‪الدرس الثاني والثالث علوم سادسة ابتدائي الترم الاول 2024 مفهوم الطاقة الحرارية وحالات المادة نشاط 4 6

بسم الله الرحمن الرحيم سلام عليكم ورحمه الله وبركاته ازيكم يا طلاب سنه سته النهارده هناخد الدرس الثاني والثالث في مفهوم الطاقه الحراريه وحاله الماده وبنبه على ان الحصه مهمه جدا بس قبل ما ادخل على الحصه تعال اما اقول لك ازاي تجيب الفيديوهات بالترتيب وتوصل لاي فيديو بسهوله جدا على القناه من غير ما تقعد تدور على الفيديوهات يا ريت كده تركزوا معايا احنا عندنا قناتين اكتب بس في البحث مستر محمد ابراهيم وهات اي قناه منهم واعمل عليها اللي انا هقول لك عليه ده اي قناه هتوصلك لنفس اللي انا عمله هتجيب القنوات اللي انت مشترك فيها وتجيب اي قناه من الاثنين بتوعنا والاثنين اسمهم مستر محمد ابراهيم وتدخل على القناه العاديه هتلاقي في هنا حاجه اسمها الشريط زي ما انت شايف كده الشريط ده يا جماعه بيتحرك معاك زي ما انت شايف هتخش على حاجه اسمها قوائم التشغيل وتنزل ممكن تجيب من هنا الفيديو الاخير اللي تم اضافته فهتلاقي الفيديوهات بتترتب معاك او ممكن تسيب القوائم زي ما هي وتقعد تدور على علوم الصف السادس هتيجي قدامك اول ما تضغط عليها هتجيب جيب لك فيديوهات الصف السادس بالترتيب الحصه الاولى والثانيه والثالثه والرابعه وهكذا ودايما بتكون الحصص الاخيره موجوده تحت خالص جميل الحصص كمان الجديده هتنزل في نفس قائمه التشغيل لما تيجي تذاكر ذاكر من هنا وادخل على قائمه التشغيل وشوف درسك بالترتيب وما تدورش عليها في وسط الفيديوهات يلا نبدا الحصه بتاعتنا طيب يلا بينا نبدا بس فضلا وليس امرا ما تنساش اللايك الجميل بتاعك على الفيديو لانه بيسهل وصول الفيديوهات للناس وما تنساش تصلي على سيدنا محمد عليه الصلاه والسلام بص يا سيدي الدرس الثاني بيتكلم عن الطاقه الحراريه وانتقال الحراره وبيتكلم كمان عن الحراره او درجه الحراره بص يا باشمهندس خدنا قبل كده ان احنا عندنا نوعين من الطاقه اما طاقه وضع واما طاقه حركه وقلنا ان الطاقات اللي موجوده حوالينا ممكن نصنفها لطاقه وضع او طاقه حركه وكنا خدنا قبل كده ان الطاقه الحراريه نوع من انواع الطاقات الحركه لان فيها انتقال للحراره طيب خدنا قبل كده كمان تعريف طاقه الحركه وقلنا دي الطاقه اللي بتبقى موجوده عند الجسم لما بيبقى متحرك لكن لو عندي جسم ساكن على ارتفاع معين يبقى له طاقه وضع فبيبقى السؤال او بيبدا الدرس بتاعنا بتعريف بفكرك بيه خدناه قبل كده بيقول لك الطاقه التي يكتسبها الجسم اثناء حركته الجسم لما يبقى عفوا متحرك يبقى له سرعه والجسم لو له سرعه يبقى له طاقه حركه يبقى ده تعريف طاقه الحركه طاقه الحركه هي الطاقه التي يكتسبها الجسم ولكن لما يكون متحرك وعرفنا ان طاقه الحركه بتتوقف على السرعه لو كان الجسم له سرعه كبيره يبقى طاقه حركته كبيره طب لو كان الجسم له سرعه صغيره يبقى طاقه حركته صغيره لذلك طاقه الحركه بيحصل لها ايه بزياده سرعه الجسم لو زادت سرعه الجسم تزداد طاقه الحركه يبقى وهي تزداد بزياده سرعه الجسم العلاقه بين سرعه الجسم وطاقه حركته علاقه طرديه لو زادت السرعه زادت طاقه حركته والعكس صحيح طيب بيجي تعريف تاني مهم جدا انا مش عايز اقوللك هو تعريف مين بس عايزين نستنتجه مع بعض صوره من صور طاقه الحركه قلنا قبل كده ان اي طاقه عندنا يا اما طاقه وضع يا اما طاقه حركه هنودي الطاقات كلها لطاقه وضع وطاقه حركه زي ما قلنا قبل كده ان الطاقه الصوتيه في الاصل طاقه حرك لان الصوت بينتقل بيتحرك اهو في صوره موجات خدنا الكلام ده في العلوم قبل كده لو انت ناسي افكرك فهي صوره من صور طاقه الحركه واحنا قلنا قبل كده ان الطاقه الحراريه هي صوره من صور طاقه الحركه على فكره بيقوللك تنتج عن حركه جسيمات فده تعريف لطاقه او الطاقه الحراريه الطاقه الحراريه لها تعريف يا صوره من صور طاقه الحركه بالفعل وتنتج من حركه جسيمات الماده كلام جميل بيقول لك بقى ايه اللي بيحصل للطاقه الحراريه لما تزداد طاقه حركه الجسيمات بص يا باش مدس طاقه حركه الجسيمات او سرعه الجسيمات ما هم الثنين بياثروا في بعض لو طاقه الحركه كبيره يبقى سرعه الجسيمات كبيره ولما تكون سرعه الجسيمات كبيره وطاقه حركتها كبيره ده بيخلي الطاقه الحراريه بتاعه الجسم ايه كبيره يبقى تزداد الطاقه الحراريه بزياده طاقه حركه الجسيمات اي بزياده سرعه الجسيم ما هو سرعه الجسيمات يا ود بيترتب عليه طاقه الحركه طاقه الحركه بتعتمد على السرعه لو طاقه الحركه كبيره يبقى السرعه كبيره وبالتالي لما اقول لك طاقه حركه الجسيمات كبيره يبقى سرعتها كبيره ولما يكون الاثنين دول كبار يخلي الطاقه الحراريه بتاعه الجسم كبيره يبقى طاقه الحركه هي الطاقه التي يكتسبها الجسم اثناء حركته وصوره من صور الطاقه تنتج عن حركه جسيمات الماده دي طاقه حراريه والطاقه الحراريه بتزداد بزياده طاقه حركه الجسيمات في تعريف مهم جدا بقى للطاقه الحراريه مجموع بس ركز مجموع انهي طاقات مجموع طاقات حركه الذرات والجزيئات للماده باكملها لما يكون عندك طاقه حركه وتجمع طاقه الحركه بتاعه الذرات والجسيمات للماده كلها يديك الطاقه الحراريه برده الطاقه الحراريه هي مجموع طاقات حركه ذرات وجزيئات الماده كلها ولو جينا نبص في التعريف هنلاقيه منطقي لان الطاقه الحراريه في الاصل هي طاقه حركه زي ما احنا لسه قايلين هي صوره من صور طاقه الحركه لذلك الطاقه الحراريه هي مجموع طاق طاقات حركه الذرات والجزيئات واحنا عارفين ان الماده بتتكون من جسيمات صغيره اسمها الجزيئات وكل جزيء بيتكون من وحدات اصغر منه اسمها الذرات فلو خدت طاقه الحركه للذرات والجزيئات وجمعتهم الاثنين كده للماده كلها هيديني الطاقه الحراريه للماده طيب هل هل صح ولا الغلط هل تعتبر الطاقه الحراريه للماده او للجسم من خواص الماده يعني لما نيجي نشوف خواص الماده كده نلاقي الحاله الحراريه او الطاقه الحراريه خاصيه من خواص الماده بكل تاكيد نعم طب ليه بقى تعتبر الطاقه الحراريه خاصيه من خواص الماده تعال اما اقول لك بص هو بكل بساطه كده لما انت بتقول على جسم ساخن او جسم بارد فانت بكده بتعبر عن مقدار الطاقه الحراريه اللي هو بيمسكها او اللي هو بيمتلك يعني فلو انت قلت لي الجسم ده سخن فبالتالي هو عنده طاقه كبيره ولو قلت لي الجسم ده بارد فبالتالي هو عنده