النعت تعلم الإعراب بسهولة

لما سالنا بعض الطلبه يعني ايه نعت قال والله النعت هو عباره عن اسم نكره قبليه اسم نكره او اسم معرفه قبليه اسم معرفه قلنا لهم بس كده قالوا لنا اه بس كده هو ده النعت هتقول لي طب وانت زعلان ليه طب ما هم جاوبوا صح هقول لك لا هم ما جاوبوش صح ولا حاجه هم قالوا نص الحقيقه ما قالوش الحقيقه كامله هتقول لي ازاي يعني في الحقيقه الكلام ان اي اسم نكره قبليه اسم نكره نعت واي اسم معرفه قبليه اسم معرفه نعت الكلام ده غير صحيح او الكلام ده ناقص بمعنى اصح والدليل لما اقول لك مثال استعنت بكتاب صديق لو مشينا بقى بمنطلق ان اي اسم نكره قبليه اسم نكره ده نعت المفروض صديق هنا اسم نكره وكتاب اسم نكره يبقى المفروض اعرب صديق نعت طبعا اجابه خاطئه هنا صديق مضاف اليه هتقول لي طيب امال انا هعرف النعت ازاي هقول لك كمل الفيديو ده للاخر وانت هتفهم يعني ايه نعت وهتفهم تطلعه ازاي طيب النعت يعني ايه نعت النعت يعني صفه هتقول لي والله يعني انت كده فهمتني النعت يعني ايه صفه الصفه هي كلمه بتوصف لي حاجه قبليها او كلمه قبليها الكلمه اللي قبليها دي بسميها موصوف تقول لي انا حاسس ان انا كده الدنيا عمال تعقدها لي مش بتبسطها لي خالص هقول لك اصبر عليا يا سيدي واحده واحده وهفهمك باذن الله لما اقول لك المثال ده هذه سياره جميله فين الكلمه اللي بتوصف لي كلمه سياره هتقول لي جميله جميل هو ده الصفه او النعت هتقول ق لي هي اسمها نعت ولا اسمها صفه؟ هقول لك هم الاثنين واحد النعت هو الصفه والصفه هو النعت هتقول لي يعني انا لو انا بعرب الكلمه دي واعربت وكتبت نعت او صفه الاثنين واحد هقول لك اه وبعدين انت ماسك على الامور ليه؟ طب ما عبد الرحمن بيدلعوه بيقولوا له يا بودي وحسن بيدلعوه بيقولوا له يا ابو علي عادي كلها حاجات لما اتوجدنا في الدنيا لقيناها موجوده معانا عادي يعني المهم نرجع لكلامنا ان كلمه جميله وصفت لي كلمه سياره فبقول على جميله نعت او صفه طيب جميل فين بقى بقى الحاجه اللي انا وصفتها الكلمه اللي انا وصفتها اصلا هتقول لي كلمه سياره هي دي الكلمه اللي انا بوصفها فبنسميها موصوف او منعوت هتقول لي جميل يعني كلمه جميله هي نعت عشان وصفت لي الكلمه اللي قبليها تمام كده تمام كده طب معنى كده ان كلمه سياره هعربها موصوف لا بنعربها على حسب موقعها في الجمله يعني كلمه موصوف دي وكلمه منعوت مش اعراب اصلا لكن كلمه نعت او صفه هي دي الاعراب هتقول لي لا ترجم لي الحته دي لما اديك مثال واقول لك راى احمد رجلا كريما تعال نعرب الجمله دي كلمه كلمه راى فعل ماضي مبني على الفتح احمد فاعل مرفوع وعلامه رفعه الضمه رجلا مفعول به منصوب وعلامه نصبه الفتحه طب وكريما نعت علشان وصفت لي كلمه رجل هتقول لي طب واحده واحده انت بتقول ان كريمه نعت عشان وصفت لي كلمه رجل طب ما انا ممكن اقول لك كلمه رجل نعت عشان وصفيض لي كلمه احمد هقول لك لا طبعا النعت ليه شرطين مهمين جدا مافيش واحد فيهم بيقل اهميه عن التاني الشرط الاول ان الكلمه اللي انا شاكك ان هي نعت لو هي نكره لازم الكلمه اللي قبليها تبقى نكره لو هي معرفه لازم الكلمه اللي قبليها تبقى معرفه ده الشرط الاول طب والشرط الثاني اني بسال على النعت بما صفت تعالى نطبق الشرطين دول في المثال ده اول حاجه فين الكلمه اللي احنا بنقول ان هي نعت هتقول لي كلمه كريما جميل كريما هنا نكره ولا معرفه هتقول لي نكره هقول لك طيب قبليها نكره ولا معرفه هتقول لي نكره جميل يبقى الشرط الاولاني اتحقق ان النعت هنا اسم نكره كده قبليه اسم نكره ده الشرط الاولاني طيب والشرط الثاني ان بسال على النعت بما صفه باجي على الكلمه اللي قبليه واحط ما صفه واسال نفسي ما صفه الرجل الاجابه انه كريم اه