أركان الاتزان الأربعة قانون خفي يحكم حياتنا

اصلا الاتزان ترى ما في طعم كبير اللذه والطعم الحلو ترى في التطرف هي هدفها منك انك تشوف انت طلعت على الاتزان تجيك احداث معينه حتى ترجعك للوسط ولنذيقنهم من العذاب الادنى دون العذاب الاكبر لعلهم يرجعون فصار عندها مشكله مع الزوج حتى اضطرت انها تعيش الصدمه وتفكر انا ايش فيني مشكله فبدات ترجع مره ثانيه لنفس حياتها السابقه بدا الرجال يتعدل معها التوازن يكاد يكون القانون الكوني الحاكم على اغلب الظواهر الحياتيه اللي احنا نشوفها بتلاحظ انه اي ظاهره اقتصاديه او ظاهره اجتماعيه اي تطرف او اي نمو يصير في داخل المجتمع ا يليه عاده يكون في تصحيح حتى نرجع للتوازن بس مشكله التوازن انه المقياس تبعه مش مادي احنا ما نقدر نقيسه ماديا لان مقياس التوازن يعتمد على الظاهره ويعتمد على الشخص اب اعطيك مثال التوازن مثلا توازن شخص صيني انه يشتغل 14 ساعه في اليوم لكن توازن شخص مثلا عايش في دوله عربيه ممكن يشتغل اربع خمس ساعات امم وانه يقضي ست ساعات مثلا في علاقات اجتماعيه فمقياس التوازن هو انت وكلهم صح كلهم صح ايه بحسب الظروف بحسب المناخ وبحسب المعطيات الموجوده بنحاول نبسط الموضوع اكثر حتى الساده المشاهدين والمستمعين يفهم ايش معنى كلمه توازن في ستاندرد خلقه الله سبحانه وتعالى ان عندك اربع اركان رئيسيه لازم تكون مؤدي ادوار ارك فيها بشكل فعال لكن الفعاليه هذه تختلف مني لك يعني عندك الركن الجسدي اللي اهتمامك بجسدك اكلك نومك احتياجاتك البشريه الجسديه العاديه وفيه ركن العلاقات اللي يشمل العلاقات الاسريه سواء مع الوالدين الزوج الزوجه الاولاد علاقتك بزملاء المهنه زملاء العمل اصدقائك اللي هم تاخذ منهم الانس والمتعه وساعه الصدر والركن الثالث اللي هو العمل او المهنه او الشيء اللي انت تسويه في حياتك ويجي الركن الرابع اللي هو الركن الشخصي او يسمونه الركن الجانب النفسي اللي هو مشاعرك مع نفسك كيف انت مع نفسك مرتاح مش مرتاح عندك هوايات تسويها ما عندك هوايات كيف تقضي وقتك هذه الاربعه اركان تكاد تكون هي الاساسيه يمكن حتى في حديث وسلم ان بدنك عليك حقه ولاهلك عليك حقه ولنفسك عليك حقه فاعطي كل ذي حق حقه تقول العباده وين موجوده فيه العباده هي موجوده في هذه كلها كل المناحي الاربعه وفيه العباده اللي هي الشعائر المطلوبه من الانسان في القران الكريم وفي السنه النبويه اعطاك الحد الادنى قال لك اذا تصلي خمس مرات وتزكي 2.5% بال اذا عندك النصاب وتحج مره في العمر بس السقف الاعلى مفتوح قاللك انت سوي فيه زي ما تشاء ليش؟ لاننا نختلف قدراتنا مش وحده في واحد يقدر يصوم اثنين وخميس واحد ما بيقدر قدراته يعني ضعيفه او نفسه تغلبه او كذا فهذه سبحان الله العباده داخله في كل شيء في حياتك يجي السؤال كيف اعرف اني انا متوازن نقول اذا اديت الاربعه اقسام او الاربعه محاور هذه في حياتك بشكل جيد دورك فيها فعال وكلمه فعال يعني هي تختلف من انسان لاخر يعني شوف دائما اغلب الاسر تحصل في ابن واحد هو اللي لما تنخطب واحده من البنات هو اللي يروح يسال هو اللي