أكبر قضية غامضة في الهند لغز فتاة الذي حيّر المحققين لسنوات

السلام عليكم يا احلى الناس ان شاء الله تكونوا بخير وعلى خير ان شاء الله تكونوا بالف صحه وعافيه مرحبا بكم معنا في قضيه جديده القضيه تاع نهار اليوم شتكم بزاف طلبولي القضايا الهنديه والاسيويه يعني كل نهار نحب اني ندير لكم قضيه من القضايا اللي طلبوها لي واليوم حطينا في الهند باش نتعرفوا على واحد القضيه اللي دارت درجه كبيره في الهند واللي راكم راحين تسمعوها معايا في هذا الفيديو صلوا على النبي عليه الصلاه والسلام ونبداو في القضيه على بركه الله القصه تاعنا اليوم نبداوها بكلام قالته اشهر جريده هنديه اللي واسمها تي ان ان تي ان ان جريده اللي علقت وقالت على موضوع قصتنا تاع نهار اليوم انه كل نهار يطفى ضوء جديد في الهند ووباء الاعتداء والاعتداء بالمعنى اللي على بالكم به ولا منتشر هذا الكلام هذا قالته الصحيفه وهذا خطاش الاعتداء ولا بزاف في الهند ورغم القانون اللي خرج عندهم عام 2012 باش يحاربوا هذا الوباء حتى لليوم ما تبدل والو والهند مازالها عايشه بالعقليه وين الاباء ينصحوا بناتهم باش يحافظوا على الشرف تاعهم بصح يفشلوا انهم يعلموا ولادهم الذكور باش يحترموا المراه ويبعدوا على التحرش ولا بمعنى واحد اخر يقولوا للبنت حفظي الشرف تاعك ما تخلي حتى واحد يمسك وما تديريش هاك وما تديريش هاك بصح ما يحكموش ولادهم ويقولوا لهم بلي المراه عندها احترامها والتحرش بها راهي حاجه ماشي عاديه وقصتنا لنهار اليوم على بنت ناجحه ومحترمه وقاريه وثاني مجتهده تعبت بزاف باش توصل للمكان اللي وصلت لها دخلت كليه الطب وولات من احسن طبيبات في الهند لكن واحد من كلاب الشوارع قرر انه يتبع الشهوات تاعه بطريقه اجراميه ويدمر لها حياتها كامله وهذا السيد هذا كان يشوف برك شهواته اهم منها واهم من حياتها واهم من تاريخها وتاريخ عائلتها وحتى اهم من روحها ونفسها راكم حابين تعرفوا كيفاش ارواحوا معايا تشوفوا واش صرى في هذه القضيه قصتنا صرات في 2024 والبطله تاع القصه كانوا اسمها موميتا دي بانت واللي مولوده في 1993 في الهند وبالتحديد في مدينه كولكاتا واللي جايه شرق الهند موميتا ومن هي صغيره كانت بنت نشيطه بزاف ومجتهده وكانت فضوليه بصح بطريقه مليحه يعني ماشي فضول في الحوايج اللي ماشي ملاح وكانت تحب العلم وتحب تتعلم واي حاجه فيها الدراسه ولا المعرفه كانت تعجبها وخصوصا ماده الاحياء اللي كانت تحبها بزاف ومن بعد ما خرجت من الثانويه حبت تروح تكمل الكليه تاعها وتكمل الحلم ديالها هنا دخلت الجامعه وكملت قرايتها وخذت الشهاده بصح ماحبتش تحبس هنا وحبت تكمل قرايتها وخذت حتى الماستر في علوم البيئيه وكانت مهتمه بزاف بقضايا البيئه ك التغيير المناخي والتلوث ويعني هذه الامور ومن بعد هذا كامل ماكفاهاش وخدمت على روحها اكثر وكثر حتى خذت الدكتوه في العلوم البيئيه وتخيلوا معايا بعد كامل هذه الانجازات كانت مازالها حابه تولي طبيبه خاطرش كانت تعشق حاجه واسمها التعلم بطريقه كبيره وبصراحه موميتا كانت انسانه طيبه شاطره وطموحها بشكل رهيب وهي ما