بعض المنظمات الإقليمية فى قارتى اسيا واوروبا تانية اعدادى الجزء الأول

السلام عليكم ورحمه الله حبايب قلبي ابطال ثانيه اعدادي في كل مكان في مصر عاملين ايه؟ يا رب تكونوا بخير اهلا بكم حبايب قلبي في الدرس الاخير من الوحده الثالثه بعض المنظمات الاقليميه في قارتي اسيا واوروبا بص يا عم الحاج خلينا كده انا وانت الاول نتفق ان انت اول ما هتبص على الدرس ده كده من عنوانه وتقلب صفحه واتنين وتبص هتتعقد تحس ان الدرس ده درس يعني ما انتش عارف تدخله ازاي طيب تمام انا وانت متفقين في نفس النقطه دي لكن النقطه اللي جايه محتاجين نتفق فيها بقى انا وانت برده هي ان الدرس ده سهل وبسيط وان احنا هنفهمه وهنحل عليه وهنخرج من الفيديو ده الدرس بسيط جدا جدا جدا ولكن علشان ناخد راحتنا بقى كده في الشرح انا وانت والحل وكده فاحنا هنخلي الدرس ده مش جزئين هنخليه ثلاثه لان احنا عندنا ثلاث منظمات فهناخد كل منظمه على جزء ليه علشان الدرس ما بيتحفظش انا بقول لك انا صريح معاك الدرس ده مش هيتحفظ انت مش هتعرف تحفظه انت محتاج تفهمه لو لو هتحفظه بس كده فانت هتنساه بعد ما هتحفظه بدقيقتين اتفقنا يا عم كده متفقين طيب يلا بقى بينا نقول بسم الله ونبدا الدرس بص بقى يا حبيب قلبي علشان نقدر نفهم الدرس ده انا عايز احكي لك قصه حصلت معايا وانا في المدرسه ايه هي بص يا عم انا ومجموعه من صحابي يا اد اتفقنا مع بعض واحنا في المدرسه ايام ما كنا في المدرسه قدكم مثلا كده اتفقنا مع بعض ان احنا نعمل فريق نعمل تيم جوه الفصل يعني ايه انا وخمسه سته من صحابي اتفقنا ان احنا هنبقى مع بعض في كل حاجه هنساعد بعض هنعاون بعض هنشترك مع بعض في اي حاجه وهنبقى مع بعض كلنا كده على طول طول اليوم تمام وسمينا الفريق بتاعنا ده فريق الابطال وعملنا كمان جروب على الواتساب علشان نقدر نتواصل مع بعض عملنا جروب على الواتساب علشان نقدر ايه نتواصل مع بعض وسمينا الجروب ده جروب الابطال واتفقت انا واصحابي على مكان نتجمع فيه علشان نتكلم مع بعض ونتناقش وبقى المكان ده هو المقر بتاعنا اللي احنا دايما بنقعد فيه وبنتكلم فيه وبنتناقش فيه المهم في مره من المرات واحنا في الفصل دخلت المس بتاعه الرسم وطلبت من الفصل ان كل واحد يرسم رسمه والرسمه بتاعته اللي اللي الرسمه بتاعته هتبقى حلوه هو ده اللي هيفوز بالجائزه الكبيره انا واصحابي اشتركنا مع بعض في رسمه واحده بقى اللي معاه اقلام الالوان حلوه واللي معاه اسكتش رسم كويس واللي معاه حاجه ادوات للرسم كويسه بقى يجيبها واللي بيعرف يرسم كويس بقى يرسم واللي بيعرف يلون كويس بقى يلون واشتركنا كلنا في رسمه واحده والرسمه بتاعتنا طبعا حصلت على المركز الاول لاننا كلنا اتعاونا فيها وكنا ايد واحده طيب ايه علاقه القصه دي كلها بموضوع الدرس؟ بالعكس القصه دي كلها هي موضوع الدرس. الدرس بتاعك اسمه ايه؟ اسمه بعض المنظمات الاقليميه. تيجي نغير كلمه منظمات ممكن نسميها جروبات زي الجروب اللي عملته انا وزمايلي في المدرسه. طيب وبدل ما انا وزمايلي بقى في المدرسه خلينا نقول مجموعه من الدول عملوا جروب مع بعض علشان يساعدوا بعض ويشتركوا مع بعض. فالجروب ده بقى اسمه منظ صمع. طيب دلوقتي انت هتسالني وتقوللي يا مستر هل الجروبات او المنظمات دي حاجه حلوه ولا كل دوله تشتغل لوحدها وخلاص؟ ما كل دوله تخليها في حالها يا مستر اقول لك حبيب قلبي لو انا وزمايلي كل واحد فينا كان لوحده فاحنا ما كناش هنقدر نفوز بالرسمه ما كناش هنقدر نفوز بالجايزه لان كل واحد لوحده لكن لما اشتركنا مع بعض وبقينا ايد واحده فزنا فانا عايز اقول لك ان كل دوله لوحدها تقدر تحقق تنميه لكن ما تقدرش تبقى واو قوي غير لما تشترك مع مجموعه من الايه؟ من الدول طيب نشوف بقى الدرس بيقول ايه؟ الدرس بيقول لي بص يا عم الحاج اثبتت التجارب ان مواجهه التحديات العالميه وتحقيق الطموحات القوميه بيتطلب تعاونا مشتركا بين الدول ايه علاقه ده بدرسنا يا مستر؟ بص حك التجارب اللي عدت علينا في السنين اللي فاتت وضحت لنا واثبتت هنا ان انت علشان تقدر تواجه تحدي عالمي او مشكله كبيره زي مثلا مشكله فيروس الكورونا او تحقق طموح قومي او تعمل انجاز فانت يا حبيب قلبي محتاج تعاون مشترك بينك وبين مجموعه من الدول رد عليها كده السنين اللي عدت اثبت لنا ايه ان انا علشان احل مشكله عالميه او احقق طموح قومي لازم ايه اتعاون انا ومجموعه من الدول ونبقى ايد واحده كمل لذا اصبح انشاء منظمات اقليميه واتحادات دوليه ضروره حتميه علشان كده بنقول لحضرتك ان موضوع ان الدول تعمل منظمات اقليميه او اتحادات دوليه دي بقت حاجه مهمه ما اصبحتش رفاهيه زي زمان لا ده بقى لازم ان الدول تعمل منظمات يا مستر علشان ايه؟ علشان تواجه اي تحديات عالميه او تحقق طموحات قوميه. سمعت واحد فيكم بيقول لي مستر يعني انت متاكد ان الموضوع المنظمات ده مهم ومفيد؟ قلت له طبعا. قال لي مهم ومفيد ليه؟ بما تفسر يا مستر ليه لازم الدول تعمل مع بعض منظمات؟ قلت له علشان ده هيفيدهم بثلاث حاجات. قال لي ايه هما الثلاث حاجات قلت له رقم واحد يا سيدي تعزيز المصالح المشتركه قاللي مش فاهم قلت له ارجع للمثال بتاعي انا وزمايلي في المدرسه لما اشتركنا مع بعض بقينا بنقدر نحقق مصالحنا المشتركه يعني ايه يعني مثلا انا بعرف ارسم لكن معيش الوان او معيش ادوات رسم تمام فانا بقى مصلحتي ايه مصلحتي ان انا اخد من زمايلي ادوات رسم فانا اخدتها كده حققت مصلحتي طيب انا بعرف ارسم سم وهم ما بيعرفوش يبقى هم مصلحتهم ايه؟ ان انا ارسم لهم يبقى هم كده خدوا منهم خدوا مني مصلحتهم حلو يبقى انا اخدت مصلحتي وهم خدوا مصلحتهم انا مصلحتي اتحققت وهم مصلحتهم اتحققت واحنا ايدينا في ايد بعض بنقدر نحقق ايه مصالحنا يبقى اذا موضوع المنظمات ده بيعزز بيقوي المصالح المشتركه بيعزز المصالح الايه المشتركه حلواني حاجه بيحقق التنميه والسلام تعال اما اضرب لك برض الكلام ده على المثال بتاعي لما اشتركت انا وصحابي هل في اي تنميه اتحققت؟ اه في تنميه ايه التنميه؟ ان احنا كسبنا في جائزه الرسم واخدنا جائزه كسبنا في مسابقه الرسم واخدنا جائزه فدي تنميه حلو قوي طيب هل في سلام في الموضوع؟ طبعا في سلام انا واصحابي لما كنا مع بعض ايد واحده ما كانش اي حد يقدر علينا مافيش اي حد ممكن يستقوى علينا ويجي يضربنا مثلا واحنا مع بعض كنا اتفقنا يبقى تحقيق التنميه والايه؟ التنميه والسلام دي تاني حاجه بتستفادها الدول لما بتدخل في منظمات حلو رقم لاثه وضع رؤيه افضل لمستقبل الاجيال القادمه بص حبايب قلبي احنا انا وانت اسمنا الجيل الحالي اما الاطفال اللي لسه هتتولد وتيجي الدنيا دول اسمهم الاجيال القادمه اللي لسه هيجوا طيب الاجيال القادمه دول ليهم حقوق عندنا زي ايه؟ زي ان هم لما يجوا الدنيا ويكبروا يلاقوا هوا حلو يتنفسوه يلاقوا موارد موجوده يلاقوا ميه نظيفه يلاقوا بيئه جميله يلاقوا كل حاجه حلوه زي ما هي كويس جدا فالدول علشان تقدر تدي للاجيال القادمه حقوقها فبيشتركوا مع بعض وده بيساعدهم ان هم يعملوا خطط كويسه جدا للاجيال القادمه طيب اديني يا مستر مثال للاجيال القادمه ده على الموضوع بتاعك اقول لك انا والفريق بتاعي اتفقنا ان احنا نحافظ على الديسكات اللي بنقعد عليها في المدرسه ما نكتبش عليها ما نلوسهاش ما نوسخهاش ليه علشان الجيل الجاي لما يجي يقعد مكاننا واحنا بقى نتخرج ونكبر يلاقي الديسكات نضيفه وجميله اتفقنا يا عم اتفقنا هتقول لي يا مستر طب ما انت ممكن انت لوحدك تعمل كده من غير ما تدخل في فريق اقول لك حصل لكن انا كنت واحد بس هعمل كده لكن لما دخلنا في فريق بقينا كلنا بنعمل كده فهمت يا معلم يبقى وضع الرؤيه افضل لمستقبل الاجيال الايه القادمه حلو ثلاث حاجات استفادتهم الدول لما دخلت في منظمات واتحادات يلا نقولهم تاني اول حاجه تعزيز المصالح المشتركه حققوا مصالحهم تحقيق التنميه والسلام حلو قوي وضع رؤيه افضل لمستقبل الاجيال القادمه ايه ده مستر احنا لسه في اول الدرس اه لسه في اول الدرس هنطول درس محتاج يتفهم وانا عايز افهمهولك اتفقنا ساعدني واقعد قدامي بتركيز خليك كده صبور ما تستعجلش اتفقنا يلا بقى بينا يا عم الحاج نبدا باول منظمه عندنا وهي مجلس التعاون لدول الخليج العربيه الاول تعالى نبص على دول الخليج العربيه مين دول الخليج دول شوف حبايب قلبي الخليج اللي هو الخليج العربي ده عارف الخليج العربي عارفه الدول اللي بتطل على الخليج العربي اسمها دول الخليج شفت سهله ازاي طب اللي هم ايه يا مستر؟ اللي هم الكويت البحرين قطر الامارات سلطنه عمان السعوديه هي دي يا مستر دول الخليج العربي اللي دخلوا مع بعض منظمه اسمها مجلس التعاون لدول الخليج العرب خد لي بقى كده يا بطل بريك من الشرح كده ثانيه واسمع مني الكلمتين دول لو بتركز معايا في الشرح فانت كده بتحقق المطلوب منك بنسبه 50% اما بقى لو عايز تحقق كل اللي مطلوب منك وبنسبه 100% وتقفل في الامتحان فهتلاقيني سايب لك المنصه بتاعتنا في الديسكربشن تحت ادخل عليها وشوف لان هنا في المنصه بتاعتنا هنتابع امتحانات وواجبات وهتبقى ملتزم بواجب المفروض تبعته وساعتها باذن الله هتقدر تقفل الامتحان ودلوقتي حبايبي يلا بقى بينا نرجع لحصتنا تاني طيب في حد طبعا خد باله ان دوله اليمن مش موجوده في المنظمه وانا قاصد اقول لك تاخد بالك يا حبيب قلبي عشان جي يقول لك رقم واحد يحط لك على الخطه هنا ويقول لك رقم واحد دوله تخرج عن مجلس التعاون لدول الخليج تبقى دي دوله ايه؟ اليمن حلو الدول اللي انت شايفها قدامك دي قعدوا مع بعض وقالوا احنا عايزين يبقى عندنا جروب ونشترك فيه كلنا علشان نبقى ايد واحده وماحدش يقدر علينا خالص في العالم فراحوا اشتركوا مع بعض وعملوا منظمه حلوه جميله اسمها مجلس التعاون لدول الخليج العربيه طيب حلو قوي واحد بقى هيسالني دلوقتي ويقول لي يا مستر طب فين المكان اللي الدول دي بيتجمعوا فيه ويقعدوا علشان يتكلموا ويتناقشوا فين المقر بتاعهم يا مستر؟ هقول لك ايه المقر بتاعهم في مدينه الرياض مدينه الرياض دي فين؟ في المملكه العربيه السعوديه يبقى مقر مجلس التعاون فين؟ في المملكه العربيه السعوديه تحديدا في مدينه الرياض وادي الدول اللي منضمه لايه؟ لمجلس التعاون طيب كلام جميل جدا تعال بقى معايا هنا واحد سالني وقال لي ايه الهدف من تكوين مجلس التعاون هيستفادوا ايه؟ قلت لك هيستفادوا اربع حاجات ايه هم يا مستر تعال يا سيدي نشوف الاهداف بتاعه مجلس التعاون اول هدف مثلا تحقيق التكامل بين الدول الاعضاء في جميع الميادين وصولا الى وحدتها خلينا متفقين على حاجه انا هفهمك كل حاجه ولكن احنا هنعمل انا وانت اختصارات ما نحفظش غيرها علشان الدنيا ما تدخلش معانا ايه في بعضها. اول هدف تعال نفهمه تحقيق ايه؟ تحقيق التكامل. يعني ايه التكامل؟ يعني الدول العربيه ما يبقاش ناقصها حاجه يكملوا بعض ازاي يا مستر؟ حبيب قلبي اللي معاه بترول يدي للي معهوش واللي معاه معادن يدي للي معهوش. لما كل واحد معاه حاجه يديها للي مش معاه كده يحصل تكامل كده يبقى احنا مش ناقصنا حاجه مش محتاجين حاجه من بعض اديني مثال ده يا مستر على موضوع المدرسه اديك لما اشتركنا مع بعض في الرسمه حصل ايه حصل ان اللي كان معاه الوان كان بيساعد بيها اللي معاه قلم رصاص بيساعد بيه اللي معاه سكتش رسم بيساعد بيه اللي بيعرف يرسم بيساعد بالرسم بتاعه فاحنا كده كنا بنكمل بعض ومش محتاجين اي حاجه من اي حد فالمنظمه دي اتعملت علشان يكون في تكامل بين الدول العربيه زي ما قلت لك لو مثلا السعوديه عندها بترول ما عندهاش حديد وعمان عندها حديد ما عندهاش بترول يحصل ايه؟ السعوديه تدي لعمان بترول عمان تدي للسعوديه حديد يبقى كده حصل تكامل يبقى اول هدف تحقيق التكامل بين الاعضاء في جميع الميادين يعني في جميع المجالات في كل حاجه يعني في كل حاجه وصولا الى وحدتها يعني لحد ما يوصلوا الى ان المنظمه دي او الدول دي يكون كلها على بعضها كده كانها دوله واحده فهمت اول هدف اول هدف يلا نحط اختصار يلا نمسح كل الكلام ده بسرعه كده ونروح كاتبين تحقيق التكامل بين الدول الاعضاء فقط ولو قلت تحقيق التكامل مش مهم صح برض يلا بينا ندخل على رقم اين تعميق الروابط بين شعوب الدول الاعضاء في مختلف المجالات خد تعال هم دول اعضاء مجلس التعاون هل في حاجه بتربطهم ببعض فكر هل في حاجه بتربط مثلا السعوديه بعمان او بالامارات فكر اللي بيربطهم ببعض يا مستر انهم كلهم دول عربيه جدع ممتاز دول عربيه شاطر حلو قوي طيب تخيل بقى لما يبقوا هم الاثنين في حاجه بتربطهم ببعض انهم دول عربيه جينا احنا بقى حطيناهم في منظمه واحده يعني بقوا دول عربيه وكمان مشتركين مع بعض في جروب واحد كده ايه كده الرابط اللي كان بينهم ازداد قوه لانهم كان في رابط بينهم ان هم دول عربيه لما بقوا في منظمه واحده الرابط ازداد قوه يبقى الهدف المنظمه ايه؟ الهدف تعميق الروابط بين الشعوب بتاعه الدول الاعضاء برض في كل المجالات. طيب يا مستر الاختصار بتاعنا ايه؟ الاختصار بتاعنا يا سيدي هيكون تعميق الروابط بين شعوب الدول الاعضاء اتفقنا يبقى بص معايا كده تحقيق التكامل تعميق الروابط الدنيا بقت سهله يلا قول معايا تحقيق التكامل تعميق الروابط يلا بينا على رقم لاثه وضع انظمه متماثله في المجالات الاقتصاديه والماليه والتجاريه والتعليميه والصحيه وغيرها اه مستر الكلام ده يعني ايه؟ هقول لك ركز معايا على كلمه وضع انظمه متماثله. فهمني؟ بصح قلبي انا واصحابي في الفريق اتفقنا ان احنا هنعمل كل حاجه زي بعض يعني هنذاكر زي بعض هنلبس زي بعض هناكل زي بعض هنحضر عند نفس المستر هنعمل هنلعب نفس الرياضه هنعمل كل حاجه زي بعض فاحنا كده كل حاجه بقينا بنعملها بقت شبه بعض ممكن اقول عليها متماثله متيه متماثله فالراجل هنا بيقول لك ان الهدف بتاع بتاعه الهدف بتاع المنظمه دي ان الدول اللي اشتركت في المنظمه تكون كل الانظمه بتاعتها شكل بعض الانظمه اللي هي الايه؟ الانظمه او المجالات الاقتصاديه يعني يكونوا شغالين كلهم بنفس الطريقه الاقتصاديه طيب الماليه برده التجاريه نفس كل حاجه التعليميه نفس المدارس نفس كل حاجه نفس النظام الصحيه نفس النظام حلو يبقى الهدف بتاع المنظمه ايه يا حبيب قلبي وضع انظمه شبه ايه بعض وضع انظمه متماثله في كل المجالات يلا يا عم تعالى على رقم اربعه دفع عجله التقدم العلمي والتقني في المجالات الاقتصاديه بص يا حبايب قلبي يعني ايه دفع عجله التقدم العلمي والتقني تعال اقول لك على حاجه انا واصحابي في الجروب بتاعنا ايام المدرسه بقينا بنشجع بعض ركز بنشجع بعض وبندفع بعض لقدام ازاي يعني يا مستر يعني صاحبي لقيته مش عارف يذاكر قعدت اشجع فيه اشجع فيه اشجع فيه لحد ما بقى شاطر وبيعرف يذاكر لوحده وده يا مستر زقه لقدام خلاه يتفوق وينجح في الامتحان اهي الدول بتاعه المنظمه دي عندها هدف ايه هو ان هم يدفعوا عجله التنميه يدفعوا عجله ايه يدفعوا عجله التنميه يعني يزقوا بعض يزقوا بعض يشجعوا بعض على التنميه حلو قوي يبقى هنا بيقول لي دفع عجله التقدم العلمي والتقني تحديدا في ايه في المجالات الاقتصاديه كلام جميل دي حته تعال بقى ندخل على الحته اللي بعدها وهي انشاء مراكز بحوث علميه واقامه مشاريع مشتركه مستر بحوث علميه دي اللي هي ايه قصدك يعني ان هم بيعملوا معامل ومختبرات وكده ايوه طب ودي مشتركه ايوه مشتركه وكمان مشاريع مشتركه يعني ايه مشاريع مشتركه يعني ان انت مثلا تلاقي قريه سياحيه عندنا في شرم الشيخ مثلا قريه سياحيه كبيره لما تيجي تسال عن صاحب القريه السياحيه دي يقول لك والله القريه السياحيه دي بتاعه راجل سعودي وراجل مصري وراجل اماراتي ايه ده هم الثلاثه مشتركين في القريه السياحيه يقول لك اه هم الثلاثه مشتركين في القريه السياحيه يبقى ده اسمه مشروع مشترك بين الايه بين الدول الاعضاء يبقى من اهداف المنظمه ان هم يعملوا مشاريع مشتركه ان هم يعملوا مراكز بحوث علميه برده ايه مشتركه ان هم يدفعوا عجله الايه التقدم مقدم العلم والايه والتقار اتفقنا يا عم الحاج اتفقنا يبقى ده هدف او اهداف المنظمه اللي هي مجلس التعاون لدول الخليج تعرف تقول الاختصارات اللي قلناها يلا بينا تحقيق التكامل بين الدول الاعضاء تعميق الروابط بين شعوب الدول الاعضاء يبقى تحقيق التكامل تعميق الروابط تحقيق التكامل تعميق الروابط ها ايه تاني يا بطل وضح انظمه متماثله وضع انظمه متماثله شبه ايه؟ شبه بعض وضع انظمه متماثله دفع عجله التقدم العلمي والتقني دفع عجله التقدم العلمي والتقني معلش دي بقى اللي هنزود فيها شويه بعد دفع عجله التقدم العلمي والتقني هنقول ايه؟ انشاء مراكز بحوث علميه ومشاريع مشتركه تمام ادي يا سيدي الاهداف سهله سهله يلا بينا زي ما احنا من غير ما نقف لحظه تعالى يا عم هنتكلم دلوقتي عن دور مجلس التعاون في تحقيق الامن والسلام والتنميه ايه دور مجلس التعاون في ايه في تحقيق الامن ادي رقم واحد والسلام ادي رقم انين والتنميه ادي رقم لاثه عندنا ثلاث حاجات عايزين ندرسهم يلا بينا نبدا بالامن والسلام يا عم مجلس التعاون بتاع دول الخليج انت هو انت بتحقق الامن والسلام قال لي ايوه قلت له بتعمل ايه؟ قال لي يا مستر دوري هو ان انا بكافح الارهاب والجريمه المنظمه ايه ده جد يعني انت بتكافح الارهاب وبتمنع الارهاب وبتمنع الجريمه المنظمه ايوه يا مستر لو في اي تنظيم ارهابي موجود في المنطقه بيحاول يعمل اي عمليه ارهابيه كده ولا كده انا بمنعه ولو في اي جرائم منظمه زي تهريب المخدرات تهريب السلاح اتجار البشر اي حاجه من دي انا بمنعها يا عم مجلس التعاون ازاي بتمنع الارهاب والجريمه قال لي من خلال تبادل المعلومات تقول له يعني ايه قال يعني ببساطه يا مستر دوله زي السعوديه لو حاست ان في اي مخطط ارهابي او في اي جماعه ارهابيه هنا او هنا فجهاز المخابرات بتاعها بيشتغل وبعدين جهاز المخابرات بتاع السعوديه يبلغ عمان يا عمان جت لنا معلومات ان في جماعه ارهابيه في المنطقه عمان تقول له تقول للسعوديه طب انت عرفت عنها ايه؟ السعوديه تقول لها والله الجماعه دي عرفنا عنها كذا وكذا وكذا وكذا وكذا عمان تبلغ الامارات يا امارات بيقولوا في جماعه ارهابيه في المنطقه تمام كلهم يبلغوا بعض ويبقى في تبادل معلومات بينهم وبين بعض فيعرفوا مكان الجماعه الارهابيه دي فيتعاونوا مع بعض فيقبضوا عليه او يوقفوا الارهاب او يوقفوا الجريمه او يعملوا اي حاجه يبقى كده يا مستر مجلس التعاون بيكافح الارهاب والجريمه اه وده دليل على ايه؟ ده دليل على تحقيقه للامن والسلام بيكافح الارهاب والجريمه المنظمه ازاي؟ من خلال تبادل المعلومات بين الدول الاعضاء وتنسيق الجهود الامنيه بينسقوا بقى مع بعض كده طيب دي اول حاجه في حاجه ثانيه قال لي ايوه ايه هي تطبيق مبادئ حقوق الانسان يعني ايه يعني اوعى تكون فاكر يا مستر ان ممكن انسان او بني ادم انسان او بني ادم انسان يعني تمام في اي دوله من الدول دي بيتعرض لاي اضطهاد اي ظلم اي تعذيب اي عنف اي حاجه من دي لو في انسان بيتعرض لاي اضطهاد او تعذيب او عنف في المنطقه فهنا بيجي دور مجلس التعاون بيتدخل وبيجيب حقه حتى لو الانسان ده كان في اي دوله من الدول يعني مثلا يا مستر لو في انسان في الامارات بيتعرض للاضطهاد تعذيب في مشكله في حاجه هنا مجلس التعاون بيتدخل وبيكلم الامارات وبيحل المشكله دي وبيمنعها يبقى هنا دوره هو تطبيق مبادئ حقوق الايه؟ الانسان تطبيق مبادئ حقوق الانسان تمام اثنين اهمت يا عم الحاج اول ما اقول لك دلل ها اول ما اقول لك دلل يلعب مجلس التعاون دورا محوريا في حفظ الامن والاستقرار في منطقه الخليج العربي يلا يا بطل غمض عينيك كده وقول ما تبصش في الكتاب او تبص على الشاشه وتقول يلا انا عايزك انت تخلي دماغك تشتغل معايا ها كم حاجه حاجتين اول حاجه ايه يقوم بمكافحه الارهاب والكريمه المنظمه من خلال تبادل المعلومات بين الدول الاعضاء وتنسيق الجهود الامنيه شفت شاطر ازاي عايزك تبقى شاطر ازاي هااني حاجه تطبيق مبادئ حقوق الانسان حلو قوي يلا يا بطل خد لي بقى كده يا بطل بريك من الشرح كده ثانيه واسمع مني الكلمتين دول لو بتركز معايا في الشرح فانت كده بتحقق المطلوب منك بنسبه 50% اما بقى لو عايز تحقق كل اللي مطلوب منك وبنسبه 100% وتقفل في الامتحان فهتلاقيني سايب لك المنصه بتاعتنا في الديسكربشن تحت ادخل عليها وشوف لان هنا في المنصه بتاعتنا هنتبعت امتحانات وواجبات وهتبقى ملتزم بواجب المفروض تبعته وساعتها باذن الله هتقدر تقفل الامتحان ودلوقتي حبايبي يلا بقى بينا نرجع لحصتنا تاني ندخل على رقم انين التنميه الاقتصاديه والاجتماعيه خد بالك انا عندي حاجتين تنميه اقتصاديه وتنميه اجتماعيه تعال نفهم بالراحه تنميه اقتصاديه يعني مجلس التعاون بيساعد ان هو يقوي اقتصاد الدول الاعضاء يخلي الدول الاعضاء دول يبقوا دول قويه اقتصاديا دول غنيه هي دي التنميه الاقتصاديه طيب اما بقى التنميه الاجتماعيه دي معناها ان مجلس التعاون بيحاول انه يوفر حياه كريمه للمواطنين كلمه اجتماعيه يعني احنا هنتكلم عن المجتمع عن الناس تمام يا بطل فهو هنا بيحاول انه يوفر حياه كويسه لكل الناس تعليم كويس صحه كويسه حقوق الناس كل حاجه من دي طب نفهم بالراحه يلا نبدا بالتنميه الاقتصاديه ونشوف المجلس بيعمل ايه قال لك المجلس ركز معايا يا بطل قام بانشاء السوق الخليجيه