طرق انتقال الحرارة الدرس الرابع علوم الصف الثاني الإعدادي بشكل مبسط وسهل الفصل الدراسي الأول 2026

عمرك وقفت قدام النار وحسيت بالحراره من بعيد او شفت ازاي الهواء السخن بيطلع لفوق والهواء البارد بينزل لتحت وكمان ازاي اشعه الشمس بتوصل لينا وتدفينا وهي بعيده ملايين الكيلومترات كل الحاجات الغريبه دي وراها سر واحد طرق انتقال الحراره في الدرس الرابع علوم سنه ثانيه اعدادي هنتعرف مع بعض على ثلاث طرق اساسيه التوصيل والحمل والاشعاع والاجمل اننا هنكتشف ازاي ازاي الطرق دي موجوده حوالينا في كل لحظه من حياتنا من غير ما ناخد بالنا خليك جاهز عشان الدرس ده هيخليك تبص للعالم حواليك بطريقه مختلفه كانك بتشوفه لاول مره تعالوا هندرس اول حاجه يعني ايه سريان الحراره اقول لك لما نحط اناء في ميه مغليه حرارتها قد ايه 100 درجه مئويه في اوضه يبقى احنا حطينا اناء في ميه مغليه درجه الحراره بتاعتها 100 درجه مئويه حطيناها فين؟ حطيناها في اوضه الاوضه درجه حرارتها قد ايه؟ 25 درجه مئويه هنلاقي بعد شويه ان الميه بتبرد واحده بواحده مع مرور الوقت طب ممكن يجيلك سؤال يقول لك ايه علل اذكر السبب لماذا ليه عند وضع اناء به ماء مغلي درجه حرارته 100 درجه سليزيه او 100 درجه مئويه في غرفه درجه حرارتها 25 درجه مئويه فان الماء سرعان ما يبرد بمرور الوقت اقول لك لانتقال الطاقه الحراريه من الماء اللي هو يعتبر النظام الى الغرفه اللي هي الوسط المحيط فيما يعرف بالحراره اقول لك بمعنى صحيح عشان الطاقه الحراريه بتتنقل من الميه السخنه اللي هي تعتبر النظام للغرفه البارده اللي هي تعتبر الوسط المحيط وبتفضل تتنقل لحد ما الاثنين يبقوا قد بعض في درجه الحراره ببساطه الميه هنا اسمها النظام الهواء اللي حوالين الميه اسمه الوسط المحيط فالحراره طالعه من السخن اللي هي الميه رايحه لمين؟ للبارد اللي هي الاوضه وده اللي اسمه سريان الحراره طب احنا عايزين نعرف يعني ايه الحراره اقول لك الحراره دي طاقه بتتنقل من جسم للثاني او من نظام للثاني ليه عشان في فرق في درجات الحراره بينهم يبقى ايه هي الحراره اقول لك الطاقه التي تنتقل من نظام الى اخر او الى الوسط المحيط بسبب اختلافهما في درجه الحراره يبقى اقول لك الحراره دي عباره عن طاقه بتتنقل من جسم للتاني او بتتنقل من نظام للثاني ليه؟ عشان في فرق في درجات الحراره بينهم عشان نفهم الكلام ده لازم نعمل نشاط عملي على كيفيه سريان الحراره طبعا اول خطوه ان احنا نعمل ايه؟ هنقيس درجه حراره شويه ميه بارده في اناء معزول وليكن مثلا 20 درجه مئويه طيب الخطوه الثانيه اقول لك حطينا شويه كرات معدن في ميه بتغلي 100 درجه مئويه تمام كده زي ما احنا شايفين قدامنا في الصوره الميه بتغلي وحطينا شويه كرات ايه كرات معدنيه طبعا واحنا عارفين ان درجه غلان الميه قد ايه برافو عليك 100 درجه مئويه بعد كده مسكنا الكرات المعدنيه ديت نقلناها من الميه السخنه للميه البارده وسجلنا الحراره طيب هنلاحظ ايه الميه البارده سخنت من 20 درجه لحد 28 درجه مئويه لما احنا حطينا نا الكرات المعدنيه السخنه اللي كانت موجوده في الميه السخنه اللي هي اللي هي بتغلي لقينا ان الميه عملت ايه؟ البارده سخنت من 20 ل 28 طب بالنسبه للكرات المعدنيه طبعا اقول لك كان درجه حرارتها 100 درجه مئويه بردت لغايه قد ايه؟ لغايه 28 درجه مئويه يعني في الاخر كله وقف عند 28 درجه مئويه سواء الميه او الكرات طيب زي لما تحط مثلا لبن بارد على قهوه سخنه اللبن البارد بيعمل ايه؟ بيسخن شويه طب القهوه السخنه بتعمل ايه؟ بتبرد شويه طب الاستنتاج اقول لك ان اول ما جسمين مختلفين في الحراره يعني واحد درجه حرارته عاليه وواحد درجه حرارته منخفضه شويه بمجرد ما ان هم يلمسوا بعض ايه اللي بيحصل؟ الحراره بتتحرك من الجسم الساخن للجسم البارد وبتفضل ماشيه لحد لحد ما الاثنين يوصلوا لنفس درجه الحراره وقتها بنقول ايه؟ وصلوا لحاله الاتزان الحراري حاله ايه؟ اقول لك الاتزان الحراري طب يعني ايه يا مستر الاتزان الحراري؟ اقول لك الحاله التي يصل اليها نظامين مختلفين في درجه الحراره امتى؟ بعد تلامسهما وتساوي درجتي حرارتهما نقولهم بالعاميه كده اهوت اقول لك هو الحاله اللي جسمين مخت مختلفين في الحراره بيوصلوا ليها بعد التلامس لما يبقى عندهم نفس درجه الحراره ندي مثال عشان نفهم اكتر ببساطه ان لو عندك جسمين حرارتهم مختلفه واحد سخن والتاني بارد ولما يلمسوا بعض او يتحطوا مع بعض الحراره هتبدا تعمل ايه؟ تتحرك من السخن للبارد لحد ما الاتنين يوصلوا لنفس درجه الحراره بالظبط ساعتها بنقول ايه؟ انهم بقوا في حاله اتزان حراري يعني ما فيش حراره بتتنقل من ده لده خالص. طب تعالوا نضرب مثال عشان نفهم اكتر. اقول لك لما تعمل كوبايه شاي سخنه وتيجي تحط فيها معلقه معلقه معدن. المعلقه طبعا بتكون بارده. في الاول المعلقه بتعمل ايه؟ بتبقى ساقعه صح كده؟ والشاي سخن جدا الحراره هتعمل ايه؟ هتتنقل من الشاي للمعلقه بعد شويه هتلاقي ان المعلقه سخنت وفي نفس الوقت هتلاقي الشاي نفسه برد شويه وفي الاخر الاثنين بيبقوا متقاربين في نفس درجه الحراره وده اسمه الاتزان الحراري يبقى نقولو ثاني ايه هو الاتزان الحراري؟ اقول لك الحاله التي يصل اليها نظامين مختلفين في درجه درجه الحراره بعد تلامسهما وتساوي درجتي حرارتهما طب تعال نشوف بعض الملحوظات كده اقول لك اول ملحوظه ان كميه الحراره اللي الجسم السخن بيفقدها بتساوي نفس كميه الحراره اللي الجسم البارد بيكتسبها لو عندنا جسمين نفس الكتله ونفس الماده واحد درجه حرارته 50 درجه مئويه والثاني 30 درجه مئويه الحراره النهائيه هتبقى قد ايه؟ هتبقى 40 لو انت جمعت 50 و30 80 المتوسط قد ايه؟ اقول لك 40 الملحوظه الثانيه لو جسمين ليهم نفس الحراره من الاول ما فيش انتقال للحراره يعني مثلا لو جسم درجه حرارته 50 والجسم الثاني درجه حرارته 50 اقول لك ما فيش انتقال لمين؟ للحراره تعالوا ندرس مع بعض تطبيق عمليه انا عندي كوبايه نسكافيه وعندي كوبايه لبن لو النسكافيه هنعتبر ان درجه حرارته 70 درجه مئويه واللبن بارد قد ايه؟ 