كانتش انسانه ما على بالهاش واش دير بالعكس كانت شاطره وكان الحلم تاعها باين وحياتها مسطره ملي كانت صغيره اصلا الوقت اللي خداته في الدكتوه في علوم البيئيه وقت صغير يعني كانت تخدم على روحها في نفس الوقت وهذا كامل ثاني كانت تخدم يعني كانت متدربه في السنه الثانيه بكليه الطب اللي اسمها جي كار ميديكال واللي هي كليه تابعه لمستشفى كولوكادا هنا جا فتره الوباء اللي هو الكوفيد 19 وشافت هنايا موميتا باللي كاين بزاف مرضى يعانيو من مشاكل خطيره في التنفس فقررت انها تخصص في الطب الصدري يعني امراض الجهاز التنفسي والصدر ثاني وقالت بلي هذا هو التخصص اللي نحب نخدم فيه ونعاون ثاني الناس اللي راهم مراض وفعلا قدرت تحقق الحرم تاعها وولات طبيبه ومن اشهر الاطباء في الهند ما قلت لكم كانت بزاف تهتم بالمرضى تاعها ودايره بالها عليهم بزاف وحتى في مجال الابحاث الطبيبه كانت نشيطه جدا وتحب تشارك في الصغيره والكبيره وحتى في الدراسات والابحاث المهمه وكانت دائما تقول انه العلم يقدر يغير حياه الناس وخصوصا الدراسات اللي كانت تهدر على تاثير التلوث الهوائي على صحه الجهاز التنفسي يعني جمعت بين التخصصين اللي قراتهم العلوم البيئيه من جهه والطب الصدري من جهه واحده اخرى وربطت ما بيناتهم بطريقه ذكيه جدا وزادت تعاونت مع بزاف منظمات باش يساعدوهم في العلاج ومواجهه مشاكل صحيه مختلفه وحتى خذت عده جوائز بسبب المساهمه تاعها الطبيه والانسانيه المهم كانت بزاف ذكيه ومتحمسه للحياه وكانت دائما عندها طاقه ايجابيه وكي تهضر مع الناس تختار احسن الكلمات وكانت لطيفه جدا يعني في المجال تاعها وتعاملها معهم وهذا الشيء ماشي غير كلامي هذا الشي كلام الناس اللي كانوا يعرفوها وكانوا يتعاملوا معها لا من ناحيه الزملاء اللي كانوا يخدموا معها ولا حتىمرضى اللي كانوا يداويو عندها يماها وباباها كانوا يحبوها بزاف وكانوا فخورين بها على الرغم من الظروف الصعبه اللي كانوا عايشينها هما كانوا فقراء يعني على قد الحال ولزوج يعني باباها ويماها كانوا يخدموا خياطين ليل ونهار بصح رغم هذا كامل عطاو لبنتهم كامل واش يقدروا وما قصروش معها في حتى حاجه وعطاوها وقتهم تعبهم وحتى دراهمهم باش تكمل قرايتها وتحقق الحلم تاعها والحلم تاعهم ثاني وموميتا كانت تقول مادام اهلي دارو لي كامل هذا الشي لازم نكون قد المسؤوليه ونرفع راسهم ونخليهم يفتاخروا بيا هما تعبوا وسهروا باش نوصل اللي وصلت ليه لازم نرد لهم الجميل ديالهم يعني ما قلت لكم كانت دير كل شيء باش تخلي باباها ويماها فرحانين وباش تخرجهم الفقر اللي كانوا فيه وفعلا ما كانتش مقصره معهم وما كان خصهم والو ولهذا كانوا يحبوها بزاف حب كبير بزاف باباها كان كبير في السن وكان يعاني من ضغط الدم وكان يقول لبنت مميته باللي كانت بزاف حنينه وديما كانت تفكر بالوقت تاع الدوا وما كانش تنساه ابدا وحتى اذا خلاص الدوا تاعه في وقت متاخر من الليل كانت هي تخرج مباشره وتروح تشريه له وحتى لو كان يكون على ثلاثه تاع الليل وكانت تقول لباباها باللي صحتك هي اهم حاجه في هذه الدنيا وباباها كي كان يحكي