علامات بسيطة للتمييز بين الأصلية والكوبي و Ray Ban Dior Gucci أشهر الماركات الكوبي

النظارات الشمسيه من الاكسسوارات المهمه للرجاله والستات واللي ما حدش يقدر يستغنى عنها في حياته اليوميه مش عشان بس زينه لا كمان لانها بتحمي العين من الاشعه فوق البنفسجيه الضاره وده طبعا مش موجود في كل النظارات اللي في السوق وموجوده بس في النظارات اللي جودتها عاليه عشان كده لازم تركز على جوده النظاره قبل ما تختار تصميمها وده طبعا لان السوق بقى مليان بالنظارات الكوبي وده اللي خلى اغلب الناس ما بقتش عارفه تفرق بين النظاره الاصليه من الكوبي عشان كده قررنا نعرفكم ازاي تقدروا تفرقوا بين النظاره الاصليه والكوبي من غير ما تنخدعوا او يتنصب عليكم اسمعونا للنهايه مع انتشار النظارات الكوبي في السوق المصري اللي السعر بينها وبين الاصليه بقى بسيط جدا وده بسبب ان الشركات المزيفه استغلت ان اغلب الناس ما بتعرفش تفرق بينها وبين الاصليه عشان كده في حاجات لازم تركزوا عليها وانتم بتشتروا النظاره بتاعتكم اول حاجه لازم تركزوا عليها هي مكان الشرا لان الماركات العالميه بتعرض منتجاتها على الويب سايت الخاص بها وده لضمان الجوده وعدم تغير محتواها وده لان في بعض الاوقات لما بتشتري النظاره من وسيط مثلا ممكن تلاقي فيها خدوش او كسور وكمان ممكن ما توصلش بعلبه الحفظ الاصليه بتاعتها وبالتالي عشان تتاكد ان نظارتك اصليه يبقى لازم تشتريها من الويب سايت بتاع العلامه التجاريه بتاعتها او اي فرع ليها او المحلات اللي اخذه توكيل رسمي منها وكمان لازم تاخد بالك من وزن وشعار النظاره وده لان النظاره الاصليه بيبقى وزنها ثقيل وجودتها متينه في كل اجزائها عكس الكوبي بتبقى ضعيفه لانها بتبقى من البلاستيك المقوى ومفصلات ضعيفه وكمان العدسه بتاعتها ما بتبقاش احسن حاجه ده غير كمان شعار العلامه التجاريه بتاع الشركات العالميه اللوجو وده بيبقى محفور على مناطق معينه في النظاره زي دعمات الانف السيليكون واطراف الذراع ودايما العلامه دي بتبقى موجوده على العدسه اليمين في النظارات الشمس وكمان النظارات الطبيه وبتبقى محفوره بالليزر يعني صعب انها تتشال او تتقشر لو اتخدشت وكمان بيبقى مكتوب ب بلد المنشا ورمز السي اي اللي بيدل على مطابقه النظاره دي للمعايير الاوروبيه لصناعه النظارات وعلى الدراع الشمال بقى بيبقى فيه الرقم التسلسلي لكل تفاصيل النظاره من مقاس العدسه لطول الازرع وكمان درجه الحمايه ولازم نعرف ان في نظارات كتير كوبي وعليها لوجو الماركات العالميه اشهرها نظاره ريبان وجوش وديور ومن الحاجات المهمه اللي لازم نهتم بيها هي جوده عدسات النظاره لان دي اكث حاجه ما ينفعش اي حد يتهاون فيها مع العلم ان النظارات الشمسيه بتتميز بمعدلات الحمايه من اشعه الشمس اليو في 400 وهي اعلى درجه حمايه انت ممكن تحصل عليها واللي الاغلبيه ما يعرفوش ان عدسات النظارات الاصليه دايما بتميل للدرجات الغامقه زي البني العسلي والاسود والازرق والاخضر ده ده مش بس كده ده كمان العدسات الاصليه دي سمكها بيكون من 4 ل 6 سم على عكس النظاره التقليد اللي سمكها بيكون ارفع ومن الحاجات المهمه اللي لازم نركز عليها كمان الاطارات والمفصلات بتاعه النظاره لان النظاره الاصليه دايما اطاراتها بتكون من المعدن او البلاستيك المقوى وبيكون ثقيل شويه عكس النظاره الكوبي وكمان لازم ناخد بالنا من التعبئه والتغليف عشان النظاره الاصليه دايما بتيجي في صندوق حفظ وبيبقى عليه لوجو العلامه التج بتاعتها وبيبقى معاه كمان غلاف من الجلد وقماشه عليها شعار الماركه وكمان بيبقى فيه كتيب عن كل تفاصيل النظاره وباركود متصل بموقع الشركه وطبعا كل ده ما بيبقاش موجود في النظاره التقليد والسعر كمان من اهم الحاجات اللي بتعرفنا اذا كان النظاره دي اصليه ولا لا لان النظاره الاصليه دايما سعرها اعلى من الكوبي وسعرها بيبقى مكتوب في الموقع الرسمي للشركه ولو عليها تخفيض برده بيبقى مكتوب في النهايه تفتكروا بعد كل اللي قلناه ده مش نعرف النظاره الاصليه من الكوبي ولا برضو ممكن نتخد ع ثاني