علوم تانية اعدادي الوحدة الرابعة الدرس الأول تغير سطح الأرض الزلازل و البراكين

السلام عليكم ورحمه الله وبركاته ازيكم يا سنه تثانيه عاملين ايه؟ يا رب تكونوا بخير النهارده باذن الله هنكمل بقى الدرس الاول في الوحده الاخيره وهناخد النهارده دور الزلازل والبراكين والنيازك في تغيير سطح الارض تعالوا نبدا بقى بالزلازل وقبل ما نعرف دورها تعالوا نعرف يعني ايه الزلازل الزلازل عباره عن هزات ارضيه طبيعيه سريعه ومتتاليه تحدث للقشره الارضيه يعني ايه؟ الزلازل اكيد كلنا سمعنا عنها في التلفزيون وفي ناس ممكن تكون حست بيها بنحس ان الارض بتتهز كده من تحتنا ده الزلزال الهزه الارضيه دي هي الزلزال وبتكون طبيعيه وبتكون سريعه وبيكون كذا واحد ورا بعضهم تمام يبقى الزلازل عباره عن هزات ارضيه طبيعيه سريعه ومتتاليه تحدث للقشره الارضيه طيب ليه بقى الزلزال ده بيحصل تعالوا كده نقرا ونشوف ايه المكتوب وتشكل نظريه الصفائح التكتونيه الاساس العلمي لفهم نشاه الزلازل ازاي يعني؟ فحركه الصفايح التكتونيه دي هي اللي بتادي لاختزان قدر كبير من الطاقه في الصخور ولما الصخر ينكسر الطاقه تخرج منه وبالتالي يعمل الزلزال يعني الحركه بتاعه الصفح التكتونيه دي بتروح فين؟ ما بتروحش في حته بتتخزن جوه الصفيحه نفسها طب تفضل متخزنه متخزنه متخزنه لحد ما يحصل كسر في الصخور بمجرد ما يحصل كسر كل الطاقه المتخزنه دي تخرج مع الكسر ده وبالتالي يحصل ايه؟ يحصل الزلزال طيب يبقى الزلازل اللي بيسببها ايه؟ الحركات التكتونيه زي ايه؟ زي التباعد الحركه التباعديه والحركه التقاربيه والحركه التحويليه يبقى الثلاث حركات الارضيه ممكن يسببوا الزلازل طيب الزلزال بقى بيغير سطح الارض ازاي؟ ازاي؟ قال لي اول حاجه ظهور او غمر بعض الجزر والسواحل مش احنا قلنا ان الزلازل دي حركات ارضيه بسبب حركه او كسر في الصفاح التكتونيه طيب مش احنا قلنا برده ان الصفايح التكتونيه لو حصل بينهم تقارب حركه تقاربيه يعني ممكن جزء ينزل تحت جزء نتيجه ان هو بيكون اعلى منه في الكثافه اه عشان كده ممكن يحصل غمر لبعض الجزر والسواحل منطقه محيطيه تنزل تحت القاريه وتختفي او ممكن يحصل ظهور لجزر او سواحل نتيجه الحركه التباعديه جميل كده طيباني حاجه حدوث انهيارات وانزلاقات ارضيه يحصل كسور في الارض والاراضي ايه تقع ويحصل انهيارات في الاراضي حدوث تشققات ارضيه زي اللي احنا شايفينها في الصوره دي كده ده الشق الارضي اهو الكسر اهو قدامنا تمام؟ فالشق ده بيحصل بسبب مين؟ بسبب الزلزال وحدوث ظاهره تسونامي اللي بتغير شكل السواحل طبعا ظاهره تسونامي ده عباره عن فيضان رهيب جدا وميه كتير جدا بتغطي السواحل وبتدمرها وبتدمر البيوت وتوسونامي ده بيحصل بسبب ايه؟ بسبب الزلازل طيب هل كل الزلازل شكل بعضها؟ لا طبعا ده الزلازل بصوا كده معايا بتختلف في شدتها ممكن تكون شدتها كبيره جدا تدمر الدنيا وممكن تكون ضعيفه جدا اصلا الانسان نفسه ما يحسش بيها يعني ممكن الزلزال يبقى مختلف اه عادي ممكن الزلزال يبقى ضعيف جدا الانسان اصلا ما يحسش بيه زي الزلازل اللي بتحصل كل فتره في مصر كده تلاقي سمعنا في الاخبار زلزال زلزال ومش عارف ايه واحنا اصلا ناس كتير مننا ما بتحسش بيه طيب وفي زلازل بقى قويه ممكن تسبب مشاكل كبيره جدا ممكن تعمل