الدرس الاول علوم مفهوم ‪الماء كأهم الموارد الطبيعية علي سطح الارض الصف الخامس الابتدائي ترم تاني 2026

سلام عليكم ازيكم يا سنه خامسه يا رب تكونوا بخير يا اد انا بحبكم جدا انا قلت اصارحكم في بدايه الفيديو ده ان انا بحبكم جدا ربنا يحفظكم ويبارك فيكم هناخد النهارده الدرس الاول في المفهوم الثاني بعد الحمد لله رب العالمين ما خلصنا المفهوم الاول وكمان راجعناه لازم تكون خلصت المفهوم الاول وراجعته عشان تكون مستعد لامتحان الشهر يلا بينا نبدا في الدرس الاول من المفهوم الثاني اللي بعنوان الماء كاهم المصادر الطبيعيه على سطح عايز اديك بشرى حلوه ان المفهوم ده رائع جدا وبسيط واسئلته حلوه وسهله في البدايه كده يا اد عاوزين نعرف يعني ايه موارد طبيعيه من اسمها حاجه بناخدها من الطبيعه زي مثلا يا اد المعادن طبعا المعادن دي بنجيبها من الصخور اللي بتكون الارض وكمان الماء ولما نيجي نتكلم عن الماء فاحنا هنا بنتكلم عن اهم الموارد الطبيعيه طبعا ما فيش حياه يا ولاد من غير الميه طب لو حبينا نحط تعريف بسيط كده للموارد الطبيعيه طب ما احنا قلنا الحاجات اللي احنا بنجيبها من الايه؟ من الطبيعه الموارد الطبيعيه هي الاشياء التي نحصل عليها من الطبيعه بيكتب المصطلح العلمي في الامتحان الاشياء التي نحصل عليها من الطبيعه الموارد الطبيعيه خلاص وقلت لك عليها امثله بسيطه جدا زي المعادن وزي الماء المعادن دي يا اد زي ايه ماما كده ربنا يحفظها ممكن تلاقي في ايديها خاتم ده بيكون من الدهب بابا ممكن تلاقيه لابس كده دبله بسيطه تلاقيها من الفضه الحديد المغنيسيوم الصوديوم عناصر كلها هتدرسها ان شاء الله باذن الله في اولى اعدادي او في المرحله الاعداديه عموما يعني والمعادن دي يا اد بتكون بتكون الصخور مكونه للصخور الصخور اللي بتكون الارض بتتكون من المعادن دي واحنا عموما بناخد الكلام ده اصلا من الصخور نحفر في الصخور كده لحد ما ناخدها والماء الماء ده يا جماعه هو اهم الموارد هو بيقول لك من اهم الموارد الطبيعيه لا انا شايف ان الماء هو اهم مورد طبيعي على سطح الارض وعشان كده الراجل سمى المفهوم كده الماء كاهم الموارد هو من اهم الموارد اه بس هو اهم واحد ما فيش حاجه يا اد من غير الغلاف المائي طبعا عايز اقول لك ان السؤال ممكن يجي في الامتحان بطريقه بسيطه يقول لك اكمل تتعدد وتتنوع المصادر الطبيعيه على سطح الارض ومن امثلتها ما هي المصادر او الموارد الطبيعيه زي المعادن وزي الميه تبدا تديله امثله المعادن مثل الذهب والفضه والالومنيوم لكن الماء بيعد من اهم الموارد الطبيعيه على سطح الارض نعم ربنا سبحانه وتعالى علينا كتيره جدا يا اد زي ما قلنا مثلا المعادن والميه والماء ده يعني نعمه كبيره وعظيمه جدا اي استخدام خاطئ لينا لاي نعمه من نعم ربنا سبحانه وتعالى علينا قد يؤدي الى نفاذها طبعا فممكن يجي سؤال في الامتحان يقول لك صح ام خطا قد يؤدي سوء استخدام الموارد الطبيعيه الى نفدها طبعا صح هيجي واحد يقول لي وطبعا ده طالب بيفكر يقول لي يا مستر بعد اذنك انت بتقول لنا ان الماء مورد طبيعي والماء انت قايل لنا قبل كده انه بيعاد تدويره سؤال ذكي يا جماعه طالب ذكي جدا بيسال بيقول لي الماء انت قلت لنا قبل كده انه بيعاد تدويره يعني الماء مش هيخلص ده بمعنى اصح يعني ايوه طبعا الماء مش هيخلص لانه ماشي في دوره طب ازاي سوء استخدامنا للميه هيؤدي الى نفدها هي هتروح فين مش هي موجوده سؤال رائع وجميل الفكره بس