20 درجه مئويه الحراره النهائيه بتبقى اكبر من 20 درجه مئويه واقل من 70 يعني لما اقول لك مثلا ايه اديك مثال مثال تاني يعني ثلج في عصير احنا حطينا ثلج في ايه؟ في عصير الثلج بياخد حراره من العصير تمام كده ليه؟ لان العصير بيكون ايه؟ بيكون درجه حرارته اعلى من درجه حراره ايه؟ الثلج فايه اللي بيحصل للثلج؟ الثلج بيسيح والعصير نفسه بيعمل ايه؟ بيبرد. طيب تعالوا ناخد سؤال مع بعضينا. السؤال بيقول لك ايه؟ اي مما يلي يعبر عن معنى الاتزان الحراري؟ ا انتقال الحراره من الجسم البارد الى الجسم الساخن باستمرار. ب توقف انتقال الحراره عندما يصبح للجسمين نفس درجه الحراره. ج بقاء الجسم الساخن محتفظا بحرارته دون فقدان. د انتقال الحراره بين جسمين مهما كانت درجتهما متساويه اتمنى انك انت تجاوب لي السؤال ده في التعليقات وتكتب لي اسمك واسم المحافظه بتاعتك وانا هرد عليك ان شاء الله بنفسي في سؤال لذيذ خالص وجميل جدا بيقول لك ايه علل يعني اذكر السبب لماذا ليه لماذا عند خلط كرات معدنيه درجه حرارتها 30 درجه سلس سليزيه مع ماء درجه حرارته 20 درجه سلزيه لا تكون درجه حراره الخليط عند الاتزان الحراري 25 درجه سلزيه يعني ايه الكلام دوت يعني هو بيسالكم هل كل مره نجيب جسم سخن 30 درجه سليزيه مثلا ونحطه مع جسم ابرد اللي هو 20 درجه سليزيه لازم درجه الحراره تظبط في النص وتبقى 25 ولا لا؟ اقول لك الميه حرارتها النوعيه عاليه يعني عشان تسخن او تبرد محتاجه طاقه كتيره انما الكرات المعدنيه دي حرارتها النوعيه قليله فبتسخن وبتبرد بسرعه عشان كده لما نخلطهم مش هيتقاسموا الحراره بالنص يعني مش هيبقى 25 درجه سليزيه ليه؟ لان الميه هتسحب حراره اكت ودرجه الاتزان هتبقى اقرب لحراره ايه؟ لحراره الميه يبقى اذا الاجابه اقول لك لان الخليط مكون من مادتين مختلفتين اللي هو ميه ومع معدن في الكتله والنوع وبالتالي تختلف درجه حرارتهما ايه النوعيه هندرس حبايب قلبي طرق انتقال الحراره واقول لك ان الحراره بتتنقل من جسم سخن لجسم ابرد بكام طريقه بثلاث طرق بقد ايه اقول لك ثلاث طرق طب ايه هم يا مستر اقول لك رقم واحد التوصيل رقم اثنين الحمل رقم لاثه الاشعاع يبقى انا عندي كده اهو كم طريقه لانتقال الحراره اقول لك ثلاث طرق اللي هم التوصيل والحمل والاشعاع طب تعالوا نبدا مع بعض بانتقال الحراره بالتوصيل واقول لك التوصيل يعني ان الحراره تمشي جوه الجسم الصلب من حته سخنه لحته ابرد انتم متخيلين معايا طب ندي مثال بسيط يعني مثلا لما تمسك ملعقه معدن تمام ونحطها في كوبايه شاي سخن الحراره هتتنقل من الشاي للملعقه تمام ومنين الملعقه لايدينا ودي اسمها انتقال الحرا الحراره بايه؟ بالتوصيل طب تعال نفسر انتقال الحراره بالتوصيل ازاي الحراره بتنتقل بالتوصيل اقول لك احنا هنجيب هنعمل تجربه زي اللي قدامنا دي طبعا ده ساق معدني وفي طبعا مجموعه من الدبابيس تمام كده وهنجيب شمعه وهنولعها وهتبتدي طبعا الحراره تنتقل من الساق المعدني من طرف الساق تمام طب ايه اللي هيحصل؟ اقول لك الجسيمات اللي فيه بتعمل ايه؟ بتهتز جامد لان طاقتها الحراريه بتزيد. طب الجسيمات بتعمل ايه؟ بتخبط في بعضيها تمام وتبتدي تتنقل جزء من الطاقه للطرف الثاني وهكذا وبعدين الجسيمات اللي جنبها بتنقل للي بعدها وهكذا. بنلاحظ حاجه مهمه جدا بنلاحظ تساقط الدبابيس بالتتابع. يعني ايه بتتابع؟ يعني الدبوس الاول بيسقط الاول، الثاني بيسقط ايه؟ من بعديه وهكذا يعني الحراره بتتحرك من الجسم من غير ما الجسيمات نفسها تتحرك من مكانها. طيب عايزين نعرف يعني ايه التوصيل الحراري؟ التوصيل الحراري هو انتقال الطاقه الحراريه خلال الاجسام الصلبه من نقطه الى اخرى دون انتقال جسيماتها من موضعها. يعني ايه الكلام دوت؟ يعني الحراره تمشي جوه الجسم الصلب من حته سخنه لحته ابرد لكن الجسيمات نفسها اللي هي جوه الجسم مش بتتحرك من مكانها هي بس بتنقل جزء من طاقتها للي جنبها طب عايزين مثال عشان نفهم اكتر اقول لك لما تحط ملعقه معدن في كوبايه شاي سخن هتلاقي بعد شويه ان طرف المعد الملعقه اللي فوق اللي مش في الشاي بقى سخن برده طب ازاي حصل ده اقول لك الحراره اتحركت جوه جسم جسم الملعقه من الجزء اللي في الشاي اللي هو السخن يعني للجزء اللي فوق اللي هو الابرد الجسيمات نفسها ماتحركتش من مكانها هي بس خبطت في بعضيها ونقلت الطاقه طيب عايزين نعرف ايه هي التوصيليه الحراريه اقول لك ان التوصيليه الحراريه دي مقياس لمدى قابليه الماده لتوصيل الحراره خلالها يعني ايه يا اد الكلام دوت يعني كل ماده ليها قدره مختلفه على نقل الحراره في مواد سريعه التوصيل للحراره وفي مواد بطيئه التوصيل للحراره واقول لك احنا هنعمل تجربه دلوقتي لما نجيب ساق من النحاس وساق من الحديد يبقى انا عندي ساق نحاس وساق ايه حديد بنفس الطول وبنثبت عليهم دبابيس بشمع ونسخن الطرف بتاع ساق النحاس وهنسخن طرف ساق الحديد هنلاحظ ان الدبابيس اللي على ساق النحاس بتقع اسرع من اللي على الحديد ليه لان النحاس توصيليته الحراريه اكبر من الحديد. طيب يا مستر احنا عايزين نعرف ترتيب العناصر الطبيعيه حسب توصيليتها. اقول لك رقم واحد الماس. رقم واحد ايه؟ الماس رقم 2ين الفضه رقم 3 النحاس يبقى انا عندي كام حاجه؟ لاث حاجات رقم واحد الماس رقم انين الفضه رقم لاه ايه النحاس كمان احنا ممكن نصنف المواد من حيث توصيليتها الحراريه الى مواد موصله حراريا يعني ايه الكلام دوت؟ يعني مواد جيده التوصيل للحراره يعني توصيلياتها الحراريه مالها مرتفعه زي مين؟ زي الماس زي الالومنيوم زي النحاس وفي كمان مواد عازله حراريا ايه هي المواد العازله الحراريا دي اقول لك دي مواد بتنقل الحراره ببطء جدا او تعتبر عازله يبقى مواد الرياضيه التوصيل ليه للحراره توصيليتها الحراريه يعني مالها منخفضه زي مين زي الخشب زي البلاستيك زي الكرتون طيب تعالوا نشوف مع بعض الاسئله بيقول لك ايه السؤال علل يعني اذكر السبب لماذا ليه توضع البيتزا في علب من الكرتون عشان الكرتون ده ماده عازله حراريا فبيحافظ على سخونتها فتره اطول يبقى اذا ايه السبب ان توضع البيتزا في علب من الكرتون اقول لك للاحتفاظ بها ساخنه ليه؟ لان الكرتون من المواد العازله حراريا او العازله للحراره يعني طب في سؤالاني بيقول لك ايه؟ علل تصنع اوان الطهي من المعادن بينما تصنع مقابضها اللي هي مقابض اوان الطهي يعني من البلاستيك او الخشب مبدئيا الاواني من المعدن عشان المعادن موصله كويسه للحراره لكن المقابض من البلاستيك او الخشب ليه؟ عشان دي عوازل فبتحمي ايدينا من السخونه يبقى اذا تصنع اوان الطهي من المعادن ليه؟ اقول لك لارتفاع توصيليتها الحراريه طب ليه احنا بنصنع مقابض اواني الطهي من البلاستيك او الخشب؟ اقول لك لان البلاستيك او الخشب منخفضه توصيليتهما الحراريه يبقى اذا في حاجه تاني اقول لك يفضل استخدام الطوب الطفلي المفرغ بدل المصمد ليه احنا بنفضل استخدام الطوب الطفلي اللي هو المفرغ اللي هو فارغ من جوه يعني بدل المصم عشان الفراغات فيها هواء والهواء ده يعتبر عازل ممتاز للحراره كمان ساعات بيحط الواح بوليسترين ماشي البوليسترين ديت دي عازله بين الحوائط ليه عشان يخففوا تكاليف التكييف. في سؤال مهم جدا بيقول لك ايه؟ اختر الاجابه الصحيحه. تنتقل الحراره من نقطه الى اخرى خلال قطعه من الحديد عن طريق الحراره بتنتقل من نقطه الى نقطه اخرى في ساق من الحديد عن طريق مين؟ الحمل فقط التوصيل فقط. الحمل والتوصيل التوصيل والاشاعه. بتمنى ان كنتوا تكتبوا الاجابه في التعليقات وكل واحد يكتب اسمه واسم المحافظه بتاعته او البلد اللي هو عايش فيها. او انا هرد عليه بنفسي ثانيا انتقال الحراره بتيارات الحمل بصوا يا اد لما نسخن الميه من تحت الجسيمات اللي عند قاع الاناء بتاخد طاقه حراريه وبتعمل ايه تتحرك اسرع تبعد عن بعض يعني كثافتها بتقل طب النتيجه ايه اقول لك الميه السخنه بتطلع لفوق والميه البارده اللي فوق وكثافتها اكبر بتنزل لتحت مكانها العمليه دي تفضل تتكرر طول ما في تسخين وده اللي بيوزع الحراره في الميه كلها واقول لك لو احنا حطينا بلوره من بارمنجانات البوتاسيوم البنفسجي في كاس ميه وسخناه هتلاقي اللون البنفسجي بيتوزع تدريجيا في الكاس كله بسبب تيارات الحمل يبقى كده احنا عرفنا ان عند تسخين الميه بمصدر حراري يعني جسيمات الميه القريبه من قاع الاناء بتكتسب طاقه حراريه فايه اللي بيحصل تتحرك الجسيمات بسرعه اكبر وتبتعد عن بعضيها بعد كده ايه بيحصلاني يرتفع الماء الساخن لاعلى ليه لان كثافته بتكون اقل من كثافه الماء ايه البارد بعد كده يهبط الماء البارد اللي هو اعلى كثافه اللي موجود عند السطح بيهبط فين بيهبط لاسفل ويحل محل الماء الساخن طبعا بيستمر صعود الماء الساخن وهبوط الماء البارد طب تعالوا نشوف تفسير انتقال الحراره بتيارات الحمل في الغازات نفس الفكره بتحصل في الهواء لما نسخن الهواء بتقل كثافته فبيطلع لفوق والهواء البارد اللي كثافته اكبر ينزل مكانه ولو الهواء اتبرد هتزيد كثافته فينزل لتحت والساخن يطلع لفوق وبكده الحراره بتتنقل من الغازات بتيارات الحمل برده طب مثال اقول لك الهواء اللي حوالين متفقه كهربيه بيتسخن ويطلع لفوق والهواء البارد ينزل مكانه فيتوزع الدفع في الاوضه كلها. طب عايزين نعرف ايه هو الحمل الحراري؟ اقول لك الحمل الحراري هو انتقال الطاقه الحراريه في الموائع. الموائع اللي هي مين؟ السوائل والغازات مع حركه جسيماتها. تاني ايه هو الحمل الحراري؟ اقول لك انتقال الطاقه الحراريه في الموائع مع حركه جسيماتها. طيب تعالوا نشوف مع بعض تطبيق حياتي. يعني الحاجات دي بتحصل معانا في حياتنا؟ اه طبعا. ممكن يجيلك سؤال يقوللك ايه علل اذكر السبب لماذا؟ ليه توضع المدفاه على ارضيه الغرفه ليه احنا بنحط الدفايه على ارضيه الغرفه اقول لك عشان الهواء السخن الاقل كثافه يطلع لفوق والهواء البارد الاعلى كثافه ينزل لتحت فيتوزع الدفع في الغرفه كلها يبقى اذا لضمان توزيع الحراره في جميع انحاء ايه انحاء الغرفه السؤال الثاني بيقول لك ايه يثبت الفريزر في اعلى الثلاجه احنا عمرنا ما شفنا فريزر تحت في الثلاجه من تحت ديم على طول بيبقى فين؟ بيبقى اعلى الثلاجه اقول لك عشان الهواء البارد الاعلى كثافه ينزل لتحت يبرد الاكل والهواء الدافئ الاقل كثافه يطلع لفوق مكانه عشان يعمل ايه؟ عشان يبرد يبقى اذا لضمان توزيع الحراره في جميع انحاء ايه؟ انحاء الثلاجه رقم لاه ظاهره نسيم البحر نقول لك سبب حدوثها سبب حدوثها هو انخفاض الحراره النوعيه لليابس عن الحراره النوعيه لماء البحر ده بالنسبه لسبب ايه حدوث ظاهره نسيم البحر طيب بص يا سيدي الارض اللي هي اليابس بتسخن بسرعه اكتر من البحر امتى لما الشمس بتسقط عليها يعني الهواء اللي فوق الارض بيبقى احر شويه او سخن شويه من الهواء اللي فوق البحر وده السبب الرئيسي في في ظهور نسيم ايه نسيم البحر طيب تعريف نسيم البحر ايه اقوللك هو حركه هواء بارد اللي هو نسيم من البحر نهارا باتجاه اليابس يبقى نسيم البحر هو حركه هواء بارد من جهه البحر نهارا باتجاه ايه؟ باتجاه اليابس طيب كيفيه حدوث ظاهره نسيم البحر رقم واحد عند سقوط اشعه الشمس نهارا ايه اللي بيحصل؟ الهواء الملامس لليابس بيسخن بس بدرجه اكبر من سخونه الهواء الملامس للبحر طب بعد كده بيرتفع الهواء الساخن اللي هو فوق اليابس الى اعلى ايه اللي بيحصل بعد كده؟ يحل محله هواء بارد قادم من جهه البحر يعني ببساطه الشمس بتسخن الارض اسرع من البحر فالهواء اللي فوق الارض بيسخن ويرتفع لفوق مكانه بيفضى فايه اللي بيحصل؟ بيجي هواء بارد من البحر بيعوضه انت بتحس ان الهواء جاي من ناحيه الميه الى ناحيه ايه؟ البر طب عايزين نعرف مدى تاثيرها اقول لك التاثير ده بيبان اكت في فصل الصيف ليه؟ لان الفرق في السخونه بين الارض والبحر بيكون واضح جدا لكن في الربيع والخريف بيبقى اقل شويه شايفين فين الصوره اللي قدامنا دي؟ طبعا دي صوره نسر محلق في الهواء وكمان بيعمل ايه؟ مش بيرفرف احنا بنلاحظ ان النسر بيفرد اجناحته تمام كده من غير ما يرفرف وفي نفس الوقت بيبقى طاير ازاي؟ في سؤال ممكن يقول لك ايه كيف يستطيع النسر التحليق في الهواء على ارتفاعات كبيره؟ اقول لك النسر مش بيجهد نفسه لكن بيستغل الهواء السخن اللي طالع لفوق من الارض طبعا الارض بتكون سخن سخنه تمام يعني الهواء بيعمل ايه بيشيل لفوق من غير ما يرفرف كتير بجناحاته يبقى اذا الاجابه اقول لك لان النسر يستفيد من تيارات الهواء الساخن الصاعد الى ايه الى اعلى ثالث طريقه اللي هي انتقال الحراره بالاشعاع يعني انت واقف في عز الشمس بتحس بايه طبعا بتحس بالحر من غير ما يكون في هواء نائل او جسم بيوصل لك الحراره السبب ان حراره الشمس بتيجي لينا على هيئه اشعه بتسافر في الفراغ من غير ما تحتاج وسط. طيب عايزين نعرف او نفسر انتقال الحراره بالاشعاع. اقول لك يتكون الاشعاع الشمسي من موجات كهرومغناطيسيه. يبقى الاشعاع الاشعه اللي جايه من الشمس فيها ضوء عادي احنا بنشوفه وفيها كمان اشعه تحت الحمراء اللي بتسخن الاجسام. الحاجه الغامقه او السودا بتمتص الاشعه دي اكت فبالتالي بتسخن اسرع. عشان كده رجال الاطفاء بيلبسوا لبس فضي لامع ليه؟ عشان يعكس الحراره ويحميهم. كمان في الصيف احنا بنلبس لبس ابيض او فاتح ليه؟ عشان ما نمسكش الحراره عشان ما نحسش بالحراره. في الشتاء كمان بنلبس لبس غامق عشان يخلينا نحس بالدفق. طيب انابيب السخانات الشمسيه بتدهن باللون الاسود ليه؟ عشان تمتص حراره الشمس اسرع. في ملحوظه مهمه جدا الموجات الكهرومغناطيسيه دي موجات بتنتشر في الفراغ بسرعه كبيره جدا حوالي 300000 كيلو متر في الثانيه وفي كل الاتجاهات ملحوظه تانيه كل الاجسام الساخنه بتشع حراره على هيئه اشعه تحت حمراء وكل ما الجسم يسخن اكتر يشع اشعه تحت حمراء اكتر كمان في ملحوظه ثالثه الحراره ممكن تنتقل بالاشعاع والحمل في الهواء لكن من الشمس للارض الارض مافيش غير الاشعاع نركز في دي زي اللمبه اللي قدامنا دي لما تقرب ايدك منها تحس بسخونه من غير ما تلمسها وده بسبب الاشعاع طب تعريف الاشعاع الحراري اقول لك هو انتقال الاشعه تحت الحمراء من اسطح الاجسام وخاصه الساخنه منها دون الحاجه الى وجود جسيمات ماديه في تطبيق تكنولوجي اسمه السيرموراف دي تقنيه بتستخدم كاميرا بتعمل على استشعار الاشعاع الحراري الصادر من الاجسام وبتحول الى صوره صوره ملونه بتعتمد الوانها على التغيرات في درجات حراره الجسم تستخدم التقنيه دي في اكث من حاجه تصوير في الظلام الكشف عن درجه حراره الاجسام طيب في كاميرا ذكيه بتلقط الاشعه تحت الحمراء اللي طالعه من جسم الانسان او اي حاجه سخنه بتحولها لصور الوان الالوان دي بتبين الحراره بيستخدموها مثلا في الجيش او المطافي او حتى في الطب تعالوا مع بعضينا اا التكامل مع علم الاحياء اللي هو البيولوجي طبعا اقول لك ان في بعض الثعبين تتمكن من اصطياد فرائسها ليلا ليه؟ لوجود مستشعرات حسيه في مقدمه راسها تمكنها من استقبال الاشعه تحت الحمراء الصادره من اجسام الفراس يعني الثعبيان عنده زي رادار صغير في دماغه بيشوف بيه الحراره اللي طالعه من جسم الفريسه حتى لو الدنيا ضلمه خالص وده اللي بيخليه يعرف مكانها ويهجم عليها بكده يا حبايب قلبي ننتهي من شرح الدرس الرابع طرق انتقال الحراره بدعوكم لعمل او اشتراك على قناه درس علوم مع تفعيل زر الجرس لكي يصلكم كل جديد والى ‏y