حضارة بلاد العراق القديم حل كتاب الامتحان تاريخ اولى ثانوي الصف الاول الثانوي ترم تاني 2026

طلاب اولى ثانوي في مصر كلها ازيكم عاملين ايه؟ يا رب تكونوا بخير معاكم المنقذ محمد ابو العله مدرس التاريخ للثانويه العامه والبكالوريا النهارده بامر الله هنحل مع بعض تدريبات كتاب الامتحان على الدرس الاول في الترم الثاني تاريخ درس حضاره العراق فلو انت معاك كتاب الامتحان افتحه قصادنا قصاد الفيديو وامسك قلمك وحل ورايا ولو حضرتك معكش كتاب الامتحان تقدر تحمله بي دي اف وتصوره وتتابع معايا ولو انت من طلابنا اللي بيحضروا معانا في السنتر هتفتح الكتاب الصغير اللي انت مستلمه مع باكدج الكتب هتلاقينا ماشيين بنفس ترتيب الاسئله بتاعه كتاب الامتحان يلا بينا نسمي الله ونتوكل على الله وركز في حل الاسئله لان احنا بنشرح كل تفصيله صغيره وكبيره اول سؤال جايب لي هنا جمله بيقول لي ايه اطلق المصريين القدماء على احدى الهتهم اسم الاله وتعني العدل والصدق واتخذت شعار للمحاكم المصريه وده طبعا لشعورهم باهميه العداله في ضوء تحليل النص اقرب المعبودات في العراق القديم من حيث وجه شبه معت المعبوده معت الهيه الايه العدل واحنا خدنا ان في اله في العراق اسمه الاله شمش وده اله الحكمه والعداله في العراق فيوجد وجه شبه بين المعبوده معت في مصر والاله شمش في العراق من حيث العاله. السؤال اللي بعده بالرغم من غلبه الطابع العسكري على الدوله الاشوريه يعني الدوله الاشوريه كانت مهتمه بالجيش قوي والطابع العسكري بتاعها الا ان ابرز اسهاماتها الحضريه اسهاماتها الحضريه كانت في ايه دوله الاشوريه اهتمت بالجيش جدا بس هو عايز هنا اسهاماتها الحضريه في عهد الملك سنحريب تم تعمير مدينه نينوه صح العماره فهي مش انجازات ثقافيه ولا اقتصاديه ولا اجتماعيه هي العماره والفنون لان الملك سنحريب قام باعمار او اعمر مدينه نينوه في الدوله الاشوريه ثلاثه اي من الاتي افتقدت حضرتهم في العراق الى تعدد الوجهات الساحليه يعني ايه تعدد الوجهات الساحليه من الاخر كده العراق بتطل على الخليج العربي دي واجهه ساحليه واحده اهي فلو توسعوا خرجوا لغايه البحر المتوسط فبقى معاهم كام واجهه ساحليه اثنين خليج عربي وبحر متوسط مين بقى اللي افتقد الفكره دي ما كانش عنده واجهات ساحليه متعدده اكيد اللي ما خرجش وتوسع اللي ما توسعش مين بقى اللي ما توسعش في الاختيارات البابليون توسعوا حمورابي وصل للبحر المتوسط الاشور سوريين توسعوا سيرجون الثاني خد مصر والشام الكلدانيون توسعوا نبوخذ نصر وصل من الخليج العربي لغايه شرق البحر المتوسط مين اللي ما توسعش السومريون ما توسعوش ففضلوا ليهم واجهه بحريه واحده اللي هي الخليج العربي ما راحوش لغايه البحر المتوسط وده اللي هو قصده من السؤال اربعه تناقضت سياسه سنحريب مع مدينه بابل مع سياسه مين مش سنحريب خرب مدينه بابل اه مين بقى اللي عمل عكسه اللي عمل عكسه حمرابي لان حمورابي اعاد اعمار مدينه بابل وسنحريب خرب مدينه بابل يبقى هم الاثنين متناقدين مع بعض هم الاتنين عكس بعض خمسه العامل المشترك الذي حال دون حال دون يعني ايه يعني منع منع ايه الحاجه المشتركه اللي منعت استمرار الدوله الاكاديه والدوله الكلدانيه في العراق بص يا سيدي الدوله الاكاديه سقطت ليه عشان كان عندها حكام ضعفاء ضعف في السلطه المركزيه والكلدانيه سقطت لايه لسببين حكام ضعفاء واحتلال يبقى العمل المشترك بينهم هم الاثنين ايه كلمه حكام ضعفاء طب فين هنا حكام ضعفاء حكام ضعفاء اهي ضعف السلطه المركزيه طب ليه يا مستر ما نختارش دي تعرض لهجمات الفرس ما هو الكلدانيين سقطوا بسبب تعرضهم لهجمات الفرس ماشي بس الاكاديين لا هو عايز حاجه ايه مشتركه يبقى انا مش هختار دي اناختار طيب اللي بعده جايب لي خريطه يقول لي تعرضت العراق قديما للغزو الاجنبي اكتر من مره من الخريطه دي اول غزو اجنبي للعراق جاء من جهه ايه اول ناس احتلوا العراق مين الفرس الفرس اهم بلاد فارس طيب وادي العراق اهي يبقى كده الاحتلال جاي من اني ناحيه من الناحيه دي اللي هو الفرز يبقى هختار هنا من جهه الشرق السؤال اللي بعده الغرض الاساسي من كتابه حمرابي قوانين منه على حجر صلب ليه كتبها على حجر صلب ليه ما كتبهاش على ورق ليه اختار يكتبها على حجر صلب عشان تعيش عشان تفضل موجوده صح يبقى هنا اختار ايه تخليد يعني بقاء اعماله التشريعيه واعماله التشريعيه اللي هي الايه القوانين اعمال تشريعيه كتبها على حجر صلب عشان تفضل عايشه اللي هو تخليد اعماله التشريعيه يبقى الاجابه عندي هنا ا مانيه العامل الاساسي لسقوط معظم الدول اللي قامت في العراق معظم الدول اللي قامت في العراق سقطت ليه؟ سقطت عشان حكمها حكام ضعفاء في اواخر عهد الدوله صح كده؟ فين بقى حكام ضعفاء؟ حكام ضعفاء مش صراع طبقي مش تدخل خارجي التدخل الخارجي ده اسقط الدوله الكلدانيه بس اخر دوله لكن الباقيين ما سقطوش بسبب تدخل خارجي الحكام ضعفاء مش تناحر ديني ولكن الحكام ضعفاء تنفع تفكك سياسي تسعه لعب العرب القادمون من شبه الجزيره العربيه الى العراق دور في اقامه دول وسقوط دول اخرى يعني العرب اللي جم من شبه الجزيره العربيه قدروا يوقعوا دول في العراق ويعملوا بدالها دول ثانيه كلام جميل في ضوء العباره اخر دور لعبوا العرب اللي جايين من شبه الجزيره العربيه في العراق كان سبب في سقوط مين حلو ده ممكن طالب يقول لي ايه اخر عرب جم من شبه الجزيره العربيه اللي هم العرب الكلدانيين اللي هم اسقطوا مين اسقطوا؟ مين اسقطوا الدوله الاشوريه صح فهيروح مختار ايه بقى؟ هيروح مختار دي اقول له غلط او ادت الى سقوط ايه؟ اه هيقول لي ادت الى سقوط الدوله الاشوريه اقول له غلط ليه يا مستر غلط مش الكلدانيين دول هم اخر عرب هاجروا من شبه الجزيره العربيه واسقطوا الدوله الاشوريه وعملوا بدالها الدوله الكلدانيه ليه ما نختارش الدوله الاشوريه افهمك مش انت اخدت في درس العراق ان حصل فتح اسلامي للعراق مش الفتح الاسلامي مش المسلمين دول عرب اه يا مستر صح المسلمين عرب وهم اخر ناس جم العراق واسقطوا مين اسقطوا الفرس هزموا الفرس وخدوا العراق والمسلمين اللي هزموا الفرس المسلمين دول عرب يبقى اذا المسلمين العرب اللي جم من شبه الجزيره هزموا الفرس يبقى انا هختار هنا سقوط الحكم الفارسي هي دي الاجابه الصح مش الاشوريه ومش الكلدانيه ومشي الحكم الروماني وده سؤال ياخد 10 من ونجمه سؤال حلو جدا سؤال 10 يستبعد من العوامل التي ادت الى سقوط الدويلات السماريه يعني ليس من العوامل اللي اسقطت السومريين السماريين سقطوا لاسباب كتير بس انا عايز اختار سبب ما يكونش من ضمن اسباب سقوطهم افتقادهم للمقاومات الاساسيه للزراعه هو السومريين ما عندهمش زراعه لا عندهم طب هل ده سبب اسقاطهم لا يبقى ده صح اختاروا طيب ا عايزين الحكام يحققوا مكاسب فرديه اه ده من ضمن الاسباب للسقوط مش هختاره افتقادهم للسلطه الموحده ان هم ماتوحدوش ده من اسباب السقوط مش هختاره التاثر بالهجرات اللي جايه من الجنوب الهجرات اللي هي جايه من الجنوب اللي جايه من شبه الجزيره العربيه اللي هي الدوله الاكاديه التي اسقطت السومريين طب ما ده سبب من اسباب سقوطهم مش هختاروا يبقى الصح ايه؟ افتقاد السماريين للزراعه الزراعه مالهاش دعوه بسقوط الدويلات السماريه لكن بقيه الاختيارات ليها دعوه وعاجبني قوي الاختيار رقم ج ده احنا ما اخترناهوش بس هو عاجبني ليه؟ الناس اللي ج من الجنوب من ضمنهم الاكاديون اللي جايين من شبه الجزيره اللي اسقطوا السومريون فرقم ج ده سبب من اسباب سقوط السومريين وهو هنا بيقول لي يستبعد يعني ليس من الاسباب فاخترنا سبب مش من الاسباب بتاعه سقوط السوماريين خالص 11 اي دول العراق انهارت نتيجه لعوامل داخليه واطماع من الخارج الدوله الوحيده في العراق اللي سقطت لسببين هي الدوله الكلدانيه سقطت لسبب داخلي حكامها الضعفاء وسبب خارجي اللي هو احتلال الفرس للعراق في عهد الدوله الكلدانيه يبقى الاجابه د 12 تعد حضاره سومر من اقدم حضارات العراق ولها لها اسهامات حضريه السومريون لهم اسهامات حضريه اهمها ايه ما عملوش جانب فني خالص ولا عملوا جوانب عسكريه ما عملوش توسعات وما عملوش اهتمامات سياسيه لان هم ما توحدوش بس عملوا جوانب ثقافيه