تطور الطفل الرضيع في الشهر الاول كل ما يجب ان تعرفيه عن طفلك الرضيع في الشهر الاول من عمره

السلام عليكم واهلا وسهلا بكم على قناه طبيب اطفال معاكم الدكتور محمد دسوقي اخصائي طب الاطفال وحديث الولاده هكلمكم ان شاء الله النهارده عن تطور الطفل في الشهر الاول هنتكلم ان شاء الله عن كل حاجه تخص الطفل في الشهر الاول هنتكلم عن رعايه الطفل او الاهتمام هنتكلم عن الرضاعه والتغذيه هنتكلم عن عدد ساعات النوم هنتكلم عن السمع والنظر هنتكلم عن التطور الحركي والتطور العقلي والتواصل وهنتكلم عن النمو في الوزن والطول ومحيط الراس وكمان فتحه النفوخ وهنتكلم عن اهم المشاكل الصحيه اللي ممكن تحصل للطفل في العمر ده وازاي نقدر نتعامل معاها كل التفاصيل دي وكل المعلومات دي هتبقى موجوده في الفيديو ده فتابعوا معانا الفيديو للاخر في البدايه وقبل ما نبدا ما تنسوش تعملوا لايك وشير للفيديو علشان يوصل لكل الناس السلسله دي هنتكلم فيها عن تطور الاطفال الرضع من عمر يوم لعمر سنه شهر بشهر هناخد كل شهر من عمر الطفل ونتكلم عن كل حاجه تخص الطفل في الشهر ده سواء النمو او التغذيه او عدد ساعات النوم او تطور النظر وتطور السمع او النمو او كل حاجه ممكن تخص الطفل في العمر ده بشرط ان اي ام تخش تشوف الفيديو ده تطلع منه عارفه كل حاجه تخص طفلها الرضيع والفيديو ده هو اول فيديو في السلسله دي وهنتكلم فيها ان شاء الله عن تطور الطفل في الشهر الاول بدايه الشهر الاول بيبقى شهر حساس شويه خاصه عند الامهات الجدد لو حضرتك لسه ام لاول مره بتبقي خايفه ومرتبكه ولكن الموضوع ان شاء الله بسيط تقدري تتابعي معانا السلسله له دين علشان تعرفي تتعاملي مع طفلك من غير قلق ومن غير خوف اول الطفل ما يتولد في مجموعه اجراءات مهمه لازم نعملها اول حاجه بمجرد الطفل ما يخرج من غرفه العمليات لازم الطفل يستحمى بالميه فقط وبلاش نشيل الطبقه البيضا اللي بتبقى موجوده على جلد الطفل الطبقه دي مهمه جدا لانها بتحمي الطفل من غزو البكتيريا وكمان الطبقه دي بتدفي الطفل او بتحافظ على درجه حراره جسمه بالنسبه للهدوم هتختلف على حسب فصل السنه اللي الطفل بيتولد فيه لكن كقاعده عامه الطفل الرضيع بيلبس قطعتين زياده عن اللي الكبار بيلبسوها يعني لو انا في فصل الصيف لابس قطعه واحده يبقى الطفل اللي لسه مولود يلبس ثلاث قطع وطبعا قطع الملابس هتبقى نوعيتها على حسب فصل السنه وبعد الام ما تخرج من غرفه العمليات او بعد الام ما تفوق ضروري جدا تحط الطفل على الثدي علشان نؤسس للرضاعه الطبيعيه من اول يوم وعلشان الطفل يستفيد بلبن السرسوب وده لبن مهم جدا بياسس لمناعه الطفل وذكاء الطفل وبياسس للنمو السليم عند الاطفال وممنوع تماما ندي الطفل اي حاجه غير الرضاعه الطبيعي ما نديش حليب صناعي ما نديش ميه مقطره ما نديش اعشاب ما نديش اي حاجه خالص غير ان الطفل يتحط على ثدي الام دي كده اهم الاجراءات اللي لازم نعملها بمجرد الطفل ما بيتولد في اول شهر من حياه الطفل عندنا حاجات كتير مهمه لازم نعملها هنبدا برعايه