علوم الصف السابع درس كواكب النظام الشمسي الاستاذ عزالدين القواسمي

بسم الله والصلاه والسلام على رسول الله ربي اشرح لي صدري ويسر لي امري واحلل عقده من لساني يفقه قولي من رحب فيكم طلاب الصف السابع معكم الاستاذ عز الدين القواسمي في حصه اليوم ان شاء الله رح نشرح الدرس الاول من الوحده الثانيه كواكب النظام الشمسي بدي اعرف شو يعني نظام شمسي عدد الكواكب بالنظام الشمسي شو هم الكواكب هل لهم اقسام هل في اقمار الى اخره كل هي الامور ان شاء الله خلال الدرس رح ناخذها طيب بدايه بيحكي لي النظام الشمسي في نجم وحيد ما في غيره نجم وحيد وهذا النجم هو بيكون في المركز يعني في النص وبدور حواليه الكواكب مع الاقمار طيب هذا النجم الوحيد شو اسمه اسمه الشمس اللي هو نحن بنعرفها الشمس اللي نحن بنعرفها هو النجم الوحيد في النظام الشمسي ما في غيرها نجم وحيد النجم اخذناه بالصف السادس هو عباره عن جرم سماوي مضيء يعني عباره عن جسيم بيكون مضيء اذا مين النجم الوحيد الم موجود في النظام الشمسي اللي هو الشمس طيب في عندي ثمان كواكب كمان ايضا موجودات في النظام الشمسي ثمان كواكب بدنا نيجي عليهم ونتعرف على خصائصهم ونعرف انه في عندي مثلا اربع كواكب تشابهوا مع بعض واربع ثانيين تشابهوا مع بعض و مختلفات عن الاربع الاول الاولانيين رح نيجي عليهم ان شاء الله بالتفصيل ايضا بدي اعرف انه في عندي اقمار اقمار موجوده في النظام الشمسي كامل في بعض الكواكب لها قمر واحد بعض الكواكب ما لها ولا قمر بعض الكواكب لها اكثر من قمر رح نيجي عليهم بالتفصيل ان شاء الله طيب اللي بدي اياك تعرفه انه الشمس هي اللي بتكون وين في المركز شو يعني المركز يعني في المنتصف وباقي الكواكب بتدور حوالين ايش حوالين الشمس وكمان شوي بنعرف ليش الكواكب هي اللي بتدور حوالين الشمس مش العكس تمام طيب هس حكينا في عندي ثمان كواكب مضبوط طيب الثمان كواكب هذول مقسمات الى قسمين القسم الاول بسميه كواكب داخليه والقسم الثاني بسميه كواكب خارجيه طيب ليش سميت القسم الاول كواكب داخليه لانها هي الاقرب للشمس طيب اجيت انا مثلا كعالم شفت مين اول اربع اول اربع كواكب اقرب للشمس مثلا لقيتهم عطار د الزهره الارض المريخ رحت سميتهم ايش كواكب داخليه ليش سميتهم كواكب داخليه لانهم الاقرب للشمس والكواكب الخارجيه بضل عندي اربعه اللي هم ابعد عن الشمس ممتاز طيب هي الكواكب الداخليه اللي هي الاقرب الى الشمس سميتها دا خيه علل شو السبب لانها الاقرب الى الشمس مين هم هذول الكواكب عطارد هو الاقرب شيء للشمس عطارد اقرب كوكب للشمس بعد هيك الزهره ثاني اقرب كوكب للشمس احنا الثالث الارض احنا ترتيبنا الثالث من الكواكب يعني ثالث ابعد كوكب من عن الشمس اللي هو مين الارض طيب رابع كوكب اللي هو المريخ اذا هذول الاربع كواكب بسميه كواكب داخليه هم الاقرب الى الشمس اقرب شي في الكواكب الداخليه عطارد وابعد اشي في الكواكب الداخليه المريخ ممكن يجيك هذا السؤال تريك يحكي لك مثلا بدي ابعد كوكب من الكواكب الداخليه بتحكي له المريخ تمام طيب هسا هذول الكواكب تشابهوا مع بعض اللي هم الكواكب الداخليه تشابهوا مع بعض في عده خصائص الخاصيه الاولى اللي تشابهوا فيها انهم هذول الكواكب الاربعه بسميه كواكب صخريه طيب شو السبب اني بسميه كواكب صخريه لانهم بيشبهوا في