الدرس الأول علوم الصف السادس الابتدائي الخلية كنظام شرح وتدريبات هتفهم بيها وتحب المادة

السلام عليكم ورحمه الله وبركاته طلبه سته ابتدائي من كل انحاء الجمهوريه معاكم مستر احمد ابراهيم من القاهره برحب بيكم في عام دراسي جديد ان شاء الله يكون سهل عليكم كلكم بنبدا مع بعض النهارده ان شاء الله بدايه قويه جدا في المفهوم الاول مفهوم الخليه كنظام واللي هنطلع فيه رحله سوا ونعرف فيها اجسامنا بتتكون من ايه وكمان هنبتدي ان احنا نحل على الدرس طول ما احنا ماشيين كده فيه نسمي الله كده ونخش خش في الموضوع على طول لو احنا ماشيين سوا مع بعض وانا سالتكم الجدار ده بيتكون من ايه فهتقولوا لي الجدار ده يا مستر بيتكون من طوب مش محتاجه يعني يعني وحده بناء الجدار ده هي الطوب طيب احنا كده متفقين طب نخش كده على اللي بعده لو احنا دلوقتي شفنا الكائنات الحيه دي كلها الانسان والنمر والنبات وانا سالتكم دول بيتكونوا من ايه او ايه اللي بيبنيهم هتقول يا مستر احنا مش عارفين طيب انا هقول لكم اجسام الكائنات الحيه كلها بتتكون من حاجات صغيره كده خالص اسمها الخليه اللي هي دي تمام يبقى احنا كده نتفق مع بعض ان وحده بناء الكائنات الحيه كلها حاجه اسمها ايه الخليه تمام يبقى لو جه سالك قال لك ايه هي الخليه هتقول له دي وحده بناء الكائن الحي بس ركز معايا علشان الخليه دي فيها مشكله ايه المشكله يا مستر الخليه معظمها ما اقدرش اشوفه بالعين المجرده علشان كده محتاج ده ايه ده يا مستر ده جهاز اسمه الميكروسكوب الجهاز ده بيبقى جواه عدسه مكبره العدسه المكبره دي بتكبر لي الحاجات الصغيره زي الخليه طيب يا مستر انا كده تهت منك لا نراجع كده سوا مع بعض احنا كده عرفنا ان اجسام الكائنات الحيه بتتكون من حاجات صغيره كده خالص اسمها الخليه وهي دي موضوع الدرس س بتاعنا وعلشان نشوفها محتاجين حاجه كده اسمها ايه الميكروسكوب جواها عدسه مكبره بتكبر لي الحاجات ايه الصغيره تمام نكمل كده مع بعض هنعرف حاجه اسمها الخليه كوحده بناء عايزك تتخيل معايا ان انا جبت طوب لونه احمر فالجدار اللي انا هبنيه هيطلع لونه احمر ولو جبت طوب لونه ابيض الجدار اللي انا هبنيه هيطلع لونه ابيض طيب تعالى كده نبص على الانسان والنبات والخلايا اللي بتكونهم شايف الحاجات الصغيره اللي بيتكون منها جسم الانسان الخلايا بتاعته دي وشايف الخلايا بتاعه النبات عامله ازاي مختلفين في الشكل صح خلايا الانسان كده تحسها دائريه ومالهاش شكل محدد لكن خلايا النبات شايفين الشكل بتاعها كده منتظم ازاي يبقى كده الخلايا كوحده بناء بتبني الكائنات الحيه مش كلها زي بعض في خلايا انسان لها شكل معين وفي خلايا نبات ليها شكل تاني خالص يبقى الخليه كوحده بناء او الطوب اللي بيبني لي الجدار مش كله نفس الشكل بيختلف في الشكل يبقى وحده بناء الكائنات الحيه مختلفه في الشكل كمان يا جماعه بنلاقي حوالين الخلايا بتاعه النبات تركيب زياده كده بيغطيها من بره تمام التركيب ده اسمه الجدار الخلوي وهو اللي بيخليه لي وحده بناء النبات مختلفه عن الانسان في التركيب يبقى لو جه قال لك سؤال تختلف الخليه النباتيه عن الخليه الحيوانيه في ايه؟ اول حاجه بتختلف في الشكل شكلهم مش زي بعض ثاني حاجه بتختلف في التركيب لان هي زي ما قلنا عندها الجدار الخلوي تمام طيب الخليه دي يا مستر هتعمل لي ايه بس قبل ما نعرف هتعمل لي ايه نصلي كده على النبي ونراجع كده اللي احنا خدناه احنا كده عرفنا ان الخليه دي هي وحده بناء الكائن الحي ما اقدرش اشوفها علشان كده محتاجه الميكروسكوب الخلايا بتختلف في الشكل والتركيب طيب الخليه دي وظيفتها ايه او اهميتها ايه الخليه يا جماعه هي اصغر وحده اساسيه للحياه وهي المسؤوله عن جميع العمليات الحيويه يعني هي الاساسيه علشان يكون في حياه وبتعمل لها حاجه اسمها اسمها العمليات الحيويه. العمليات الحيويه دي عمليات ضروريه لحياه الكائن الحي. زي مثلا عندنا تعويض الخلايا التالفه. لما حد يتعور مين اللي هيعوض الخلايا وهيخلي الجرحشف يخلي الجرح يعني ايه يلم الخليه هي اللي هتعمل انقسامات وتخلي الجرح ايه يلم تعوض الخلايا اللي موجوده ايه التالفه كمان بتعمل حاجه اسمها التكاثر والتنفس والعمليات دي مهمه علشان الكائن الحي يكمل ايه ويعيش طيب هنعرف كده مع بعض ان مش حجم الخلايا كله واحد الخلايا عندنا بتبقى مختلفه في الحجم طيب خلينا كده متفقين ان معظم الخلايا ما بقدرش اشوفها بعيني المجرده يعني عيني كده لوحدها طيب نكمل كده مع بعض عندنا كائنات عديده الخليه يعني اجسامها بتتكون من خلايا كتير وكائنات وحيده الخليه اجسامها بتتكون من خليه واحده طيب نشوف حجم دي وحجم دي في خلايا الحيوان اللي موجوده هنا وخلايا النبات طولها بيبقى من خ من لحد 0.1 ملم يعني صغيره جدا عارف المليتر ده قد ايه؟ لو انت جبت المسطره عندك وشفت ما بين السنتي هتلاقي في شرط صغيره كده ده الملي لو انت قسمت الملي ده 10 اجزاء كده انت بقى معاك 0.1 0.1 ملي يبقى خلايا الكائنات العديده زي الحيوان وخلايا النبات طولها بيتراوح من خ لحد 0.1 ملم طيب خلايا كائن وحيد الخليه زي البكتيريا بتكون اصغر من كده كمان يعني صغيره جدا تمام احنا بقى يا جماعه عينينا ما بتشوفش الحاجات اللي طولها اصغر من 0.1 0.1 ملم طيب هل في خلايا اقدر ان انا اشوفها بعيني؟ عندنا بيضه الطائر غير المخصبه البيضه دي بتبقى جواها خليه اقدر ان انا اشوفها بعيني يبقى انت كده لو جه قال لك سؤال صح وغلط معظم الخلايا لا ترى بالعين المجرده هتقول له صح طب لو جه قال لك كل الخلايا لا ترى بالعين المجرده هتقول له غلط ده احنا عندنا بيضه الطائر فيها خليه اقدر ان ان انا اشوفها بعيني طيب بعد كده عندنا حاجه اسمها عدد الخلايا هل عدد الخلايا هنوقف بس عشان بتاع الانابيب اللي بيضرب ده ونكمل بعد بتاع الانابيب نكمل كده مع بعض سوا يا جماعه عندنا حاجه اسمها عدد الخلايا ايه يا مستر عدد الخلايا ده عدد الخلايا في الكائن الحي عندنا بيعتمد على حاجتين نوع الكائن ومرحله النمو بتاعته يعني ايه الكلام ده يا مستر طيب انا عايزك تتخيل معايا ان احنا شايفين جدارين جدار كبير وجدار صغير وانا سالتكم انهي الجدار هنا اللي فيه عدد