دام دول الخليج قلقة على تركيبتها السكانية ليش ما تستعين بالعرب بدل الهنود والآسيويين

في الحلقه اللي تكلمت عن اسباب من دول الخليج العربي ما تستقبل اللاجئين السوريين كان من ضمن الاسباب اللي ذكرتها موضوع انه بيصير خلل في التركيب الديمغرافيه لكن البعض استنكر هذا السبب وشافوه انه غير مقنع لانه بالمنطق والعقل شلون ممكن يؤثر اللاج او الوافد العربي على التركيب الديمغرافيه لدول الخليج العربي وهم عرب مثلنا وتجمعنا معاهم الكثير من المشتركات وفي المقابل فيه الملايين من الوافدين الهنود والاسيويين في دول الخليج امورهم طيبه ومفتوحه لهم تاشيرات العمل بكل سهوله وهم لاهم عرب ولا بيننا وبينهم مشتركات ثقافيه واجتماعيه والكثير منهم حتى ما هم مسلمين فالمفترض ان القلق على التركيب السكانيه يكون من الاسيويين والاجانب ما يكون من اخواننا العرب المسلمين ولسان حال بعض اللي علقوا يقول ما تبون لاجئين امنا بالله بس ليش حتى يا دول الخليج ما تستعينوا بالعماله العربيه وتسهل لها تاشيرات العمل بدال من هالاعمال الاسيويه تبي تعرف الاسباب و السالفه بالضبط ويهمك الموضوع ابيك اذا تكررت تتابع الحلقه للاخيره لان كل شيء بقوله مهم ومرتبط مع بعض عشان تفهم وتوصل لك الصوره كامله فن صلي على سيدنا محمد صلى الله عليه واله وصحبه وسلم ونبتدي بسم الله السبب الاول واهم سبب اقتصادي بحت انت في بلادك لما يجيك اثنين يدورون عندك على شغل وعندهم نفس المهاره بتختار اللي بيطلب راتب اقل لان عندك مصاريف والتزامات تبي تدفعها وتبي اقصى استفاده من العامل باقل تكلفه الدول العربيه حتى اللي تعتبر المعيشه فيها رخيصه اغلى على سبيل المثال من الهند وبنجلادش وباكستان والعربي ما يكفيه انه يستلم 400 دولار كحد ادنى واذا اعتبرت ان المعيشه في بلادك غاليه فدول الخليج تتجاوزها بمراحل في التكلفه والغلاء واسال اي شخص تعرفه عاش في الخليج بالذات في اخر عشر سنوات يعني الحياه هني مو برخيص ولا ورديه مثل ما يتصور البعض فمستحيل تكفيك 400 دولار الا اذا كنت مقطوع من شجره ما عندك هدف تبي تحققه ولا اهل تصرف عليهم لكن الوضع يختلف بالنسبه للاسيويين المعيشه في بلادهم رخيصه ويرضون بالقليل ويقدرون على قوله اخواننا المصريين يحوشون كم فلس فبدل ما اي جهه عمل في الخليج تستقطب عامل عربي يكلفها راتب وقدره تقدر بنفس الراتب تجيب اثنين ولا ثلاثه عمال اسيويين يسوون نفس الشغله ويمكن اكثر بتكاليف استقدام رخيصه ثاني شيء اغلب العمال الاسيويه تشتغل في الاعمال الانشائيه والبلديه والخدميه عمال بنا مهندسي نظافه توصيل طلبات بياعين في محلات تجاريه يعني هنوع من الوظائف وعندهم مرونه في العمل وتحمل الظروف الصعبه لساعات طويله وما عندهم مشكله يسكنون خمسه سته في غرفه واحده بعكس العديد من العماله العربيه اللي ممكن ما تناسبهم هذه الظروف وممكن تدخل في مشاكل مع ارباب العمل على سبب يتعلق بالراتب بالاجازات بوقت العمل نوع العمل وهلم مجرع ومع ذلك في دوله الكويت والمملكه العربيه السعوديه في عماله عربيه كريمه بدات تغطي هالنوعيه من الاشغال بالذات المتعلقه بالبناء والتشهد اما لحساب شركات خاصه او لحسابها الشخص فانت اخي الكريم اذا عندك القدره والقابليه انك تشتغل براتب زهيد وفي ظروف مناخيه صعبه والساعات طويله