طاقه قليله لذلك تعتبر فعليا الطاقه الحراريه من خواص الماده لان احنا لما بنقول الجسم ده ساخن او الجسم ده بارد فانا كده بقول لك مقدار الطاقه اللي بيمتلك فلو كان الجسم بتاعنا جسم بارد يبقى ده بيمتلك مقدار من الطاقه صغير ولو كان الجسم ده ساخن فبي امتلك مقدارا من الطاقه كبير طيب اللي فهم بقى اللي فهم احنا دلوقتي بسالك سؤال عايزك تفصله معايا مش عايز اديك المعلومه وتحفظها وخلاص عايزين نتناقش كده هو ليه مقدار الطاقه الحراريه للشمع المنصهر يعني الشمع اللي انا عملت له عمليه انصهار اكبر من الطاقه بتاعه الشمع الصلب ليه بقى هي الطاقه بتعتمد على ايه الطاقه الحراريه بتعتمد على ايه مش احنا من شويه قلنا ان الطاقه الحراريه بتعتمد على طاقه الحركه وسرعه الجسيمات اه وقلنا كمان ان الجسم لما يكون سخن بيمتلك طاقه كبيره لذلك لو جينا نبص على الشمع صهر هنلاقي سرعه الجزيئات فيه كبيره اكبر من سرعه الجزيئات في الشمع الصلب وده بيرجع برض لنوع نوع الماده او حاله الماده هفهمك اكتر وتعالى معايا لو احنا رحنا للحاله الصلبه الحاله الصلبه هفكرك بحاجات انت اخدتها قبل كده رغم ان انت ناسيها نسيان تام يعني دي حاله صلبه ودي حاله سائله الحاله الصلبه فاكر كانت الجسيمات بتاعتها جسيمات الماده متقاربه جدا ومتماسكه جدا وبتتحرك حركه بطيئه او اهتزازيه في مكانها حركه الجسيمات هنا بطيئه وحركه الجسيمات في الحاله السائله او الجسيمات كان شكلها بيبقى عامل كده حركه الجسيمات هي الجسيمات دي يا مستر دي الحاجات الصغيره اللي بتكون الماده اسرع يعني الجسيمات هنا بتتحرك اسرع من هنا قلا ما احنا بنتكلم في سرعه اهو سرعه الجسيمات لما تبقى كبيره تخلي طاقه حركتها كبيره لذلك تمتلك طاقه حراريه اكبر تعال لي تعال لي ما تمشيش تعال هنا افهم افهم دلوقتي الشمع المنصهر ده حاله سائله والشمع الصلب دي ماده صلبه انا مش لازم اجي في الامتحان واقول لك ماده صلبه وماده سائله ما انا ممكن اجيب لك مثال عليهم الاثنين الشمع المنصهر ده حاله سائله والشمع المنصهر اللي موجود في حاله سائله جسيمات بتتحرك بسرعه اكبر فبالتالي لما يكون ليها سرعه اكبر يبقى لها طاقه حركه اكبر وبالتالي يبقى لها طاقه حراريه اكبر مش انا لسه اال لك من شويه تزداد الطاقه الحراريه بزياده طاقه الحركه والسرعه طب ما ارجع بقى للاصل انا عايزك ترجع كده وتفهم وتحلل يبقى انا لازم اكون عارف معلومه قبل ما اجاوب السؤال ده لازم ارجع اعمل عمليه استذكار للمعلومه دي ان الحاله الصلبه جزي ماتها مترابطه متماسكه وحركه الجسيمات هنا بطيئه لذلك تمتلك طاقه قليله كذلك الحاله السائله حركه جسيماتها اسرع ليه لان الترابط هنا اقل ولما تكون حركه الجسيمات فيها اسرع او حركه الجزيئات فيها اسرع لذلك تمتلك طاقه حراريه اكبر يبقى انا لو عايز اجاوب على السؤال اللي مكتوب ليه مقدار الطاقه الحراريه للشمع المنصهر اكبر من مقدار الطاقه الحراريه للشمع الصلبه اقول له ايه ارجع مقدار الطاقه الحراريه لسرعه الجسيمات اقول له لان سرعه الجسيمات في الحاله او في الماده السائله وهي الشمع المنصهر اكبر من سرعه الجسيمات في الماده الصلبه وهي الشمع الصلب يبقى لما يقول لك ليه دي بتمتلك طاقه حراريه اكبر اعرف ان ده بيرجع لسرعه الجسيمات وسرعه الجسيمات بتاثر في طاقه الحركه لو كانت سرعه الجسيمات كبيره يبقى طاقه حركتها كبيره يبقى بتمتلك طاقه حراريه كبيره طيب لازم تعرف ان احنا عندنا مبدا في العلوم انا قلته لك الحصه اللي فاتت بس برده لازم افكرك علشان اقدر ادخل على جزئيه جديده يبقى لازم اسلم الفكره للفكره بص يا سيدي احنا لو عندنا جسم سخن وجسم بارد جسم سخن او ساخن يعني وجسم بارد عندنا مبدا في العلوم بيقول لك ان الطاقه الحراريه بتنتقل من الجسم الساخن للبارد لذلك الطاقه الحراريه هتمشي من السخن للبارد ده كده اتجاه انتقال الحراره من واحد فيهم ل للثاني ودايما الحراره بتنتقل من الجسم الاعلى في درجه الحراره للجسم الاقل في درجه الحراره طيب ايه اللي هيحصل لو انا لمست جسمين لبعض لمست جسمين لبعض الاثنين لهم نفس درجه الحراره يعني دول جسمين لهم نفس درجه الحراره ايه اللي هيحصل احنا واخدين في العلوم احنا واخدين في العلوم ان الجسم الساخن بيدي للبرد الحراره لكن دلوقتي الجسمين ليهم نفس درجه الحراره ولا واحد منهم هيدي لي التاني حراره لن تنتقل اهو ده الاجابه لن تنتقل الحراره بينهم يعني مافيش حد فيهم يدي للتاني لان الاتنين لهم نفس درجه الحراره والمبدا عندنا ان درجه الحراره بتمشي من الجسم العالي في درجه الحراره للجسم الاقل في درجه الحراره لذلك لو حضرتك مسكت حله على النار هتتلعب مسكت كوبايه شاي من النص شويه كده لازم تسيبها بسرعه لان ايدك بتتلسع طب ليه فهمني ليه عند الامساك بكوب ماء ساخن او كوب شاي ساخن بنشعر بال بالحراره بتاعه الكوب ليه لان الحراره يا باشمهندس بتمشي من الجسم الساخن اللي هو الكوب الى الجسم البارد اللي هو ايديك لذلك لماذا نشعر بالسخونه عند لمس كوب ساخن ليه بنشعر بالسخونه ليه بنحس ليه بنتل سع بالبلدي ليه بتلسع يعني لما بمسك كوب ساخن او كو ما ساخن لان الحراره تنتقل من الجسم الاعلى في درجه الحراره للجسم الاقل في درجه الحراره بس وانا بقول له الجسم الاعلى بين قوسين كده اقول له كوب الشاي او كوب ساخن والجسم الاقل في درجه الحراره اقول له ايه اليد بتاعتنا نقول له ايه نقول له الناس اللي بتكتب بقى نقول له لان الحراره تنتقل من الجسم الساخن وهو الكوب الى الجسم البارد وهو اليدين بنفس الفكره بالظبط ليه لما ممسك مكعب ثلج بحس بالبروده طب اسالك سؤال معلش الاول هو مين درجه حرارته اعلى من الثاني ايدك ولا الثلج مين اعلى في درجه الحراره طبعا ايدك ايدك درجه حرارتها اعلى من الثلج الثلج درجه حرارته صفر يا باشمهندس انت درجه حرارتك مش صفر انت درجه حرارتك اكبر من الصفر طيب لذلك لما حضرتك بتحط الثلج على ايديك مين بياخد حراره من مين الثلج بياخد حراره منك يعني ايدك بتدي للثلج حراره لان ايدك اعلى من الثلج في درجه الحراره واحنا عندنا مبدا اهو ان درجه الحراره بتمشي من الجسم العالي في درجه الحراره للجسم الاقل الثلج دايما بيسحب حراره لان درجه حرارته منخفضه صفر جدا صفر درجه موي لذلك انا لما بشعر لما بحط يعني قطعه ثلج على ايدي لازم اشعر بالبروده لان الثلج سحب