تركيبهم الارض يعني لو تيجي على مثلا عطارد بتطلع على التركيب تبعه شو يعني التركيب تبعه يعني المواد اللي بتكون منها بتلاقيها مواد صخريه من صخور نفس الشيء الزهره لو تيجي تطلع عليه بتلاقيه بيتكون من صخور نفس الارض صح ولا لا نحن بنعيش عليها بتتكون من صخور نفس الشيء المريخ اذا هذول الاربع كواكب تشابهوا مع بعض انهم بسميه كواكب صخريه طب علل لماذا تسمى الكواكب الداخليه بالكواكب الصخريه لانها تشبه في تكوينها الارض وتكوين الارض زي ما نحن عارفين من صخور تمام طيب ال الخاصيه الثانيه للكواكب الداخليه بيحكي لي حجمها صغير طيب حجمها صغير مقارنه بمين لما اجي امسك الكواكب الداخليه اقارنها بالكواكب الخارجيه بلاقي انه الكواكب الداخليه حجمها صغير مقارنه بالكواكب الخارجيه الكواكب الخارجيه حجمها ايش ماله اكبر من الكواكب الداخليه اذا هي الخاصيه الثانيه الخاصيه الثالثه بيحكي لي بطيئه الدوران حول نفسها يعني كل كوكب من الكواكب بدور حوالين حاله شو يعني بدور حوالين حاله يعني تخيل ايدي كوكب ايدي هي بتدور حوالين حالها بهذا الاتجاه زي هيك هي مثلا ايدي زي هيك بتضلها تدور حوالين حالها هي معنى تدور حولين نفسها طيب هس كل الكواكب تدور حولين نفسها صح طيب شو الفرق بين الداخليه والخارجيه انه الداخليه تدور حول نفسها ببطء بطيئه الدوران حول نفسها تمام بتدور لكنها بطيئه يعني لو تيجي تقارن بين كوكب داخلي وكوكب خارجي اعتبر انه ايدي مع القلم كوكب ايش ماله كوكب داخلي وايدي بدون القلم كوكب خارجي الكوكب الداخلي بطيء الدوران حولين نفسه اما الكوكب الخارجي سريع سريع الدوران حول نفسه تمام هذا الفرق بيناتهم طيب اذا الخاصيه الثالثه بطيئه الدوران حول نفسها نيجي على الخاصيه الرابعه بيحكي لي كثافتها عاليه شو يعني كثافتها عاليه يعني هسا تعال ناخذها بشكل اخر تذكروا لما اخذنا بالسادس انه الذرات بكون هيك شكلها متراصه حوالين بعض طيب هي نعتبر انه هذا عندي ماده وفي عندي ماده ثانيه الماده الثانيه فيها نفس عدد الذرات لكن ايش مالها متباعده عن بعض كثير خلينا نعتبر انه بس هدول عدد الذرات طيب لو اجيت سالتك مين كثافته اعلى الف ولا بء طبعا الف اعلى ليش لانه نفس المساحه الاثنين لكن عدد الذرات المتراصه مع بعض هون اكثر فمعناته كثافتها ايش بدها تكون عاليه طيب لما اجي اطلع الكواكب الداخليه من ايش مصنوعه من صخور صح بما انها كواكب صخريه طيب كواكب الصخريه شو بده يكون الصخر اكيد الذرات ايش مالها متلاصقه ببعض عشان هيك ايش مال كثافتها بدها تكون ايش مالها عاليه اذا كثافتها عاليه بسبب انها تتكون من صخور تعال قارنها بالكواكب الخارجيه هسه كمان شوي رح نيجي عليها اطلع من ايش تتكون من غازات اذا هنا لازم يكون كثافتها اقل كثافتها ايش مالها متدنيه مقارنه بالكواكب الداخليه هذا الفرق بناتهم اذا لماذا كثافتها عاليه الكواكب الداخليه لانها تتكون من صخور او لانها كواكب صخريه تمام طيب نيجي على اللي بعدها بحكي لي اغلفتها رقيقه طبعا ان وجدت هسا في عندي كواكب من الاربعه هذول ما عندهم غلاف اصلا كيف مثلا في الارض في عندي غلاف جوي صح هس الكواكب الداخليه اذا لقيت غلاف اذا لقيت ممكن ما تلاقي اذا لقيت غلاف بكون ايش ماله الغلاف رقيق يعني مش سمي لا رقيق كون تمام طيب اخر خاصيه في الكواكب الداخليه بحكي