماعيه بين الدول العربيه تمام حلو الكلام وطبعا بيدعم السياحه الداخليه والخارجيه انا كواحد مصري من بلدي الجميله دي لو انا عايز اروح لمنطقه سياحيه داخل مصر هحتاج وسيله نقل طب لو انا عايز اروح اعمل عمره او اعمل ا حج تمام كده واروح السعوديه برض محتاج وسيله نقل يبقى السياحه محتاجه وسائل نقل يبقى اللي بيدعم يعني بيساعد السياحه وبيقويها هي وجود وسائل النقل حلو الكلام دي اهميه النقل يبقى بيسهل حركه التجاره وبيسهل التنقل داخل الدول العربيه وبيقول علاقات اجتماعي واقتصادي وبيدعم السياحه داخلي وخارجي طيب ايه دور التكنولوجيا او بيقول لك التكنولوجيا والنقل التكنولوجيا مهمه طبعا مهمه جدا خصوصا في النقل في وسائل النقل اولا طورت القطارات يبقى لولا التكنولوجيا كان القطار هيبقى عامل زي السلحفه ماشي بالراحه لحد دلوقتي القطر دلوقتي بقى سريع جدا ليه؟ عشان في تكنولوجيا طورته يبقى ايه هو دور التكنولوجيا؟ العلاقه ما بين التكنولوجيا والنقل ساهمت التكنولوجيا في تطور تمام كده القطارات السريعه التكنولوجيا طورت المواني البحريه المواني زمان كانت قديمه تمام كده دلوقتي بقت حديثه طيب تجهيز المطارات اه مطار ده لما انت بتخش سلام عليكم تروح داخل الاستاذه اللي موجوده الموظفه الجميله تمام كده او الموظف المحترم بياخد من حضرتك ايه؟ الباسبور ده بيبص في الباسبور في الكمبيوتر وبيراجع كل البيانات بتاعتك من على الكمبيوتر يبقى اذا التكنولوجيا دي بتجهز المطار اه وفي وانت داخل جهاز بيكشف المعادن وجهاز بيدي انذار لو في حاجه خطر معاك وبنكشف على الشنطه بالتكنولوجيا وكل حاجه تمام يبقى التكنولوجيا دي بتجهز المطارات تجهيز المطارات باحدث التقنيات تمام تسهيل عمليه التبادل التجاري التبادل يعني البيع والشراء انا دلوقتي التكنولوجيا دي بتسهل عليا انا عايز عايز اجيب منتجات من مكان لمكان كله بقى بالانترنت على الموبايل او على اللاب توب بتنقل تمام كده بتطلب البضاعه بالايميل تبعت الايميل انا والله انا عرفت ان المصنع بتاعكم بيصنع كذا كذا فانا محتاج منكم كذا طب والله يا فندم لو انت فعلا محتاج كميه ابعت عربون من على الايميلات واحنا موجودين طيب ابعتوا لي مثلا صور البضاعه صوروا لك صور البضاعه طب ابعت فيديوهات وانت قاعد مكانك بتبعت الايميل ويجي لك ايميل هوب رحت بعت الفلوس تمام البضاعه جت لك خلص الموضوع حلو كلام كلام جميل طيب التجاره بقى انواعها تجاره بينيه بينيه بين الدول العربيه طب والخارجيه بين الدول العربيه ودول العالم تعال بس نشوف التجاره البينيه اللي هي ما بين الدول العربيه للاسف ضعيفه يعني للاسف التجاره البينيه دي في مشكله عندها ضعف ليه ضعف بسبب تشابه المنتجات ووجود مشاكل بين بعض الدول العربيه عشان كده ما بنبيعش ونشتري لبعضينا في مشكلات والحواجز الجمركيه ثلاث اسباب اهم يبقى لو جه قال لك بما تفسر في ضعف في التجاره البيانيه ليه ليه في مشاكل في التجاره البيانيه والله اقول له تشابه المنتجات بين الدول العربيه كلنا بنصنع نفس الحاجه فعشان كده مش هنبيع لبعض حاجه ما هو احنا كلنا بنعمل نفس الشيء يبقى هبيع لك ايه ما هو نفس الحاجه اللي عندك هي اللي عندي دي حاجه وجود مشاكل سياسيه بين بعض الدول العربيه في خلافات ما بين بعض الدول العربيه فعشان كده مش بيبيعوا لبعض حاجه ثالث حاجه وجود حواجز جمركيه الحواجز الجمركيه ان في رسوم لازم تتدفع عشان ادخل منتج دوله عربيه لدوله عربيه ثانيه فعشان كده ما بيشتروش من بعض حاجه تمام وبيروحوا بقى يعتمدوا على الشراء من الدول الاجنبيه طب التجاره الخارجيه اللي يعتبر ان احنا بنروح نشتري منتجاتنا من دول اوروبا تمام كده بنصدر لهم ايه بنصدر عندك الغاز والبترول وعندك الفوسفات وعندك ا بنصدر ال اسمه ايه ده غاز وبترول تمام كده واللي يعتبر في بعض الحاجات اللي هي الخضار والفاكهه تمام كده منتجات من الخضار والفاكهه فبنصدر حاجات بس للاسف اللي بنستورده الادويه وبنستورد الاجهزه الكهربائيه وبنستورد سيارات والات حاجه صعبه جدا الاجهزه الطبيه بنجيبها من بره السياره بنجيبها من بره الالات بنجيبها من بره ده الوارد بقى اللي احنا بنشتريه سياره واله واجهزه طبيه تمام واللي هي يعتبر العطور وبيستورد اللي هي المستحضرات التجميل وبنستورد الادويه احنا بنصنع ادويه انا عارف في ادويه كمان بنستوردها من بره دايما بابا يقول لك او ماما تيجي تقول لك ايه ا لو انت رحت مع الاستضره تقول لك ايه ا لو سمحت هو الدوا دوت في منه مستورد اذا في ادويه بنشتريها وفي ادويه بنصنعها طيب تعالى بقى الجهود يعني ايه اللي الدوله العربيه عملته عشان تحسن التجاره ما بينها وما بين بعضيها اهو المفروض نعمل ايه تنوع وتنميه الصادرات ننوع المنتجات اللي احنا بنصنعها عشان نلاقي حاجه نبدلها مع بعضينا ما احنا كلنا بنص صنع نفس نفس الشيء مش هنبدل حاجه طيب تحسين جوده المنتجات العربيه ولازم نحسن جوده المنتج يبقى زي المنتج الاجنبي عشان ما نحتاجش منتج اجنبي نعتمد على منتجاتنا العربيه كلام جميل طيب التجاره مهمه ليه بما تفسر يجي لي سؤال جميل التجاره مهمه والله بتوفر فرص العمل وبتزود الدخل القومي وبتوفر لنا عملات اجنبيه زي الدولار تمام كده وبتلبي احتياجات السكان ما هو انا لما بشتري حاجه من بره تمام او المنتجات بتجي لنا وبتوصل لنا انت بتلبي احتياجاتك انت بتنزل تشتري وبتروح تبيع دي اسمها تجاره لما انزل اشتري حاجه ناقصاني يبقى التجاره بتجيب لك الحاجه اللي انت محتاجها يلا بينا طيب هل في دول اهتمت بمجال النقل والتجاره اهتمت ان هي تطور نفسها في النقل والتجاره اه تعالى معايا مصر تمام زياده الصادرات الزراعيه مصر اهتمت بزياده الصادرات الزراعيه بقينا نزرع كميات اكت عشان نصدر اكتر دي واحد تطوير قناه السويس بدانا نهتم بتطوير قناه السويس وعملنا يعتبر قناه السويس الجديده عشان نزود عدد