The Gingerbread Man Story in Arabic Lila Stories

قصة صبي خبز الزنجبيل كان ياما كان بقديم الزمان، مرا ختيارة عايشي مع زوجا ببيت عتيق ووصغير كانت حياتن بسيطة وحلوي بس كان في شي واحد مزعّلن ع مدا السنين هوّي إنّو ما كان عندن ولاد فكانو يحسّو بالوحدة لو قد ما جرّبو يلهّو حالن بشغل البيت والجنينة بيوم من الإيام، بتقرّر المرا الختيارة تعمل بسكوت زنجبيل بتبلّش تخلط وتعجن وتخبز وهي وعم تشتغل، بيطلعلا فكرة بتعمل وحدة من البسكوتات عشكل صبي زغير شو طالع مهضوم يا ريتو صبي حقيقي يلّا، تنحطّو بالفرن ونشوف كيف رح يطلع بالآخر حطّتو بالفرن، وطلعت ريحة كتير حلوي ملّت البيت بعد شوي، شالتو من الفرن وصار وقت تزيّنو عملتلو عيون وتم بالكريما وكرزات صغار لزرار التياب شو طلع حلو بس لمّا خلّصت تزيين، بصير شي ولا أغرب بيغمزا صبي الزنجبيل، بيوقف وببلّش يركض ويصرّخ ما تاكلوني ما تاكلونييييييي! آآآآآهههههه وهون، بنط الصبي من الشباك وبيهرب بتفكّر حالا المرا الختيارة إنّو عم تحلم بس بعدين بتقرّر تعيّطلو تيرجع وقّف! وقّف! - عم بركضضض وعلّي متل الهوا! اتركينيييييي- قلتلّك وقف، ما رح ناكلك وبتطلع من بيتا وبتبلّش تركض وراه، بس ما بتلحّقو بضلّ صبي الزنجبيل هربان وما بيطّلع لورا ولمّا بلّش يتعب، بلاقي حالو قدّام مزرعة بقر ولأنّو بعدو طالع من الفرن، ريحتو الحلوي كانت طالعة وبتنتبه بقرة من البقرات لهالشي وبتقول: مممممم ريحتك شو طيبة!!! يممم بسكوت بالزنجبيل! بدّي آكل بيفزع بالأوّل الصبي بس بيرجع بقول بكل ثقة من مرا ختيارة وهربت أكيد من بقرة رح إقدر إفلت! ما حدا رح ينتبهلي وبقلّع بالركض والبقرة راكضة وراه والمرا الختيارة وراهن وهنّي وعم يركضو حد المزرعة، بينتبهلن خنزير برّي وبشم ريحة صبي الزنجبيل وبقول أووووههه شكلو غدايي إجا عبكّير وبصير راكض تيلقط الصبي، يلّي بعدو عم يركض أكيد إنّو ما حدا رح يلحقو جرّبو، جرّبو! ما رح تقدرو! هربت من الختيارة، ومن البقرة كمان خنزير ما في يلحقّني! ما حدا رح يلحقّني وهون صار الخنزير راكض ومش ملحّق قدامو البقرة، لي قدّاما المرا الختيارة فجأة، بتطّلّ دجاجة عم تسمع الهمروجة لي عم بتصير ولمّا تشوف صبي الزنجبيل بتقول يمّي! كتير بتشهّي هالبسكوتة ولادي الصيصان كتير رح ينبصتو فيا! - هاهاايي انسيا! بتعرفي البنسة؟ إيه إنسي البنسة عم بركض! وعلّي متل الهوا ولا الختيارة، ولا البقرة ولا الخنزير لقطوني أكيد دجاجة ما رح تقدر! ما حدا رح يلحقّني! لأنّي صبي الزنجبيل! ضلّ يركض ويركض مبسوط بحالو إنّو ما حدا عم بلحقو أوّل ما وقّف تيرتاح، بينتبه إنّو صار عضفّة نهر بس ما بيسترجي ينط فيه، بركي فرط عالمي حدّ النهر، بينتبه لثعلبة عم تشرب مي. وهي كمان بتقشعو وبتصير تركض وراه! بس وقت تصير قريبة منّو، ما بتجرّب تلقطو وبتقول: طوّل بالك، بدّي نصير أصحاب ليش هربان؟ بيستغرب الصبي... هيدي أوّل مرّا حدا ما بجرّب ياكلو! انبسط كتير! بيقبل بس بشرط واحد فيكي تساعديني إقطع النهر؟ دغري بتقبل الثعلبة المحتالة، وبتقلّو يطلع عضهرا تتسبح فيه لتاني ميلة بتبلّش تسبح وبتصير المي غميقة أكتر فبتقلّو الثعلبة يطلع عراسا بيعربش عراسا و هون بتعلّي راسا بسرعة وبطير بالهوا وبتفتح تمّا منيح منيح تيوقع بتمّا وتاكلو بس هو وعم بفوت عتمّا، في شي بهدّي بتطلع هيدي المرا الختيارة، ضلت تركض ولحّقتو بتحملو و بتقلّوا: ما تخاف أنا ما بدّي آكلك شو رأيك توقّف تركض وتجي تعيش معنا بالبيت بأمان واهتم فيك وشرّبك حليب؟ بهز براسو صبي الزنجبيل، وبيقبل وبعيش مع المرا الختيارة وجوزا أحلا عيشة وهيدي حكايتي حكيتا وبعبكن خبيتا انطرونا بقصة جديدة