مراجعة مركزة علوم سادس ابتدائي 2026 الوحدة الاولى خصائص الكائنات الحية مع الوزاريات الست نور العبيدي

طلاب السادس وينهم؟ شلون طلابنا الحلوين؟ طلاب السادس ابتدائي اللي اول سنه راح يجربون ويانا الوزاري وياكم الست نور العبيدي مدرسه ماده العلوم للصف السادس ابتدائي راح اسوي لكم مراجعه مركزه لماده العلوم تطب للامتحان بالاعتماد على هاي المراجعه انت تحصل الدرجه العاليه بس تنتبه وياي لان هاي المراجعه راح تتضمن لك شكو سؤال وزاري مكرر شكو شي مرشح عليك انه تنتبه وياي حتى تحصلون الدرجات العاليه ماشي ابطالنا الحلوين طلاب وطالبات وياي ركزوا اليوم راح نبدا بماده العلوم باول وحده اللي هي تتضمن خصائص الكائنات الحيه شنو خصائص الكائنات الحيه طبعا احنا ماده العلوم تكون مقسمه خمس وحدات راح ناخذ كل وحده على حدا نجي ناخذ الوحده الاولى مالتنا اللي هي قلنا خص خصائص الكائنات الحيه الفصل الاول ايش يحكي لي؟ يحكي لي عن التكاثر بالنباتات زين شنو التكاثر بالنباتات؟ احنا كنا ندري انه احنا كل حياتنا نعتمد على النباتات لان احنا لو ما الزراعه نزرع النباتات ونقدر نستخدمها بالاكل واللي من خلالها ايضا الحيوانات تاكل النباتات واللي نقدر نستخدمهن بكل حياتنا اليوميه خلينا نجي اول شيء عندنا ما هي الطرائق الطبيعيه للتكاثر بالنباتات؟ اني لان لو ما تتكاثر النباتات اناي ما اقدر اعيش زين خلينا نشوف شلون تتكاثر النباتات اكيد بالبيت شايفين امهاتنا دائما يحاولون يزرعون النباتات ويحاولون يزرعون الخضار خلينا نشوف شلون حتى انتم همنا تساعدوهم مو بس قاعدين يلا ويانا سؤال عندنا دائما لو يجيك فراغ لو تعريف لو تعداد هذا سؤال وزاري اللي هو شنو؟ هو التكاثر بالبذ الطرق الطبيعيه للتكاثر بالنباتات اللي هي عندي طريقتين طريقه التكاثر بالبذور يعني اني البذره مال اي نبته اريد ازرعها استخدم هاي البذره اجي احفر التربه مالتي او الحديقه واخليها وازرعها وانا حتصير عندي نبته كامله والنوع الثاني اللي هو التكاثر الخضري اللي هذا شويه يحتاج تدقيق هسه حنجي ناخذه فانا اذا ممكن يجيب لي اياه فراغ ممكن يجيب لي اياه تعداد ممكن يجيب لي اياه تعريف تمام فالطرق الطبيعيه للتكاثر بالنباتات تكاثر بالبذور وتكاثر خضري زين اكو تعاريف هوايه هوايه مكرره وايضا مرشحه عندنا تعريف الزهره والبذره اللي هوايه مكرر وزاري ودائما يجي ما يجيك هذا يجيك هذا ما يجيك هذا يجيك هذا تمام الزهره شنو هاي الزهره الشكل مال النبته الشيء اللي فوق مالتها شنو هو الزهره هي عضو التكاثر بالنبات يعني اني اهم عضو اللي يساعد لي بالتكاثر هو الزهره ليش؟ لان تحتوي على اعضاء التذكير والتانيث واللي عن طريقها تتم عمليه الاخصاب يعني بها اعضاء ذكريه واعضاء انثويه واثنيناتهن راح يصير بيهن الاخصاب ويتكون لي نبات جديد زين خلينا نجي نشوف الاخ التعريف الثاني اللي هو البذره شنو هي البذره؟ البذره هي البويضه المخصبه اللي تكونت بمبيض الزهره يعني اني اذا اجي اريد افهمها اني البذره هي جزء من الزهره اني مو صارت عمليه الخصاب بالزهره شو تكون لي من الاخصاب تكون لي البذره اللي هي شو اعرفها هي البويضه المخصبه التي تكونت في مبيض الزهره وقلنا هاي مهمه نجي سؤال اللي هو مرشح جدا اللي هو شو يقول لي ما هي اجزاء البذره شنو اجزاء البذره انا قلت البذره هي عباره عن البويضه المخصبه اللي تكونت لي بالزهره اجزاء البذره اول شيء عندي غلاف البذره هسه جيبوا لنا اي بذره عندكم بالبيت فاصولي حمص عدس اي بذره موجوده نجيب الفاصوليه مثلا اذا اجي دائما الاحظ على الغلاف مالتها داير مدايرها مغلفه فد غلاف معين هذا الغلاف شو اسميه؟ غلاف البذره اللي هو الجزء الخارجي اللي يحيط بالبذره وشو يوفر حمايه اللها فليش موجود هذا الغلاف يحميلي البذره مثل ما هسه احنا هسه احنا بالبيت دائما ليش نقعد بالبيت مثلا باوقات المطر اوقات الحر اوقات البرد لان يحمينا فالغلاف الخارجي انه هو البيت فنفس الشيء غلاف البذره هو الجزء الخارجي اللي يحميها زين الجزء الثاني اللي هو الفلق شنو هو الفلق اجي اني احنا طبعا كنا فضوليين انا من الناس واحده فضوليه شو اسوي اجي افتح الغلاف مالتها الاحظ داخل نبته الفاصوليه من راح افتحها حيطلع لي فصين شنو هاي الفصين خلنا نجي نشوف هذ الفصوص اسميهن الفلق اذا كان ب فص واحد شو اقول عليه ذوات فلقه واحده ب فصين اقول ذوات فلقتين اللي هو منو مثل ذوات الفلقتين قلنا هسه الفاصوليه اللي اخذناه فالفلق هو الجزء الاكبر من البذره اذا لاحظ اني كل الجزء مالتها الكبير هو الفلق ويتكون من بذور ذات فلقه واحده مثل منو الذره شايفين هاي من تشترون الذره او من ناكلها ومن نفورها متكونه من بذره وحده او ذات فلقتين مثل منو الفاصوليه من نفتحها او الحمص من نفتحها الغلاف مالته الاحظ به جزئين تمام الجزء الثالث اللي هو الجنين شنو هو هذا يحتوي على الاعضاء الاساسيه اللي يتكون منها النبات البالغ شو يحتوي على الاعضاء الاساسيه اللي يتكون منها النبات البالغ طبعا حجمها يكون مصغر وش يتكون هاي طبعا مهم جدا يتكون لي الجنين من شغلتين اللي هو الجذير والرويشه يتكون لي من شنو؟ من الجذير والرويشه ممكن يجيك تعريف هذا وممكن يجيك فراغات تمام وعدنا نجي هسه هنا اني كملت اجزاء البذره اكو تعريف هوايه يحبوا اساتذتنا بالوزاري دائما يجيك اللي هو شنو هو السويداء شنو هاي السويداء مو على بالكم فد وحده سودا لا تفضحونه السويداء هي شنو هي الغذاء المخزون داخل البذره الذي يتغذى عليها الجنين اني شنو هي الغذاء اللي يتغذى عليه الجنين شنو هي السويداء فانا اخلي ببالي السويداء هو الغذاء مال الجنين الاساسي مالتها واضح وطبعا هذا وزاري هوايه جاي وزاري بكل سنه ما يخلى اذا مو بالدور الاول بالدور الثاني وان شاء الله يبعدكم من الدور الثاني كلكم دور اول وبدرجات حلوه وتفرحونه زين نجي نكمل زين اني بالنسبه الي قلت هي البذره هي الشيء الاساسي اللي اقدر عندنا اول نوع بالتكاثر قلت هو التكاثر بالبذور زين واريد اني اسوي اكاثر النبات اللي عندي مثلا عجبني ازرع اي بصله اي ماده اي شيء شو اسوي البذره مالتها ازرعها بالتربه زين شلون تقدر تنتشر البذور شايفين مرات اكو اماكن صحراويه ولاحظ بها انه اكو نباتات مزروعه شلون صارت هاي معناه البذور اجا واحد شمرها بلا ما يدري او انتقلت من مكان الى اخر زين شلون شلون نقلت عندها رجلينات وتمشي لا اكيد طرق انتشار البذور هاي مهمه شنو هي طرق انتشار البذور هاي تجيكم فراغات دائما او اكثر الطرق عندي الهواء والماء والحيوانات والانتشار الالي هاي شنو الهواء تنتشر بالبذور الخفيفه احنا اكو عندنا