السفن تمام لان يعتبر قناه السويس من اهم طرق الملاحه يعني حركه السفن في العالم كله الامارات عملت مركز عالمي للتجاره واعاده التصدير بقت من اهم المراكز العالميه للتجاره واعاده تصدير يعني بتشتري البضاعه وتروح مصدراها من اول وجديد اما للسعوديه تطوير صناعه البتروكامي تمام زي منطقه جوبيل تمام وينبع جبيل وينبع دول من اهم المناطق اللي هي بقت شغاله في الصناعات البتروكيماويه اللي عملتها السعوديه يعني جبلي ويامب دول من المناطق القويه جدا في صناعه البتروكيماويات في العالم كله دلوقتي يعتبر مش في السعوديه في العالم كله طيب تعال نشوف التجاره الالكترونيه في الامتحان سؤال يجي يقوللك بما تفسر فسر لي اهميه التجاره الالكترونيه اولا بتوفر وقت وجهد وانا قاعد في البيت بشتري الحاجه بتجيلي بالموبايل شوف المنتج على الموبايل واشتري تمام ثانيا بتربط المستهلك بالمنتج على طول يعني انت بتشوف المنتج يعني ايه رابط انا شفت المنتج فاتصلت بالراجل اللي بيبيع رحت جبته خلاص كده ما فيش بياع في النص ما فيش حد في النص مني للراجل البياع ده كده بتربطنا احنا الاثنين مباشره ما فيش حد في النص لما انت بتروح المحل مش بتقابل صاحب المحل انت بتقابل البياعه اللي في المحل ففي واحد ما بينك وما بين صاحب المحل لو جيت قلت له مثلا لو سمحت انزل السعر فيقول لك طب والله اروح اسال صاحب المحل تمام اما في التجاره الالكتروني منك لصاحب الحاجه نفسها على طول طيب بتقلل الازدحام وبتقلل التلوث انا ما بنزلش من بيتنا انا قاعد في بيتي صح ولا لا البنات بالذات كلام للبنات كلام للبنات اللي بنبقى قاعدين في البيت يا ابويا ونتفاجئ في حد بيرن ده بنتك طالبه حاجات ب 4000 جنيه 5000 جنيه في ايه احنا اخر الشهر مش معانا فلوس راجل يقول لك والله ماعرفش بقى اسال يسال المزمزيل اللي قاعده عندك ماسكه الموبايل تخش تلاقي مسك تك تك تك تك تك تك هي وماما هي وماما تك تك تك تك شغ على طول وانت ادفع عشان كده دايما لو في الباب ران تمام اسال باب جرز الباب رن كده اسال مين قال لك يا فندم انا المندوب ما تفتحش قول قول ما فيش حد في البيت خلصت ما فيش حد في البيت يا فندم تمام بس او لو قال لك المزمزيل قول له احنا ما عندناش حد بالاسم ده يخلص من الموضوع على طول يا بيه لو بتحب جرك اللي فوق قول له ده اللي فوق تمام كده وهيقول لك لا يصدقني هو اللي فوق خلاص كده شكرا طيب بيوفر مرونه في الدفع طبعا انت بتدفع عن طريق كذا حاجه الفيزا او بتدفع لو الراجل جالك او بتدفع عن طريق اللي هي المحافظ الالكترونيه اللي اتعملت بس كده طيب لا مش بس كده مراجعه خلصت اصبر يا عم في ده انتوا اصبروا انتوا عايزين تجروا طيب تعال بقى نشوف ازاي نحقق التكامل الاقتصادي يلا بينا التكامل ده عشان يتحقق محتاج شويه مقاومات واحنا قلنا مقاومات يعني عوامل التكامل محتاج مرض طبيعيه ومحتاج عوامل بشريه وعندنا كمان وحده اللغه والثقافه والتاريخ يبقى كيف تحقق التكامل اهو بسبب وجود الموارد الطبيعيه المتنوعه والعوامل البشريه ووحده لغه وثقافه وتاريخ هو دي الحاجات اللي ساعدت على تحقيق تكامل يبقى بما تفسر تحقق التكامل الاقتصادي في الوطن العربي اقول ممكن اقول له بسبب وحده اللغه ليه بيننا ايد واحده ليه بنا كيان واحد لغه واحده ثقافه واحده وتاريخ واحد او تاريخ مشترك عندنا عوامل بشريه ساعدت على تحقيق التكامل وعندنا موارد طبيعيه ساعدت على تحقيق التكامل حلو طيب ايه اللي ممكن مجالات التكامل دلل على تنوع مجالات التكامل ايه الدليل ان في تنوع او تعدد ان ممكن يحصل تكامل اقتصادي ما بين الدول العربيه في كذا مجال اقول له يوجد تكامل في الزراعه والثروه الحيوانيه في الصناعه ممكن نعمل مصانع مشتركه في التجاره تبادل المنتجات في الموارد الطبيعيه ان احنا ممكن نستثمرها ونستغلها تمام كده طيب يبقى انا عندي مجالات التكامل اربعه زراعه وثروه حيوانيه يحصل فيها تكامل الصناعه ممكن يحصل فيها تكامل ان احنا ممكن نساعد بعضينا في انشاء مصانع ضخمه توفر منتجات فرص عمل التجاره التكامل في التجاره ان احنا ننوع المنتجات فيزيد التبادل ما بينا يبقى كده كملنا بعض ما احتاجناش نشتري حاجه من بره الموارد الطبيعيه ممكن نستثمر ونستغل كل الموارد الطبيعيه عندنا في الوطن العربي تمام طيب اهميه التكامل اهو تنوع الانتاج لما يحصل تكامل يبقى هيتنوع الانتاج داخل الوطن العربي وزياده القدره التنافسيه للمنتجات العربيه وتقدر منتجاتنا العربيه تنافس المنتجات الاجنبيه تحقيق اكتفاء ذاتي يعني الدول العربيه بتشتري من بعضها فهي مكتفيه ذاتيا بنفسها مش محتاجه حاجه من الدول الاجنبيه تمام زياده الاستثمارات لما يحصل تكامل هتلاقي ان الوطن العربي الدول اللي معاها فلوس تروح تعمل مشاريع في الدول الثانيه اللي ممكن يكون عندها فلوس اقل يبقى ده تكامل مستثمر عربي يستثمر في دوله عربيه تمام طيب وتحسين مستوى المعيشه طبعا زياده الاستثمارات بتادي الى ا وجود فرص عمل وتحسين مستوى المعيشه خفض البطاله والفقر يبقى التكامل يعمل ايه؟ ينوع الانتاج ويزود القدره التنافسيه عندنا ويحقق اكتفاء ذاتي ويزود استثمارات ويخفض البطاله والفقر حلو ويحسن كمان مستوى المعيشه طيب للاسف مشاكل التكامل ليه بقى مش قادرين نحقق التكامل داخل الوطن العربي رغم ان احنا عندنا الموارد الطبيعيه وعندنا العوامل البشريه وعندنا اللغه والثقافه تعالى والتاريخ اولا في صراعات داخليه ما بين الدول العربيه في مشاكل ما بين الدول العربيه فعشان كده مش قادرين نحط ايدينا في ايدين بعض تشابه الانتاج كلنا بنصنع نفس الحاجات غذائيه ومنسوجات الاعتماد على الاستيراد كتير من الدول العربيه بتعتمد انها تجيب حاجاتها من بره بدل ما تجيبها من دول عربيه تانيه يقول لك لا انا اشتري من بره مش هشتري من الدوله دي او مش هشتري من الدوله دي بدل ما ننفع بعض بننفع الاجانب للاسف ضعف الاستثمارات العربيه يعني الدول العربيه رجال الاعمال اللي معاهم فلوس بدل ما يعملوا مشاريع جوه الدول العربيه ويقوي الوطن العربي بيروح يعمل مشروع للاجانب ويوفر لهم هم فرص عمل ويديهم فلوس اكتر ويخليهم اغنى واغنى واحنا بنضعف اكتر فاقتصاد الدول العربيه يبقى ضعيف للاسف طيب تعال بقى نشوف جهود الدول العربيه عملت ايه عشان تقوي وده مهم جدا جهدنا يعني عملنا ايه عشان نقوي التكامل نحقق التكامل واحد عملنا جامعه الدول العربيه سنه 1945 طب السبب اهي السبب ايه تقويه او التعاون بين لتقويه التعاون عشان نزود تعاون ما بين الدول العربيه تعالى عملنا مجلس الوحده الاقتصاديه مجلس اسمه الوحده مجلس الوحده الاقتصاديه العربيه حلو المجلس ده اتعمل سنه 1957 ليه لدعم التكامل الاقتصادي وده سؤالين كده بما تفسر معايا لو جه قال لك ليه عملنا جامعه الدول العربيه لتحقيق او لزياده التعاون بين الدول العربيه طب ليه عملنا مجلس الوحده الاقتصاديه العربيه لتحقيق برده التكامل والتعاون بين الدول العربيه في المجال الاقتصادي كمان عملنا اتفاقيه التجاره الحره العربيه الكبرى اهي بص ما شاء الله الاتفاقيه اكبر ما شاء الله اتفاقيه التجاره الحره العربيه الكبرى سنه 97 طب دي اللي عاملينها ليه اتفاقيه التجاره الحره العربيه الكبرى اتفاقيه التجاره الحره العربيه الكبرى عشان نقلل الرسوم الجمركيه اللي ما بين الدول العربيه تمام طيب تشجيع الاستثمارات بدات الدول العربيه تشجع نفسها او بداوا يتفقوا ان بدل ما نحط فلوسنا في الدول الاجنبيه والدول الاجنبيه تبقى قويه اقتصاديا طب ما نحط فلوسنا في الدول العربيه وتبقى الدول العربيه اقوى اقتصاديا ما نحتاجش حاجه لحد يلا بينا نكمل بقى جزء جميل كده وخفيف انتوا عارفين كل وحده بيبقى اخرها دوله عندنا الوحده الاولى بتاعتنا مع عمان طيب طبعا قاره اسيا شبابنا الجمل احنا عارفين ان في دوله جميله اسمها دوله عمان اهي دوله عمان تمام بتقع فين في قاره اسيا تمام طيب واضح ان في فرق في التوقيت ما بينا وما بين عمان عمان بتسبقنا يعني عمان بص الساعه عندها اربعه احنا بيبقى عندنا الساعه 2ين فرق ساعتين طيب ا عمان مشهوره بالصحراء الواسعه مع بعض من الواحات في واحات جواها وجبال خضراء تمام يبقى فيها مناطق صحراويه كتير جدا بس جوه المناطق دي في وحات وجبال خضراء طيب يعرف شعب عمان بالهدوء الشديد والتواضع واكرام الضيف معروف عنهم تواضع تمام كده واكرام الضيف طيب اقتصاد عمان اقتصادهم قايم على ايه؟ قال لك والله اقتصادهم بيقوم على تصدير البترول والغاز الطبيعي وانتاج الاسماك تمام والانتاج السمك يبقى ده اقتصادم بيعتمد على البترول والغاز وانتاج الاسماك طيب اهم المعالم السياحيه اللي عندهم جامع السلطان قابوس وشلالات الصلاله وقلعه نزوي دي المعالم السياحيه اللي عندهم المهمه جدا علاقتها بمصر طبعا في علاقات اقتصاديه وعلاقات علاقات ثقافيه تمام باعتبارها طبعا ان عمان دوله عربيه شقيقه ففي علاقات ما بينا وما بينها ده غير كمان ان في علاقات سياسيه تمام طب ازاي بقى في علاقات اقتصاديه وثقافيه وعلاقات سياسيه ما بين عمان ومصر اولا لانهم من الدول العربيه ثانيا العلاقات دي مدعومه عن طريق جامعه الدول العربيه طيب تعالى بقى نشوف الوحده الثانيه الجميله بتاعتنا الفتح الاسلامي لمصر طيب طبعا مين اللي فتح مصر كان عمرو بن العاص واشار على مين؟ على عمر بن الخطاب يعني عمرو بن العاص قال لي الفكره لعمر بن الايه؟ ابن الخطاب تمام طب ايه هي اسباب الفتح ليه هنفتح مصر اولا في اسباب دينيه عشان ننشر الدين الاسلامي في اسباب اجتماعيه عشان نخلص اهل مصر من ظلم البيزنطيين او من ظلم الروم تمام في اسباب عسكريه تمام ايه الاسباب العسكريه تامين الحدود الدوله الاسلاميه من جهه الغرب من جهه الغرب يبقى انا عندي ثلاث اسباب ديني واجتماعي وعسكري تمام تمام تعالى نشوف ازاي عمرو بن عاص اتحرك لمصر اول كان هو طبعا كان في فلسطين يبقى هو خرج خرج من فلسطين واول مدينه دخلها كان العايش ودخلها دون مقاومه يعني ما حدش وقف قدامه ثم توجه بعد ذلك الى حصن بابليون ولما فتح حصن بابليون راح بعد كده مدينه الاسكندريه اللي هي كانت عاصمه مصر هي دي كانت عاصمه مصر طبعا الاسكندريه حاصرها فتره طويله وبعد كده قدر يفتحها تمام كده وعمل صلح اسمه صلح الاسكندريه مع حاكم الروماني في مصر او حاكم البيزنطي في مصر تمام طيب ايه اللي حصل لما مصر بقت ولايه اسلاميه تمام اصبح عمرو بن العاص اول والي على مصر ده غير كمان ان اصبحت مصر ولايه اسلاميه تمام احسن عمرو بن العاص معامله الاقباط احسن عمرو بن العاص معامله الاقباط يبقى ايه نتيجه ان مصر اصبحت اسلاميه والله اصبح عمرو بن العاص اول والي واصبحت مصر ولا اسلاميه وانشانا عاصمه لمصر اسمها الفسطات وكانت يعتبر اول عاصمه اسلاميه في افريقيا ده غير كمان ان عمرو بن العاص انشا جامع اسمه مسجد عمرو بن العاص واحسن عمرو بن العاص معامله الاقباط تمام طيب ظهور الدول المستقله احنا عندنا طبعا الدول المستقله ظهرت لعده اسباب ضعف الخلافه العباسيه وبعد مصر عن مقر الخلافه وعدم سيطره الخليفه العباسي على ولاياته ما كانش قادر يسيطر على المناطق بتاعته اول طبعا دوله عندنا الدوله الطولونيه وبعد كده عندنا الدوله الاخشيديه وبعد كده الدوله الفاطميه وعندنا الدوله الايوبيه ثم الدوله المملوكيه اخر دوله مستقله طيب الدوله الطولونيه اسسها احمد ابن طلون واتخذ القطائع يعني مدينه القطاع بناها وبقت هي العاصمه وضم الشام والحجاز لمصر يعني ضم سيطر على الشام شام والحجاز وخليهم تابعين لمصر. ضعفت الدوله بعد وفاه خماروي. الدوله بقت ضعيفه بعد وفاه ابنه خماروي. وطبعا ارسل الخليفه العباسي محمد بن سلمان الكاتب عشان يضم ايه؟ مصر. طيباني حاجه الدوله الاقشديه بصوا في نقطه جميله جدا الدول دي كلها سقطت ليه؟ بسبب ضعف الخلفاء ليها ده عنصر مشترك. يبقى لما اجي اقول لك ماذا سقط الدوله الطونانيه بسبب ضعف الخلفاء الطولين. الاخشديه ضعف الخلفاء الاخشديين تمام بس هنا ضعفه بعد خمرويه يعني خمارويه ده كان قوي تمام طيب وصراع برض البيت الطولوني كانوا بيتخانقوا على الحكم طيب الدوله الاخشيديه اللي اسسها محمد بن طغ الاخشيدي والعاصمه بتاعتهم كانت العسكر وقدر برده يسيطر على الشام والحجاز زي احمد ابن طولون طب ليه ضعفت الدوله ضعفت بعد واحد اسمه كافور الاخشيدي تمام وضعفت نتيجه ان الدوله الفاطميه ارسلت جيش استطاع ان هو يسيطر على الدوله الاخشيديه وضعفت بسبب صراع الاخشديين على الحكم وضعفت بسبب ان ا بعد الكافورشيدي تولى عدد من الخلفاء الضعفاء طيب الدوله الفاطميه استطاع جوهر السقلي السيطره على مصر بعد هزيمه الدوله الاخشيديه تمام و المعز لدين الله الفاطمي كان اول خليفه فاطمي يجي مصر وامر ببناء مدينه القاهره وامر ببناء الجامع الازهر وبالفعل جور الثقلي شيد القاهره وشيد الجامع الايه الازهر للاسف سقطت بسبب ضعف الحكام وزياده نفوس الوزراء ادسك ده غير كمان الشده اللي هي المجاعه الشده المستنصريه يبقى سقطت بسبب الشده المستنصريه برض وضعف الخلفاء طيب الدوله الايوبيه مين اللي اسسها صلاح الدين الايوبي تصدت هذه الدوله للحملات الصليبيه وقدر برض صلاح الدين يضم الشام والحجاز وكان اهم حكامها صلاح الدين والملك العادل والصالح نجم الدين ايوب طبعا صلاح الدين انتوا عارفين ان عمل حاجه مهمه جدا اللي هو بنى قلعه اسمها قلعه الجبل اما الدوله المملوكيه تولى المماليك الحكم بعد وفاه تورانشا مين تورانشا ده اخر ملوك الدوله الايوبيه طب مين اللي قتله ولا ما الطبيعي؟ لا ده اتقتل على ايد المماليك يعني المماليك هم اللي قتلوه تمام طب الدوله المملكيه دي اتصدر لخطر اتصدت لخطر المغول وساهموا في تصفيه الوجود الصليبي يبقى المماليك دول وقفوا قدام خطرين المغول والصليبيين هم وقفوا قدام المغول وصفوا يعني يعتبر يعتبر شالوا كل الوجود الصليبي قضوا على الوجود الصليبي كله تمام وانتهت بسيطره الدوله متى متى سقطت الدوله المملوكيه؟ سقطت على ايد الدوله العثمانيه بعد معركه اسمها الريدانيه عام 1517 يعني سقطت الدوله المملوكيه على ايد الدوله العثمانيه طيب الحملات الصليبيه ليه اتسمت الحملات الصليبيه بهذا الاسم تمام لانهم اتخذوا الصليب شعارا لهم يبقى لما اجي اقول لك بما تفسر ليه الحماس الصلبيه اتسمت بالاسم ده لانهم اتخذوا الصليب شعارا لهم تمام طيب الحملات دي كانت لها سبب معلن السبب اللي قدام الناس ان هم ادعوا انها جت لتامين طريق الحجاج المسيحيين وحمايه المسيحيين تمام كده في الشرق ان هم جايين يحموا المسيحيين اللي موجودين في الشرق من المسلمين وان هم جايين يامنوا طرق الحجاج المسيحيين الى بيت الايه المقدس طيب اسبابها الحقيقيه بقى دي الاسباب الحقيقيه ودي كانت غير معلنه المعلن ان هو اديني ان انا جاي احمي المسيحيين من المسلمين والمعلن ان هو كان جاي يحمي طرق الحجاج المسيحيين الى بيت المقدس اما الغير معلن ان هم كانوا جايين ياسسوا امارات صليبيه في الشرق ودي يعتبر اهداف سياسيه يعني ليها اسباب سياسيه الاستلاء على ثروات العالم الاسلامي ثروات يبقى دي اسباب اقتصاديه والسيطره على تجاره الشرق ودي برض اسباب اقتصاديه تمام طيب الحمله الصلبيه الاولى جت هم طبعا الحملات الصلبيه استمرت 200 سنه على العالم الاسلامي جت ونجحت بسبب ضعف الخلافه العباسيه كانت ضعيفه والخلافه الفاطميه طب نتيجتها استطاعوا تكوين اماره الره واماره انطاقيا واماره طرابلس ومملكه بيت المقدس يبقى نتيجه ما النتائج المترتيب على نجاح الحمل الحمله الصليبيه الاولى اقول له والله قدروا يكونوا اماره الره وانطاقيا وطرابلس وبيت المقدس طيب مين اول واحد وقف قدام الحملات الصليبيه كان واحد اسمه عماد الدين تمام هو اول من بدا الجهاد يعني الكفاح ضد الصليبيين ونجح في في استعاده اماره الره من ايديهم طيب لما مات عماد الدين كمل من بعده ابنه نور الدين محمود ده ابن عماد الدين انتصر على الحمله الصلبيه الثانيه اللي كانت جايه عشان ترجع الره بس ما قدرتش لما هزمهم كمان وحد المسلمين في اجزاء من الشام يعني قدر يوحد اجزاء من الشام ومهد الطريق عشان يرجع بيت المقدس يعني يسترد بيت الايه؟ المقدس طيب مقاومه المسلمين للحلا الصلبيه هنكملها مع صلاح الدين الايوبي اللي اسس الدوله الايوبيه وقدر يتصدر الحمله الصليبيه الثالثه تمام عايز اقول لك ان الدوله الايوب يه وقفت قدام اربع حملات صليبيه وقفوا قدام اربعه تمام انتصر على الصليبين في معركه حطين وعايز اقول لك ايه هي اسباب معركه حطين طيب تعال نشوف اسباب معركه حطين كانت انه في واحد قائد حصن الكرك تمام كده وده حصن من الحصون اللي بتحمي بيت المقدس ا نقض العهد اللي ما بين صلاح الدين والملك بلدوين الرابع يبقى السبب اهو نقض ارناط الصلح او الهدنه التي كانت بين صلاح الدين وبولدوين الرابع ملك بيت المقدس تمام وقام بالاعتداء على عدد من المسلمين تمام ا وعلى عدد من المسلمين طبعا اللي هم في طريق الحج وعلى عدد من القوافل التجاريه المسلمه فصلاح الدين طلب من الراجل ان هو يفرج عن الناس اللي قبض عليها من المسلمين اللي هجم عليهم ويسيب الفلوس اللي هو او يرجع الفلوس والحاجات اللي هو سرقها رفض ارناط عشان كده قرر صلاح الدين يعمل معركه حطين يبقى لو جه السبب بيقول لك ايه سبب معركه حطين قام ارناد بنقد الهدنه بين صلاح الدين وبلدوين الرابع ملك بيت المقدس بس نتيجتها معروفه هزيمه الصليبيين واسترد صلاح الدين بيت المقدس وكانت نتيجه ان صلاح الدين استرد بيت المقدس ارسلت اوروبا حمله ثالثه بقياده ريتشارد قلب الاسد ملك انجلترا وملك فرنسا وملك المانيا ملك فرنسا مات في الطريق ورجع تمام كده الجيش بتاعه المانيا انا اسف ملك المانيا قلت