قصة سيف والغضب للتعامل مع غضب الأطفال قصص للأطفال قبل النوم

كان يا مكان حدوته مش من زمان بتحصل كل يوم وبيعيشها اولاد وبنات في كل مكان كان في ولد اسمه سيف سيف كان عنده طاقه كبيره وبيحب يلعب ويا سلام لو يكسب لما بيكون رايق بيبقى دمه خفيف ولذيذ بس لما حاجه تزعله ما بيعرفش يسيطر على نفسه لو خسر لعبه يزعق لو حد سبقه في حاجه يتعصب ولو اتقال له ممكن يصوت او يعيط بصوت عالي جدا اصحابه بيحبوه لكن لما بيتنرفز بيبعدوا عنه وفي يوم في المدرسه كانوا بيلعبوا بازل وكل فريق بيجمع شكل سيف كان في فريق بيلعب معاه ادم صاحبه واثنين كمان لكن قطعه البازل في نص اللعبه ضاعت لما سيف لقى القطعه دي ضاعت قال بصوت عالي انتوا ضيعتوا واحده اللعبه دي مش صح انا مش هلعب ثاني ادم صاحب سيف اتضايق من صوته العالي وسيف سابهم ومشي لوحده وبعد البريك حاول ادم يقرب من سيف في الفصل وقال له يا سيف ممكن نرجع نلعب مع بعض بعد الحصه؟ سيف رد بعصبيه ليه عشان تخسرني تاني انا مش بلعب مع حد بياخد حاجتي ادم رد وقال له انا ما اخدتش حاجه انت بعد ما مشيت لقينا قطعه البازل واقعه مكانك سيف ما عرفش يرد عشان طبعا كان غلطان وما فكرش قبل ما يتكلم بعد كام يوم ماما خدت سيف معاها السوبر ماركت سيف كان مبسوط قوي في الاول ولما شاف لعبه عايزها قال لماما بس ماما قالت له المره دي مش هنشتري لعب احنا جايين نشتري طلبات البيت يا سيف بعدها بدقيقتين سيف طلب من ماما لعبه ثانيه بس ماما قالت له انت عندك زيها يا سيف وبعدين مش انا لسه قايله النهارده مش هنجيب لعبه ايه رايك لما نروح نلعب باللعبه الجديده اللي بابا جابها لك الاسبوع الاسبوع اللي فات سيف وشه بقى احمر وبدا يزعق انت مش بتحبيني انا مش عايزه اروح معاكي ثاني وبدا الناس يبصوا حواليهم يشوفوا مين اللي بيزعق سيف فجاه صرخ وقال انت دايما بتقولي لي لا انا ماليش دعوه انا عايزها مامه سيف وشها حمر من الاحراج من كتر الدوشه اللي عاملها سيف بس بدل ما تتعصب بصت في عين سيف وقالت له بالراحه انا عارفه انك متضايق يا سيف عشان عايز تجيب اللعبه بس ما ينفعش يا حبيبي نزعق كده لو محتاج تقول لي اي حاجه قو لي بهدوء ونفكر سوا بس سيف ماسكتش وقال لها لا انا هفضل اعيط ماما قالت له وانا قلت لك قبل كده يا سيف عياطك مش هيخليني اغير رايي احنا متفقين قبل ما ننزل اننا هنجيب طلبات البيت بس النهارده فضل سيف يعيط فماما مسكت ايده وكملت الطلبات اللي بتشتريها وهو بيعيط ولما وصلوا البيت ماما حضنته وقالت له انا زعلانه منك يا سيف ما ينفعش كل ما نروح مكان تفضل تعيط وتصر انك تعمل اللي انت عايزه يا اما تعمل كل الدوشه دي. سيف قال لها انا اسف يا ماما انا ببقى متضايق ومش عارف بتكلم كده ازاي. ماما ردت يا سيف كل الناس بتتضايق بس الفرق ان في ناس بتتعلم تتحكم في الزعل وفي صوتها العالي وبعدين قالت له تعال نجرب طريقه جديده لما تحس انك هتتعصب خد نفس كبير وعد لحد خمسه سيف استغرب وقال عد كده يعني 1 اين 3لا ماما قالت له بالظبط جربها المره الجايه وشوف هتحس بايه بعدها بكام يوم في المدرسه لعبوا ثاني لعبه البازل وكملوا لوها للاخر المره دي بس فريق سيف خسر سيف كان هيبتدي يتنرفز ويزعق بس افتكر كلام ماما نفس يا سيف وعد 1 اين 3لا 4عه خمسه بعد ما سيف عد قال لاصحابه مش مشكله يا جماعه المره الجايه نكسب ادم بص له وقال له ايه ده يا سيف انت ازاي مش زعلان اننا خسرنا انت اتغيرت ازاي كده سيف قال له زعلان يا ادم بس انا بحاول ماضايقكوش وفي اخر اليوم سيف رسم رسمه كبيره فيها قلبه وعليها كلمه هديه واداها لمامته وقال لها انا مش بزعل زي الاول يا ماما وبحاول ماتعصبش ولا ازعق ماما حضنته وقالت له وانا فخوره بيك يا سيفو كل مره هتفتكر كلامنا هتبقى اهد لما تعرف ان العصبيه مش بتعمل لنا حاجه يعني النهارده لو انت كنت اتعصبت ولا زعقت كانت النتيجه هتتغير وتكسب طبعا لا وانت شاطر وفهمت كده ومن يومها كل ما كان سيف يحس بالغضب يفتكر النفس والعد 1 2 3 4 خمسه ويفتكر انه مش عايز يزعل اي حد بيحبه وان الزعيق والعصبيه مش هتغير نتيجه الموقف اللي احنا فيه وخلاص سيف اللي كان بيزعل بسرعه بقى بطل في التحكم في النفس وخلص الكلام استنوني وهستناكم في حكايات كتير قدام