المشتركه افهم عايز افهم يعني ايه سوق خليجيه مشتركه بصحب قلبي دلوقتي انا واخد الجهاز ده او الريموت ده رايح ابيعه في دوله زي دوله السعوديه وانا داخل كده سلام عليكم يا سعديه جاي ابيع الرموت ده عندكم اول كلمه هتتقال لي هو انك لازم تدفع رسوم علشان نسيبك تدخل تبيع الريموت طب يا سعوديه انا مش هدفع رسوم خلاص يبقى مش هتدخل تبيع الرموت طب الرسوم قد ايه هتدفع 100 جنيه عشان تدخل 100 جنيه ايه ده هو كله على بعضه 58 جنيه والله هو ده اللي عندنا طب خلاص انا هرجع شفت ايه اللي حصل انا كده ما دخلتش ابيع بسبب ان هم وقفوني على رسوم وجمارك وحاجات من دي يبقى اذا يا مستر الرسوم او الجمارك دي حاجه بتعمل ايه؟ بتعطل التجاره ولو التجاره اتعطلت الاقتصاد هيضيع حلو يقوم مجلس التعاون يعمل ايه؟ قال لك احنا هنعمل سوق خليجيه مشتركه يعني حضرتك لو انت من دول مجلس التعاون وليكن انت من الامارات وخدت بضائع ورحت بيها السعوديه فالسعوديه هترحب بيك وتقول لك اهلا وسهلا اتفضل من غير رسوم من غير جمارك من غير اي حاجه حضرتك البلد دي بلدك اتفضل بيع واعمل اللي انت عايزه فكده التجاره تزدهر كده الاقتصاد يزداد قوه فهمت يا بطل يبقى اول حاجه المجلس بيعملها عشان يحقق التنميه الاقتصاديه ايه انه بيعمل سوق خارجيه مشتركه ده رقم واحد ايه تاني عشان يحقق التنميه الاقتصاديه تعال رقم انين ركز معايا بطل ابطال قام بالاستثمار في قطاعات جديده زي الزراعه والسياحه خد تعال طبعا هتقول يعني ايه قام بالاستثمار يعني ايه استثمار بص يا حبيبي استثمار يعني ان انا ادفع فلوس في حاجه معينه علشان الفلوس دي تزيد او تشتغل وتزيد واكسب منها كده انا اسمي بستثمر مش فاهم يعني مثلا انا رحت اشتريت تمام بال 50 جنيه اللي معايا اشتريت بيهم ايه كيسين لاثه اندومي ب 50 جنيه ورحت بعتهم فكسبت 10 جنيه بقى معايا 60 جنيه يبقى انا كده اسمي ايه؟ استثمرت ال 50 جنيه اللي معايا شغلتهم وكسبوا 10 جنيه انا كده كسبت حلو قوي فدول مجلس التعاون بيعملوا ايه؟ بيدفعوا فلوس بيستثمروا فلوس في ايه ها في الزراعه والسياحه فالزراعه عندهم تبقى احسن والسياحه عندهم تبقى احسن فالاقتصاد بتاعهم يبقى يبقى ق فهمت يا بطل يبقى رقم اثنين قام المجلس بالايه بالاستثمار في قطاعات جديده زي الزراعه والسياحه ايه يا مستر ده الزراعه والسياحه دي قطاعات جديده ايوه دول الخليج دايما استثمارهم كله في الايه في المصادر الطاقه والمعادن لكن الزراعه والسياحه بالنسبه لهم دي حاجات جديده فعلا تمام حلو قوي يبقى دي رقم اثنين رقم لاثه وهو قامت دول المجلس بتطوير اوبا دول المجلس هتطور ايه هتجدد ايه هتحدث ايه يا مستر احنا بنتكلم على التنميه الاقتصاديه يبقى اذا هتجدد حاجات ليها علاقه بالاقتصاد زي ان هم قاموا بتطوير المواني ايوه المواني اللي بتقف فيها السفن تجاره يعني قاموا بتطوير المطارات المطارات اللي بتقف فيها الطيارات تجاره برده حلو شبكات الطرق شبكات الطرق اللي بتمشي عليها العربيات برض تجاره حلو كل ده لتس تسهيل الايه؟ لتسهيل التجاره حلو يبقى قام دول المجلس بتطوير المواني المطارات شبكات الطرق وتسهيل الايه وتسهيل التجاره يبقى هل كده حصل تنميه اقتصاديه؟ حصل تنميه اقتصاديه فين يا مستر؟ عد معايا يلا المجلس عمل ايه اول حاجه سوق خليجيه مشتركه صح ولا لا؟ سوق خليجيه مشتركه يلا رقم اثنين مجلس عمل ايه المجلس يا مستر قام بايه؟ قام بالاستثمار في قطاعات جديده مثل الزراعه والسياحه. طيب رقم لاثه المجلس عمل ايه؟ قام بتطوير تطوير مواني مطارات طرق تسهيل التجاره كل ده ادى في النهايه الى تحقيق التنميه الاقتصاديه. انت بطل انت ممتاز ما دام انت قاعد مركز معايا كده وبتحاول تفهم وبتساعد نفسك وبتساعدني انك تنجح وتجيب درجه حلوه فانت بطل اما لو انت عاين بقى على الموجه والماده صعبه المنهج كبير منهج ثقيل وقعد تقعد في جنب فانا يعني مش عايز اعرفك انا بحب الابطال اللي بيحاولوا فخليك معايا طيب كده اتكلمنا عن التنميه الاقتصاديه اما بقى التنميه الاجتماعيه ان احنا بقى نهتم بالناس يا مجلس التعاون هو انت بتهتم بالناس؟ قال طبعا انا بعمل على تحسين جوده الحياه لجميع مواطني دول المجلس بجد بتحسن جوده الحياه اه طيب يعني وايه كمان؟ وكمان تمكين المراه والشباب لا اثبت بقى اثبت بقى يا حبيبي بتحسن جوده الحياه يعني ايه؟ يعني بنعمل مدارس جميله مستشفيات جميله بنوفر فرص عمل بنعمل حضاره ئق وحاجات حلوه للناس علشان يعيشوا حياه كويسه بتمكن المراه والشباب يعني ايه؟ يعني بنوفر فرص عمل للمراه المراه بتشارك سياسيا بتقول رايها بتحضر مؤتمرات كمان برده الشباب بقوا يشتغلوا في كل حاجه وبيشاركوا في السياسه وبيقولوا رايهم وكده معنى كلمه تمكين المراه والشباب حلو والقضاء على كافه اشكال العنف ضد الاطفال كمان احنا دايما بنحاول ان احنا نقضي على اي شكل من اشكال العنف ضد اي طفل عندنا تمام كويس جدا جدا يا مجلس التعاون انا فخور بيك انت فعلا بتحسن جوده حياه الناس بتعمل ايه تاني قال لي كمان يا مستر المجلس زي ما بيهتم بالناس بيهتم بالبيئه طب نشوف كده يسعى المجلس الى التحول نحو الاقتصاد الاخضر مستر يعني ايه اقتصاد اخضر اقتصاد اخضر يعني ان حضرتك تشتغل وتنتج وتصنع وتعمل كل حاجه لكن من غير ما تلوث البيئه او تزود انبعاثات الكربون او تبوظ الموارد اللي في الدوله هو ده الاقتصاد الاخضر طيب هنا بيقول لي يسعى المجلس الى التحول نحو الاقتصاد الاخضر قلت له ازاي ازاي يا عم المجلس قال لي بتقليل الاعتماد على الوقود الاحفوري طب انت لما هتقلل الاعتماد على الوقود الاحفوري هتشغل المصانع ازاي قال لي ما احنا هنعتمد على الطاقه المتجدده كده الفلوس احمر كده احنا عرفنا ايه دور مجلس التعاون لدول الخليج عرفت دوره ايه؟ دوره يا مستر ان هو قام بتحقيق الامن والسلام التنميه الاجتماعيه والاقتصاديه فاكر دوره في تحقيق الامن والسلام لما كان بيكافح الايه؟ الارهاب والجريمه تطبيق مبادئ ايه؟ حقوق الانسان ها فاكر دوره في تحقيق التنميه الاقتصاديه اه والاجتماعيه؟ ايوه انا مقدر ان انت ممكن تنسى ممكن تنسى ده احلى درس يتنسي انا عارف كده كويس لكن انت دايما في ايديك فرصه انا مش عايزك انك بص يعني تفقد الامل نسيت بالراحه بالراحه يا حبيبي افهم افتكر راجع دلوقتي على فكره انا هحل معاك بعد شويه احل معاك عشان اثبت المعلومه في دماغك اكتر انا معاك ومش هسيبك اتفقنا لكن ما تقومش بقى تفقد الامل كده وتقوم قاعد في جنب ايه ده لا والله ده سهل وجميل خلاص خليك بقى معايا يلا يا عم كده احنا عرفنا كل حاجه عن مجلس التعاون لدول الخليج الا حاجه واحده ايه علاقه مجلس التعاون ده ببلدي مصر هل في علاقه اصلا طب ولو في علاقه حلوه ولا وحشه تعال نشوف كده هنا بيقول لي وركز معايا تعمل مصر على دعم وتعزيز العلاقات مع دول مجلس التعاون في مجالات مختلفه ماشي يا مصر بتحاولي تحسني علاقتك بدول المجلس اوكي طب بتعملي ايه العلاقه اصلا قالتلي دي على المستوى السياسي والامني في علاقه بين مصر ودول المجلس ايه العلاقه تم توقيع مذكر التفاهم في فبراير عام 2022 انا وقفت بقى تم توقيع ايه مذكره تفاهم يعني ايه شوف يا حبيب قلبي وركز معايا مصر وقعت مع دول المجلس حاجه اسمها مذكره التفاهم مذكره التفاهم دي دي عامله زي اتفاقيه لكن اتفاقيه مش رسميه قوي يعني حاجه وديه كده يعني حاجه ودي بينا وبينهم طيب مذكره التفاهم دي بنستفاد منها ايه؟ مذكره التفاهم دي يا حبيبي اتعملت علشان ببساطه لما يحصل اي مشكله سياسيه اي حرب اي حاجه صعبه في المنطقه يقدر الرئيس بتاعنا بسهوله ان هو يتصل بالرؤساء بتوع دول مجلس التعاون تمام والاعضاء ويقدر يتشاور معاهم سياسيا في حل المشكله يقدر يتكلم معاهم ببساطه طيب لو احنا عندنا مشكله برده هم يقدروا يكلمونا ويتواصلوا معانا ويحلوا معانا المشكله ببساطه يبقى مذكره التفاهم دي اتعملت ليه رد عليا اتعملت للتشاور السياسي ها لايه للتشاور السياسي بين مصر بين مصر ومين والامانه العامه لمجلس التعاون الخليجي طبعا انت شفت كلمه الامانه العامه ما تخافش يا حبيبي بين مصر والامانه العامه الامانه العامه دي يا حبيب قلبي اللي هي عباره عن موظفين في مجلس التعاون اللي هم بيديروا مجلس التعاون بيتسموا الامانه العامه اتفقنا يا عم سهله سهله يبقى على المستوى السياسي والامن في علاقه بينا وبينهم ولا لا في عرفت ازاي طب ما توقيع مذكره التفاهم مذكره التفاهم دي اتعملت ليه للتشاور السياسي بين مصر والامانه العامه لمجلس التعاون