لان السماريين هم اللي اخترعوا الكتابه المسماريه واختراع الكتابه انجاز ثقافي انجاز ثقافي اخترنا د 13 جايب لي خريطه بيقول بيقول لي الحضارات العراقيه القديمه جددت دمائها يعني ايه جددت دمائها يابا يعني ايه كلمه جددت دمائها يعني انا راجل مدير ش انا صاحب شركه انا صاحب شركه بجدد دماء الشركه ازاي بمشي الموظفين القدام وبجيب موظفين جداد طب العراق جددت دمائها ازاي انه جالها ناس من تحت من شبه الجزيره العربيه عملوا دول في العراق الدوله الاكاديه الدوله الاشوريه والدوله الكلدانيه طيب والناس اللي جايين من شبه الجزيره دول اللي عملوا دول هنا في العراق شبه الجزيره بالنسبه للعراق في انهي اتجاه؟ في اتجاه الجنوب صح جنوب اهي باينه اهي يبقى كده تجديد دماء العراق من الجهات الايه؟ الجنوبيه اللي هي شبه الجزيره العربيه 14 تلقب راس الحكم في الدويلات السماريه في بدايه الامر بلقب انسي وده معناه الوكيل او النائب يعني الحاكم بتاع العراق كان نائب للاله وكيل للاله صح كده ده اللي احنا قلناه ده في نظام دويلات المدن واحنا بنشرحه اي من الاتي لعب دور في اطلاق اللقب الموضح ايه السبب في اطلاق لقب ان هو يبقى وكيل للاله هل لها علاقه بافتقاد البلاد للوحده السياسيه لا ولا مشاركه الكهنه في الحكم ولا الصراعات هي اكتساء الحكم بالصبغه الدينيه يعني عايز يقول لهم ان الملك هو وكيل الاله فالملك ده ملك مقدس الملكيه المقدسه ربط السياسه بالدين عشان كده قال لهم ان الملك هو وكيل الاله او نائب للاله. 15 انقسمت المعبودات في العراق الى معبودات محليه ومعبودات عامه من خلال الجمله اول ظهور للمعبودات العامه الله على السؤال ده اول ظهور للمعبودات الايه العامه نتيجه انجازات انهي ملك هو يعني ايه معبودات عامه يا بطل معبودات عامه يعني اله واحد للدوله كلها وده معناه ان الدوله اتوحدت وبقت دوله واحده وبناء عليه يبقى في معبود واحد للدوله كلها جميل قوي مين بقى اللي وحد العراق وخلى العراق تتوحد وبالتالي يبقى في معبودات عامه سيرجون الاول طبعا اول ملك وحد العراق في المملكه المتحده سيرجون الاول 16 جايب لي صوره لصلايه الملك معارمر موحد القطرين وبيقول لي الاختلاف بين السمريين وبين المصريين في العصر العتيق المصريين في العصر العتيق ايام الملك معرمر عملنا وحده سياسيه لكن السومريون ما عملوش وحده سياسيه يبقى الاختلاف هنا في النضج السياسي ان الملك نعرمر في مصر عمل نطج سياسي وحد البلد لكن السوميين ما كانش عندهم نطج سياسي يعني ما كانش عندهم وحده سياسيه 17 يمكن اعتبار الفتره التي خلت من تكوين امبراطوريات واسعه في العراق فتره حكم مين يعني مين اللي ما عملش امبراطوريه مين اللي لم يتوسع ما عملش توسع ما حاربش البابليه القديمه حمرابي لا توسع الاشوريين توسعواخدوا مصر والشام الكلدانيين توسعوا للبحر المتوسط اللي ما توسعش دول السومريون والاكاديون برض ما توسعوش بس هنا مش جايب الاكاديون خالص 18 اول من قام بنقل العراق من نظام الامارات المستقله الى الوحده الوطنيه يعني مين اللي وحد العراق سؤال سهل سيرجون الاول هو اللي وحد العراق في المملكه متحده 19 تبدا العصور التاريخيه بمعرفه الكتابه في ضوء العباره احدى المدن الاساسيه اللي ساهمت بدور كبير في ظهور العصور التاريخيه في العراق يعني مين المدن اللي ساهمت في ظهور الكتابه في العراق لان الكتابه هي اللي بتدي بتخليك تبدا عصر تاريخي الكتابه المسماريه اللي اخترعها السومريون والسومريون دول سومر واور ولاجش فانا هدور على مدينه من الثلاثه في الاختيارات يا اما سومر يا اما اور يا اما لاجش ما فيش منهم غير مدينه لاجش يبقى هي دي الاختيار الصح هنا جايب لي خريطه وبيقول لي حدد المناطق اللي شهدت قيام اقدم الحضارات في بلاد العراق القديم ايه اقدم حضاره في بلاد العراق القديم الدويلات السوماريه اللي هي مين ومين ومين سومر واور ولجش ولو بصيت هلاقي اور ولجش هنا اهو في الجنوب اهو صح تمام يبقى الاجزاء الشماليه غلط السهول الوسطى غلط الاجزاء الشرقيه غلط هما في جنوب العراق اهم يبقى الاجابه السهول الجنوبيه منطقه التقاء نهر دجله بنهر الفرات الدجله والفرات اتقابلوا في المنطقه دي في جنوب العراق 21 تعددت وظائف الذكورات في بلاد العراق فجنب وظيفتها الدينيه كان ليها وظيفه ايه المعبد المعبد ما كانش ليه وظيفه قضائيه ولا عسكريه ولا تشريعيه ولكن كان يتعلم فيه الناس صح طالما يتعلم فيه الناس يبقى ليه وظيفه ثقافيه وتعليميه 22 كانت بمثابه دار الوثائق يعني ايه دار الوثائق يا حبيب قلبي المكان اللي بيتحط فيه السجلات والعقود هي دي الوثائق والمكان اللي بيتحط فيه السجلات والعقود هي ايه؟ هي الذكورات المعبد والمعبد هنا يبقى انا هختار دور العباده سؤال 23 ظهر التواصل بين العراق ومصر بصوره واضحه في المجال الديني والفني حلو السؤال ده تواصلت مصر مع العراق في المجال الديني لما الملك رمسيس الثاني جاب المعبوده عشطا ار من العراق وعبدت في مصر والفني لما اتعلمنا منهم السيران المجنحه ولما الملك حور محب في مصر استخدم الختم الملكي والختم الملكي ده فكره عراقيه طيب ما هو حور محب دوله حديثه في مصرسي التاني دوله حديثه في مصر يبقى انا هختار هنا ج عصر الدوله الحديثه 24 رغم تطور حضرات را بلاد العراق القديم الا انها خلت من ايه يعني العراق ما كانش فيها ايه ما كانش فيها ايه ما كانش فيها توحيد الاله ما وحدوش الاله وده الاختلاف على فكره بين مصر والعراق في الحياه الدينيه مصر وحدت الاله لكن العراق لا لكن طبعا ما ينفعش اقول خلت من التواصل الحضاري لا خلت من الوحده السياسيه لا خلت من الصلاء طبعا هي العراق خلت اهو خلت يعني ما كانش فيها ما كانش فيها توحيد الهه 25 يستد دل على تاثر الحضاره المصريه بحضاره العراق يعني مصر هي اللي تاثرت بالعراق من خلال ايه بالبعث والخلود لا الامام بالبعث والخلود العراق هي اللي اتاثرت بمصر بناء المنشات المعماريه لا هم اللي اتعلموا مننا فكره الهرم المدرج تسجيل التراث التاريخي الثقافي لا لكن دي صح توثيق المراسيم الملكيه يعني ايه توثيق المراسيم الملكيه يعني الملك يستخدم ختم ويختم بيه القرار بتاعه عشان يتوثق طب ما ده اللي احنا اللي اتعلمناه من العراق حور محب خد فكره الختم الملكي من مين؟ من العراق يبقى احنا اتاثرنا بيهم في استخدام الاختام كلمه استخدام الاختام يعني توثيق المراسيم الملكيه هنا بقى جايب لي صوره لحدائق بابل المعلقه بيقول لي ليه اعتبروها من عجائب الدنيا السبعه ركز معايا الانتاج الزراعي الكتير مش حاجه واو يعني تخليها من عجائب الدنيا السبعه خالص ضخامه الاحجار هل عشان الاحجار ضخمه بقت من عجاب الدنيا السبعه لا طب ما في اهرامات خفرع ومنكورع احجارها ضخمه ومش من عجائب الدنيا السبعه خوفه بس اللي من عجائب الدنيا السبعه طب بص دي اعمها الدوريه المتاثره بالحضاره المصريه يعني هم لما يتاثروا بينا يبقوا هم من عجايب الدنيا السبعه يعني انت قلدت حد فتبقى انت اللي قلدت وانت اللي من عجايب الدنيا السبعه لا طبعا ولكن براعه التصميم الهندسي هي دي اللي تخليها من عجائب الدنيا السبعه 27 اي مما يلي تميز بارتفاع سطحها عن باقي حضارات العراق احنا قلنا ان احنا كلما بنطلع شمال العراق الارض بتعلى لان نهر دجله والفرات جايين من الشمال للجنوب والحته اللي بيجي منها النهر بتبقى هي الارض العاليه عشان النهر يجري فشمال العراق هو اللي عالي فمين بقى الدوله اللي سطحها مرتفع عن كل الدول الاشوريه لان الاشوريه في شمال العراق وشمال العراق اكث منطقه مرتفعه السطح 28 يمكن ان نستنتج ان المهنه اللي استفادت من التقويم الشمسي قلنا مليون مره ان التقويم الشمسي ده هو تقسيم السنه لشهور وايام وطالما قسمت السنه يبقى هقدر احدد المواسم الزراعيه اعرف احط البذر امتى وامتى هسقي الارض وامتى هلم المحصول يبقى التقييم الشمسي بيفيد جدا حرفه الزراعه 29 ساهمت البيئه الفيضيه البيئه الفيضيه الطينه نهر دجله والفراد ساعد على ايه؟ ماساعدش على التجاره البيئه الفيضيه ما تساعدش على التجاره ما تساعدش على النضج السياسي والسومريين اصلا ما وصلوش للنطج السياسي اساسا فجي دي غلط كلها النحت النحت مالوش دعوه بالبيئه الفيضيه النحت على الحجاره ولكن البيئه الفيضيه وفرت ادوات الكتابه ليه؟ لان من ادوات الكتابه ان هم كتبوا على الواح من الطين الطري والطين الطري ده من ادوات الكتابه والطين الطري بسبب البيئه الايه الفيضيه اللي بعده 30 ظهر تاثير العقيده الدينيه بشكل واضح في حياه سكان العراق ويستدل على ذلك من خلال ايه يعني ايه الدليل ان الدين اثر في حياه العراقيين انتشار معبوداتهم في البلاد المجاوره ولا امتداد حدود الد بص امتداد حدود الدوله للبحر المتوسط ده مالوش علاقه بالدين اهتمامهم بالحساب بعد الموت ماتذكرش عندنا في المنهج ان هم اهتموا باعمالهم بالحساب بعد الموت انتشار معبوداتهم في البلاد المجاوره هو عايز هنا ان الدين اثر في حياتهم هم مش في البلاد المجاوره طب بص دي مكانه احدى فئات الطبقه العليا الطبقه العليا فيها ايه فيها اعوان الملك وكبار رجال الدوله ومعاهم ايه ومعاهم رجال الدين فطالما رجال الدين في الطبقه العليا فده دليل على ان العراقيين اتاثروا بالدين وحطوا الكهنه اللي هم رجال الدين في الطبقه الايه في الطبقه العليا يدل تتويج الملك في الذاكورات في بلاد العراق على ايه الملك لما بيمسك الحكم بيحتفلوا بيه الاول جوه المعبد ده دليل على ايه سيطره الكهنه على الحكم لا الكهنه ما ما كانوش مسيطرين على الحكم الذاكورات مقر للحكم لا المعبد ما كانش مقر للحكم هو الملك كان بيتوج في المعبد بعد كده بيروح القصر بتاعه تواصل الديني مع مصر مالهاش علاقه بتتويج الملك ولكن تتويج الملك في الذكرات ده دليل على ان الدين متغلغل في حياتهم كلها حتى الملك لما بيتوج بيتوج داخل المعبد ده تاثير الدين عليه برده هنا جايب لي صوره حدائق باب المعلقه وبيقول لي تتشابه الصوره دي مع هرم سقاره في مصر في ان هم ايه لها اهميه اقتصاديه كبيره هرم مالوش اهميه اقتصاديه قيمه فنيه ومعماريه اه تنفع هرم مسقره قيمه فنيه ومعماريه وحدائق بابل قيمه فنيه ومعماريه دينيه وادبيه لا ما لهمش علاقه بالدين والادب ولا الثقافه والاجتماع هي رقم ب قيمه فنيه ومعماريه سواء هرم سقاره او حدائق بابل المعلقه 33 تميزت الحضاره السومريه في العراق بايه توسع الجغرافي لا ما توسع وسعوش ما حاربوش حد ولا توسعوا على حاجه قرار السياسي الواحد ما توحدوش سياسيا تعدد الجبهات الساحليه طالما ما توسعوش في الخارج ما كانش عندهم جبهات ساحليه كتيره ولكن تعدد المراكز الحضرايه هي اللي صح ليه ان السومريين كان عندهم ثلاث مدن سومر واور ولجش وجود ثلاث مدن ده معناه تعدد المدن او تعدد المراكز الحضريه زي ما قلنا قبل كده من مبادئ قوانين حمرابي معاقبه من يخطف الاطفال ويشهد زور ويجري عمليه جراحيه تؤدي الى وفاه المريض ومن يبني بيتا ثم ينهار نستدل ان هم كانوا عارفين علم ايه؟ عارفين علم الطب ليه؟ ان حمرابي قال لك انا هعاقب اي طبيب يعمل عمليه جراحيه تؤدي الى وفاه المريض ده معناه ان هو كان عايز يطور علم الطب وان الطب ده ما يكونش فيه غلطه 35 اسطوره الطوفان وقوانين حمرابي تدل على تاثرهم بايه ركز معايا اسطوره الطوفان اسطوره دينيه تاثر بالدين قوانين حمرابي قال لك انا بتلقى القوانين من الاله شمش اله الحكمه والعداله تاثر بالدين برض يبقى ده دليل على تاثرهم بالعقيده الايه الدينيه 36 سقطت الدوله الكلدانيه نتيجه تطلعات الدوله الفارسيه التوسعيه تجاه ايه؟ اه حلو ده دوله الكلدانيه سقطت بسبب ان الفرس عايزين يتوسعوا انهي جهه بص يا حبيبي الفرس جايين من شرق العراق طالما جايين من الشرق وماشيين كده يبقى هم عايزين يتوسعوا جهه ايه؟ جهه الغرب ما هو العراق شرق الفرس العراق غرب الفرس والفرس شرق العراقاني الفرس جايين من الشرق رايحين على ايه؟ على العراق يعني عايزين يتوسعوا جهه الغرب صح كده انا جاي من الشرق ورايح لك يبقى انت بالنسبه لي فين؟ غربي غرب دولتي غرب دوله الفرس يبقى تطلعات عاط الفرس ان هم يتوسعوا جهه الغرب لان زي ما الفرس شرق العراق فالعراق غرب الفرس هو طالب كده في السؤال ده سؤال حلو جدا 37 لكي تكون جميلا حافظ على جمال الاخرين مين الملك اللي ما عملش كده سنحريب انه خرب مدينه بابل عشان يعمر مدينه نينوه 38 حدد من خلال دراستك لحضاره العراق القديم مين البلد اللي تكلفه نقل البضائع اليها كانت اقل نقل البضايع من العراق للشام اقل تكلفه ليه؟ لان وقت طويل جدا في العراق كانت محتله الشام ومحتله الطريق اللي بين العراق والشام وبالتالي وانا رايح اتاجر مع الشام مش هدفع تكلفه نقل بضاعتي قليله لان ماشي في طريقي في ممتلكاتي عشان كده كانوا بيعتبروا ان التجاره بين العراق والشام تجاره داخليه مش خارجيه ما عدا السماريين والاكاديون دول ما احتلوش الشام فتجارتهم مع الشام كانت تجاره خارجيه لكن باقي دول العراق تجارتها مع الشام شام تجاره داخليه وتكلفه نقل بضاعتها للشام قليله هنا جايب لي احد القطع الاثريه لحضاره بلاد العراق القديم واحد واقف وماسك القوس والسهم فبيقول لي هنا الصوره المقابله مصدر تاريخي يمكن من خلاله التعرف على ايه مش هو ماسك قوس وسهم اه يبقى التعرف على الاسلحه طبعا الصوره ما فيهاش ابجديه ولا انشطه اقتصاديه ولا معتقدات دينيه اسلحه لان الصوره هنا واضحه انا شايفها كويس عندي ان هو ماسك ايه القوس والسهم القوس والسهم ايه اسلحه مستخدمه السؤال اللي بعده سؤال 40 تحرر العراقيون الدقه والعداله في التجاره بص يا سيدي العراقيين استخدموا في التجاره الاختام كانوا بيختموا المنتج بتاعهم والختم ده نوع من انواع الدقه واستخدموا المكاييل والاوزان والمكاييل والاوزان معناها ان هم بيوزنوا البضاعه وزن البضاعه عداله يبقى انا هختار هنا ايه؟ استخدام المكاييل والاختام 41 اهتم ملوك العراق القديم بالقوه العسكريه لتامين حدود بلادهم وبناء دوله عظيمه في ضوء العباره الخدمه العسكريه ايام حمورابي كانت ايه؟ حمورابي ده يا بابا دوله بابليه اولى الدوله البابليه الاولى طالما الموضوع ما دخلش في الدوله الاشوريه يبقى كده الخدمه العسكريه اجباري وقت الحرب فقط اجباري امتى؟ وقت الحرب فقط تطوعيه وقت الحرب لا عشان هي مش تطوعيه هي اجباري الزاميه طول العام لا عشان هي مش طول العام هي وقت الحرب عارف الزاميه طول العام دي امتى لما يقول الدوله الاشوريه لو كان قال لي فوق ا لو كان قال لي فوق الدوله الاشوريه كنت هختار ج لكن هو هنا بيقول لي حمورابي دوله بابليه اولى قاصره على المرتزقه لا هي الزاميه وقت الحرب اجباري وقت الحرب عشان هنا بيقول حمورابي دوله بابليه اولى لو كان طلب في سؤال دوله اشوريه كنا اخترنا ج اللي بعده تشابهت الحضاره المصريه مع الحضاره العراقيه في الكثير من السمات الا انه ما اختلفا يعني العراق شبه مصر في حاجات كتير بس مختلفين في ايه بعث الخلود لا ده تشابه نحت الحيوانات برؤوس بشريه تشابه مصر ناحته ابو الهول والعراق ناحت السيران المجنح استخدام الاختام تشابه لكن الاختلاف هنا في نظام ملكيه الارض الزراعيه الكيه الارض الزراعيه في مصر كانت الارض ملكيه عامه ملك الدوله او ملك الفرعون لكن ملكيه الارض الزراعيه في العراق كانت الارض ملكيه خاصه يعني ملك الافراد 43 الطبقه الاكثر نشاطا من الناحيه الاقتصاديه الطبقه الوسطى طبعا الطبقه الوسطى في العراق فيها الموظفين والتجار والصناعه يعني الاقتصاد كله بتاع العراق موجود في انهي طبقه الوسطى 44 زياده اعداد الطبقه الدنيا قلنا قبل كده الطبقه الدنيا كان فيهم اسرى الحروب فلما الحروب بتزيد فاسرى الحروب بيزيدوا فالطبقه الدنيا عددها بيزيد والحروب هنا اللي هي السياسه الايه؟ الخارجيه يبقى الاجابه ج نتائج السياسه الخارجيه للبلاد 45 الكتابه المسماليه تم اختراعها في بلاد الرافضين قديما نوعا من ايه؟ بص يا حبيب قلبي الكتابه المسمريه دي بتتكتب ازاي؟ قلم خشب بيكتب على ايه؟ بيكتب على الواح من الطين الطري فلما قلم خشب صلب ويكتب على طينه طريه فالكتابه هتحفر لجوه طالما هتحفر لجوه يبقى نوع من انواع النقوش الغائره سؤال حلو جايب لي هنا خريطه وبيقول لي استخدام الوثائق والسجلات المدونه بالكتابه المسماريه ظهر لاول مره في تاريخ العراق فين في المناطق شماليه شرقيه ولا شماليه غربيه ولا الفراط الاوسط ولا التقاء نهر دجله والفرات بص يا سيدي مين اللي اخترع الكتابه المسماريه السومريون سومريون اللي هم مدينه سومر واور ولاج اور ولاج هنا اهو صحي في الحته دي يبقى مش شماليه العراق اهي العراق اهي قول ولاج هنا اهم اللي اخترعوا الكتابه المسماريه مش شمال شرق ولا شمال غرب ولا الفرات الاوسط هي منطقه التقاء نهر دجله بنهر الفرات اهو بص معايا نهر دجله اهو جاي كده نهر الفرات جاي كده اتقابلوا مع بعض فين في النقطه اللي احنا علمنا عليها اور ولاجش صح يبقى منطقه منطقه التقاء نهر دجله والفرات هم دول السومريين سومر واور ولاجش هم اللي اخترعوا الكتابه المسماريه فالاجابه هنا هتبقى طبعا د خلي بالك من اسئله الخرايط مهمه جدا سؤال 47 يا شباب بيقول ادى تطاحن السومريين واشتعال الحروب فيما بينهم الى ايه؟ التنافس اللي بين سومر واورولاج ادى الى ايه؟ شوف ا كده بسط الاكاديون نفوذهم على جنوب العراق لما السومريين حاربوا بعض الدويلات السوماريه سقطت وده خلى الاكاديون الدوله الاكاديه هي اللي تسيطر عليهم وهم كانوا اصلا في جنوب العراق يبقى الاجابه دي صح مظبوطه لكن ده ما اداش لهجره الاكاديو لان الاكاديون كانوا مهاجرين من زمان تفكك السومريين وانفصالهم الى دبيلات منفصله هم كده اصلا كانوا متفككين قبل الحرب وما عملوش دوله موحده يبقى الاجابه عندي هتبقى ا بسط الاكاديميون نفوذهم على جنوب العراق الرابط التاريخي بين الحضاره الاشوريه والكلدانيه في بلاد الرافدين انهم من اصول ايه من اصول عربيه لان الاشوريين جايين من شبه الجزيره العربيه والكلدانيين برده جايين من شبه الجزيره العربيه 49 تميزت الدوله الاكاديه عن الدويلات السومريه الاكاديون توحدوا السومريون ما توحدوش صح يبقى تميزوا بالقرار السياسي الواحد تعددت الدروس المستفاده من احوال بلاد العراق تحت حكم الاشوريين ومنها ان النجاح يتحقق من خلال ايه فالاشوريين اخطاوا اخطاء استخدموا العنف واهملوا ثروات البلاد صح فالدرس المستفاد هنا بقى ان انا اجيب يا اما عكس العنف يا اما عكس اهمال ثروات البلاد فتامين حدود الدوله مالهاش علاقه الاهتمام بالجانب الديني مالهاش علاقه دي تمشي هم لما اهملوا ثروات البلاد فما حافظوش على التواصل الحضري تمشي بس دي الاقوى تطبيق مبدا المشاركه السياسيه يعني الاشوريين لو ما كانوشخدموا العنف وكانوا استخدموا الحكمه كانوا هيشاركوا الشعوب في الحكم فده درس مستفاد فالاجابه هنا د 51 نستنتج من سياسه حمورابي في العراق ان استقرار الدوله يرتبط بايه؟ حمورابي عشان يعمل دوله مستقره عمل ايه؟ اصدر قوانين صح يبقى تطبيق القانون واحترامه استخدام السلطه التشريعيه 52 اصبحت بلاد الرافضين بعد سقوط الدوله الكلدانيه ايه بعد سقوط الدوله الكلدانيه بلاد الرافدين احتلها الفرس صح فما بقتش دوله ديمقراطيه ولا مركز اقتصادي ولا مركز علم اصبحت مجل الصراعات بين القوى الخارجيه لان بعد سقوط الكلين جوم الفرس احتلوا العراق ثم الاسكندر الاكبر ثم السوليوكيون ثم الرومان ثم الفرس مره اخرى يبقى مجال للصراع بين القوى الخارجيه هنا بقى جايب لي جمله بيقول لي تعد الحضاره السماريه في العراق وحضاره مصر القديمه من اقدم الحضارات اللي ظهرت من حوالي 6000 سنه على شكل مجتمعات كبيره تمارس اكثر من حرفه يرجع اصدهار الحضارتين مصر والسومريين الى تشابه الى تشابهما تشابهما في ايه ان هم مصر والسوماليين يتشابهوا في ايه مش التحكم في طرق التجاره خالص تعدد مسطحاتهم المائيه لا استغلال الامثل للتربه الفيضيه اه مصر استغلت نهر النيل والسومريين استغلوا نهر دجله والفرات ومش دي هي الاجابه جاه 54 جايب لي صوره جايب لي صورتين اا والصورتين هنا في زراعه وهنا في حد ماسك ا اله في ايده تعال نقرا السؤال طيب توضح محتوى الصورتان اللاتان امامك احدى مظاهر الحضارات القديمه في العراق وفي مصر الفرعونيه الرابط المشترك بينهم ايه؟ دي صوره في مصر الفرعونيه حد راكب عربيه وقدامه بقره وفيها زي زراعه كده وهنا العراق وفي برده حيوان موجود هل تقديس الحيوانات؟ لا ده مش عباده للحيوانات خالص ولا الابداع الفني ولا النحت ولا الرسم ما اهو دي رسم ودي نحت فمش هينفع لا اختار لا النحت ولا الرسم عشان انا عايز وجه تشابه وجه التشابه هنا يبقى في الابداع الفني ان واضح ان في ابداع فني في الصورتين 55 الدوله الاكاديه والدوله الاشوريه والدوله البابليه الحديثه الثلاثه جايين من شبه الجزيره العربيه يبقى التشابه اللي بينهم في الاصل العرقي ان هم الثلاثه شعوب هجرت من منطقه شبه الجزيره العربيه 56 اي دول العراق الاتيه كانت الاسبق في اتساع حدودها حتى وصلت للبحر المتوسط مين اول حد في العراق وصل للبحر المتوسط حمورابي وحمورابي في انهي دوله حمورابي في الدوله البابليه القديمه المقالي بقى اي التاريخين صحه الاجاره اعتبرت التجاره مع بلاد الشام تجاره خارجيه تجاره خارجيه في عصر السومريين لان السومريون لو كانوا احتلوا الشام كانت هتبقى تجارتهم مع الشام تجاره داخليه هم ما احتلوش الشام فالتجاره هنا خارجيه هتقول له بقى الاجابه ايه لان السمريون لم يقوموا بتوسعات خارجيه وعدم احتلال بلاد الشام عشان كده تجارتهم مع الشام فضلت تجاره خارجيه وليست داخليه هنا 58 ما العلاقه بين شبه الجزيره وحضارات العراق هتقول الدوله الاكاديه في العراق والدوله الاشوريه في العراق والدوله الكلدانيه اللي هي البابليه الحديثه الثلاثه شعوب هجرت من شبه الجزيره العربيه 59 ما العلاقه بين النظام السياسي للمدن السماريه وتعدد الالهه سؤال حلو النظام السياسي للمدن السماريه هو نظام دويلات المدنظام دويلات المدن كان بيعتبر ان المعبود هو الحاكم الحقيقي للدوله فكلما تعددت المدن تعددت الايه الالهه فيصبح المعبود هو الحاكم الحقيقي للدوله فتعدد الالهه وتعدد المدن فكان لكل مدينه اله فلذلك اعتبروا ان المعبود او الاله هو الحاكم الحقيقي للدوله سؤال جميل جدا 60 حدد مصداقيه العباره عرفت العراق القديم الكتابه وتدوين الاحداث منذ عصر الدوله البابليه القديمه العباره خاطئه لان العراق عرفت الكتابه وتدوين الاحداث مش في الدوله البابليه القديمه الدويلات السماريه السماريين هم اللي اخترعوا الكتابه المسماريه 61 فسر نجاح الملك نبوغز نصر في تكوين امبراطوريه قويه حيث مد دولته من الخليج العربي حتى الشاطئ الشرقي للبحر المتوسط بسبب قوته العسكريه ما تقييمك لقوانين حمرابي لا التقييمات كتيره اقول له اول حاجه ان حمرابي في قوانينه اشرح القوانين الاول يعاقب من يشهد زور ويخطف اطفال ويسرق ويضرب اباه ويجري عمليه جراحيه تؤدي لوفاه المريض ويعاقب من يبني بيتا ثم ينهار فيموت احد بداخله شرحت القوانين قو لي بقى التقييم انه اهتم بالاخلاق وحقوق الانسان والاستقرار السياسي والعداله الاجتماعيه والطب والهندسه والعماره كل دي تقييمات لقوانين حمرابي استخرجناها من نص القانون نفسه 63 ما الدروس المستفاده من سك سقوط الدوله الاشهريه دايما سؤال الدروس المستفاده ده شوف هم عملوا ايه غلط وهات انت عكسه عملوا ايه غلط عنف واهمال ثروات يبقى الدرس المستفاد ايه استخدام الحكمه وليس العنف الاهتمام بالثروات وعدم اهمالها دروس المساده اعكس الخطا اللي حصل ما العلاقه بين الصناعه والزراعه هتقول له ان هم صنعوا الادوات الزراعيه التي يتم استخدامها في الزراعه ما العلاقه بين الدين والق القانون هتقول له ان حمرابي في القوانين بتاعته كان يتلقى سؤال 65 ما العلاقه بين الدين والقانون في حضاره العراق هنقول له ان الملك حمورابي عندما وضع القوانين كان يتلقى القوانين من الاله شمش اله الحكمه والعداله 66 اصبحت الخدمه العسكريه دائمه في عهد الاشوريين كيف استفاد سيرجن الثاني من ذلك لما خلى الخدمه العسكريه دائمه اصبح الجيش عنده جيش ايه اصبح الجيش قوي فقدر يسيطر على ايه؟ على مصر والشام. كده يا رجاله ويا بنات خلصنا حل تدريبات كتاب الامتحان على الدرس الاول درس حضاره العراق فلكل الطلبه اللي متابعانا ومعانا في السنتر احنا كده حلينا لحضرتك حل تدريبات اول درس من الكتاب الصغير اللي انت مستلمه مع باكدج الكتب ولطلاب مصر كلها احنا حلينا لك تدريبات اول درس من كتاب الامتحان كان معاكم المنقذ محمد ابو العله مدرس التاريخ للثانويه العامه والبكالوريا نشوفكم على خير ان شاء الله والسلام عليكم ورحمه الله وبركاته.