شرح مبسط لدرس خاصية التوزيع في الضرب الصف الثالث الابتدائي ميس دينا العربي

عادي النهارده درس سهل وبسيط جدا اسمه خاصيه التوزيع في الضرب هنتعلم النهارده ازاي نستخدم خاصيه التوزيع في عمليات الضرب جايب لك مساله زي دي بيقول لك اتنين في خمسه وعايزه استخدم هنا خاصيه التوزيع انا عارفه ان دي مساله بسيطه تقدر ان انت تحلها من غير ما تستخدم خاصيه التوزيع ان انت تقول الاتنين في خمسه وعشره وما تستخدمش اي حاجه لكن لو انت عندك مساله صعبه شويه يعني مثلا اتنين في 16 اتنين في سبعه وثمانين هتحتاج ساعتها ان انت تستخدم خاصيه التوزيع علشان كده احنا بنتدرب على استخدام خاصيه التوزيع علشان نحل بها المسائل اللي بتكون ارقامها كبيره شويه انا عندي مساله دي بيقول لي الاثنين في خمسه تعالوا كده هنستخدم هنا خاصيه التوزيع ازاي المفروض منك هنا ان انت تروح على الرقم الكبير مين الرقم الكبير هنا اللي هو الخمسه وتفك الخمسه ده لرقمين مجموعين مع بعض بيساوي خمسه يعني انا هنزل هنا الاتنين دي زي ما هي فيه الخمسه دي كام زائد كام تلاته زائد اتنين طيب لو كنت عملت مثلا اربعه زائد واحد صح خمسه زائد صفر صح كله صح وتلاته زائد اتنين صح تمام يبقى المفروض ان انت تروح على الرقم الكبير ده وتفكه لرقمين مجموعين على بعض يدوك الخمسه تمام دي اول خطوه الخطوه التانيه الخاصيه اسمها خاصيه التوزيع يبقى احنا هنوزع نوزع الاتنين على التلاته وعلى الاتنين نوزع الاتنين على التلاته والاتنين طيب تعال كده نوزع الاتنين دي هيبقى عندك هنا الاتنين في تلاته وهنزل زائد ليه عشان هنا موجود زائد واوزع الاتنين في اتنين تعالوا بقى نحل لجوه الاقواس عندك هنا الاتنين في تلاته في سته زائد الاتنين في اتنين بكام باربعه اجمع بقى سته زائد اربعه يعني عشره تعالوا كده نتضرب في مساله تانيه لو انا عندي مثلا اتنين في 18 المفروض هنا ان انت تعمل ايه تروح على الرقم الكبير وتفكه لرقمين مجموعين مع بعض يدوك ال18 هتنزل الاتنين زي ما هي مش عامل فيها اي حاجه وهفتح قوس وهقول ال 18 دي كام زائد كام انا هختار عشره زائد تمانيه عشان تبقى اسهل في الضرب بعد كده تمام يبقى عندي هنا الاتنين نزلتها زي ما هي وال 18 خليتها عشره زائد تمانيه يلا بقى نوزع نوزع الاتنين على العشره وعلى التمانيه بقى عندي هنا نفتح قوس الاثنين في عشره زائد الاتنين في تمانيه هيساوي الاتنين في عشره بعشرين زائد الاتنين في تمانيه ب 16 يلا نجمع صفر زائد سته سته اتنين زائد واحد تلاته يبقى الاجابه سته وتلاتين تمام كده اتدربنا على استخدام خاصيه التوزيع طيب ساعات بقى يطلب مني ويقول لي استخدم استخدم النموذج الشريطي في ايجاد ناتج ويجيب لي مساله زي دي الاتنين في خمسه المفروض ان انا احل المساله دي ازاي هو بيقول لك استخدم حاجه اسمها النموذج الشريط تعالوا كده نشوف هنحل مساله دي ازاي باستخدام النموذج الشريطي المفروض مني ان انا هروح اعمل شريط زي ما هو بيقول تمام هيبقى اول حاجه هتعمل شريط تمام دي اول خطوه الخطوه التانيه هتروح على الرقم الكبير مين هنا الكبير الاتنين ولا الخمسه لا الخمسه يبقى هتعمل خمس مربعات هتقسم الشريط ده لخمس مربعات هروح بقى لعدد الصغير من العدد الصغير الاتنين هكتب هنا في كل مربع هكتب اتنين تمام هاجي كده في اي حته في النص بقى اي حته انا عايزاها هنا مثلا هنا اي حته هاجي هنا مثلا واعمل خط كده واعد مربعات اللي هنا عدم