الايه سحب الحراره اللي في ايدي لان ايدي بتدي حراره للثلج نقول له ايه يعني ليه نشعر بالبروده عند لمس مكعب من التلج نقول له لان درجه الحراره تنتقل من الجسم الاعلى في درجه الحراره بين قوسين وهو اليدين الى الجسم الاقل في درجه حراره وهو التلج يبقى انا لازم اعرف مين اعلى من مين وانا عندي مبدا اهو ان الحراره بتمشي من العالي للاقل انت بس كل اللي عليك تعرف لما تكون ماسك كوبايه سخنه مين اسخن من مين الكوبايه اسخن من ايدي لذلك الحراره هتمشي من الكوبايه لايديك فتتلف طب انا دلوقتي ماسك قطعه تلج لا الحراره هتنتقل من ايدي للثلج فيصيح وانا اشعر بالبروده يبقى نشعر بالبروده لان التلج بيبدا في الانصهار لانه بدا ياخد حراره من ايديا بالبلدي كده انا عايزك تفهم علوم مش عايزك ترتب لي كلام تحفظه خلاص مهمه طيب ما هو شرط انتقال الحراره بين جسمين يعني دلوقتي في جسمين عايز اعرف ايه الشرط اللي يخلي الحراره تنتقل من واحد للتاني ان يكون واحد فيهم اكبر من التاني في درجه الحراره اعلى من الاني في درجه الحراره ان يوجد ان يوجد فرق في درجات الحراره بينهم يعني ايه الكلام ده بقى ان يكون في فرق في درجه الحراره ما بينهم يعني واحد فيهم عالي والتاني واحد اقل لذلك لو لمست جسمين ملمسين لبعض لهم نفس درجه الحراره ما فيش حد فيهم يدل تاني ليه لان انا عندي شرط ان الحراره تنتقل من جسم للتاني ان يكون هناك جسم اعلى من التاني في درجه الحراره عشان نرجع للمبدا بتاعنا ان الحراره بتمشي من الجسم الحالي للجسم الاقل وبالتالي لو جبت اثنين قد بعض ماحدش فيهم يدي للتاني يبقى شرط انتقال الحراره ان يكون ممكن تقول كده ان يكون هناك جسم اعلى من الاخر في درجه الحراره او ان يوجد فرق في درجات الحراره بينهما جميل طيب لذلك عايزين برض نطلع بتعريف مهم جدا من هنا احنا قلنا ان درجه الحراره او عفوا الحراره نفسها الحراره بتنتقل من الجسم الاعلى في درجه الحراره الى الجسم الاقل بص كده تعريف الحراره الحراره ديت يا ود اللي هي الطاقه الحريه يعني فلما اقوللك حراره يعني طاقه حريه فال الحراره بتنتقل من الجسم الاعلى في درجه الحراره للجسم الاقل طب لو جيت اقوللك بقى تعريف كميه الطاقه اللي بتنتقل من الجسم الاعلى للجسم الاقل اهي التعريفات كلها مستنبطه من الكلام اللي بنقوله تاني بقول لك كميه الطاقه اللي بتنتقل من الجسم الاعلى في درجه الحراره للجسم الاقل الحراره والحراره دي عندنا يعني الطاقه الحريه بص التعريف تحت اهو كميه الطاقه اللي بتنتقل من الجسم الاعلى في درجه الحراره الى الجسم الاقل تقول له الحراره وانت كراجل في سنه ست عارف الحراره ديت اللي هي ايه اللي هي الطاقه الحراريه خلي بالك من كتر التعريفات لان في تعريفات كتير للطاقه الحراريه اهو كميه الطاقه اللي بتمشي من الجسم العالي للجسم الاقل هي الطاقه الحراريه اللي هي الحراره وده مبدا عندنا في العلوم انها بتنتقم من العالي للاقل وان شاء الله لما هتاخد الكهربيه هتعرف برض نفس الكلام ان الق او الشحنات الكهربيه بتنتقل من الجسم الاعلى الى الجسم الاقل برده ولكن مش في الحراره ولكن هيبقى في حاجه اسمها الجهد بقى بعد كده خلينا نكمل لان ده مش موضوع يعني الراجل بياكد كلامنا وجايب السؤال بيقول لك ماذا يحدث عند تلامس جسمين لهم نس درجه الحراره لن تنتقل الحراره بينهم لا يحدث انتقال الحراره بينهم لا يحدث انتقال للحراره بينهم ليه مش هيحصل انتقال للحراره بينهم لان هم الثنين قد بعض في درجه الحراره واحنا عندنا درجه الحراره بتمشي من العالي للاقل وبالتالي تتوقف انتقال الحراره بينهم لانهم قد بعض طيب ده بقى كده زي اسمك زي اسمك يا باشمهندس يا دكتوره السؤال اللي جاي ده زي اسمك صدقني المعلومه دي موجوده في اول اعدادي بس ماعرفش السنه دي نزلها لكم ليه لان انا كنت احب ان انا اشرحها بالتفصيل قوي دلوقتي ولكن هيجي وقتها ما تقلقش طرق انتقال الحراره واسمحوا لي اسمحوا لي انا اطول في الجزئيه دي عشان افهمها لك مش اكتر ولكن اللي انا هفهمه لك ده مش موجود عليك بس انا احب انك تعرف الاول تعال نقول المعلومه ما هي طرق انتقال الحراره توجد ثلاث طرق لانتقال الحراره اول حاجه كده التوصيل التوصيل تاني حاجه اسمها الحمل وثالث حاجه اسمها الاشعاع ثلاث طرق لانتقال الحراره بين الاجسام الثلاث طرق دول ممكن يجوا لك في الاكمل اكمل من طرق انتقال الحراره نقط ونقط ونقط التوصيل والحمل والاشعاع من اول دلوقتي ده مش موجود عليك انا بس هاخد دقيقتين اوضح لك يعني ايه دول عشان الكتاب ما وضح قوي دلوقتي بس انا عايز اوضح لك الكلام ده دلوقتي يعني ايه انتقال الحراره بالتوصيل بص يا بطل لو انت جبت جسم صلب وجسم صلب لمستهم لبعض واحد فيهم درجته 50 والثاني 30 ف درجه الحراره هتنتقل اسمع بقى كويس كده درجه الحراره هتنتقل من الجسم العالي للجسم الاقل عند تلامسه ما يعني لما يتوصلوا ببعض فلذلك بتنتقل درجه الحراره عند التلامس بالتوصيل بين الاجسام الصلبه فدره الحراره بتنتقل بين الاجسام الصلبه بالتوصيل الصلبه بس يبقى لو انا مثلا عندي معدن ساخن وايدي مسكته فانا كده اتلسعت عشان درجه الحراره انتقلت من الجسم العالي لاديا بالتوصيل اما الحمل والاشعاع ده يا ود بيبقى في الاوساط السائله او الغازيه في الميه مثلا او في الهواء هقول لك ازاي لما بيكون عندنا تكييف التكييف ده يا ولاد بنحطه في فوق في الاوضه التكييف ده الهواء الملامس ليه طبعا التكييف بيبرد الهواء التكيييف محطوط فوق ليه لان تعال كده نجيب ورقه ونشرح عليها بسرعه التكيييف لما بيبقى محطوط فوق الهواء الملامس للتكييف يا ود بيبرد ولما الهوا بيبرد بتزداد كثافته ويقوم نازل تحت طب والهواء الدافي الهواء الدافئ يعمل ايه يطلع مكان ما هو طالما في هواء نزل لازم هوا تاني يطلع مكانه تمام طيب الهواء الدافئ يعمل ايه يروح يلمس التكيييف يبرده يقوم كثافته تزيد يقوم نازل تحت ومطلع شويه الهواء الدافئ اللي تحت ويفضل التكييف شغال لحد ما كل الهواء الدافئ اللي تحت يطلع فوق يلمس للتكييف يبرده تزداد كثافته وينزل لحد ما يتم تبريد الهواء كله يقوم التكييف فاصل اول ما يحس ان في هواء درجه حرارته زادت يقوم واخده بقى ايه مبرده وهكذا بص بقى كده مش في هوا بارد بينزل وفي هواء بارد بيطلع اوه ده كده انتقال الحراره بالحمل والاشعاع بس خد بالك بقى الاشعاع