الدرس الرابع علوم مفهوم ‪الماء كأهم الموارد الطبيعية علي سطح الارض الصف الخامس الابتدائي 2026

بسم الله الرحمن الرحيم سلام عليكم يا سنه خامسه واهلا وسهلا باولياء الامور اي حد فتح الفيديو ده كل سنه وانت طيب ورمضان كريم عليك وربنا يتقبل منك صالح الاعمال امين صلوا كلكم على سيدنا محمد عليه الصلاه والسلام من فضلكم حطوا لايك بسيط على الفيديو ده وتعالوا نشوف الدرس الرابع في المفهوم الثاني تقريبا كده بنسبه 95% سؤال اساسي في كل امتحان لازم تلاقي الراجل يكلمك عن حاجه اسمها حمايه الموارد او الاستدامه جزء مهم جدا في المنهج تعالوا ناخد مقدمه بسيطه انطلقنا عارفين حاجه اسمها الموارد الطبيعيه يا اد من اسمها يعني ايه موارد طبيعيه حاجه موجوده في الطبيعه واحنا بناخد منها بناخد منها حاجات نستخدمها معانا بقى في حياتنا وندخلها معانا في الصناعه ونستفيد منها زي مثلا الخشب الخشب ده يا اد بنعمل منه حاجات كتير جدا زي ان احنا بنصنع منه مثلا الورق احنا بنصنع الورق من الخشب اللي هو مور الطبيعي النفط اه حدث بقى ولا حرج لما تيجي تتكلم عن النفط حدث ولا حرج النفط ده تقريبا حياتنا كلها ماشيه بالنفط بنعمل من النفط حاجات كتير جدا زي مثلا البلاستيك احنا بنتعامل مع البلاستيك بشكل يومي انا ماسك بلاستيك في ايدي اهو تقريبا البلاستيك برده مالي حياتنا فلما نتعامل مع الورق ونتعامل مع البلاستيك لازم نتعامل معاهم يعني معامله مستدامه نحاول ان احنا نحافظ عليهم لاطول فتره ممكنه علشان نقدر نقدر نحافظ على الموارد الطبيعيه بتاعتنا يا اد المنتجات الحيوانيه والنباتيه المنتجات الحيوانيه والنباتيه نباتيه الحاجات اللي احنا بناخدها من الحيوان والنبات بنصنع منها الملابس مثلا مش بس يا جماعه انا بقول لك مثال فالحاجات دي كلها يا اد موارد طبيعيه لازم ان احنا نرشد من استهلاكنا ليها علشان نحافظ على الموارد الطبيعيه بتاعتنا وتفضل موجوده معانا لاطول فتره ممكنه عايز اشرح لك حاجه وتخلي بالك منها احنا دلوقتي لو معانا مورد ايا كان هو مين وليكن مثلا النفط طبعا النفط ده مصدر طاقه غير متجدد موجود في حياتنا بكميات محدوده وفي يوم من الايام هيخلص انت عمال تاخد منه تاخد منه ده استهلاك اسمه استهلاك طب والتعويض بتاعه التعويض يعني ايه التعويض يعني انك تعمل نفط تاني صعب ايوه ايوه صعب خلي بالك انا دلوقتي بشرح لك علشان تفهم ما بقولكش احفظ حاجه ولا بقول لك اكتب حاجه كل حاجه مكتوبه في الورق اللي تحت اللي انت بتاخده من على جروب التليجرام وتذاكر منه ما فيش مشكله ده مورد انت بتاخد منه باستمرار عمال تاخد منه عمال تاخد منه وبتاخد منه كتير يعني انت بتستهلكه كتير استهلاكك اكبر من التعويض اللي ممكن يحصل للنفط يعني علىما يتكون نفط ثاني ده فيها ملايين السنين فلما انت تستهلك الحاجه بمعدل اكبر من التعويض يبقى انت كده يا باشمهندس بتستنزفها وفعلا احنا عمالين نستنزف النفط كل يوم ليه؟ لان صعب تعويضه فلذلك لازم نخلي استخدامنا للنفط استخدام مستدام ما نستخدمش النفط الا لما نحتاجه ما نستخدموش عمال على عمال على بطال هو ده مفهوم درسنا النهارده ان احنا عايزين نحمي الموارد بتاعتنا ونستخدمها استخدام امثل يعني استخدام مستدام علشان تفضل موجوده معانا لاطول فتره ممكنه هو ده هدف الدرس بتاعنا النهارده قيس بقى اي حاجه ثانيه غير النفط مش لازم النفط ممكن الخشب النفط المنتجات الحيوانيه والنباتيه والحاجات الكتير اللي موجوده في حياتنا تحت مسمى الموارد الطبيعيه نمشي واحده واحده كده نمشي واحده واحده بص يا باشمهندس احنا عندنا موارد طبيعيه في حياتنا وبنستخدمها بشكل يومي نستخدم خدم يوميا العديد من الاشياء التي تصنع