الطفل او بالاهتمام بالطفل من اهم الحاجات اللي لازم نهتم بيها هي السره بتاعه المولود والسره بتاعه الطفل بنهتم بيها بكذا حاجه اول حاجه لازم نغير على السره على الاقل اربع مرات في اليوم بكحول ايثيلي تركيز 70% نرش على السره بختين او ثلاثه ونرفع المشبك بتاع السره ونرش من تحت لازم نرش الكحول على السره كلها من فوق ومن تحت ثاني حاجه السره بتاعه المولود بلاش نغطيها بلاش نحط عليها شاش او رباط السره او اي حاجه ثانيه. الحاجه الثالثه نخلي الحفاضه اللي الطفل لابسها تبقى متنيه وبعيد عن السره بلاش تيجي على السره وبلاش تغطيها علشان ما يحصلش التهاب في السره. الحاجه الرابعه السره تقع في اي وقت بلاش نستعجل على ان السره تقع. طالما بنغير عليها بانتظام ومهتمين بنضافتها يبقى بنتابع انها تقع في اي وقت. ما فيش مشكله السره لو طولت فيقعها حتى لو قعدت شهر. طالما مافيش التهاب في السره او التهاب في المنطقه اللي حواليها يبقى حضرتك ما تخافيش خالص وسيبي السره تقع في اي وقت. ثاني حاجه من الحاجات المهمه جدا ان اول 10 ايام في حياه الطفل لازم نكون بنحط له قطره مضاد حيوي للعين على الاقل ثلاث مرات في اليوم وده في اول 10 ايام من حياه الطفل علشان نحمي عين الطفل من الاصابه بالبكتيريا او من الالتهاب اللي ممكن يحصل اثناء عمليه الولاده. الحاجه الثالثه الطفل ياخد نقط فيتامين د من اول يوم وبياخد 400 وحده دوليه كل يوم او لو هندي الفي دروب يبقى بندي اربع نقط مره واحده يوميا الحاجه الخامسه نتابع الطفل في اول 24 ساعه ونتاكد ان الطفل عمل بول وعمل براز في اول 24 ساعه معظم الاطفال بيعملوا بول وبراز في اول 24 ساعه لو الطفل اتاخر شويه ممكن يبقى في اول 48 ساعه لو الطفل اتاخر عن كده ضروري ضروري نرجع لدكتور الاطفال علشان يفحص الطفل. واخر حاجه لازم نهتم بيها في اول اسبوعين من حياه الطفل هو متابعه الصفره الوليديه. كثير من الاطفال بيجي لهم صفره والصفره الوليديه ليها انواع كثيره وليها قصص طويله جدا. موضوع الصفره بالكامل سواء الصفره الفسيولوجيه او التكسيريه انا اتكلمت عنها بشكل كامل في فيديوهين قبل كده هسيب لكم الفيديوهات دي في صندوق الوصف بتاع الفيديو لكن في نقطتين مهمين يخصوا الصفره اول حاجه الرضاعه الطبيعيه بشكل كويس جدا بتساعد الطفل على انه الصفره تنزل كويس جدا ده في حاله الصفره الفسيولوجيه اللبن الصناعي او الحليب الصناعي مالوش اي دور في علاج الصفره الفسيولوجيه عند الاطفال الصفره الفسيولوجيه الطفل يرضع كويس ويتابع الصفره مع طبيب الاطفال لو الصفراء ما وصلتش لارقام عاليه تستدعي الحضانه يبقى الطفل بيرضع طبيعي في البيت فقط وهنلاقي الصفره بتنزل لو الصفرا عليت عن ارقام محدده والطفل ده احتاج انه يدخل الحضانه يبقى الطفل ده علاجه في الحضانه وبالمناسبه الرقم اللي يخلي الطفل يدخل الحضانه بيختلف على حسب حاجات كثيره جدا منها عمر الطفل والحاله الصحيه للطفل ووزن الطفل وحاجات كتيره جدا فالطبيب المعالج هو اللي يقدر يقيم اذا كان الطفل ده هيقعد