خلايا اكبر فهتقولوا لي الجدار الاكبر طيب لو احنا شفنا دلوقتي الشكل ده عندنا دلوقتي فيل وعندنا فار ده كائن من نوع وده كائن نوع ثاني ايه خالص تفتكروا مين اللي عدد الخليه فيه اكبر فواحد شاطر يقول لي يا مستر الفيل شايفين نوع الكائن او عدد الخلايا اعتمد على نوع الكائن ازاي طيب نفس الكلام هنا في مرحله النمو يا يا جماعه كل لما الانسان او النبات بيكبر عدد الخلايا بتاعته بتزيد شايفين الخليه الواحده عملت لنا اثنين والاثنين عملوا لنا اربعه كل لما الخلايا عددها بيزيد مرحله النمو عماله ايه تزداد هي كمان شايفين الطفل الصغير والرجل ايه او الانسان البالغ كل لما يكبر عدد الخلايا عنده يزيد لحد ما يوصل لحد 40 ترليون خليه تقريبا ونفس الكلام في النبات كل لما يكبر عدد الخلايا عنده عماله بتزيد يبقى كده عدد الخلايا بيعتمد على حاجتين نوع الكائن ومرحله النمو بتاعته طيب لو جاب لك سؤال صح وغلط وقال لك عدد الخلايا في الانسان البارد من 40 ترليون خليه تقريبا هتقول له صح نكمل كده مع بعض عندنا حاجه اسمها صفات الخليه كل الخليه يا جماعه عندها تركيب اسمه الغشاء شااء الخلوي تمام ايه يا مستر الغشاء الخلوي ده غشاء رقيق موجود كده حوالين الخليه اللي انا عمال اعلم لك عليه ده اللي هو موجود هنا في الرسمه باللون اللبني كمان يا جماعه عندنا كده بشكل عام الخلايا بيبقى جواها حاجه اسمها النواه وكمان اللي من جوه ده كله اسمه سيتوبلازم تمام يبقى احنا كده نتفق مع بعض ان كل الخلايا فيها الغشاء ده اللي هو اسمه غشاء خلو دي عندنا كده رسمه لخليه حيوان طيب بالنسبه للنبات شايفين النبات من جوه اهو عنده الغشاء الخلوي برض اللي انا بعلم لك عليه ده طيب النبات بقى في حاجه زياده بس هنشوفها على الرسمه هنا يا جماعه ادي الغشاء الخلوي اهو من جوه بس النبات عنده تركيب زياده كده من بره اسمه الجدار خلينا نعمله كده بلون تاني شايفين اللي باللون البرتقاني ده او نرسمه كده باللون الازرق من بره كده ده اسمه الجدار الخلوي يبقى لو جا قال لك تختلف خلايا الحيوان عن خلايا النبات هتقول له ايوه فعلا لان خلايا النبات عندها من بره جدار خلوي الخلايا عندنا يا جماعه بتختلف في الشكل بتاعها على حسب الوظيفه اللي بتعملها شايفين عندنا الخليه العصبيه مختلفه عن الخليه العضليه في الشكل اخر حاجه يا جماعه عندنا ان خلايا في خلايا مش كل الخلايا بيبقى فيها نواه في عندنا خلايا زي خلايا الدم الحمراء ما فيهاش نواه الخلايا دي اول لما بتتكون بيبقى جواها نواه بس لما بتوصل لمرحله النضج ما بيبقاش فيها نواه تمام يبقى لو جه قال لك كل الخلايا تحتوي على نواه هتقول له غلط احنا عندنا خلايا الدم الحمراء دي ما فيهاش نواه بعد كده عندنا حاجه اسمها احتياجات الخليه الخليه يا جماعه هي وحده بناء الكائن الحي فاحتياجاتنا احنا شبه احتياجات الخليه بالضبط بالظبط وتعالوا كده برده نشوفها مع بعض عندنا الخلايا بتحتاج للغذاء اللي هو العناصر الغذائيه والاكسجين عشان تحصل على الطاقه وبتحتاج للميه زينا بالظبط طيب ربنا قال اعوذ بالله من الشيطان