من الموارد الطبيعيه فالورق بيصنع من خشب الاشجار كل دي اسئله اكمل في الامتحان ها او اختر البلاستيك بيصنع من النفط الملابس بتاعتنا اللي احنا لابسينها بتتاخد ممكن تلاقيها متاخده من جلود الحيوانات ممكن تلاقيها متاخده من منتجات نباتيه عادي جدا استخدامك للحاجه بمعدل اكبر من امكانيه تعويضها او تجددها ده اسمه استنزاف يمكن ان يؤدي استخدام الموارد الطبيعيه بمعدل اكبر مما يمكن تعويضه الى استنزافها انت عمال تاخد منها تاخد منها تاخد منها تاخد منها وما فيش تعويض للي انت بتاخده وطبعا النفط مثلا صعب تعويضه لان عشان نعوض النفط يا اد عشان نعمل نفط ثاني محتاجين ملايين السنين ومين اللي هيعيش ملايين السنين بس عشان يستنى نفط ثاني فانك تاخد من الحاجه بمعدل اكبر من امكانيه تعويضها ده اسمه استنزاف ده اسمه استنزاف. طيب خد بقى سؤال من الاسئله الكويسه عندك في المنهج. اذكر اسباب استنزاف الموارد الطبيعيه. انت مش هتلاقي دول كلهم كده مترصين تحت بعض عندك في الكتاب. مش هتلاقيهم. امال هتلاقي قال لك واحد ومكلمك عنه اثنين ومكلمك عنه ثلاثه ومكلمك عنه. لا انا عايزك تحفظ لي دول كده الاول كسؤال وبعدين نتكلم عن كل واحد لوحده في الورق اللي جاي. اسباب استنزاف الموارد ايه الحاجات اللي بتخلي الموارد تستنزف؟ الزياده السكانيه. الزياده السكانيه دي يا جماعه بتنهش في الحاجه مش بتستنذ بتنهش فيها لان الناس لما بتكتر بيبقى لهم طلبات كتير فبيزداد الضغط على المورد فيقعدوا يسحبوا منه كتير في وقت صغير يستنزفوه ايوه يستنزفوه ما هو يعني ايه يستنزف انك تاخد منه كميه كبيره في وقت صغير عمال تاخد منه تاخد منه تاخد منه وصعب تعويضه الافراط في استهلاك المورد عمال تستخدم النفط ليل ونهار ليل ونهار ليل في اي حاجه لا حضرتك النفط ده هيجي في يوم من الايام وهيخلص فبالتالي حضرتك ما تعملش افراط في استهلاك المورد استخدم النفط اه ما حدش قال لك لا ولكن استخدمه عند الحاجه وحاول توجد له بديل عشان يفضل مكمل معاك لاطول فتره ممكنه التلوث طبعا هو من اهم اسباب استنزاف اي حاجه وليس الموارد الطبيعيه فقط وهنتكلم برده عن التلوث التوزيع غير المتكافئ للموارد وهنشرحها في مكانها افضل دي كده الاجابه على السؤال تعال نشوف الزياده السكانيه والافراط في استهلاك الموارد والتلوث والتوزيع غير المتكافئ للموارد ازاي بيسببوا استنزاف الموارد يلا بينا امم بيقول الراجل في الدرس بتاعنا يا اد ان الزياده السكانيه سبب رئيسي في استنزاف المورد لما قعدت مع نفسي كده افكر فعلا قلت ان الراجل ده عنده حق ده الراجل ده عنده حق جدا ليه طيب الناس لما بتكتر بص كده معايا الناس لما بتكتر الطلب بتاعهم على المورد بيزيد اكيد لما نكون خمسه مش لما نكون 100 مش زي لما يكون 100 اكيد لما نكون خمسه طلباتنا هتبقى قليله شويه لكن لما نكون 100 طلباتنا هتبقى اكت واكتر فلما بيزيد عدد الناس بيزيد الطلب بتاعهم على المورد ياخدوا منه كميه كبيره في وقت صغير وهو ده الاستنزاف بعينه الاستنزاف هو انك تاخد من المورد كميه كبيره في وقت صغير فيخلص منك بسرعه كان الافضل تاخد منه جزء جزء كل فتره فيعيش معاك لاطول فتره ممكنه وهو ده اسمه الاستخدام المستدام انك تستخدم المورد بحكمه علشان يفضل مطول معاك لاطول فتره ممكنه دي مش محتاجه شرح الزياده السكانيه بتتسبب في زياده الطلب على الموارد الطبيعيه مما يؤدي الى استنزافها بشكل سريع اللي محتاجه شرح فعلا الحاجه رقم اثنين اللي كانت الافراط في استهلاك المورد اللي هقوله ده ربنا سبحانه وتعالى شاهد عليا فيه من النادر من النادر والله لما الاقي طالب في سنه رابعه او سنه خامسه او سنه سته عايز يفهم مش عايز يحفظ بس