افضل المدرسين اونلاين في كل المواد

السلام عليكم في البدايه كده انا نزلت فيديو طبعا ايه الافضل ما بين السنتر والاونلاين وحجيت تجربتي وكمان قلت شويه مميزات هنا وشويه مميزات هنا او ميزه واحده تقريبا كانت في السنتر يعني لو ما اتفرجتش على الفيديو ده ممكن ترجع تشوفه عشان تقرر انت هتنزل سنتر ولا اون لاين ولو انت بقى هتاخد اون لاين تعال اقول لك على افضل المدرسين في كل ماده وكمان هيبداوا امتى الترم الثاني وبينزلوا امتى في كل اسبوع المحاضره بتاعتهم فيلا بينا خلينا في البدايه نبدا بالعربي وطبعا مش هلاقي افضل من مستر محمد صلاح هو الافضل من دون اي نقاش ومن دون اي جدال وحتى يعني مش انا الوحيد اللي عندي الشهاده دي وانما اي حد اخد مع مستر محمد صلاح عنده الشهاده دي بالظبط يعني بجد مستر محمد صلاح مش سايب اي حاجه اللي هو كثغره ولا اي حاجه لو انت عايز تسال اي سؤال فبكل بساطه عندك منتدى الطلبه ممكن تسيب سؤالك وهيترد عليك في خلال 24 ساعه بالكتير وكمان لو عايز تدخل اللايفات بتاعه المدرسين المساعدين تبدا تسال ويترد عليك في نفس اللحظه فانت عندك تقريبا كل حاجه سواء كانت اسئله عايز تسالها او حتى متابعه لو انت مثلا راقمت ولا حاجه هتلاقيهم بيتصلوا عليك وهي ما حصلتش معايا لان الحمد لله ما كنتش براقم اي حاجه وكمان برده هتلاقي في النحو وكمان الادب فيه خلاصه الخلاويص بتاعه النحو والادب وده غير طبعا المراجعه النهائيه اللي بتبقى خلاصه الخلاويص للمنهج كامل وشرح طبعا ما شاء الله وفي النحو في كل الفروع والله بجد انا مش لاقي حتى ثغره اقول لك خد بالك المستر يعني مش كويس في الحته دي لا بجد هو عامل اللي عليه في كل حاجه كل حاجه عايز يطلعها على اكمل وجه تكون كويسه جدا وما فيش اي ثغره ممكن اقولها لك بجد ننتقل بقى للجزء الثاني الا وهو مستر محمد صلاح هيبدا امتى هيبدا ان شاء الله يوم الخميس يوم 5/2 في الاغلب طب نظامه بقى هيكون ماشي ازاي نظامه ان مستر محمد بينزل المحاضره والمعنى كلمه محاضره عشان تكون في الصوره ان هي بتكون ممكن عادي ممكن عده محاضرات يعني هي محاضره واحده بس المحاضره دي فيها كذا فيديو يعني ممكن فيديو شرح نحو ومعاه ادب ممكن فصل قصه وشويه بلاغ وهكذا فكلمه محاضره دي بتشمل فيديوهات مش فيديو واحد طبعا وبتكون متقسمه على المنصه بحيث لو انت مثلا النهارده عايز تتفرج على النحو وبكره عايز تتفرج على الادب وطبعا هنزل الفيديو اللي جاي على طول هو انك ازاي بقى تنظم الدنيا ازاي بقى تظبط الدنيا لو انت هتاخد اون لاين وازاي ما تكسلش وكل حاجه باذن الله في الفيديو اللي جاي بس خلينا دلوقتي عن افضل المدرسين ويوم الاثنين انت بتبدا تسلم الواجب وطبعا الواجب ده لو انت ما طلبتش الكتاب بس طبعا لازم تطلبه لان انت هتذاكر من كتاب الشرح بس لو افترضنا ان انت ما طلبتش الكتاب كده كده الواجب بيتعرض لك عادي جدا وتبدا تسلم وتقرا السؤال وتجاوب طبعا الواجب بيبقى زياده حبتين ثلاثه يعني ممكن يبقى 40 سؤال وطبعا كل درس انت بتاخده عليه 20 سؤال سواء بقى انت اخدت درسين في المحاضره ثلاثه في المحاضره فبتضرب في 20 على طول بس القصه بيكونوا سبع اسئله بس كده انا قلت لك كل ما يخص مستر محمد صلاح ندخل في الماده الثانيه وهو الانجليزي والانجليزي بقى فيه شويه كلام انا عن نفسي جربت يا مستر عبد الحميد وبصراحه وما عجبنيش لسبب الا وهو ان لو انت مش كويس في الانجليزي زيي يعني الانجليزي مش انت جامد فيه قوي ما انصحكش تاخد معاه لان مستر عبد الحميد هو محتاج حد جامد في الانجليزي حتى طريقه حله