لي اقمارها ايش مالها قليله طيب ليش اقمارها قليله لانه كمان شوي بنعرف انه عطارد والزهره ما عندهم ولا قمر عطارد والزهره ما عندهم ولا قمر صفر عدد الاقمر تبعتهم الارض عندها قمر واحد اذا لما تيجي تطلع على الكواكب الداخليه بتلاقي انه ايش مالها اقمارها قليله مقارنه بالخارجيه الخارجيه كمان شوي بنعرف انه المشتري عنده خ 90 قمر تمام اذا اخر خاصيه منهم انها اقمارها ايش مالها قليله اذا نراجع سريعا الخصائص تبعت الكواكب الداخليه الكواكب الداخليه بسميها كواكب صخريه علل لانها تتكون من صخور او بامكانك تحكي لانها شبيهه بتركيب الارض طيب بكي لي حجمها صغير اذا الحجم تبعها ايش ماله صغير بطيئه الدوران حول نفسها بتدور حولين حالها لكن ببطء طيب كثافتها ايش مالها كثافتها عاليه كثافتها عاليه لانها بتتكون من صخور اغلفتها رقيقه ان وجدت اذا لقيت غلاف بتلاقي الغلاف ايش ماله رقيق اخر خاصيه الاقمار تبعتها عددها ايش مالها عددها بده يكون قليل ممتاز نيجي على الكواكب الخارجيه الكواكب الخارجيه اللي هم مين مشتري طبعا ليش سميتهم خارجيه لانهم اربع كواكب الابعد عن الشمس هذول الابعد عن الشمس مين هم مشتري زحل اورانوس نبتون هذول الاربعه ط طبعا لما تيجي تطلع هسه في عندي هذول الاربعه ترتيبهم كالتالي اقرب شيء عطارد بعدين الزهره بعدين الارض بعدين المريخ بعدين بتقدر تكمل المشتري زحل اورانوس نبتون تمام يعني كانك بتكمل اذا من الكواكب الخارجيه مين الاقرب للشمس من الخارجيه المشتري مين الابعد عن الشمس نبتون بالعموم وبالخارج ابعد عن الشمس تمام طيب اذا هذول الاربع كواكب هم الكواكب الخارجيه طيب تعال نشوف خصائصهم خاصيه الاولى بيحكي لي تسمى الكواكب الغازيه ليش بسميها كوكب غازي او كواكب غازيه لانها تتكون من غازات المكون تبعها غازات اذا تسمى الكواكب الغازيه طيب حجمها ايش ماله كبير حجم تبع الكواكب هي كبير مقارنه بالحجم تبع الكواكب الداخليه طلع على الارض مثلا حطه مقارنه مع المشتري بتلاقي المشتري اكبر جيب مثلا المريخ وحطه مقارنه مع ايه مثلا اورانوس بتلاقي اورانوس اكبر وهكذا اذا الكواكب الخارجيه هي اكبر حجما تمام طيب كمان بحكي لي تدور حول نفسها بسرعه اطلع هون كانت تدور ببطء هون تدور حول نفسها بسرعه طيب كثافتها ايش مالها متدنيه طب علل لماذا كثافتها متدنيه لانها تتكون من غازات طيب ايش مال اقمارها كثيره مقارنه بالاقمار تبعت الكواكب الداخليه هون لحالها المشتري لحاله 95 قمر المشتري لحاله 95 قمر اذا اكيد الاقمار تبعتها الكواكب الخارجيه ب تكون كثيره طيب ايش اخر خاصيه بيحكي لي لديها حلقات لديها حلقات في بعض ه الحلقات بكون جليد بعضها بكون ايش ماله صخور حلقات بتكون حوالين الكوكب طبعا بتدور معه بنفس الاتجاه بعضها بكونه الحلقات صخريه وبعضها بكون جليد طيب الاكثر وضوحا من الحلقات على الكوكب اللي هو مين زحل هذا بشوف الحلقه تبعته بوضوح بسهوله بقدر اشوف الحلقه تبعته هي الاكثر وضوحا المشتري هو الاقل و وضوحا بشوف الحلقه تبعته لكن قليله الوضوح مش واضحه كثير تمام اذا هي هي خصائص الكواكب الخارجيه تسمى كواكب غازيه لانه مكوناتها بتتكون من غازات حجمها كبير تدور حول نفسها بسرعه كثافتها متدنيه علل لانها تتكون من غازات اقمارها كثيره المشتري لحاله عنده 95 لديها حلقات تتكون من صخور