يا جماعه ان احنا عشان نوفر ميه صالحه للشرب والزراعه ده بياخد وقت ومجهود فاستخدامنا للماء العزب بكثره وبدون حكمه ده بيؤدي الى تقليل كميه الميه المتاحه للشرب والزراعه لحد ما نبدا احنا نوفر فنفادها يعني نفاد كميه الماء الصالح للشرب والزراعه اللي احنا مجهزينه على اما نجهز غيره لان احنا مش بناخد الماء من الطبيعه نشربه على طول ونزل يزرع بيه على طول لا لازم يكون ماء صالح للشرب والزراعه ده بس لو كان في طالب ذكي كان سال السؤال ده لكن نرجع لحصتنا هل يؤدي سوء الاستخدام بتاع الموارد الطبيعيه الى نفدها؟ طبعا طب ما احنا مش عايزينها تنفد احنا مش من مصلحتنا انها تنفد طب نعمل ايه؟ لازم نحافظ عليها يجي الراجل في الامتحان يقول لك اذكر طرق الحفاظ على الموارد الطبيعيه احنا عندنا موارد طبيعيه دلوقتي يا اد في الطبيعه نعمل ايه علشان ان احنا نقدر نحافظ عليها وتفضل موجوده معانا لاطول فتره ممكنه؟ بص يا بطل اول حاجه تعملها انك تعمل على ترشيد الاستهلاك يعني ايه ترشيد الاستهلاك؟ تستخدمها عند الحاجه يا جماعه انا مش عايز الولد يحفظ الكلمتين وخلاص مش عايز ابني اقول له تعال حبيبي اذكر طرق الحفاظ على الموارد الطبيعيه فيقول لي ترشيد الاستهلاك حيث تك تك تك تك لا انا عايز اقول لابني تعالى اول حاجه نعمل على ترشيد استهلاك الموارد الطبيعيه فابني يسالني يقول لي يعني ايه ترشيد الاستهلاك نقول له نستخدمها وقت ما نحتاجها فقط ما نسيبهاش كده على طول فمثلا واحنا واقفين نغسل ايدينا يا ولاد طبعا كلنا بعد الاكل بنحمد ربنا سبحانه وتعالى ونروح على الحوض نغسل ايدينا في ناس بتفتح الحنفيه وتسيبها شغاله والميه تنزل وهو عمال يغسل ايده بالصابون طب والميه اللي بتنزل دي ما هو ده كده عدم ترشيد فانت حضرتك تعمل ايه تفتح الحنفيه وبعدين تنزل شويه ميه وبعدين تقفلها تاني تغسل ايدك كويس بالصابون وبعدين ترجع تفتح العنفيه تنزل الميه وتغسل ايديك من الصابون وتقفل تاني ده اسمه ترشيد استهلاك ما تسيبش الحنفيه شغاله على طول وانت بتغسل ايديك وكذلك بقى قيس على كده بقى وقت الاستحمام وايا كان بقى بتستخدم الميه في ايه فاول حاجه يا حبيب قلبي ترشيد الاستهلاك لو عايز تحافظ على الموارد الطبيعيه اعمل على ترشيد الاستهلاك زي تقليل استهلاك المياه عند غسل اليدين اني حاجه ممكن تعملها انك تعمل على صيانتها انت عامل كرسي من الخشب جميل جميل الكورس ده يا حبيبي جه وحصل فيه اي كسر او حاجه ايه المشكله ان اخد الكرسي ده اروح اصلحه لازم اروح اشتري واحد جديد وارمي ده لا انا اعمل على صيانتها بدلا من التخلص منها خلاص صيانه الموارد الطبيعيه احد طرق الحفاظ عليها كمثال اصلاح الاشياء بعد اا يعني ما يحصل فيها اي كسر بدلا من التخلص منها كاصلاح الكراسي الخشبيه مثلا اعاده التدوير كلنا طبعا بنشرب الميه والحاجه اللي احنا بنقول عليها الحاجه الساقعه بنشربها في ازايز من البلاستيك نشرب ونرمي البلاستيك ده طب ليه ترمي البلاستيك طب ما تعيد تدويره دخ الصناعه ثاني وعيد تدويره واستخدمه ثاني فبالتالي انت كده بتحافظ على الموارد الطبيعيه بتاعتك عن طريق اعاده تدويرها مثال جمع الزجاجات البلاستيكيه او الزجاجات اي زجاجات عموما لاعاده تصنيعها بدل ما ترميها في البحار وتعمل لك تلوث بالمخلفات البلاستيكيه فاذكر طرق الحفاظ على الموارد الطبيعيه في الامتحان هنقول ايه اولا ترشيد الاستهلاك ثانيا صيانتها ثالثا اعاده تدويرها ويا ريت يا ريت ترفق المثال