بذور جدا خفيفه تنتشر شرب الهواء اللي بالماء بذره معينه مال اي نبات معين وقعت بالمي انقلت عن طريق مجرى المي من مكان الى اخر بالحيوانات باجسام الكائنات بالحيوانات انتق صار انه البذره التصقت بجسم الحيوان صار بها ان الحيوان وين ما يروح حتروح وياه البذره ويصير بها تكاثر النوع الاخير اللي هو الانتشار الالي هذا الانتشار الالي ركز وياي وزاري اللي هو شنو هذا الانتشار الالي الانتشار الالي اناي من دي اقول الي يعني انا ما حيصير من وحده ما حيصير بشكل طبيعي حيتدخل به الانسان زين فاخلي ببالي الانتشار الالي يقوم به الانسان شلون شو يسوي الانسان يقوم بنقل البذور من مكان الى اخر لغرض زراعته وتكثيرها شو يسويه دائما الانسان من يريد يسوي انتشار الي هو ياخذ البذره ينقلها من مكان الى اخر شايفين بالذات اللي عندهم حدائق ياخذ من هذا المكان يزرع بهذا المكان حتى يصير كل الحديقه بها زرع زين فانا هسه على اساس هالكلام اللي اخذته عندي التكاثر الطبيعي بالنباتات قلت عندي نوعين تكاثر بالبذور وتكاثر خضري التكاثر الخضري يكون اما طبيعي او اصطناعي تكاثر الخضر يكون اما طبيعي او اصطناعي طبيعي يعني من واحده يصير اللي هو من هو الدرنات والابصال هذا تجيكم فراغات مهمه اللي هو شنو الطبيعي التكاثر الخضري الطبيعي يتم عن طريق اما الدرنات او الابصال والاصطناعي اما عن طريق التطعيم او الاقلام او الفسائل هاي فراغات تجينا مهمه ركزونا اذا قاللكم يابا اريد تكاثر خضري طبيعي كم نوع به شنو نوعه شلون اقدر اكاثره تقول له اما بالدرنات او الابصال اذا قال لك تكاثر خضري اصطناعي تقول له اما تطعيم او اقلام او فسائل تمام طلابنا نجي نشوف عندنا مقارنه هاي مرشح ح دائما تجيكم اللي هي شنو هاي المقارنه قارن بين التكاثر بالبذور والتكاثر الخضري هاي كلش مهمه وركز وياي واكتبها ورقه وقلم مو تنسوها يلا كتاكيت الحلوين التكاثر بالبذور تكاثر طبيعي يتم بواسطه شنو البذور التكاثر الخضري هو ايضا تكاثر طبيعي لكن يتم عن طريق شنو؟ بواسطه جزء من اجزاء النبات انا هناك بالبذور يتم فقط عن طريق البذره هنا يتم بواسطه اي جزء من اجزاء النبات مثل منو اما الساق او الجذر او الاوراق تمام التكاثر بالبذور شلون شو اسوي يمكن التغلب على الظروف المناخيه يعني يقدر باي ظرف مناخي يصير لان انا حازرعه بداخل التربه فهو شعليه بعد بالسطح ش له علاقه اذا اكو تراب اكو مطرك ودنيا ما له علاقه بينما التكاثر الخضري لا ما يقدر يتغلب على الظروف المناخيه لان اناي مثلا حزرعه باناء معين بماده معينه فما راح يقدر يتغلب على الظروف المناخيه ثلاثه انتاج نباتات ناضجه في فتره زمنيه طويله المزعج بالتكاثر بالبذور انه يحتاج وقت هوايه حتى ينطيني النباتات بينما التكاثر الخضري لا انتاج النباتات ناض ضجه في فتره زمنيه قصيره هنان طويله هنان قصيره تمام طلابنا زين نجي اكو عندنا نبات كلش مهم اللي هو شنو هو هذا النبات اسميه نبات السوس السوس مو على بالكم التسوس مال الاسنان لا نبات معين هذا نبات عشبي همينا احنا السؤال هذا مهم اللي هو شنو هو السوس هو نبات عشبي معمر يعني شنو معمر يعني عمره جدا طويل ينمو وين بالمناطق الرمليه الرطبه وعلى شواطئ الانهار وين ينمو يا مكان رطب يا مكان بي شط هو ينمو هذا النبات زين شلون يتكاثر يتكاثر