أحسن ألعاب للاطفال الرضع من عمر سنة إلي سنة و نصف تزيد ذكاء طفلك و تجعله عبقري من سن مبكر

السلام عليكم فيديو النهارده هو الفيديو الثالث في سلسله الالعاب اللي بتزود قدرات الاطفال العقليه وبتزود ذكائهم وتركيزهم وفيديو النهارده هتقدمه دكتوره ندى فهيم دكتوره ندى مدرس امراض التخاطب في كليه الطب جامعه طنطا وهي اللي بتقدم سلسله العاب الاطفال على القناه ودكتوره ندى عندها قناه على يوتيوب ممتازه جدا بتتكلم فيها عن كل ما يخص الكلام والنطق وتعديل السلوك عند الاطفال هتلاقوا رابط القناه موجود في صندوق الوصف بتاع الفيديو هسيبكم دلوقتي مع دكتوره ندى السلام عليكم ورحمه الله وبركاته موضوعنا النهارده شيق جدا هنتكلم فيه عن لعب والعاب تنمي ذكاء الطفل وتزود قدراته العقليه سواء الانتباه التركيز الذاكره من عمر عام وحتى عام ونصف في العاب هنذكرها النهارده لكن تنفع من عمر اقل وكمان هتستمر معنا الاعمار كبيره جدا فحتى لو كان طفلك اكبر او اصغر من العمر بتاعنا النهارده تابع الفيديو وهتستفيدي ان شاء الله النقاط اللي هنتكلم فيها هتكون لعب نشتريها تنمي مهارات الطفل العقليه بدائل اقتصاديه للعب دي العاب نلعبها مع اطفالنا باستخدام ادوات متوفره في كل منزل وممكن بدون اي ادوات اهم لعبه تزود ذكاء الطفل بسرعه الصاروخ رغم انها مجانيه 100% زي ما اتفقنا في الحلقات اللي فاتت واللي تقدروا تشوفوها من خلال الروابط تحت الفيديو ان كل لحظه بنقضيها مع الطفل بتزود ذكائه اللمسه والكلمه والحضن والخدمه اللي بنقدمها له بتفرق جدا في مستقبله بس عايزين نخلي الفايده مضاعفه وده هنحققه من خلال الافكار والالعاب اللي هاقول لكم عليها اول نقطه هنتكلم فيها هي اللعب اللي يفضل نشتريها للطفل لو متاح الشراء بالنسبه لنا تركيزنا اكتر في المرحله دي هيكون على الالعاب الحركيه وخاصه اللي فيها مشي وجري لان خلاص الطفل متوقع يكون بدا يمشي حتى لو لسه بيتسند فبيحتاج يمارس المشي كتير عشان يتقنه والابحاث بتقول ان في العمر ده الطفل محتاج يقف ويمشي على الاقل ست ساعات يوميا عشان ينمو بشكل صحيح ومن هنا تظهر خطوره الموبايل والتلفزيون اللي الطفل بيقعد ثابت قدامهم بالساعات افضل الالعاب وارخصها في العمر ده هي الكوره سواء بنت او ولد طبعا بنختار كوره يكون حجمها مناسب ووزنها مناسب وبتعيش فتره طويله يعني بلاش الكور اللي بتتنفخ اللي هي بتاعه الشط دي لان بتبوظ بسهوله وبرضو بلاش الكور الكاوتش التقيله هتلاقي كور في الليل واسفنج وانواع ثانيه مختلفه وخفيفه نختار منها دايما الحجم الوسط بلاش الصغير قوي وبلاش الكبير قوي طبعا لو نقدر نجيب احجام مختلفه يبقى ممتاز طريقه اللعب التقليديه ان احنا نشطها برجلنا ودي ممكن نخليها لعب حر يعني الطفل يشوت وخلاص ويجري وراها ويشوطها تاني وممكن نخليها بهدف ونقوي التركيز والانتباه بان احنا مثلا نحط هدف للطفل يشوطه وليكن زجاجات ميه مرصوصه جنب بعض زي البولينج مثلا ويشوط عليهم الكوره ويحاول يوقعهم ممكن بدل ما يشوطوا الكوره يحاول يرميها بايده ويحاول يوقع الزجاجات دي ممكن برضو نحط باسكت او اي وعاء ونخلي الطفل يرمي الكور بايده من على بعد ويحاول يدخلها في الوعاء ده وممكن نحط اكتر من وعاء جنب بعض تسهيلا على الطفل ممكن نجيب الكور الصغيره الملونه البلاستيكيه اللي هي بتاع بيت الكور ونستخدم اوعيه بالوان متماثله ونعلم الطفل مهاره التصنيف لو كوره كبيره شويه ممكن نعلم الطفل التوازن سواء يقف عليها او ينام ببطنه عليها ويحاول يحفظ توازنه او يجلس عليها بس طبعا اللعبه دي تحديدا لازم نكون متواجدين والافضل يلبس خوذه كمان وقتها