مش هنا الاشعاع بيبقى في الفراغ الموجود ما بينا وبين الشمس هو ده بالحمل اللي احنا كنا بنشرح من شويه ده طرق انتقال الحراره بالحمل لكن الاشعاع الاشعاع ده يا اد لما يبقى في اشعه ماشيه في الفراغ وده يعتبر او بيتمثل في اشعه الشمس بس اشعه الشمس هي الحاجه اللي بتوصل لنا بالاشعاع لان في فراغ ما بين الارض وبين الشمس والاشعه لما تمشي في الفراغ يبقى كده وصلت لك بالاشعاع انا بس بزود معلوماتك ليه لان مش حابب اقول لك طرق انتقال الحراره وامشي اللي انا قلته ده مش عليك انت كل اللي عليك بس طرق انتقال الحراره الحراره بتنتقل بالتوصيل بين الاجسام الصلبه الحراره بتنتقل بالحمل في الاوساط السائله او الغازيه الحراره بتنتقل بالاشعاع لما يبقى في فراغ بينك وبين الحاجه اللي بتوصل لك حراره زي مثلا اشعه الشمس لما بتوصل لك واحنا طبعا عارفين ان في فراغ كبير جدا ما بين الكره الارضيه وما بين الشمس ولما توصل لنا اشعه الشمس يبقى كده مشيت في الفراغ لذلك وصلت لنا بحاجه اسمها الاشعاع اعد الكلام ده خلينا نخش في المنهج بتاعنا تاني عشان الحصه اصلا طويله طيب مقياس لمتوسط طاقه حركه الجسيمات او طاقه حركه جسيمات الماده اللي هي الذرات والجزيئات ده كده بقى تع ريف لدرجه الحراره تاني تاني كده وعندي كمان تعريف ممكن يعجبك احلى من ده الاول تعال نكتب التعريف من هو مقياس لمتوسط طاقه حركه الجسيمات اللي هي الذرات والجزيئات ده درجه الحراره ده تعريف مهم وعليك وخد بالك لو انا عرفت ركز كده لو انا عرفت درجه حراره الجسم لو الجسم ده مثلا درجه حرارته 50 والجسم ده درجه حرارته 40 مش انا كده عرفت ان الحراره بتمشي من دهو لده اهو العالي للايه للاقل فلما عرف تسمع بقى بقلبك بقى انا عايزك تسمع علوم بقلبك كده لما عرفت درجه حراره الجسم يا اد فانا عرفت الجسم ده هيدي هيدي للجسم التاني حراره ولا هياخد لذلك دي ايه دي دي درجه الحراره فدره الحراره ممكن نحط لها تعريف تاني الحاله الحراريه للجسم اللي بتبين هو هيدي الجسم الثاني حراره ولا هياخد منه لما يتوصل بيه لما يحصل لهم تلامس بقى مش احنا قلنا الاجسام الصلبه بتنتقل ما بينهم الحراره بالتلامس يبقى برض ممكن نصان بالتعريف حلو الحاله الحراريه للجسم اللي بتوضح انتقال الحراره منه او اليه اذا ما وصل بجسم اخر حلو قوي التعريف ده انت سمعته خليه بس يرن في ودانك لكن خليك في التعريف الحلو ده التعريف الحلو ده ده اللي انا عايزك تحفظه وده المقرر عليك مقياس لمتوسط طاقه حركه الجسيمات اللي هي الذرات والجزيئات ده كده تعريف درجه الحراره وتعريف مهم جدا في عندنا بقى جزئيه مهمه قوي وهو العلاقه ما بين الطاقه الحراريه وطاقه الحركه ودرجه الحراره خلينا نخش في اهم جزئيه في الحصه بص يا بطل عايزك تعرف كويس جدا ان انا لما باخد الماده اسخنها فانا كده بعمل على اكساب الماده دي طاقه ما انت بتديها حراره يبقى انت بتزود انت بتدي لها طاقه طيب لما انا بعمل تسخين للماده ايه اللي بيحصل بتنتقل الطاقه الحراريه للماده يبقى اول حاجه بتنتقل الطاقه الحراريه للماده طيب وايه يعني تنتقل طاقه حراريه للماده لا ده انت كده زودت من سرعه الجسيمات خد بقى تعال كده انا عندي ثلاث حاجات مرتبطين ببعض زي اسمك الطاقه الحراريه وطاقه الحركه والسرعه السرعه زادت تزود طاقه الحركه تزود الطاقه الحراريه للماده الطاقه الحراريه للماده كبيره يبقى طاقه حركتها كبيره يبقى سرعتها كبيره التلاته كده ايه صحاب طيب تنتقل الطاقه الحراريه للماده ما انا بسخنه وتكتسب جسيماتها حراره ولما تكتسب جسيماتها حراره تقوم تزداد طاقه حركتها وتزداد سرعتها وبالتالي تزداد سرعتها وتزداد طاقه حركتها وبالتالي تصبح درجه حرارتها كبيره او ترتفع درجه حرارتها وبالتالي ترتفع درجه حرارتها لذلك ليه لما بنسخن الماده بترتفع درجه حرارتها عشان الكلام ده كله عشان بتنتقل طاقه حراريه للماده وساعتها بتكتسب جسيماتها حراره وبتزيد سرعتها وطاقه حركتها فتقوم ترتفع درجه حرارتها طب اعكس الكلام ده لما تاخد شويه ميه تحطهم في الفريزر يعني تبرد الماده يعني انا دلوقتي لو عملت عمليه تبريد للماده اعكس الكلام يا هندسه اعكس الكلام يا دكتور ايه اللي بيحصل انا دلوقتي بحط كميه من المايه في الفريزر الفريزر بيسحب الحراره من الماده يعني كده بيفقدها حراره عندما نضع الماده في الفريزر او نضع كميه من الماء في الفريزر او عند تبريد الماده تفقد الماده للطاقه الحراريه الطاقه الحراريه الماده بتفقد حراره وبتفقد جسيماتها حراره وبالتالي تقل سرعه الجسيمات وبالتالي تقل طاقه الحركه وبالتالي تنخفض درجه در حرارتها و تنخفض درجه حرارتها وتتحول للحاله الصلبه جميل طيب خد بالك بقى من حاجه كمان يعني الحصه دي دسمه جدا ما شاء الله لو احنا عندنا شويه ميه ركز ماء الجسيمات بتاعته بتبقى عامله كده صح انت اخدتهم حطيتهم في الفريزر ايه اللي هيحصل للجسيمات لما تاخدهم تحطهم في الفريزر فانت بتعمل عمليه تبريد صح التبريد ده يعني ايه سحب حراره سحب حراره يعني ايه انت بتفقد تفقد الماده حراره لما تفقد الماده حراره سرعه الجسيمات تقل وترجع تتقارب من بعضها الجسيمات بقى تقرب من بعضها وتلزق كده وتتماسك وتصبح حركتها اقل فالمايه تتحول لايه لثلج ماده صلبه جسيمات متماسكه ومترابط ومتقارب ايه مبلم ليه شويه ميه حطيتهم في الفريزر بيتلج بيعملوا تلج طب ليه الميه رجعت لحاله صلبه عشان انت افقدت الجسيمات حراره سحبت منها حراره فانكم بقى انت سحبت منها حراره اه سرعتها تقل وترجع تتماسك تاني مع بعض وتتقارب والحركه بتاعتها ما تبقاش كبيره تصبح حركه اهتزازيه في مكانها فتتحول لماده صلبه ومين الماده الصلبه اللي في الميه التلج احنا م قلناش المعلومه دي قبل كده ولا ايه هي هندسه في ايه طيب ملحوظه ان اكتساب او فقد الماده لطاقه حراريه بيؤثر في سرعه الجسيمات طب ما احنا قلنا كده لما ادينا طاقه حراريه للماده سرعتها زادت ولما خدنا طاقه حراريه يعني بردنا الماده سرعتها قلت وده بياثر في حالات الماده وطاقه حرارتها كمان وبالتالي يؤثر في درجه الحراره وكل ده بياثر في الماده بقى هتبقى صلب ولا سئل ولا غاز اكتساب او فقد الماده للحراره بيؤثر في سرعتها وطاقه حركتها ودرجه الحراره بتاعتها وده برضو بياثر في حاله الماده سواء كانت بقى هتبقى صلب ولا سايل ولا غاز خلاص طيب بالتتابع كده خليك