بالدرنات هاي فراغات ركزوا هاي اللي بدي اشاركم عليها هاي تكون فراغات مهمه والى استخدامات طبيه زين اوكي استخدامات طبيه لعد هي شنو خصائصه ليش ايش معنى اطاني هذا النبات هذا النبات الخصائص مالته اول شيء سريع الانتشار والنمو ينمو بسرعه وينتشر بسرعه اثنين اوراقه طويله مثلثه الشكل يكون بشكل مثلث ورقه مثلثه ثلاثه ساق تمتد فوق سطح التربه واسفلها الساق مالته تكون تحت سطح التربه يعني بالطين و واعلى سطح التربه اربعه ينتهي الساق بدرنات على شكل عقد ذات لون اسود وطبعا اللهه رائحه عطريه مميزه طبعا هذا يستخدموه هوايه استخدامات نبات السوس خمسه يستخدم طبيا في علاج بعض الامراض اذا تحبون اكيد كلكم لازمين التلفونات قلبوا باليوتيوب وشوفونا نبات السوس شلون شكله شنو استخداماته وحتى نعرف احنا نحب بكل شي نتعلم تمام عيني نجي هسه زين اجي شنو عندي سؤال يقول لي ما الفرق بين التكاثر بنبات البصل والثوم شلون ننباتين اثنينهن ما ينرادن انا ما احبهن خلينا نشوف شنو الفرق بيناتهم البصل ازرع البصله بالكامل اجيب بصلايه كامله وازرعها حتى تنتج لي نبات عامل نبات الثوم لا الثومه شو اسوي اقسمها الى اجزاء صغيره هاي الاجزاء شو اسميها فصوص شو اسوي هاي الاجزاء مال الثوم اقسمها الى اجزاء صغيره اسميها فصوص كل فص عباره عن بصله شلون اكاثرهن الفرق بيناتهن نبات البصل ازرع البصله بالكامل بينما نبات الثوم لا البصله اقسمها لازاء صغيره اسميها فصوص كل فص عباره عن بصل زين عندي تعاريف وزاريهمرشحه جدا اللي هي شنو هاي التعاريف يلا يا ابطال يلا يا حلوين هاي التعاريف اللي هي الدرنه والبصله شنو هي الدرنه؟ الدرنه هي ساق ارضيه متحوره لخزن المواد الغذائيه ساق موجوده وين؟ ارضيه بالاسفل متحوره شو تسوي؟ تخزن لي المواد الغذائيه وتوجد على سطحها نتوءات شنو هاي النتوءات؟ شو اسميها؟ عيون يعني تخيلوا ساق عندها عيون مو عيون عيون صدق لا وانما هي شلون الفراغات الصغيره هاي الفراغات اسميها مثل العيون هسه احنا هنا همينا الوجه كامل اكو فراغ صغير نسميه عين فهنا نفس الشي عندها فراغ صغير نسميه عيون زين البصله مو على بالكم هاي البصل اللي ناكله لا واحد هذا البصله هي ساق قرصيه الشكل بشكل قرص لها اوراق ذات قواعد شحميه وتخزن الماء وتمتلك جذور عرضيه وتحليفيه تحمل الساق القرصيه اوراق ذات قواعد شحميه وتخزن كميات كبيره من الماء هذني التعريفين كلش مهمات بالوزاري و100% يجيكم واحد منهن فتركزون عليهن وتحفظوهن يا وي اللي ما يحفظهن يلا نجي هسه عندنا شنو اجزاء الجنين في البذره اجزاء الجنين في البذره اللي هي الجذير والرويشه هاي قلت لكم تجينا فراغات مهمه زين شنو العوامل الاساسيه حتى تنمو البذره يعني اني شنو اللي يخلي البذره اوكي خليتها بالتربه شنو اللي يخليها تنمو احنا شايفين اكو هوايه مرات انهي ازرع البذره بس تموت كل شي ماكو اناي من الناس ما اعرف ازرعها شنو العوامل اللي تخلي الزراعه مال البذره تنجح يلا حتى اليوم تجربوها يعني ورا امتحانات ورا ما تنجحون تجربونا وتزرعونا كم بذره وتجيبوا لي اياهن ماشي العوامل الاساسيه حتى تنمو البذره اللي هي الماء الكافي لازم عندها مي احنا الانسان ما يقدر بلا المي ما بالكم النبات اللي هو الاساس للحياه زين الشيء الثاني التربه الملائمه يعني شنو التربه