قصة الغراب والثعلب قصص ليلا

Lila Stories | قصص ليلا · ⏱ 3:35 · 6.8K مشاهدة · 2 yr ago

📺 شاهد كل صفحات قناة "Lila Stories | قصص ليلا"

النص الكامل للفيديو

قصة الغراب والثعلب كان يا ما كان بقديم الزمان وبغابة بعيد عنّا الإنسان حيوانات عايشين سوا بسلام كل واحد منّن كان عندو صفة بتميّزو عن غيرو متل السعدان الشقي الثعلب الذكي الغزال السريع والأسد الشجاع بس كان في حيوان! ما كان حدا يقدر يتعامل معو الغراب المتعجرف هالغراب كان شايف حالو عباقي الحيوانات ويضل غاطط على غصن الشجرة من فوق تما حدا يقرّب عليه حتّى ما كان يحب أبداً يتشارك أكلو مع باقي الحيوانات ووصللت معو الخبريي أوقات إنّو يسرق أكلات غيرو فبيوم من الإيّام بينطرو الحيوانات إنّو الغراب الأناني يفل تيجيب أكلاتو وبقرّرو يحضّرو خطّة ليعلّمو درس ما رح ينسا بحياتو وبمإنّو كان الثعلب هو الأذكى والأجرأ اقترح إنّو هوّي رح يهتم بالموضوع ما تعتلو هم خلّوا عليي ما بدّو يتشارك أكلو معنا؟ طيّب رح يشوف الغراب كيف أنانيتو رح تأثّرعليه إلو هوّي قبل غيرو ولمّا رجع الغراب من المدينة رجع ومبسوط بحالو معو شقفة جبنة كبيرة وبتشهّي وما لحّق يغط على غصن الشجرة بقلّو الثعلب شو إنّك حلو يا غراب لونك أسود بيلمع متل السما بالليل شو إنّك شاطر يا غراب كمشت أكل بيكفيك لكزا يوم وشو حلو صوتك يا غراب أحلى صوت بالغابة كلّا كلنا هون منحب نتصبّح فيه ونتمسّا فيه يا ريت بتضل تغنّي ويوصل صوتك الحلو للمدينة والكل يسمعو هو وعم يسمع كل هالحكي الحلو من الثعلب صار الغراب يحرّك جوانحو من الحماس انبسط كتير بشو سمع وماقدر يتمالك حماسو وبقرّر يغنّي ويفرجي مواهبو يلّي حكي عنّا الثعلب بس أوّل ما فتح تمّو بتوقع قطعة الجينة عالأرض حدّ الثعلب فبياخدا عالسريع، وبيركض فيا وهوّي وهربان بقلّو شفت يا غراب شوفة حالك لوين وصّلتك؟ خسرت أكلاتك ورح تضل جوعان لحالك نحنا رح ناكل كلنا سوا إذا غيّرت رأيك بتعرف وين تلاقينا عصّب كتير الغراب وضل مصرّ ما يتزحزح عن غصن الشجرة بس بعد كم دقيقة شاف كل الحيوانات مجمّعة سوا، عم تاكل وتضحك فزعل كتير لمّا شاف الحيوانات الصغيرة عم ياكلو خصوصي من بعد ما كان سارقلن أكلاتن من قبل وكانو جوعانين كتير حس حالو وحيد وفكّر وفهم إنّو أنانيتو وشوفة حالو هنّي لي وصّلو لهون وإنّو كتير مهم نتعلّم كيف نتشارك مع غيرنا وما نتكبّر علين بالعكس نستفيد من قدرات كل واحد تنساعد بعضنا ونعيش بسلام وهيدي حكايتي حكيتا وبعبكن خبّيتا انطرونا بقصة جديدة