عليها في الاعلام كان يحكي عليها بحب وفخر على خاطر كان يشوفها باللي بنته كانت بزاف حنينه عليه ودايره بالها على عائلتها وامها ثاني كانت تحبها بزاف وكانت ديما تفتخر بها لانه موميتا ما كانتش غير ناجحه في قرايتها وخدمتها بل كانت حتى ناجحه في المعامله تاعها مع الناس اللي حواليها ومع الاهل ديالها ثاني نروحوا دوك للجانب العملي تاعها الدكاتره اللي كانوا معها كانوا يقولوا بلي وصفاتها كطبيبه كانت سهله القراءه والخط تاع يدها كان واضح وكانت ثاني سريعه الفهم وتعرف تهضر بكل ثقه ومتفاهمه مع الناس ولهذا الزملاء تاعها الاطباء وحتى المرضى ك قلت لكم كانوا يحبوها بزاف وكانت تعرف تهضر مع المثقف وكانت تهضر حتى مع الناس البسطاء اللي ما يفهموا والو في الطب موميتا كانت تحب بزاف حياتها سواء في الدار ولا في الخدمه وفي مره قالت على المستشفى اللي كانت تخدم فيه واللي قرات فيه انه الطبها الثانيه وهذا طبيعي لانها عاشت سنوات بزاف كبيره في الجامعه وفي المستشفى وكانت تقرا وتخدم وتتعب غير باش ك قلت لكم تحقق الحلم ديالها وهذا المكان هذا ولا دارها الثانيه اللي تقعد فيها بزاف جوز فيها ايامات وسوايع بزاف وكانت ثاني قريبه من الناس بصح الحاجه اللي ما كانش عرفتها موميتا انه دارها الثانيه هي اللي راح تكمللها على حياتها ودارها الثانيه ما فيهاش مان اللي كانت تتخيله وانه المكان اللي وثقت فيه اكثر هو حيكون اخر مكان في حياتها وحيتحول لكابوس مدى الحياه نروحوا لتاريخ اوت 2024 موميت كملت خدمتها في المستشفى في الليل وعيطت ليماها حوالي الساعه 11 وقالت لها باللي راهي مع الزملاء تاعها طلبوا العشاء والعشاء دوك شويه يوصل راح تتعشى معهم وتبات في المستشفى لانه هذاك النهار وهذيك الليله كانت خدامه الام هنايا ما كانتش عارفه مسكينه باللي هذيك هي اخر مره تسمع فيها صوت بنتها العزيزه هنا بعد ما غلقت الاتصال مع يماها جا العشاء بداو يتعشاو وكملوا العشاء وقالت الدكتوره كيميتا راهي راحه تروح ترتاح في واحد الغرفه داخل المستشفى هذه الغرفه هذه كانت متخصصه للندوات والاجتماعات بصح كي المستشفى ما كانش فيه غرف كافيه للاطباء المناوبين راح ترتاح فيها شويه قبل ما تكمل الخدمه ديالها يعني اي طبيب يلقى غرفه فارغه يروح يرتاح فيها شويه من التعب موميته في هذاك اليوم كانت بزاف عيانه بعد يوم طويل من الخدمه تعش مشات مع زملائها وراحت لهذ الغرفه تاع الندوات فرشت على الارض وتمدت شويه باش ترتاح وقالت لاصحابها اني حنرقض تم ودوك شويه نعاود نجي هما قالوا لها روحي ترتاحي ورجعوا يديروا الخدمه تاعهم وكي يجي الدور تاعهم هما ثاني يروحوا يرتاحوا وهكذا غمضت الدكتوره موميت عينيها ورقدت في المكان اللي كانت تسميه دارها الثانيه بدون ما تعرف باللي هذيك هي اخر ليله اللي راح تكون في حياتها وبتاريخ 9 اوت 2024 كان عند موميتا مناوبه في المستشفى يعني كانت مازالها خدامه وهي اصلا باتت تما يعني في اليوم التالي كان لازم تكمل الخدمه ديالها لكن الغريب انها ماحضرتش للمنابه تاعها وهي هذا الشي هذا ما يشبهلهاش كامل يعني من نهار اللي