هو في ناس بتحاول تفهم اه بس لما بيغلبه يقول ق لك يا عم انا هحفظ وخلاص ده مع الناس اللي انا اتعاملت معاه ماارفش انت ايه بس انا احبك انت تكون من الناس اللي بتفهم الاول وبعدين تروح تحفظ صدقني لو خليت الفهم يبدا قبل الحفظ هتلاقي الحفظ سهل ما تسبقش الحفظ على الفهم افهم خلي المعلومه تعشش هنا وروح احفظ ياه هتلاقي الحفظ سهل طيب بص الكلمه افراط في الاستخدام في الاستهلاك يعني انا عندي مورد باخد منه كتير كتير كتير كتير في وقت صغير فيقوم يستنزف مثال عندنا بحر البحر ده فيه اسماك متفق معايا متفق الاسماك دي مورد طبيعي مورد انت متفق معايا متفق طبعا الاسماك واي كائن حي ما هو مورد طبيعي موجود في الطبيعه ممكن ناخد منه وناكل منه حد قال لك ما تاخدش اسماك في يوم من الايام ابدا لو عايز اصطاد بطلع اصطاد في اي وقت يعجبني واجيب السمك واصطاد السمك اللي انا عايزه واكله حلو اذا من حقك تستخدم الاسماك اهو صح بس مش من حقك انك تاخد اسماك كتير في وقت صغير بين قوسين مش من حقك تعمل صيد جائر يعني ايه صيد جائر لاسماك يعني بعمل افراط في صيد السمك فبالتالي كده انا بقلل كميه السمك اللي موجود فبيؤدي ذلك الى ندره الاسماك اولا وبيقلل من فرص الصيد بالنسبه للناس الثانيه وكمان بيضر ضر بالشبكه الغذائيه المائيه هنا النظام البيئي هنا بيتاثر سلبا اذا ما حدش قال لك ما تاخدش اسماك خد اسماك ولكن ما تفرضش في انك تطلع اسماك من البحر في وقت صغير ما تطلعش اسماك كتير في وقت صغير افراط في استخدام المورد يؤدي الى استنزافه الصيد الجائر للاسماك بيؤدي الى ندره الاسماك ونقص فرص الصيد في البحر والمحيط بالنسبه للناس الثانيه طب ما احنا عندنا ميه جوفيه مثال اخر ده مثال اني عندنا ميه جوفيه وكلنا طبعا عارفين ان الميه الجوفيه بتيجي بعد ما المطر ينزل يا اد المطر بينزل فالميه بتنزل تفضل تمشي ويتسرب منها عبر مسام الصخور ميه الميه دي بتتجمع هنا كده وتعمل لك ميه متفلطره فلطره طبيعيه ربانيه ميه جوفيه صالحه للشرب والزراعه حد قال لك ما تاخدش من الميه الجوفيه لا خد من الميه الجوفيه عادي واشرب وازرع لو انت واحد من الناس اللي بتعتمد عليها بس حضرتك ما تاخدش ميه ابار بمعدل اكبر من امكانيه تجددها هي الميه دي بتتجدد اه لما المطر ينزل تاني ما هو بيجيب لك ميه جوفيه جديده خلاص خد منها عادي بس ما تاخدش منها كميه كبيره في وقت صغير ليه عشان ما تجفش ممكن تجف ممكن تجف ليه لان حضرتك طلعت منها كميه كبيره في وقت صغير وما استنيتش المطر ينزل يعوضلك الميه اللي انت بتاخدها فانك تاخد ميه جوفيه كتير في وقت صغير ده بيؤدي الى جفافها خلاص يؤدي الى نفاد الميه هنا وجفاف الابار ده خلاص وده هيؤثر سلبا طبعا على البيئه اللي حواليها طب بلاش ده وبلاش ده احنا عندنا اشجار عندنا اشجار اهو فين في الغابات للغابات عايش هنا كائنات حيه في هنا كائنات حيه عايشه على الاشجار دي طبعا احنا عارفين ان الغابات بيعيش فيها كائنات حيه حاجه كتير فانت عاوز تعمل ايه؟ عاوز انت خشب بالبلدي خلاص اهو انت عايز اخشاب فبتعمل ايه؟ بتيجي تقطع الاشجار ديت ويا ريتك بتقطع شجره او اثنين او ثلاثه ده انت بتقطع اشجار كتير جدا الاسراف في قطع الاشجار هيؤدي الى ازاله الغابات ما انت عمال تشيل الاشجار ما هي الاشجار دي هي الغابات يا باشمهندس انت عمال تشيلها تشيلها تشيلها تشيلها تشيلها ليه عشان عاوز خشب يبقى انت بتاخد خد اشجار كتير في وقت صغير طب ما الاشجار دي عشان تطلع تاني محتاجه وقت فده بيؤدي الى ازاله الغابات طب والكائنات الحيه اللي عايشه هنا بتمشي ولو ما قدرتش تتكيف بتموت باعداد كتيره فتنقرض فانك تسرف في قطع الاشجار يؤدي ذلك الى ازاله وتدمير