الغلطة لي تخليك جامي تداخري دراهمك

بسم الله والصلاه والسلام على رسول الله كي راكم البنات ان شاء الله كامل تكونوا غايه انا في نعمه والحمد لله شوفوا البنات اللي راهم زايفتين لي على التقسيمات باذن الله كل مره ندير وحده وكيما دائما نقول لكم راني دايرت لكم طريقه تقسيم الميزانيه دخلوا لها وحاولوا انكم تقسموا كل وحده تقسم ميزانيتها انا يعني نزيدكم افكار في الناس اللي عندها الدين في الناس اللي راها باغي تداخر في بزاف صوالح بصح الميزانيه نتاعكم حاولوا انكم تقسموها معليش كل مره ندير حاجه اليوم هذا الفيديو ما كانش مبروكرامي نهائيا بصح الله غالب انا تعرفوني قلبي يضرني كي نكون هكا نسمع شي حاجه ولا نسمع شي قصه ا هذ الصوالح شفتهم في التعليقات شحال من مره كانت تكتب وحده انا حيني اليوم كتلني غدوه غدوه العاطي الله ما عرفتش وقتاش نحيا البارح انايا كنت هكا مجمعه في واحد المجمع تاع خدمه نهضروا نتناقشوا هضره تجيب هضره المراه محطمه وتزيد تقول لك يا ودي الله من تهدر على الدراهم ولا تقول لك يا ودي الله يخلينا غير ما هاك من نيتك اختي من نيتك الله يخليك ما هاك ما خليتش فيها والله يا البنات ما خليت فيها خطش علاه اليوم غادي غادي نفهمكم واحد بزاف الصوالح اللي الناس غالطين فيهم وواحد الحاجه شفتوا الفيديو اللي راني دايرتها لكم اليوم على الادخار راني دايرتها لكم في راني دايرت في القناه الزوجه غادي نحط لكم فيديو تقريب كيفاه في القناه غادي نخلي لكم الرابط في التعليق المثبت على العقليه نتاع خصك تكوني تعيشي ساكته ما تهضريش لو كان تردي ولا لو كان تهضري على حقك راكي ماشي مربيه صايي وتعيشي ساكته وتفوتي الكلمه ومنا انت بت الناس هذه هي الغلطه اللي علموها لكم في المجتمع ما هذ الغلطه اللي راني ماشيه نهضر عليها اليوم شوفوا الادخار هذا نورمالمون نورمالمون نورمالمون خاص تكون عندنا في حياتنا ثقافه الادخار بزاف من الناس هذه الثقافه ماراهاش عندهم عندهم غير ثقافه الاستهلاك اشري اشري كول البس حوس دور المشكله هذه هي الناس حاسبين الادخار هي ثقافه تاع الفقراء ولا حاسبين هذا الادخار هي ثقافه تاع الجيعانين لا الادخار راه من وقت الانبياء من عهد الرسل والانبياء وخير دليل اللي خصكم تتمشاوا عليه سيد الخلق وابسط القصص تاع الادخار هي تاع سيدنا يوسف عليه السلام اسهل قصه تتعلموا منها الادخار سبع سنوات ادخار علاه سبع سنوات سيمان باش يعيشوا سبع سنوات جعاف يعني تاع فقر الداخر سبع سنين يعني الادخار ماغاديش يكون من شهر ماغاديش يكون شهرين ماغاديش يكون عام ماغاديش يكون عامين الادخار راه يدخل في سنوات وسنوات وسنوات سنوات سبع سنوات داخرهم باش يعيشوا سبع سنوات انا كي تخموا ما تخموش السبع سنوات اللي كانوا عايشين غايه خموا في السبع سنوات تاع الفقر ذاك الادخار اللي باش يعيشهم ذوك السنوات الاخرى درك الانسان خص يكون عنده ثقافه الادخار في حياته ما تبعوش الناس اللي تقول لك انا ضمنت نعيش غدوه الضامن ربي منا الرمشه العين اللي نرمشوها دروك قادرين نموتوا فيها ونروحوا بصح كاين اللي على بالكم سبحان الله كاين اللي تجي تقوللك انا نجمع ونلم وندداخر ضمنت راسي نموت ها راكي متي كاع وخليتيهم علاش انت في