ملائمه اناي اكو عندي تربه غير صالحه للزراعه اناي ما اجي ازرع بها لا اليوم والله بعناد الا اخليك تطلعين تطلعيني نبته والشيء الثالث العناصر الغذائيه اني مو التربه مليئه بالعناصر فانا اذا كانت العناصر الموجوده بهاي التربه ما تكفي انه ينتج لي هذا النبات فما راح يفشل فاني حتى العوامل الاساسيه حتى تنمو بذره ماء كافي تربه ملائمه وعناصر غذائيه تمام هذني ايضا فراغات وزاريه زين شنو مراحل الانبات اني هسه زرع البذره شلون حيصير نبات شلون حتنمو البذره اجينا اول شيء حفرنا التربه خليت البذره من راح اخليها توفر عندي مي كافي اجيت سقيتها بالمي ما اجي واعوفها ازقيها بالمي التربه تكون صالحه للزراعه بها عناصر غذائيه اللي تيدها ايش راح يصير حيصير عمليه الانبات عمليه التكاثر اول شيء تنتفخ البذره صرسمينه شايفين هسه احنا امهاتنا من يجي نونو ماما تصير سمينه فانهم نفس الشيء تنتفخ البذره من تحصل على المي صارت بطنها مليانه بعدين شو يصير يبدا الجنين بالنمو حيبدا يكبر شويه الى ان تكبر وتصير بدره كامله وتكبر اجزاءه اللي هي منو اجزاء الجنين اللي هي الجذير والرويشه الى ان تمتد داخل التربه وفوقهم تمل بعد تصير تكبر تكبر تكبر الى ان تمتد داخل التربه واعلى التربه اثناء عمليه النمو البذور ايش بيها حتتغذى على المواد الغذائيه الموجوده بالتربه احنا مو قلنا لازم مواد غذائيه لازم اكو اكل هسه انتم تقدرون بلا اكل لا فهمينا هنان همينا البذره لازم تحتاج اكل حتى تكمل اللي تخزن داخلها والعناصر المغذيه الموجوده بصوره طبيعيه يه في التربه هاي من قدره رب العالمين هي بالتربه اكو عناصر تساعد لي على اتمام عمليه تكاثر النباتات تمام طلابنا ماشي ابطالي الحلوين يلا طلاب وهسه راح نبدا بالتكمله مال المراجعه احنا قلنا مو التكاثر الطبيعي عندنا بالبذور وعندنا خضري اللي بالبذور عرفناه بذره ونزرعها الخضري قلنا عندنا نوعين اما طبيعي او اصطناعي الطبيعي قلنا اما بالدرنات او الابصال والاصطناعي اما بالتطعيم او الاقلام او الفسائل فحنجي نعرف هاي المصطلحات شنو معناها احنا الدرنات والابصال عرفناها هسه راح نجي ناخذ التكاثر الخضري الاصطناعي ركزوا وياي يلا يا حلوين خلينا نشوف شنو التطعيم نجي اول واحد بالتكاثر الخضري الاصطناعي اللي هو التطعيم احنا التطعيم نعرفه اللي هو اللقاحات بس احنا هذا مو لقاح هذا هسه تكاثر للنباتات خلينا نشوف شلون حيكون التطعيم هو احد طرق التكاثر الخضري الاصطناعي اذا تريد تحصل لك درجه اول ما تقول له عيني هذا ترى تكاثر خضري اصطناعي اوكي ويانا شلون يصير شلون اني اطعمنا باع من اسمه تطعيم يعني اني اجيب شغله اطعمها بشغله مثلا عاجبني اني نباتين اخلطهن سوا اناي ما اجي بالخلاط واخلطهن لا من البدايه من اريد اكاثرهن بالتربه اني اخلي وحده ازرعها ويا الثانيه بطريقه شو اسميها اول طريقه التطعيم قلنا احد طرق التكاثر الخضري الاصطناعي شلون تصير تتم بنقل جزء ح نباتي حي من النبات اللي اريد اكثره مثلا اني عندي اني احب البرتقال اريد اكثر البرتقال شو اسوي؟ اخذ جزء منه اقطعه والذي يحتوي على برعم واحد او اكثر يعني عنده اكثر من فص اللي هو قلنا هسه البرتقال او اللالنجي او الرمان عنده اكثر من فص شو اسوي؟ يحتوي على برعم واحد او اكثر الى نبات اخر عندي نبات ثاني انا ايش عجبني اليوم اني عجبني اغير ايش حسوي؟ راح اجيب اطعم البرتقال باللانينجي اطلع لي برتقال ابو اللانينجي مو خلي نشوف اضيفه الى نبات اخر واربطه بشكل محكم جبت عيني هاي مال البرتقال الفص وجبت مال اللالينجي واربطه سويه بشكل محكم حتى شنو اضمن التحامه يعني اخليه يلزق واحد بالثاني وازرعه بالتربه زين زين شنو النباتات اللي تتكاثر بالتطعيم؟ خلينا نشوف البرتقال انا ايش قلت لكم؟ مو قلت البرتقال حتى لا تقولون ست ما تدرين البرتقال واللالينجي واليوسفي اليوسفي هم نبات طبعا مصري هذا اليوسفي هم يشبه البرتقال همنا طعمه كلش طيب يا ريت تجربوه وجيبوا لي وياكم زين زين اناي ايش قلت؟ قلت عندي جزء الماده اللي اريد اكثرها اقص من هالجزء هو اجي الزقه بماده ثانيه بنبات ثانيه الماده اللي راح اقص منها جزء ايش اسميها الجزء المنقول من النبات شو اسميه الطعم طبعا هاي فراغات مهمه جدا جدا تعريف التطعيم هذا وزاري هوايه جايكم كومه مكرر عليكم وهو كلش مهم ركزوا لي عليه والنباتات اللي تتكاثر بالتطعيم انا اقوللك اناي ما اعرف شنو النبات اللي يتكاثر بالتطعيم غير انتم تقولوا لي عليه زين الجزء المنقول من النبات ايش اسميه هذا الجزء اللي قطعته الطعم والجزء اللي اركب عليه الطعم شو اسميه الاصل يعني اني الماده اللي اريد اطعمها اللي اقص منها اسميها طعم اللي اضيف لها اسميها الاصل لان هي باقيه بمكانها اصليه واني اجي اضيف لها زين شنو الصفات اللي يجب ان تتوفر بالطعام؟ لازم نشوفه خوش ولد بالناس مرتب معدل خلينا نشوف اول شيء انه يحتوي على برعم واحد او اكثر يعني عنده اكثر من برعم مثل قلنا البرتقال مثل قلنا اللالنجي الليمون هوايه عندنا يحتوي على برعم واحد او اكثر هذا اول شيء الشي الثاني طبعا هذا مهم جدا والشيء الثاني من الاصناف المرغوبه يعني شنو الاصناف المرغوبه الاصناف اللي العالم تحبها اللي الاصناف اللي الناس تاكلها بكثره هي مو اني وانت نزرع هاي يسويه هاي التجار الفلاحين اللي هم يصنعون حتى يبيعوا للعالم زين غير يصنعون اصناف العالم تاكله خ ما نجي نصنع واحد ويبقى على قلبنا النوبي يتلف ويبو النوب خسرنا به زين زين فلازم يكون اول شيء يحتوي برعم واحد او اكثر واثنين من الاصناف المرغوبه وثلاثه خالي من الامراض هاي اهم شيء لان مو مريض انه بحنا نتمرض زين التطعيم عندي يكون على نوعين شنو هاي الانواع مالته اول نوع اسميه تطعيم بالبراعم هاي فراغات وزاريه مهمه جدا ومرشحه التطعيم يكون نوعين تطعيم بالبراعم وتطعيم بالتركيب كم نوع تطعيم بالبراعم وتطعيم بالتركيب خلنا نجي نكمل زين اني شنو تطعيم بالبراعم وتطعيم بالتركيب هسه اني من الناس اني شو سمعته ما عرفته غير اريد افتهمه يلا تعالوا ابطالي الحلوين بطلاتنا الحلوين انا اريد البنات يصيرون اشطره من الولد مو حتى نفوز عليهم زين التطعيم بالبراعم والتطعيم بالتركيب طبعا هذا هم وزاري ومرشح عندكم هاي السنه ويانا طلاب التطعيم بالبراعم هذا طبعا منه ممكن يقدر يجيب لكم التعريف تقدر تاخذه من المقارنه ممكن يجيب لكم فراغ تقدر تاخذه من المقارنه او هو ممكن يجيب لك المقارنه باكملها التطعيم بالبراعم هو احد انواع التطعيم اقوم اخذ برعم واحد او اكثر من النبات اللي اريد اكثره التطعيم بالتركيب همنا احد انواع التطعيم لكن شلون يصير