خساير بشريه زي ان ناس تموت او ناس تتعور او ناس تتصاب وكده يعني فاول مشكله من الزلازل القويه هي الخسائر البشريه بتمثل الوفيات والاصابات طيب ممكن تبقى خسائر ماديه ده زلزال او مثلا ممكن الزلزال ده يعمل فيضان زيت تسونامي فيعمل ايه بقى فيدمر المنشات ويدمر البنيه التحتيه ويعمل عمل انهيار للمباني والطرق والكباري وخطوط الميه والكهرباء والغاز كل الحاجات دي تتدمر وطبعا دي حاجات بفلوس كتيره جدا فبتعمل خساير ماديه رهيبه يبقى احنا دلوقتي عرفنا دور الزلازل في تغيير سطح الارض طيب تعالوا ناخد بقى دور البراكين البركان هو بقى عباره عن ايه عباره عن فتحه في القشره الارضيه بتسمح للصخور المنصهره والغازات المحبوسه بالخروج لسطح الارض يعني انا دلوقتي عندي في بطن الارض ايه؟ صخور منصهره وغازات بمجرد ما تحصل فتحه في القشره الارضيه كل الغازات والصخور المنصهره دي بتخرج من باطن الارض لسطح الارض اللي احنا خدناها قبل كده اللافا تطلع على سطح الارض كلها طيب البراكين بقى ايه الحركه اللي بتعملها؟ الحركه التباعديه انما الزلازل الثلاث حركات التقاربيه والتباعديه والايه والتحويليه اي حركه من دول هتخلي الارض تتهز لكن البراكين لازم تكون تبعديه احنا عايزين فتحه في القشره الارضيه الفتحه دي هتيجي منين؟ لما الصفائح التكتونيه تبعد عن بعضها تمام كده يبقى الحركه التباعديه للصفائح التكتونيه هي اللي بتعمل لي ايه؟ اللي بتعمل لي الفراغ اللي بتطلع منه المجمى وتخرج على سطح الارض وترتفع لسطح الارض من خلال مين؟ من خلال الشقوق وبتعمل البراكين دي تمام كده طبعا البراكين دي بتتكون فين؟ عند حدود الصفايح ما انا الصفيحه عندي دي بعدت اهي ودي بعدت اهي فالبركان هيكون فين؟ عند الحد الفاصل بينهم تمام طيب دول البركان بقى ايه في تغيير سطح الارض اول حاجه تكوين جبال بركانيه زي جبال حره رهط بالسعوديه زي ما احنا شايفين في الصوره كده جبال حره رهط موجوده عندي والفوهه بتاعه البركان باينه والجبل باين ممكن كمان تكون سهول منبسطه وهضاب دي برده اللافا او الصهير او المجمع يعني لما بتخرج من الايه من البركان بتنزل على الارض وتخلي فيه اماكن مرتفعه واماكن منخفضه فتكون لي سهول وايه وهضاب ده ممكن كمان تغطي الوديان والانهار او ممكن يخليها تختفي يبقى عندي وادي تنزل الصهير او المجمى تملا لي الوادي كله وبالتالي تغطي الوادي وتخفيه وممكن كمان تخفي الانهار ممكن تغير مصاري مجاري الانهار وممكن تكون جزر بركانيه زي جزر هواي وهنا ناخد بالنا ان انا عندي الجبال البركانيه زي حره رهط لكن الجزر البركانيه زي جزر هواي وما ننساش برده ان تقارب لوحين محيطيين كانوا بيعملوا ها سلاسل من الجبال البركانيه زي ايه جبال اليابان خدناها الحصه اللي فاتت ما ننساش وما نتلخبطش يبقى جبال بركانيه زي حره رهط وجزر بركانيه زي جزر هواي وسلاسل جبال بركانيه زي ايه جبال اليابان تمام ده دور البراكين في تغيير سطح الارض طيب البراكين بقى ايه اضرارها البراكين بتؤدي لخساير بشريه عشان الانسان لو استنشق الغازات السامه والرماد البركاني ممكن يخسر حياته طيب الغازات السامه دي يا شباب زي اول اكسيد الكربون وثاني اكسيد الكربون لو الانسان استنشقهم بكميات كبيره ممكن يتخنق ويموت طيب تاني حاجه خسائر بيئيه تتمثل في