ميزك انت انت في ميزك كي تروحي عند مولانا سبحانه غادي تقعدي تخمي في الذهب اللي خليتيه وفي الدراهم اللي خليتيهم ودي باينه تقودي تخمي في صلاتك اللي فوتتيها في بنادم اللي ظلمتيه في النميمه اللي كنت والغيبه على الناس غادي تندمي على الافعال ماغاديش انت كاع تخدمي عقلك ديك الدقيقه باللي راني خليت ذهبي ولا خليت دراهمي ولا خليت رزقي وحاجه واحده اخرى ها راكي كاع متي وخليتي رزقك رزقك هذاك راه لوليداتك على الاقل على الاقل ما تخلوش وليداتكم فقراء ولا تورثوهم الفقر ولا تخلوهم محتاجين يطلبوا الناس منا ومنا شوفوا كاينه واحد القصه مارانيش متفكرتها غايه الغايه بصح راني متفكره رؤوس اقلام عليها اللي هي وقت الرسول صلى الله عليه وسلم شوفوا الرسول صلى الله عليه وسلم مشى زار سعد ابي الوقاص كان مريض مسكين كان على فراش الموت المهم فراش المرض يعني سعد ابي الوقاص حس باللي الموت دخلاته يعني هذ المرضى راهي ماشيه صيب وتكمل عليه قال ش قال هو للرسول صلى الله عليه وسلم قال له يا رسول الله قال له انا را عندي مال كبير وعندي غير بنت وحده واش رايك نقدر نتصدق من ثلثيين المال الرسول صلى الله عليه وسلم قال له لا قال له صح انا تصدق بالنص قال له لا قال له نتصدق بالثلث قال له الرسول صلى الله عليه وسلم الثلث والثلث كثير غايه الغايه قال له تصدق بالثلث بصح حتى الثلث كثير يقول له الرسول صلى الله عليه وسلم ان تذر ورثتك اغنياء خير من ان تذرهم عاله يتكففون الناس شوفوا سبحان الله الرسول صل صلى الله عليه وسلم واش قال له تخلي ولادك اغنياء احسن من انك تخليهم عاله على المجتمع ويطلبوا الناس يتكففون الناس اعطيني اعطيني محتاج سلفني منه شفتوا كيفاش درك الاعمار بيد ربي سبحانه انت راكي تقولي انا ربي حياني منا خمس سنين منا 10 سنين مننا اللهم تداخري خمس سنين وع سنين وتستف تفادي من ذاك الادخار ونهار اللي تحتاجيه تلقيه احسن من انك تقعدي تستني الموت شوفوا لو كان نتمشوا بهذ العقليه تاع الموت والعاطي الله والموت ما حسيت راسي نموت رانا ما نخدموا الاولى ما نقراو نقعدوا نستنوا غير الموت ما نخدموا ما نديروش غلاتنا ما والو ثاني نقعدوا نقولوا انا ضمنت راسي العام الجاي نموت الانسان هذا اللي يتمشى بهذا التخميم راه انسان جاهل سطروا عليها جاهل راه كاين الفرق بين الوعي والجهل الانسان الواعي انني نسعى في دنيتي والموت بيد الله عايش الدنيا ماغاديش نقوللك تعيشي الدنيا تفرعني فيها لا نعيش على اسس ديني على ربي سبحانه ش واش امرني وراني عايش دنيتي درك المشكله اللي تضر في القلب بزاف من الناس عندهم هذه الفكره يبان لهم باللي هذ الفكره تاع الفقر حاجه مليحه علموا لنا باللي الفقر ولا الفقير انسان زين ومليح وثاني واحد الفكره ما هذه تاع الفقير الناس دي فوا شوفوا ربطوا واحد العلاقه والله ولات تبان لهم من صفات الفقر من صفات الصالحين بدات تبان لهم الناس اللي قراب ربي سبحانه وتعالى خص يكونوا فقرا را ايوا هذه عقليه خصك تقعد في الفقر باش تكون قريب لربي باش تكون صالح والعكس بزاف اللي عندهم في عقليتهم باللي الغنى حاجه ماشي مليحه هذ الافكار روجوا ليها بزاف بزاف شوفوا وين تروجت ليها في هذ القصص وتروجت ليها بزاف في