تحت كل حاجه في عندنا سؤال رائع وانا بعتبره اهم سؤال في الدرس الاول والسؤال قدامك اهو وده سؤال مقالي بالدرجه الاولى طيب لماذا يعتبر الماء اهم الموارد الطبيعيه على سطح الارض ليه ما ما فيش حياه من غير الميه يا ولاد اول حاجه كده لازم نقول له ان الماء هو اساس البقاء واساس البقاء ده يعني اساس نمو كائنات الحيه جسم الكائن الحي ما ينفعش يحصل فيه نمو الا لما يبقى في ميه متاحه لان اولا الماء هو اساس بقاء ونمو الكائنات الحيه حيث تعال بقى ما افهمك الجملتين دول الماء بيحافظ على درجه حراره اجسام الكائنات الحيه طب ازاي هقول لك بس في الخلاصه كده لان مش مطلوب منك اصلا جسم الانسان يا اد لاث ارباعه ميه لاث ارباع جسم الانسان اهو ثلاث ارباع جسم الانسان ها ماء الماء ده يا اد بصوا كده بيكتسب الحراره ببطء ويفقدها ببطء الميه ربنا سبحانه وتعالى خالق الميه كده يعني انت لو جيت تسخن الميه هتكتسب الحراره ببطء مش هتسخن على طول وبتفقدها ببطء لو انت سبت شويه ميه سخنين من على البوتاجاز كده يبردوا هياخدوا وقت على اما يبردوا عشان كده الميه اللي في جسمك لو درجه درجه الحراره بره اتغيرت بقت حر قوي او الدنيا بارده قوي درجه الحراره جوه جسمك مش بتتغير بسرعه عشان الماء بيفقد الحراره ببطء وبيكتسبها ببطء وجود الميه جوه جسمنا بيحافظ على درجه حراره الجسم بتاعنا ما بيخليهاش تتغير فجاه ما بيخليهاش مثلا لو الجو حر بره ما بيخليش مثلا ايه جسمنا يكون حر كده من جوه مثلا او درجه حرارته عاليه والعكس وجود الميه في جسمنا هو اللي بيحافظ على درجه الحراره بتاعتنا طبعا وده شيء مهم جدا يحافظ على درجه حراره اجسام الكائنات الحيه كمان لسه قيل لك الملحوظ اهو كما ان الماء يشكل اكثر كمان احنا بنقول ان الماء بيشكل ثلاث ارباع لا ده الماء بيشكل اكت من ثلاث ارباع جسم الانسان كمان يا اد احنا عندنا الاسماك بكل انواعها بقى والطحالب مثلا كل الكلام ده والخ الخ الخ كل كل ده بيعيش في الميه فالماء هو موطن طبيعي لكائنات حيه انت بتحتاجها اصلا بعد كده كلنا بنحتاج الاسماك ده مصدر غذاء لينا خلاص فبالتالي الماء موطن طبيعي للعديد من الكائنات الحيه اللي بتفيد الانسان بعد كده السؤال ده يا جماعه رائع جدا ومن الاسئله المهمه الماء بيبقى في منه ماء مالح وماء عزب طبعا احنا عارفين ان الماء موجود عندنا على الارض بيبقى في صوره ماء مالح او ماء عزب صح وعارفين طبعا ان الماء المالح بيبقى كميته اكبر من الماء العزب وعرفنا النسبه طبعا 96.5% مقابل 3.5% نص% ماء عزب لذلك عندنا مسطحات مائيه او مصادر مياه مالحه وعندنا مصادر مياه عزبه تعالوا نتكلم يا اد عن المياه العزبه يعني ايه ميه عازبه حد عارف كلنا بنروح نفتح الثلاجه بتاعتنا وبعدين طبعا بعد ما نحمد ربنا سبحانه وتعالى بنفتح كده ونجيب الميه اللي هي صالحه للشرب عايز اقول لك حاجه نتفق عليها اي ميه انت تقدر تشربها تقدر تديها للنبات يشربها مش يشربها اللي هو يشربها لا تقدر تديها للنبات يعمل بيها عمليه البناء الضوئي يعني اللي انت بتشربه تقدر تزرع بيه فالماء الصالح للشرب صالح للزراعه طب لو في ماء مش صالح للشرب ما تلاقيهوش صالح الزراعه بنسبه كبيره خلاص خصوصا لو كان مالح فالماء العزب ماء صالح للشرب والزراعه طب احنا ممكن نلاقي الميه العازبه دي فين لا ده احنا واخدين الكلام ده قبل كده نهر النيل مثلا فالانهار اول حاجه الانهار الجليديه الماء اللي بيبقى مثلج ده ماء اولاد عزب اللي