ملك فرنسا ملك المانيا غرق ورجع الجيش بتاعه الى المانيا ملك فرنسا هو وريتشارد حصل ما بينه خلاف فعاد ملك فرنسا فلم يتبقى الا ريتشارد من الحمله الصلبيه الثالثه كلها وجه للعالم الاسلامي لم يستطع ريتشارد هزيمه صلاح الدين عشان كده ريتشارد طلب يبقى لما اجي اقول لك ايه هل استطاع ريتشارد هزيمه صلاح الدين لا عشان كده طلب صلح يعمل صلح مع صلاح اسمه صلح الرمله تمام كده والصلح ده كان شروطه بسيطه بقاء بيت المقدس في يد المسلمين وبقاء الامارات الصليبيه في يد الصليبيين والسماح للحجاج المسيحيين بدخول بيت الايه المقدس اثناء موسم الحج وافق صلاح الدين على هذه الشروط وبعدها طبعا بفتره يتوفى صلاح الدين ويدفن في دمشق طيب مين بقى اللي صفى الوجود الصليبي احنا قلنا المماليك طيب هزيمه الحمله الصليبيه السابعه واصر الملك لويس التاسع على يد الدوله الايوبيه تمام كان يعتبر اان شاه لسه موجود قدر ينتصر على لويسي التاسع ويقبض عليه ويبقى اسير عندنا هنا في مصر اا وده كان يعتبر اخر واحد من الدوله الايوبيه ا استطاع السلطان المملوكي الظاهر بيبرس استعاده انطاقيا قدر بيبرس ان هو يرجع انطاقيا ده غير كمان الاشرف خليل بن قلو ون قدر يرجع من ايديهم مدينه عكا ودي يعتبر اخر المدن اللي كانت في ايد الصلبيين والاشرف خليل بن قالون هو الذي قضى على الوجود الصليبي تماما طيب المغول طبعا كانوا بقياده طبعا الدوله تعال كده نفتكر المغول دول ك يعتبر قبائل جت من اسيا وكانوا شغالين في الرعي وكانوا عارفين الفروسيه كانوا اقويه جدا جه وحدهم واحد اسمه جنكيز خان وقال لهم يلا نسيطر على العالم الاسلامي فطبعا سيطروا على اجزاء كبيره من العالم الاسلامي على العراق وعلى الفرس وعلى الشام ولم يتبقى لهم الا مصر بعدما اسقطوا الخلافه العباسيه في بغداد ودمروا بغداد وقتلوا الخليفه العباسي وخربوا المدينه وقتلوا النساء والاطفال والشيوخ طيب فقامكو احنا قلنا بتدمير بغداد وقتل الخليفه العباسي المستعصم واولاده كمان طيب مين اللي هيواجه الخطر المغولي دوت اللي جاي على مصر كان في ولد صغير ابن الملك عز الدين ايبك اللي هو كان متزوج من شجره الدر وتنازلت له عن الحكم كان في ولد صغير اسمه المنصور علي الولد منصور علي دوت ما كانش يعرف يقف قدام المغول ولا يدير الدوله وكان الوص عليه سيف الدين قطس فسيف الدين قطس اضطر ان هو يعزل المنصور علي ويتولى هو الحكم عشان يقف قدام خطر المغول وبالفعل قام بعزل المنصور علي لصغر سنه السبب اهو بما تفسر لو جه قال لك في الامتحان ليه قطز عزل المنصور بسبب صغر السن وعدم مقدرته على مواجهه المغول طيب حصل معركه ما بين ا سيف الدين قطز والمغول نعم اسمها معركه عين جالوت تمام والمعركه بدات بتفوق المغول واحنا عارفين ان سيف الدين قطز لما هم هجموا علينا والمسلمين جريوا وهربوا من ارض المعركه رمى الخوزه بتاعته اللي هو الحدث الشهير وقال واسلماه واسلماه واسلما وهجم على المغول فتحول بقى الهروب والضعف الى هجوم شديد على المغول من المماليك والمصريين فقدر سيف الدين قطز ينتصر عليهم تمام النتائج المترتبه على معركه عين جالوت هزيمه المغول وقتل كتبغى القائد المغولي وتحرير الشام تمام كده من يد المغول وحمايه مصر والعالم الاسلامي من خطر المغول واصبحت مصر في تلك اللحظه قائده للعالم الاسلامي طيب تعال نشوف الحياه الاجتماعيه قامت الحياه الاجتماعيه في الدوله الاسلاميه على المساواه والعداله والتكافل الاجتماعي وحريه الاعتقاد والتعبير كلام جميل مين هم فئات المجتمع هم العرب اللي جم من شبه الجزيره العربيه وفتحوا الدول تمام كده ونشروا الدين الاسلامي الموالي وهو مسلم ولكن غير عربي اهل الذمه اللي هم اليهود والنصارى تمام كده اللي هو المسيحيين و كانوا بيدفعوا الجزيه للدوله الاسلاميه مقابل حمايه الاراضي الخاصه به وحمايتهم ايضا طيب المراه قبل وبعد الاسلام قبل الاسلام لم تنل يعني لم تحصل على حقوقها وكان يتم واد البنات وكانت ممنوعه من الميراث وكانت ممنوعه من العمل والتعلم اما بعد الاسلام بعد الاسلام ساوى الاسلام بين الرجل والمراه الاسلام ساوى ما بين الاثنين دول ومنحها حقوقها حقوقها في ايه في الميراث تمام وحرم واد البنات تمام واداها حق اداره الاعمال والتعليم والعمل بقى من حقها تدير اعمالها وتمام كده وتشتغل ومن حقها تتعلم طيب من النساء دلل لو جه قال لك دلل المراه ليها مكانه في العالم العربي اقول له او العالم الاسلامي اقول له نعم كان هناك العالمه مريم الاسترلابي اللي طورت جهاز الاسترلاب وشجره ضر التي وصلت للحكم وساهمت في انتصار الدوله الايوبيه على الحمله الصليبيه السابعه والقبض على لويس التاسع طيب تعال بقى نشوف مظاهر الحياه السياسيه اولا الخلافه واحنا قلنا ظهر هذا النظام بعد وفاه النبي وكان قائم على المشوره واول خليفه ابو بكر الصديق تمام طيب اما الوزاره ظهر المنصب ده اه في عصر الدوله العباسيه طيب تعالى بص معايا الخليفه دوره ايه اداره شؤون الدوله تمام ونشر العدل بين الناس وحمايه حدود البلاد اما الوزير يتابع تمام كده الامور الاداريه والشؤون الاداريه داخل الدوله هو اللي بيشرف على الاعمال الاداريه داخل الدوله وهو اللي بيشرف على الدواوين طيب الوالي او الولاه ظهر في عهد عمر بن الخطاب بسبب اتساع الدوله الاسلاميه يبقى لو جيت قلت لك لماذا ظهر نظام الوالي او منصب الوالي بسبب اتساع الدوله الدواوين لتنظيم يبقى سببها اهو لتنظيم امور الدوله الاسلاميه تمام مين اللي انشا الدواوين هو اللي عمل الوالي عمر بن الخطاب تمام طيب زي ديوان الجند وبيت المال تمام القضاء مين اول قاضي في الاسلام؟ الرسول وكان بيحكم بما امر به الله سبحانه وتعالى طيب مين اللي خلى في كل ولايه قاضي عمر بن الخطاب يبقى عمر هو اللي عمل الولايه وعمل الدواوين وعمل على كل ولايه قاضي تمام طيب يبقى ليه برده بسبب اتساع الدوله الاسلاميه يبقى ليه عمل الدواوين بسبب اتساع الدوله وتنظيم امور الدوله ليه عمل الوالي بسبب اتساع الدوله ليه عمل القضاء برده بسبب اتساع الدوله طيب الجيش والاسطول مين اللي عامل الجيش؟ النبي صلى الله عليه وسلم واهتم بتدريب وتسليح الجيش طب مين اللي اسس طبعا لحمايه بصوا الجيش هدفه حمايه ونشر الدين يبقى حمايه الدوله ونشر الدين الاسلامي ده هدف الجيش زمان ده دوره طب مين اللي اسس الاسطول عثمان بن عفان تمام لحمايه سواحل الدوله الاسلاميه يبقى الاسطول يحمي السواحل اما الجيش يحمي الحدود وينشر الدين طيب تعالى هنشوف المظاهر الاقتصاديه الزراعه هل اهتم المسلمون بالزراعه؟ نعم اقاموا السدود وشقوا الترع واستصلحوا الاراضي وبنوا المقاييس ادي 1 اين 3لا اربع حاجات لو جه قال لك دلل على اهتمامهم بالزراعه يبقى شقوا الترع والقنوات واقام السدود واستصلحوا الاراضي وبنوا مقياس زي مقياس ا لبنائ المسلمين في جزيره اسمها جزيره الروضه تمام كده ماشي الصناعه برعى المسلمين في صناعات زي المنسوجات والخشب والزجاج وظهرت هناك حواجه اسمها طوائف الحرف لتنظيم الصناعه لتنظيم الصناعه عشان تبقى هي المسؤوله عن تنظيم الامور الصناعيه لتنظيم الصناعه في الدوله الاسلاميه التجاره ازدهرت بسبب اصدار الزراعه والصناعه ووجود الامن والامان غير كمان ان ساهمت اخلاق التجار المسلمين في نشر الاسلام خلي بالك يعني التاجر المسلم مسلم كان ليه دور في نشر الدين الاسلامي طبعا بالامانه بتاعته والثقه وعدم الكذب وعدم الخيانه فعشان كده كان بينشر الدين طيب تعال نشوف العلوم المؤسسات التعليميه ايه هي الكتاتيب اللي كانت بتحفظ بتعرف القراءه والكتابه وحفظ القران المساجد زي المسجد الازهر اللي كان ليه دور كبير في نشر العلوم والمعارك ونشر الثقافه الاسلاميه المدارس اللي هي كانت يعتبر بتستقبل عدد كبير من الطلبه وبتعلمهم علوم مختلفه من اللغه والقران والفقه والتشريع وعلوم الطبيعه والعلوم الادبيه والتاريخ والقران والحديث المكتبات زي مكتبه بيت الحكمه اللي كان عاملها هارون الرشيد وكان بيتوافد عليها عدد كبير من الطلبه والعلماء عشان يستفيدوا من العلم اللي موجود فيها طيب العلوم عندنا نوعين علوم الشرعيه او الدينيه ايه هي بقى اشهر العلماء علوم القران ابن كثير اشهر واحد في علم القران كان ابن كثير علوم الحديث اشهر عالم هو البخاري علم اللغه سيبوي وعلم الفقه الشافعي يبقى انا عندي القران ابن كثير والفقه الشافعي والحديث البخاري وعلوم اللغه سيبويه طيب اما في العلوم الانسانيه والتجريبيه زي الطب ابن سيناء تمام وفي التاريخ والجغرافيا ابن هشام والجغرافيا كان الادريس اللي عامل اول ا يعتبر خريطه في العالم او للعالم والرياضيات اللي هو في الجبر هو اللي حط الصفر اللي عامل الصفر تمام الخوارزمي وعلم الكيمياء جابر ابن حيان اما علم الفلك البيروني تمام طيب العماره هل اهتم المسلمون بالعماره نعم حيث شادوا القلاع والحصون وقاموا ببناء المنازل والمدن وقاموا ببناء المساجد والقصور والمستشفيات والمدارس تمام الفنون اهتموا بالزخرفه زخرفه المساجد تمام كده والقصور واهتموا بالموسيقى واهتموا بفن الارابيسك اللي هو خشب تشكيل كده الخشب والخط العربي اللي كانوا بيزينوا بيه جدران تمام كده المساجد تمام كده طيب كيف انتقلت الثقافه والعلوم والتقدم العربي الى اوروبا عن طريق جزيره اسمها جزيره ثقليه وعن طريق الحروب الصليبيه في مصر والشام الصلابيين نقلوا العلم بتاعنا الى اوروبا وعن طريق الاندلس اللي كان فيها الجامعات العربيه والاسلاميه اللي كان بيتوفد اليها عدد كبير من طلبه العلم اثر الحضاره الاسلاميه على العالم طبعا احنا اثرنا اه الرياضيات كان لنا دور فيها خدت اوروبا مننا علم الجبر عن طريق الخوارزمي علم الطب ترجمه اوروبا كتب المسلمين في الطب علم الفيزياء نقلت اوروبا كتب المسلمين مثل كتاب المناظر لابن ايه الهيثم علم الاجتماع نقل الاوروبيين عن ابن خلدون علم الاجتماع اجتماع في مقدمه مشهوره اسمها مقدمه ابن خلدون يا اد طيب يبقى خدوا مننا الرياضه والطب والفيزياء وعلم الاجتماع دي الحاجات اللي نقلوها الرياضه طبعا الجبر والطب خدوا اللي هي الترجمه بتاعه الكتب الطبيه بتاعتنا علم الفيزياء معروف لابن هيثم اللي هو كتاب المناظر وعلم الاجتماع ابن خلدون يلا بينا سنغافوره موقعها الجغرافي طبعا سنغافوره موجوده في اسيا وهي تعتبر من اهم الممرات المائيه الهامه في عالم تمام بتتميز بوجود الحدائق العملاقه شعب سنغافوره بيقول لك شعب منظم ويحب النظافه شديد الالتزام بالنظام والقوانين لدرجه ان هم مدغ العلك عندهم ممنوع في الشارع طيب اقتصاد سنغافوره هي تعتبر من اهم المراكز التجاريه والماليه يعني من اهم مركز تجاري ومالي طيب وبتعتمد بشكل كبير على ايه يا اد الانتاج التكنولوجي والسياحي يبقى فلوسهم كلهم والدخل بتاعهم والاقتصاد بتاعهم قايم على الانتاج التكنولوجي اللي هي الاجهزه والموبايلات والسوفت وير والسياحه تمام ايه اهم المعالم السياحيه عندهم حديقه سنغافوره النباتيه تمام ودي يعتبر من المناطق اللي يعتبر اليونسكو حديقه سنغافوره النباتيه ديت يعتبر من المناطق اللي يعتبر اليونسكو خليتها من المواقع التراثيه تاني كمان عجله سنغافوره الدواره تمام او سنغافوره فلاير تمام عجله السنغافوره الدواره او سنغافوره فلاير علاقتها بمصر طبعا في علاقات قويه جدا ما بينا وبين سنغفوره في التعليم والتجاره يعني في علاقات تعليم وتجاره طيب عندنا اخر جزئيه في وحدتنا يعتبر الحمد لله مجالات الاقتصاد الاخضر احنا ايه الحاجات اللي ممكن نحولها الى تعتمد على الطاقه المستدامه والطاقه المتجدده اولا محطه جبل الزيت الطاقه المتجدده هنا اه مين الدول اللي عامله او الطاقه المتجده في الوطن العربي اهتمينا بيها اهتمينا تعالى بص معايا بنعمل ايه عملنا محطه جبل الزيت