في البيت ونتابع الصفره معاه ولا الطفل ده محتاج حضانه دي كده اهم الاجراءات اللي تخص رعايه الطفل في الشهر الاول نيجي للنقطه الثانيه وهو النمو والنمو هنا هنتكلم عن الوزن وهنتكلم عن الطول وعن محيط الراس وعن فتحه النفوخ نبدا بالوزن الطفل الرضيع بيتولد وزنه ما بين 2 كيلو ل 4 كيلو ده الرينج اللي عاده معظم الاطفال بيتول ولده فيه وبيبقى المتوسط بتاع الطفل حوالي 3 كيلو والطفل في اول شهر من حياته في خلال اول شهر بنلاقيه في اول 10 ايام بعد الولاده بيخس حوالي 10% من وزنه يعني الطفل مثلا لو كان مولود 3 كيلو ممكن يخس 300 ج في اول 10 ايام وده طبيعي جدا وما فيش منه اي مشكله من بعد اليوم العاشر بيبتدى الطفل يكسب وزن ويبتدي يزيد في الوزن كويس وبتبقى معدل زياده الطفل في الوزن حوالي حوالي 750 جرام كل شهر يعني حوالي 180 جرام كل اسبوع يبقى من اليوم العاشر نبتدي نحسب معدل زياده وزن الطفل ولو لقينا الطفل بيزيد بمعدل 180 جرام في الاسبوع يبقى ده رقم كويس جدا والطفل بياخد احتياجاته معدل زياده الوزن مقياس مهم جدا نقدر نقيم بيه اذا كان الطفل الرضيع بيرضع ويشفع كويس وياخد احتياجاته ولا الطفل ده ما بيرضعش وما بيشبعش والرضاعه الطبيع طبيعي مش مكفياه بلاش حضرتك تدي لبن صناعي بوجهه نظرك او وجهه نظري المحيطين اللي بيقعدوا يقولوا لك الطفل مش بيشبع او الطفل مش بيكبر علشان نعمل الحركه دين لازم نتابع وزن الطفل الاول ونتابعه كذا مره مرتين وثلاث مرات ونتاكد اذا كان بيزيد كويس ولا لا ولو كان الطفل بيزيد في الارقام كويس زي ما وضحت لحضرتك دلوقتي يبقى الطفل ده يرضع طبيعي فقط وده الافضل جدا لو كان في مشكله في زياده الوزن يبقى الطبيب المعالج هو اللي يحدد الاجراء المناسب للطفل ده. النقطه الثانيه هي الطول. الطفل بيتولد طوله من 46 ل 55 سم يعني متوسط الطول حوالي 50 سم عند معظم الاطفال. وفي خلال اول شهر الطفل بيزيد حوالي 5 سم في الطول. يعني الطفل لما بيتم شهر بيبقى متوسط طوله 55 سم. او نقدر نقول ان معدل طول الطفل الطبيعي بعد اول شهر من العمر بيبقى من 50 سم ل 58 سم او المتوسط حوالي 55 سم يعني الطفل في اول شهر بيزيد في الطول حوالي 5 سم ثالث حاجه محيط الراس الطفل بيتولد محيط راسه من 33 ل 37 سم ده الرينج الطبيعي لمحيط الراس عند الطفل اللي لسه مولود وفي خلال اول شهر محيط راس الطفل بيزيد من 2 ل 3 سم علشان يبقى رينج محيط الراس عنده عمر شهر ما بين 35 ل 38 سم. الحاجه الرابعه فتحه النفوخ عند الطفل الرضيع وفتحه النفوخ هنا في منها نوعين فتحه النفوخ الخلفيه ودي عاده بتقفل قبل الطفل ما بيتولد نسبه قليله من الاطفال ممكن يتولد وفتحه النفوخ الخلفيه لسه مفتوحه ودي عاده بتقفل لوحدها في خلال ثلاث شهور من الولاده فتحه النفوخ الاماميه ده بيبقى محور اهتمام معظم الامهات ودايما بيبقوا قلقانين منها اللي هي الحته الطريه اللي بتبقى في راس الطفل وفتحه النفوخ بتختلف في حجمها من طفل للثاني بيبقى رينج الحجم الطبيعي بتاعها من نص سم ل 3.5 نص سم عند بعض