ماشي معايا في الجزئيه دي لان انا ماشي فيها سيستم خليك معايا طيب ايه اللي فاهم هل يمكن القول يعني نختصر الكلام اللي فات ده كله في الجمله دي هل ينفع نختصر الكلام اللي فات في الجمله دي ولا الجمله دي فيها حاجه غلط لو ينفع اول لي نعم يمكن القول لو ما ينفعش يقول لي لا وقف الفيديو واقرا الجمله وجاوب قبل ما انا اجاوب كلما زادت سرعه الجسيمات ارتفعت درجه حراره الماده والعكس صحيح ده نعم جدا نعم قوي نعم بشياكه اه ينفع طب ليه لان لما تزداد سرعه الجسيمات بتزداد طاقه حركتها وبالتالي بترتفع درجه حرارتها احنا سالين الكلام ده من شويه والعكس وامتى تزداد سرعه الجسيمات لو ز لو اديتها حراره خدي حراره سخنتها يعني وامتى يحصل العكس لو بردتها حطيتها في الفريزر كلام سهل اهو طيب السؤال ده لو بحط امتحان لو بحط امتحان فعليا والله لطلاب سنه سه في نهايه اللي هو الترم يعني هقوله اكمل يعتمد تغير حاله الماده على نقط فلازم الولد يرد بكل ثقه يقوللي تعتمد على درجه الحراره درجه حراره الماده بتاع او بتحدد حاله الماده ايه يعني مثلا لو درجه حراره الماده دي عاليه قوي يبقى الماده دي اكيد مش صلبه مثلا لا هتنس احنا عارف بنعمل للحديد ايه عشان ينصهر بنديله حراره كتير يوم ينصهر يتحول من الصلب لايه للسائل لذلك درجه حراره الماده بتاثر في حالتها يعني ايه حالتها يعني هي صلبه ولا سائله ولا غازيه ما هيي حالات الماده الفيزيائيه الثلاثه صلب سائل الغاز فلما اقول لك تغير حالات الماده يعني بتتغير من صلب لسائل الغاز بالايه بالحراره الحراره هي يعني مش مش عارف مش لاقي كلمه احطها تعبر عن ان ان السبب الرئيسي في التحول ما بين حالات الماده الثلاثه هو درجه الحراره فالسؤال قدامك خلي بالك منه يعتمد تغير حاله الماده على درجات الحراره او درجه الحراره جميل طب ازاي بقى تعالى نمشي واحده واحده كده على عمليات الانصهار والتبخر والتكثف والتجمد عمليه الانصهار قبل ما تحفظ التعريفات عايزك تقنع نفسك باللي احنا بنقوله ومن اللي احنا بنقوله هات التعريف طيب حضرتك دلوقتي انا معايا شويه ثلج ثلج لو انا سبتهم او حطيتهم على البوتاجاز هيتحول لايه ل ميه شباب لما التلج يتحول لميه احنا بنقول الثلج ماله بنقول الثلج انصهر ايوه لو معانا حديد حطينه على النار بعد شويه هنقول الحديد ايه انصهر فبالتالي هنا التلج حالته حاله صلبه لما انصهر اتحول لايه لسائل لميه فعمل تحول الماده من الحاله الصلبه للحاله السائله ده اسمه انصهار تاني عمليه تحول الماده من الحاله الصلبه للحاله السائله ده بنقول عليه عمليه الانصهار ولكن في حته في التعريف انت ماخدتش بالك منها امتى عند ارتفاع درجه الحراره لما ترتفع درجه حراره الماده تقوم تنصهر تتحول من حاله صلبه لحاله سائل افتكر الحديد الصلب لما عدى نسخن فيه يعني بنرفع درجه رضه يقوم يتحول لسائل انا فهمت يا مستر بس اللي ما فهمتوش ازاي التلج بيتحول لميه برفع درجه الحراره قلنا قبل كده ان التلج بيسحب حراره من الوسط المحيط بيسحب حراره الشمس لان درجه الحراره بتمشي من الجسم العالي لاقل فبالتالي التلج بيسحب حراره من الشمس لان درجه حرارته منخفضه فهو عمال يسحب حراره فتقوم درجه حرارته ترتفع يقوم ينصهر يدينا ميه لذلك عمليه الانصهار تعريفها عمليه تحول شويه تلج لشويه ميه بمعنى تاني الثلج ده حاله صلبه والميه حاله سائله فبالتالي تحول الماده من الحاله الصلبه للحاله السائله عند ارتفاع درجه الحراره يسمى انصهار شمع منصهر حديد منصهر تلج منصهر كل ده تعريف لنفس الكلام بالظبط الماده الصلبه جسيماتها زي ما انت شايف كده جسيمات الماده الصلبه متقاربه متماسكه حركتها بطيئه حركتها اهتزازيه في مكانها فلما يقوللك الماده الصلبه اللي جسيماتها متقاربه وجسيمات بطيئه بالتسخين هيحصل لها ايه تنصهر ايوه تنصهر تتحول لايه تتحول لماده سائله والماده السائله شكل جسيماتها عامل كده مش مترابطه زي الماده الصلبه طب جسيماتها ايه متباعده اكتر من دي لان دي اصلا متقاربه هنا جز جتها بطيئه لا هنا جسيماتها مالها سريعه جميل يبقى انا عرفت يعني ايه عمليه انصهار طيب كلام جميل جدا في عندي عمليه تانيه اسمها عمليه التبخر تعال نتكلم عنها يلا افهم وبعدين احفظ لو احنا حطينا افهم كده لو احنا حطينا شويه ميه على النار وفضلت الميه تغلي هي ما بتبدا تتبخر الا لو غليت احنا مش بنحط الميه على النار نلاقيها بتتبخر لا لازم توصل لمرحله الغليان الاول تلاقي الميه بتعمل يعني فقاعات كده وبدات ايه تغلي اول لما الميه تغلي تبدا تتبخر تبدا تطلع في صوره بخار ولو سبت البوتاجاز او ايا كان بقى اللي انت مولعه على الميه لفتره كبيره هتيجي بعد شويه تلاقي الميه كلها اتبخر والاناء بقى فاضي كل الميه بتتبخر تتحول من ميه لبخار ميه خد بالك من حاجه ان الميه دي حاله سائله وبخار الميه حاله غازيه يعني لما اقوللك الميه تبخرت يعني الميه اتحولت من سائل لغاز بارتفاع درجه الحراره ما انت عاال تسخن يبقى لما اقوللك عمليه التبخر يعني تقوم مكلم نفسك كده شويه ميه تبخروا الميه دي حاله سائله اتبخر بقى بخار ميه دي حاله غازيه بالتسخين يبقى عمليه تحول الماده من الحاله شويه اليه كانوا حاله سائله شويه بخار مايه حاله غازيه وطبعا ده بيحصل عند ارتفاع درجه الحراره بالتسخين ايوه كده اكلم نفسك كده عمليه تحول الماده من الحاله السائله اللي ههم شويه الميه الى الحاله الغازيه اللي هما بخار الميه باستمرار التسخين يعني برفع درجه الحراره دي ماده سائله بالتسخين هتعمل ايه دي ماده سائله بسخن هتقوم تعمل ايه تتبخر تتبخر تديك ايه بقى تديك جزيئات متباعده بقى قوي ده يمشي كده وده يمشي كده وده تمشي كده ده حركه الجزيئات بتاعه الماده ايه الغازيه الماده الغازيه بتتحرك في ايه في جميع الاتجاهات تروح وترجع تروح وترجع كده وحركتها عشوائيه في كل الاتجاهات دي كده ماده سائله المسافات كبيره بس مش اكبر من هنا الجسيمات هنا سريعه ومتباعده هنا اكثر سرعه واكثر تباعد الجسيمات هنا اكبر سرعه واكثر تباح ما هي ماده غازيه واحنا خدنا مقارنه ما بين حالات الماده قبل كده يبقى عمليه التبخر والله عندي شويه ميه تبخره شويه الميه يعني حاله سائله تبخره بقى حاله غازيه يبقى تحول الماده من الحاله السائله للحاله الغازيه بالتسخين او عند ارتفاع درجه حرارتها صعب الكلام لا طب عندي