دخلت تخدم في المستشفى ولا تقرا في الكليه ولا مره غابت وما كانش انسانه اللي تغيب بلا ما تعلم زملائها هنا استغربوا بزاف لانه موميتا كانت معروف عليها بالانضباط وما كانتش تستهين بخدمتها واش قالوا قالوا ممكن انه يكون التعب كان اكثر من اللازم على هذاك كملت رقدت كامل الليل وخاصه انها ما قلت لكم خدمت الليله كامله وبما انهم كانوا عارفين باللي راهي راقده في غرفه الندوات راحوا مجموعه من الصديقات تاعها باش يفيقوها من النوم لكن كي فتحوا الباب ودخلوا تصدموا بالمنظر اللي شافوه ولقاو صاحبتهم اللي كانت تضحك معهم معهم قبل ساعات قليله طايحه على الارض وكان واضح باللي تعرضت لاعتداء عنيف وكانت كامل البلاصه معمره بهذك العفسه الحمراء الزملاء تاعها دخلوا في حاله صدمه وبداو يعيطوا وجمعوا كامل الناس تم ومن شده هول الموقف داوها مباشره للمشرحه داخل هذاك المستشفى وفي نفس الوقت كانوا يحاولوا كامل الناس باش يفهموا شش صر لها في هذك الليله وخاصه شكون اللي دار فيها هكا تقرير الطب الشرعي زاد تطم اكثر وكثر لانه وضح بلي موميتا تعرضت لاعتداء اللي على بالكم به واللي كان هذا قبل الوفاه ديالها والتقرير بين باللي كاين اصابات خطيره واثار تاع خنق وكدمات في اماكن مختلفه في الجسم تاعها وانه واضح باللي كانت تحاول انها تقاوم بكل القوى تاعها والتحقيقات بينت بلي الجريمه كانت وحشيه وخلات صدمه كبيره في الهند خاصه انه الضحيه كانت طبيبه شابه ومعروفه بالاجتهاد تاعها والاخلاق ديالها والناس كامل كانوا يسقسيوا كيفاش بلاصه من المفروض انها تكون امنه على الاطباء والمرضى تتحول الى مسرح جريمه التحقيقات والتقارير الطبيه اشارت انه الجريمه كانت عنيفه ووحشيه بشكل كبير وكان واضح باللي الضحيه قاومت المعتدين عليها بكل قوتها وكيما قالوا وسائل الاعلام الهنديه معلومات تقول انه المحققين اشتبهوا باللي ما كانش كاين واحد في هذ قضيه بل كان كاين اكثر من زوج واللي كانوا متورطين في الاعتداء وهذا بسبب الادله اللي لقاوها عليها اثناء التحقيق واللي لقاوها ثاني في مسرح الجريمه القضيه صدمت كامل الناس وصدمت الهند باكمله وخلات انه يكون غضب كبير في الهند وخاصه بسبب بشاعه اللي صرات على الطبيبه الشابه اللي كانت معروفه في الهند الشرطه كييعاينوا مسرح الجريمه لقاو باللي الباب ما كانش مكسور يعني الشخص اللي دخل ما استعملش القوه باش يدخل بصح حاله الغرفه كانت توضح باللي صرات مقاومه كبيره وعراك عنيف داخل هذه الغرفه ومن بين الادله اللي لقاوها كانت سماعات هاتف مقطوعه ومرميه قريبه من جثه مميته ومن بعد ما راجعوا كاميرات المراقبه شافوا واحد الرجل غريب يدور في ممرات المستشفى خصوصا كان قريب من المكان اللي صرات فيه الجريمه وكان يلف لفت موراه بطريقه خلاته يثير الشكوك من حوله وخلات ثاني المحققين يروحوا يزيدوا يحوسوا على هذا الشخص شكون وهنا بدات الشرطه تستجوب العاملين في المستشفى وتحاول تعرف هويه هذا الشخص اللي ظهر في الكاميرات باش يفهموا واش هي العلاقه تاعه بهذه الجريمه كامل العاملين تقريبا عرفوا هذا الراجل اللي ظهر في