بالعكس هذه الساعه المباركه وانت في الاول والاخير اولى من الاجنبي والاقربون اولى بالمعروف لكن هذه سوق وبزنس مثل ما يقولون الكل يبي يستفيد باقل تكلفه ممكنه بعيد عن اي اعتبارات وصدقني لو بلادك مهما كانت الظروف المعيشيه فيها صعبه وحصلت فرصه تستقطب عماله اجنبيه رخيصه ما بتتردد ف هالشيء ولان الوضع الاقتصادي في دول الخليج افضل من باقي الدول العربيه فهذا خلاها دول جاذبه للعماله اكثر من غيرها لكن الوضع الحين اختلف بشكل كبير عن السنوات السابقه وصارت كل دوله خليجيه تسابق الزمن في توطين الوظائف بمختلف انواعها باجور مدعومه من الحكومات والاستغناء عن خدمات الوافدين سواء كانوا عرب ولا اجانب وهذا اللي قاعد يصير سبب ثاني يفسر لك ليش العماله الاسيويه كبيره في دول الخليج والهنديه بالتحديد وهو موضوع الاستثمار والاتفاقيات الاقتصاديه دوله الامارات على سبيل المثال وقع اتفاقيات اقتصاديه شامله مع الهند وعدد الشركات الهنديه المسجله في الامارات هي الاكبر من بين كل الجنسيات وبحكم مرونه قوانين الاستثمار والحريه اللي يتمتع فيها المستثمر طبيعي تلقى ارباب العمل الهنود يفضلون عماله ابناء بلدهم المدربه على غيرها لانها ارخص في التكلفه الدوله ما تجبر المستثمر انه يوظف جنسيه معينه حتى في اوروبا وكندا وامريكا يستعينون الحين بالهنود وبالذات في المجالات التكنولوجيه والتقنيه مع ان في مواطنين امريكان واوروبي عندهم المهاره والكفاءه لكن مثل ما قلت لك الموضوع بزنس سبب ثالث بعض الدول العربيه ما فيها استقرار سياسي وفيها مشاكل امنيه داخليه وطبيعه الدول تتحفظ تجيب منها عماله قد تكون متورطه في قضايا سياسيه او امنيه خلك من دول الخليج الحين باقي الدول العربيه اللي كان يقدر يدخلها مثلا السوداني واليمني والسوري صعب وايد الحين مع المشاكل اللي صارت يدخلها بنفس السهوله اللي كانت قبل وصارت عليهم تعقيدات واشتراطات لها اول وما لها غير ان المشاكل الاجتماعيه والامنيه المتكرره اللي يتسبب فيها بعض ابناء الجاليات العربيه والغير عربيه تلعب دور في ان الجهات المختصه تتخذ اجراءاتها القانونيه ضدهم وتقوم بابعاد المتسببين لمخالفتهم النظام وممكن تحد من استقدام عماله من بلدانهم في المستقبل مثل اللي صار مع العماله البنغاليه في فتره من الفترات في الكويت والبحرين واخرها الحدث اللي صار في دوله الامارات وقرار الابعاد اللي اتخذ ضد المتظاهرين اللي اقرت المحكمه بحق اللي تظاهروا في الشوارع العامه سبب رابع ان تاريخ تعامل دول الخليج العربي مع العماله الاسيويه قديم حتى من قبل ظهور النفطه بحكم العلاقات التجاريه والتاريخيه وطبيعي مع التطور اللي صار في دول الخليج وحاجتها للعمال الماهره استعانت بالاسيوي وزاد الاعتماد عليهم اما الاعمال العربيه من بدايه الثلاثينيات كانت تشغل نوعيه وظائف محدده في التعليم والهندسه والطب اما سبب التاثير على الهويه الوطنيه والتركيبه السكانيه فاحنا كعرب وان كنا نتكلم لغه واحده وبينا ثقافه مشتركه لكن تبقى في خصوصيه لكل دوله عربيه تبي تحافظ عليها في مشتركات بين الدول العربيه مو موجوده مع الدول الاسلاميه مثل اللغه وفي مشتركات بين دول الخليج مو موجوده في باقي الدول العربيه مثل بعض العادات والتقاليد وفي مشتركات في الدوله الخليجيه