اخذ فرع من الساق اخذ جزء من ساق النبته وشو اسوي يبرى طرفيه كالقلم شلون القلم اقطه بالمغطاه نجيب الساق واقطه احاول انه يصير بحيث عنده نهايه مدببه مثل القلم التطعيم بالبراعم النبات الاصل يعمل فيه شق على شكل حرف تي يعني انا عندي هاي النبته مالتي شو اسوي اسويلها شق بشكل حرف تي خط مستقيم وخط افقي اللي فوق يصير بشكل حرف تي ويثبت فيه البرعم ويربط باحكام اجيب البرعم مالتي واثبته هنان بالنص واربطه باحكام حتى ما يوقع زين بينما بالتركيب النبات الاصل ايش اسوي؟ اقطعه بشكل افقي بالقرب من سطح التربه يعني اني هو مو موجود بالتربه مزروع اناي شو اجي اسوي هو ومزروع اجي اقطعه بشكل افقي وبعدين اسوي به شق عامودي شق عمودي يعني شنو هيك شق طويل عمودي ويوضع فيه الطعم وايضا اربطه باحكام التطعيم بالبراعم منو وين استخدمه؟ استخدمه بالحمضيات حتى اكثر الحمضيات اللي هي منو الحمضيات برتقال لالنجي ليمون نومي حامض زين بينما التطعيم بالتركيب استخدمه بتطعيم اشجار الفاكهه شنو تطعيم اشجار الفاكهه التي يصعب الحصول منها على برعم مثل منو العنب مو بسهوله اقدر احصله احتاج وقت فانا شو اسوي استخدم التطعيم بالتركيب حتى اطلع لي هذا اباوع انه العنب عندي بيه وايه الوان الابيض والاسود والحتى احمر اكو تمام خلي نشوف زين يقول لي قارن بين التكاثر بالبذور والتكاثر بالتطعيم التكاثر بالبذور احنا مو اخذناه قبل شويه قلنا التكاثر بالبذور تكاثر طبيعي التكاثر بالتطعيم تكاثر خضري واصطناعي زين التكاثر بالبذوري يتم عن طريق شنو؟ بذور بذره وازرعها بالارض وتنتج لي التكاثر بالتطعيم يتم بواسطه التطعيم عن طريق نقل جزء نباتي حي الى نبات اخر اجي نبات اقطعه واجي الزقه بنبات اخر ثاني التكاثر بالبذور احصل على نباتات ناضجه فتره زمنيه طويله بينما التكاثر بالتطعيم احصل على نباتات ناضجه لكن بفتره زمنيه ايش بيها قصيره والصفات مال النبات الناتج شو تكون؟ مرغوبه يعني كلش استفاد منها كلش احبها زين اني قلت التكاثر بالتطعيم زين اني قلت عندي اكو نوع ثاني من التكاثر هسه اذا تتذكر ما شفناه قبل شويه انهي عندي التكاثر بالتطعيم وراء التكاثر الخضري الاصطناعي عندي تكاثر بالاقلام زين شنو هاي الاقلام الاقلام عندي بها انواع انواع الاقلام اللي استخدمها بتكاثر النباتات قلم ساقي طبعا هذا مهم جدا قلم ساقي وقلم ورقي وقلم جذري قلم جذري يعني بالجذر موجود قلم ساقي يعني ماخذته من الساق القلم الورقي مو على بالكم ورقه لا انا مو شايفين الورقه مو بها هيك تصير هاي الورقه مالتنا اكو هيك هذا خط وهنا به خطوط اني شو اسوي اخذ هذا الساق مال الورقه اللي بالوسط تمام فانواع الاقلام اللي استخدمها في تكاثر النباتات قلم ساقي قلم ورقي وقلم جذري زين عندي تعريف كلش مهم وركزوا وياي وزاري ويجي كلش هوايه اللي هو شنو هو اسمه الفسيله شنو الفسيله لعب اني شايفين النخله النخله دائما ايش كبرها مرات ملاحظين اكو من الجانب تنمو نخله ثانيه يصير عندها ساقين زين هاي النخله الثانيه هاي شو اسميها هاي النخله الصغيرونه اللي تنمو من النخله الكبيره اسميها الفسيله الفسيله شنو هي نمو جانبي ينشا من قاعده الساق من القاعده مالتها واستخدم لتكثير وتطابق الفسيله الام في خصاصه يعني تشبه الفسيله الام يعني اذا الفسيله مذكره تكون هاي