الغابات اللي هي موطن طبيعي للعديد من الكائنات الحيه فبالتالي انت بتعمل على انقراض الكائنات دي بصوا كده معايا احنا قلنا الزياده السكانيه خلاص قلنا الافراط بقى بقى في استهلاك الموارد ده سبب رئيسي في استنزافها طبعا من الامثله على الافراط في استهلاك الموارد الصيد الجائر انك تصطاد بمعدل اكبر من امكانيه التعويض الاسماك بتتكاثر وبتجيب اسماك ثانيه بس انت حضرتك عمال تطلع سمك كل شويه تطلع سمك كل شويه طب استنى الاسماك تتكاثر وتجيب اسماك ثانيه لا فده اسمه صيب جائر استهلاك الاسماك بمعدل اكبر مما يمكن تعويضه بتكاثرها طب ما هو اثر ذلك على الاسماك او اثر ذلك على البحر والمحيط يؤدي الصيد الجائر الى ندره الاسماك ونقص فرص الصيد في البحار والمحيطات استخدام مياه الابار استهلاكها بمعدل اكبر مما يمكن تعويضه من هطول الامطار واحنا قلنا ان الابار بتتجدد بهطول الامطار ده يؤدي الى ايه؟ الاثر اهو الاثر الاثر بتاع استخدامك المفرد ده هيعمل ايه؟ هيؤدي الى نفاد المياه وجفاف الابار قطع الاشجار تروح حضرتك الغابات تقطع تقطع تقطع الافراط في قطع الكثير من الاشجار بتاعه الغابات يؤدي الى ازاله وتدمير الغابات اللي هي موطن طبيعي للعديد من الكائنات الحيه اللي هي هتمشي انت كده هجرتها مشيتها يلا كل واحد يروح في اي حته بقى طب ما هو لما ما تكيفش يموت ولما يموت باعداد كتير ينقرض ويؤثر ذلك سلبا على النظام البيئي يؤدي ذلك الى ازاله وتدمير الغابات التي تعتبر موطنا طبيعيا للعديد من الكائنات الحيه التلوث مش محتاجين نتكلم كتير في التلوث يا اد التلوث طبيعي جدا بيستنزف اي حاجه التلوث ده مش حاجه كويسه خلينا نعلي الاضاءه شويه بس شوف يا باشمهندس احنا عندنا وقود حفري وقود حفري الوقود الحفري ده زي الفحم والنفط والبترول والحاجات دي كلها لما بنحرقها وليه بنحرقها عشان نحصل منها على الطاقه احنا بنستخدم الوقود الحفري ده في محطات توليد الكهرباء علشان نولد كهرباء فبنحرق منه كميات كتير فبيبدا يتصاعد منه ابخره وغازات ضاره لما المطر ينزل وياخد الابخره والغازات الضاره دههي معاه المطر بينزل يلوث الميه والتربه وبيلوس كل حاجه ويموت النباتات كمان يتسبب حرق الموارد الغير متجدده اللي هي الوقود الحفري زي الفحم والبترول في تلويث الميه واحد بقى في سنه خامسه واحد يقول لك طب هو الكلام ده بيلوس الميه ليه مش المفروض يلوث الهواء فعلا بالظبط هو بيلوس الهواء ولكن المطر وهو نازل بياخد الغازات دههي معاه ويعمل حاجه اسمها مطر حمضي ينزل يضيع الميه بتاعتك يغير الطبيعه الكيميائيه بتاعتها ما يخليهاش صالحه لا للشرب ولا للزراعه ولا حتى صالحه لان الكائنات الحيه اللي عايشه فيها تفضل عايشه فيها والميه طبعا ماشيه على التربه طبيعي جدا الهواء بيتلوث نتيجه الغازات التربه بتتلوث ازاي الامطار الحمضيه بتنزل تغير الطبيعه الكيميائيه بتاعتها فتخليها غير صالحه للزراعه يموت النبات ويموت الحيوان لانه مش لاقي حاجه ياكلها اللي فاهم بيربط ببعض بيربط الحاجات ببعض مش بقى بقول لك التلوث وتقعد تحفظ لي يتسبب حرق الوقود والمش عارف ايه ورايح الواد جاي في الصاله والبلكونه ما حدش يكلمني يا جماعه انا عمال احفظ تحفظ ايه طب افهم الاول عشان تعرف تحفظ ماشي التوزيع غير المتكافئ للموارد ده كان السبب الرابع من استنزاف الموارد تلاقي الموارد كلها متجمعه في حته ومش موجوده في حته تانيه فطبعا هتستنزف هنا بكم كميه كبيره في حين ان هي مش موجوده في مكان ثاني عدم التوزيع اللي هو مش متكافئ عدم التوزيع المتكافئ المفروض يبقى في توزيع متكافئ عدم توزيع الموارد بشكل متكافئ يؤدي الى استنزافها يؤدي الى استهلاك الموارد بشكل مفرد في بعض