نفسها مو موجوده مع دول الخليج الباقيه وفي مشتركات في مدينه معينه مو موجوده في مدينه ثانيه في نفس الدوله الخليجيه ويستمر هالموضوع كل ما تعمقت وصارت الدائره اصغر والعماله الاسيويه لها تقاليدها وثقا فتها الخاصه ولكن تاثيرها ضعيف جدا ويكاد لا يذكر بسبب انها منعزله تماما عن الشعب وما في اختلاط الا في حدود العمل وتمارس ثقافتها بعيد عن ثقافه اهل البلد ولهم تجمعات سكانيه معينه في مناطق بعيده عن مساكن المواطنين وتلقا بالذات في الشركات اللي تحتاج ناس يتكلمون اللغه الانجليزيه ومهاره معينه ومقيدين بعقود عمل لفتره محدده متى ما خلصت ارجعوا بلدانهم لكن الوضع يختلف مع الاعمال العربيه سهل ان العرب يتداخل مع الخليجي وكل واحد ممكن يعطي شيء من ثقافته الخاصه للثاني وياخذ منه بالذات وان فيه احتكاك مباشر بين العمال العربيه والمواطنين في قطاعات حكوميه حساسه مثل التعليم والصحه والخدمات وبعض الاجهزه الامنيه واي مواطن عربي سهل انه يتاقلم ويندمج في اي دوله عربيه في البدايه يمكن يحس بغربه لكن مع مرور الوقت بيحس انه في بلده الثاني بسبب روابط الدين واللغه والثقافه العامه واكثر العرب يفضلون الاستقرار مدى الحياه في في دول الخليج على الرجوع لبلدانهم بالذات اللي فيها مشاكل امنيه او ظروف الحياه فيها صعبه لكن مثل ما ذكرت رغم مشتركات الدين واللغه والثقافه العامه تبقى لكل دوله عربيه خصوصيه ثقافيه معينه وهويه وطنيه وميزان ديموغرافي ما تبيه يختل على حساب الشعب الاصلي ومع كل الاسباب اللي ذكرتها عدد العمال العربيه في دول الخليج بالملايين فموضوع ان دول الخليج تفضل العمال الاسيويه على العماله العربيه كلام غير دقيقه ويختلف باختلاف الحاجه والظروف والقوانين كل دوله تستعين بالعماله اللي تلبي حاجتها في قطاع معين وفق قوانينها الخاصه الاسيوي يقدر يشتغل في مجالات معينه ومحدده لكن العربي مرحب فيه في كل المجالات في القطاعين الحكومي والخاص اذا قبل بظروف العمل وعنده المهاره والكفاءه وما ننكر دور اخواننا في مصر وبلاد الشام واليمن والسودان وتونس والمغرب في التنميه اللي صارت في دولنا يبقون مساهمين وشركاء نعتز فيهم في بناء بلداننا يد بيد مع ابناء دول الخليج العربي لكن النقطه المهمه اللي ابي اقولها ان ما حد له فضل على الثاني الفضل في الاول والاخير لرب العالمين العامل العربي في دول الخليج ايا كانت مهنته وشلون قدر يعيش حياه ميسوره او يسوي له شيء في بلاده الام فهذا من جهده وتعبه وعرقه وفي المقابل ما في فضل للعربي على الخليجي لانه ما درس ولا عالج ولا خطط مجانا كل خدمه كان يسويها كان ياخذ عليها اجر وثمن ما عليه اعذروني على هالحكي لكن كان يقرقع في قلبي من زمان على اللي يقول اح احنا درسنا وعالجناه اني يقول من فلوسنا ومن خيرنا وللتذكير سويت حلقه عن شلون تنظر بعض الشعوب العربيه للخليجيين وشلون ساهم الاعلام التافه في رسم صوره نمطيه مغلوطه عن الخليج واهله حلقه ان شاء الله بتخلي اي واحد فيكم حاط في باله قالب معين يعيد النظر ويفكر في الموضوع بشكل ثاني بخلي لكم رابط الحلقه في اول تعليق وكالعاده اذا تعتقد ان الحلقه وضحت لك الصوره اكتب مفهوم يا محصول واذا لك راي ثاني اكتب رايك في التعليق اشوفكم على خير ان شاء الله والسلام عليكم ورحمه الله وبركاته