عمليه اسمها عمليه التكاثف خلي اسمع بقى كويس خلي الميه على النار وخليها تغلي انت ممكن تعمل التجربه دي في البيت بس مع ماما او بابا عشان ما تولع في البيت خلي الميه تغلي سيبها تغلي وتعال هات غطا بس يا ريت يكون غطا زجاج علشان تشوف بعينيك اللي هيحصل لان ممكن يحصل عادي غطا حل عادي الومنيوم بس مش هتشوف ده الا لما لازم ايه تقلب الغطاء هات غطا ازاز وحط فوق الميه اللي بتغلي اللي بيقابل حط الغطاء مقابل للبخار اللي بيطلع يعني تسيب الميه تغلي تطلع بخار وحط انت غطاء الحله فوق وبص كده للغطاء هتلاقي بدا البخار يتحول لميه تاني لما يلامس الغطاء ايه اللي حصل بنقول البخار اتكثف يعني رجع ميه تاني طب لما البخار يتكثف ويرجع ميه تاني يعني كده ما حصلش ارتفاع في درجه الحراره ده كده حصل انخفاض في درجه الحراره طب ليه بقى البخار اللي طالع درجه حرارته كبيره صح صح الغطا درجه حرارته قليله لما البخار وهو طالع يخبط في في الغطا البخار بيدي للغطاء درجه حرارته فيقوم الغطا يسخن والبخار درجه حرارته تقل ولما البخار درجه حرارته تقل يرجع للحاله اللي قبله الحاله السائله فيقوم يتكثف يرجع ميه ثاني ايه اللي انت بتقوله ده يا مستر انا دماغي لفت صراحه تاني يا مستر بص يا سيدي دي حله موجوده على النار اهي ومولع وحاطط ميه الميه دي بدات ايه تغلي اول ما تغلي تبض تطلعلك بخار تعرف انت تحط ايدك على البخار ده شويه هتلع ليه لان درجه حرارته عاليه طيب ده كده بخار درجه حرارته عاليه حضرتك جبت غطا حال اهو وماسكها انت من هناي دي ايدك انت بقى معرفش بقى دي ايدك ولا مين بس في واحد ماسك غطا اهو الغطا ده درجه حرارته اقل من البخار البخار يطلع يخبط في الغطا يعمل ايه يديله حراره ولما البخار يدي للغطاء حراره تقوم درجه حرارته تقل ولما درجه حرارته تقل تتقارب جسيمات تاني ويرجع للحاله اللي قبله اللي هي الحاله السائله فبالتالي يتحول لميه وحضرتك بتشوف اليه على الغطا على فكره لذلك بص بيقوللك ايه عمليه تحول الماده من الح لا التكاثف ده كان في عندي بخار خبط في الحله رجع ميه كان عندي بخار يعني كان عندي غاز خبط في الحله رجع سائل تاني عمليه تحول الماده من الحاله الغازيه للحاله السائله وده ما يحصلش الا اذا بردت الماده يعني الا اذا افقدتها حراره يعني بانخفاض درجه حرارتها وانت تبقى فاهم ان الغاز ده ل الغطا الحراره بتاعته لان الغاز او بخار الميه اسخن من الغطا فاد له حرارته لذلك قارت جسيمات و تاني فرجع تاني الماده سائله وده طبيعي شوف الولاد مبلمين ازاي وعمالين يبصوا لماما وبابا اللي بيذاكروا معاه الحال مبلمين قوي يا اخي ايه ايه يا ابني الكلام سهل ارجع هاد الجزئيه دي تاني وانا هكمل شرح ارجع هات الجزئيه دي تاني لو انت ما فهمتهاش لانها مهمه جدا بس انا اعتقد الكلام واضح خلاص طيب فاضل الرسمه ماشي تعالى نشوف الرسمه يلا دلوقتي انا بحول حاله غازيه يعني جسيمات ماشيه في كل الاتجاهات سرعتها كبيره ومتباعده جدا تقوم تتكثف بالتبريد يعني ايه ترجع تاني للحاله السائله فتقوم جسيماتها ترجع تتقارب شويه تتقارب بس جسيماتها شويه خلاص ماده سائله جسيماتها اكبر سرعه لا اقل سرعه عفوا واقل تباعد لان انا بعمل عمليه تكاثف دلوقتي يعني انا بحول الحاله الغازيه للحاله السائله يعني برجع تاني عكس الحاله دي هنا حاله الجسيمات سريعه ومتبع بس هنا الجسيمات اكبر سرعه واكبر تباعد اللي هو العكس يعني جميل يبقى نقول له ايه هنا الماده دي ايه هو هنا بيقوللك جسيماتها اكبر سرعه هنا الماده جسيماتها سريعه وهنا اكثر تباعد نقوله هنا ومتباعده بس بصوا يا جماعه التبخر عكس التكثف لازم تعرف الكلام ده كويس عشان هسالك عليه دلوقتي التبخر عكس التكشف هتلاقي دي هنا وهتلاقي دي هنا اهي خلاص مهمه جدا تعرف مين عمليه عكس مين وده انا هشتغل لك عليه ما تقلقش مش هسيبك لوحدك يعني في الحته دي هديك السؤال وهو عهه لك دلوقتي اخر واحده فيهم كلهم شويه ميه حطيتهم في الفريزر فهيت جمدوا ايه عملت ايه شويه ميه حطيتهم في الفريزر هيتجمعوا شويه ميه يعني حاله سائله حطيتهم في الفريزر تجمد يعني تحوله لايه لصلب فالتجمع حاجه سائله الحاجه صلبه وده ما بيحصلش الا بالتبريد يعني لما تنخفض درجه حرارتها تحول الماده من الحاله السائله للحاله الصلبه وده فعليا مش هيحصل بالتبريد يعني بتنخ فيض درجه حرارتها يا هندسه الجسيمات بتاعتك دي كده ماده سائله اهي الماده السائله في مسافات ما بين الجسيمات وبعضها بين الجزيئات يعني فلما حضرتك تبردها بالتبريد يعني ايه بالتبريد حطيتها في الفريزر تقوم جسيماتها سرعتها تقل وتتقارب من بعضها وترجع تتماسك تاني فديك ماده صلبه مش الكلام ده شرحته لك من شويه دي ماده سائله تتحول لماده صلبه الماده السائله جسيماتها سريعه ومتباعده لكن الماده الصلبه جسيماتها بطيئه و متقاربه كلام سهل وبسيط تعال كده نشوف التعريفات المهمه دي وركز في انا مش هقوللك ده تعريف مين بس انا عايزك تستنبط معايا بيقوللك درجه الحراره اللي بتبدا عندها الماده في التحول من الحاله الصلبه للحاله السائله هو لما الماده تتحول من الحاله الصلبه للسائله يبقى كده حصل لها ايه انصهرت ولا اتخرت ولا اتكثفت ولا اتجمدت حاجه صلبه اتحولت لحاجه سائل افتكر التلج اللي اتحول لميه والثلج لما يتحول لميه بنقول انصهر فده كده عمليه انصهار لكن لما اسالك عن درجه الحراره تبقى درجه الانصهار يبقى بشوف ده الاول انصهار ولا تجمد ولا ايه ودي درجه يبقى درجه كذا درجه الانصهار هي الدرجه اللي بتبدا عندها الماده في التحول من الحاله الصلبه للحاله السائله وده بيكون بالتسخين طب حاجه ثانيه نقط هي الدرجه التي يبدا عندها الماده في التحول من الحلقه السائله للحاله الغازيه من السائل للغاز شويه ميه تبخره شويه ميه تبخره يبقى عمليه تبخر عمليه تبخر يعني عمليه غليان يعني دي درجه الغليان مهمه جدا درجه الانصهار ودرجه الغليان درجه الغ مش انا قلت لك ان الماده مش هتتبرع لازم توصل الماده لدرجه الغليان عشان تبدا تتبخر ما فيش ماده بتتبخر الا لو غليت لذلك درجه الحراره التي يبدا عندها الماده في التحول من الحاله السائله للحاله الغازيه دي درجه الغليان خد الكبيره بقى كل المواد اللي عندنا في الدنيا كل المواد مافيش ماده تتشابه مع ماده تانيه في درجه انصهارها ولا في ماده بتتشاف مع ماده تانيه في درجه