المناطق في حين ان في مناطق ثانيه ما فيش فيها اصلا موارد بينما تعاني مناطق اخرى من نقص حد في الموارد كنا المفروض ناخد الموارد دههي نوزعها بشكل متكافئ علشان الطلب عليها يبقى قليل شويه فتعيش معانا لفتره طويله عارفين الطبيعه نفسها الطبيعه نفسها ممكن يبقى لها دور في استنزاف الموارد يعني الانسان ممكن ما يبقاش له دخل في استنزاف الموارد اللي فات ده كله الانسان كان سبب فيه الانسان هو اللي بيعمل سجائر الانسان هو اللي اعداده كترت فبدا يزيد الطلب بتاعه على المورد فبالتالي بدا يستنزف المورد الانسان هو اللي قطع الاشجار الانسان هو اللي شد ميه المياه الجوفيه فالانسان كان سبب في كله الطبيعه بقى نفسها ممكن يكون ليها سبب في استنزاف الموارد ازاي انا عندي هنا تربه عمال ازرع فيها ده تربه زراعيه تربه زراعيه الجزء اللي فوق ده يا ولاد بيبقى تربه خصبه خلاص فلما تيجي رياح شديده الرياح يا اد بتعمل حاجه اسمها تجويه وتعريه للتربه بتكسر التربه وتشيلها معاها فلما تبقى الرياح شديده وكمان الميه الميه يا اد لما الرياح والميه يمشوا على التربه يعني بشكل قوي شويه بيعروا التربه بيكسروا التربه ويعروها يعني ياخدوها معاهم فبتبدا التربه دي تنجرف وتروح مع الميه والهواء فبالتالي التربه بتاعتك ما بقتش تربه زراعيه بكفاءه عاليه ممكن تزرع فيها بس مش بنفس الكفاءه لان الجزء اللي كنت بتزرع فيه انجرف مشي مع الميه والرياح وده جزء بسبب الطبيعه الانسان مالوش دخل فيه قد يؤدي دي العوامل الطبيعيه الى استنزاف الموارد صح ام خطا؟ صح اعطي مثال قد يتسبب هبوب الرياح وتدفق المياه في نقل التربه وتعريتها نقل التربه هو التعريه انما التجويه هو التكسير فلما يجي في الامتحان يقول لك هل للعوامل الطبيعيه دور في استنزاف المواردقول له اه طب بيقول لك دلل ممكن يجي في الامتحان سؤال كده يقول لك ايه دلل على ان العوامل الطبيعيه قد تؤدي الى استنزاف الموارد تقول له قد يتسبب هوب الرياح وتدفق المياه في نقل التربه وتعريدها. طيب دلوقتي احنا خلاص حطينا ايدينا على اربع اسباب اللي بتؤدي الى استنزاف الموارد. نقعد بقى نعمل شاي وقهوه كده ونقعد بقى نسيبها تستنزف. دي موارد طبيعيه كلنا بنستخدمها فلازم نحافظ عليها عشان تفضل مكمله معانا لاطول فتره ممكنه. لذلك في عندنا طرق للحفاظ على الموارد الطبيعيه. ما هي طرق الحفاظ على الموارد؟ اول حاجه كده انك تحميها حمايه الموارد الطبيعيه تاني حاجه تعمل لها استدامه ايه الفرق ما بين حمايه الموارد والاستدامه؟ بص يا سيدي اولا حمايه الموارد حمايه الموارد يا اد يعني الحد من استخدامها اسمع بقى الكلام من الاخر حمايه الموارد يعني الحد من الاستخدام يعني ايه؟ يعني يا جماعه الخير ما حدش هيستخدم المورد ده اصلا ما هو انا لما امنع الناس ان هي تستخدم المورد يبقى انا كده حافظت عليه مثلا هاجي في المنطقه دي كده وامنع الصيد الجائر هنا منع الصيد الجائر هحط قوانين بقى وهفرض قوانين والراجل يعدي يصطاد طبعا بهزر معاك الشاطر يعدي ويصطاد في المنطقه دههي اي حد يخش هنا يفرض عليه قانون خلاص وبالتالي طالما في عقاب الناس كلها هتلتزم فانا هنا منعت الناس انها تخش تصطاد من هنا من المكان دههو فبالتالي ما فيش صيد جائر يبقى انا كده حميت المورد بتاعي فانا ممكن اعمل حمايه للموارد يا اد عن طريق منع الصيد في اماكن معينه وكمان بص بقى هنا ايه في عندك موارد هنا كده الناس عماله تنهش فيها وتاخد فيها صح فانت بتعمل لها حاجه اسمها بص كده محميه طبيعيه محميه طبيعيه بتيجي تحاوط المورد بتاعك بمنطقه كده ممنوع الدخول ليها فلما حضرتك تمنع الناس انها تدخل للمنطقه دي فبالتالي الناس مش هتدخل للمورد بتاعك