المسلسلات يديروا لك دائما ديك البطله مسكينه فقيره مرمده كسوتها مقطعه تعبت طاحت راحت ويديروا لك الانسان اللي متجبر في ذاك المسلسل ولا في ذيك القصه يديروه لك باللي هو انسان غني يسوقوا لك لواحد الفكره باللي الغني دائما فاسد وباش تكون غني خصك تكون فاسد معادله وعكسها يديروا لك الفقير دائما صالح وباش تكون صالح خصك تكون فقير لا احنا ماراناش نقولوا اغنياء كامل صالحين ولا كامل فاسدين وما راناش نقولوا الفقراء كامل صالحين كاين اللي فقير وداير داير داير اللي ما يديرهش واحد متجبر وكاين اللي غني وما شاء الله ربي سبحانه عطيه الرزق بصخيره وصوالحه ماخصكمش تكون عندكم هذ المغالطات على بها هي تهضر لك ديك الهضره لا معليش غير خلينا فقراء ولا زاد عليك الدراهم اختي ديك الحاله الجلابه اللي كي لابسها تبدليها تبدلي ديك الصباط اللي راه مقطع تمشي تصدقي تاكلي تشربي تعمري كرشك تخدمي اموراتك على هذا الشي حرام وعلى بالكم ثاني المغالطات اللي عاطينها لكم وفتشوا انا راني نقول لكم انتما فتشوا على سيد الخلق شوفوا بزاف من الناس بزاف اللي عندهم اعتقاد انه الرسول صلى الله عليه وسلم كان فقير وكي تهضري له يقول لك الرسول الرسول صلى الله عليه وسلم كان فقير ما كانش عنده حش ليله كان يربط الحجره على كرشه استنوا بصح خصكم تفهمواشي هذا هو الصح قراوا ياك باغي تحوسوا على الصح قراوا كتب السيره الرسول صلى الله عليه وسلم كان غني كان من الاغنياء كان غني بصح ش كان زاهد ش معناها زاهد شوفوا كاين الفقر وكاين زاهد زاهد الفقر هي ما عندك والو ما عندكش صاي فقير والزاهد هي اللي عندك المال بصح انت زاهد انت تتعامل بهذاك المال بيدك مشي قلبك ك شغل قلبك مشي متعلق بهذاك الدراهم كي تجي افير تاع صداقه ولا تاع مرض انسان مريض ولا ويقصدوك باش تعاونه تعاونه معلق بذاك المال غير بقلبك بصح الانسان اللي يكون معلق بالمال بيده لو كان يجي قدامه واحد باغي يموت ومحتاج دراهم باش يدير عمليه ما يمدلهش مالقري هو غني هذا هو الانسان اللي متعلق بالمال بيده وكاين الانسان اللي متعلق بالمال بقلبه ك سيد الخلق عليه الف الصلاه والسلام كان كان زاهد كان متعلق بالمال بقلبه تسمعوا جدودكم شوفوا هذه ما تقولوليش جامي سمحتها من جدي ولا تسمعوا جدودكم من يقولوا لكم الله يجعل الدراهم في يدي دينا وما تكونش في قلوبنا هذه هي معنى زاهد درك نولوا لهذك ربط حجره في كرشه مجوع كاين اللي يقوللك حادثه يعني صحيحه وكاين اللي يقوللك فيها اختلاف معليش احنا نقولوا ولنفترض انها صحيحه هي صح صرات بصح وقتاش صرات هذيك الحادثه صرات في غزوه في حرب كي صر لهم في الحرب كانوا حاصرين صار لهم ك اخواننا في فلسطين كاين ناس اللي اغنياء بصح نهار اللي لقاو ريصانهم ساكن محاصرين ما يتصرفوش في مالهم ما يتصرفوش في صوالحهم قتلهم الجوع كما هكا صر للرسول صلى الله عليه وسلم ربط الحجر لانه كان في غزوه كان في حرب كانوا محاصرين العدو ما خلاهمش يخرجوا باش يجيبوا المؤونه والاكل سمحتوني والحاجه اخرى اللي تثبت انه الرسول صلى الله عليه وسلم سمحولي ضربت التليفون جاه انسان يقصد الرسول صلى الله عليه وسلم باش يتصدق عليه يا رسول الله تصدق علي ش قال له الرسول صلى الله عليه وسلم