الخليجي وصلت يا بطل وصلت طيب اما على المستوى الاقتصادي على المستوى الاقتصادي دي في حاجه بينا وبينهم ايوه في في ايه بيقول لك ان احنا في السنين الاخيره اللي فاتت دي لاحظنا حاجه لاحظنا ان في فلوس كتير جت من دول الخليج لعندنا مصر فلوس كتير جت من دول الخليج عندنا اه فلوس دي جايه ليه الفلوس دي جايه علشان يتعمل بها مشاريع عندنا في مصر اه يتعمل بها مشاريع يبقى ده كده اسمه استثمار صح برافو عليك فهنا الراجل بيقول لي شهدت السنوات الاخيره تدفقات استثماريه خليجيه كبيره شهدت السنوات الاخيره ايه تدفقات استثماريه كبيره يعني فلوس كتير جدا جايه مصر من الخليج هتشتغل في ايه الفلوس دي في مجالات مختلفه تدفقات استثماريه خارجيه كبيره الى مصر في مجالات مختلفه خلصنا دول خلصنا مجلس التعاون لدول الخليج خلصنا طيب علشان نثبت بقى الايه المعلومه قوي قوي قوي قوي قوي كده هنقعد كده انا وانت بالراحه يلا نحل السؤالين اللي جايين دول بروقان يلا بينا يا بطل اجهز يلا بينا نحل يا بطل بسم الله في الخريطه رقم واحد ده مسطح مائي عايزك تركز فيه لا لا مش هو اللي في دماغك لو انت هتقول خليج عدن في خليج عدن اهو ده كده خليج عدن اما الميه اللي هنا دي اسمها بحر العرب الميه اللي هنا دي اسمها ايه بحر العرب اتفقنا طيب رقم اثنين دوله يلا وريني مكانها فين الكبيره دي الكبيره دي كلها دي تبقى دوله السعود ديه رقم لاثه دوله فين ثلاثه فين لاثه اه دي تبقى سلطنه عمان دوله ايه عمان رقم اربعه دوله فين رقم اربعه دي خلاص يا مستر تبقى الكويت حلو رقم خمسه دوله فين خمسه اصغر واحده دي تبقى البحرين سهله يا عم طب يلا يعد مجلس التعاون لدول الخليج العربي احد اشكال التعاون الاقليمي يلا حل انا استني شويه حليت قبلي طيب صح يلا رقم اثنين يوجد مقر مجلس التعاون لدول الخليج العربي بمدينه الرياض طبعا رايح تكتب صح بس هو بيقول لك بمملكه البحرين غلط مدينه الرياض في السعوديه يسعى مجلس التعاون لدول الخليج العربي الى التحول نحو الاقتصاد الاخضر طبعا طب عارف هيتحول نحو الاتصال الاخضر ازاي؟ هيقلل الاعتماد على الاب على الوقود الاحفوري وهيزود الاعتماد على الطاقه المتجدده كويس دلل اثبت تتعدد اهداف مجلس التعاون لدول الخليج العربي اهداف مجلس التعاون اربع اهداف اول حاجه تحقيق التكامل تعميق الروابط تحقيق التكامل تعميق الروابط وضع انظمه متماثله وضع انظمه ها متماثله وضع انظمه ايه؟ متماثله دفع عجله التنميه وكمان دفع عجله الايه؟ دفع عجله التنميه انشاء بقى مراكز بحوث ومشاريع مشتركه طيب يلعب مجلس التعاون لدول الخليج العربي دورا محوريا يعني مهم يعني في تحقيق الامن والاستقرار في منطقه الخليج العربي تحقيق الايه يا حبيبي الامن والاستقرار حيث يقوم ب قول بيقوم بايه امن واستقرار يقوم قوم بمكافحه ال الارهاب مكافحه الارهاب والجريمه المنظمه وكمان تطبيق قوانين حقوق الانسان طيب عملت مصر على دعم وتعزيز العلاقات مع دول مجلس التعاوندول الخلاجه العربيه على المستوى ايه السياسي والامني ها مستوى السياسي والامني مصر عملت ايه افتكر تم توقيع مذكر التفاهم تعالى وضح جهود مجلس التعاون لدول الخليج العربيه لتحقيق التنميه الاقتصاديه امم تنميه اقتصاديه دول الخليجه عملوا ايه؟ تنميه اقتصاديه ها رقم واحد انشاء سوء خليجيه مشتركه انشاء سوء خليجيه مشتركه وكمان ايه يا بطل؟ قيام الدول بتطوير المواني المطارات الطرق وتسهيل التجاره صح ولا صح طيب كمان تعاون مصر ومجلس التعاون لدول الخليج العربيه على المستوى الاقتصادي ها ايه اللي حصل بين مصر ودول الخليج على المستوى الاقتصادي شهدت السنوات الاخيره تدفقات استثماريه خليجيه كبيره الى مصر في مجالات مختلفه تمام يا بطل تمام يبقى احنا كده خلصنا لو انت وصلت لحد هنا يبقى انت بطل الابطال عايز ابلغك ان الجزء الثاني انا هصوره دلوقتي حالا وهينزل على طول بعد ده والجزء الثالث كمان هينزل برده يعني هنزل لك الثلاث اجزاء ورا بعض تمام عملتهم في ثلاث اجزاء ليه علشان لو جزء واحد فالفيديو هيبقى قد كده وهيخضك فانا قلت بقى اضحك عليك واعمل لك بقى ايه اقسمه لك على ثلاث اجزاء كده علشان تحس بالتفاؤل وبالحاجات الحلوه دي يلا اشوفكم على خير الحصه الجايه جود باي ‏Vai