غليانها ولا في ماده بتتشاف مع ماده تانيه في درجه التجمد بتاعها لذلك تعتبر درجه الانص ودرجه الغليان ودرجه التجمد هي حالات فيزيائيه مميزه للماده كلام كبير على الولاد لازم نفسر بس هو موجود عليهم في المنهج يعني انا لما اجي دلوقتي اقول لك يا باشمهندس اقف كده رد عليا علل تعتبر درجه الانصهار ودرجه الغليان ودرجه التجمد حالات فيزيائيه بتميز الماده مميزه للماده تقوم تقول لي وذلك وذلك لان لكل ماده ده درجه انصهار ودرجه غليان ودرجه تجمد خاص بيها وده معناه ايه بقى لو انا في ماده قدامي مش عارفها وحطيتها على النار لقيتها بتغلي عند درجه 100 اخد الدرجه اللي هي بتغلي عندها دي واروح ادور في درجات غليان المواد اللي انا حطيتها عندي في الكتب اعرف لك الماده دي مين من غير ما اشوفها وهي الميه الميه بتغلى عند 100 ما فيش ماده ثانيه بتغلى عند ال 100 لذلك درجه الغليان ميت المايه عن بقيه المواد لذلك هي حاله مميزه ليها اه والله مستر محمد بيكتب باقلام عامله كذا وبيفتح الفيديو فيه شاشه بيضا ومش عارف ايه فدي حاجه بتميز مستر محمد ما فيش حد مثلا بيعمل حاجه زي كده يعني فدي تعتبر حاجات مميزه بعرفها منها من غير حتى ما اشوف الماده من غير ما اشوف الماده حالات مميزه للماده لان كل ماده في الدنيا ليها درجه انصهار ودرجه غليان ودرجه تجمد خاصه بيها بتاعتها هي ما فيش حد عنده نفسهم فلما يقول لك تختلف درجه او نقطه يعني انصهار وتجمد وغليان كل ماده ده كلام صح طب لما اجيلك في الامتحان واقول لك عل تعتبر درجه الانصهار والغليان والتجمد هي حاله فيزيائيه مميزه للماده اقوم اقول له ايه هقول له لان لكل ماده درجه انصهار وغليان وتجمد خاصه بها وعشان اثبت لك ان احنا فعليا درجه الغليان بتختلف من ماده لماده تعال ناخد درجه غليان الميه ودرجه غليان ماده زي الميثانول وده الكحول الميثيلي ودرجه غليان الزئبق تال كده درجه غليان المايه 100 درجه مئويه كلنا عارفين ان الميه بتغلي عند 100 طب درجه غليان الميثانول وهو الكحل الميثيلي 65 درجه مئويه طيب درجه غليان الزئبق عاليه شويه وهي 367 الارقام دي ه تحفظها 357 درجه مئويه لذلك درجه غليان الميه اختلفت عن درجه غليان الكحول الميثيلي اللي هو الميثانول اختلفت عن درجه غليان الزئبق وده يقول لك ان اللي كل ماده درجه غليان خاصه بها مختلفه لذلك درجات الغليان ودرجات الانصهار ودرجات التجمد حاجات بتميز الماده عن غيرها سؤال مهم جدا درجه الانصهار ودرجه الغليان ودرجه التجمد هي خصائص فيزيائيه مميزه للماده ليه علل لان لكل ماده واحده منهم خاصه بها لان لكل ماده درجه غليان وانصهار وتجمد خاصه بها تعالى نعمل خلاصه لكل اللي قلناها في الصوره الصغيره دي لو عندي حاله صلبه اتحولت لسائل يبقى انا عملت لها ايه مش فاكر تعال اما افكرك بطريقه تانيه لو عندي شويه تلج تحوله لميه يبقى انا عملت عمليه ايه انصهار والانصهار ده بيبقى بالايه بارتفاع درجه الحراره طب لو عندي حاله سائله اتحولت لحاله يه يبقى انا عملت عمليه ايه مش فاكر تع مفكرك بطريقه تانيه عندي شويه ميه اتحولوا الغاز لبخار يبقى بنقول شويه ميه ايه اتبخر عمليه تبخر طب تعال ناخد العكس عندي شويه بخار رجع ميه يبقى انا عملت عمليه ايه تكاثف طب عندي شويه ميه رجعوا تلج يبقى انا عملت عمليه ايه تجمد ومن هنا تعرف ان مين عكس مين الانصهار عكس التجمد والتبخر عكس التكاثف الغليان عفوا التجمد عكس بيقوللك عمليه الانصهار عكس عمليه مين عكس عمليه التجمد وعمليه التبخر عكس عمليه التكاثف بقيلي في الحصه خمس دقاق ونحل على الحصه وشكرا وخلي بالك ان الحصه مهمه فعلا ودول درسين مش درس واحد افتكروا بس ان انا هبدا اضحي معاكم دلوقتي وربنا يسترها دي كده ميه سخنه ودي كده ميه تلج تعال كده ناخد الحبر ونحط نقطه هنا ونحط نقطه هنا وعايزك تلاحظ بعينيك هينتشر بسرعه هنا ولا هنا وهقول لك ليه عملنا التجربه دي ادي نقطه هنا وادي نقطه هنا بص بعينيك كويس شوف مقدار الانتشار ركز كده شوف مين اللي هينتشر اسرع من التاني خلي بالك من حركه الجزيئات انت اصلا ممكن تكون ملاحظ حركه الجسيمات هنا لكن مش هتلاحظيها هنا مش عارف انتوا شايفين كويس ولا لا بس بص على حركه الجزيئات هتلاقيك هنا شايفها بسرعه جدا الميه السخنه بتنتشر فيها الجسيمات بسرعه لكن الميه البارده تحس ان لسه ما انتشرت هي اول بس ما نزلت وقفت على السطح كده بص انت ملاحظ حركه الجسيمات انا شايفك وانت شايفها ركز خلي بالك لو انت مسكت دي من الجنب هتلاقي الميه اصلا لسه بيضا لو انت مسكت دي من الجنب هتلاقيه حبر كله ازرق بس انا مش عارف اجيبها لك من الجنب هنا الحبر انتشر بسرعه اكت من هنا طب ليه تعال نفسر يلا مع بعض بص يا باشا دلوقتي في الدرس الثالث بيقول لك كيف تؤثر درجه الحراره في طاقه حركه الجسيمات وسرعتها تعال نقرا كده ونشوف ده مطابق على التجربه اللي احنا اخدناها ولا لا بيقول لك هتجيب ماء بارد وماء ساخن والوان طعام انا مالقيتش الوان طعام رحت جبت الحبر عادي وهتجيب كاسان دورق وقطرت انا جبت الحاجه اللي بحط بها الحبر وساعه ايقاف طبعا انت لازم تشوف التجربه بشكل ايه من فوق ومن الجنب وكل ده عشان تقدر تفصل مين اللي بينتشر اسرع فانا للاسف مش عارف اجيبها لك غير من فوق بس بيقول لك اضف 100 ملي من الماء الساخن في الكاس الاول و 10000 ملي من الباء البارد في الكاس الثاني زي ما احنا عملنا وضع ترمومترات درجه حراره الماء طبعا انا كنت جايب ماء ساخن وماء بارد علشان انتهي من قصه ان ده اسخن من ده بيقول لك استخدم قطرتين لاضافه قط رتين من الوان الطعام هنا وهنا انا بقى حطيت حبر هنا وهنا اطلب من زميلك تشغيل ساعه الايقاف في اللحظات التي تضيف فيها الوان الطعام وسجل الوقت من الاخر كده عايزين نشوف مين اللي هينتشر اسرع من الثاني يعني الوان الطعام اللي هو مثلا زي الحبر كده هينتشر هنا اسرع ولا هنا اسرع ونشوف درجه حراره الميه بتاثر فعلا في انتشار اللون ولا لا لو بصينا للتجربه هي نفس التجربه بالظبط ما دي الوان طعام وده حبر يعتبر زي بعض تعال كده نبص على انتشار ال الماء اللون في الماء الساخن وده فعليا اللي حصل لما بصيت من تحت من الجنب بس انت ما شفتهاش معايا لما حطيت اللون بدا ينزل لتحت وبدا ينتشر ولكن ما اخدش وقت كتير لما حطيت في الميه البارده هو انتشر بس بدرجه اقل من الماء