الكاميرات وقالوا للشرطه بلي هذا واسمه سانجي روي الشرطه في هذك الدقيقه حقيقه راحت جابته للتحقيق وهنا بعد ما فتشوه مليح مليح لقاو باللي عنده سماعات تشبه اللي كانت مرميه في مسرح الجريمه وبعد الفحص تبين باللي هذاك الجزء المقطوع من السماعات اللي عنده كان يركب تماما مع الجزء اللي لقاوه قريب من جثه مميته وهذا زاد اكد شبهات عليها اكثر واكثر والحاجه اللي زادت صدمتهم اكثر انه لقاو في تليفونه صور متعلقه بالجريمه يعني كان يعمل جريمه ويصور واش كان يدير هنا الشرطه ركزت عليه بشكل كبير وبداو التحقيق معاه والعلاقه تاعه في هذ الجريمه اللي صرات داخل المستشفى ما تنساوش دوك نروحوا لسانجيروي ونتعرفوا عليه اكثر هذا السيد هذا الناس في المستشفى كانوا يعرفوه خاطاش كان يدخل ويخرج من المستشفى بشكل شبه يومي وهنا تبدا تفاصيل اخطر حول الشخصيه تاعه ودوره الحقيقي سانجيروي بدا المسيره تاعه سنه 2019 واللي كان متطوع مدني مع مجموعه اداره الكوارث التابعه لشرطه كولكاطا يعني ما كانش شرطي رسمي هذه شدوها لي مليح في راسكم بصح كان متطوع يعني يعاون في مهام بسيطه ومع الوقت وبفضل العلاقات تاعه قدر انه ينتقل من قسم اداره الكوارث الى قسم الرعايه الاجتماعيه التابعه للشرطه وبقى يخدم كمتطوع مدني وهذا النوع هذا من المتطوع واعين كانوا يعتبروهم عمال مؤقتين يعني يخلصوهم واحد الراتب بسيط هكا باش يعاونوا برك الشرطه في الامور ما تنظيم المرور ولا وقت الكوارث وما تنساوش انه الهند فيها بزاف ناس يعني قد ما يكونوا متطوعين قليله وهذا السيد هذا كان يعاونهم في المهام اليوميه في الشرطه يعني دوره في الاصل ما كانش منصب كبير ولا وظيفه حساسه بصح كي كان دائما مع الشرطه خلاه يعرف الناس بزاف وهذا خلاه يدخل البلايص بزاف بسهوله بصح روي ما عجبوش الحال هو كان حاب دائما يكون كضابط شرطه حقيقي بلا ما يدخل اصلا لكليه الشرطه يعني واحد ما يشوفه وكان اي واحد يشوفه ولا يعرفه يقولله باللي انا ضابط وعندي كامل صلاحيات وكان كاين بزاف ناس كانوا يشوفوه لابس قميص فيه الشعار تاع الشرطه اللي مكتوب فيها كولكاتاب بوليس وحتى فوق الدراجه الناريه تاعه او الخاصه كان حط عليها شعار كولكاتا بوليس وهذا الشي هذا كان يعطوه مكانه وكان يعطي له وقار قدام الناس والاغرب من هذا كله كان مطوع ثاني في كليه الطب ومستشفى ارجيكار اللي حكيت لكم عليه من قبيل واللي كانت ملحقه بكليه الطب نفسها اللي كانت فيها الضحيه تاعنا واللي صرات فيه ثاني الجريمه روي كان يخدم تما كمتطوع وكان طباخ يعني يطيب الماكله للمرضى والاطباء واي شخص يحتاج الماكله هو اللي كان يطيبها له كان تقريبا كامل الناس يعرفوه ومن تما ولا يتعرف شويه في المستشفى هذا وفي فتره من الفترات ما ولاش يبن في السبيطار ومن بعد ما رجع قال الناس باللي راه يخدم في سلك الشرطه كمتطوع ومن هنا بداو يسمحواه باش يدخل بزاف بلايس داخل هذا السبيطار حتى البلايس اللي من المفروض يكونوا ممنوعين على الناس العاديين واحد من المتدربين في الكليه قال باللي كان يشوف روي يتحرك داخل المستشفى وكان يبان باللي