يروح يصلح الاشياء وهو احيانا يصرف عليهم فيقضي وقت وجهد كبير مع الاسره في واحد ما يسوي شيء جالس كذا ومرضي ومحبوب من الاب والام هذا فعال وهذا فعال بس ها هذا اختباره غير اختبارك انت اختبارك كذا يعني ما تزعل من الشيء اللي الله يقيمك فيه الله عز وجل حطك في الموقع هذا عندك قدرات عندك وقت عندك موارد فلازم تادي هذا فعال وهذا فعال لا بس كانك انت تساوي كذا بين الجميع يعني كل واحد في النهايه شكرا لك انت ممتاز اذا كان يادي دوره يعني هذا هذا كان تقول يخدم ويروح ويجي وهذا جالس ومحبوب اي جالس هو هو مجرد انه بس يتقهوى معهم المغرب خلاص هو هذا اد الدور لكن الثاني لا لازم يروح يكب الزباله ويجيب الاغراض البيت والحنفيه لما تخرب يصلحها هو هذا الدور بالنسبه له يعني هذا عنده مهمه واحده ذاك عنده خمس مهام او عشر مهام اذا تحققت الفعاليه في الادوار الادوار الاربعه الاساسيه نقول انت الان بديت تقرب على منطقه الاتزان وفيه هذا الاستاندرد العام وفيه شيء ثاني اعمق لا يدرك الا بالتواصل الذاتي مع النفس اللي هو هل انت راضي عن نفسك ثلاثيه الرضا انت راضي عن نفسك وتحس ان الناس راضيين عليك وانت راضي عن ربك وتشعر ان الله عز وجل راضي عنك اذا وصلت للمرحله هذه فمعت انك قربت من التوازن قربت من التوازن لكنك ما تقدر توصل ليش؟ لان القيم الكبيره اللي هي الرشد الاتزان الحكمه بتلاحظ انك ما بتقدر توصلها كانه شيء بعيد امامك كانها اتجاه وانت كل ما وصلت اكتشف ان عندك اخطاء وانك تصلح انت تشوف في القران الكريم في سوره الكهف قال عسى ان يهديني ربي ما قال لي ارشد لاقرب من هذا رشده فما بتقدر ترشد 100% ما بتقدر تطبق العدل مثلا مع نفسك 100% بتتقارب الى العداله ليش ما تقدر تطبقها 100% لانها غايه كبيره وحكمه ساميه انت تمشيلها اصلا لو قدرت توصلها وتطبقها 100% مفترض انك انت الان تنتهي حياتك علشان يكون عندك محرك فبتكون عندك هذه الوجهه اللي انت تسير لها وكل ما توصل يلا تكتشف وجهه ثانيه لكن لا زلت في نفس الدايركشن في نفس الاتجاه فشعورك انك انت مرتاح شعورك ان انت راضي هذا واحد من اهم المؤشرات اللي يقولك انت متوازن كريستيانو يتدرب في اليوم كم ساعه ثمان ساعات لكن انا وياك ممكن نروح الجيم ساعه في اليوم ومده اربع ايام في الاسبوع هذا بالنسبه لنا اتزان لكن هو بالنسبه له انه لازم يعني يركض كل يوم 15 كيلو ويتدرب ثلاث مرات وكذا فهي تختلف بحسب الشخص اذا هي القيمه الكبرى او الاساسيات المهمه الاساسيه اللي هي الاربعه يلي ذلك انت شعورك بالرضا عن نفسك وهل انت فعلا في المنطقه الصحيحه ولا لا تقولي ما اعرف كلنا نعرف ترى الكذاب يدري انه كذاب والمقصر يدري انه مقصر واللي ماشي تمام يحس انه ماشي تمام بل الانسان على نفسه بصيره ولو القى معاذيره كلنا عارفين بس احنا الله يهدينا احيانا نستعبط شوي ام صح لكن هل هذا معناه انه هناك دائما انت تفضلت وذكرت ستاندرد معيار لمنطقه الاتزان على الاقل يعني انت اقتربت منها واذا كان هذا صحيح فكيف احنا نفسر وجود متطرفين في كل الاتجاهات وجود متطرفين في الدين موجودين متطرفين