في مصر تمام وعملنا محطه نور بالمغرب ومحطه الشعيبه بالسعوديه ومحطه السد العالي بمصر تمام دي محطات كلها بتولد الطاقه المتجدده وبتحافظ على البيئه طيب تعالى نشوف المياه والزراعه ازاي خلينا الميه والزراعه بتعتمد على الاستدامه او على طاقه متجدده واقتصاد اخضر بيقول في الميه والزراعه استخدمنا اهو استخدام طرق حديثه للحفاظ على المياه وخصوبه التربه ترشيد استهلاكنا تمام استخدام عمليه الرش والتنقيط بتحفظ بتحافظ على الميه في خصوبه التربه بدانا نستخدم السماد العضوي بدل الاسمده الكيميائيه والمبيدات الحشريه طيب في الصناعه بدانا نشجع الصناعات الصادقه للبيئه تمام الصناعات اللي هي يعتبر بتح حافظ على البيئه طيب واعاده تدوير المخلفات زي كده ما حصل في مصر والامارات بدانا نعيد تدوير الزجاج والكنز والبلاستيك والمنسوجات اللي هي اللي هي والمنسوجات كمان بنعيد تصنيعها والكرتون والورق بنعيد تصنيعها منها نحافظ على الموارد اللي في البيئه ومنها نقلل نسبه التلوث طيب في النقل هل النقل بقى مستدام اه بقى اخضر ايوه بقى مستدام ويحافظ على البيئه اتخننا حافلات وسيارات كهرباء وفرت مدينه دبي على سبيل المثال عشان تشجع الناس انها تستخدم وسائل نقل مستدامه وفرت مدينه دبي محطات شحن مجانيه للسيارات الكهربيه يعني يعتبر اللي هيشتري عربيه كهربا يعتبر هيروح ويجي ببلاش كل اللي هي تعتبر مصادر الطاقه اللي بتشحن العربيه دي الكهرباء اللي بتشحن العربيه مجانا ما بتدفعش حاجه وده طبعا تشجيع لسكان ا دبي ان هم يستهلكوا او يستخدموا الوسائل النقل المستدامه بدل وسائل النقل النقل بتعتمد على الطاقه الاحفوريه طيب اهميه الاقتصاد الاخضر ايه او طبعا انا عارف انتوا شطار هتقولوا لي حمايه الايه البيئه واستدامه الموارد الطبيعيه نحافظ على الموارد الطبيعيه كمان ضمان حقوق الاجيال القادمه الجيل القادم لما انا احافظ على الموارد وماستهلكهاش واسرف فيها الابنائنا احنا هيلاقوا حاجه يستهلكوها من معادن ومصادر طاقه ومن موارد تمام طيب ايه بقى المشاكل اللي بتواجه الاقتصاد الاخضر طبعا ارتفاع تكلفه المشروعات اللي هي الطاقه المتجدده ان كان كهرباء او ميه او رياح بتحتاج فلوس كتير جدا عشان نعمل مشروع طاقه متجدده هنجيب الطاقه الشمسيه هنجيب الطاقه الكهربيه من الشمس او المياه او الرياح بندفع يعني مبالغ ضخمه تمام استخدام الاعتماد على الوقود الملوث للبيع للاسف اغلبيه العربيات واغلبيه الحاجات اللي بنستخدمها بتعتمد على الطاقه الاحفوريه وضعف القوانين تمام ما فيش قوانين بتجرم او بتحمي البيئه بقوه طيب جهود الدوله الدول عملت ايه انشاء مشروعات للطاقه الشمسيه وعملت محطات للرياح وتشجيع الاستثمار في النقل النظير يبقى الدوله عملت مشروعات للطاقه الشمسيه ومشروعات محطات توليد الطاقه من الرياح زي جبل الزيت وتشجيع استثمار في النقل المستدام اللي هي وسائل النقل بتعتمد على الطاقه الكهربائيه او على الغاز مثلا الطبيعي تمام كده او على الطاقه الشمسيه طيب هل في مدن خضراء اه عندنا في مصر العاصمه الاداريه وهي مدينه ذكيه بتعتمد على الطاقه المستدامه ونيوم اللي هي في السعوديه طيب اا ابعاد التنميه المستدامه في الوطن العربي تعالى نشوف التنميه البعد الاقتصادي التنميه المستدامه اولا بتحقق نمو اقتصادي شامل ثانيا بتوفر فرص العمل ثالثه بتشجع الانتاج المحلي وتنوع مصادر الدخل تمام يبقى التنميه المستدامه في الوطن العربي اولا ليها بعد اقتصادي التنميه المستدامه ليها بعد اقتصادي بتحقق نمو اقتصادي شامل وبتوفر فرص عمل وبتشجع الانتاج المحلي ان احنا نشجع المنتجات بتاعه بلدنا فيبقى في تنميه مستدامه في تطوير مستمر داخل الدوله وتنوع مصادر الدخل يعني بنكسب من كذا حاجه زراعه وصناعه وتجاره ازاي اعمل تنميه كبعد اجتماعي طبعا التنميه بتفيدني فيه ان هي بتعمل لي رفع مستوى المعيشه كل ما ننمي ونطور ونجدد داخل دول بترفع مستوى المعيشه هنحسن التعليم والرعايه الصحيه ونحقق العداله الاجتماعيه ان كل الناس تبقى سواسيه في الحقوق والواجبات يعني كله يبقى بيتعلم كويس وياكل كويس ويشرب كويس وكل واحد يوصل له الخدمه كويس وفي هدوء وفي سوب الراحه لكل الناس طيب البعد البيئي التنميه المستدامه ليها بعد بيئي بقى ب بعد اقتصادي وبعد اجتماعي وبعد بيئي ثلاث بعدات بعد اجتماعي واقتصادي وبيئي البعد البيئي طبعا حمايه البيئه من التلوث والحفاظ على التنوع البيولوجي وضمان استدامه الموارد الطبيعيه يبقى احافظ على التنوع البيولوجي واحافظ على البيئه واضمن استدامه الموارد الطبيعيه. طيب التحديات اللي بتواجه التنميه المستدامه ان احنا نفضل محافظين على المريض بتاعتنا وعلى بيئتنا اول حاجه ضعف الاستثمار للاسف في البحث العلمي ما فيش ناس بتدفع فلوس او رجال اعمال زي ما بنقول بيستثمروا في التنميه المستدامه والطاقه المتجدده كتير بنصدر المواد الخام وضعف البنيه التحتيه عندنا كهرباء ضعيفه ميه ضعيفه انا بتكلم على الوطن العربي مش على مصر بالتحديد كثير من الدول العربيه عندها ضعف في البنيه التحتيه كثير من الدول العربيه بتصدر المواد الخام عندنا طبعا زياده سكانيه يبقى المشاكل بتواجه وجه التنميه انا عايز اطور وانمي بس سكان كتير قوي فبيستهلكوا كل حاجه بنعملها ما بيظهرش ان احنا بننمي حاجه طيب التلوث البيئي بتقف قدام التنميه والتغيرات المناخيه والجفاف يبقى انا عندي ست مشكلات ضعف استثمار وبنصدر ماده خام ضعف بنيه تحتيه زياده السكانيه تلوث البيئي والتغيرات المنا المناخيه طب الجهود الدول العربيه عملت ايه انشاء المحميات الطبيعيه طبعا لحمايه الحيوانات والنباتات النادره والحفاظ على التنوع البيئي والبيولوجي تحس تحسين جوده التعليم والصحه الوطن العارض بدا يبقى في تعاون في مجالات كتير زي الزراعه والصناعه والتجاره الانضمام لاتفاقيه باريس للمناخ للحفاظ على او لمواجهه