كان عنده سلطه كبيره والناس كانت تتعامل معه على اساس انه عنده علاقات كبيره والباسو اللي يشبه البوليس كان يبلعط به الناس اللي ما كانوش يعرفوه وكانوا ثاني بعض الناس يشوفوه واقف ويعس ابواب الطوارئ قدام جناح العنايه المركزه لدرجه انه الخدامين القدم في المستشفى كانوا يقولوا للمتدربين الجدد كيفاش هذا ولا بهذ البلاصه وكان غير طباخ يعني ما فهموش كيفاش حتى ولا هكا المهم مع توسع التحقيق الشرطه بدات تفتش اكثر وكثر في الماضي تاع روي ولقاو باللي عنده تاريخ معمر بالمشاكل والسلوك العنيف وكان ثاني متزوج بزاف مرات زوجاته سبق وشتكوا به من المعامله العدوانيه والعنيفه عليهم وحتى الناس اللي عرفوه قالوا باللي الشخصيه تاعه كانت بزاف مقلقه وكان عنده تصرفات تخلي بزاف ناس ما يرتاحولوش وما كان عنده لا صاحب لا حبيب لا رحيم ام واحده من الزوجات تاعه السابقه قالت باللي روي كان عنده تاريخ طويل مع العنف ضد النساء وحتى كي تزوج بنتها ما قاللهمش باللي سبقله تزوج معاف النساء ومن بعد ما عرفوا الحقيقه الزوجه تاعه والعائله تاعها قالت الام تاعها باللي التصرفات تاعه ولات اكثر عدوانيه وعنيفه وقالت ثاني بلي العائله سبق وقدمت شكوى ضده بسبب سوء المعامله والتصرفات اللي قلت لكم عليهم وحتى قبل الحادثه تاع موميتا غير بيوم كان متهم بالتحرش ومحاوله الاعتداء على مراه وهو في حاله سكج بزاف من الناس قالوا بعض القضيه باللي لو كان تم التعامل مع التصرفات تاعه السابقه بجديه اكثر كانوا قادرين يمنعوا هذ الجريمه اللي صرات على الدكتوره موميتا يعني في هذه ماكذبو ما على باليش كيفاش حتى يخلوا انسان عدواني مازالوا يدور ويدور في بلاصه اللي نورمالمون تكون امنه بزاف المهم وقالوا الناس بزاف ثاني اللي يعرفوه شخصيا انه كي يكون سكران يدير مشاكل بزاف وخاصه مع الناس اللي يعرفهم ولا حتى اللي ما يعرفهمش وكان حتى يعيط بزاف ويزعج الجيران ثاني وعلى هذا بزاف ناس ما كانوش يحبوه وما كانوش يرتاحوا له وحتى داخل المستشفى السمعه تاعه ما كانتش كامل مليحه وكان معروف بالكذب والسرقه واستغلال الناس تخيلوا معايا كان يقول للمرضى وللناس باللي هو ضابط شرطه حقيقي وما كانش يوضح لهم باللي هو غير متطوع يعني اللي عرف عرف واللي ما عرفش يكذب عليه وحتى بعض الاشخاص كان يواعدهم باللي يقدر يدخلهم يخدموا في الشرطه وكان يستغل الاسم تاعه والعلاقات تاعه باش يكون عنده صلاحيات كبيره وهو في الحقيقه مجرد متطوع بسيط وكان ثاني يستغل يغل الناس ويوعدهم باللي يخليهم يدخلوا للمستشفى باطل وما يخلصوا حتى رسوم يعني كان معروف بالنصب والاحتيال والكذب واستعمال اسم الشرطه باش يخوف الناس ويستفاد منهم وفي النهايه تم اعتقال سانجيروي بتهمه تتعلق بالا والقتل وتم وضعه تحت الحجز الى غايه تقديمه للمحكمه وخلال التحقيقات قال الشرطه بلي قدم اعترافات اوليه حول القضيه وزيد فحص ص الهاتف تاعه ولقاو ادله مرتبطه بهذه الجريمه وهذا الشي هذا قلناه كيحكموه لكن كي تم تقديمه للمحكمه تراجع عن الاعترافات تاعه وقال باللي تم الضغط عليه اثناء التحقيق ويعني هو قال