للاسئله يعني بحسها بارده شويه انت بيقرا السؤال ويبدا يحله على طول فالحته دي محتاجه واحد فعلا مذاكر كويس انجليزي ما بيشرحش السؤال ده ليه حل الا في تريكايه يعني فانا بصراحه ما بفضلش مستر عبد الحميد لان انا ضعيف شويه في الماده فلو انت كويس في الماده ممكن تاخد معاه هو مدرس جامد جدا والله ومدرس فعلا جامد في الاسئله وفي كل حاجه اسئله كتيره بيدي اسئله كتيره جدا وكمان برده بيدي كلمات كتيره فلو انت جامد في الماده انصحك تاخد معاه لكن لو انت مش قوي يعني في الماده زي كده ضعيف شويه فيها فساعتها انا عن نفسي هاخد مع مستر انجلشاوي اللي هو محمود رضوان وماقدرش ان انا اديك اي تفاصيل لان انا اوريدي ما اخدتش معاه فماعرفش النظام بتاعه بس انا حبيت اقول لك كده واوضح لك نظام مستر عبد الحميد بيمشي ازاي الرياضه بقى هطول فيها سنه بص يا صديقي الرياضه انا الافضل بالنسبه مستر اسامه سعد الله مستر اسامه من مميزاته الجامده جدا واللي انا بحبها فعلا ان هو بيمسك لك كل مثال موجود في المذاكره ويشرحه لك بالتفصيل ودي حاجه رايقه قوي الصراحه وطبعا بالنسبه للامثله ما تعدش بقى انت بتتكلم في 20 الى 40 مثال واكت واقل من كده على حسب الدرس يعني فبصراحه المثال اللي هو بيشرحه قدامك هو اوريدي موجود عندك في المذاكره ومشروح كمان فانت تقريبا لو عايز بس تضيف بعض الحاجات ما بيجيبش امثله من دماغه لا الامثله اللي موجوده اللي بيشرحها هي موجوده عندك في المذكره فدي حاجه كويسه جدا بالنسبه لي في مستر اسامه سعد الله وشرحه جميل جدا تعالى بقى لنقطه انا بالنسبه لي ما عجبنيش بصراحه معظم المدرسين اللي انا سمعت شرحهم سواء مستر لطفي زهران او حتى مستر احمد عصام او مهندس احمد عصام بقى ففي حاجه كده عايز اقولها لك لو انت كنت بتاخد مع مدرس الترم الاول كويس جدا ومريحك وبتفهم منه خلاص ما تغيروش لان الرياضه بالذات كل واحد وبيفهم من مدرس معين فلو انت بتفهم من مدرسك اللي بتاخد معاه في الترم الاول تمام خليك معاه لكن امتى بينقل بقى لمستر اسامه سعد الله؟ في حاله لو انت كنت بتاخد مع مدرس مش فاهم منه انصحك بمستر اسامه سعد الله باذن الله لو انت قلقان ازاي هتشترك على المنصات دي او ازاي تعمل اكونتات عليها ففي كل المنصات اللي احنا اتكلمنا عنها او كل المدرسين هقول لك ازاي تشترك على منصاتهم وازاي تشترك في الكورس اللي انت عايزه يعني فكل ده ان شاء الله هيكون يوم الثلاث الجاي استنى الفيديو ده مهم خلينا بقى نكمل وطبعا في النهايه هقول لك على اسعار كل الكورسات اللي احنا قلناها وكل المدرسين ان شاء الله ندخل بقى على العلوم المتكامله العلوم المتكامله ما شاء الله هي متكامله فيها مدرسين كتيره عندك دكتور احمد الجهري وعندك دكتور محمد ايمن الاثنين دول جامدين جدا انا عن نفسي باخد مع مستر حميده هو ما قثرش معايا الترم الاول ولكن انا بالنسبه لي هو مش الافضل يعني فانت بالنسبه لك لو دكتور احمد جوهري طبعا بينزل يوتيوب فانت بالنسبه لك الشرح كان قدامك ممكن تسمع الشرح عادي جدا عجبك خد معاه وبالمناسبه مستر احمد الجهري ما بينزلش مذاكره بيشتغل من كتاب الامتحان يعني هو دلوقتي بيشتغل على المنصه بتاعته لو هتشترك في الكورس موجود فيه حل كتاب الامتحان وشرح كمان من كتاب الامتحان غير الشرح الاساسي اللي هو بيشرحه فمستر احمد الجهري ده نظامه طب بالنسبه للدكتور محمد ايمن في حته انا ما عجبتنيش قوي دكتور محمد ايمن رغم ان انا كنت هاخد معاه بس الا وهو ان الترم الاول كان مريح حبتين ثلاثه يعني ما نزلش المنهج بسرعه كان مريح قوي