يبقى كده الشرطين تحققوا عشان كده قلت كلمه كريمه النعت لكن لو جيت لاحمد ورجل رجل هنا نكره واحمد معرفه خلاص يبقى ادام في حصل خلل في شرط من الشرطين يبقى الكلمه بتاعتي ما تنفعش تبقى نعت هتقول لي طيب يعني ايه اصلا نكره ويعني اي معرفه هقول لك عشان ما نضيعش وقت ارجع لدرس المضاف اليه هتلاقيهم مشروحين في اول ثلاث دقاق من الدرس هتقول لي طب انا حاسس ان انا يعني مش فاهم قوي هقول لك طب ندخل على الامثله وهتفهم ان شاء الله هبص للمثال الاول اشتريت قلما جديدا اول حاجه هتركز عليها اللي انا بدور على اسم نكره قبليه اسم نكره او اسم معرفه قبليه اسم معرفه هنا في اسم نكره قبليه اسم نكره اه جديدا قبليه اسم نكره قلما يبقى انا شاكك ان كلمه جديدا دي نعت عايز اتاكد هاجي قبل المنعوت فين المنعوت اللي هي كلمه قلما واحط ما صفه واسال نفسي ما صفه القلم انه جديد تمام يبقى كده الشرطين بتوعي اتحققوا ايه هما ان النعت هنا نكره وقبليه نكره ولما سالت عليه بما صفت الاجابه كانت تمام المثال التاني لعب الولد اللعبه المسليه فين الاسم المعرفه اللي قبليه اسم معرفه هتقوللي ها اللعبه المسليه المسليه اسم معرفه واللعبه اسم معرفه يبقى انا شاكك ان كلمه المسليه دي نعت عشان اتوافر فيها شرط طب والشرط التاني اللي انا احط مواصفه قبل كلمه المنعوت فين المنعوت؟ اللي هي اللعبه ما صفه اللعبه انها مسليه تمام يبقى المسليه دي نعت هيجي واحد يقول لي طب ما انا عندي في كلمه معرفه قبليها كلمه معرفه تاني في نفس الجمله هقول له فين؟ يقول لي اللعبه والولد يبقى معنى كده ان اللعبه ممكن تبقى نعت هقول له ماشي ده كده شرط اتحقق الشرط الثاني حط كده ماصفه قبل المنعوت اللي هي الولد ما صفه الولد انه لعبه لا طبعا ما تنفعش عشان كده بنقول ان الشرط الاولاني لوحده لا يكفي ان هو معرفه معرفه نكره نكره لوحدها لا تكفيه المثال الثالث تحدثت مع صديقي المخلص تحدثت تحدث ده فعل ماضي والتاء تاء الفاعل ومع ظرف وصديقي مضاف اليه فين الاسم المعرفه اللي قبليه اسم معرفه المخلص اسم معرفه قبليه اسم معرفه اللي هو كلمه صديقي خلي بالك بقى من الحته دي لان بعض الناس وهو بيدور على النعت بيدور على اسم معرفه في الف ولام قبليه اسم معرفه فيه الف ولام ما يعرفش ان المعرفه دي كذا نوع اصلا يعني ممكن يبقى اسم شخص اسم مدينه كلمه فيها الف ولام كلمه فيها ضمير متصل يبقى المعرفه مش مقتصره على الالف واللام بس فهنا المخلص معرفه وصديقي برده معرفه ليه معرفه عشان اتصل بها ضمير متصل فبالتالي الكلمه كلها معرفه يبقى كده الشرط الاولاني اتحقق الشرط الثاني هروح عند المنعود فين هو صديقي واحط قبليه ما صفه ما صفه صديقي انه مخلص تمام يبقى كده الشرطين تحققوا يبقى كده المخلص نعت هتقول لي طب واحده واحده عليا عشان انا ابتديت افهم والدنيا ابتدت تحلو انت عمال تقول لي النعت وانا فهمت النعت اعرب النعت ايه في الحقيقه النعت مالوش اعراب النعت عامل زي الطفل اللي قاعد في المقراه بيردد ورا الشيخ بتاعه زي ما الشيخ بيقول الطفل بيردد النعت اعرابه مرتبط باعراب الكلمه اللي قبليه عشان تعرب النعت لازم تعرب الكلمه اللي قبليه فعشان كده بنقول ان النعت مالوش علامه اعرابيه ثابته هو مرتبط اعرابه دايما باعراب المنعوت اللي هي الكلمه اللي قبليه هتقول انا مش فاهم هقول لك طب معلش نرجع المثال الاول اني بتاع اشتريت قلما جديدا اشتريت فعل ماضي مبني على السكون والتاء تاء الفاعل ضمير مبني في محل رفع فعل وقلما هتقول لي مفعول به منصوب هقول لك يبقى ده نعت منصوب والمثال الثاني لعب الولد اللعبه المسليه لعب فعل ماضي مبني على الفتح الولد فاعل مرفوع علامه رفعه الضمه اللعبه اعربها ايه هتقول لي مفعول به منصوب بالفتحه هقول لك يبقى المسليه نعت منصوب وعلامه نصبه الفتحه والمثال الثالث اعرب كلمه صديقي ايه؟ هتقول لي مضاف اليه مجرور وعلامه جره الكسره عشان جه قبليه ظرف هقول لك يبقى المخلص نعت مجرور وعلامه جره الكسره يعني النعت بعربه نعت بس بياخد الحاله الاعرابيه بتاعه الكلمه اللي قبليه يعني لو اللي قبليه مرفوع هو يبقى مرفوع لو اللي قبليه منصوب هو يبقى منصوب لو اللي قبليه مجرور هو يبقى مجرور المثال الرابع زار السائح اهرامات شامخه فين الكلمه النعت هتقول لي الكلمه النكره النكره شامخه واهرامات جميل ميل يعني انت شاكك ان كلمه شامخه هي النعت عشان هي نكره وج قبليها اسم نكره اتحق من الشرط الثاني هحط ما صفه قبل كلمه اهرامات ما صفه الاهرامات انها شامخه يبقى كده كلمه شامخه نعت لكن اعرابها ايه هتقول لي لازم نعرب كلمه اهرامات الاول طب اعربها زار فعل ماضي مبني على الفتح مين اللي ظار السائح هو اللي ظار يبقى فاعل مرفوع بالضمه زار ايه اهرمات مفعول به منصوب وعلامه نصبه الكسره لانه جمع مؤنث سالم يبقى شامخه نعت منصوب وعلامه نصبه الفتحه هتقول لي فتحه ازاي؟ منصوب بالكسره هقول لك لا منصوب بالفتحه هتقول لي مش انت قلت لي ان هي بتاخد نفس العلامه اللي قبليها هقول لك لا انا ما قلتلكش بتاخد العلامه انا قلت لك بتاخد الحاله الاعرابيه اللي هي رفع ونصب وجر اما العلامه الاعرابيه اللي هي ضمه فتحه كسره واو الف ياء فالنعت بياخد الحاله بس مالوش دعوه بالعلامه لان الكلمه اللي قبليه جمع مؤنث سالم عشان كده اتنصبت بالكسره لكن النعت عندي هنا مفرد ازاي اقول نعت ومفرد ومنصوب بالكسره هتقول لي لا انا مش فاهم الحته دي هديك مثال جانبي لما اقول لك الطلاب المخلصون محبوبون فين الكلمه النعت؟ هتقول لي المخلصون معرفه قبليها معرفه صفه الطلاب ان هم مخلصون يبقى كلمه المخلصون تمام اعرب لي بقى المخلصون هتقول لي عشان اعربها لازم اعرب الكلمه اللي قبليها اللي قبليها مبتدا مرفوع بالضمه يبقى ده نعت مرفوع بس ما اقدرش اقول بالضمه لان ده جمع مذكر سالم جمع المذكر السالم بيرفع بالواو فالنقطه اللي انا عايزك تاخد بالك منها ان النعت بياخد من اللي قبليه ليه الرفع والنصب والجر اللي هي الحاله الاعرابيه يعني لو اللي قبليه مرفوع ماليش دعوه مرفوع بايه لو اللي قبليه مرفوع هو بيبقى مرفوع طب النعت مرفوع بايه على حسب بقى هو الكلمه نفسها ايه لو هو مفرد بالضمه لو هو جمع مذكر سالم يبقى بالواو لو هو جمع تكسير يبقى بالضمه لو هو مثنى يبقى بالالف وهكذا المثال الخامس وطننا الحبيب محفوظ من الله فين الكلمه اللي هي معرفه معرفه الحبيب طب الحبيب معرفه اللي قبليها معرفه اه اللي قبليها معرفه اللي هي كلمه وطننا لانها اتصل بها ضمير يبقى كده الشرط الاولاني اتحقق الشرط الثاني صفه الوطن انه حبيب تمام يبقى كده كلمه الحبيب دي نعت طب نعت ماله اللي قبليها مبتدا مرفوع يبقى الحبيب هنا نعت مرفوع وعلامه رفعه الضمه ركز لي بقى في المثال الاخير قوي قرات قصه بطل لو سالت فين النعت واحد هيقول لي طبعا دي مش محتاجه معروفه ان النعت بطل اسم نكره قبليه اسم نكره هقول له خطا طبعا لانك ما طبقتش الشرط الثاني بطل اسم نكره فعلا وقصه اسم نكره فعلا يبقى نكره قبليها نكره لكن حط لي كده ما صفه قبل المنعوت اللي هي القصه يعني ما صفه القصه انها بطل لا طبعا ما فيش حاجه اسمها قصه بطل هتقول لي امال فين النعت هقول لك ما فيش نعت اصلا هتقول لي ماال انت جايب المثال ده ليه جايبه عشان اكد لك ان نكره نكره نعت خطا لازم الشرط الثاني بتاعها اللي انا اسال عن النعت بما صفه سواء كان نكره نكره او سواء كان معرفه معرفه طب امال بطل اعربها ايه بطل دي مضاف اليه؟ لانها وضحت لي الاسم النكره اللي قبليه