اللي هو الماء الانهار الجليديه الامطار قبل ما تبدا تختلط باي حاجه في الجو ميه عزبه جداول الميه ما احنا واخدينها ماء عزب بارد ومتدفق معظم البحيرات طبعا زي بحيره الواد ناصر العسل الجميل زي ما احنا قلنا قبل كده بحيره نناصر في مصر خلاص وعندنا البرك طبعا البرك ماء عزب والمياه الجوفيه طبعا الماء الجوفي ده يا ولاد ماء عزب موجود بكميات كبيره على فكره فانا عايزك تعرف خصائص الميه العزبه وتعرف كمان موجوده فين هي ماء صالح للشرب والزراعه موجود في الانهار في الانهار الجليديه كمان الامطار الميه بتاعتها عبه جداول الميه البرج المياه الجوفيه معظم البحيرات الميه المالحه اذا ذكرت الميه المالحه ذكر البحر والمحيط يبقى البحر اهو والمحيط على طول ليه بقى دول يا جماعه مسطحات مائيه كبيره جدا من الميه المالحه اذا ذكرت الميه المالحه ذكر البحر والمحيط وضيف معاهم شويه خلجان كده يبقى خصائصها ميه غير صالحه للشرب لا للشرب ولا حتى للزراعه بنجيبها منين الميه المالحه دي واللي هي نسبتها كبيره بنجيبها من البحار والمحيطات لسه بقول لك اذا ذكرت المايه المالحه ذكر البحر والمحيط فيقول لك من مصادر المايه المالحه في الامتحان نقط ونقط ونقط بحر محيط خليج اللي احنا بنسميه او بنجمعه في كلمه اسمها خلجان الميه بتاعتها بتبقى ميه مالحه برده هل ماء له استخدامات طبعا ده الماء ده له استخدامات كتير جدا طب ما تيجي كده نتكلم عن استخدامات الميه لما اقف اسالك في الفصل اقول لك يا باشمهندس بعد اذنك ممكن تقول لي استخدامات الميه ايه فانت لازم تقف تقول لي كواحد بيذاكر كويس تقول لي يا مستر طب بعد اذنك انت عايزني اقول لك استخدامات انهي ميه الميه العازبه ولا الميه المالحه والعازبه اصل دي ليها استخدامات ودي ليها استخدامات واستخدامات الميه العازبه بستخدمها في حاجات ما اقدرش استخدم ميه مالحه مكانها فمثلا الشرب احنا بنستخدم في الشرب ميه عزبه ما نقدرش نشرب ميه مالحه يا اد ليه؟ لان جسمنا ما بيقدرش يتعامل مع الملوحه الشديده بتاعتها لذلك لو احنا مثلا بنصيف ولا حاجه وبعدين بلعنا شويه ميه ملحين تلاقينا ايه انا اسف في اللفظ عايزين عايزين نرجعهم ثاني ليه لان جسمنا مش بيقبل الميه المالحه الا بكميات بسيطه طبعا ما احنا اوقات بنشرب ميه بمالحه عادي المزروعات يا اد يعني الزراعه خلاص فاللي انت تقدر تشربه تقدر تزرع بيه الميه العزبه يا اد بنستخدمها في توليد الكهرباء من الانهار عندنا في نهر النيل عندنا السد العالي صح السد العالي ده ايه ميه عازبه فنقدر نولد منه الكهرباء عن طريق التوربينات فدي كده استخدامات المايه العزبه المايه العزبه بتستخدم في الشرب والزراعه ري المزروعات وتوليد الكهرباء بنولد الكهرباء دايما يا اد من الماء العزب المتدفق في الانهار اعرف الكلمه دي كويس تمام طيب فتستخدم المياه سواء كانت عازبه او مالحه في مجالات متعدده زي مين؟ زي المايه العازبه كده بتستخدم في مجال الشرب وراي المزروعات وتوليد الطاقه الكهربيه لكن الماء العزب والمالح الاثنين بنستخدمهم يا اد في التنقل السفر عبر السفن ممكن نعمل سفن عادي جدا تمشي في الميه العزبه وتمشي في الميه المالحه وتنقل لنا الناس والبضائع خلاص ونقل البضائع اهو قصيد الاسماك ملحوظه ليك انت بس عشان انت كتكوترا رائع وبتذاكر كويس قوي السفر عبر الماء المالح افضل من الماء العزب ليه طيب؟ لان الماء المالح يا اد لما تكبر هتعرف يعني بيشيل السفينه اكت كثافه الميه المالحه عاليه فبيشيل السفينه اكت فبتلاقي السفينه ماشيه في الميه المالحه ايه متش عارف لما يكون حد قوي شايلك احسن ما يكون حد ضعيف وشايلك فانت القوي ده ما بتبقاش خايف انك تقع انما الضعيف ده انا وحظي بقى فاهم طبعا بس كل حاجه ببقى ليها احتياطاتها يعني استخدامات الماء مهمه جدا بس خلي بالك هو بيسالك عن استخدامات الماء مين العزب فقط ولا العزب والمالح ده شيء رائع جدا وحصه سهله وبسيطه وانا متاكد انها هتعجبكم جدا لانها فعلا بسيطه سؤال بسيط يا اد بيقوللك علل يعتبر الماء العزب موردا سمينا لا يستطيع الانسان البقاء بدونه ما هو الانسان ده يا جماعه بيعمل ايه بيشرب وبيزرع صح؟ والاثنين دول لازمين طبعا الاولانيه الشرب ده مهم جدا للبقاء هو النمو والزراعه مهمه جدا عشان ياكل عشان يوفر لنفسه اكله ويبقى عنده طاقه فالانسان ما يقدرش يفضل طبعا من غير الماء العزب اللي بيستخدم في الشرب والزراعه فنقول له لان الماء ده طبعا او الماء العزب بيستخدم في الشرب وراي المزروعات والصناعه وكمان توليد الكهرباء يعني ضيف على دول بقى الحاجات اللي هو فعلا ما يقدرش يعيش من غيرها دلوقتي اللي هي الصناعه حد يقدر يعيش من غير صناعه المنتجات اللي احنا بناكلها والاجهزه اللي احنا عايشين بيها ما نقدرش نتكاف دلوقتي من غيرها الحقيقه للاسف بسبب التغير المناخي وتوليد الكهرباء مين يقدر يعيش من غير الكهرباء كلنا واحد يقول طبعا ما احنا ممكن نعيش من غير الكهرباء عادي مش هنموت ايوه مش هتموت بس هتبقى حياتك اصعب للدرجه اللي تخليك كانك مش عايش لان ما تاقلمناش على عدم وجودها تمام طيب عندنا حاجه اسمها المسطحات المائيه المسطحات المائيه حد فاكر تعريف في المسطح المائي مكان بيتجمع فيه الميه زي التجمع المسطح المائي ما هو الا تجمع مائي مناطق على سطح الارض يتجمع فيها الماء اسمها المسطحات المائيه كنا قلنا ان من ضمن المسطحات المائيه دي في عندنا مسطحات مائيه للماء العزب ومسطحات مائيه للماء المالح فاكر تعالوا في البدايه كده في النشاط ده نركز على المسطحات المائيه للماء العزب وهنا بقى لازم ننتبه يا جماعه الاربعه اللي هنتكلم فيهم مليين الامتحانات اوعى تنسى ان احنا جايين نتكلم عن المسطحات المائيه اللي فيها ميه عازبه زي النهر وزي البحيره فتقف تقول لي بعد اذنك يا مستر احنا مش خدناهم قبل كده لما انت تقول لي كده اعرف انك شطور وعسول وبتذاكر وبرافو عليك خدناهم قبل كده فعلا فالنهر والبحيره درسناهم وهم نفس التعريفات بس احنا جايين نتكلم عنهم بشكل مفصل شويه اول حاجه كده جمله بتيجي في الاكمل دايما بالنسبه للنهر تبدا نقطه انطلاق النهر منين؟ من منطقه مرتفعه من منطقه مرتفعه مرتفعه خلاص زي مين؟ زي الجبال فبنقول له تبدا نقطه انطلاق النهر من الجبال من فوق على اساس ان الجبال منطقه مرتفعه خلاص ممكن تبقى هضبه عاليه برده زي هضبه الحبشه كده اللي بيجي منها نهر النيل بتاعنا بس عايز اقول لك ان النهر بيبدا التدفق بتاعه من منطقه مرتفعه الى منطقه منطقه منخفضه ها في قناه محدده انت نسيت التعريف ولا ايه يا محمد في ايه ما تذاكرش ليه يا عم ايمن ما تذاكر يا عم محسن شويه يا دكتوره رقيه نذاكر المهم ان نقطه انطلاق النهر بتبدا من منطقه مرتفعه زي الجبال تعريفه ايه ما احنا اخدنا تعريفه قبل كده مسطح مائي ميته مالحه لا انت غلطت يا مستر لا يا عم ده النهر ده ميته مالحه يا راجل ده احنا عندنا نهر النيل في مصر لو كان ميته مالحه ما كنا ده احنا كنا يعني هنبقى تحت خالص خالص ده من رحمه ربنا بنا انه مدينا نهر الماء بتاعه ايه؟ عزب بيبدا تتفوقه من منطقه مرتفعه من الجبال بصوا يا اد النهر بيبقى ماشي كده اهو امتى النهر بيخلص او بنقول ان النهر انتهى النهر بيتقابل مع بحر ده النهر اهو بيتقابل مع بحر فبيصب فيه الحته دي اسمها مصب هناخدها كمان شويه او ممكن النهر يكون ماشي فيدلق فين في نهر اكبر ده نهر وده نهر هر اكبر شويه حلو لازم تبقى عارف ملحوظه مهمه قوي المسطحات المائيه كلها متصله ببعض كله متصل ببعضه وده بيصب في ده وده بيصب في ده فالميه اللي في العالم كله متصله ببعضها على فكره مسطح مائي عزب يبدا تتفقه من الجبال وينتهي فين يا اما ينتهي ببحر يا اما ينتهي عند التقائه بنهر اكبر ينتهي عند التقاءه بالبحر او بنهر اكبر والمنطقه دههي المنطقه دههي المنطقه دي اللي هي منطقه الالتقاء بنسميها ايه بنسميها مصب يعني ايه مصب المنطقه اللي بيصب فيها واحد فيهم في الثاني ودايما الصغير يصب في الكبير البحيره لا اخفى على حد فيكم تعريفها مكان في ميه متحض باليابس من جميع الاتجاهات اهو مسطح مائي كبير محاط باليابسه من جميع الاتجاهات يا اد البحيره نسنا نشوف صوره النهر فعلا زي ما انت شايف اهو هنا البحيره لو انتوا بصيتم هتلاقي ان البحيره دي مكان منخفض البحيره دي مكان منخفض الميه بتنزل لها كده من كل حته كده اهو خلاص منطقه منخفضه تتجمع فيها المياه ومعظم البحيرات طبعا زي ما احنا خدنا قبل كده ان الميه بتاعتها عزبه بس في عندنا بحيرات مالحه صح اوعى تقول لي لا ليه ازعل منك ده احنا خدنا بحيره البرداويل عندنا في مصر وبحيره عسل بجيبوتي ده احنا خدناهم وما تقوليش لا لكن المعظم والاغلبيه ميه عازبه يبقى البحيره منطقه منخفضه من الارض تتجمع فيها المياه وده كده ايه كمعلومه لكن انت عارفها تحت اهو مسطح مائي هو مش صغير على فكره ممكن بعض البحيرات تكون صغيره برده مسطح مائي كبير الى حد ما محاط باليابسه من جميع الاتجاهات ده تعريف البحيره النهر والبحيره الميه بتاعتهم ميه عزبه صالحه للشرب والزراعه بس مش على طول لازم احنا ناخدها نجهزها لكده يعني ايه مش على طول يعني ما ينفعش تروح للنهر كده وتشرب منه على طول ليه لان ما بقتش الماء بالنقاوه اللي كانت موجوده زمان دلوقتي عاد في بقى حاجات ثانيه بتعمل على تلوث الميه فلازم تاخد الميه تدخلها على محطات الاول تظبطها كده عشان تعرف تشرب منها جميل لذلك احنا عندنا حاجه اسمها محطات تحليه الميه محطات اللي بتنضف الميه يا سيدي عشان تكون صالحه للشرب والزراعه طيب واحنا على فكره ممكن نزرع بميه نهر النيل على طول عادي انا اقصد بقى ايه بندخلها محطات ليه عشان نشرب منها عندنا حاجه ثالثه يا اد اسمها الاراضي الرطبه او الاراضي الراطبه زي ما احنا بنحب نقول ده برده من المسطحات المائيه العزبه بصوا يا اد التربه اهي دي التربه بتاعه الارض دي الميه بتبقى اعلى منها شويه يعني دي التربه اهو دي كده التربه الميه مستوى الميه بيكون اعلى من التربه شويه دي كده اسمها الاراضي تحس انك ماشي انا اسف اللفظ ماشي في ميه في طين كده اهي موجوده اهي الميه اعلى من مستوى التربه قليلا فهتحس انك ماشي هنا كده ايه لازم تشمر رجلك وتنزل هتغوص هنا هي دي اسمها الاراضي الرطبه زي المستنقعات والبرك واحنا واخدين قبل كده ان البرك لازم الميه تكون عازبه عشان ظاهره اللوتس بعض الديدان والسلمندر والكلام الحلو ده اللي بيحتاج البيئه دي الاراضي