قال له شفت هذ الغلم اللي راها قدامك قال له زعما راها بزاف قال له ماشي راها بزاف الرسول صلى الله عليه وسلم يحكي له قال له راه كاين واد بين جبلين هذا الغلم راها معمره مرا ذاك الواد تخيلوا انتوما غلم عدد نتاعها بين جبلين وا قداش معمر غلم قال له تكفيك قال له تكفيني يا رسول الله انتما في ميزكم انسان فقير يمد الواحد جا يطلب الصدقه غنم عدد نتاعها ما بين الجملين الجبلين في ميسكم المغالطات هذه خصها تتصحح بزاف شوفوا يحوسوا ترسخ لكم في عقليتكم واحد الفكره خاطئه خاطئه نمشوا عاود ما نمشوش بعيد باش نعرفوا باللي ماكش منها هذه تاع مال وغاني ومتجبر وفقير والله يخلينا غير ما هاك والله يعمر قلوبنا وا الله يعمر قلوبنا بالايمان والله يثبتنا بصح المال زين راهم حتى من ابي بكر الصديق كان من الاغنياء عثمان بن عفان كان من الاغنياء تخيلوا هذو لو كان عاشوا هذا الوقت الثروه نتاعهم تكتب العالم العالم كومبلي ماكينش اللي يكتب ثروتهم بصح كانوا مبشرين من الجنه اسكو كانوا جبابره اسكو كانوا يديروا الشر كانوا من المبشرين من الجنه ومن المبشرين من الجنه ما كانش غير هذو اللي عندهم الثروه كانوا شي خمسه ولا سته اللي عندهم الثروه يعني اغنياء الاغنياء ذاك الوقت راكم تسمعوا والرسول صلى الله عليه وسلم يقوللك المؤمن القوي خير من المؤمن الضعيف ش هي هذه المؤمن القوي خير من المؤمن الضعيف ماشي صحه وجهد ورواحدابزك بكل شيء بالمال بالعلم بالحاجه بالعقل بكل حاجه المؤمن القوي خير من المؤمن الضعيف والرسول الرسول صلى الله عليه وسلم كان يتعود من الفقر اللهم اعوذ بك من الفقر وقال اللهم اعوذ بك من الكفر والفقر شوفوا و دارهم في ميزان الكفر والفقر دارهم في ميزان ما تورثوش ولادكم الفقر وما تورثوش لرواحكم الفقر خصكم تتعودوا على حاجه يسموها الادخار وتعودوا وليداتكم على الادخار ار على الادخار ما تشوفوش ما تشوفوش للناس ما تقعدوش تقارنوا الناس ولا كاين اللي سبحان الله قلبه مريض يشوف واحد غاني يتعب عنده المال هذاك دارهم غير بالكريدي بونكير هذاك راه كان ياكل غير الحرام طليت عليه انتيا كنت معه شوفوا الانسان قلبه كي يمرض راك فقير معليش بصح نطور من راسي ندير نكبر مالي نكبر ثروتي نسعى لصوالحي ما نقعدش انا نتبع غير في الناس ولا بديك العقليه غير تاع انا هذ العقليه تاع توريف الفقر ما نبغيهاش ما نبغيهاش والادخار شوفوا كاين بزاف نحكي لكم انا نحكي لكم كيفاش انا من صغري متعلمه الادخار شوفوا انا كنت نقرا بعيده كان يجي البيس يدينا باش نمشوا نقراو للسيام ولليسي واللي راهم في التل اغلبكم تعرفوا انا راني متلمسان كان السيام بعيد علينا بواحد 3ه كيلو واللي قريت فيه انا كان بعيد علي ب 5 كيلو يعني كي نمشوا الصباح يدونا نقعدوا في المؤسسه حتى الحشيه يعاود يولي النقل المدرسي واحد الوقت ما كانش كاينين السنين اللي قرينا حنايا ما كانوش كان قليل خليني نقول قليل خش انا السيام كان قليل بصح في الثانوي المط المطاعم المدرسيه كانت متوفره وخيره مولانا في الصيام نحصي انا كي قريت العام الاول تاع السيام والزوج والثالث كانت المطاعم المدرسيه ماكايناش قليله كنا ندوا معنا الماكله والاغلب ذاك الوقت كانوا يمدونا والدينا 1000 