او جليد اللي هو زحل اكثر وضوحا والمشتري الاقل وضوحا هي هي خصائص الكواكب الداخليه والخارجيه بشكل عام عرفنا مين هم الكواكب الداخليه عرفنا مين هم الكواكب الخارجيه طيب نيجي على الجدول بطيكم اياه في الكتاب مهم جدا جدا هس هل بدي احفظ هدول طيب انت حافظهم طيب كيف يا استاذ حافظهم قبل شوي اخذناهم مش حكينا الكواكب الداخليه لعند المريخ هذول الاربعه هم الاقرب للشمس طيب استاذ حكينا هيك بس كيف بدي احفظ انه صلب او مش صلب اطلع علي حكينا الكواكب الداخليه التركيب تبعها ايش التر كيب تبعها صخري يعني بتتكون من صخور حتى بالاماره حكينا انها تسمى كواكب صخريه صح طيب اذا شو بده يكون الصطح تبعها بده يكون السطح تبعها صلب ب تكون صلب ليش لانها صخور اكيد الصخر بده يكون صلب اذا اول اربع كواكب بدها تكون ايش مالها صلبه اول اربع كواكب بدها تكون صلبه ممتاز اذا عرفنا طبيعه سطح الكوكب عطارد والزهره والارض والمريخ هذول لانهم داخليه صخريه فمعناته ايش مالهم بده يكون السطح تبعهم صلب طيب نيجي على الكواكب الخارجيه مشتري زحل اورانوس نبتون هدول حكينا بتكونوا من غازات يعني شو بده يكون السطح تبعهم ليس له سطح صلب ليس له سطح صلب ليس له سطح صلب ليس له سطح صلب ممتاز سهله جدا جدا طيب هل بدي احفظ درجه الحراره لا المتوسط تبع الارض بيهمنا اللي هو 15 بدك تحفظه بقيتهم لا ما بدنا نحفظه ممتاز طيب نيجي على مده دوران حول ال الشمس هل بدي احفظ الكل لا برضه الارض هي بتهمنا احن عارفين انه الارض 355 يوم فاصله ربع وكمان شوي بنعرف الربع شو بدنا نساوي فيه اذا 365 يوم وربع مده دوران الارض حول الشمس يعني مثلا هي الشمس الارض هيها بتحتاج عشان تدور حوالين الشمس كم 365 يوم وربع ها مده الدوران حول الشمس دوره كامله يعني بلشت من عند النقطه خلينا نسميها اكس عشان تدور دوره كامله حوالين الشمس وترجع مكانها بدها 365 يوم وربع ممتاز طيب شو المدار اللي بتدور فيه طبعا المدار اللي بتدور فيه اهليجي وكمان شوي نجي نعرف شو يعني اهليجي تمام طيب هسه 365 يوم حكينا وربع طيب احنا دائما بنشوف مثلا مده السنه بحكوا لك 365 يوم صح ها مده السنه طيب مش مرات انتم بتلاحظوا كل اربع سنين بيجي عندي شهر اثنين 29 يوم بدل 28 يوم طيب كيف اطلع علي هس السنه كامله 365 يوم حكينا ربع اذا في عندي ربع يوم زياده صح حوش لي اياه ها اول مره صار في عندي ربع الدوره الاولى طيب درنا كمان دوره اذا صار في عندي كمان ايش طبعا هون صفر ربع صار في عندي كمان ربع يعني ربع وربع نص طيب كمان دوره هي ثالث دوره صار في عندي كمان ربع طيب كمان دوره هي رابع دوره صار في عندي كمان ربع اذا اربع دورات اجمع لي اياهم هذول مع بعض ربع زائد ربع نص وربع زائد ربع نص نص ونص واحد اذا بيكونوا عندي يوم واحد صح اربع دورات اللي هي اربع سنين ححتاج اربع سنين اربع دورات كونوا عندي يوم طيب هذا اليوم شو بدي اساوي فيه بروح بحطه في شهر اثنين بصير شهر اثنين 29 يوم بدل 28 يوم ايواه اذا مده دوران الارض حول الشمس 365 يوم وربع الربع بحوش فيه اربع سنين بيطلع معي يوم كامل بحطه في شهر اثنين عشان هيك بنسميها سنه كبيسه يعني كانها زياده يوم بدل ما هي بتصير 365 بتصير ايش 366 هي السنه الكبيسه تمام ليش لانه جمعت الاربعه ارباع كونوا عندي يوم بحطه في شهر اثنين بدل ما هو 28 