تغطيه المدن بالرماد البركاني ما هو لما مدينه تتغطى برماد بركاني انا كده ازت مدينه بشكل كبير جدا مما قد يؤدي لاختفائها وتلوث الهواء وتلوث الميه وممكن كمان يتكون امطار حامضيه تسبب بقى في اذى للنبات واذى كمان للحيوان فخدوا بالكم ان الزلازل والبراكين الاثنين فيهم تشابه من بعض ازاي ان الاثنين بيحصلوا في اماكن عشوائيه والاثنين بيتوزعوا في انماط على امتداد حدود الصفائح مكان ما الصفيحه بتتباعد يحصل زلزال على طول الصفيحه مكان ما الصفيحه بتتباعد يحصل كمان ايه بركان على طول الصفيحه مكان ما الصفيحه بتتقارب او بيتحركوا حركه متوازيه بيحصل زلزال ليه قلت كده؟ عشان الزلازل كانت بتتكون بسبب الثلاث حركات التقارب والتباعد والتحويليه انما البركان التباعد بس تعالوا بقى ناخد اخر حته في الدرس وهو دور النيازك في تغيير سطح الارض النيزك ده عباره عن ايه؟ عن كتل صخريه تخترق الغلاف الجوي للارض وت وتسقط على الارض يبقى النايزك الميزه اللي فيه او العلامه بتاعته انه بينزل على الارض انما لو القطره الكتله الصخريه دي اتحرقت في الهواء مش هتبقى نايزك امال يا مس هتبقى شهاب يبقى الفرق بين الشهاب والنيزك ان الشهاب بيتحرق كله فوق في السماء لكن النيزك بيعدي للارض وده طبعا حاجه قليله جدا جدا لما بتحصل تمام يبقى النيازك كتل صخريه في الفضاء كوكب بقى انفجر او نجم اتكسر او حاجه زي حا كده يعني المهم اتكونت لي كتله صخريه كبيره تفضل تتحرق تتحرق تتحرق والله لو اتحرقت وتلاشت بقت شهاب لكن لو اتحرقت واخترقت الغلاف الجوي للارض ووقعت على الارض بقت نيزك يبقى النيازك عباره عن كتل صخريه تخترق الغلاف الجوي للارض وتسقط على الارض بعضها بيعمل حفر دائريه كبيره جدا زي حفره اريزونا بالولايات المتحده وحفره جبل الكامل اللي موجوده في الصحراء الغربيه بمحافظه الوادي الجديد تمام يبقى انا النايازك عندي عملت حفرتين كبار على الارض اول واحده حفره اريزونا بالولايات المتحده الامريكيه وحفره جبل الكامل دي عندنا في مصر بقى في الصحراء الغربيه في الوادي الجديد والعلماء افترضوا ان كمان ممكن النيازك هي اللي اتسببت في موت الديناصورات او انقراض الديناصورات يعني تمام يبقى النيازك بتعمل ايه؟ بتعمل حفر كبيره جدا هايله في سطح الارض زي حفره اريزونا بالولايات المتحده الامريكيه وحفره جبل الكامل اللي موجوده في الصحراء الغربيه بمحافظه الوادي الجديد وافترض العلماء كمان ان اللي كون لي او ان اللي سبب في انقراض الديناصورات هو مين؟ هو النيزك او النيازك هي اللي عملت انقراض الديناصورات وكانت نسه بقى عشان تحمينا من من النيازك عملت نظام رادار يعرف باسم الدي اي ار تي يبقى وكاله ناسا عملت نظام رادار متقدم اسمه الدي اي ار تي طبعا ده اختصاره تمام وظيفته ايه بقى بيغير مدار النيزك النيزك ماشي ناحيه الارض لا يا معلم حود الناحيه التانيه فبيغير المسار او المدار بتاعه ليه بقى عشان يحمي الارض من النيزك يبقى ناسا عملت نظام رادار متقدم اسمه او اختصار اسمه الدي اي ار تي وظيفته بيغير مدار النيازك عشان يحمي الارض من الاصطدام بالنيازك وبكده انا خلصت الجزء الثاني من الدرس الاول تغيير سطح الارض فاتمنى يكون مفهوم واتمنى يكون واضح اي سؤال اي حاجه تقدروا تكتبوه لي وبس كده مع السلامه ‏Ah.