الدرس الثاني والثالث علوم مفهوم الطاقة الحرارية وحالات المادة مستر محمد ابراهيم 2026

بسم الله الرحمن الرحيم بسم الله توكلنا على الله بسم الله نبدا السلام عليكم ورحمه الله وبركاته ازيك يا بطل الصف السادس واهلا بك يا دكتوره الصف السادس اهلا بكم في الدرس الثاني والثالث من مفهوم الطاقه الحريه وحالات الماده الحصه دي فيها تفاصيل كتير فيجب انك تقعد مركز قبل ما نبدا في الدرس الثاني والثالث كالعاده بنحل الواجب اللي احنا اخدناه الحصه اللي فاتت اللي ما بيحلش الواجب في الفتره دي صدقني انت كده بتودي نفسك في منطقه انت مش هتحبها احنا دلوقتي داخلين على الامتحانات بعد فتره يعني مش بعيده ولا حاجه فحضرتك اللي تاخده دلوقتي اكد عليه وحل الواجب عشان ربنا يكرمك ان شاء الله باذن الله اللي انت بتعمله دلوقتي يعتبر مراجعه مذاكره ومراجعه في نفس الوقت تعالى نشوف كده تمارين الدرس الاول الراجل بيقول لي صح ام خطا توجد الماده في ثلاث حالات صلبه وسائله وغازيه كلام مظبوط تتباعد جزيئات الماء بعضها عن بعض عندما تكتسب طاقه حراريه اكتساب الحراره بيؤدي الى زياده سرعه الجسيمات وابتعادها عن بعض كلام صح كلها اسئله امتحانات اهي يا جماعه كلها اسئله امتحانات اهي يا اد بيقول لك تكون جسيمات الماده في الحاله السائله مترابطه وقريبه جدا من بعضها الكلام ده غلط في الحاله الصلبه الحاله الصلبه هي اللي جسيماتها قريبه جدا من بعض ومتماسكه ومترابطه ومرصوصه رصه محكمه جدا تعتمد حاله الماده على مقدار الطاقه الحراريه التي تمتلكها احنا جاوبنا السؤال ده الحصه اللي فاتت وعرفنا كويس قوي انه صح مقدار الطاقه الحراريه اللي بتمتلكها بيؤثر في حاله الماده والعكس حاله الماده بتؤثر في مقدار الطاقه الحراريه اللي بتمتلكها الجسيمات وبتعتمد عليها يتم تثبيت شكل الزجاج وتحويله الى ماده صلبه قويه عند نقط مين يجاوب عند تبريده يا حبيبي لما بنبرد الحاجه فالحاجه دي بتبقى صلبه بتاخد الشكل بتاعها النهائي احنا بنثبت الزجاج على الشكل بتاعه وقت ما نبرده لان التبريد بيخلي الجسيمات تقرب من بعض وتمسك بقى فبيبدا ان هو يحتفظ بالشكل النهائي اللي انا شكلته عليه التشكيل التشكيل ما تيجي تشكله بتبدا ان انت تسخنه لدرجات حراره عاليه عشان يتحول لماده شبه سائله فتبدا تشكله لكن انت حضرتك بتثبت التشكيل ده ازاي عند تبريده باستخدام الميه السؤال ده مهم عشان كده جه في الامتحانات اهو اي من المواد التاليه تكون جزيئاتها اكثر تباعدا عن بعضها البعض يبقى هنا هندور على الماده الغازيه مين هنا الماده الغازيه الهواء لان الماده الغازيه هي اللي جسيماتها بعيد جدا عن بعض تمتلك جزيئات نقط طاقه حراريه متوسطه السائل الماده السائله هي اللي جسيماتها بتمتلك طاقه متوسطه قوم دور على حاجه هنا تعتبر ماده سائله مين الماده السائله الميه بيقوللي اجب عن الاتي ماذا يحدث عند نقل سائل من اناء لاخر اخر الماده السائله يا اد حجمها ثابت ولكن شكلها بيتغير حسب الاناء اللي هي بتروح له بيقول لك بس بالنسبه للحجم والشكل هقول له يظل حجمها ثابت الحجم ثابت لكن شكلها يتغير حسب الاناء الذي توضع فيه توضع ب يعني الحجم بيفضل ثابت لان الماده السائله حجمها ثابت ولكن الشكل بيتغير حسب الاناء اللي انت بتحطها فيه ودي كانت الورقه الاولى نشوف الورقه الثانيه بيقول لي قارن بين وكل دي اسئله امتحانات ومش اي امتحانات ده السنه اللي فاتت قارن بين حاله الماده السائله والماده الغازيه من حيث الطاقه الحراريه يا اد الماده اللي اللي جزيئاتها او جسيماتها بتتحرك بسرعه عندها طاقه كبيره الماده الماده الغازيه جسيماتها بتتحرك بسرعه اذا طاقتها اكبر فهنقول له طاقه او الطاقه الحراريه للماده السائله الماده السائله تبقى اقل لكن لو قلت الماده الغازيه تبقى اكبر الطاقه الحراريه لماده السائله اقل من الماده الغازيه الماده اللي جسيماتها بتتحرك بسرعه عندها طاقه اكبر وما فيش اي ماده جسيماتها بتتحرك حرك اسرع من جسيمات الماده الغازيه لذلك جسيمات الماده الغازيه او الماده الغازيه بتمتلك اكبر مقدار من الطاقه وده قلناه الحصه اللي فاتت حدد الحاله التي يمكن ضغط الماده فيها الماده بتنضغط فقط في الحاله الغازيه قلناها الحصه اللي فاتت الحاله الغازيه ما حاله الماده التي قد تكون غير قابله للانضغاط بس استنى لحد هنا في مادتين في مادتين غير قابلين للانضغاط الماده الصلبه والماده السائله الجمله اللي تحت ايدي اللي انا مخبيها هي اللي هتحدد بيقول لك وتحتفظ بحجم ثابت وشكل غير ثابت يبقى الماده السائله بقى خلاص الماده السائله لان الماده السائله اه حجمها ثابت بس شكلها متغير يعني غير ثابت بيبقى ياخد نفس شكل الاناء اللي بتوضع فيه يا اد علل تمتلك الماده الصلبه طاقه حراريه منخفضه الطاقه مرتبطه بسرعه الجسيمات هنقوله لان الجسيمات هتتحرك ببطء لان جسيماتها تتحرك ببطء وقلنا الحصه اللي فاتت كلمه ببطء ديت يعني ايه؟ نكتبها له برض حركه اهتزازيه حول مواضعها يعني ايه حول مواضعها بتهتز في مكانها ما بتنتقلش اكمل عن طريق الاختيار بيقول لك جسيمات المواد نقط متقاربه وتتحرك ببطء يبقى الماده الصلبه بيقول لك تتقارب جسيمات الماده عندما نقط تتقارب لما ناخد منها الحاره بتاعتها لما نسرق منها الحراره بتاعتها لما نبردها يعني عندما تفقد التبريد يعني فقد حراره لما نفقدها حراره يعني لما نبردها يعني كلما انخفضت سخونه الماء يعني الميه بتبرد الميه بتبرد يعني بناخد منها حراره انخفضت الحراره يا اد يعني بناخد منها حراره تقوم تتقارب الجسيمات والسرعه بتاعتها تقل بيقول لك فان سرعه حركه جسيماته تقل وده سؤال في الامتحانات السنه اللي فاتت زي ما انت شايف اهو بيقول لك تتم عمليه تشكيل الزجاج عن طريق التشكيل يبقى بنسخن وبعدين نبرد التسخين ثم التبريد التسخين يا اد بيؤدي الى الانصهار فهو هنا شال كلمه التسخين وحاط الانصهار يبقى نقول له الانصهار ثم التبريد الانصهار فنحوله لماده سائله نبدا نشكله براحتنا نيجي بقى على الشكل النهائي عايزين نثبته نقوم نبرده يبقى الانصهار ثم التبريد لاحظ الشكل المقابل ثم اج اجب اذكر حاله الماده التي يمثلها الثلج حاله صلبه اذكر خصائص الثلج من حيث الشكل والحجم له شكل ثابت وحجم ثابت لانه ماده صلبه ما تاثير اكتساب الطاقه الحراريه على ترابط وسرعه جسيمات الثلج يعني احنا دلوقتي لو سخنا الثلج يعني ايه اللي بيحصل للترابط؟ تقل قوى الترابط تقل قوى الترابط وتزداد سرعه الجسيمات لما بسخن الثلج لما بسخن اي ماده يا اد الجسيمات بتاعتها قوى الترابط ما بينها بتقل والمسافات بتزيد وسرعتها بتزيد هو اولا سرعتها بتزيد فتبدا تبعد عن بعض تبعد عن بعض يعني زادت المسافات ما بينهم وكمان قوى الترابط بتقل ال ده الواجب اللي احنا كنا اديناه للناس الحصه اللي فاتت فخلونا نبدا النهارده في درسنا مهم جدا وقوي الحقيقه خليك منتبه معايا لكل تفصيله هقولها طيب تعالوا كده نقول معلومتين مهمين جدا يا اد لو قلنا ان طاقه الحركه هي الطاقه التي يكتسبها الجسم اثناء حركته هل فيكم حد ما يعرفش التعريف ده على فكره كنا اخدناه في سنه رابعه طاقه الحركه يا اد هي الطاقه التي يكتسبها الجسم اثناء حركته. عايز تقول ايه يا مستر محمد؟ عايز اقول لك ان اي جسم متحرك بيبقى له طاقه حركه. اي جسم متحرك بيبقى له طاقه حركه. طب ما احنا خدنا ان جسيمات الماده مالها في حاله حركه مستمره صح ولا لا؟ قلنا ان الماده يا ولاد بتتكون من جسيمات الماده الصلبه او حتى السائله او حتى الغازيه بتتكون من جسيمات بما ان الجسيمات دي في حاله حركه مستمره وانا لسه بقوللك ان الجسم المتحرك بيبقى له طاقه حركه فده معناه ان الجسيمات لها طاقه حركه فعلا جسيمات الماده لها طاقه حركه وهي دي الحته اللي انا عايز اوصل لها يا اد بالراحه كده اي جسم متحرك اي جسم بيتحرك بيبقى له طاقه حركه بيبقى له سرعه وبيبقى له طاقه حركه لان السرعه وطاقه الحركه مرتبطين ببعض طيب انا دلوقتي بقول لك ان الماده بتتكون من جسيمات والجسيمات دي في حاله حركه مستمره وحركه جسيمات الماده الصلبه غير حركه جسيمات الماده السائله غير حركه جسيمات الماده الغازيه زي ما اخدنا قبل كده الحصه اللي فاتت بما ان الجسيمات بتتحرك وبما ان اي جسم بيتحرك بيبقى له طاقه حركه اذا الجسيمات ليها طاقه حركه طبعا لو جيت في الامتحان وقلت لك جسيمات الماده تمتلك طاقه حركه طبعا ليه لانها متحركه واي جسم متحرك بيبقى له طاقه حركه طاقه الحركه دي يا حبيب قلبي بتحدد بعض خصائص الماده انا ماشي معاك بالراحه اهو انا عايزك بس تذاكر وتوصل للمعلومات معايا بالراحه كده تاني طاقه الحركه يا اد هي الطاقه التي يكتسبها الجسم بسبب حركته دي خدناها في سنه رابعه بس محتاجينها النهارده كمعلومه تخدم النهارده الدرس بتاعنا طيب مش احنا قلنا ان جسيمات الماده في حاله حركه مستمره خلاص بما انها بتتحرك يبقى هي بتمتلك طاقه حركه طاقه الحركه اللي بتمتلكها الجسيمات بتحدد بعض خصائص الماده عشان الكلام ده لو جه صح ولا غلط في الامتحان ولا حاجه طيب زي ايه بعض الخصائص اللي بتحددها طاقه حركه الجسيمات الطاقه الحراريه ودرجه الحراره والاثنين دول كده عايزهم حلقه في ودانك مهمه بص الاثنين دول مهمين جدا وبيجي الراجل اوقات في الامتحان يقول لك ايه قارن ما بين الطاقه الحراريه ودرجه الحراره من حيث التعريف طيب هنقرا التعريفات واشرحهم لك انا عايزك تفهمهم اولا الطاقه الحراريه يا اد هي مجموع طاقات حركه ذرات وجزيئات الماده بس احفظ التعريف وهوضح لك كل حاجه حالا دلوقتي مجموع طاقات حركه ذرات وجزيئات الماده هتيجي للماده وتشوف الذرات والجزيئات اللي فيها وتجمع كل طاقات الحركه بتاعتهم ده كده عباره عن الطاقه الحراريه خلاص ممكن يجي لها تعريف ثاني برده يا اد الطاقه الحراريه هي خاصيه بتصف مقدار الطاقه الحراريه الكليه اللي اللي بيمتلكها الجسم التعريف الاهم بقى هو تعريف درجه الحراره والتعريف ده اقسم لكم بندرسه لثانيه اعدادي اه والله لو عندك اخوك في ثانيه اعدادي افتح هتلاقي الكلام ده موجود عنده ماارفش ازاي المنهج عملت كده بس يعني هنتعامل ان شاء الله ده تعريف مهم خدها مني كلمه من التعريفات المتوقعه في الامتحان مقياس لمتوسط طاقه حركه جسيمات الماده متوسط لطاقه حركه جسيمات الماده ده اسمها درجه الحراره درجه الحراره يا اد دي خاصيه بتحدد مدى سخون خونه او بروده الجسم يعني انت مثلا لو حطيت ايدك على جسم لقيته سخن ده معناه ان درجه حرارته عاليه طب لو حطيت ايدك على جسم لقيته بارد ده معناه ان درجه حرارته منخفضه فسخونه الجسم من البروده بتاعته ده بيرجع لدرجه حرارته التعريفات انت حفظتها بس ما فهمتهاش وانا والله ما هاين عليا اعدي الكلام ده الا لما افهمهول لك اسمح لي بقى اجيب ورقه بسيطه كده وافهمك الاثنين دول ليه ليه لازم تفهم الاثنين دول عشان عليهم سؤال محترم جدا اهو بس بعد اذنك ما تشغلش نفسك بوقت الحصه على قد ما تشغل نفسك بالحاجه اللي تفهمك انت لازم تقف على ارض صلبه وانت في سنه ه عشان هتروح الاعدادي هتقابل علوم قويه جدا فلازم تكون متاسس فيها كويس والكلام ده هتاخده تاني جيب ورقه بيضا بص يا جميل لو انا جبت شويه ميه كبار كده ركز جبت حاجه وعاء كبير ومليته ميه حلو وجبت وعاء صغير ومليته ميه برده طيب لو سالتك عدد جزيئات الميه هنا اكتر ولا هنا؟ لا عدد جزيئات الميه هنا اكتر لان الميه هنا كتير يبقى في هنا جسيمات اكثر يعني ايه جسيمات يعني في ذرات وجزيئات اكثر من هنا في ذرات وجزيئات اقل حلو من شويه خدنا تعريف يا اد الطاقه الحراريه قلنا ان الطاقه الحراريه تعريفها هي مجموع طاقات الحركه بتاعه الذرات والجزيئات لو افترضنا يا اد ان في هنا مثلا 1000 جسيم او 1000 من الجزيئات مثلا انا بدي افتراض بس عشان افهمك الكلام ده حبايب قلبي للفهم مش للحفظ الكلام ده يا اد للفهم للفهم ارجوكم ركزوا لو افترضنا ان في هنا 1000 جسيم ميه وفي هنا مثلا 100 جسيم ميه بس هنا في 1000 جسيم ميه وفي هنا 100 جسيم ميه طيب لما تعدي على 1000 جسيم وتاخد طاقه حركه كل واحد وبعدين تجمعهم مش ده هيديك رقم كبير ليه؟ لان هم كتير طالما هم كتير فهتعدي على ال 1000 واحد تاخد طاقه الحركه بتاعته انت طاقه حركتك كام هاتها وانت طاقه حركتك كام هاتها وانت طاقه حركتك كام هاتها هجمع 1000 طاقه حركه فيقوم يديني رقم كبير ما هو يا حبيب قلبي مجموع طاقات الحركه بتاعه الجسيمات اللي هي الذرات يعني والجزيئات ده عباره عن الطاقه الحراريه فبالتالي هتلاقي الميه الكتير دههي عندها طاقه حراريه اعلى طاقه حراريه اعلى ليه الميه الكتير عندهم طاقه حراريه اعلى من الميه القليله لان هنا عدد الجسيمات اكتر فبالتالي هيكون مجموع طاقه حركه الجسيمات حاجه كبيره او اكبر لاني اعدي على جسيمات كتير والم طاقه الحركه بتاعتهم وبعدين اجمعهم فلما الراجل يجي في الامتحان يقول لك ويديك صوره زي دي كده فعلا مديك اهو ويقول لك انهي منهم عنده طاقه طاقه حراريه اعلى تشوف اللي هو عنده كميه اكبر يبقى هو ده اللي عنده طاقه حراريه اعلى طب ليه لان عدد جسيماته اكتر فبالتالي هيكون مجموع طاقات الحركه للجسيمات اكبر جميل طيب يعني ايه بقى درجه الحراره درجه الحراره يا اد هي مقياس لمتوسط طاقه حركه الجسيمات بمعنى لو انا معايا جسيم وجسيم وجسيم وجسيم وجسيم الجسيم دههو طاقه الحركه بتاعته 50 والجسيم دههو طاقه الحركه بتاعته 40 والجسيم دههو طاقه الحركه بتاعته 30 والجسيم دههو طاقه الحركه بتاعته 20 وده 50 انا هنا معايا ايه؟ معايا طاقه الحركه بتاعه الجسيمات طيب تعال نجيب لهم المتوسط ايه بقى كلمه متوسط؟ عشان انت حضرتك هتدرسها ان شاء الله باذن الله في الرياضيات في الوحدات الاخيره المتوسط يا اد انك تجمعهم وتقسم على عددهم يعني تاخد 50 + 50 + 40 + 30 + 20 على كام؟ على 5 والرقم اللي يطلع معاك دههو هو ده كده يا حبيب قلبي الرقم المعبر عن درجه الحراره اسمه المتوسط الكلام ده مهم على فكره المتوسط مقياس لمتوسط طاقه حركه الجسيمات باخد طاقه حركه الجسيمات اجيب لها المتوسط اللي هو بجمعهم واقسم على عددهم الرقم اللي يطلع ده كده بيعبر عن درجه الحراره فانت كده فهمت وكمان التعريفات تبقى بتحفظها عن فهم ف بتتفاهم بسرعه وبتتحفظ بسرعه وبتفضل في عقلك لاطول فتره ممكنه ممكن نكون يعني ضيعنا وقت انت شايفه تضيع وقت بس غيرك فهم ويعني حاسس ان الوقت ده يعني بيعلي بيعلي مستواه في الماده خلاص يا عم احفظ التعريفات خلينا نخلص الطاقه الحراريه هي مجموع طاقات حركه ذرات وجزيئات الماده اما درجه الحراره هي مقياس لمتوسط طاقه حركه جسيمات الماده ولو جه قال لك خاصيه تحدد ماده سخونه او بروده الجسم فدي درجه الحراره طب خاصيه تصف مقدار الطاقه الحراريه الكليه اللي بيمتلكها الجسم الطاقه الحراريه ادي السؤال يا سيدي فعلا موجود عندك وده سؤال متفوقين على فكره بيقول لك ليه بالنسبه للصوره اللي قدامك دي ليه بتختلف الطاقه الحراريه للماء في الوعين الطاقه الحراريه يا اد عارفها اهي مجموع طاقات حركه ذرات وجزيئات الماده هنا في ذرات وجزيئات كتير فبالتالي دول يكون عندهم طاقه حراريه اعلى حتى الراجل بيقول لك اهو تختلف الطاقه الحراريه لان كميه عارف يعني ايه كميه يعني عدد اكبر من الجسيمات لان كميه الميه في الوعاء الاكبر او الماء في الوعاء الاكبر بيح يحتوي على عدد اكبر من الجزيئات وبالتالي هيكون مجموع طاقات الحركه بتاعتهم اعلى واكبر هنا في جزيئات في جسيمات كتير فبالتالي لما اجي اجمع طاقات الحركه بتاعتهم هيكونوا رقم كبير جدا الرقم ده هو الطاقه الحراريه يبقى تختلف الطاقه الحراريه ليه لان كميه الميه هنا اكبر وكميه الميه الاكبر تحتوي على عدد من الجزيئات اكتر وبالتالي هيكون مجموع طاقات الحركه بتاعتهم حاجه كبيره خلاص طيب بيقول لك بينما تتساوى درجه حراره كلا منهما بص يا جميل دي ميه ودي ميه فمتوسط طاقه حركه الجسيمات هنا زي متوسط طاقه حركه الجسيمات هنا ما هم الاثنين ميه والاثنين متسابين في نفس درجه حراره الغرفه فبالتالي يكون درجه حرارتهم واحده ليه؟ لان متوسط طاقه حركه الجسيمات بتاعتهم واحده بينما تتساوى درجه الحراره ليه امتى تتساوى درجه حراره المادتين لو كان متوسط طاقه حركه حركه جسيماتهم واحد لان متوسط طاقه حركه جزيئات الماء في كلا الوعائين متساوي طولنا في الحته دي بس يا حبيب قلبي انا بشتغل معاك على انك مهندس قاعد قدامي عاوز يفهم كل حاجه مش مجرد واد حفظ وخلاص المنهج بتاعنا في اربع صحاب عمرهم ما بيسيبوا بعض ابدا يا اد الاربع صحاب دول هم الاربعه بيمشوا مع بعض في نفس السكه لو واحد مشي في سكه كلهم بيمشوا معاه ولو واحد غير اتجاهه وراح في طريق ثاني الثلاثه الثانيين بيروحوا وراه لازم الاربعه دول يمشوا في طريق واحد مين الاربع صحاب دول وخليك فاكرهم سرعه الجسيمات ده اول صاحب فيهم الصاحب التاني هي طاقه حركه الجسيمات الصاحب الثالث هو عباره عن طاقه او الطاقه الحراريه للجسيمات طب مين الصاحب الرابع؟ درجه حراره الجسيمات صلي على النبي عليه الصلاه والسلام دول يا حبيب قلبي اربعه صحاب تذكرهم دايما لو سر اسمع اسمعي يا دكتوره لو سرعه الجسيمات زادت استنى بقى كده امتى تزيد سرعه الجسيمات؟ لما اسخن الماده لما اسخن بص انا عايزك ترمي القلم ده ورا ظهرك ارميه هناك هناك في لو في جرن جنب بيتكم كده ارميه اقعد اقعد مركز اقعد مركز الكلام ده والله العظيم هياثر في مستواك في الاعدادي والله العظيم ويشهد الله على ذلك اسمع وافهم وبعدين ابقى احفظ لما اسخن الماده لما بسخن الماده يبقى انا كده اديتها طاقه تقوم سرعتها تزيد سرعه جسيمتها تزيد لما سرعه الجسمات تزيد تزداد طاقه الحركه طب لما تزداد طاقه حركه الجسيمات تبدا الطاقه الحراريه تعلى ودرجه حراره الجسيمات تعلى تاني تاني انا قلت لك من الاول ان دول كده اربعه صحاب واحد بس منهم مشي في طريق الثلاثه الثانيين معاه صاحبي تعالى احنا جايين معاك لما تزيد سرعه الجسيمات بتزداد طاقه حركتها وتزداد الطاقه الحراريه للجسيمات وكمان تزداد درجه حراره الجسيمات والعكس صحيح يعني ايه العكس صحيح يعني عند تبريد الماده عند تبريد الماده سرعه الجسيمات بتقل طاقه حركه الجسيمات بتقل الطاقه الحراريه بتقل كمان درجه حراره الجسيمات بتقل تذكر دايما ان هم اربعه صحاب ما ينفعش واحد منهم بس يمشي في طريق والثلاثه الثانيين في طريق بيحبوا بعض وواخدين بعض على حب وخايفين على بعض دايما كلهم بيمشوا في نفس الاتجاه خليك فاكر كويس قوي ان الاربعه دول بيزيد عند التسخين عند اكساب الماده طاقه حراريه والعكس عند التبريد لو انت فهمت الجمله او الكا جمله اللي احنا قلناها دي فصدقني انت فهمت يعني جزء كبير قوي من المفهوم كله طيب تعال لي بقى حضرتك على الماده الصلبه حضرتك عارف كويس قوي ان الماده الصلبه جسيماتها بطيئه الله جسيماتها بطيئه اه طبعا لانها بتهتز حركه اهتزيه في مكانها طب يا مستر محمد ما انت لسه قايل لنا لما الجسيمات تكون بطيئه يبقى سرعه الجسيمات بطيئه يعني فطاقه حركه الجسيمات بتبقى قليله وبالتالي طاقتها الحراريه بتبقى قليله وبالتالي درجه حرارتها بتبقى قليله اهو واديك فهمت وبتجاوب اهو اما اجي اسالك في الامتحان عن جسيمات الماده الصلبه تقول لي جسيماتها بطيئه تتحرك حركه اهتزازيه في مكانها وبالتالي طاقه حركتها قليله لان طاقه الحركه مرتبطه بالسرعه وكذلك الطاقه الحراريه للماده الصلبه قليله وكمان درجه حرارتها قليله ما هم الاربعه صحاب وماشيين مع بعض طب مين