الصف السادس الابتدائي الترم الأول دين الإيمان باليوم الآخر

بسم الله الرحمن الرحيم اهلا بكم يا ابطال مع شرح دروس التربيه الاسلاميه للصف السادس الابتدائي الترم الاول الدرس بعنوان الايمان باليوم الاخر بيبدا الدرس بموقف بيحكيه الاب لاولاده وهم قاعدين بيتناولوا طعام الغداء الموقف ده حصل للاب في السوق الموقف باختصار هو ان الاب لاحظ البائع اللي بيغش في الميزان يعني لما بيوزن الحاجه بينق نقص منها شويه في ناس فعلا بتعمل كده وده طبعا حرام وغش الاب اتكلم مع البائع وفكره باليوم الاخر فكروا اننا كلنا هنروح عند ربنا ونتحاسب على كل اعمالنا هتقول ايه لربنا لما يسالك عملت كده ليه سميره سالت والدها ما المقصود باليوم الاخر يا ابي عايزه تعرف يعني ايه اليوم الاخر رد عليها الاب وقال لها اليوم الاخر هو يوم القيامه اللي كل الناس هتروح فيه عند ربنا ونتحاسب على اعمالنا في الدنيا واسمه اليوم الاخر لان ما فيش يوم بعديه هو اخر يوم بعد كده اما تعيش في الجنه او تعيش في النار واحنا كمسلمين لازم نؤمن باليوم الاخر زي ما ربنا قال وبالاخره هم يوقنون كده عرفنا يعني ايه اليوم الاخر ودلوقتي عايزين نعرف يعني ايه الايمان باليوم الاخر ازاي الانسان يكون مؤمن باليوم الاخر الام بدات تتكلم وتشرح الموضوع ده قالت ان الايمان باليوم الاخر معناه التصديق باتيانه يعني لازم نصدق ان اليوم ده هيجي بالفعل وهيحصل فيه كل الاحداث اللي ربنا قال لنا عليها ايه ده هو ربنا قال لنا على الحاجات اللي هتحصل في اليوم ده ايوه طبعا انت مستغرب ليه؟ ربنا عز وجل قال لنا على كل احداث يوم القيامه في القران الكريم طب عايزين نعرف الحاجات اللي هتحصل في اليوم ده هو ده السؤال اللي سالته سميره لوالدها قالت له ماذا سيحدث في هذا اليوم يا ابي رد عليها الاب وقال لها هتحصل احداث عظيمه يتبع بعضها بعضا يعني الاحداث دي هتكون ورا بعض بالترتيب زي ما ربنا قال لنا بالضبط اولا هيبدا اليوم الاخر بالنفخ في الصور يعني ايه الصور ومين اللي هينفخ في الصور الثور هو حاجه ربنا خلقها لما تنفخ فيها تصدر صوت قوي جدا تخرج صوت قوي طيب تمام مين بقى اللي هينفخ فيها ويصدر الصوت ده في ملك من الملائكه ربنا كلفه بالمهمه دي وهينفخ في الصور مش مره واحده مرتين طب ليه مرتين هقول لك لان اول مره هينفخ في الصور هيموت كل اللي على الارض هيموت جميع الخلق اي كائن حي عايش في الوقت ده لازم يموت من النفخه الاولى طب وبعدين ايه اللي هيحصل هينفخ النفخه الثانيه فيبعث الناس جميعهم من القبور للحساب يعني كل الناس اللي ماتوا من بدايه الخلق من اول سيدنا ادم عليه السلام حتى الان كل الناس دي ربنا هيحييهم ويرجع لهم ارواحهم ثاني لما الملك ينفخ النفخه الثانيه في الصور كويس كده الكلام ده يبقى الملك هينفخ في الصور مرتين في الاولى هيموت كل الخلق في الثانيه هيبعث كل الناس ويخرجوا من القبور طيب بعد ما الناس تخرج من القبور ايه اللي هيحصل؟ هيبدا الحساب هنتجمع كلنا في مكان واحد كل الناس كل الناس هيتجمعوا في مكان واحد وربنا هيوزن اعمال كل واحد على ميزان دقيق جدا واللي حسناته هتكون اكتر يدخل الجنه واللي سيئاته تكون اكت يستحق العقاب ويدخل النار يعني كلنا هنموت وكلنا نا هنتحاسب على اعمالنا والفائز هو اللي هيدخل الجنه زي ما ربنا قال كل نفس ذائقه الموت وانما توفون اجوركم يوم القيامه فمن زحزح عن النار وادخل الجنه فقد فاز وهنا الام قالت معلومه جميله هو ان اول ما يحاسب عليه العبد يوم القيامه هو صلاه يعني اول حاجه ربنا هيسالك عليها ويحاسبك عليها هي الصلاه انت بتصلي ولا لا الحق نفسك لو مش بتصلي قبل فوات الاوان وقبل ما تندم على كل الصلوات اللي فاتتك قال رسول الله صلى الله عليه وسلم ان اول ما يحاسب الناس به يوم القيامه من اعمالهم الصلاه واليوم الاخر له اسماء كثيره ذكرت في القران الكريم زي يوم القيامه والحاقه والغاشيه ويوم الفصل كل دي اسماء لما تسمعها تعرف ان المقصود بها اليوم الاخر طيب هو الانسان لما يؤمن باليوم الاخر ايه اللي هيحصل يعني انت وانا هنستفيد ايه لما نؤمن باليوم الاخر هتستفيد كتير جدا اولا هتكون حريص على اداء العبادات يعني هتكون حريص انك تصلي وتصوم وتعبد ربنا صحاني حاجه تبعد عن المعاصي لما تعرف ان المعصيه هيسالك عليها ربنا في يوم القيامه هتبعد عنها ثالث حاجه تحسن للناس وتلتزم بالقيم والاخلاق لان ده هيكسبك حسنات كتير هتنفعك يوم القيامه في ميزان حسناتك ان شاء الله رابع حاجه هتكون اكثر صبرا على الشدائد يعني المصائب والمواقف الصعبه اللي بتحصل للانسان انت هتكون اقوى لانك عارف ومتاكد ان ربنا هيجازيك على الصبر ده وانك راضي بقضاء الله عز وجل اللهم اجعلنا من الصالحين الصابرين واجعل خير ايامنا يوم ان نلقاك وانت راض عنا امين يا رب وكده خلص درسنا النهارده شكرا على حسن المتابعه والسلام عليكم ورحمه الله وبركاته