برضو نلعب بالتناوب وده بيعلم الطفل اللعب الجماعي وانتظار الدور ان انا اشطها له وهو يشوطها لي او يشوطها لحد ثاني وبعدين الحد التاني يشوطها لي وهكذا تفضل الكوره تلف بينا ممكن بنفس الكوره نعلم الطفل مبادئ الفيزياء اه والله ما تستغربوش كل حاجه في الحياه ممكن نعلمها للطفل من خلال اللعب يعني لو هو بيستحمى مثلا وعملته تجربه بين الكوره وحجر صغير املس علمتيه ان في حاجات بتطفو وفي حاجات بتغوص في الميه وقعدتوا تجربوا في كذا حاجه مثلا من العابهم معلومه رهيبه بيتعلموها في اواخر الابتدائي تقريبا فشوفي بقى لما يكون طفلك عارفها من عمر عام هيكون مستواه عامل ازاي مستقبلا ومن هنا اقدر اقول لكم ان بحاجه واحده بس ممكن نلعب الف لعبه وده بيعلم الطفل الابداع والاختراع ممكن بكل بساطه نلف الكوره بصوابعنا زي الدبور على الارض ودي بتقوي عضلات الاصابع والتحكم فيها لو عندكم افكار اكتر لالعاب بالكور شاركونا بها في التعليقات وما تنسوش ان في اربع انواع لعب ذكرناهم في الفيديوهات اللي فاتت ولازالوا مستمرين معنا لحد النهارده فهتلاقوا الفيديوهات دي على القناه وفي الوصف والتعليقات تحت فيديو النهارده طيب ايه البديل الاقتصادي للكور لو غير متاح هي الكوره الشراب ودي من ذكريات طفولتي واعتقد طفوله الكثير من المشاهدين بنجيب الشرابات المتقطعه بنحشيهم في شراب واحد ونفضل نلفهم على بعض لحد ما نحصل على شكل كوره في النهايه زي كده مثلا طبعا الشرابات دي اللي هي فقدت اختها في يعني ظروف غامضه انا بحب اجمعهم بس عشان يفكروني يعني بالذكريات وان الشربات بتضيع انا مش مش مجنونه ولا حاجه بنجيب بقى عشان ناخذ شراب منهم ونحط بقيه شرابات فيه معلش هم كثير شويه في صعوبه ونحط كده بالشكل ده وبعدين زي ما انتم شايفين كده نحاول نزقهم قوي على قد ما نقدر وبعدين نلف كده وبعدين نلبس الشراب ثاني عشان طبعا يبقى يبقى شكل الكوره قوي ما يبقاش مجرد ان هو حاجه كده هلاميه يعني ناخد لفتين برضو تاني كده وبعدين نلبسهم بالشكل ده بقى عندنا كوره كوره ولا مش كوره ممتعه جدا على فكره ممكن بقى نعمل الوان مختلفه ونستخدمهم برضو في التصنيف زي ما شرحنا من شويه طبعا دي متوفره في اي بيت بس عيبها انها بتكون تقيله شويه قاسيه لو الطفل مثلا رماها في حد بقوه ممكن تسبب الم بس لا زالت فكرتها مفيده لان كمان بتعلم الطفل استخدام الموارد المتاحه والاختراع والابداع المحور الثالث والاقرب لقلبي هو الالعاب اللي بنلعبها مع اطفالنا باستخدام ادوات متوفره في كل منزل وممكن بدون اي ادوات لعبه اللماح ودي بتكون حلوه قوي خارج المنزل في الطبيعه بس لو مش متاح خارج المنزل نلعبها عادي داخل المنزل اللعبه دي فكرتها ان احنا بنسمي حاجه ونطلب من الطفل يلاقيها حواليه طبعا في الاول هنقوم بدور الام والطفل عشان يست الفكره يعني لو بره مثلا هقول له انا عيني شايفه ورده صفراء يا ترى هي فين وناخد الطفل من ايده ونمثل ان احنا بندور على الورده وبعدين نوديه عند الورده الصفراء ونشاور عليها ونقول ورده الصفراء اهي لو داخل المنزل مثلا ممكن تقولي انا عيني شايفه شباك كبير وتعملي نفس التمثيليه وتودي الطفل عنده وتشاوري بايده هو وتقولي اهو ده شباك كبير وتفضلي تكرري اللعبه لحد ما الطفل يستوعبها ويبتدي هو بنفسه يدور على الحاجه ويشاور عليها اللعبه دي بتزود جدا تركيز الطفل وانتباهه وبتعلمه يكون لماح ويركز في تفاصيل البيئه المحيطه به وكمان بتزود مكتبه الكلمات في مخه وتساعده وينطق اسرع ويعبر عن نفسه افضل ده غير انها وقت لطيف جدا بتقضيه مع طفلك وبيقوي الرابطه بينك وبينه بس ربنا الهمني بعدها اعلمه