الاطفال فتحه النفوخ دي بتكبر حاجه بسيطه من بعد الطفل ما بيتولد بشويه وده لان عظام الجمجمه بتبقى مضغوطه شويه لحظه الطفل ما بيتولد وبعد الطفل ما بيتولد بتبتدي عظام الجمجمه ترجع لوضعها الطبيعي فممكن فتحه النفوخ تزيد في الحجم شويه وده امر طبيعي جدا ما فيش منه خوف وفتحه اليافوخ بتقفل بشكل تدريجي علشان تقفل كليا ما بين عمر ست شهور لعمر سنتين فتحه النفوخ ممكن تقفل بعد الشهر السادس لحد عمر سنتين لو قفلت قبل ست شهور يبقى كده قفلت بدري او لو اتاخرت عن سنتين يبقى كده اتاخرت وفي الحالتين دولازم الطبيب المعالج يفحص الطفل كده خلصنا البند الثاني اللي يخص الطفل في اول شهر من العمر وهو بند النمو نيجي للبند الثالث وهو التطعيمات ايه التطعيمات اللي الطفل بياخدها في اول شهر من العمر اول الطفل ما بيتولد في اول 24 ساعه بياخد الجرعه رعه الصفريه لتطعيم الالتهاب الكبدي به ودي عباره عن حقنه الطفل بياخدها في العضل وعاده الطفل بياخدها في الفخد الامامي التطعيمات اللي بعد كده اللي الطفل بياخدها تطعيم الدرن وده حقنه الطفل بياخدها في الكتف الحقنه اللي عاده بتسيب علامه في كتف المواليد التطعيم الثاني هو تطعيم شلل الاطفال النقط وده بيبقى عباره عن نقطتين الطفل بياخدهم بالفم الحاجه اللي بعد كده مهمه اللي بتتعمل للطفل من عمر ثلاث ايام لعمر 10 ايام هي عينه الكعب ودي عينه دم بناخدها من كعب الطفل الوليد علشان نكشف على حاجتين مهمين الحاجه الاولانيه بنكشف على وظائف الغده الدرقيه والحاجه الثانيه بنكشف على نوع من انواع خلل التمثيل الغذائي وهو مرض الفينايل كيتونوريا العينه دي لازم تتاخد للطفل الرضيع ما بين عمر ثلاث ايام لعمر 10 ايام الحاجه اللي بعد كده كل المواليد في مصر حاليا في اول ثلاث شهور من حياتهم لازم يعملوا قياس سمع ودي حاجه مهمه جدا علشان نطمن ان الطفل بيسمع كويس لان السمع موضوع مهم جدا في تطور الطفل في حاجه كمان بتتعمل للمواليد لكن هي حاليا مش موجوده في مصر موجوده في بعض الدول العربيه وبتتعمل لكل المواليد وهو الاشعه التلفزيونيه على مفصل الفخد علشان نطمن ان الطفل ده ما عندوش خلع في مفصل الفخد دي كده اهم التطعيمات والفحوصات اللي بتتعمل لكل الاطفال في اول شهر من حياه الطفل نيجي للبند الرابع وهو الرضاعه والتغذيه في اول شهر من حياه الطفل هتبقى الرضاعه هي مصدر التغذيه الاساسيه الرضاعه الطبيعي لا غنى عنها لكل الاطفال هي التغذيه المثاليه للطفل اللي بتحافظ على صحته وعلى نموه وعلى مناعته الرضاعه الطبيعيه بناس لها من اول لحظه بعض الطفل ما بيتولد بان احنا نحط الطفل على ثدي الام والطفل يبدا رضاعه علشان ياخد اللبن الاولاني وهو لبن السرسون ب اللي بياسس لرضاعه طبيعيه ناجحه لازم الام تحط الطفل على صدرها معظم الاوقات الرضاعه في اول شهر من حياه الطفل بتبقى حسب الحاجه وفي العمر ده معده الطفل بتبقى صغيره جدا فالطفل لما بيرضع بياخد كميه صغيره ولكن بيحتاج يرضع عدد مرات كبير فالطفل هنا هيحتاج الرضاعه بشكل كبير جدا في اول شهر