يوم بصير 29 يوم ممتاز طيب طبعا اخذنا عن مده دوران الارض حول الشمس تمام طيب نيجي على اخر شغله منيح ما نسيناها طيب اللي هي عدد الاقمر هل كلهم بدي احفظهم لا اطلع ليش بدينا نحفظ هس بدنا نشوف هون طبعا هون في غلط هون 95 قمر تمام نيجي نتطلع هسه عطارد والزهره احنا عارفين من الصف السادس انه ما عندهم ولا قمر اخذناهم بالصف السادس عطارد والزهره ما عندهم ولا قمر الارض عندها قمر واحد الارض عندها ايش قمر واحد المشتري عنده 95 قمر هذول اللي بدنا نحفظهم اذا عطارد والزهره ما عندهم ولا قمر الارض عندها قمر واحد المشتري عنده 95 قمر طيب شو السبب انه عنده 95 قمر لانه جاذبيته عاليه جدا المشتري عنده جاذبيه عاليه عشان هيك بيجذب الاقمار لجهته اذا المشتري 95 وهو الاكثر الارض واحد عطارد والزهره ما عندهم ولا قمر طيب هسه وصلنا عند حركه الارض والقمر حول الشمس بدي اشوف انا كيف بتتحرك الارض والقمر كيف بدور حوالين الشمس طيب هسا بسبب جاذبيه الشمس الهائله يعني جاذبيتها كثير كثير عاليه عشان هيك بتدور حولها الارض والقمر في مسار مغل غلق طيب شايفين لي هس جاذبيه الشمس ها بتفسر لك كثير شغلات شو يعني يعني الجاذبيه عاليه تبعت الشمس عشان هيك مش بس القمر والارض بدور حوليها كل الكواكب والاقمار تدور حول الشمس بسبب جاذبيتها الهائله تمام طيب هسه هو بيحكي لي تدور بسبب عفوا جاذبيه الشمس تدور حولها الارض والقمر تمام طيب كيف شكل الدوران تبعهم بحكي لي في مسار مغلق يعني كانها حلبه سباق وبيدوروا فيها في مسار مغلق شو يعني مسار مغلق يعني مسار مش تلاقيه زي هيك مفتوح بتبلش من هون بتطلع من هون لا مسار مغلق يعني مكمل هيك بضلوا يدوروا زي هيك طيب هذا المسار المغلق شو بسميه بسميه مدار ليش سميته مدار لانه تدور فيه الكواكب والاقمار من كلمه تدور الكواكب والاقمار سميته ايش مدار طيب اذا بسبب جاذبيه الشمس الهائل تدور حولها الارض والقمر في مسار مغلق شو بسمي المسار المغلق المدار طيب هس عرفنا انه القمر والارض بدور حوالين الشمس كمان شغله لازم نعرفها انه القمر برضه بدور حوالين الارض شو السبب لانه جاذبيه الارض اعلى من جاذبيه القمر طيب يعني باختصار هي عندي مثلا الشمس تمام الشمس بتدور حواليها في مدار مغلق في مسار مغلق اللي هو بسميه مدار بدور حواليها مين الارض والقمر ايضا بدور فيه في في مسار مغلق اخر طبعا غير هذا في نفس الوقت بدور عندي في مسار مغلق القمر حوالين مين القمر حوالين الارض بدور في مسار مغلق في اثناء دورانه حوالين الارض برضه بدور هو الارض مع القمر بدور حوالين الشمس اذا كل الارض والقمر بدور حوالين الشمس واثناء دورانه حوالين الشمس الاثنين القمر بدور حوالين الارض تمام هي هي طيب شو السبب انه الارض والقمر بدور حوالين الشمس لانه جاذبيه الشمس هائله شو السبب انه القمر يدور حوالين الارض لانه جاذبيه الارض اعلى من جاذبيه القمر بحكي لي وتعمل جاذبيه الارض على دوران القمر حولها وفق مدار اهليجي شو يعني كلمه اهليجي اهليجي معناها بيضوي تمام بيضوي يعني المدار المسار تبعه زي البيضه زي هيك هذا معنى كلمه بيضوي تمام اقرب للدائره طبعا اذا تدور الارض مع القمر حوالين ال الشمس علل شو السبب بسبب جاذبيتها هائله اذا عرفنا كل وحده ليش بتدور حوالين الثانيه عرفنا ليش الارض والقمر دوروا حوالين