في الصحه واتجاه جهات النباتيه وغيرها وهم هؤلاء يرون انهم متوازنين او متزين وهذلاك يرون انه هم الوسط والمتزنين وفي مجالات العمل تلقى واحد شغال زي ما تفضلت بالساعات الطويله ويرى انه هذا هو الاتزان و متى نعرف انه انا المتزن وانت تفضلت وذكرت انه شعور بالرضا قد يكون هذا الشعور بالرضا شعور وهمي وهمي او شعور زائف اصلا الاتزان ترى ما في طعم كبير اللذه والطعم الحلو حلو ترى في التطرف لا طبعا ايه او اكيد ايه لذلك ان تقول هذول كيف نعرف انهم متزنين او كيف نفرق ان انا متزن ولا لا اذا انا مترب في نباتي حتى البيض ما اكل بيض نقول لك انه حتاتيك اقدار او احداث ترجعك غصف الاتزان وهذه وهذه سنه كونيه وقاعده يعني تكون تكاد تكون ثابته في كل شيء شوف احنا لما تطرفنا للسوشيال ميديا لما تطرفنا في الفردانيه مثلا الكلام هذا قبل 2019 2018 ثوره السوشيال ميديا كانت في ذاك الوقت اللي صار جانا حجر كورونا خلنا غصب نقعد ونقابل بعض ونحل مشاكلنا مع بعض مثلا يعني تشوف اغلب الناس المتطرفين في الصحه اللي يحسب لك حبه الزيتون عشان السعرات ما تزيد يصير له ظرف يصير له مرض معين يضطر يقعده في البيت علشان لازم ياكل مع اهله ولازم ياكل برجر وياكل كبسه فلازم يعني حتاتيك قوى معينه حتاتيك احداث معينه ترجعك للطبيعه وهذه اصلا هو دور الحياه لان الانسان عنده هدف والحياه اصلا عندها هدف ثاني الحياه بقوانينها الفيزيائيه وحتى الغير المرئيه مثل التوازن وقانون مثلا السبب والنتيجه هي هدفها منك انك تشوف انت طلعت على الاتزان تجيك احداث معينه حتى ترجعك للوسط ولنذيقنهم من العذاب الادنى دون العذاب الاكبر لعلهم يرجعون اللي هي المصائب الحروب الكوارث الازمات الامراض المشاكل الاقتصاديه حتى المشاكل الشخصيه حتى على صعيد الزواج بتلاحظ انه مثلا زوجين مثلا يحبون بعض وكانت الزوجه مثلا قبل الزواج عندها حياه معينه متوازنه فيها بعد الزواج خلينا نقول انها كرست حياتها كلها للحب ولتطوير العلاقه قصرت شوي مع نفسها ومع دراستها ومع اهلها وقطعت صديقاتها فصار عندها مشكله مع الزوج حتى اضطرت انها تعيش الصدمه وتفكر انا ايش فيني مشكله فبدات ترجع مره ثانيه لنفس حياتها السابقه بدا الرجال يتعدل معها مثلا يعني هي ظاهره اشوفها كثير مثل اللي مثلا فجاه صار مشهور وقطع الناس اللي عرفهم وقال ذول الناس فاضيين بس جلسات وسواليف مباراه الهلال نصر خلينا نروح نطلع فلوس ونسوي اعلانات وكذا تصير له مشكله معينه ولا يعني شيء في سمعته ولا شيء في السوشيال ميديا تضطر تخليه يوقف او يرجع مره ثانيه يفكر مع نفسه وين انا كنت مقصر فيرجع للعلاقات اللي كان هو عايش معها وكذا فتبدا حياته تتزم من جديد بس مو دائما يرجع يعني مو دائما تجيه رساله انا ولا اذا كذا كان كل الناس اذا ما رجع يستثنيه النظام اي معناته انك انت الان غير صالح ان او غير مؤهل انك تمسك ال فكره الشهره او تتحمل فكره الثراء او تتحمل فكره وجود حب في حياتك انت غير مؤهل فخلاص رجعناك اختبرناك سوينا لك تست ما نجحت فيه رجعناك للدائره الاولى او المربع الاول اللي انت بديت ‏Yeah.