بقى الماده اللي جسيماتها بتتحرك اسرع شويه الماده السائله لا جسيماتها سريعه سريعه ازاي يا مستر مستر محمد اسرع منها يعني طب لما تبقى الجسيمات سريعه سرعه الجسيمات اكبر هنا هو بيقارن لما تبقى سرعه الجسيمات كبيره تبقى طاقه حرارتها اكبر تبقى طاقتها الحراريه اعلى تبقى درجه حرارتها اعلى كلام واضح اهو خلاص طيب لو انا جيت بقى في الامتحان بص وانت بتذاكر كده بيبقى في جمل الراجل بيبقى كاتبها في وسط الصفحه وانت يا عيني مش واخد بالك ان ده سؤال متفوقين ممكن انت معدي عليه ومش واخد بالك وانت بتقراها جمله جمله عابره بس كده الواد الشاطر اللي بيجيب عليكم الاول وطبعا ده مابقاش له قيمه قوي يعني في الابتدائي بيجيب عليكم الاول في الاعدادي وفي الثانوي هو الواد اللي بيركز على الجمل اللي ما بين السطور ياد ما انا جاي اقول لك الجمل اللي ما بين السطور عشان اخليك زيه اسمع الكلام بقى واهتم بيها اهتم بالتفاصيل الصغيره اللي غيرك بيهملها تقوم تبقى اعلى منه زي دي كده اكمل في الامتحان ولو جه اكمل في الامتحان يبقى قابلني لو حد جاوبها تتوقف الطاقه الحراريه ودرجه الحراره على نقط الجسيمات على سرعتها ما احنا قلنا الاربعه يا ابني واخدين بعض صحاب قلنا الاربعه واخدين بعض صحاب سرعه الجسيمات وطاقه حركتها والطاقه الحراريه ودرجه الحراره الاربعه مرتبطين ببعض وكلهم متوقفين على السرعه بتاعه الجسيمات انت بس قول لي سرعه الجسيمات مالها ومال لكش علاقه بقى انا هقول لك كل حاجه سرعه الجسيمات عاليه يبقى يبقى طاقتها طاقتها الحراريه عاليه ودرجه حرارتها عاليه طب لو سرعه الجسيمات بطيئه اعكس تتوقف الطاقه الحراريه ودرجه الحراره وطاقه الحركه كمان على سرعه الجسيمات صح ام خطا تعتمد طاقه الحركه والطاقه الحراريه ودرجه الحراره على سرعه الجسيمات اه طبعا احنا لسه واخدينهم من شويه اهو اهو لو دي زادت الثلاثه دول هيزيدوا لذلك الثلاثه دول بيعتمدوا عليها فعلا انت بس تقول سرعه الجسيمات ايه؟ وانا اقوم تك تك تك وانا اقول لك الثلاثه الثانيين هيعملوا ايه اصل الاربعه صحاب وبيمشوا في نفس السكه فدرجه حراره الجسيمات او درجه حراره الماده والطاقه الحراريه للماده وطاقه حركه الجسيمات بتاعه الماده كلهم بيعتمدوا على سرعه الجسيمات كلام مظبوط طبعا هنا بيقارن بقى ما بين الماده الصلبه والسائله احنا قارنا خلاص طيب انتقال الحراره متى تنتقل الحراره من جسم اسم لاخر ليه لما بنمسك كوبايه شاي سخنه بنتلسع ليه لما بنمسك حله سخنه على النار بنتلسع ليه لما بنمسك قطعه من الثلج بنحس بالبرو ده اقول لك انا ليه عندنا مبدا في العلوم يا دكتوره اللي بتلعبي في في شعرك وانت عم الدكتور اللي عمال تلعب وتفتكر ومش عارف ماسك القلم وحطه في بقك اقعد مركز عندنا مبدا في العلوم وفي الحياه عموما ان الحراره بتنتقل من الجسم سم الاعلى في درجه الحراره للجسم الاقل في درجه الحراره يعني يا محمد يعني يا مايكل يعني يا عم وليد يعني يا دكتوره اسراء لو عندي جسم درجه حرارته 50 درجه مئويه وجسم تاني درجه حرارته 30 درجه مئويه وبعدين قمت موصلهم الاثنين ببعض يا كده يا قمت ملمسهم لبعض كده ده درجه حرارته 50 وده درجه حرارته 30 عارف الحراره هتمشي منين لفين؟ هتمشي من هنا لهنا هتمشي كده الحراره هتنتقل من الجسم الاعلى في درجه الحراره للجسم الاقل في درجه الحراره لما كان في كوبايه شاي كوبايه الشاي درجه حرارتها عاليه وليكن 60 درجه مئوي مثلا 70 درجه مئوي اا عندك مثلا 80 درجه مئوي وانت ايدك ايدك درجه حرارتها 25 درجه 26 27 28 29 37 درجه يا عم ايا كان درجه حراره ايدك ايه فبالتالي لما تيجي تمسك كوبايه الشاي هي اعلى منك في درجه الحراره درجه الحراره بتاعتها اعلى من ايدك فتقوم الحراره تنتقل من الجسم الاعلى للجسم الاقل تقوم تنتقل من الشاي لايدك تقوم اوف يا حت لا سعد طب ما يا عم الحله موجوده في المكان اللي انتم بتعملوا فيه الحله وطول ما انت بتمسكها ما بتتلسعش ما بتتلزعش الا لما تمسكها وهي على النار ليه بقى؟ لان لما باخد الحله وهي على النار وهي على النار فهي سخنه تيجي تمسكها هي سخنه تقوم تديك انت حراره هي بتديني حراره اه بدليل انك اتلسعت يبقى يبقى الحراره بتنتقل من جسم الى اخر عند وجود فرق في درجات الحراره بينهما بص كده ده 50 وده 30 الفرق ما بينهم 20 في فرق اسال هو في فرق اصلا بينكم في درجه الحراره فيكم حد اعلى من الثاني اه اذا تنتقل الحراره من الاعلى للاقل شرط انتقال الحراره هو انه يكون في فرق ما بين الاجسام في درجه الحراره ولما يبقى في فرق عند التلامس بتبدا الحراره تنتقل من الجسم الاعلى للجسم الاقل طب ماذا يحدث يا اد لو عندنا جسمين لمسناهم لبعض ده كان درجه حرارته 30 وده كان درجه حرارته 30 الله ده ما فيش فرق في درجه الحراره بينهما ده 30 وده 30 الفرق ما بينهم صفر يبقى لا تنتقل الحراره بينهما ما حدش فيهم هيدي للتاني ولا حد فيهم ياخد من التاني انت كده ماشي في نسق تصاعدي رائع جدا على فكره في المفهوم ده والشرح ببساطه هنا مهم جدا لان الكلام ده قوي المعنى بتاعه قوي وهو قوي فعلا على الولاد فلازم نكون معاهم بساط جدا ما هو شرط انتقال الحراره ما هو شرط انتقال الحراره شرط انتقال الحراره يا اد هو عباره عن وجود اختلاف في درجه حراره كلا من الجسمين فتنتقل الحراره من الجسم الساخن للجسم البارد الجسم الساخن هو الجسم الاعلى في درجه الحراره اما الجسم البارد هو الجسم الاقل في درجه الحراره ده جسم ساخن وده جسم بارد لما لمسناهم لبعض الحراره بتنتقل من مين لمين من الساخن للبد اتمنى تكون فهمت الجزء ده كويس تركز عليه لان فعلا مهم جدا والله العظيم يا اد لو لكم اخوات في ثانيه اعدادي جار صاحب اي حد قول له بس اديني كتاب العلوم بتاعك وافتح فعلا هتلاقي الكلام ده نصا بالنص كده موجود في ثانيه اعدادي يعني بتوسع شويه يعني انت دلوقتي نعتبرك ان شاء الله في ثانيه اعدادي بقى لانك بتاخد نفس الكلام بتاعه بالظبط طيب الحراره لها تعريف كميه الطاقه الحراريه اللي بتنتقل من الجسم الاعلى الجسم الساخن الى الجسم الاقل في درجه الحراره اللي هو الجسم البارد في في طاقه بتنتقل من جسم اعلى في درجه الحراره الى جسم اقل في درجه الحراره دي مين؟ دي الحراره سؤال مهم اهو لسه واخدينه من شويه ماذا يحدث عند تلامس جسمين جسمين دي ياء الكلام ده يا ولاد كله انا بكتبه بكتبه فطبيعي جدا وانا بكتبه تيجي كلمه كده عادي كويس قوي ان انا كتبت لك الكلام ده اصلا مين بيكتب اصلا دلوقتي ف وده حقك عليا على فكره يعني ده حقك ان انا اعمل لك ده المهم يعني بعدي بعدي اي اي سهو ولا اي حاجه في الكتابه ماذا يحدث عند تلامس جسمين لهم نفس درجه الحراره لا تنتقل الحراره بينهما مش هتنتقل الحراره بينهما ليه لان شرط انتقال الحراره انه يكون في فرق في درجات الحراره بينهما بس انا يا مستر محمد ملاحظ حاجه غريبه قو لي قو لي يا ابو العريف لاحظت ايه قو لي عشان ما نشيلش الماده خالص الماده طويله لاحظت ان انا لما بمسك حته ثلج بحس بالبروده مش معزه بقى ليه ممكن توضح لي ربنا يكرمك كده يا رب يا مستر محمد دي ايدك اهي انا هسميك حسونه بص يا حسونه دي ايدك وده تلج اهو ده ثلج حته تلج جت على ايدك اهي درجه حراره ايدك كام يا عم خليها 30 درجه 30 درجه حلوه مش مشكله 37 35 30 حلوه جميله 30 درجه حراره التلج ايه يا اد؟ حد عارف صفر ويمكن كمان اقل من الصفر خليها صفر طب مش انت عندك مبدا في العلوم بيقول لك ان الحراره بتنتقل من الجسم الاعلى الى الجسم الاقل في درجه الحراره طب مين فيهم اعلى من الثاني؟ ايدك اعلى من الثلج في درجه الحراره فايه اللي يحصل؟ ايدك بتدي للثلج حراره بس مش ده اللي بيحصل الثلج هو اللي بيسرق من ايدك حراره ايدك ما بتديهوش هو اصلا بياخد تلقائي كده طبعا ايدك بتدي له بس انا بهزر طبعا ايدك بتدي للثلج حراره والثلج بيشد من ايدك حراره فبعد شويه ايدك كانت درجه حرارتها 30 بتبدا درجه حرارتها تقل تقل فتحس انت بالبروده بقى فعشان كده انت بتحس بالبروده يا معلم عشان الثلج بيسحب من ايدك حراره جميل جميل طيب ما هي طرق انتقال الحراره الحراره يا بتنتقل بثلاث طرق توصيل وحمل واشعاع صلي على النبي كده ما هي طرق انتقال الحراره الحراره بتنتقل في الحياه كلها كده بالتوصيل التوصيل ده يا اد بيكون في الاجسام الصلبه الاجسام الصلبه يعني حته حديده حضرتك حطيتها على النار جيت مسكتها تتلسع ده عشان انتقلت الحراره من الحديد لايدك بالتوصيل ايدك والحديد اجسام صلبه اول طريقه من طرق انتقال الحراره هي التوصيل كما في انتقال الحراره خلال ساق معدنيه ساق معدنيه يعني ماده صلبه طيب الهواء يا اد نتيجه ان الشمس بتطلع يعني بتدي الاشعه بتاعتها بزوايا مختلفه فبتسخن الهواء بدرجات متفاوته الهواء اللي بيسخن يا اد بتقل كثافته ويقوم طالع لفوق اي هواء بيسخن يقوم تقل كثافته ويطلع لفوق طيب بيبقى في فوق اصلا هواء بارد بيقوم رايح الهواء البارد اللي فوق ده يقوم نازل مكانه فالهواء لما يسخن تقل كثافته ويطلع لفوق كان في فوق اصلا هواء بارد يقوم نازل فبيبقى في طيارات بتصعد وطيارات بتنزل اهو التيارات اللي قدامك دههي بتنتقل فيها الحراره بالحمل لو انت جبت شويه ميه وحطيتهم على النار بعد شويه بتلاقي الميه بتروح وتنزل تروح صح بتلاقي الميه بتنزل وتطلع تنزل وتطلع تنزل وتطلع ليه ليه بقى؟ لان الميه اللي ملامسه للاناء من تحت بتسخن تقوم تطلع لفوق الميه الملامسه للاناء من تحت بتسخن لان الاناء من تحت على النار تقوم تطلع لفوق والميه البارده اللي فوق تنزل مكانها اهي الميه اللي بتطلع والمايه اللي بتنزل دي بتوريك الشكل اللي بيحصل على الميه فوق تلاقي الميه بتعمل ازاي ب ب صح ما بتشوفش كده ادي محمد يلا العلوم بتوضح لك الدنيا ماشيه ازاي اهو ركز يا علا برده نفس الكلام صعود طيارات الميه لفوق وهبوط التيارات الثانيه بيؤدي لانتقال الحراره بالحمل فانتقال الحراره بالحمل يا اد بيتم في المواد الغازيه والسائله الحمل بيتم فين؟ في المواد السائله والغازيه اي ماده سائله واي ماده غازيه بتنتقل فيها الحراره بالحمل والاشعاع الاشعاع ده يا اد عارف انت الشمس لما بتطلع الشمس ديت بينها وبيننا دي الشمس ودي الارض في هنا فراغ فراغ يعني ايه ما فيش هواء ما بين الشمس وما بينا احنا ما فيش هواء بس اشعه الشمس بتمشي هنا كده اشعه الشمس هنا بتمشي في الفراغ بالاشعاع لو انت قاعد بتدفى كده وجنبك نار الحراره بتاعه النار بتوصل لايدك بالاشعاع خلاص هنا لو بصينا على الصوره دههي هنا الاول بيقول لك مثل انتقال الحراره بالاشعاع دون لمس النار لو انت حاطط ايدك كده عند النار جنب النار كده جنبها مش فوقها جنبها الحراره بتوصل لك بالاشعاع طب لو انت حطيت ايدك فوق توصل لك بالحمل الله هي تفرق يا مستر محمد لو حطيت ايدي فوق من الجنب ايوه يالا ده ركز ده دي حته متفوقين بص نجيب الورقه النار اهي النار اهي خلي دي النار دي النار اه دي النار لو انت حاطط ايدك هنا كده ولو انت حاطط ايدك فوق هنا كده فين صبعك التخين اللي يا اخي لو انت حاطط ايدك فوق تنتقل الحراره بتاعه النار لايدك بالحمل طب لو انت حاطط ايدك في الجنب تنتقل بالاشعاع قال لك انتوا بتلعبوا بينا ولا ايه؟ هي العلوم دي بتهزر يا جدع ما بنهزرش احنا فعلا بنقول لك كلام موزون احنا قلنا ان الحمل بيحصل عن طريق صعود طيارات وهبوط طيارات من الهواء الساخن الحمل بيبقى راسيا لاعلى ولاسفل فالحراره بتنتقل من هنا لايدك فوق بالحمل ليه؟ لان في هواء ساخن بيطلع وهواء نازل بارد هواء ساخن بيطلع الهواء الساخن اللي طالع ده هو اللي بيلسع ايديك بيدفيك الهواء اللي طالع ده طالع نتيجه الحمل لكن الحمل ما بيمشيش كده لا بيمشي راسيا لاعلى ولاسفل عشان كده لو انت حاطط ايدك فوق بتنتقل اليك الحراره بالحمل انما بالاشعاع هنا بتنتقل الحراره الى ايدك اللي في الجنب بالاشعاع ليه؟ لان الحمل ما يمشيش كده خلاص فهنا لا تنتقل لك بالاشعاع تنتقل لك حراره اللهب او النار بالاشعاع ولو انت حاطط ايدك هنا لو انت حاطط ايدك في الجنب تنتقل بالاشعاع لكن فوق تنتقل بالحمل عشان طيارات الحمل بتشتغل لفوق ماشي يا حسونه ماشي يا دكتوره جميل لو جبت لك الرسمه دي قلت لك هنا بتنتقل الحراره بايه بالحمل طب الايد اللي في الجنب بالاشعاع طب واحد ماسك حته حديده او ساق معدنيه والساق المعدنيه ملمسها للنار الساق المعدنيه هتسخن فتلسع ايديه نتيجه انتقال الحراره بالتوصيل ثلاث طرق لانتقال الحراره التوصيل والحمل والاشعاع مهمين جدا وتعالوا نكمل الجزء ده مهم جدا يا اد لما بناخد الماده ونسخنها فده معناه ان احنا بنديها طاقه بنكسبها طاقه فلما اجي في الامتحان اقول لك ماذا يحدث عند اكتساب جسيمات الماده طاقه حراريه ايه اللي بيحصل لما جسيمات الماده نديها طاقه حراريه سرعتها بتزيد طاقتها بتزيد المسافات ما بينها بتبدا ان هي تزيد قوه الترابط بتقل بعدين تبدا الماده تتحول من صورتها لصوره ثانيه اما انها تنصهر واما ان هي تتبخر زي ما هناخد كمان شويه يبقى انا لو قلت لك ماذا يحدث عند اكتساب جسيمات الماده طاقه حراريه؟ لما بتكتسب جسيمات الماده طاقه حراريه اول حاجه كده بتزداد سرعتها اهي وتزداد طاقه الحركه مش احنا قلنا ان السرعه مرتبطه بطاقه الحركه السرعه زادت طاقه الحركه تزيد والطاقه الحراريه بتزيد ودرجه حراره الماده بتزيد فتقوم ترتفع درجه حرارتها اهو الاربع صحاب اوعى تنساهم الاربع صحاب ماشيين في سكه واحده السرعه بتاعه الجسيمات بتزيد يبقى طاقه الحركه بتزيد يبقى الطاقه الطاقه الحراريه بتاعه الماده بتزيد يبقى درجه حرارتها بترتفع وتزيد اهو العكس بقى عند التبريد فقد بص فقد حراره يعني عند التبريد ها اكتساب حراره يعني عند التسخين عشان برض لو الراجل غير المسميات في الامتحان يقول لك ماذا يحدث عند تبريد الماده ما هو تبريد الماده يعني بفقد حراره اعكس الكلام لما بتفقد الماده حراره يا اد يبقى احنا او لما نبرد الماده طبعا درجه حرارتها بتقل قل طبيعي بتفقد جسيمات الماده يا ولاد طاقه حراريه طبعا فتقوم تقل سرعه الجسيمات وتقل طاقه الحركه وتقل الطاقه الحراريه بتاعتها زي ما احنا قلنا فوق وتنخفض درجه الحراره بتاعتها فتلاقي الماده بدات تبرد بقى خلاص طب تستنتج من كده ايه؟ قال ده كله بياثر في كله بص سرعه الجسيمات بتاثر في طاقه الحركه بتاعه الجسيمات وده بياثر في الطاقه الحريه بتاعه الجسيمات وده بياثر في درجه حراره الجسيمات وده بياثر في المسافات الموجوده ما بين الجسيمات وده بياثر في القوه اللي بتربط الجسيمات بص كده اكتساب او فقد ما الاتنين قدامك اهو الماده لطاقه حراريه ده بيؤثر في ايه في كله بيؤثر في سرعه الجسيمات والسرعه تاثر في طاقه الحركه بتاعه الجسيمات وكل ده ياثر في حراره الماده فكل ما الماده تكون سرعه جسيماتها عاليه كل ما الماده دي تلاقيها سخن سخنه درجه حرارتها عاليه لان الجسيمات اللي بتتحرك بسرعه عندها طاقه حركه اعلى عندها درجه حراره اعلى وعندها كم من الطاقه الحراريه اعلى خلاص يا اد جميل طيب ماذا يحدث عندما تكتسب الماده طاقه ترتفع درجه حرارتها وتسخن تزداد سرعه جسيماتها تزداد درجه حرارتها وتزداد الطاقه الحراريه ليها وبعدين تبدا كمان المسافات ما بين الجسيمات تزيد وقوه الترابط تقل الحاجات دي كلها مرتبطه ببعض احنا مش عايزين نقعد نكررها كتير فتعالوا ننتقل لجزئيه ثانيه طيب عندي سؤال يا اد مااررفش انتوا تعرفوه اجابته ولا لا بس لازم يعني ناخده ونتناقش فيه مع بعض كده نتناقش فيه ها تاخد مني وتكلمني وتقول لي اه لا ده انا متفق ده انا مختلف هل تعتمد حاله الماده على درجه حرارتها قبل ما تبص على الكلام وانه نعم او لا افهم السؤال الاول في ناس في سنه اته ما يعرفوش يعني ايه حاله الماده حاله الماده يا اد يعني الماده دي صلبه ولا سائله ولا غازيه يعني بيقول لك هل تعتمد الماده لو كانت صلبه او لو كانت سائله او لو كانت غازيه على درجه حرارتها لو انت قلت لي لا يبقى انت ما فهمتش اي حاجه من اول المفهوم لحد النهارده يا راجل يا طيب ده انا لما ابدل الماده الصلبه حراره بتقوم تتحول لصوره سائله لو انت معاك شويه ثلج اديتهم حراره يتحولوا لميه ها اعتمد دلوقتي حاله الماده على درجه الحراره اللي خدتها لان لما اديت حراره للماده الصلبه انصهرت لو عندي شويه ميه على النار اديتهم حراره الميه دي سائله يقوموا يتحولوا لبخار ماده غازيه فطبعا تعتمد حاله الماده على درجه حرارتها ليه؟ لان درجه الحراره دي يا اد هي اللي بتحدد الطاقه الحراريه بتاعه الجزيئات الطاقه الحراريه بتاعه الجزيئات يعني سرعه الجزيئات يعني يعني حركه الجزيئات وتصادمها فطبعا يا تعتمد حاله الماده على درجه حرارتها ده لو جه سؤال صح او خطا في الامتحان نقول له صح ما اعتقدش ان ممكن يجيبها علل بس لو قال لك علل تعتمد حاله الماده على درجه حرارتها هتقول له حيث انها مين انها درجه الحراره حيث ان درجه الحراره هي التي تحدد الطاقه الحراريه للجزيئات وهذه الطاقه هي التي تسبب حركه الجزيئات وتصادمها طبعا وتصادم الجزيئات ده بيؤثر في حاله الماده وبعدين بيرجع يكلمني عن الكلام اللي عمال يكرره لي من اول ال المفهوم عمال يكرره وكانه بيقول لك هجيبه لك في الامتحان ماذا يحدث عندما تكتسب الماده طاقه حريه يو بقى هي قصه ولا ايه ده انا حفظت الجمله خلاص مش محتاج اذاكرها ثاني لما تكتسب الماده طاقه حراريه كل الكلام ده بقى خد منه اكمل واختياري تصويب خطا في الامتحان خد اسئله كتير على الجزء ده لما ندي للماده حراره يعني لما نسخنها ايه اللي بيحصل تزداد سرعتها تهتز بشكل اسرع ما هي تهتز بشكل اسرع يعني تتحرك بسرعه لما تزيد سرعتها تبدا تبعد عن بعض ولما تبدا الجسيمات تبعد عن بعض يبقى القوه اللي بتربطهم بتقل تقل قوى الترابط بين الجسيمات يا اد لما قوه الترابط تقل بتبدا الماده تتحول لصوره تانيه تتغير حاله الماده يعني الماده دي لو كانت صلبه تتحول لسائل لو كانت صلبه تتحول لسائل طب لو كانت سائل تتحول لبخار اللي هو غاز لو الماده كانت صلبه اتحولت لسائل بنقول انها انصهرت زي التلج لما يتحول لميه بنقول ان التلج انصهر لو كانت الماده سائله واتحولت لغاز بنقول ان الماده دي اتبخرت فلما تكتسب جزيئات الماده طاقه قد يحدث لها انصهار او تبخر اقولها لكاني اهو انصهار او تبخر الاثنين دول بيحصلوا عندما تكتسب جسيمات الماده طاقه تعالوا بقى نتكلم عن الانصهار والتبخر لانهم مهمين جدا ما هو تعريف عمليه الانصهار دايما لو انت نسيت اضرب مثال بسيط معانا حته ثلج اهو حطيناها على النار نار تسخين اهو لو انت في الامتحان ونسيت اعمل كده لو احنا سخنا الثلج بعد شويه هيتحول لايه؟ لميه هيتحول لكده الثلج ده كان صوره صلبه بعد ما سخناه تحول حول لماء اللي هو سائل ماده سائله التلج اتحول لميه باكتساب طاقه او بالتسخين ب اكتساب طاقه ليه؟ لان عادي جدا ممكن اسيب التلج في الهواء من غير ما اسخنه فهياخد طاقه من الهواء المهم باكتساب طاقه او بالتسخين بيبدا الثلج ينصهر اهو مش احنا بنقول ان الثلج انصهر وبقى ميه عمليه الانصهار ار هي عمليه تحول الماده من الصوره الصلبه للصوره السائله باكتساب طاقه بالتسخين تعال كده بص كده تعريفها بسيط اهو انا كنت بشرح هنا بس لقيت ان شرح هنا افيد عمليه الانصهار هو تحول الماده من حاله صلبه الى حاله سائله بالتسخين او باكتساب طاقه بص كده معايا الثلج كانت جسيماته مترابطه ليه لان جسيماته الجسيمات ماده صلبه جسيماته متقاربه والحركه بتاعتها بطيئه واهتزازيه في مكانها لما بسخنها بتبدا الحركه بتاعتها تزيد جسيماتها بقى بتبقى سريعه اللي هي الماده الجديده اللي هي الميه بتبقى جسيماتها سريعه ومتباعده يبقى ما هو تعريف عمليه الانصهار؟ عمليه تحول الماده من الصوره الصلبه للصوره السائله بالتسخين او باكتساب طاقه الحاجه التانيه اللي ممكن تحصل يا اد بالتسخين او باكتساب طاقه هو تحول الماده من الحاله السائله للحاله الغازيه تعال نشوفها كده لو انا معايا شويه ميه حطيتهم على النار الميه اهي بعد شويه وانا بسخن هتبدا الميه دي تتبخر تتبخر يعني ايه تطلع في صوره بخار ده بخار يعني حاله ايه غازيه دي كده ماء فبعد شويه لو انت سايب شويه ميه على البوتاجاز بتقول لي لماما ايه ده الميه بدات ايه تغلي الميه بدات تتبخر وتطلع لو انت سبت الميه تغلي بعد شويه تيجي مش هتلاقيها هلاقيها تتبخر كلها فعمليه التبخر اهي قدامك اهي عشان لو انت نسيت تفكر نفسك كده التبخر هو تحول الميه لبخار استنى بقى عدل التعريف بتاعك تحول الميه اللي هي الماده السائله بتتحول لبخار اللي هو ماده غازيه ماده غازيه بايه بالتسخين او باكتساب طاقه تحول الماده من الصوره السائله للصوره الغازيه باكتساب طاقه دي اسمها عمليه التبخر او التبخير تحول الماده من الصوره السائله للصوره الغازيه ده اسمه عمليه التبخر الاثنين دول يا اد عمليه الانصهار وعمليه التبخر بتتم باكتساب طاقه باكتساب طاقه او بالتسخين يجي في الامتحان يقول لك تتم عمليه الانصهار بفقد طاقه غلط الانصهار والتبخر بيتموا باكتساب طاقه ده كده جسيمات ميه الجسيمات سريعه ومتباعده لان جسيمات السائل كده لما بسخنها بتزيد سرعتها اكت وتبعد عن بعض اكت فتتحول للصوره الغازيه الصوره الغازيه جسيماتها اكبر سرعه واكثر تباعدا بتتحرك حركه عشوائيه في كل الاتجاهات وعندها طاقه حراريه كبيره جدا طيب تعالى بقى نسرق من الماده حراره يعني هناخد الحراره من الماده بقى يعني هنفقد الماده حراره بقى احنا كنا بنكسبها حراره لا دلوقتي هنفقدها حراره بقى عارف البنوته الجميله اللي اتشهرت في مصر الفتره الاخيره بالبساطه بتاعتها هنحط مش عارف ايه بقى هنعمل ايه بقى تعالوا نتبع الاسلوب ده بقى يمكن احنا ايه نوصل لحاجه معاك معكم لما ناخد الماده ونبردها يعني نسحب منها حراره ايه اللي بيحصل؟ اهو اهو والله لما تفقد الماده طاقه حراريه سرعه جسيماتها بتقل تقل سرعه جسيماتها وتهتز بشكل ابطا ثم تتقارب من بعضها لبعض وبعدين لما الجسيمات تقرب من بعض بتبدا قوى الترابط تزيد قوى الترابط يعني قوى التماسك اللي ما بين الجسيمات تزيد فطبعا تتغير حاله الماده يا بالتسخين او بالتبريد باكتساب طاقه او بفقد طاقه بتبدا الماده تتحول من صوره لصوره تانيه تتحول من حاله لحاله اخرى ولكن عشان تبقى فاهم التبريد بيعمل حاجتين اما يعمل تكاثف عمليه التكاثف اهي عمليه التكثف او التكاثف الاتنين واحد عادي خلاص سميها زي الكتاب وخلاص عمليه التكثف التكثف او التكاثف الاثنين واحد وعمليه التجمد خلاص التبريد يعمل يعمل تجمد وتكثف وهشرحهم لك دلوقتي حالا لكن التسخين يعمل ايه؟ التسخين يعمل انصهار وتبخر ده كده ايه؟ ملخص يبقى التسخين بيعمل ايه في الماده بيخليها تنصهر او تتبخر انما التبريد اللي احنا بنتكلم فيه يخليها تتجمد او تتكثف تعالوا بقى نفهم احنا فهمنا الاثنين دول خلاص تعالوا نفهم الاثنين دول كده لما بنبرد الماده يا الماده دي بتفقد طاقه يعني جسيماتها سرعتها بتقل طاقه حركتها بتقل بتبدا انها تقرب من بعضها المسافات بتبدا تقل لان الجسيمات بتقرب فبعدين بعد ما المسافات تقلق القوه الترابط ما بين الجسيمات بتزيد فتبدا تتغير حاله الماده فعند التبريد الماده ممكن يحصل لها تجمد او تكثف تعالوا بقى نشرح التجمد ونشرح التكثف على ورقه بيضا الاول وبعدين نشوف تعريفاتهم البسيطه اللي قدامنا ده عشان نخلص الحصه بتاعتنا بص يا محمد انت دلوقتي لو انت جبت شويه ميه وحطيتهم في الفريزر الفريزر ايه اللي هيحصل؟ الميه دي هتتحول لايه؟ لثلج صح ولا ايه؟ ثلج فبنقول ان الميه ايه؟ اتجمدت اتجمدت صح لما نحط شويه ميه في الفريزر بتحوله لثلج فبنقول اه ده الميه اتجمدت بقت ثلج فعمليه التجمد اهي تحول الماء لثلج الماء دي صوره ايه سائله للثلج صوره ايه صلبه بايه الفريزر بالتبريد او بفقد طاقه اما بفقد طاقه او بالتبريد التجمد عمليه تحول الماده من الصوره السائله للصوره الصلبه بفقد طاقه او بالتبريد افهم على مثال عشان لما تيجي تحفظ تحفظ عن فهم ولما تنسى في الامتحان تبقى انت جاهز انك تستخلص التعريف من اي حاجه انت فاهمها يعني ايه تجمد شويه ميه حطيتهم في الفريزر اتجمدوا الميه كان سائل اتجمدت بقت صلب يبقى تحول الماده من الميه من الصوره السائله للصوره الصلبه اللي هي الثلج بالتبريد او بفقد طاقه ده اسمه عمليه التجمد اللي هي اللي تحت عمليه التجمد عمليه تحول الماده من الحاله السائله ميه مثلا الى الحاله الصلبه ثلج فبنقول ان الماء اتجمد وكل ده بيتم بايه بفقد طاقه او بالتبريد اهي انخفاض درجه الحراره يا ولاد يعني فقد طاقه لما بيحصل فقد في الطاقه بتقل سرعه الجسيمات وتقرب من بعض وتزداد قوه التماسك فتبدا تتحول لماده ثانيه الماده السائله جسيماتها سريعه ومتباعده لما بنعمل انخفاض في درجه الحراره لما بنبردها لما بنحطها في الفريزر لما بنفقدها طاقه تبدا الجسيمات دي تقرب من بعض حركتها بتقل بتبقى بطيئه وتبدا تقرب من بعض يعني قوه التماسك تزيد فتبدا على طول يا باشمهندس الماده تتحول من الصوره السائله للصوره الصلبه يعني الماده بتتجمد طيب ما هي عمليه التكاثف بقى؟ لا ركز معايا كده احنا كنا بنسخن شويه ميه من شويه على النار صح ده كده ايه نار اهو يا سيدي بنسخن فبيطلع هنا يا اد بخار صح البخار ده ايه ماده ايه غازيه البخار اللي طالع ده ماده غازيه لو انت جدع حط هنا غطا حله كده فوق هنا اهو فوق شويه بعد شويه الهواء اللي طالع السخن ده هيخبط في الغطاء ويرجع يتحول لميه ثاني هتلاقي الغطاء بقى عليه شويه ميه كده وبعدين تلاقي الميه بدات تسقط من الجوانب المادي ايه سائل الغاز بعد ما خبط في الغطاء اتحول لميه بخار الميه لما غبط لما خبط في الغطا اللي فوق اتحول لميه هنا بنقول ان البخار اتكثف اتكثف يعني بدا يرجع ميه ثاني عارف ليه لان الغطا يا ادجه حرارته قليله ولا عاليه؟ قليله مقارنه بالهواء اللي طالع الهواء اللي طالع من الميه دي هواء سخن البخار اللي طالع بخار سخن ده درجه حرارته عاليه وده درجه حرارته منخفضه فمين يدي لمين حراره اللي درجه حرارته عاليه يدي لدرجه حرارته اقل البخار يدي لغطا البخار بيدي للغطاء حراره مش احنا قلنا الجسم الساخن يدي الجسم البارد حراره طب مين فيهم اسخن من الثاني البخار ده طالع من على النار والغطا بارد فيقوم الهواء البخار ده اهو لما يخبط في الغطاء يديله حراره فهنا الغاز بيعمل ايه؟ يفقد حراره البخار اللي طالع لما بيخبط في الغطاء بيفقد حراره ليه؟ لان هو سخن والغطاء بارد فلما يفقد حراره جسيماته تقرب من بعض تاني والقوه تزيد فيبدا يتحول للصوره السائله لان حركه الجسيمات بتقل شويه هو ده اللي بيحصل يا باشا في التكاثف تحول الماده من الصوره الغازيه للصوره السائله بفقد طاقه اهو فقد طاقه يبقى التكاثف او التكثف هو عباره عن تحول الماده من الحاله الغازيه للحاله السائله بفقد طاقه لو عندك غاز جسيماته سريعه جدا طبعا بتتحرك حركه عشوائيه في كل الاتجاهات ومتباعده اول ما نعمل لها انخفاض في درجه الحراره تبريد او فقد طاقه تبدا الجسيمات دي تقرب من بعض شويه بتبقى جسيمات سريعه بس هي كانت سريعه قوي تبقى سريعه بس كانت اكثر تباعدا تبقى متباعده بس لان الصوره السائله بتبقى الجسيمات حالتها كده فهمت يعني ايه انصهار ويعني ايه تبخر ويعني ايه تكثف يعني ايه تجمد الاربعه دول عشان تحفظهم كويس قوي حط التعريفات كلهم تحت بعض وادي مثال على كل حاجه قبل ما تحفظها علشان المعلومه تثبت في مخك شويه نكمل في عندنا يا اد درجات حراره مميزه جدا الدرجات دي بتيجي كتير في الامتحان يعني ايه بقى درجات حراره مميزه بص في عندنا حاجه اسمها درجه الانصهار لو انت مسكت اي ماده صلبه وجيت تسخنها اسمع مني وركز لو انت مسكت حته حديده وقعدت تسخنها تسخنها تسخنها هل الحديد بيسيح على طول؟ لا الحديد بيقعد ياخد حراره ياخد حراره ياخد حراره ياخد حراره لحد ما يوصل لنقطه الانصهار يبدا يتحول من صورته الصلبه لحديد في صوره سائله عشان نبدا نشكله فدرجه الانصهار يا اد هي الدرجه اللي بتبدا عندها الماده الصلبه تتحول للصوره السائله ودليل ان احنا لما بنسخن حته حديد ما بتنصهرش على طول لا بتستنى تاخد حراره تاخد حراره تاخد حراره لحد ما توصل للدرجه ده اول ما الحديد يوصل لدرجه الانصهار بتاعته يبدا على طول يتحول من حديد صلب لحديد سائل حديد عامل زي شبه شبه سائل كده عامل زي الميه ممكن ان احنا نشكله براحتنا مش شكل الميه قوي اقصد يعني سائل يعني تقدر ان انت تشكله تاني براحتك وتعيد تشكيله فدرجه الانصهار هي الدرجه اللي بتحول عندها الماده من الصوره الجامده الصلبه للصوره السائله درجه الحراره التي تتحول عندها الماده من الحاله الصلبه الى الحاله السائله مهمه جدا طب درجه الغليان هل لما بنحط شويه ميه على النار فجاه بالله غليت لا احنا لما نيجي نعمل شاي بنحط الميه على النار بتاع ثلاث اربع دقاق كده على اما الميه كلها تغلي فالميه ما بتغليش الا لما بتوصل عند درجه الغليان الميه ما بتبداش تتبخر وتطلع تطلع يعني في صوره بخار الا لما توصل لدرجه الغليان والكلام ده يعني هنعيد تصحيحه شويه لما نوصل في ثانيه اعدادي درجه الحراره اللي بتتحول عندها الماده من الصوره السائله للصوره الغازيه اسمها درجه الغليان مهم جدا التعريفين دول يا اد زائد حاجات بقى بص مهم انا نفسي اكتب مهمه زي الجاموسه كده اهو التخينه كده اهو مهم الحاجات دي مهمه التلج بينصهر يا اد يعني بيبدا يتحول لميه عند درجه حراره صفر وبعد الصفر بيزيد تحوله الميه يعني اول ما درجه الحراره تيجي صفر بيبدا الثلج ينصهر بيبدا يتحول لميه التلج بيفضل عند الصفر واقل منه لكن واحنا عند الصفر وبدانا نزيد يبدا يتحول لميه درجه انصهار الثلج صفر ودرجه تجمد الميه صفر درجه غليان الميه الميه النضيفه النقيه اللي مش عليها شوائب بتغلي عند 100 درجه هتعمل التجربه البسيطه دي عندك في البيت علشان نخلص خلاص وتاخد الواجب بتاعك اهو وهي تجربه سهله هتجيب شويه ميه سخنين وتجيب شويه ميه باردين شويه ميه ايه من الميه اللي بيبقوا في الثلاجه كده وهتجيب لون طعام اسال ماما عليه ما لقيتوش هات الحبر دههو الحبر بتاع القلم او الحبر بتاع الختامه وتبدا تحط نقطتين هنا في الميه السخنه وفي الميه البرد وتبعد بقى يادي يا محمد لورا كده وتبص تشوف اللون هينتشر فين اسرع او الحبر الحبر هينتشر فين؟ اسرع هتبص تلاقي الحبر او لون الطعام انتشر في الميه السخنه بشكل اسرع طب ما ده طبيعي برده يا رجاله ليه؟ الميه السخنه جسيماتها واخده حراره مش دي ميه سخنه يبقى انت كنت مسخنها فبالتالي الماده دي جسيماتها واخده طاقه فتقوم جسيماتها تتحرك بسرعه ليه؟ لان عند زياده الطاقه بتزداد سرعه الجسيمات فالجسيمات تتحرك بسرعه فتبدا تخبط في بعض اكتر تخبط في بعض وتخبط في جزيئات الحبر او جزيئات اللون فتبدا تخليها تنتشر بشكل اسرع ينتشر لون الطعام في الماء الساخن اسرع بسبب زياده سرعه حركه جزيئات الماء الساخن سرعه الجزي الجسيمات بيخليها تتصادم مع جزيئات اللون او جزيئات الحبر على حسب بقى انت جايب مين بتعمل بيه التجربه مما يزيد من تصادم الجزيئات مع جزيئات لون الطعام او مع جزيئات الحبر التصادم ده يا اد بيعمل على انتشارها بسرعه يعني عايز اقول لك ايه؟ عايز اقول لك حاجه انا اصلا بكح تراب من اول الحصه عشان اقولها لك ان كلما ارتفعت درجه الحراره كانت طاقه حركه الجسيمات اكبر ما انا قلت لك الاربعه اصحاب ما بيسيبوش بعض انت اللي ما صدقتنيش قلت لك ان الجسيمات سريعه طاقه حراره الطاقه الحراريه بتاعتها عاليه درجه حرارتها عاليه وكمان طاقه الحركه بتاعتها عاليه يعني دلوقتي احنا ادينا حراره عاليه خلاص الجسيمات هتتحرك بسرعه اكبر وبالتالي تعمل على الانتشار بشكل اسرع لو في ماده جواها محطوطه تخليها تنتشر بسرعه بس يا عم كده خلصنا الدرس الثاني والثالث وان شاء الله تكون فهمت يعني انا بذلت معاك مجهود كويس قوي في الحصه دي مش عايزك يعني تهمل الجزء الاخير في الحصه اللي هو الحل حل على اللي انت فهمته حل لوحدك ما تروحش تجيب الاجابات من ورا واستنى الحصه اللي جايه هحل لك الكلام ده وهضيف لك عليه كمان بعض الحاجات اللي هتفيدك لو انت عايز الورق ده بسيبه لك على جروب التليجرام اللي موجود في الوصف تحت ده الصفحه الاولى من الواجب ودي الصفحه الثانيه من الواجب اشوفكم ان شاء الله الحصه اللي جايه احنا ماشيين بمعدل كويس قوي وهنخلص بدري ان شاء الله وباذن الله هنراجع وهتبقى مبسوط وانت داخل الامتحان سلام عليكم يا ولاد