أسطورة الرحالة العربي ماذا وجد الباحثون في مخطوطات ابن بطوطة

السلام عليكم في سؤال بيتسال من 700 سنه لحد النهارده سؤال بسيط جدا هل ابن بطوطه اخترعته؟ مش انا اللي بسال السؤال ده عنوان ورقه بحثيه نشرت في مجله الجمعيه الملكيه الاسيويه سنه 1929 والاجابه مش بسيطه زي ما انت فاكر الراجل ده سافر ما يقارب 117000 كم في 29 سنه يعتبر واحد من اعظم الرحاله في التاريخ الاسلامي وكتابه اترجم للانجليزيه والفرنسيه والالمانيه وغيرها بس في نفس الوقت على مدار قرون ناقش المؤرخين والباحثين مدى دقه بعض رواياته واكتشفوا ان في رحلات كامله الباحثين بيشكوا فيها بسبب مشكلات التوقيت والمسافات واجزاء ثانيه فيها تشابهات كتير مع كتب رحاله سبقوه فسؤالنا النهارده مش مين هو ابن بطوطه السؤال هو ايه اللي حصل فعلا وازاي نقرا التاريخ بعين ناقده من غير ما نظلم حد اهلا بكم النهارده هنفتح ملف ابن بطوطه بالكامل الحكايه بتبدا سنه 1304 ميلاديه في مدينه طنجه بالمغرب اسمه بالكامل هو ابو عبد الله محمد بن عبد الله اللواتي الطنجي المعروف بابن بطوطه ولد في اسره من القضاه والعلماء واتربى على العلوم الدينيه والادب وده مهم جدا تفهموا ان ابن بطوطه مش بس كان مستكشف محترف او جغرافي لا كان قاضي وفقيه وسافر في الاصل علشان يحج بيت الله الحرام الموضوع كله بدا بنيه الحج في سنه 1325 ميلاديه وهو عنده 21 سنه بس خرج من طنجه وحيد مش معاه حد رايح لمكه علشان الحج بس في الطريق حاجه حصلت جواه كل ما يوصل مدينه جديده يلاقي نفسه مش قادر يمشي منها كان عاوز يشوف اكت يعرف اكتعمق اكت الرحله اللي المفروض تاخد اشهر اتحولت لمغامره من 29 سنه طف فيها بلاد المغرب ومصر والشام والحجاز والعراق وفارس واليمن والهند وجاوه وبلاد التطار واواسط افريقيا وذكر في رحلته انه وصل للصين كمان ظهر مناطق تمتد عبر ما يقارب من 40 دوله حاليا ده اللي وثقته موسوعه بريتانيكا وجامعه كاليفورنيا في مودها عن رحلته نوصل لاول مشكله ما حدش يتكلم عنها ابن بطوطه ما كتبش كتابه بنفسه لما رجع المغرب المغرب سنه 1354 ميلاديه السلطان الماريني ابو عنان فارس امر اديب شاب اسمه ابن جزي الكلبي انه يقعد مع ابن بطوطه يسمع منه ويكتب الكتاب مكانه ابن جزي كان اديب وشاعر مش مؤرخ الباحثين لاحظوا ان في تداخل واضح بين الاسلوب التقريري البسيط لابن بطوطه والاسلوب الادبي المزخرف لابن جزيء واشارت موسوعه بريتانيكا وهي من اشهر الموسوعات التاريخيه الموثوقه الى ان ابن جزي زي اضاف للكتاب طابع ادبي وزخرفي وفي حاجات ثانيه مهمه جدا كشفتها الابحاث الحديثه في جامعه كاليفورنيا وثقت في مودها التعليميه ان ابن جزي ملا الفراغات في اوصاف ابن بطوطه باوصاف مكه والمدينه ودمشق من كتابات الرحاله الاندلسي ابن جبير اللي عاش قبل ابن بطوطه بقرن ونص يعني الكتاب اللي قدامنا ده مش 100% كلام ابن بطوطه ده مزيج بين اللي حكاه ابن بطوطه واللي اللي اضافه وجمله ابن جزي من كتابات سابقه وده بيخلي التحقيق التاريخي اصعب بكتير قبل ما نتكلم عن الجدل لازم نكون منصفين ونشوف اللي توثق فعلا رحلاته في بلاد الشام ومصر والحجاز والعراق وفارس تعتبر من اكثر اجزاؤه توثيقا واتساقا مع المصادر التاريخيه الثانيه وصفه لمصر في عهد المماليك وللقدس والاسكندريه دقيق جدا ومتوافق مع اللي وثقوا المؤرخين من مصادر مستقله واعظم توثيق عنده كانت رحلته للهند سنه 1333 ميلاديه لانه كان اشتغل قاضي عند سلطان دلهي محمد بن طغلق لمده سبع سنين وده موثق من مصادر هنديه مستقله كمان وصفه للهند في القرن ال 14 يعتبر من اهم الوثائق التاريخيه عن شبه القاره الهنديه في الحقبه دي وكمان رحلته المالي في غرب افريقيا سنه 1352 ميلاديه بيعتبرها المؤرخين من اهم المصادر عن غرب افريقيا الاسلاميه في القرن ال 14بع عشر لانها بتحتوي على تفاصيل دقيقه عن حضاره وملوك المنطقه دي مش موجوده في اي مصدر ثاني دلوقتي بقى نيجي للجزء الاهم في الفيديو في روسيا القديمه كان في مدينه اسمها بلغار على نهر الفلجه ابن بطوطه قال في كتابه انه زار