من حياته بلاش حضرتك تبقي منزعجه من دون الطفل الرضيع في العمر ده عاده بيرضع كل ساعتين ولو لقيت الطفل نايم ما بيصحاش وبيطول عن ثلاث ساعات لازم حضرتك تصحي الطفل علشان يرضع وهنا ضروري ااكد على ان الام لازم تاكل كويس ولازم تشرب سوائ كويس على الاقل 3لاه ل 4 لتر ميه وسوائ وعصاير كل يوم علشان كميه الحليب وجوده الحليب عندها تبقى كويسه لو حاسه ان كميه الحليب عندك قليله لازم تزودي كميه السوائ وتزودي اكلك ما فيش مشكله خالص ان انت تاخدي بعض الادويه اللي بتزود اضرار الحليب ما فيش مشكله ان انت تشربي الاعشاب اللي بتزود اضرار الحليب واللي اشهرها طبعا الحلبه وحاجات كثيره جدا كنت اتكلمت عنها قبل كده بالتفصيل هسيب لكم الفيديو ده في صندوق الوصف بتاع الفيديو لكن ما تفكريش ان انت تضي الطفل حليب صناعي لازم تعتمدي على الرضاعه الطبيعيه وتتعاملي مع اي صعوبات ممكن تقابلك لو حضرتك عندك مشكله في حلمه الثدي في التهاب او في الموري حضرتك تروحي لطبيبك المعالج علشان نعالج اي التهاب موجود من بدايته قبل الموضوع ما يزيد والطفل ما يعرفش يرضع بشكل كويس في بعض الحالات خاصه الامهات الجدد بتبقى حلمه الثدي غائره شويه وفي الحالات دي بنفضل ان الام تعمل مساج على حلمه الثدي على الاقل 10 دقاق قبل كل مره ترضع فيها علشان حلمه الثدي تبقى بارزه شويه والطفل يعرف ياخدها كويس في اول كام يوم من حياه الطفل خاصه مع الامهات الجدد بيبقى الرضاعه الطبيعيه صعبه صعبه شويه على الام وعلى الطفل وعلشان كده افضل ان حضرتك تستعيني بحد يبقى موجود معاكي يساعدك مامتك تبقى معاك او حماتك او اختك او خالتك اي حد ثاني يكون عنده خبره في الرضاعه يبقى موجود معاك علشان يساعدك وما تتكسفيش ان انت تطلبي المساعده طالما لسه ام جديده في حالات قليله جدا جدا ممكن نحتاج ان احنا نوصف للطفل حليب صناعي لكن في الحاله دي الطبيب المعالج فقط هو اللي ياخد القرار ده اوعي تدي حليب صناعي من نفسك اوعي تدي حليب صناعي براي المحيطين بيكي سواء مامتك او حماتك او خالتك او جارتك ما تسمعيش كلام اي حد رضعي طبيعي فقط لكن لو الطبيب المعالج تابع النمو بتاع الطفل وقال ان الطفل ده محتاج حليب صناعي هو اللي هيوصف الحليب الصناعي ويختار النوع المناسب للطفل لو الطفل اخد حليب صناعي في العمر ده في اول شهر من حياته عاده الطفل بيحتاج من 60 ل 90 سم في الردعه الواحده وعاده الطفل الطفل بيرضع كل ساعتين او ثلاث ساعات زي ما قلت لحضرتك الطفل بيحتاج كميه صغيره وبياخد عدد مرات كتير علشان حجم معدته بيبقى صغير وطالما اتكلمنا عن الرضاعه لازم اتكلم عن حاجات مهمه تخص الرضاعه لما تيجي ترضعي الطفل الرضيع في العمر ده ضروري جدا تكرعي الطفل كويس مره في نص الرضاعه ومره في اخر الرضاعه ضروري جدا ترضعي الطفل رضعه كامله من ناحيه واحده من الثدي لحد الناحيه دي ما تفضى تماما من الحليب وبعدين بعدين تنقليه على الناحيه الثانيه زي ما انت عاوزه علشان الطفل ياخد كل انواع الحليب اللي موجوده في الثد. الحاجه الثالثه لازم تهتمي