وظائفهم فبدل ما كنت اقول له فين عينك بقيت اساله انت بتشوف بايه وبتسمع بايه وبتاكل بايه وبتمشي بايه وبتمسك بايه كل واحده فيهم بقول وظيفتها واساله عليها وما شاء الله برضو اتقانهم بسرعه جدا تقدروا برضو تتعرفوا على العاب اكتر في الفيديوهات اللي فاتت وهتناسب جدا اطفالكم لحد اعمار متقدمه جدا زي لعبه الرغايه والاغاني الحركيه والاستغمايه ولعبه الاكل اخر نقطه معنا النهارده هي اهم لعبه تزود ذكاء الطفل بسرعه الصاروخ رغم انها مجانيه 100% الرغايه الليليه ودي لعبه هتستمر معنا كتير جدا وفوايدها عظيمه عن تجربه فكرتها من قبل ما الطفل يروح في النوم واحنا بنجهزه للنوم نحكي له احداث اليوم باختصار في بعض النقاط واستفاضه في بعضها الاخر طبعا النقاط اللي هستفيض فيها اللي هي لها اهميه او فيها درس او استفاده يعني مثلا يلا نفتكر احنا عملنا ايه النهارده سوا صحينا من النوم الصبح بدري الساعه سبعه ومامي اديتك بوسه وحضن عشان مامي بتحبك قوي قوي قوي وبعدين غسلنا وشنا واثناننا ما تستغربوش النقطه دي لان احنا بنغسل اسنان الطفل من لحظه ما يظهره وبعدين فطرنا انت اكلت زبادي لونه ابيض وموزه لونها اصفر وبعدين لبسنا وخرجنا انا وانت نتمشى وبعدين انت قعدت تجري بسرعه ووقعت وبقى عندك واو في راسك وكانت بتوجعك وقعدت تعيط وانا حطيت لك عليها تلجه وقلت لك الافضل نمشي بالراحه ما نجريش عشان نفضل في امان وانت سمعت الكلام وتعاونت معايا وبقت تمشي مش بتجري لحد ما يروح في النوم او احداث اليوم تخلص باللعبه دي احنا بنقوي الذاكره بتاعته بنساعده يخزن ذكريات اليوم بصوره صحيحه وبكل مكوناتها لان ممكن وقت الاحداث نفسها ننسى نعبر عن مشاعر الطفل او ننسى نفهم الطفل اللي حصل وبكده الحدث هيتخزن في المخ مشوه وفي حاجات بتسبب مشاكل نفسيه ومخاوف بعد كده وبيكون سببها بسيط جدا لكن اتسجل غلط في الذاكره الابحاث بتثبت ان الذاكره بتتكون اثناء النوم والمخ بيسجل الاحداث والمعلومات من الاقرب للابعد يعني اول حاجه تتسجل كويس قوي اخر حاجه الطفل اتعرض لها قبل النوم واخر حاجه تتسجل الاحداث اللي حصلت في بدايه اليوم فاحنا بنساعده بقى يسجل الاحداث والمعلومات المهمه وانه يسجلها صح وكامله ده غير بقى ان الوقت اللي قبل النوم ده بيكون الطفل هش جدا نفسيا وجسديا فوجودنا جنبه وكلامنا معه بصوت حنين مرهف بيقوي جدا الرابطه اللي بيننا وبينه وبيولد جواه احساس بالامان والحنان وده اول احساس هيتسجل في ذاكرته لما يروح في النوم وده اللي بنتمنى ان دايما اطفالنا يحسوه ودايما يفتكروه من طفولتهم لما يكبروا وغالبا كمان الطفل هيحلم بالاحداث اللي فكرته بيها وبالتالي هنقلل احتماليه الكوابيس والاحلام المزعجه وهتلاقي الطفل صاحي تاني يوم فايق ورايق جدا واعظم فايده ان انت شخصيا هتختمي يومك بسلام وهتحسي بالانجاز والسعاده وراحه الضمير حتى لو حصل تقصير منك اثناء اليوم وده وارد ومقبول لان احنا بشر بس اهم حاجه التقصير يتعوض والشرخ في العلاقه تصلح قبل ما الطفل ينام واللعبه دي بتحقق جزء رهيب من التعويض المادي والنفسي ده فانصحكم جدا تجربوها وهتنبهروا بالنتائج ان شاء الله وما تنسوش تشوفوا لعبه مرايه المشاعر في الفيديو اللي فات لان تاثيرها سحري برضو ما تنسوش لو عجبكم الفيديو تحطوا لايك وتعليق وتشاركوه على وسائل التواصل الاجتماعي وبكرر شكري يوم تناني لدكتور محمد دسوقي لاستضافتي على قناته ومنحي فرصه ذهبيه اشارككم معلوماتي واغير حياتكم وحياتي دمتم في صحه اللي قدمته لنا النهارده ده كان الفيديو بتاع النهارده يا رب يكون عجبكم اشوفكم الفيديو الجاي ان شاء الله على خير سلام