الشمس بسبب جاذبيه الشمس الهائله ليش القمر بدور حوالين الارض بسبب جاذبيه الارض اعلى من جاذبيه القمر كيف بكون شكل المدار تبعهم اهليجي يعني بيضوي الشكل بده يكون تمام طيب ه نيجي على شغله بسميها المحور المحور شو هو هو عباره عن خط واصل بين القطب الشمالي مع القطب الجنوبي يعني ها مثلا الارض وين القطب الشمالي فيها مثلا هذا القطب الشمالي وهذا ايش بسميه القطب الجنوبي صح طيب الخط الواصل من القطب الشمالي الى القطب الجنوبي شو بسميه بسميه المحور محور الارض طيب هل محور الارض هي مثلا الارض هل محور الارض مستقيم بكون هيك الشكل تبعه لا محور الارض ايش ماله مايل مايل يعني هيك بكون طيب شو زاويه الميل تبعت محور الارض 23.4 وفي ناس بتكتبها 23 وص الاثنين صح مش بيننا العشر هذا بالكتاب عندكم بنا نتقيد فيه 23.4 اذا الخط الواصل من القطب الشمالي الى القطب الجنوبي يسمى المحور شو الزاويه تبعته 23.4 هسه هل هذا الخط حقيقي لا خط وهمي بنسميه طب ليش رسمنا هذا الخط رسمنا هذا الخط لانه الارض ما بتدور حوالين حالها بهذا الاتجاه هيك لا بتدور بميل هيك بتدور حوالين حالها اذا دوران الارض زي هيك بما انه دوران الارض زي هيك حوالين حوالين حالها رحنا ورسمنا خط وهمي وشفنا قديش الميل تبعه 23.4 هذا بنسميه ايش حكينا بنسميه المحور اذا الخط الواصل من القطب الشمالي الى القطب الجنوبي هو خط وهمي طبعا بسميه ايش بسميه المحور او محور الارض يميل بزاويه 23.4 كمان شوي بعرف شو اهميه هذا المحور طيب اول اهميه لهذا المحور اللي هو بويي تعاقب الليل والنهار كيف بصير تعاقب الليل والنهار التفسير الخفيف هيك السهل جدا تحكي انه بسبب دوران الارض حول نفسها او بسبب دوران الارض حول محورها سهل جدا اذا لما هي مثلا الارض الارض حكينا في لها محور المحور هذا وهمي الميل تبعه بزاويه 23 ف4 صح هذا زاويه ميل المحور ممتاز حكينا الارض بتدور حوالين نفسها في هذا المحور في هي الزاويه طبعا بتدور حوالين نفسها طيب هس عشان تدور دوره كامله حوالين نفسها كم بتحتاج بتحتاج 24 ساعه اللي هو اليوم 24 ساعه طيب خلال 24 ساعه خلال هذا الدوران شو اللي بصير عندي اطلع علي هس خلينا نسمي بس نغير اللون ونسمي المنطقه ها ال والمنطقه ها بء تمام طيب هس خلينا نحكي انه بلشت هسه ال 24 ساعه بلشت هسه لسه الساعه صفر خلينا نحكي اللي هي مثلا 12 بالليل او 12 الظهر زي ما بدك تمام طيب الشمس بتكون موجوده هون ونازله اشعه الشمس على هذا الجزء من الارض طيب هذا الجزء من الارض اللي نازل عليه اشعه الشمس شو بده يكون ماله بده يكون عنده انهار ضاوي انهار طيب هس الشمس ضربه في هذا الجزء بس هذا الجزء اللي هون هي الارض مائله صح فعشان هيك مش واصلها شعه الشمس شو بيكون عندها الجزء هذا بيكون عندها ليل هذا الجزء اللي هو باء بده يكون عنده ليل ممتاز بلشت تدور الارض طبعا هون بكون لسه الشروق هي مثلا خلينا نسم ناخذ هي النقطه هون بكون لسه مثلا الشروق بعدين ببلش تمر ساعاتها هون مثلا ببلش الساعه 12 الظهر بتكون بعد هيك مثلا هون العصر بعد هيك مثلا هون منطقه الغروب وهون مثلا بتبلش خلص غربت الشمس بتيجي ايش المنطقه الف بتصير هون والمنطقه باء طبعا لانه الارض بتدور راح تلف وتصير هون هي المنطقه با فالمنطقه باء شو بصير عندها نهار والمنطقه الف بتصير عندها