بوضع الرضاعه الصحيح وهو ان جسم الطفل يكون مايل بشرط ان راسه تبقى اعلى من جسمه 45 درجه. الوضع ده مهم جدا علشان اللبن ما يدخلش في قناه استتاكيوس وياذي اذن الطفل وكمان بيقلل كثير من حدوث الارتجاع. في اول شهر من حياه الطفل ممكن الطفل يبقى بيقشط كتير شويه ممكن يقشط بعد كل رضعه وهو عباره عن شويه لبن صغيرين الطفل بيجيبهم جنب بقه بعد ما بيخلص الرضاعه ودول عاده بيبقوا شويه لبن زايدين الطفل اخدهم زياده فبيخرجهم ما فيش منهم مشكله خالص طالما بنتابع نمو الطفل مع طبيب الاطفال وبنلاقي الطفل بيزيد في الوزن بمعدل كويس اما بالنسبه للبراز في العمر دون فالطفل في العمر ده بيختلف طبيعي البراز بتاعته بشكل كبير جدا من طفل للثاني اول ايام في حياه الطفل ممكن يومين او ثلاثه الطفل بيبقى بيعمل البراز اللي لونه غامق اسود مخدر اللي احنا بنسميه العقابه وبعد كده الطفل بيبتدي يعمل البراز العادي اللي لونه مسفر وعاده القوام بتاع البراز بيبقى سايب شويه وعدد مرات البراز زي ما قلنا بتختلف بشكل كبير جدا ممكن طفل يبقى بيعمل براز بعد كل مره بيرضع فيها وطفل ثاني بيعمل براز مره واحده كل خمس خمس ايام ده طبيعي وده طبيعي طالما الطفل ما عندوش اعراض مرضيه وطالما الطفل بيزيد في الوزن بشكل كويس وطالما اتكلمنا عن الرضاعه والتغذيه يبقى هنتكلم عن الفيتامينات اللي الطفل بيحتاجها في العمر ده في اول شهر من حياه الطفل الطفل بيحتاج فيتامين واحد فقط وهو فيتامين د وبتبقى جرعته 400 وحده دوليه كل يوم او بندي نقط الفي دروب اربع نقط بالفم مره واحده يوميا ده الفيتامين الوحيد اللي الطفل بيحتاجه في العمر ده. البند الخامس اللي هنتكلم عنه هو النوم. النوم بالنسبه للاطفال الرضع في اول شهر من حياتهم هو اكث موضوع مزعج للامهات. الطفل الرضيع في الفتره دين بيبقى نومه غير منتظم. ممكن ينام نص ساعه ويصحى. ممكن ينام ساعه او ساعتين ويصحى. لكن عاده الطفل ما بينامش عدد ساعات طويله لانه بيحس بالجوع بسرعه لان كميه رضاعته قليله علشان معدته صغيره. في اول شهر حضرتك هتتعبي شويه في موضوع النوم ده فحاولي تستحملي الطفل وتنظمي نومك على نوم الطفل لو الطفل نام نص ساعه نامي معاه مجرد الطفل ما يصحى اصحي معاه لان الطفل في العمر ده نومه ما بيبقاش متظبط واجمالي عدد ساعات النوم اللي الطفل بينامها في العمر ده بيبقى من 15 ل 18 ساعه ولكن زي ما قلت لحضرتك بيبقوا متقطعين الطفل ما بينامش ساعات طويله متواصله وفي العمر ده لو الطفل بيعاني من صعوبات النوم او مش عارف ينام كويس ممكن تعتمدي على استخدام الضوضاء البيضاء او استخدام القران في تهدئه الطفل دون. اصوات الضوضاء البيضاء هو اي صوت بيبقى ليه وتيره واحده وبيشتغل لمده طويله زي صوت الغساله او المكنسه او السشوار. الحاجات دي بتفكر الطفل بنفس الاصوات اللي كان بيسمعها في رحم الام وبتخلي الطفل يعرف يدخل في النوم كويس. برده ضروري جدا ان الطفل يبقى شامم ريحتك وهو نايم ده بيحسس الطفل بالامان. يعني الطفل يقدر ينام بسهوله وهو جنبك او