الرطبه هي الاراضي التي تغمرها المياه بشكل جزئي يعني ايه بشكل جزئي يعني الماء اعلى قليلا من مستوى سطح التربه تعريفها ايه اهو هو نفس الكلام مناطق يكون فيها منسوب المياه اعلى يجي بقى في الامتحان يقول لك ايه ا تعرفها مناطق يكون منسوب المياه فيها اقل قول له لا اعلى وما بيكونش عالي قوي يعني مش التربه هنا وهنا لا ده احنا هنا في ترعه دي اراضي راطبه الترع الارض هنا والمايه فوقها بحاجه بسيطه كده زي اللي قدامك دي كده اعلى قليلا من مستوى سطح الارض زي مين زي البراك والمستنقعات الميه الجوفيه الماء يا اد وهو ماشي على الارض طبعا الماء بيكون متدفق من منطقه مرتفعه لمنطقه منخفضه بيبدا الماء يا اد يعدي على صخور الصخور دي فيها مسام فبيبدا في ميه كده تتسرب الميه اللي بتتصرب دي بتنزل لطبقات الارض من تحت وهي نازله بتتفلتر الارض بتشتغل كفلتر طبيعي بينظف الميه دي وهي نازله الميه دي بتنزل نضيفه جدا وتتجمع في مكان هنا كده بنسميه احنا ماء جوفي نقوم احنا عاملين بير هنا كده بقى ونسحبه زي دي كده زي الصوره دي كده فالماء اللي نزل تحت ده متفلتر متفلتر فلتر طبيعي فلتر رباني الميه بتنزل التربه بتفلترها بتشيل منها كل حاجه فتتجمع الميه تحت هنا في صوره ماء نضيف متفلتر جاهز وعلى فكره احنا اخدنا اصلا احنا اخدنا يا اد فكره الفلتر اللي بنحطه عندنا في البيت منين من الطبيعه ما هو بيبقى طبقات كده من الصخور بيبقى من الطبيعه كل حاجه واخدين فكرتها من الطبيعه فالماء الجوفي ماء عزب موجود فين موجود تحت سطح الارض معظم الماء الجوفي يا ود ماء عزب طب ايه اللي يخلي الماء الجوفي ماء مالح مع ان انت قلت لي بتفلتر الصخور اللي هو بيستقر عندها الصخور اللي بتبقى محيطه بيه اوقات بتبقى الصخور ذات طبيعه مالحه شويه فالماء بيروح ياخد ملوحه منه فاهمني ا لعلك تذكر قصه سيدنا يوسف صح ولا ايه اللي ما يعرفش بقى ايه يشوف القصه دي تعريف هي المياه الموجوده داخل شقوق ومسام الصخور الممتده تحت سطح الارض في معلومه انا اول ما عرفتها زمان صدمتني الميه الجوفيه اللي موجوده لو جينا نجمعها كلها هتبقى اكت من الميه اللي موجوده في الانهار والبحيرات يعني شفت الميه اللي في نهر النيل مثلا ده ده نهر واحد لو خدنا كل المياه اللي موجوده في الانهار اللي حوالين العالم والبحيرات كمان كل دول كده يكونوا اقل من الميه الجوفيه اللي بتبقى تحت سطح الارض يعني اليه الجوفيه موجوده بنسبه كبيره جدا كميه الميه الجوفيه يا اد اعلى من كميه الميه اللي بتجري في الانهار والبحيرات مجمعه تخيل توجد المياه الجوفيه بكميات اكبر من جميع المياه الموجوده في الانهار والبحيرات زي ما عندنا مسطحات مائيه ياد للماء العزب زي ما احنا قلنا كده النهر والبحيره والاراضي الرطبه وكمان المياه الجوفيه فاحنا عندنا برده يا مسطحات مائيه ثانيه مالحه زي مين مش احنا قلنا يا اد اذا ذكرت الميه المالحه ذكر البحر والمحيط زي المحيطات طبعا المحيطات دي يا جماعه انا بكلم الولاد طبعا اكيد اولياء الامور عارفين الكلام ده حاجه لا يتخيلها عقل انتم عارفين يا اد لو نزلنا للمحيط من تحت يعني مثلا ده المحيط اهو ده الميه بتاعته لو جينا للمحيط من تحت كده هنلاقي ان قاع المحيط من تحت ده لو قدرنا نوصل له اصلا في جبال جبال وفي سهول في اراضي منخفضه جبال كامله في القاعه تحت انت متخيل انت متخيل عظمه المحيطات والعظمه الليحده هائل ضخم يعني عالم اخر مش قادرينكت نكتشفه اصلا كله لحد