الساخن ولكن لو سبتهم الاثنين فتره من الزمن هتلاقيهم هم الاثنين في الاخر انتشر اللون في بين جزيئات المايه كلها بس ده في الاخر لكن مين اللي هينتشر اسرع الميه السخنه طب تستنتج من كده ايه هو ده كله عباره عن الدرس الثالث اللي احنا عملناه في التجربه نستنتج من كده حاجات مهمه جدا ودي الحاجات اللي انا ابدا اسالك عليها ان سرعه انتشار لون الطعامه والحبر في الماء الساخن كان اكبر من سرعه انتشاره في الماء البارد وده لان جزيئات الماء الساخن بتتحرك بشكل اسرع مما يتسبب في زياده عدد التصادمات ما بين الجزيئات وبعضها يعني ايه التصادمات ما بين الجزيئات وبعضها ما هو السرعه اولاد بتاعه الجزيئات لما تزداد الجزيئات بتبدا تتحرك حركه عشوائيه اكتر وهي بتتحرك تتصادم مع بعضها تقوم تنتشر بين جزيئات الميه اكتر وكلما زاد درجه حراره الماء تزداد الطاقه الحراريه للماده يعني او كلما زادت درجه حراره الماده زايد درجه حراره الميه تزداد طاقه حركه الجسيمات وتحرك بسرعه اكبر يعني لو عايز اللون ينتشر بسرعه اكبر سخن الميه اكتر زي ما احنا عملنا انا اصلا كنت جايب الميه بتغلي فعشان كده اللون انتشر بسرعه لكن لو كنت جايب الميه دافيه كان هينتشر بسرعه اقل شويه يبقى نطلع من هنا بحاجتين نطلع من هنا ان سرعه انتشار لون الطعام او سرعه انتشار الماده او سرعه انتشار الماده اللي انت حطيتها كان لون الطعام حبر اي حاجه بتبقى اسرع في حاله لما الميه تكون سخنه يعني الميه لما تكون سخنه درجه حرارتها كبيره ده بيساعد على انتشار جزيئات لون الطعام بشكل اسرع يبقى سرعه انتشار لون الطعام في الماء الساخن اكبر من سرعه انتشاره في الماء البارد وده لان جزيئات الماء الساخن بتتحرك بسرعه وبالتالي يزداد عدد التصادمات بين الجزيئات وبعضها فبيس هل دهم انتشار لون الطعام وان كلما زادت درجه الحراره تزداد الطاقه الحراريه للماده وبالتالي تزداد ال طاقه الجسيمات اللي طاقه الحركه وبتتحرك بسرعه اكبر وتنتشر اسرع وده اللي احنا عملناه في التجربه انا عايزك بس تبص على الاستنتاج اكتر من مره تعال نحل على الحصه وننهي الدرس الطويل ده نحل كده السؤال الاولاني بيقول لك تختلف سرعه جسيمات الماده باختلاف الطاقه الحراريه التي تكتسبها طبعا صح لو جسيمات مات الماده درجه حرارتها كبيره هتبقى سرعتها كبيره والعكس تتحول الماده من الحاله السائله للحاله الغازيه عندما تفقد درجه حراره طبعا غلط العكس عندما تكتسب ازاي لما تجيب شويه ميه عايز تحولهم لبخار تسخنه مش تبرده عند التجمد تزداد سرعه جزيئات الماده لا طبعا الماده لما بتتجمع قارب جزيئاتها مع بعض يبقى لما هتجمد بتقل سرعه الجزيئات فتتقدم بعضها طيب عندما ت هنا ايه تقل عندما تكتسب الماده طاقه حراريه فان المسافات بين الجزيئات تتناقص لا تتزايد تزداد ليه بتزداد لان السرعه او لما ادي للماده طاقه سرعه الجزيئات بتزيد فبالتالي بتبدا تتحرك سرعه بتتحرك بسرعه اكبر فبت ازداد المسافات اختر الاجابه الصحيحه الطاقه التي تكتسبها الماده بسبب حركتها هي طاقه ايه طاقه الحركه بعد كده بيقول لك الطاقه التي تنتقل من الجسم الاعلى في درجه الحراره الى الجسم الاقل في درجه الحراره هي الطاقه الحراريه اللي هي الحراره يعني بعد كده بيقول لك جميع ما يلي من طرق توصيل الحراره ما عدا ايه حمل توصيل اشعاع حمل توصيل اشعاع يبقى ما فيش عندنا حاجه اسمها اتزان تحول الماده من الحاله السائله ل الحاله الصلبه شويه ميه بقوا ثلج شويه ميه تجمدوا يسمى تجمد جميل طب اكمل مما بين القوسين سرعه انتشار لون الطعام في الماء البارد نقط سرعه انتشار في الماء الساخن اقل لان الماء البارد زي ما حملنا تجربه من شويه بتبقى درجه حرارته اقل تتحول الماده من الحاله الصلبه للحاله السائله عند حاله صلبه لحاله سائله يعني تلج تحول لميه يعني انصهر انصهر ده يعني بارتفاع درجه الحراره عندما تكتسب حراره تكتسب حراره وقلنا اس ده على الحديد المنصهر لما انت بتحب تحول الحديد من صوره صلبه لصوره سائله بتدي له حراره طيب تتحول الماده من الحاله السائله للحاله الغازيه عند شويه ميه بخرت بالتسخين يبقى بالغليان بالغليان يغلي الزئبق ويتحول الى نقط عند 357 الزئبق اصلا يا ود سائل الزئبق اصلا سائل الزئبق في العادي في العادي سائل خلاص لازم تعرف المعلومه دي طب لما السائل يغلي يدينا ايه يدينا غاز بخار يعني خلي بالك في ناس اصلا ما تعرفش ان الزئبق ده في العادي سائل بيبقى موجود في الترمومتر ماشي درجه الحراره التي تتحول عندها ماده من الحاله الصلبه للحاله السائله دي درجه الايه الانصهار ودي كده مين متوسط طاقه الحركه التعريف ده مهم قلت لك متوسط ضغ متوسط طاقه حركه الجسيمات اللي هي الذرات او الجزيئات درجه الحراره درجه الحراره طيب بص بقى كده في السؤال رقم خمسه المساله دي او السؤال ده كنت اصلا المفروض اشرحه بالشرح بس انا قلت انا كده كده جايبه في التمارين فاشرح في التمارين افضل في هنا راجل ماسك ماسك عصايه من الحديد وحطتها في النار فيوم ما يتلسع يتلسع ليه لان الحديد بيوصل حراره فهي وصل حراره النار لايده فبالتالي ايده ماسكه الحديد في تلامس اهو في تلامس والتلامس ده ينتج عن التوصيل يسمى التوصيل وده بيادي الى انتقال الحراره بين الاجسام الصلبه فبالتالي رقم 3ه دي ده توصيل لان انا ايدي ماسكه حته حديده سخنه فانا كده متوصل بيها فبالتالي هتل سعني يبقى لما يقوللك انتقال الحراره بالتوصيل فين في رقم 3ه انما الراجل اللي حاطط ايده فوق وطالع له البخار ده ده بينتقل الحراره عن طريق الحمل واللي حاطط ايده ده عن طريق الاشعاع اللي طالع من النار ده فده بتنتق الحراره بالاشعاع تعال نشوف بقى الاسئله تنتقل الحراره الى اليد في الرقم واحد هنا عن طريق الايه عن طريق الاشعاع تنتقل الحراره في الرقم لاه عن طريق التوصيل التوصيل ايه بقى من ساق الحديد لليد التوصيل من الساق بتاعه الحديد الملامسه للنار لليد لان الساق هي اللي درجه حرارتها كبيره من ساق الحديد لليد تنتقل الحراره الى اليد بالحمل الحراري في رقم كام في رقم انين جميل الحته دي لسه فيها كلام كتير هنقوله الحصص اللي جايه ومش هتعدي من تحت ايدينا بالسهوله دي هشرحها لك اكتر واكتر ان شاء الله باذن الله في الحصص اللي جايه لان محتاجه حصص مش حصه واحده اشوفك في الحصه اللي جايه ان شاء الله سلام عليكم