الرجيم وجعلنا من الماء كل شيء حي الخلايا عندنا محتاجه الميه ليه الخلايا محتاجه الميه علشان تقدر تعمل العمليات الحيويه وكمان ما تجفش وتموت اخر حاجه الخلايا بتحتاج ان هي تتخلص من ايه الفضلات نكمل كده مع بعض عندنا حوالين الخليه من بره في حاجه اسمها غشاء الخليه غشاء الخليه ده ليه وظيفه ان هو بيعمل حاجه اسمها توازن الميه في الخليه يعني ايه الكلام ده يا مستر يعني بيحافظ على الميه من انها ما تقلش او ما تزيدش فالخليه تمتلئ وتنفجر طيب نشوفها كده مع بعض لو الميه قليله الغشاء الخلوي ده يسمح بدخول الماء ولو الميه ميه كتيره الغشاء الخلوي ده او غشاء الخليه يسمح بخروج الماء عشان كده لو جاب لك سؤال علل يساعد غشاء الخليه على حفظ توازن الميه في الخليه هتقول له لانه يسمح بدخول الماء وخروج الزائد منه طيب لو جه قال ايه اللي هيحصل لو الميه ما خرجتش من الخليه؟ ايه اللي هيحصل؟ تفتكر الميه هتفضل جوه عماله تتراكم وتزيد لحد ما الخليه تنفجر يبقى تقول له ستمتلئ الخليه وتنفجر. تمام؟ اخر حاجه عندنا يا جماعه كده ندردش فيها سوا حاجه اسمها النظام. ايه النظام ده؟ النظام او امتى اقدر اقول على الحاجه اللي قصادي نظام؟ طيب النظام ده يا جماعه مجموعه من العناصر اللي بتتحد مع بعض علشان تعمل لنا وظيفه معينه زي ايه مثلا؟ زي التليفون ده التليفون ده بيتكون مثلا من الكاميرا من الفلاش من البطاريه من الشاشه كل الحاجات دي عناصر العناصر دي بتتحد مع بعض علشان تعمل لنا وظيفه التليفون طيب انا كده اقدر اقول على التليفون ده نظام لان هو مجموعه من العناصر تتحد مع بعضها علشان تعمل لي وظيفه معينه. طب هل اقدر اقول على جسم الكائن الحي نظام؟ ايوه جسم الكائن الحي نظام كبير جدا بيتكون من مجموعه من العناصر اللي هي الاجهزه زي مثلا الجهاز الهضبي مسؤول عن الهضم زي الجهاز العصبي بيتحكم في الجسم كله زي الجهاز التنفسي يعمل لي التنفس كل الاجهزه دي بتعمل لي وظيفه كبيره جدا اللي هي حياه الكائن الحي او الكيائن الحي اللي موجود هنا خلي بالك ان جسم الانسان عباره عن نظام كبير طيب الاجهزه اللي بيتكون منها جسم الانسان عباره عن نظام فرعي اصغر يعني برده الاجهزه اللي بيتكون منها جسم الانسان عباره عن نظام ليه؟ لانها بتتكون برده من مجموعه من الاجزاء الجهاز الهضمي مثلا بيتكون من المعده والامعاء الدقيقه والامعاء الغليظه بيتكون من مجموعه برده من العناصر اللي بتعمل لي وظيفه معينه اللي هي هضم ايه الطعام الاجهزه دي بتتكون من حاجه كمان اللي هي ايه الاعضاء والاعضاء دي بتتكون تكون من حاجه اسمها الانسجه ايه يا مستر الانسجه دي؟ الانسجه عباره عن مجموعه من الخلايا المتشابهه في الشكل والوظيفه اللي بتعمل لي النسيج يبقى احنا كده عندنا جسم الانسان نظام كبير بيتكون من انظمه فرعيه اصغر والانظمه دي بتتكون من انظمه اصغر فاصغر فاصغر طيب لو جه سالك سؤال قال لك يعتبر الجهاز الهضمي نظاما فرعيا في جسم الانسان هتقول له صح؟ تمام كده انا خلصت لو عجبك الفيديو سيب لي كومنت جميل وان شاء الله هعمل لكم فيديو مراجعه وحل