المدينه دي وهو في رحلته لبلاد القبجاق سنه 1333 ميلاديه المشكله ان الباحث ستيفن يانتشيك نشر في سنه 1929 ورقه بحثيه في مجله الجمعيه الملكيه الاسيويه عنوانها بالحرف رحله ابن بطوطه لبلغار هل هي اختلاق وفيها وصف يشيك الرحله دي بانها غير مرجحه لان الجدول الزمني بيخليها شديده الصعوبه ما كانش عند ابن بطوطه وقت كافي يعملها في الاطار الزمني المتاح بس المفاجاه الاكبر اكبر جت من مكان ثاني المترجم الاكاديمي الكبير اتش اي ار جيب اشهر من ترجم كتاب ابن بطوطه للانجليزيه لاحظ ان اجزاء كامله من وصف المدينه المنوره ومكه ودمشق منقوله بشكل مباشر من كتابات الرحال الاندلسي ابن جبير اللي عاش قبل ابن بطوطه بقرن ونص وبنى على ملاحظات جب الباحث جون ماتوك اللي عمل دراسه مقارنه مستفيضه ونشرها في مجله الجمعيه الملكيه الاسيويه وقال فيها ان ما يقارب من سبع كتاب ابن بطوطه في تشابهات مباشره مع كتاب ابن جبير الموقف الاكاديمي ده اللي وثقته موسوعه بريتانيكا هو ان رحله بلغار في عدد من الباحثين شايف انها غير مرجحه تاريخيا بسبب مشكلات التوقيت والمسافات مش حكم نهائي لكن الشكوك على الرحله دي قويه جدا نوصل لاشهر واقعد جزء في الحكايه ابن بطوطه في كتابه بيقول انه سافر للصين ووصل لمناطق داخلها والجمله مشهوره جدا عنها الصين امن واحسن بلاد الله للمسافر بس هنا بتظهر المشكله الباحثين لما حللوا وصفه للصين لاحظوا ان الوصف عام ومبهم جدا مقارنه مثلا بدقه وصفه للهند او مصر وبتشير مواد تعليميه من جامعه كاليفورنيا ان وصفه للصين اثار شكوك عدد كبير من المؤرخين وال عدد من المؤرخين انه ممكن يكون وصل بس للموانئ الجنوبيه فقط ومش اكث من كده او انه اعتمد على روايات سمعها من تجار وموسوعه بريتانيكا بتقول ان في شكوك حول الجزء الشرقي من رحلاته خلاصه الامر مش حكم بالكتب على ابن بطوطه لكن في خلاف اكاديمي حقيقي حول مدى وصوله لعمق الصين هنا لازم نقف ونكون منصفين جدا موسوعه بريتانيكا وهي من اشهر الموسوعات التاريخيه الموثوقه بتقول ان ابن بطوطه بشكل عام موثوق وان الاخطاء اللي عنده كثير منها جت من ضعف الذاكره مش من النيه في الخداع لانه املى الكتاب بعد سنين من الرحلات من غير تدوين يومي منتظم وفي حاجات ثانيه مهمه ابن بطوطه نفسه في الكتاب بيقول بصراحه احيانا حدثت عن هذه المدينه ولم ازرها يعني في مرات بيكون صريح انه بيحكي من سماع مش من تجربه الاشكال بقى ان في اماكن ثانيه روى بعض الاحداث بصيغه التجربه الشخصيه وهي محل جدل اكاديمي خلاصه الموقف الاكاديمي ابن بطوطه رحاله حقيقي وعظيم وموثوق كمان رحلاته في العالم الاسلامي وافريقيا وجزء من اسيا موثقه وقيمه لكنه ممكن يكون عنده بعض المبالغات في بعض الاجزاء المشكوك فيها والكتاب اللي وصل لنا هو مزيج بين اللي عاشوا واللي اضافه ابن جزي من كتابات سابقه رغم كل الجدل ده في حاجه ما حدش مش بيختلف عليها. ابن بطوطه سافر ما يقارب 117000 كم ويعتقد انه من اكبر مسافات السفر المسجله قبل عصر البواخر والقطارات وكتابه تحفه النظار في غرائب الامصار وعجائب الاسفار اترجم للبرتغاليه والفرنسيه والانجليزيه والالمانيه وده اللي وثقته مؤسسه هنداوي في مقدمه الكتاب. وصفه للعالم الاسلامي في القرن الرابع عشر الاسواق والعلماء والامراء والعادات والامراض والحروب ده ارث تاريخي لا يقدر بثمن المؤرخين حتى اللي بيشككوا في اجزاء من رحلاته بيستشهدوا باجزاء ثانيه منها توفي ابن بطوطه سنه 1368 او 1377 ميلاديه المؤرخين اختلفوا في تاريخ وفاته بالتحديد وينسب اليه قبر في طنجه بالمغرب موجود لحد النهارده القصه دي مش بس عن ابن بطوطه دي قصه عن ازاي نتعامل مع التاريخ مش كل حاجه مكتوبه صح ومش كل حاجه مكتوبه غلط التاريخ الحقيقي بيحتاج منك عقل ناقض وصبر في البحث وامانه في العرض حتى لو الحقيقه مش اللي كنت متوقعها ابن بطوطه رحاله عظيم لكنه مش معصوم وكتابه كنز تاريخي لكنه مش كتاب سماوي والفرق ده مهم جدا وبكده نكون انتهينا الحمد لله من حكايه ابن بطوطه لا تنسونا من صالح دعائكم شكرا سلام