الصراحه فالترم الثاني اتمنى ما يعملش كده طبعا لان هو قصير بس انا بصراحه هو شرحه كويس ولكن انا عن نفسي هكمل مع مستر حميده طب انا ليه مش هاخد مع دكتور دكتور احمد الجهري في البدايه دكتور احمد الجهري شرحه جميل جدا ولكن طريقه الشرح ذات نفسها هي اللي مش عاجباني فكره ان هو بيشرح وبعد كده يعني مش بيشرح من المصدر اللي انا هذاكر منه دي حاجه بصراحه مش عاجباني قوي يعني ما بفضلش الطريقه دي فبالنسبه لي ما عنديش مشكله هي كده كده العلوم المتكامله يعني سنه او الترم ده وهتعدي فبالنسبه لي مستر حميده بيشرح ا اللي بيشرح منه هو من الحاجه اللي انت هتذاكر منها يعني بيشرح من المذكره بتاعته فدي حاجه كويسه بالنسبه للدكتور حماد ايمن هو تقريبا بيشرح برده بنفس طريقه حميده ولكن انا قلت لك مشكلتي معاه ان هو بيريح شويه بينزل محاضرات بهدوء شويه ودي حاجه مش عاجباني يعني ايه بياخد وقته ودي حاجه مش عاجباني لكن طريقه شرحهم هم الاثنين والله جامدين جدا فانت بالنسبه لك الافضل في طريقه الشرح ممكن تاخد معادي جدا وبالنسبه لمستر حميده كويس بيشرح من المصدر اللي بيذاكر منه ودي حاجه انا عايزها وكمان بينزل محاضرات بقى باستمرار يعني ما بياخرش محاضرات ولا اي حاجه فبالنسبه لي هو الافضل والانسب الفلسفه والمنطق في مدرسين كثير جدا كويسين في الفلسفه والمنطق ولكن لو انت مثلا بتسمع حد وعجبك الترم الاول ممكن تكمل معاه الترم الثاني فانت عندك ناس كتير زي مستر احمد فضل وعندك كمان مستر محمد عبد القادر بيدي على منصه الخطه التعليميه وطبعا كل دول هتكلم عنهم بقى في فيديو يوم الثلاث هقول لك ازاي تشترك معاهم يعني وعندك برده ميس سماح صبحي كويس جدا فدول ثلاث مدرسين لكن انا باخد مع مين انا باخد مع دكتور اسلام عيد وهو مش دكتور متخرج من كليه طب وانما دكتور جامع فبصراحه شرحه جميل جدا وكمان بيسهل عليه كده الشرح يعني بالنسبه لمربع اريستو السنه اللي فاتت كان مسهل الشرح على الاخر وحرفيا فهمته بكل بساطه وبقيت بحل وانا مبسوط حرفيا بالنسبه لي مربع اريستو ده كان حاجه كده اللي هو ايه انا بدي لنفسي مساله كده عشان اقعد اتسلى يعني بصراحه كطريقه شرح اسطوريه جدا وجامد جدا ما شاء الله يعني فانا عندي بس مشكله بسيطه معاه الا وهي ان عدد الاسئله بعد كل درس قليله حبتين ثلاثه يعني هو تقريبا بيدي ما بين ثمان الى 10 امثله وبيحلهم معانا كمان وبرده في مشكله ثانيه الا وهي ان مثلا مش هتلاقي رعايه قوي يعني مش هتلاقي في تسليم واجب مش هتلاقي فيه فكره ان حد يتصل عليك يطمن ولا الحاجات دي كلها في الاغلب هو المحاضره بتنزل لك انت بتتفرج عليها وبارك الله في مرضك هو ده بس فبصراحه هي ممكن تشوفهم عيبين ثلاثه بس بالنسبه لي كشرح تظف كل العيوب دي بصراحه شرحه اسطوري جدا ويمكن الاجمد من كل المدرسين اللي انا اتفرجت عليهم في الفلسفه عايزين نختم بقى باجمل واسهل ماده وهي التاريخ التاريخ من وجهه نظري مش هلاقي افضل من مستر احمد عادل وما تقوليش اي مدرس ثاني ولكن احمد عادل مدرس متخصص في الماده مش مدرس وبيدرس ماده ثانيه انا معاك والله ان التاريخ انا ممكن ادرسه لك التاريخ حرفيا سهل وجميل ولكن انت عايز مدرس يكمل معاك للبكالوريا السنه الجايه اللي هي شهاده فانت عايز مدرس فعلا بيعمل لك حاجات جامده جدا في البدايه طبعا ما كنتش باخد مع مستر احمد عادل طبعا انا ما كنتش باخد مع مستر احمد عادل الترم الاول وانما كنت باخد مع مستر احمد الباشا ممكن ما كنتش عارفه لكن لو انت من اسكندريه في الاغلب انت عارف مين مستر احمد البا باشا هو