الوحدة الثانية الدرس الرابع علوم الصف السادس الابتدائى الطاقة الحرارية وحركة الجسيمات

هنبدا الدرس الرابع لو انا عندي مكعب ثلج وسبته في درجه حراره الغرفه مع الوقت هيسيح ويتحول لميه لو انا عندي نفس مكعب الثلج واخدته حطيته على مصدر حراره على النار مكعب الثلج ده مع الوقت هيسيح هيبقى ميه وهيتحول من ميه الى بخار ميه كل ما ازود درجه الحراره او لما يوصل للغليان ويطلع بخار الميه عايزين ندرس منحنى درجه الحراره والزمن لمك مكعب الثلج ده زي ما احنا عارفين ان كل ماده بتتكون من جزيئات الجزيئات دي بتتحرك باستمرار ودايما في حاله حركه بتتحرك حسب حاله الماده لو كانت حاله صلبه بتهتز بس في مكانها حاله سائله بتتحرك بحريه شويه حاله غازيه بتتحرك بحريه جدا الجزيئات دي في بينها وبين بعض قوى بتربطها ببعض بتكون مختلفه حسب حاله الماده مثلا الحاله الصلبه بتكون قوى الترابط دي كبيره جدا الحاله الى اقل الحاله الغازيه بتكون قليله جدا او تكاد تكون منعدمه قوه الترابط دي هنبدا المنحنى اللي بيوضح ازاي درجه حراره الميه بتتغير مع الوقت او لما اسخن الماده وبيظهر امتى الماده بتتحول من حاله لحاله ثانيه من ثلج الميه لبخار ميه محورين المحور الراسي اللي هو درجه الحراره او المحور العمودي المحور ده من تحت لفوق درجه الحراره بتزيد المحور الافقي اللي هو بيعبر عن الزمن هنلاقي ان الزمن بيزيد كل ما بمشي الى اليمين اذا المنحنى ده بيزيد كل ما بمشي من تحت لفوق او من الشمال لليمين بمجرد النظر هلاقي في نقطتين على المحور الراسي اللي هو درجه الحراره هلاقي عند الصفر درجه مئويه وعند ال 100 درجه مئويه اخدنا ان درجه الانصهار اللي هي عند الصفر درجه مئويه اللي هي درجه درجه الحراره اللي عندها الثلج بيتحول لميه واخدنا عند درجه الغليان اللي هي درجه 100 درجه مئويه اللي عندها الميه السائله بتتحول الى بخار ميه المنحنى ده هلاقي في مراحل الخط فيها مايل وفي مراحل الخط فيها افقي او ثابت الخط اللي مايل في المراحل دي اللي هو المرحله الاولى والثانيه والاخيره هلاقي في بنسميه داله تزايديه يعني ايه تزايديه كل ما الزمن بيزيد كل ما درجه الحراره بتزيد لكن في خط ثاني بيكون افقي موازي لخط الزمن اللي هو في مرحلتين في المنحنى ده بنسميه داله ثابته يعني ايه داله ثابته يعني كل ما هغير الزمن عند المرحلتين دول كل ما هيكون نفس درجه الحراره هناخد مثلا اول مرحله ثابته اللي هي عند صفر درجه مئويه مهما ما اخدت اي رقم للزمن في المرحله دي هطلع بيه فوق عند درجه الحراره هيديني نفس درجه الحراره المرحله الثابته الثانيه اللي هي عند درجه 100 درجه مئويه لو اخدت اي نقطه على خط الزمن في المرحله دي هطلع بيها عند درجه الحراره هلاقيها نفس درجه الحراره عشان كده بنسمي المرحلتين دول ثابته او داله ثابته ده بالنسبه للمراحل الثابته في مراحل ثانيه بتكون تزايديه يعني كل ما الزمن بيزيد كل ما درجه الحراره بتزيد. اول مرحله هي مرحله تسخين الجليد او الثلج. البدايه هيكون عندي مكعب ثلج درجه حرارته اقل من الصفر بكتير. لما هيحصل تسخين يعني هنحط الثلج ده على النار درجه حرارته هتبدا ترتفع او تزيد بانتظام لغايه ما توصل لدرجه صفر مئويه. ايه اللي بيحصل بقى؟ جزيئات الثلج عشان هي ماده صلبه زي ما قلنا قبل كده بتهتز في مكانها اسرع لكن بتفضل متماسكه في المرحله دي الخط البياني بيكون مائل وصاعد او طالع لفوق ليه طالع؟ لان درجه الحراره بتزيد او بترتفع عشان كده بقى الخط البياني فيه تزايد هنيجي بقى للمرحله اللي بعدها اللي هي مرحله انصهار الجليد اللي هو الثلج فيها بيتحول لميه هنلاقيها من عند صفر درجه مئويه هيبدا الثلج يذوب ويتحول لميه سائله رغم اننا مستمرين في التسخين بس درجه الحراره مش بتزيد وبتفضل ثابته على الترمومتر عند صفر درجه مئويه لغايه ما يذوب كل الثلج ليه؟ لان الحراره هنا بتستخدم في كسر الروابط ما بين جزيئات الثلج وبيكون الخط البياني في المرحله دي خط افقي لان درجه الحراره مش بتتغير رغم اضافه الحراره فاحنا بنمثلها كداله ثابته رياضيا اللي هي من نقطه بدايه الانصهار الى نقطه اكتمال الانصهار بنسميها داله ثابته درجه الحراره بتاعتي مش بتتغير مهما اخدت نقطه من خط الزمن ده وطلعت بيها هلاقيها عند نفس النقطه صفر درجه مئويه في الحراره عشان كده سميتها منطقه او داله ثابته في الرياضه ليه؟ لان الحراره اره دي بنستخدمها هنا في كسر الروابط ما بين جزيئات الثلج نيجي في المرحله اللي بعد كده اللي هي تسخين الميه السائله هنلاقي بعد ذوبان كل الثلج هتبدا الميه السائله دي تسخن ودرجه الحراره بقى هتزيد من صفر درجه مئويه لغايه 100 درجه مئويه اللي هي درجه الغليان لان احنا عارفين ان الميه السائله بتغلي عند 100 درجه مئويه ايه اللي بيحصل بقى في المرحله دي جزيئات الميه اخذت طاقه طاقه حراريه هتبدا تتحرك اسرع واسرع لكن هتفضل قريبه من بعضها فهنلاقي ان الخط البياني بيطلع ثاني او في داله تزايديه ثانيه اللي هي من مرحله اكتمال الانصهار الى بدايه الغليان هنلاقي ان الخط البياني بيزيد ثاني زي بالضبط كان انا عندي سمك بيسبح جوه اناء وعمال يخبط في الجدران بتاع الاناء دي فده بالضبط اللي بيحصل وصل لجزيئات الميه بتتحرك بسرعه بس هي قريبه من بعض فبتخبط في بعض نيجي للمرحله اللي بعدها هي مرحله غليان الميه يعني الميه بتتحول الى فخار عند درجه 100 درجه مئويه بتبدا الميه في الغليان وبتتحول لبخار او غاز ودرجه الحراره في المنطقه دي بتفضل ثابته ثاني بس عند 100 درجه مئويه لغايه ما يتبخر كل الميه اللي موجوده ليه رجعنا ثاني لداله ثابته عند النقطه دي لان الحراره هنا بتستخدم انها تحرر الجزيئات من السائل الى الغاز زي بالظبط لما الطيور مثلا بتكتسب طاقه عشان تطير ففي الحاله دي برده الجزيئات بتاعه الميه هنا اكتسبت طاقه من الحراره عشان تتحول الى غاز وتطلع بره السطح بتاع السائل فالخط البياني هنا بيكون افقي لان درجه الحراره مش بتتغير اثناء التبخر مرحله تسخين البخار لو فضلنا نزود في درجه الحراره بعد تبخر كل الميه هيبدا بخار الميه في الارتفاع فوق بقى ال 100 درجه مئويه وجزيئات البخار هنا هتتحرك اسرع واسرع بطريقه كبيره جدا وهتتباعد اكث عن بعض ففي الحاله دي هيكون الخط البياني بيطلع ثاني او خط متصاعد او داله تزايديه ثانيه وبالتالي نقدر نجاوب على اكمل الفراغات التاليه في البدايه هتكتسب جزيئات الميه طاقه حراريه لان انا بسخنها احطها على النار لما هتكتسب جزيئات الميه دي طاقه حراريه هتتحول الطاقه دي لطاقه حركه جزيئات هتبدا تخبط في بعض فتتحول لطاقه حركه في الحاله دي هتتحول الماده من الحاله الصلبه الى الحاله السائله عند درجه الانصهار ودي شرحناها قبل كده بالتفصيل ان درجه الانصهار دي هي درجه الحراره اللي الماده هتسيح عندها اللي هي لما هتتحول من صلب ثلج الى ميه سائله كل ما هنزود درجه درجه الحراره كل ما قوى الترابط هتكون ضعيفه جدا وهتبدا الجزيئات تنتشر بعيده عن بعض وبالتالي هيتحول الميه السائله دي لبخار ميه لما توصل لدرجه الغليان لو اخدنا امثله ثانيه زي الايس كريم مثلا لما هنخرجه من الفريزر هيدوب ويتحول من صلب الى سائل لان حراره الجو هي اللي هتدي له الطاقه الحراريه بتاعته فبالتالي الجزيئات جواه تتحرك اكث وتخبط في بعض اكث وتزود الطاقه الحركيه بتاعته يعني الحراره اللي احنا بنديها للماده بتزود طاقه جزيئاتها اللي هي الطاقه الحركيه ليها هتبدا تخبط في بعض اكتر لما تكسر الطاقه دي الروابط ما بين الجزيئات هتتنقل الماده من حاله صلبه ثلج الى ميه سائله عند درجه الانصهار وبعد كده من حاله سائله الى حاله غازيه عند درجه الغليان