فبالتالي مش هيستخدموه فانت بالتالي حضرتك حميته فاحنا ممكن نعمل حمايه للموارد بحاجه من اثنين او بالاثنين مع بعض عادي ان احنا نمنع الصيد في اماكن معينه وكمان ننشئ محميات طبيعيه نحافظ بها على المواد وبالمناسبه احنا عندنا محميات طبيعيه يا اد في مصر عندنا زي محميه راس محمد في جنوب سيناء وعندنا محميه وادي الحتان في الفيوم تعالوا كده بصوا معايا اولا حمايه الموارد دي اول طريقه بنستخدمها للحفاظ على الموارد الطبيعيه يجي في الامتحان يقول لك يمكن حمايه الموارد الطبيعيه عن طريق نقط او عن طريق منع استخدامها مثل نقط ونقط مثل منع الصيد الجائر في اماكن معينه وتخصيص مناطق محميه لحمايه الموارد الطبيعيه المناطق دي ما حدش بيخشها وبالتالي انت منعت الناس انها توصل للمورد فبالتالي حافظت عليه فبالتالي انت حميته فيفضل مكمل معاك لاطول فتره ممكنه طيب احنا عندنا محميات زي محميه راس محمد فين في جنوب سيناء ومحميه وادي الحيتان فين في الفيوم بيسال عليهم في الامتحانات على فكره دي محميه راس محمد في جنوب سيناء باشكالها الجميله ومحميه وادي الحيتان في الفيوم طبعا هتلاقي بقى عندك هنا كده ايه هياكل وعظام وحاجات هنا كده في المحميه دي المنطقه دي ما حدش بيخشها وبالتالي انت محافظ على المورد ده ما حدش يقدر يسرقه ولا حتى ياخده جميل طيب ما المقصود بحمايه الموارد اهي هي راحت فين الورقه هات يا ولا حمايه الموارد انت ممكن تعرفها كده اه طبعا ايوه طبعا ممكن تعرف حمايه الموارد كده هو الحد من الاستخدام اقف ياد يا محمد عرف حمايه الموارد الحد من الاستخ استخدام اهو اهو بص كده يا حبيبي بص كده بص كده يا دكتوره حمايه الموارد الحد من الاستخدام منع استخدام المورد عاوز بقى تعمل نفسك متفوق وتحفظ تعريف كبير شويه اهو هو الحد من امكانيه الوصول الى الموارد او استخدامها يفرق ايه عن التعريف يا جماعه اللي احنا قلناه من شويه الحد من استخدام المورد او الحد من امكانيه الوصول الى المورد او استخدامه طب يعني ايه استدامه ما الاستدامه دي بقى لازم تفهمها بشكل كويس شوف يا جميل هاتولي ورقه كده دلوقتي انا معايا نفض انا عايزك تفهم يعني استدامه بس الاول لو فهمت كلمه الاستدامه والله هتطبقها على اي حاجه بمنتهى السهوله ده نفط حلو لما ناخد منه كميه كتير كتير كتير كتير كتير كتير كتير كتير كتير في وقت صغير ده اسمه ايه؟ ده اسمه استنزاف استنزاف انك تاخد منه كتير في وقت صغير اكبر من معدل تعويضه فده اسمه استنزاف وده اسمه يا حبيب قلبي عدم حمايه للمورد طب لو انا اسمع اسمع يا دكتور لو انا جبت النفط بقى كده النفط اهو وما خليتش حد يستخدمه نهائي نهائي قلت يا جماعه ما حدش هيستخدم نفط في العالم ثاني عارف ده معنى ايه اسمه حمايه حمايه المورد اسمع اسمع اسمعي يا دكتوره وافهمي لو في دلوقتي خلاص كميه النفط اللي عادت موجوده في العالم قليله جدا وخلاص دولتين ثلاثه اربع دول هم اللي متحكمين مثلا في النفط قالوا يا جماعه ما فيش حد هيستخدم النفط تاني في الحياه غيرنا فهم كده عملوا حاجه اسمها حمايه مش استدامه الحمايه هو انك تمنع اي حد من انه يستخدم المورد بس هل هذا يعقل هل هذا يعقل قل هل ما فيش حد يقدر يستخدم النفط غير كذا وكذا وكذا؟ لا النفط متاح للجميع واللي يقدر يشتري يشتري ويستخدم فاحنا بنعمل ايه مع النفط بقى؟ بص كده معايا ادي النفط اهو بناخد منه كميه على قد الحاجه فبناخد منه كميه صغيره وقت ما نحتاج ده اسمه استخدام مستدام النفط ساعتها يعيش معاه معاك لاطول فتره ممكنه انما كده ما يعيشش معاك لاطول فتره كده يستنزف منك ويخلص منك بسرعه وعلشان تقدر تعمل الاستخدام المستدام دههو لازم توجد بديل ما تستخدمش النفط دايما في توليد الكهرباء دايما استخدم جزء منه واستخدم مصادر الطاقه المتجدده كمان معاك ها يبقى انت اوجدت بديل فبالتالي انت بتريحه شويه ها بيقولوها كده بتريحه شويه يعني ما بتستخدموش بكثره فبالتالي انت كده بتستخدمه استخدام مستدام فالاستدامه اسمع بقى اسمع الاستدامه مش منع لا حضرتك الاستدامه بتقول لك استخدم عادي بس استخدم بحكمه ايه الفرق بين الاستدامه وحمايه المورد حمايه المورد ما حدش هيستخدم المورد اصلا شكرا ما حدش هيوصل له انما الاستدامه لا حضرتك تعالى خد واستخدمه بس استخدمه بحكمه استخدمه استخدام غير مفرط عشان يفضل عايش معانا لاطول فتره ممكنه فالاستدامه مش منع لا الاستدامه هي استخدام اه بس استخدمه بطريقه لا تؤثر على توافره مستقبلا استخدام يعني استخدام بحكمه يعني فهمت الفرق بين حمايه الموارد والاستدامه ده جزء مهم جدا اوعى تطلع من الحصه الاما تكون فاهمه استخدام الموارد بطريقه لا تؤثر سلبا على توافرها مستقبلا يعني خد منها كميه صغيره وقت ما تحتاج طب ازاي ازاي ازاي ننفذ الاستدامه؟ احنا عايزين نعمل استدامه بص يا سيدي اولا استخدام الموارد بحكمه لازم يكون عندك قرارات حكيمه وبالتالي تقدر حضرتك تستخدم المورد ده عند الحاجه فقط اداره اساليب الاستخدام اداره اساليب الاستخدام انك تعمل بقى قوانين وترشيد استهلاك وتعمل كمان اعاده تدوير وفي نفس الوقت تقلل التلوث لان التلوث ده دمار لكل حاجه فازاي هتقدر تحافظ على المورد بتاعك لاطول فتره واصلا في تلوث امنع التلوث قلل التلوث قدر الامكان يبقى كيف يمكن تنفيذ الاستدامه استخدام المورد بحكمه قرارات حكيمه بقى وكمان اداره اساليب الاستخدام ازاي انك بقى تعمل على ترشيد الاستهلاك واعاده التدوير بدل ما تروح تجيب المورد الثاني من الطبيعه لا شوف اللي عندك وعيد استخدامه ثاني ده بيخلي برده الاستخدام استخدام مستدام تمام وتقليل التلوث لو احنا عندنا يا اد شويه ابقار بنرعاه فحضرتك لو جبت الابقار الكتير وحطيتهم هنا كده في منطقه صغيره طب ما الابقار الكتير دول الابقار الكتير اللي انت حطيتهم في منطقه صغيره هياكلوا العشب كله في وقت صغير لان انت حطيتهم في منطقه صغيره طب ما هو اي نعم العشب بيطلع ثاني ولكن على ما يطلعاني الابقار دي هتجوع ومش هتلاقي حاجه تاكلها فده كده اسمه استخدام غير مستدام الافضل ايه الافضل ان انت لو معاك كميه ابقار تقوم محدد لهم و وسامح لهم بمنطقه كبيره فالابقار هتاكل من هنا شويه وتمشي تروح تاكل من هنا شويه وتمشي تروح تاكل من هنا شويه وطبعا ده بيدي فرصه للنبات انه ينمو ثاني فبالتالي الابقار وقت ما بتجوع بتلاقي نباتات ثاني بتنمو بشكل مستدام فلما تيجي ترع اغنام لو يعني حبيت ترع اغنام حدد لهم مساحه كبيره علشان هم لما ياكلوا النبات من منطقه ويروحوا لمنطقه ثانيه فهنا بيدوا امكانيه للنبات اللي كان هنا كده انه ينمو ثاني مره اخرى وبالتالي يوم ما يجوعوا يلاقوا نباتاني ياكلوه تمام بص يا سيدي ثلاث اربع دقاق والحصه هتخلص فخد مني السؤال ده وناقشني فيه صح ام خطا قابليه التجدد قابليه التجدد تعني تعني بالضروره الاستدامه المشكله بقى فين؟ المشكله ان الولد اصلا مش فاهم السؤال عشان يعرف يجاوب الراجل بيقول لك صح ام خطا قابليه التجدد تعني بالضروره الاستدامه صح الاول ولا غلط؟ لا هي غلط ليه لا تعني لا تعني بالضروره الاستدامه افهمك افهمك الماء ده مورد هل متجدد ولا غير متجدد؟ متجدد الماء متجدد فهو بيقول لك هل الماء لما يكون متجدد وطبعا الماء متجدد باستمرار هل ده معناه استدامه؟ يعني ايه استدامه اصلا؟ يعني الحاجه موجوده معانا على طول او لفتره طويله قوي ما هو العقل البشري يقول ايه؟ العقل البشري يقول الماء متجدد يبقى الماء مستدام لان الماء موجود معانا على طول حتى لو الماء انا اسف انا اسف بين قوسين كده حتى لو الماء اسقنا استخدامه واتوسخ فهيرجع ثاني يلف ويرجع لنا ماء نضيف ثاني في دوره الميه المفروض ان انت تقول ان امكانيه التجدد تعن الاستدامه طالما الحاجه بتتجدد اذا هي مستدامه موجوده معانا على طول المفروض تقول كده لكن لا قابليه التجدد لا دعني بالضروره الاستدامه ليه لان انت لو اسات الميه فبالتالي المورد نفسه مش هيكون يكون متاح عندك بالكميه المطلوبه وقت ما تحتاجه قابليه التجدد لا تعني بالضروره الاستدامه السؤال ده لو جه صح او خطا فهو لا تعني بالضروره الاستدامه ممكن يجي علل ممكن يقول لك علل قابليه التجدد لا تعني بالضروره الاستدامه ليه تقوم قايل له حيث يمكن تكتب بقى الجزء ده عندك حيث يمكن استهلاك او اتلاف الموارد حتى وان كانت متجدده وده سؤال هتلاقيه عندك في تمارين الحصه اللي جايه اللي انت هتاخدها واجب انا مش هديك واجب الحصه دي على فكره الحصه اللي جايه هتبقى الحصه الاخيره في المفهوم اسمعني كويس قابليه التجدد لا تعني بالضروره الاستدام مش معنى ان الحاجه دي متجدده وموجوده في حياتنا على طول ان هي تبقى حاجه مستدامه ليه لان حضرتك ممكن تستخدمها استخدام خاطئ فتسرف في استخدامها اهو زي الميه مثلا لو انت استخدمتها استخدام خاطئ فبالتالي مش هتلاقي عندك الميه الكافيه وقت ما تحتاجها ده بالبلدي خالص لا للشرب ولا حتى للزراعه فلما يجي في الامتحان كمان يقول لك علل قابليه التجدد لا تعني بالضروره الاستدامه تقوم ترد عليه وتقول له حيث يمكن استهلاك المورد او اتلافه حتى وان كان متجدد في جزء هنا طبعا الورقه دي هي كانت مكتوبه هنا بس انا حبيت اشرحها لك بطريقه افضل عندنا جزء بقى هنا اخير علشان نقارن ما بين حمايه الموارد والاستدامه اذكر العوامل التي تؤثر سلبا على الاستدامه احنا عايزين نعمل استدامه بس للاسف في حاجات بتمنعنا الزياده السكانيه وطبعا الافراط في الاستهلاك التلوث اكيد تلوث الموارد والتوزيع برده غير المتكافئ للموارد نقدر نلخص الحصه بتاعتنا الجميله في المقارنه الجميله دي اللي بنشوفها كتير في الامتحانات تعريف الاستدامه وتعريف حمايه الموارد حمايه الموارد انك تحد من استخدامها الموارد لو عايز تعمل لها استدامه استخدمها ما تحدش ولا حاجه استخدمها بس استخدمها استخدام حكيم استخدام الموارد بحكمه ازاي نعمل حمايه الموارد عن طريق انك تمنع الصيد الجائر او تعمل المحميه الطبيعيه اهو تخصيص مناطق محميه مثل منطقه راس محمد ومحميه كمان وادي الحتان او محميه راس محمد ومحميه وادي الحتان وممكن كمان تقول له منع الصيد الجائر في بعض الاماكن او منع الصيد في بعض الاماكن خلاص انما ازاي تعمل وتدير الاستدامه اهي لسه كنا واخدينها اهي كيف يمكن تنفيذ الاستدامه هي الجزء دههو الجزء دههو هو دههو هو دههو بالظبط عن طريق اداره اساليب استخدام الموارد عن طريق ترشيد الاستهلاك واعاده التدوير وتقليل التلوث طب ما هي اهميه حمايه الموارد او حتى اهميه الاستدامه الاثنين بيحافظوا لك على المورد بتاعك لاطول فتره ففي واحده بتحمي مورد من الاستنزاف والثانيه بتخلي عادي جدا الناس تستخدم المورد بس استخدام حكيم فبالتالي بيحافظ عليه لاطول فتره استمرار استخدام الموارد دون تعرضها للاستنزاف اللي هو بتستخدمها استخدام حكيم يعني فاضل عندنا في المفهوم ده من اول نشاط رقم تسعه اللي هو ما كميه الماء التي يستهلكها الانسان للاخر الحصه اللي جايه ان شاء الله تبقى الحصه النهائيه ثم مراجعه المفهوم هيبقى في حصه زياده الاسبوع ده ان شاء الله باذن الله اشوفكم على الف خير مافيش واجب الحصه دي سلام عليكم