مربعات اللي هنا قد ايه واحد اتنين تلاته صح يبقى اتنين في تلاته نعد المربعات اللي هنا واحد اتنين يبقى اتنين في اتنين طيب تعالوا نكتب بقى مساله بتاعه اللي هو كان عايزك تحلها اللي هي الاتنين في خمسه الاتنين في خمسه هتساوي انا عندي هنا الاتنين لو تلاحظ عندك هنا اتنين في تلاته وعندك هنا اتنين في اتنين هاخدها هنا مشترك بمعنى هتشيلها من الاثنين بقى عندك هنا اتنين في وهتفتح قوس لما هناخد منها الاتنين يتبقى مين يتبقى التلاته زائد وهنا لما اخد منها الاتنين يتبقى مين يتبقى الاتنين هكتبها هنا يبقى تلاته زائد اتنين طيب يبقى انا الناتج اللي انا طلعته من النموذج الشريطي بتاعي اتنين في تلاته زائد اتنين تعالوا بقى نستخدم خاصيه التوزيع اللي كنا بنستخدمها فوق ان احنا نوزع الاتنين على التلاته وعلى الاتنين يبقى هنقول اتنين في تلاته زائد اتنين في اتنين يلا نضرب الاتنين في تلاته بسته زائد الاتنين في اتنين باربعه نجمع سته زائد اربعه عشره تمام طيب اقدر ان انا احلها بطريقه تانيه يعني مثلا لو طالب تاني لا انا مش هعمل الخط هنا انا هعمله هنا يبقى غلط طب تعالوا كده نشوف نحل بطريقه تانيه هعمل شريط بقى انا عملت الخط المره اللي فاتت هنا هعمله المره دي هنا هعمل الخط هنا تمام كم مربع ده واحد يبقى اتنين في واحد طيب هنا كم مربع واحد اتنين تلاته اربعه اربع مربعات يبقى اتنين في اربعه يبقى عندي مساله بتاعه الاساسيه اللي هي كانت كامل اللي هي اتنين في خمسه هتساوي هتبص هنا هتلاقي ان الاتنين هنا متكرره صح هتاخدها بره مره واحده بس وتشوف مين اللي هيتبقى يتبقى عندك هنا الواحد يتبقى عندك هنا الاربعه يبقى تقولوا واحد زائد اربعه هتساوي هتوزع بقى هتوزع الاتنين على الواحد وعلى الاربعه يبقى هتقول الاتنين في واحد زائد الاتنين في اربع الاتنين في واحد باثنين زائد الاتنين في اربعه بتمانيه يلا نجمع اتنين زائد تمانيه عشره نفس الاجابه تعالوا بقى نشوف تالت جزء في درس النهارده اوجد الرقم الناقص جايب لي هنا اتنين في اربعه بتساوي اتنين في اتنين زائد اتنين في كام هتبص هنا هتلاقي ان الاتنين هي هي هنا وهي هي هنا هتعمل دايره على الاربعه دي وتقول الاربعه دي اتنين زائد كام الاربعه اتنين زائد كام اتنين زائد اتنين طبعا المساله اللي بعديها بيقول لك اربعه في عشره بتساوي اربعه في اتنين زائد اربعه في كام عندك هنا الاربعه بص متكرره في التلاته تمام يبقى عندك هنا العشره تحط عليها دايره وتقول العشره دي اتنين زائد كم ها اثنين + 8 طيب تعالوا كده نتاكد اربعه في عشره بكام ب 40 اربعه في اتنين بتمانيه زائد الاربعه في تمانيه باتنين وتلاتين تعال كده نجمع التمانيه زائد 32 هيطلع معانا 40 يبقى احنا كده حلينا صح ده لو احنا حبينا ان احنا نتاكد من الاجابه بتاعتنا طيب عندي المثال التالت بيقول لي 5 × 9 بتساوي خمسه في اربعه زائد الخمسه في كام هتلاقي هنا ان الخمسه عندك هنا التسعه التسعه دي اربعه زائد كام اربعه زائد خمسه المساله اللي بعد كده بيقول لك سبعه في تسعه بتساوي سبعه في تلاته زائد سبعه في كام هتلاقي ان السبعه هنا متكرره في التلاته حط دايره على التسعه يبقى التسعه دي تلاته زائد كام تلاته زائد سته درس سهل وبسيط ما فيهوش اي مشكله خالص نروح نتدرب على مسائل اكتر ونجمع كده بينه وبين الدرس اللي فات عشان ما يحصلش لغبطه بين الاتنين اشوفكم مره جايه ان شاء الله على الف خير