التغارات المناخيه اقامه مشروعات المعالجه للمياه ان كان بقى اعاده تدوير مياه صرف زراعي او ان كان تحليه مياه ال البحر تمام وضع قوانين لحمايه البيئه انشاء المرصد العربي الاهداف طبعا الهدف منه التنميه لتحقيق التنميه الايه المستدامه ودعم التعاون العربي في الطاقه والربط الكهربائي يعني ان احنا يعتبر نصدر لبعضينا طاقه كهربائيه طيب التنميه المستدامه بتعمل ايه تنميه اقتصاديه واجتماعيه والحفاظ على البيئه والموارد دون المساس بحقوق الاجيال الاخرى يبقى اهميه التنميه المستدامه اكتب على طول اهميه التنميه المستدامه سببها او الفايده بتاعتها تحقيق التنميه الاقتصاديه والاجتماعيه والحفاظ على موارد البيئه تعال نشوف بقى القضايا الفلسطينيه طبعا فلسطين احنا قلنا هي مش كبيره يعتبر 27000 كم مربع تمام ا موقعها يحدها من الشمال سوريا ولبنان ومن الغرب البحر المتوسط ومن الشرق الاردن ومن الجنوب مصر والخليج العقبه اهميه فلسطين الاستراتيجيه والدينيه احنا قلنا بتربط قارات العالم القديم وبيمر بها طرق التجاره العالميه وبتضم مقدسات دينيه متنوعه ان كان المسجد الاقصى او ان كان كنيسه القيامه والمهد او ان كان حائط البراق طيب ا كانت فلسطين احنا قلنا ولايه عثمانيه بعد كده هزمت الدوله العثمانيه في الحرب العالميه فبقت فلسطين تحت الاحتلال البريطاني تمام واصدر وزير الخارجيه البريطاني بالفر وعد بان احنا هعمل دوله يهوديه جوه فلسطين اهو تعهدت بريطانيا في وعد بيلفر تمام كده بتاسيس دوله يهوديه في فلسطين للاسف وعد ان هو هيعمل دوله يهوديه في فلسطين طيب ا ازاي تطورت مراحل القضيه الفلسطينيه اولا عقب الحرب العالميه الاولى اصبحت فلسطين تحت الاحتلال البريطاني تمام ثم بعد ذلك طبعا وعد بلفر باقامه دوله اليهوديه وبدا ينفذ الوعد بعد الحرب العالميه الثانيه للاسف القضيه الفلسطينيه بتتطور اكث واكث وطبعا فلسطين بيتسيطر عليها وتعلن اسرائيل او تعلن اليهود قيام دوله اسرائيليه فيها في عام ا يعتبر اليهود بياخدوا قطاع غزه ز فيها ويعتبر ما يبقاش فيه غير الضفه الغربيه والقدس طبعا في حرب اكتوبر يكاد يكون انتشر اليهود في جميع اجزاء فلسطين وكانوا مسيطرين عليها بالكامل طبعا انتصرت مصر في حرب اكتوبر وعادت القضايا الفلسطينيه تحيا من جديد مره ثانيه وطالبت مصر باقامه حكومه واداره لمنطقه غزه والضفه الغربيه طيب ا مصر والقضيه الفلسطينيه مصر كان لها جهود عسكريه وجهود سياسيه وجهود انسانيه طيب طبعا حقوق الشباب من حق حضرتك حريه الراي والتعبير توفير فرص عمل توفير الرعايه الاجتماعيه والرياضيه وااحه الفرص للموهوبين طيب واجبك انت بقى المفروض تعمل ايه انت المفروض تدافع عن الوطن وحمايته والحفاظ على الهويه القوميه والمشاركه في بناء وتنميه المجتمع طيب ازاي ننهض بالشباب عملنا مؤتمرات للشباب زي اللي الرئيس عبد الفتاح السيسي بيعمل وتعيين الشباب في المناصب القياديه عشان نستفيد بالطاقه والحيويه اللي عندهم وتقديم المنح الدراسيه والتدريبيه للمتميزين من ابنائنا في مصر. ازاي نعيد التدوير اللي هي القمامه؟ اولا بنجمع ونفرز بعد كده بنعالج تمام كده بعد كده بنحولها لمنتج من جديد وبعد كده بنسيحها يعني وبعد كده بنصنعها طيب فوائد اعاده التدوير الحفاظ على موارد الطبيعيه وموارد الدوله وبنوفر فرص العمل وبنقلل التلوث صفات القدوه القدوه الصالحه يمتلك سيره ذاتيه متميزه تمام قدوات عربيه ا القدوه لازم يكون يمتلك سيره ذاتيه متميزه ولازم يسهم في خدمه البشريه وياثر في اللي حواليه وليه دور في بناء الشخصيه بتاعتك انت وتقتضي بيه يعني تمشي وراه وتعمل زي ما هو بيعمل بالظبط طيب من القدوات ديت عندنا ابن الهيثم اللي هو كان اسس علم البصريات والف كتاب المناظر وشرح كيفيه ان العين بتبصر الشيء يعني بتشوف الشيء عمل كتاب عن انعكاس الضوء وانكساره ودرس حركه النجوم والكواكب وطور طرق جد مساحه الاشكال الهندسيه عندنا برض شخصيه قياديه من النساء وهي فاطمه الفهريه اسست مسجد القروين بفاس بالمغرب وكانت بتوزع الهدايا والاموال على الطلاب العلم والفقراء وحولت المسجد الى جامعه ومؤسسه جامعيه انفقت مالها على نشر العلم بمسجد القرويين وسميت بام البنين لانها كانت بتنفق على طلاب العلم تمام وتعلم في هذه الجماعه تعلم في هذه الجماع ابن رشد وعبد الرحمن ابن خلدون طبعا ابن رشد في الفلسفه وعبد الرحمن بن خلدون في علم الاجتماع ابن النفيس اكتشف الدوره الدمويه الصغرى وهو من القيادات وشرح وظائف القلب والرئتين وكتب في الفلسفه وصل التشريح الدقيق او وضع تشريح دقيق للعين والدماغ له مؤلفات في اصول الفقه والعقيده وله مؤلفات في اصول الفقه والعقيده الارجنتين طبعا الارجنتين بتتنوع بوجود تضاريس فيها تضاريس متنوعه فيها اكبر سهول فيضيه في قاره امريكا الجنوبيه تمام وفيها اعلى المناطق الجبليه اعلى منطقه جبليه في في قاره امريكا الجنوبيه في الارجنتين واعلى او اكبر سهول فيضيه برده موجوده في الارجنتين تبلغ المساحه بتاعتها حجم مساحه مصر وليبيا مع بعض متجمعين شعب الارجنتين شغف بالموسيقى بيحب الموسيقى والرقص تمام كده رقصه اسمها التانجو تمام ولديه حب كبير لكره القدم ميسي طبعا طيب اقتصاد الارجنتين بيتركز على الانتاج الغذائي وخصوصا المحاصيل الزراعيه وبيصدروا اللحوم تمام اهم المعالم السياحيه عندهم شلالات اجوازو وكاتدرائيه بيونس ا تمام وعلاقتها بمصر علاقات قويه جدا اقتصاديه وسياحيه وبكده نكون خلصنا المراجعه خفيفه باهم النقاط الرئيسيه عندك كمان عندنا مراجعه اللي يعتبر الشهر الاول والشهر الثاني تفصيليه اكتر وعندنا شرح دقيق ومفصل لكل درس عايز ترجع له تفهم كل كلمه وكل نقطه نقطه نقطه جوي جامده قوي في شروحاتنا للدروس خلال الترم كله بحبكم جدا وتعالوا بقى بينا دلوقتي للجزء التاني والمهم وهو حل اهم الافكار على المنهج كله بينا بسرعه عليه يلا بينا