ميل 12 دميل 1000 دليل كان تجيب لينا كرانتيكا 1000 كان تجيب لك كرانتيكه لها تتباع دروك سميل كانت تبارك الله تجيب لينا انا من صغري كان كنت نقرا كان ميا خويا انا من صغري خويا يدي ويزيد وانا من صغري ندي ونشير الا ديت ماكله ناكل شويه ونمد لخويا نزيده ياكل حقه ونزيده ماشي زعما يقطع علي ولا انا سبحان الله نفسي كانت ك هكا من صغري يعطوني 2يل ولا يعطوني 1000 نشري 100 دورو ونخلي 100 دورو يعطوني 2يل نشري 1000 ونخلي 1000 سبحان الله حياتي كانت ما هاك شفتوا كان كان باك ما يلقاش ما يلقاش يمد لي انا خش يعرفني باللي انا نشيط ويعرفني باللي انا نوكل خويا يعرف باللي لو كان يمد مالغري كان خويا هو اللي كبير علي انا الصغيره كان يعرف باللي لو كان يمد خويا قادر ما يوكلنيش بصح كيمدلي انا نوكل خويا كنت صغيره وكان دائما يقول لهم هذه ما نخافش عليها كي وصلت انايا جاتني الازمه الازمه اللي روحوا نقول لكم لقيت لقيت واحد لي فيديوهات متسيبريميين من راني كنت دارت لكم واحد الفيديو حكيت لكم فيه والله يا البنات ما عرفتش بنتي اسكو كانت تلعب بالتليفون كان عندهم التليفون تلاقيت خمسويات متسيبريمين من القناه على بالكم واحد الاخت قالت لي الفيديو نتاعك كي بديت نحوس لقيت خمسديويات ماشي اليوم مازال نعاود معكم شي قصص نعاودها معكم باش تتحفزوا انا فتت في الفقر اع الفقر اع الفقر اع الفقر الفقر المتقع بصح ما تغبنتش تزيرت علي الحاجه بصح كي كنت انا مجربه نعرف نتصرف تصرفت انا كنت سامي نوكل ولادي دروك كان تقولي لها الساميل توكليش فايت غير هنا عوام عامين ما تلحقش كاع ما تلحقش ما تلحقش عام وشي حاجه كاع تقولي لها مساميل توكلي ولادك تقوللك انت هبيله مريضه مسك علاه ما تعلمتوش تضخ اخر وما تعلمتوش تقسموا الميزانيه وتعلمته غير اللي يجيبه النهار ياكله الليل وغير يشري شري شري شري غير الاستهلاك غير الاستهلاك ما تعرفوش كاع حاجه اسموها الادخار حاجه اجباريه خصكم خصكم تتعلموا الادخار انتما ووليداتكم شوفوا خصكم تتعلموا التوازن نتاع من نداخر ما نحرمش راسي كاع كاع نقعد ما على باليش تولي في البخل راها كاينه حاجه يسموها البخل كاين الادخار وكاين البخل ما تدخلوش في حاجه البخل راه ما يبغيها لا ربي لاعب في الادخار لا تفريط ولا افراط لا افراط ولا تفريط صايي وديروا اهداف تحدوا اهدافكم علاش راني باغيه نلمد علاش راني باغيه ندخر علاش ليش راني باغيه نلمد هذ الدراهم باش نصرفهم في حاجه اخرى درك احنا الحاجه اللي ساهله فينا باش نصرفوا الدراهم ساهله اعطيني دروك 100 مليون نخرج دروك اقسم بالله من 10 نصرفها 100 مليون تعطيه لي في يدي نصرفها وساهله ماهله باش نصرفها بصح 100 مليون باش نلمدها صعيبه ولا ماشي صعيبه صعيبه درك الصريف ساهل بصح باش تلم تلمدي هي اللي تجي صعيبه ودائما راني نوصيكم خلوا ظنكم بربي سبحانه كبير احسن الظن بالله ما تقعدوش تقولوا لي ديك النهارات وحده كي كنا ندير الادخار تاع شراء قطع الذهب قالت لي وانت غادي تشري غادي تشري سكنه من هذا الذهب تاع 2ج ملايين و 3 ملايين ان شاء الله وباذن الله مننا سنين نفكرك بها يا بنيتي غادي نشري باذن الواحد الاحد سكنه من الادخار نتاع قطع الذهب تاع 3 ملايين و 4 ملاين