باللي صح داره الجريمه بصح في الحقيقه هو ما دار والو والقضيه بق تثير جدل كبير وغضب كبير بسبب اشاعتها واسئله كبيره كانت حول الامن داخل المستشفى وقال ثاني باللي الاعتراف تاعه كان تحت ضغط كبير وماكشفش ثاني على اي شخص واحد اخر كان معاه متورط في القضيه ومع العلم انه في تقرير الطب الشرعي قال انه من المستحيل يكون شخص واحد يعني على الاقل شخصين ولا اكثر المهم في نفس الوقت بق التحقيقات والتحاليل الجنائيه محور نقاش كبير عند الناس والاعلام في الهند وقضيه موميتا تحولت لقضيه راي عام في كامل الهند وخرجوا مظاهرات كبيره رجال النساء قدام المستشفى وحتى قدام مراكز الشرطه يطالبوا بالعداله وبحمايه افضل للنساء والعاملين في مجال الطبي وحتى طلبه الطب والاطباء الشباب دخلوا في احتجاجات كبيره وكانوا بزاف زعفانين على الوضع الامني اللي كان داخل سبيطار وقالوا باللي كاين مشاكل خطيره واهمال داخل بعض المؤسسات الصحيه واللي ما كانوش يهضروا عليها قبل الجريمه والجريمه جات باش يهضروا على كل حاجه وجعتهم في هذا القطع ومن بعد انتشار القضيه خرجت بزاف اشاعات ونظريات في مواقع التواصل الاجتماعي وثاني في الاعلام وقالوا بعض الناس باللي موميتا ربما كانت تعرف معلومات حساسه داخل المستشفى على هذاك كملوا عليها لكن هذا الشيء هذا ماكدوهش رسميا من طرف التحقيقات يعني تبقى فرضيات برك وثاني صرى جدل كبير حول تفاصيل تقرير الطب الشرعي وعدد الاشخاص اللي كانوا متورطين وناس بزاف حسوا باللي كاين تلاعبات في هذا الشيء وما ننساوش باللي الجثه تم تشريحها في نفس السبيطار اللي كانت فيه وقالوا الناس باللي حسوا باللي كاين تناقضات ولا معلومات ناقصه وهذا زاد غضب الشارع الهندي وخلى الناس تطالب بتحقيق شفاف وكامل اللي يكشف الحقيقه الكامله ويعاقب كل متورطين وفي وسط الغطب الكبير والاحتجاجات كان كاين واحد الشخص اللي اسمه سانديب غوج واللي هو جراح عظام ومدير الكليه المرتبطه بالمستشفى اللي كانت فيه الضحيه ومع الضغط الاعلامي والاتهامات المتواصله بالاهمال قرر يقدم الاستقاله تاعه وقال باللي مادش قادر يتحمل الهجومات والانتقادات اللي كانت مجهه له ولاداره المستشفى وهنا السلطات قامت بتفتيش داره وظهر ضده اتهامات تتعلق بالفساد وحتى اسمه بدا يتداول في قضيه بسبب ب الشبهات اللي كانت تحوم حول اداره المستشفى وطريقه التعامل مع الحادثه القضيه وقتها ولات اكبر من مجرد جريمه وبدات الناس تشك باللي كاين تقصير ومشاكل اعمق داخل هذه المؤسسه الاستشفائيه بصح اللي زاد زعف الناس اكثر وكثر هو باللي بعد ساعات قليله فقط من الاستقاله تاعه حطوه وعينوه في منصب جديد داخل كليه طب وطنيه اكبر من المؤسسه اللي كان المدير تاعها من قبل هذا القرار هذا صدم الطلبه والراي العام وخلى بزاف ناس يحسوا باللي ماكانش محاسبه حقيقيه ولهذا خرجوا الطلبه في مظاهرات ورفعوا لافتات يرفضوا فيها هذا القرار وهذا التعيين الجديد وقالوا باللي الشخص اللي قدم استقالته بسبب الازمه المفروض نحققوا معاه ماشي يترقى لمنصب اعلى والضغط الشعبي كان كبير بزاف لدرجه انه القضيه