طلاب السادس ضافولكم 14 انشاء بالكتاب الجديد

كتاب الانجليزي الطلاب السادس 2026 غيروه وسووا لكم به 14 انشاء يعني ابشركم ولا طالب راح ينجح السلام عليكم حبايبي طلاب السادس اليوم اريد احكي وياكم وبشغله كلكم سمعتوا بها واكيد ضوجتكم وزاره التربيه زودت عدد الانشاءات وسوتهن 14 انشاء بدل ما كانت عشر انشاءات بالمنهج كل المدرسين ده يحكون عن صعوبه هذا التغيير وده يحكون عن عن ضيق الوقت بحيث حتى اناي استاذ مثلهم من سمعت الحكي من عندهم خفت من المنهج لذلك خلي اسولف لكم فد شغله قبل من كنا صغار اناي واخواني مرات تصير مشكله او عركه او اي ظرف معين بحيث تشوف الام خايفه والاطفال خايفين من هاي العركه او المشكله او من هذا الظرف القاسي اللي ده يمرون به هنا يجي دور الاب ويتكلم ويا اطفاله ويتكلم ويا زوجته ويقول لهم لا تخافون فمهما صار اني موجود يمكم وهذا الكلام كان كلش ياثر بالابناء وياثر بالزوجه وياثر على جو العائله بشكل عام بحيث يوخر عنهم الخوف في القلق ويخليهم مستعدين حتى يواجهون الاشياء الصعبه هذا كله لان ابوهم واقف وياهم ويشوفونه مثل القائد واثق بنفسه وواثق بخطته فيا عزيزي الاستاذ انت هنان الطالب ده يشوفك مثل الاب وده يشوفك مثل القائد يعني اني بس اريد افهم بعض الاساتذه شنو قالوا لنفس هم منطلعه ودي يصورون فيديوهات ويشكون من صعوبه الانشاءات ويشكون من عدد الانشاءات بحيث كل الطلاب خافوا بسببكم يعني حتى الطالب اللي ما يخاف هم خليته يخاف يعني المفروض من عندكم انه تطلعون تطون حل مو تطلعون على مود تتشكون وهاي الشكوه اللي اصلا ما راح تفيد الطالب باي شيء فلو تطلع تحكي شيء ب فائده للطالب ويحل المشكله لو تطلع تحكي كلام يطمن قلب الطالب لو اصلا كرمنا بسكوتك وما يحتاج تخوف الطالب اكثر من ما هو خايف بعدين تعالوا انتم لو صرتوا مدرسين رياضيات كان ايش سويتوا يعني الرياضيات فوق الاكثر من 350 صفحه لو صرتوا مدرسين كيمياء لو صرتوا مدرسين فيزياء كانوا ايش سويتوا وكل ماده من ذن المواد كتابها يتكون من 300 او 350 صفحه واكثر والمدرسين يخلصونهم طبيعي وبدون اي تذمر وبدون اي خوف وبدون اي حكي زيد اصلا فحبايبي حاولوا تتصرفون صح وبدل ما تحكون شيء يخوف الطالب انطوا حل الطالب انطوا خطه يمشي عليها الطالب لان الطالب او الطالبه من يشوف الاستاذ خايف اوردي الطالب هم راح يخاف وراح يخاف بحيث حتى الماده هاي تقد عندها بس الظاهر بعض الاساتذه يراد لهم اساتذه المهم حبايبي طلاب اريدكم تهدون وتسمعون زين مننا للاخير اول شيء لا تخافون لان الموضوع ابسط من ما تتصورون ترى الانشاءات مو جديده عليكم ترى هي نفس الاسلوب نفس الطريقه بس اكو كم صار بيهن زياده لا اكثر ولا اقل يعني لو اتعامل وياهم باسلوب وبهدوء راح نكتشف انه ما يختلفن عن باقي الانشاءات وانا ان شاء الله موجود وياكم خطوه بخطوه وراح اشرح لكم كل الانشاءات بقناتي على اليوتيوب وراح نخلي الانشاءات تصير عندكم مثل المي يعني تحفظوها وتكتبوها وبدون تعقيد واريدك تتذكر انه انت خوفك من التغيير مال الكتاب راح ياثر عليك اكثر من التغيير اللي بالكتاب انتم بس تخيلوا وياي كانت عندكم عشر انشاءات كل انشاء قولوا نخلصه بمحاضرتين هن عشره كل واحد محاضرتين يعني ب 20 محاضره هسه زودوهن اربع انشاءات يعني بدل ما نخلصهن ب 20 محاضره راح نخلصهن ب 28 محاضره فما له داعي انه نكبر الموضوع اكثر خلاص خلينا نعيش الواقع وخلينا نتجه للكتاب خلونا نقرا وخلي نستغل وقتنا صح بدل ما نخلص وقتنا بالتدمر والخوف الخوف والقلق خلينا نستغله بالدراسه صح خلاص الكتاب تغير عند كل طلاب العراق تغير مو بس عليك مو بس على صديقك مو بس يم ابن عمك لا كل طلاب العراق راح يمتحنونه بهذا الكتاب فخلونا نعيش الواقع شويه اخيرا ارجع واقول مره ثانيه لحد الان اقسم بالله لحد الان ماكو كتاب صادر 100% وماكو قرار وزاري او قرار رسمي من وزاره التربيه انه المنهج يتغير كل هذا هو حكي اساتذه وحكي اصحاب قنوات في حال صدر الكلام فكلش طبيعي لا تخافون خلاص نعيش الواقع ونقرا المنهج الجديد في حال ما تغير الكلام العفو ما تغير المنهج وما صدروا منهج جديد فاموركم الحمد لله ماشيه وحاولوا تنجحون هاي السنه ولا تعيدون سنه حتى لا يتغير عندكم منهج جديد واني اعرف انه انت جيل قوي وانه هاي التغييرات ما راح تهزكم خليكم واثقين بنفسكم خليكم واثقين بينا وخليكم مطمئنين لان بالنهايه مهما تعبتوا التعب راح يروح وتبقى بس فرحه النجاح