هو في حضنك خاصه لو انت حطيتيه ناحيه القلب لانه بيبقى سامع دقات قلبك وده بيحسسه بالامان وبتخليه يعرف ينام بشكل افضل وانا كنت عملت فيديو قبل كده اتكلمت فيه بالتفصيل عن تنظيم النوم عند الاطفال الرضع هسيب لكم الفيديو ده في صندوق الوصف بتاع الفيديو البند السادس اللي هنتكلم عنه في العمر ده هو التطور هنتكلم عن التطور الحركي والتطور العقلي والتواصل او الكلام التطور الحركي في اول شهر من حياه الطفل بيبقى قليل جدا الطفل ما بيظهرش عليه اي علامات كبيره في التطور الحركي لكن في بعض الحاجات اللي لازم نشوفها كويس او ندقق فيها بمجرد الطفل ما بيتولد اهمها ان احنا نطمن ان الطفل ده ما عندوش خلع وليدي في مفصل الفخد ده مهم جدا وزي ما قلت لحضراتكم في دول عربيه كثيره جدا كل الاطفال المواليد بيخضعوا لفحص علشان الموضوع ده الحاجه الثانيه نبقى شايفين شكل الطفل كويس شايفين القدم بتاعته سليمه ماهيش معوجه الطفل ما عندوش قدم مخلبيه اللي هي القدم المعوجه وعلى فكره الطفل في العمر ده الساقين بتوعه بيبقوا معوجين شويه للداخل وده بيبقى امر طبيعي له علاقه بوضع الجنين في رحم الام وكل الطفل ما بيكبر بنلاقي الساقين دول استقامتهم بدات تبقى كويسه ولكن القدمين من تحت لازم يكونوا مظبوطين ما ينفعش يكونوا مقلوبين لا لجوه ولا لبره اللي احنا بنقول عليه القدم المخلبيه يبقى اهم حاجه في الفتره العمريه دين ان الطبيب يفحص الطفل كويس علشان نطمن ان ما فيش عيوب خلقيه تخص العظام او المفاصل او العضلات عند الطفل الرضيع وفي اخر الشهر الاول ممكن الطفل لو نيمناه على بطنه نلاقيه بيرفع راسه لثواني قليله وترجع تقع ثاني دي الحاجه الوحيده اللي في التطور الحركي اللي ممكن تظهر عند بعض الاطفال ولكن في اواخر الشهر الاول الحاجه الثانيه التطور العقلي عند الاطفال في اول شهر من العمر برده ما بيبانش علامات كتيره للتطور العقلي في العمر ده بتبقى معظم الحاجات اللي بتظهر على الطفل بتبقى ردود افعال يعني مثلا الطفل يبقى بيعيط لما يحس بالجوع او عاوز يغير الحفاضه او سمع صوت عالي جدا بقى منزعج منه الطفل هنا بيعيط كرد فعل وهكذا الطفل لو حطيتي اي حاجه جوه بقه تلاقيه بدا يمص على طول وده برده رد فعل موجود عند كل الاطفال الحاجه الثالثه هي التواصل واللغه وفي العمر ده ما بيبقاش لسه في اي علامات خالص لا للتواصل ولا للغه لسه الكلام ده ان شاء الله هنشوفه في الشهور اللي جايه كده احنا خلصنا البند الخامس هنيجي للبند السادس وهي حواس الطفل الرضيع هنبدا بالسمع الطفل الرضيع بيسمع كويس جدا من اول ما بيتولد ده بيسمع كمان كويس جدا وهو لسه جنين في رحم الام السمع من اول الحواس اللي بتتكون بشكل كويس عند الاطفال الرضع والطفل في اول شهر نقدر نعرف ان هو بيسمع كويس لما نلاقي الطفل بيتفزع او بيصحى من نومه لو سمع صوت عالي جدا وعلشان كده ضروري جدا نبعد الطفل عن الاصوات العاليه لان اذن الطفل بتبقى حساسه جدا فبلاش ناذيها في العمر ده الناس اللي بيعملوا سبوع للاطفال ويقعدوا يدقوا الهون