ولات حديث الاعلام والراي العام كامل والحكومه اضطرت انها تتفاعل مع الاحتجاجات والغضب اللي انتشر بين الناس وفي تاريخ 13 اوت 2024 تم ابعاد صنديب مؤقتا من المنصب وعطاوه اجازه مفتوحه الى غايه انتهاء التحقيقات ومعرفه اذا كانت التهم موجهه له صحيحه ولا لا وبعد تاريخ 28 اوت الجمعيه الطبيه الهنديه علقت عضويته بعد ما تم اتهام ورسميا في قضايا تتعلق بالفساد وبدات التحقيقات تشمل ملفات ماليه واداريه داخل المستشفى والكليه وفي 2 سبتمبر هيئه التحقيقات المركزيه في الهند قامت باعتقاله هو واحد مساعديه بسبب اتهامات مرتبطه بمخالفات ماليه خلال فتره ادارته للمؤسسه وتم حبسه مؤقتا الى غايه موعد المحاكمه وكان كاين بزاف ناس اللي كانوا يقولوا باللي دخلوه للحبس مؤقتا على قضيه واحده اخرى لانه كان عنده يد في الجريمه وهكذا يعني غطاوا هذه بهذه باش ما يتحكمش عليه بالمؤبد القضيه وقتها كانت شاعله في الهند والغضب الشعبي وصل لدرجه انه بعض المحتجين خرجوا بعنف ووقعت اعمال شغب كبيره في البلاد الناس كانت غاضبه بزاف وحسوا بلي كاين فساد كبير واهمال داخل المستشفى والكليه ولهذا بعض الاحتجاجات خرجت عن السيطره وولات اعمال تخريب وتكسير وتم خرج خرجت السلطات وبدات تقول انها راح تحاول تعرف الاشخاص الاضافيين متورطين ومعلومات مخفيه وراء هذه القضيه وقالوا باللي مناش ح نغلقوا هذا الملف حتى نعرفوا شكون كمل على الضحيه تاعنا وبسبب كثره الاشاعات والتناقضات اللي خرجت في الاعلام بزاف ناس بقاو يشكوا اذا كانت الحقيقه كامله ظهرت ولا راهم يخبيوها على الناس والا كانت اصلا رسميا واش راهم يهضروا الناس في الهند لحد اليوم من 2024 الى 2026 مازالوا يطالبوا بالعداله للدكتوره موميتا وحبوا يكشفوا كل التفاصيل المرتبطه بالقضيه الناس كامل تاثرت بالقصه لان الضحيه كانت انسانه ناجحه وطبيبه شابه وكان عندها مستقبل كبير وكانت معروفه بالطيبه تاعها وحبها الناس والمساعده تاعها للناس الزواوله وفعلا كثير من الناس طرحوا نفس السؤال علاش هذ الانسانه بهذ الاخلاق والنشاط تخلاص حيات بهذه الطريقه وشنو هو الذنب تاعها اللي دارته باش تلقى الحذف تاعها هكا ودوك تقولوا لي هذاك السيد سانجي واش دارول لوح حكموه باللي هو دار جريمه ولا كيفاش تخيلوا معايا لحد الساعه سانجي ما قالوا لا تحكم لا ما تحكمش لا خرجوه من الحكايه لا ما خرجوهش ما كان حتى معلومه قالوها في حق هذا سانجي وكاين ناس بزاف اللي قالوا ربما يكونوا خرجوه من باب واحده اخرى وواحد ما على بال دائما نقول لكم الهند غريبه عجيبه ما تقدروا تعرفوا للحق للباطل في هذه الحكايات وفي خاصه العداله الهنديه في الاخير نقولوا باللي هذا الشيء هذا لازم يكون لنا عبره ودائما نعلموا ولادنا الاسس اللي نربيوهم عليها وهكا باش يكون عندنا مجتمع نقي وين ما نكونوا هذه هي كانت القضيه تاعنا تاع نهار اليوم ان شاء الله نكونوا خدينا منها عبره وانا نضرب لكم موعد في قضيه جديده دائما على قناتنا ما تنساوش الاشتراك بالقناه باش يلحقكم الفيديو الجديد طلولي بزاف في رواحتيكم وانا نقوللكم نحبكم بزاف سلام