ليل وهكذا اذا الجزء المقابل للشمس يعني اللي قبال الشمس بكون عنده نهار والجزء المبتعد عن الشمس اللي هو ما بقابل الشمس بكون ايش عنده ليل هي هي هي اذا نتيجه دوران الارض حول محورها بنتج عندي تعاقب الليل والنهار اللي هو الليل والنهار تمام تيج دوران الارض حول نفسها حكينا بينتج سعاق بال الليل والنهار طيب كم بتحتاج مده دوران الارض حول حولين نفسها او حول المحور تبعها بتحتاج 24 ساعه 24 ساعه طيب هس بيحكي لي هون في الصيف يزداد طول النهار طبعا في الشتاء العكس يقصر طول النهار طيب شو السبب هسه في الصيف بكون عندي بسبب زوايا سقوط الاشعه كمان شوي بنيجي عليها لما ناخذ تعاقب الفصول الاربعه زوايا سقوط الاشعه بتختلف في الصيف عن الشتاء فلانه زوايا سقوط الاشعه في الصيف بتكون بتحتاج مده اطول او عفوا مش بتحتاج مده اطول يعني بتستمر زوايا سقوط الاشعه على الارض لمده اطول فبكون النهار عندها اطول اذا كمان شوي بنيجي نفهم بس شو السبب عل يزداد طول النهار في الصيف في في فصل الصيف على الكره الارضيه بسبب زوايا سقوط الاشعه تمام كمان شوي بنيجي نفهمها بالتفصيل اذا اللي بدي اياك تعرفه من هون تعقب الليل والنهار كم تحتاج الارض دورانها حول نفسها 24 ساعه كيف بتسبب عند تعاقب الليل والنهار نتيجه دوران الارض حول محورها في الصيف يزداد طول النهار وفي الشتاء بصير العكس يقصر طول النهار بسبب طبعا زوايا سقوط الاشعه طيب اخر موضوع موجود عندي في الكتاب اللي هو تعاقب الفصول الاربعه بدي اشوف كيف بكون عنده تعاقب الفصول الاربعه وهل لها علاقه قرب الشمس عن بعد عن عن قرب عفوا الارض على الشمس او بعدها هل له علاقه بفصل الصيف او الشتاء لا شو اللي بيفرق طيب تذك تذكروا لما حكينا المحور هو اللي بحدد لي تعاقب الليل والنهار لانه بتدور الارض حوالينه وهو اللي بحدد لي كمان تعاقب الفصول الاربعه كيف طيب اطلع علي هسه المحور ثابت ما راح يتغير هي الارض والمحور ثابت مايل بزاويه 23.4 ما راح يتغير ما راح تلاقيه بكره مثلا مايل بزاويه 50 لا مستحيل تمام طيب اذا المحور ثابت ممتاز طيب اطلع علي دائما اذا اجاني رسمه في الامتحان شو اللي بويه بطلع على محور الارض بطلع دائما على ايش على محور الارض من فوق ماليش في من تحت خلص من فوق تمام دائما بطلع على محور الارض من فوق طيب خلينا اول شي بالصيف والشتاء هون شتاء ها المنطقه شتاء وهاي المنطقه صيف طيب كيف بدي احدد لو اجاني رسمه وكان مخربط لي اياها كيف بدي احدد يا استاذ اطلع علي دائما ط على محور الارض اذا محور الارض يميل مقترب للشمس هون بكون عندي صيف اذا محور الارض يميل مبتعد عن الشمس هي الميلان تبعه هيك مبتعد عن الشمس اذا بده يكون عندي هون ايش شتاء هذا بالصيف والشتاء والصيف والشتاء دائما على اليمين وعلى اليسار ممتاز اذا اذا ميل محور الارض باتجاه او مقترب من الشمس يعني كانه مايل باشر لي هيك باتجاه الشمس هون بكون عندي صيف ا اذا مايل مبتعد عن الشمس على الزاويه الثانيه بكون عندي ايش بكون عندي شتاء تمام طيب طيب بالنسبه هس ل الربيع والخريف اطلع علي الربيع والخريف دائما فوق وتحت طيب اذا مح ميل محور الارض بشر لي على الشمس بكون عندي خريف اذا باشر على الشمس بكون عندي ايش خريف اذا المحور تبع الارض طبعا دائما حكينا بنتعامل من فوق اذا هارب كانه من الشمس