ويشغلوا اغاني عاليه جدا حوالين الطفل الموضوع ده مضر جدا لاذن الطفل حتى لو هنستخدم الضوضاء البيضاء علشان ننيم الطفل لازم مصدر الصوت يكون بعيد عن الطفل ويكون مصدر الصوت علشان ما ياذيش اذن الطفل الحاجه الثانيه هو النظر الطفل بيتولد بيشوف ولكن الرؤيه بتاعته بتبقى غير واضحه ما بيعرفش يميز الاشخاص او الاشياء رؤيه الالوان بتبقى غير واضحه الطفل بيعرف يشوف على مسافه 10 سم من وشه ما بيعرفش معنى الاشياء اللي بيشوفها او ما بيعرفش يترجمها وما بيعرفش يركز بعينه على الاشياء وما يعرفش يتتبع بعينه اي شيء متحرك وعلشان كده الطفل في اول شهر من حياته ما بيعتمد مدش على النظر بشكل كبير لكنه بيعتمد على السمع بشكل اكبر. اخر حاجه عاوز اتكلم عليها اول شهر في حياه الطفل شهر مهم جدا جدا بناسس فيه لكل حاجه هتحصل بعد كده لازم حضرتك يكون عندك صبر شويه انا عارف ان حضرتك بتبقي لسه خارجه من الولاده ودي ممكن تكون اول تجربه ليكي انت حاسه بالخوف والتوتر ما تقلقيش خالص الامور كلها هتعدي ان شاء الله بسلام وهتلاقي نفسك بدات تتعودي وبداتي تفهمي طفلك بشكل كويس لكن النصيحه المهمه جدا اول شهر في حياه الطفل لازم ناسس للرضاعه الطبيعيه لان دي اساس الصحه والنمو والمناعه السليمه للطفل الرضيع طول حياته لازم نكون بنتابع الطفل الرضيع بانتظام مع طبيب الاطفال حضرتك لازم يكون في زيارات دائمه كل اسبوع على الاقل او على حسب الطبيب المعالج ما يقول لحضرتك هيتابع الطفل ازاي بكده اكون اتكلمت عن كل حاجه تخص الطفل الرضيع في اول شهر من حياته الفيديو الجاي ان شاء الله هنتكلم فيه عن تطور الرضيع في الشهر الثاني وبرده هنتكلم عن كل حاجه تخص الرضيع زي ما عملنا في الفيديو ده ان شاء الله السلسله دي هتكمل لحد عمر سنه ولو حضراتكم عاوزيني اكمل بعد السنه لحد عمر سنتين ما فيش مشكله خالص ممكن نكمل لحد عمر سنتين طبعا مده الفيديو كانت طويله شويه بس لان حبيت اغطي كل المواضيع اللي ممكن الام تسال عليها او تبقى مهتميه بيها وان شاء الله اي ام هتشوف الفيديو ده هتلاقي اجابه اي سؤال او اي حاجه بتدور عليها تخص طفلها الرضيع في الشهر الاول هتلاقيها موجوده في الفيديو ده. كمان مهم جدا نبص على صندوق الوصف لان هسيب لحضرتك كل الفيديوهات اللي تخص الطفل الرضيع في الشهر الاول. اي مشكله مرضيه او اي حاجه تخص التغذيه او النمو او المناعه او اي حاجه ممكن تخطر على بالك للطفل الرضيع في الشهر ده هتلاقيها موجوده بالتفصيل في الفيديوهات اللي موجوده في صندوق الوصف بتاع الفيديو. وهسيب الفيديوهات دي كمان موجوده في اول تعليق تحت الفيديو. بكده اكون اتكلمت بشكل كامل عن تطور الطفل الرضيع في الشهر الاول وعن كل حاجه تخص الطفل الرضيع في الشهر الاول. وده كان الفيديو بتاع النهارده. يا رب يكون عجبكم. ما تنسوش تشتركوا في القناه وتدوسوا على زرار الجرس علشان يوصل لكم فيديوهاتنا الجديده اول باول. واشوفكم ان شاء الله في الفيديو الجاي وانتم بخير وسلام وامان والسلام عليكم ورحمه الله وبركاته. เฮ