اشهر مدرس تقريبا في اسكندريه وطبعا هو جامد جدا في التاريخ جامد جدا في التاريخ ولكن انت ليه هتسيبه وتروح لاحمد عادل مستر احمد الباشا هو عامل كده زي دكتور اسلام عيد اللي هو ما فيش رعايه قوي ما فيش اهتمام قوي ما فيش تسليم واجب اي نعم بيدي اسئله كتيره وكل حاجه ولكن انا بالنسبه لي عايز حد يهتم بيا اكت انا داخل دلوقتي على شهاده بكالوريا فانا عايز ايه فكره ان مدرس يديني معلومات اكت بكتير من مستر احمد الباشا وهو مستر احمد عادل بجد انا طبعا ما كنتش باخد معاه طب انت عرفت الكلام ده كله منين؟ انت يكفيك بس ان انا اقول لك مستر احمد عادل كان منزل الترم الاول منزل ثلاث محاضرات فيهم المنهج كله مراجعه شهر اكتوبر ونوفمبر وديسمبر وكمان نزل المراجعه النهائيه وفيها برده شرح لاهم النقاط في المنهج وحل فده واحد بيجتهد في شغله بجد بيجتهد جدا كمان ده غير طبعا شرحه على المنصه اللي هو الشرح الاساسي وكمان برده المذكرات بتاعته فيها اسئله كثيره جدا حوالي 100 سؤال وكمان برده وفيها اسئله التقييمات وحاجات مهمه وبيهتم دايما باسئله الوزاره فبصراحه مستر احمد عادل كويس جدا جدا وهو الخيار الامثل سيبك بقى من فكره ان انت تروح لمدرس بيدرس ماده ثانيه انا معاك ان التاريخ سهل ولكن خد مع مدرس متخصص في الماده ويخليك فعلا مطمن وتدخل الامتحان تقفله وانت مستريح دول افضل مدرسين من وجهه نظري انا ممكن تخالفها عادي جدا وتاخد مع مدرس ثاني او ممكن تتفق معاه في بعض المدرسين والبعض الثاني لو انت مستريح معاه ممكن تكمل معاه عادي جدا في حاجه كده هنوه عليها يوم الثلاث بالنسبه لكتب المدرسين اللي انا قلت عليهم دي او مذكراتهم يعني هنوه عليها يوم الثلاث كده عشان في مدرسين مش هتلاقي المذكرات بتاعتها اصلا وازاي تطلب بقى الكتب بتاعتهم فكل ده في الاغلب هامن عليه كده يوم الثلاث ان شاء الله ايه بقى المدرسين اللي انا هاخد معاهم في النهايه وسعر الاشتراكات بتاعتهم انا هنا بشترك بباقه الترم كامله مش الشهور يعني طبعا العربي مستر محمد صلاح باقه الترم تقريبا ب 265 عندك التاريخ مستر احمد عادل والاثنين على منصه بسدها لك تقريبا الترم ب 240 اما عندك دكتور اسلام عيد مش بالترم وانما بالشهر فالثلاث شهور تقريبا عاملين 360 اما بالنسبه للعلوم مع مستر حميده ب 300 والرياضه مع مستر اسامه سعد الله ب 400 ومستر محمود رضوان في الانجليزي ب 350 وطبعا كل ده بيكون شامل المراجعات ولو عايز تعرف بقى ازاي تشترك مع كل المدرسين دول هنزل يوم الثلاث وانتظر فيديو يوم الاد اللي جاي على طول وهو ازاي بقى تنظم يومك وازاي تلتزم فعلا بالمحاضرات لو انت ناوي تاخد اون لاين سواء في ماده في اثنين في كله زي كده فباذن الله فيديو يوم الاد ده مهم جدا وفيديو يوم الثلاث ازاي تشترك برده في المنصات دي مهم برده في نهايه الفيديو كده نسيت ان انا اقول عن مستر خالد صقر في العلوم المتكامله لو انت بتاخد معاه ومستريح لشرحه كمل معاه عادي بس المشكله ان في ناس كتيره جدا اشتركت من شرحه وقالت ان هو مش كويس فعشان كده انا نسيته وما حبيبتش ان انا اذكره يعني لكن لو انت بتاخد معاه وكويس في شرحه كمل لكن في ناس كتيره كانت بتاخد معايا واشتكت لي من الشرح بتاعه. حاجه اخيره كده هو اصلا مش الاعلان عنها هيكون دلوقتي ولكن نبذه بسيطه كده لو عايز حل تقييمات الترم الثاني كلها ان شاء الله هتلاقي رقم في اول كومنت وكمان في الديسكربشن ابعت له واتساب وهتعرف كل التفاصيل. ما تنساش طبعا تشترك بالقناه وتفعل زر الجرس عشان كل الفيديوهات دي تجي لك. بس كده سلام