مبتعد عن الشمس بيهرب قاعد لفوق شوف كون عندي الفصل كون عندي ربيع اذا دائما بطلع على ايش دائما بعتمد على محور الارض محور الارض على اليمين وع اليسار صيف وشتاء طيب اذا بجه باتجاه الشمس صيف مبتعد عن الشمس شتاء طب فوق وتحت بده يكون عندي ربيع خريف اذا باشر لي محور الارض على الشمس بده يكون عندي خريف اذا باشر لي مبتعد او كانه هارب من الشمس بكون عندي ايش ربيع بكون عندي ربيع طيب لاحظ هسه هون هون بكون عندي الارض ابعد من هون صح مع هيك بكون عندي هون فصل الصيف مع انها ابعد هون بكون فصل الشتاء مع انها اقرب طيب شو السبب السبب لانه معظم مناطق اليابسه بتكون في هذه المنطقه معظم مناطق اليابسه بتكون في هها المنطقه تمام طيب لما تكون معظم مناطق اليابسه في ها المنطقه اطلع زاويه زاويه سقوط الاشعه بهذا الاتجاه صح هون بنزل عليها الاشعه لكن ايش مالها بتكون قليله الاشعه بتكون قليله فعشان هيك بكون عندي فصل شتا مناطق بارده بتضلها بارده لانه الاشعه الساقطه عليها قليله لكن لاحظ لي هون نحن حكينا ها المناطق هي اللي بتكون فيها معظم ايش معظم اليابسه فلما تسقط اشعه الشمس خلينا نمحيها عشان تبين حكينا المناطق ها هي اللي بده يكون في عندي فيها يابسه صح هيها طيب لما تسقط اشعه الشمس اطلع جاي عليها على طول اشعه الشمس على ها المناطق اللي فوق جاي عليها على طول بتضرب فيها كانه عندها المنطقه بتكون فعشان هيك بتستمر فيها مده طويله فعشان هيك بكون عندي بتحمل ها المناطق فعشان هيك بكون فيها صيف هس ها المناطق طبعا هون في عندي مثلا في عندي استراليا استراليا بكون عندها صيف احنا بكون عندنا شتاء تمام فاحنا بنتعامل على معظم مناطق اليابسه وين بتكون في في هذا في ها الاماكن فعشان هيك هون بكون عندي شتاء وعشان هيك هون بكون عندي ايش بكون عندي صيف طيب هس حكينا احنا قبل هيك لما اخذنا الجدول انه مده دو الارض حول الشمس كم بتحتاج بتحتاج 365 يوم وايش وربع 365 يوم وربع اطلع علي مثلا هون هي الارض مثلا خلينا نحكي انها بلشت من هون تمام بلشت من هون بلشت تدور طبعا في مدار الاهليجي تبعها اللي هو البيضوي بلشت تدور عشان ترجع للمنطقه اللي بلشت منها هون كم بتحتاج 365 يوم وربع 365 يوم وربع وحكينا الربع بجمعه كل اربع م دورات حوالين الشمس بصير عندي يوم كامل بحطه في شهر اثنين بصير عندي شهر اثنين ايش 29 يوم اذا مره ثانيه تعاقب الفصول الاربعه بيعتمد على زوايا سقوط الاشعه على ايش على الارض اللي هي دوران الارض حول الشمس تمام اذا كان عندي محور الارض يمين ويسار طبعا بحكي على الارض لما تكون يمين ويسار الشمس اذا كان عندي ميل محور الارض مبتعد عن الشمس في هذا الاتجاه بكون عندي ايش بكون عندي شتاء طيب اذا كان ميل محور الارض مقترب للشمس بكون عندي ايش بكون عندي صيف ميل محور الارض فوق و تحت فوق و تحت الشمس اذا بكون باشر على الشمس بده يكون عندي خريف بكون هارب من الشمس بده يكون عندي ربيع بده يكون عندي ربيع تمام ها هي باختصار ها هي باختصار هيك بنكون خلصنا الدرس كامل اي حدا عنده اي سؤال او استفسار بيقدر يبعث لي على الماسنجر او على رقمي على الواتساب اسمي على الفيسبوك ال نق عز الدين القواسمي او على الواتساب 079 52 17 426 له وصل لنهايه الحصه كان معكم الاستاذ عزدين القواسمي ويعطيكم الف الف عافيه