النخله الفسيله الثانيه اللي اللي نجت الصغيره مذكره فسيله مؤنثه تكون هاي الشجره الناتجه ايضا مؤنثه تمام فهي نمو جانبي ينشا من قاعده الساق استخدمه لتكثيرها وتطابق الفسيله الام في خصائصها العامه تنتج لي الشجره المؤنثه فسيله مؤنثه والشجره المذكره ذكره تنتج لي فسيله مذكره تمام زين زين شنو الشروط اللي يجب ان تتوفر بالفسيله ان هاي دائما احنا من نريد شايفين بال كلنا من عندنا حدائق شو نسوي نحب نزرع بها زرع واهم زرع واحنا اللي معروفين به بالعراق وماكو واحد ما يحبه اللي هو التمور اللي هو النخل النخل انا خو ما اجيب نخله كبرها واشيلها لا انا وياكم نوقع بها غير فشو نسوي نجيب لنا النخله الصغيره اللي اناي خو ما اسميها نخله صغيره احنا بعد شويه كبرنا حنوصل متوسطه اسميها فسيله زين هاي الفسيله اريد ازرعها بمكان ثاني شنو الشروط اللي لازم تتوافر بها خلينا نشوف شروطها طبعا هاي مهمه جدا ومرشحه مال الفسيله حتى تشوفون حتى بالبيت تزرعونه انتم همين نفس النخل اول شيء انه لا يزيد عمرها عن ست اشهر شرط انه عمرها ست اشهر هي ممكن يكون عمرها اكثر اثنين قطر قاعدتها من 10 الى 20 سم يعني السمك مالتها من 10 الى 20 مو انا اجيب فسيله الكبرها ثلاثه مخروطيه الشكل وذا ساق كبيره نسبيا شكلها مخروطي والساق مالتها كبيره يعني ساقها تكون مثلا نقول هالكبر مو انا اجيبها طولها 10 امتار شي يشيلها زين وان تكون سليمه وخاليه من الامراض اني اهم شيء قلت انه تكون سليمه وخاليه من الامراض زين شايفين مرات ما عندنا اكو بيوت ما بها حديقه شو يسوون تضطر الام بالبيت احنا امهاتنا كلهم يحبون الزرع من ما عندها حديقه تسوي تجيب نباتات زينه اكو نبات زينه هذا لا يوسخ لا يخرب الدنيا ناشي ويبقى وشكله كلش حلو هذا من احد هاي النباتات نبات شو اسميه السايكس هذا النبات هو شنو هو هو اغلى نباتات الزينه نبات كلش غالي واطول عمر عمره يكون طويل ممكن ان يمتد عمره الى 50 سنه اكبر من عندنا اصلا ويتكاثر بشنو يتكاثر عن طريق الفسائل زين واكو عندنا شغله جايه هوايه وزاري ومرشحه ومهمه جدا اللي هي شنو الفرق بين الساق الحقيقيه وساق كاذبه اني مو النبته من اجي اباوعها الاحظ عندها ساق هاي الساق مالتها بها انواع نوعين كاذبه وحقيقيه الحقيقيه يا هي اللي تكون تحت سطح التربه هذا هم ممكن يجيكم فراغ والكاذبه فوق سطح التربه الحقيقيه هي تكون تحت سطح التربه الكاذبه فوق سطح التربه تمام زين شنو الفرق بين التكاثر بالفسائل والتكاثر بالاقلام التكاثر بالفسائل استخدم جزء كامل فسيله كامله واغرسها بالتربه وازرعها بينما بالاقلام لا اقطع الغصن الى اجزاء متعدده وبعدين اغرسها بالتربه يعني بالفسائل الفسيله بكملها وازرعها بالاقلام لا جزء صغير اكثر من جزء واسرع بالتربه تمام طلابي الحلوين يلا يا ابطال اريد وياي هسه هاي تقروها وحتى نسالكم ان شاء الله نجهز لكم اسئله واريد البطل والبطله اللي جاوبني عليها ولهه جائزه جدا كبيره تمام طلابي يلا بالتوفيق ان شاء الله هسه احنا ختمنا الوحده الاولى وراح نبدا ان شاء الله بالوحده الثانيه يلا تابعوني على قناه ملازم الشمس الخصوصي وايضا ايضا متوفره الملزمه للصف السادس ابتدائي مدعومه طبعا بشرح على اليوتيوب وتكون الملزمه جدا جميله ومريحه وحلوه فان شاء الله تابعونا بالتوفيق