دلوقتي لان كل ما بننزل تحت يا ولاد بنتعرض لضغط شديد من الميه صعب جدا ان اي كائن هيستحمله اي حتى كمان المعدات اللي احنا بنصنعها ولكن العلم بيتطور واكيد هنوصل للكلام ده في يوم ونشوف عظمه الخلق اكث واكثر المحيطات مكان للمايه المالحه طبعا والمحيطات يا اد بتربط القارات بتاعه العالم ببعض المحيطات دي بتلف قارات العالم كده ببعضها البعض قارات العالم كلها السبعه بتلفهم كده وبتربطهم ببعض تحيط نقط بالقارات بتيجي في الامتحان مين اللي بتحيط بالقارات المحيطات مسطحات مائيه ضخمه كبيره يتصل بعضها ببعض طبعا بص كده تضم قيعانها القاع بتاعها جبال ممكن تلاقي جبل تحت ممكن تلاقي سهول ممكن تلاقي اراضي منخفضه ممكن تلاقي حاجات مرتفعه مش لازم جبل اماكن مرتفعه شاسع جدا بما لا يتصوره عقل وطبعا هو مصدر للماء المالح بص اقول لك حاجه الحصه كلها مهمه بنسبه 100% صح 60% من اهميه الحصه ال 60 دي بالارقام القديمه 60% من اهميه الحصه بشوفها هنا كده في اخر جزء في الحصه ليه طيب اذا كان اللي فات بيجي في الامتحان بنسبه 40% فده بيجي في الامتحان بنسبه 60% المصب قلنا من شويه بصوا كده يا اد ان النهر وهو ماشي بيبدا ان هو يلتقي بمسطح ماء اكبر ممكن يلتقي بنهر او محيط او او بحر فده كده نهر ماشي اهو ده كده نهر ماشي نهر وده كده ايه بحر الميه بتاعته ماشيه كده حلو فبيجي النهر يلتقي بالبحر في المنطقه دههي المنطقه دي اسمها مصب طب المصب ده الميه بتاعته تبقى ميه عازبه ولا ميه مالحه الاثنين الميه العازبه بتاعه النهر والمايه المالحه بتاعه البحر فالميه بتاعته بتكون ايه مزيج خليط من الماء العزب بتاع النهر والماء المالح بتاع البحر خلاص طيب يبقى المصبات ده مثال ركز المصبات هي مثال على مسطحات مائيه ايه مختلطه بها مزيج من الميه العازبه والمايه الملحه مكانها فين عند التقاء النهر بالبحر اهو عند التقاء النهر بالمحيط طبعا البحر او المحيط طبعا ما احنا قلنا بحر او محيط طب تعريفها ايه مسطحات مائيه بها مزيج من الميه المالحه والمايه العزبه طبعا الماء العزب جاي من النهر والماء المالح جاي من المحيط او البحر خلاص المنطقه دي يا جماعه بتلاقي فيها كائنات حاجه كتير جدا سواء نباتات او حتى حيوانات زي الاسماك مثلا بيبقى فيها تنوع هائل خلاص من الكائنات الحيه تعتبر المنطقه دي يعني كده نظام بيئي وموطن للالاف من النباتات والحيوانات يعني ايه المنطقه دي بتعتبر نظام بيئي يعني المكان ده له كائنات حيه معينه بتعيش فيه ونباتات معينه بتعيش فيه مش احنا قلنا ان النظام البيئي ما كان بيعيش فيه كائنات حيه بتتفاعل مع العناصر الغير حيه ما هو ده يعتبر نظام بيئي لان له كائنات حيه خاصه بيه تعيش في المنطقه دي كده جميل بس كده كده خلصنا الحصه والدرس عرضناه بصوره بسيطه كالعاده هيبدا يتعرض قدامك دلوقتي واجب الحصه الناس الجميله الحلوه اللي لسه اول مره تشوف حصه لينا احنا دايما بنشرح الدرس مش بنحل عليه دلوقتي بندي فرصه للولد وبندي له الاسئله بتاعه الدرس واجب وبنحلها في بدايه الحصه اللي جايه ان شاء الله باذن الله بنحلها كامله تم ما بنسيبش منها حاجه بنصحح للولد الواجب بتاعه وبنقول للولد ما شاء الله عليك انت ذاكرت وحليت ولو وقف قدامك حاجه تعال نحلها لك ونفهمها لك لان في بعض الاسئله الولد عارف حلها بس مش فاهم هي اتحلت ازاي بس كنت سعيد جدا معاكم وهرجع اقوللكم الكلمه اللي انا قلتها في بدايه الحصه اني والله العظيم بحبكم جدا سلام لكم