وخ ملاين انت حيه وانا حيه الله يطول لي في عمري ونتلاقاو منا سنين باذن الله باذن الله درك هذه هي الغلطه خلوا حسن الظن بربي سبحانه ربي ر خزائن نتاعه لا تفرق ما تخواش خزائن مولانا كي تدعو ربي ما تقوللهش يا ربي بغيت لك غير استوديو يا ربي بغيتك تعطيني سكنه شابه زينه متوله هذا رب كريم كن فيكن في رمشه عين يمدلك انت مجمعه في دارك يطبطب عليك اللي يمدلك يجيبه لك ربي سبحانه استغفروا كثروا الاستغفار خلوا حسن الظن بربي سبحانه وصدقوا كاين اللي تقول لك انا ما عنديش حى باش ناكل باش نصدق يا اختي حطي اميها للطيور تعرفي الصدقه تاع الماء ش اجرها ديري راه الصيف الطيور مساكين راهم يجوعوا راهم يعطشوا بردي الماء كل ساعتين بردي ميها وحطيها لهم حطي شويه طعام حطي شويه روز حطي شويه حبوب حطي شويه كسره للطيور جيتي خارجه تيبانه خبز جوج ثلاثه ميل ما تشدكش تصدقيها تحطيها عند المخبزه قول له مدها للناس في سبيل الله خبزات قرعه ما قلصيها وخرجي تلقي انسان خدام برا تلقي قي ناس من ذوك الزواوله اللي يعيشوا برا مدي له قرعه ما مقلصه يرحم عليك الدنيا وما فيها الصدقه تامنوني راها شوفوا سبحان الله كل ما مديتوا ربي يزيد يزيد يزيد لكم في رزقكم تعلموا تعلموا ما تقعدوش عايشين في واحد البوان تاع الغرقه لا نداخر انا انا في عوض ما نشوفوا شوفوا ما تشوفوش اللي فوقكم ما نشوفش انا راه عندي ما انا طلامطي تاع المطارح عندي ثلاث سنين اثنين نغسلهم نقيهم عندي وحدين انا ما نمشيش نشوف عند وحده كل سمانه ندخل لدارها نلقاها دايره طلامط مغلفه المطارح بحاجه جديده حى انا خصنيكل لا نشوف اللي تحتي انا را عندي مطارح وراني ملمطتهم راني مغطيتهم انا اللي تحتي را عندها الحوف ومالاقياش وكاين اللي ماراهاش لاقيه الحوف كاين انا نعرف واحده شخصيا ماراهاش لاقيه الحوف باش تفرجوا شفتوا مشي نشوف انا هذيك يا هذك تعرفي راها كل يومين خارجه بالجلابه ولبسه والله الله عليها انا ما نشوفش هذيك انا عندي جلاليبي زوج ولا ثلاثه تبارك الله نقيين نغسلهم عندي عباياتي اللي نخرج فيهم زينين ثلاثه ولا نشوف في ديك اللي راها تخرج في عبايه مقطعه طايبه شايبه لايبه وما عندهاش باش تبدل انا ماشي نحرم راسي وين ندخل في البخل نقعد نتمشى بحاجه مقطعه عندك اختي ما عندكش الجلابه روحي شري ما عندكيش باش تنقي دارك وتغلفيها وعندك باش تشري دراهم باش تشري الحوف ولا باشري روحي شري حاجه لدويرتك زينه بصح ما نقعدش غري غير استهلاك شري شري شري وصدقوني بالادخار توصلوا لواحد المواصل كبيره الادخار والاستثمار الادخار والاستثمار وطرق الاستثمار بزاف غادي ندير معكم شحال من طريقه تاع الاستثمار وقلتها لكم انجح انجح انجح انجح طريقه للاستثمار ساهله ماهله ما تصدعي راسك ما والو قطع ذهب مستعمل ومازال نهضروا على بزاف طرق الاستثمار نتمنى ان شاء الله تكونوا فهمتوا ولا درتوا القلب غي غ غير دير لي القلب 50% وبداو ما تنساولي جيم للفيديو ونفس هذا الدرس غادي نديره في القناه تاع قاعده نسويه نافعه على اللي يقولوا لها السكتي لا ماخصكش تردي لا هذاك كبير عليك لا هذاك منا يقولوا عليك بنت فاميلي يقول عليك مش مربيه تهضري صحه مربيه دمتم في رعايه الله وحفظه مع السلامه ‏M.